Chapter 505

śrīlakṣmīruvāca |
nārāyaṇa parabrahma bhagavan karuṇānidhe |
dhyātvā rūpaṃ tava bhaktā bhuktiṃ muktiṃ prayānti ca || 1 ||
[Analyze grammar]

sanatkumāraḥ sanakaḥ sanandaśca sanātanaḥ |
sanatsujātaḥ pañcaite tvatsamā bhuktimuktidāḥ || 2 ||
[Analyze grammar]

vaiṣṇavānāmagraṇīśca śaṃkaro lomaśastathā |
mārkaṇḍeyo yājñavalkyo dharmaḥ śeṣo vṛṣastathā || 3 ||
[Analyze grammar]

vedāśca vaiṣṇavā nityā balirbāṇo vibhīṣaṇaḥ |
hanumān jāmbavānaśvatthāmā prahlāda āsuriḥ || 4 ||
[Analyze grammar]

voḍhuḥ pañcaśikho divodāsastathā'mbarīṣakaḥ |
uddhavaśca śaśī sūryo'nilaścāpi hutāśanaḥ || 5 ||
[Analyze grammar]

ete bhaktāstava nityaṃ tvājñāvahāḥ sutāstava |
tava dhyānaṃ sadā kṛtvā ciraṃ tiṣṭhanti jīvinaḥ || 6 ||
[Analyze grammar]

śaṃkaraśca tava putraḥ kathaṃ pañcaśirā hyasau |
tvatsvarūpādvibhinnaśca kimatra kāraṇaṃ vada || 7 ||
[Analyze grammar]

ekamastakadevasya pañcamastakaputrakaḥ |
tadidaṃ mahadāścaryaṃ saṃśayaṃ me nirāsaya || 8 ||
[Analyze grammar]

śrīnārāyaṇa uvāca |
pūrvaṃ bhagavatā'jena kṛtvā sṛṣṭiṃ tu vistṛtām |
caturvidhāṃ bahukālaṃ naranārīmayīṃ śubhām || 9 ||
[Analyze grammar]

tataḥ sa cintayāmāsa nārīrūpāṇi sarvaśaḥ |
mohasthānāni ramyāṇi kṛtānyapi tato'pi ca || 10 ||
[Analyze grammar]

nārīṇāmapi yatra syānmohastādṛśaputtalīm |
racayāmīti saṃkalpya rūpasañcayasaṃyutām || 11 ||
[Analyze grammar]

ekāmapsarasaṃ divyāṃ devībhyo'pi ca taijasīm |
sarveṣāṃ dyusadāṃ tejaḥ samādāya tilaṃ tilam || 12 ||
[Analyze grammar]

rūparūpātirūpāḍhyāṃ camatkṛtiṃ sa nirmame |
yāṃ dṛṣṭvā kṣobhamāpannaḥ svayameva pitāmahaḥ || 13 ||
[Analyze grammar]

tatastāṃ preṣayāmāsa yoginaḥ śaṃkarasya vai |
dhairyasya samparīkṣārthaṃ sā'pi kailāsamāyayau || 14 ||
[Analyze grammar]

apaśyacchaṃkaraṃ kṛṣṇadhyānamagnaṃ ca nirjane |
nityaṃ tatra sthitā bhaktā yathā dhyānakarī satī || 15 ||
[Analyze grammar]

samīpasthā kṛṣṇanārāyaṇajāpaṃ cakāra sā |
tasyā dehāt koṭicandratulyaṃ miṣṭaṃ ca śītalam || 16 ||
[Analyze grammar]

kānakaṃ prasasārograṃ tejomaṇḍalamadbhutam |
tattejo vartulākāraṃ gatvā śaṃkarapakṣmaṇoḥ || 17 ||
[Analyze grammar]

lagnaṃ prakāśarūpaṃ ca netrāntaḥ praviveśa ha |
raśmidvārāgataṃ cāntarhṛdayaṃ yatra yogirāṭ || 18 ||
[Analyze grammar]

tiṣṭhatyātmani cātmānaṃ saṃyujya tejasāṃ khanau |
tatra śaṃbhuśca tattejo dadarśa kamanīyakam || 19 ||
[Analyze grammar]

dvedhā vṛttiḥ samādhau ca jātā satyā mṛṣā samā |
mṛṣāṃ lokayituṃ cehā babhūva śaṃkarasya vai || 20 ||
[Analyze grammar]

satyāṃ visṛjya cāyāto bahiḥ kimiti kautukāt |
netramuddhāṭya ca yāvat puraḥ paśyati sundarīm || 21 ||
[Analyze grammar]

visasmāra satīṃ mūrtiṃ vismayaṃ paramaṃ gataḥ |
vṛttyā tallīnayā jñātvā mugdhaṃ darśanalālasam || 22 ||
[Analyze grammar]

sāpi tṛtīyanetrasyodghāṭane bhasmatābhayāt |
mugdhaṃ vilokayantaṃ taṃ hitvā pūrvasthalīṃ tataḥ || 23 ||
[Analyze grammar]

pradakṣiṇāyā vyājena sā praṇamya kṛtāṃjaliḥ |
dakṣiṇaṃ sā gatā pārśvaṃ śaṃbhuniścalamastakaḥ || 24 ||
[Analyze grammar]

draṣṭukāmaśca tāṃ hṛdā samīyeṣā'tirāgataḥ |
tāvadvai dakṣiṇaṃ vaktraṃ nirgataṃ tatkṣaṇaṃ śubham || 25 ||
[Analyze grammar]

atha sā bhayasampannā yayau paścimatodiśam |
śaṃbhustasyāḥ svarūpākṛṣṭāntarbhāvo'pi paścimam || 26 ||
[Analyze grammar]

vadanaṃ tṛtīyaṃ cakre darśanārthaṃ navaṃ śubham |
atha sā bhayamāpannottarabhāgaṃ gatā tataḥ || 27 ||
[Analyze grammar]

tāṃ draṣṭuṃ cottaraṃ vaktraṃ nirmāya sā dadarśa tām |
athā''kāśe gatā sā ca tāṃ draṣṭuṃ pañcamaṃ śiraḥ || 28 ||
[Analyze grammar]

vyomagaṃ śaṃkarastatra cakāra ca dadarśa tām |
jahāsa ca mudhā premṇā rūpalīno babhūva ha || 21 ||
[Analyze grammar]

grīvāṃ na cālayāmāsa yogābhyāsabalānvitaḥ |
etasminnantare devo nāradaḥ pārvatīṃ prati || 30 ||
[Analyze grammar]

sarvaṃ nivedayāmāsa prāha śaṃkaraceṣṭitam |
dṛṣṭvā rūpavatīṃ nārīṃ kṛtavān sa navaṃ navam || 31 ||
[Analyze grammar]

mukhaṃ tenā'bhavad vaktrapañcaka śaṃkarasya vai |
ahaṃ jānāmi nāstyanyā nārī tvatsadṛśī kvacit || 32 ||
[Analyze grammar]

patiste ca kathaṃ mugdho hāsyāspado bhaviṣyati |
hāsyasya padavīṃ tvaṃ ca gamiṣyasyadya pārvati || 33 ||
[Analyze grammar]

yena kāmo bhasmarūpaḥ kṛto yogīśvaraḥ svayam |
sa cādya māyayā viṣṇormohaṃ yāto divaḥ striyām || 34 ||
[Analyze grammar]

sarvāsāṃ devapatnīnāṃ pūjyā tvaṃ tvatpatiśca saḥ |
taccittaṃ snigdhatāṃ yātaṃ devadāsyāṃ vilokaya || 35 ||
[Analyze grammar]

drāgeva tāṃ samādāya nijāṃke sthāpayiṣyati |
tava mūlyātparaṃ mūlyamapsarasaḥ kariṣyati || 36 ||
[Analyze grammar]

kuru śīghraṃ nirodhaṃ vai yāvadaṃke karoti na |
iti śrutvā nāradasya dṛṣṭvā pañcamukhaṃ patim || 37 ||
[Analyze grammar]

vikṛtaṃ taṃ samālokya netreṣu praviveśa sā |
sarvanetrāṇi vai śaṃbhoḥ rodhayāmāsa yoginī || 38 ||
[Analyze grammar]

etasminnantare sarvatejāṃsyapi hatāni ca |
andhakāramayaṃ sarvaṃ puṣpavantau vitejasau || 39 ||
[Analyze grammar]

pralayasya samutthānaṃ kālarātreḥ samāgamaḥ |
bhūkampāśca tadā jātā bhayabhītāśca dehinaḥ || 40 ||
[Analyze grammar]

evaṃ jāte sarvasṛṣṭikṣobhe nandyādayo gaṇāḥ |
sarve satīṃ namaskṛtya stutvā cāpi punaḥ punaḥ || 41 ||
[Analyze grammar]

muñca muñca suraśreṣṭhe śaṃbhornetrāṇi muñca vai |
paśyantu haranetrāṇi jagadāndhyaṃ prasarpatu || 42 ||
[Analyze grammar]

evamuktāpi sā devī na netrāṇi mumoca sā |
tāvaddhareṇa bhālasthaṃ visṛṣṭaṃ locanaṃ param || 43 ||
[Analyze grammar]

kṛpāviṣṭena lokānāṃ yena rakṣā prajāyate |
vārayituṃ na śakto'smi devīṃ prāṇagarīyasīm || 44 ||
[Analyze grammar]

atha devī tato netrayogaṃ vihāya susthirā |
harasya sannidhau tilottamāmuvāca vai ruṣā || 45 ||
[Analyze grammar]

yasmānme dayitaḥ pāpe tvayā rūpādviḍambitaḥ |
tasmāttvaṃ rūpahīnā ca śīrṇakeśā mahodarī || 46 ||
[Analyze grammar]

cipiṭākṣī bṛhaddantī bhava vai bhagnanāsikā |
atha jātā tatkṣaṇena tilottamā kurūpiṇī || 47 ||
[Analyze grammar]

tuṣṭāva pārvatīṃ kṛtāñjaliḥ kṣamāṃ yasma yācate |
nāsti me'trā'parādho vai dāsyā darśanayoṣitaḥ || 48 ||
[Analyze grammar]

devasya tava kiṃkaryāḥ prasādaṃ kartumarhasi |
pārvatī ca tadā prāha samāgaccha mayā saha || 49 ||
[Analyze grammar]

śaṃkarāt tvaṃ gṛhāṇātra mantraṃ pāpaharaṃ śubham |
oṃ namaḥ śrīkṛṣṇanārāyaṇāya pataye namaḥ || 50 ||
[Analyze grammar]

tato yāhi mayā sārdhaṃ tīrthaṃ śrīhāṭakeśvaram |
nāganadyāṃ rūpatīrthe snāhi śāpanivṛttaye || 51 ||
[Analyze grammar]

evaṃ mantraṃ gṛhītvā ca gṛhītvā tulasīsrajam |
nāgamatyāṃ yayau sasnau surūpā sā babhūva ha || 52 ||
[Analyze grammar]

pūrvamāsīd yathārūpā tathārūpā viśeṣataḥ |
babhūva pārvatī natvā yayau satye pitāmaham || 53 ||
[Analyze grammar]

sarvaṃ nivedayāmāsa pañcavaktrādirohaṇam |
brahmā prāha pratisṛṣṭiṃ tathā bhavati putrike || 54 ||
[Analyze grammar]

tvāṃ nimittaṃ samāsādya haraḥ pañcamukho muhuḥ |
jāyate ca tava kīrtiḥ sadā loke bhaviṣyati || 55 ||
[Analyze grammar]

ityuktvā tāṃ dadāvāśīrvādān sṛṣṭau sthirā bhava |
devakāryakarī satyaloke vāsakarī bhava || 56 ||
[Analyze grammar]

iti śrīlakṣmīnārāṇīyasahitāyāṃ prathame kṛtayugasantāne tilottamānimittena śaṃkarasya pañcamukhavattā tilottamāyāḥ pārvatīśāpaḥ nāgavatyā snānena śāpanivṛttirityādinirūpaṇanāmā pañcādhikapañcaśatatamo'dhyāyaḥ || 505 ||
[Analyze grammar]