Chapter 462

śrīnārāyaṇa uvāca |
śṛṇu lakṣmi bhaviṣyatkālikīṃ kathāṃ vadāmi te |
sahitā bhagavatproktā brūte traikālikīṃ kathām || 1 ||
[Analyze grammar]

bhagavadgocaraṃ sarvaṃ yathārthaṃ cā'pyabādhitam |
kalpe kalpe vibhinnā ca kācit sajātisadṛśī || 2 ||
[Analyze grammar]

kathā saṃjāyate viṣṇormama te cāpi sundari |
ākarṇaya priye lakṣmi pañcavaktro haraḥ svayam || 3 ||
[Analyze grammar]

pṛthivyāṃ pañcadhā bhūtvā yajñe saṃhārakṛcchivaḥ |
umāpi ca jagaddhātrī drupadasya mahībhujaḥ || 4 ||
[Analyze grammar]

yajato vahnikuṇḍāt sā prādurāsa sukanyakā |
pañcāpi pāṇḍutanayāḥ sākṣādindrasvarūpiṇaḥ || 5 ||
[Analyze grammar]

avateruriha svargāt kṣiterbhārā'panuttaye |
saṃjajñe śrīkṛṣṇanārāyaṇo'pi tatsahāyakṛt || 6 ||
[Analyze grammar]

sampadvipadbhramāvartā naisargikā jagadbhuvi |
jagadbhuvāṃ prajāyante hyudayā'nudayādayaḥ || 7 ||
[Analyze grammar]

kadācitte mahāvīrā bhrātṛvyaiḥ samayojitām |
vanavāsiprathārītiṃ śiśriyire vipatsamām || 8 ||
[Analyze grammar]

pañcālaputrī sā devī yayau vanasthalīṃ tu taiḥ |
bhaktā pativratā sādhvī pūjayatyeva tān sadā || 9 ||
[Analyze grammar]

patibhaktā satī sādhvī kṛṣṇabhaktā hareḥ sakhī |
indrapatnī tāpasī sā''rādhayāmāsa bhāskaram || 10 ||
[Analyze grammar]

brahmacaryaparā vanyāhārā saṃsevya tānpatīn |
śeṣakāle hyaniruddhya sūryadhyānaparā'bhavat || 11 ||
[Analyze grammar]

dhyātvā cānakhakeśāntaṃ samāvāhyā'rkapādape |
bahuvastupradānena pūjayatyeva bhāvataḥ || 12 ||
[Analyze grammar]

jalaṃ puṣpaṃ dalaṃ vanyaṃ phalaṃ bhojyaṃ sugandhikam |
nīrājanaṃ pradīpaṃ ca bhaktyā'rpayati sā satī || 13 ||
[Analyze grammar]

namanaṃ smaraṇaṃ stotraṃ pradakṣiṇaṃ kṣamāpanam |
puṣpāñjaliṃ parihāraṃ sā karoti pativratā || 14 ||
[Analyze grammar]

ārādhito'tha savitā dadau svadarśanaṃ raviḥ |
uvāca tāṃ mahādevīṃ vada kiṃ te'styabhīpsitam || 15 ||
[Analyze grammar]

ahaṃ sūryaḥ kuṣṇatanustvaṃ kṛṣṇā yajñasaṃbhavā |
tanvoraikyaṃ vijānāmi yanmadīyaṃ tavāpi tat || 16 ||
[Analyze grammar]

draupadī prāha deveśa vane vai sādhanaṃ vinā |
bahūnāṃ bhojanādyaṃ ca paryāptaṃ naiva pāryate || 17 ||
[Analyze grammar]

sahasrāṇāmatithīnāmāgamo bhavati kvacit |
śrutvā hi pāṇḍavānāṃ tu vanavāsaṃ vane rave || 18 ||
[Analyze grammar]

tadā teṣāṃ kṛte yogyaṃ yathāpūrṇā tu satkṛtiḥ |
jāyeta bhagavaṃstadvai dehi nirvyādhikaṃ dhanam || 19 ||
[Analyze grammar]

pātivratyaṃ patikīrtiryathā na syāttu nimnagā |
tathā sahāyatāṃ dehi vanavāsakṛte'rthadām || 20 ||
[Analyze grammar]

āsanaṃ ca jalaṃ vanyaphalānnaṃ madhurā ca vāk |
netrasnehastvatithīnāṃ prasādasya prayojakāḥ || 21 ||
[Analyze grammar]

āśīrvādāḥ prajāyante prasannahṛdayotthitāḥ |
dūyamānahṛdutthāstu śāpā bhasmakarā matāḥ || 22 ||
[Analyze grammar]

patisevā vane lābhaḥ paramo me'tra vartate |
patitulyā'tithisevā'nnādyaiḥ saṃśayitā prabho || 23 ||
[Analyze grammar]

iti śrutvā tu pāñcālyāḥ prasanno bhāskaraḥ prabhuḥ |
sadarvīṃ sapidhānāṃ ca sthālikāmakṣayāṃ dadau || 24 ||
[Analyze grammar]

uvāca sa prasannātmā svātmikāṃ tāṃ satīṃ tanum |
sthālyaitayā mahāpuṇye yāvanto'nnārthino janāḥ || 25 ||
[Analyze grammar]

tāvantastṛptimāpsyanti yāvacca tvaṃ na bhokṣyase |
bhuktāyāṃ tvayi riktaiṣā pūrṇabhaktā bhaviṣyati || 26 ||
[Analyze grammar]

rasavadvyañjananidhiricchābhakṣyapradāyinī |
yāvadvane nivāsaste tāvat sthāsyati te vaśe || 27 ||
[Analyze grammar]

prasevaya patīn nityaṃ lakṣaśo vanavāsinaḥ |
puṇyamarjaya deveśi sarvaṃ bhadraṃ sadā'stu te || 28 ||
[Analyze grammar]

tvaṃ lakṣmīstvaṃ satī śrīśca tvaṃ prabhā tvaṃ ca māṇikī |
tvaṃ pārvatī jayā rādhā ramā padmā ca mohinī || 29 ||
[Analyze grammar]

padmāvatī ca rudrāṇī campā tvaṃ śāradā śivā |
tulasī tvaṃ mahālakṣmīrvṛndā sītā ca rukmiṇī || 30 ||
[Analyze grammar]

tvaṃ na jānāsi deveśi mānuṣalīlayā'nvitā |
jānāmyahaṃ sati tvāṃ vai kṛṣṇakāntā'si sarvathā || 31 ||
[Analyze grammar]

nararūpo'rjunaste 3 patiḥ kṛṣṇārdhakastava |
kṛṣṇe pativrataṃ te'sti kṛṣṇā tvaṃ kṛṣṇakāminī || 32 ||
[Analyze grammar]

tvāmekāṃ nimittīkṛtya pañcavīrairvasundharām |
kṛṣṇo nirdaityabhārā vai kartumicchati yajñaje || 33 ||
[Analyze grammar]

tvatsvarūpaṃ mama pātre cobhe tvakṣayapūrtide |
tvataḥ sarvāḥ kalāḥ satyo mama pātrāttu sanmakhāḥ || 34 ||
[Analyze grammar]

bhavantyeva bhaviṣyanti kṛṣṇanārāyaṇāśritāḥ |
nahi kṛṣṇavacaḥkartrī tvādṛśī komalā satī || 35 ||
[Analyze grammar]

sāttvikī kṣamayā vyāptā vinā lakṣmīṃ bhaviṣyati |
kṛṣṇavacastadevāsti vrataṃ pativrataṃ tava || 36 ||
[Analyze grammar]

dharmādharmau kṛṣṇavākye bandhamokṣāvapi prabhau |
sukhaduḥkhe kṛṣṇamūrtau pāṇḍavāḥ kṛṣṇamūrtayaḥ || 37 ||
[Analyze grammar]

mātaste'stu sadā svasti mā duḥkhaṃ vanavāsakṛt |
manyethāḥ sukharūpā'si smara kaṣṭe hariṃ ca mām || 38 ||
[Analyze grammar]

kariṣye sevanaṃ kāle dāsye sāhāyyamityapi |
mahatīnāṃ bhavetkaṣṭaṃ kṣudrīṇāṃ kiṃ bhavet satī || 39 ||
[Analyze grammar]

khaḍgadhārasahā rājyaṃ kurvanti kṣatriyā bhuvi |
nahi śṛgālatulyānāṃ kṣetraṃ svalpaṃ svakaṃ bhavet || 40 ||
[Analyze grammar]

agnikaṣṭaṃ saheta yā sā'gnivarcaskabhūṣaṇā |
bhavatyeva hi sā'gnestu jāyā koṭyarkavarcalā || 41 ||
[Analyze grammar]

nahi bhekī siṃhapatnī nahi kākī prahaṃsikā |
nahi dāsī rājapatnī na raṃkā dhanadādhipā || 42 ||
[Analyze grammar]

tvayā sarvaṃ jagat smṛddhaṃ tvāṃ vinā niṣprabhāyate |
draupadi smara govindaṃ hṛtsthaṃ svāmisthitaṃ ca tam || 43 ||
[Analyze grammar]

ityuktvā prayayau sūryo natvā tāṃ sa tayā nataḥ |
draupadī vanamadhye saṃsevate śrīhariṃ patīn || 44 ||
[Analyze grammar]

dhārtarāṣṭreṇa durvāsā ayutaśiṣyasevitaḥ |
preṣitaḥ pāṇḍavānāṃ tu vināśamiṣahetave || 45 ||
[Analyze grammar]

ātithyabhojanaṃ na syādayutānāṃ tataḥ ṛṣiḥ |
praśapsyati pāṇḍavāṃśca nāśameṣyanti te tataḥ || 46 ||
[Analyze grammar]

ityabhipretya vihito durvāsāstadvanaṃ yayau |
pāṇḍubhiḥ satkṛtaścāpi bhojanārthaṃ niveditaḥ || 47 ||
[Analyze grammar]

snānārthaṃ sa yayau yāvat sūryapātraṃ tu tattadā |
prakṣālya sthāpitaṃ satyā naiva dāsyati bhojanam || 48 ||
[Analyze grammar]

niyamottarakāle tu kṣīṇamannaṃ na vardhayet |
vinā'nnaṃ ṛṣirāṭ kruddhaḥ praśapsyati dhruvaṃ yataḥ || 49 ||
[Analyze grammar]

tadā satyā smṛtaḥ kṛṣṇaḥ kṛṣṇapriyayā yoṣitā |
divyarūpaḥ svayaṃ kṛṣṇaḥ samāyātaḥ kṛpālayaḥ || 50 ||
[Analyze grammar]

vada devi smṛtaḥ kasmādāha kṛṣṇanarāyaṇaḥ |
satī prāhā'triputrasya bhojanaṃ kiṃ dadāmyaham || 51 ||
[Analyze grammar]

sarvaṃ riktaṃ tu saṃjātaṃ bhuktaṃ mayā'pi pātrakam |
prakṣālya rakṣitaṃ sthāne nāstyannaṃ kṛṣṇa mādhava || 52 ||
[Analyze grammar]

kṛṣṇaḥ prāha sati pātraṃ samānaya vilokaye |
ānītaṃ tatra pārśve saṃlagnaṃ tāndūlapatrakam || 53 ||
[Analyze grammar]

dṛṣṭaṃ kṛṣṇena tatpatraṃ nihitaṃ svamukhe tu tad |
priyatāṃ śrīviśvabhartā brahmāṇḍaṃ priyatāṃ tathā || 54 ||
[Analyze grammar]

ityuktvā bhagavān kṛṣṇaścakhāda taddalaṃ śubham |
papau jalaṃ tataścakre samudgāraṃ punaḥ punaḥ || 55 ||
[Analyze grammar]

aho tṛptistu me jātā trailokyaṃ tṛptameva ca |
durvāsāstadayutaṃ ca śiṣyāṇāṃ tṛptameva ca || 56 ||
[Analyze grammar]

udarāṇi prapūrṇāni jātānyeva hareḥ kṛteḥ |
yasya gehe harirbhuṃkte tasya bhuṃkte jagattrayam || 57 ||
[Analyze grammar]

yasya gehe haristṛptastasyāstṛptaṃ jagattrayam |
durvāsāḥ śiṣyasahito bhayaṃ prāpto'ti tṛptimān || 58 ||
[Analyze grammar]

kiṃ bhavenneva bhokṣyāmastadā śaptāstu yoṣitā |
vinaṃkṣyāmastatastatra gantavyameva no tvitaḥ || 59 ||
[Analyze grammar]

iti vicintya sahasā snānasthānād yayurdrutam |
palāyanaparāḥ sarve śiṣyāśca krodhano muniḥ || 60 ||
[Analyze grammar]

pāṇḍavāścā'bhavan svasthā draupadyapi vicintanā |
kṛṣṇaśca sevitaḥ sarvaiḥ rakṣākaraharirvane || 61 ||
[Analyze grammar]

yadā''pat syāt susmartavya ityuktvā prayayau prabhuḥ |
eṣa pativratādharmaḥ kṛṣṇapatyātmakaḥ sati || 62 ||
[Analyze grammar]

sarvā vāñchanti subhagaṃ surūpaṃ yauvanānvitam |
dhanāḍhyaṃ smṛddhamaiśvaryānvitaṃ kīrtikaraṃ patim || 63 ||
[Analyze grammar]

tādṛśaṃ kṛṣṇamāsādya kā na seveta kiṃkarī |
kā na kuryāt svīyajanmasāphalyaṃ vai pativratā || 64 ||
[Analyze grammar]

devyo gāndharvya āsuryo nāgapatnyo munipriyāḥ |
vallyo nadyaḥ kṣamādyāśca kṣmādyāśca kinnarastriyaḥ || 65 ||
[Analyze grammar]

mānavyaśca kiṃpuṃpatnyo vidyādharyastathā'parāḥ |
yā yā mumuhuḥ kṛṣṇe tāḥ sarvāḥ prāpuḥ paraṃ padam || 66 ||
[Analyze grammar]

tāsāṃ sukhakaraḥ kṛṣṇo loke jāyate janmanā |
janma karma ca divyaṃ tad dṛśyate na vidhīyate || 67 ||
[Analyze grammar]

śrīharerharikṛṣṇasya kṛṣṇanārāyaṇasya vai |
rādhādīnāṃ ramādīnāṃ janmāni yonijāni na || 68 ||
[Analyze grammar]

yadā yadā svayaṃ kṛṣṇaścāvataritumicchati |
dadātyājñāṃ vāyudevaṃ vasa garbhapuṭe sthiraḥ || 69 ||
[Analyze grammar]

yathā dṛśyaṃ bhavenmātrudaraṃ garbhayutaṃ śubham |
navamāsān sthiro bhūtvā daśame māsi cāgate || 70 ||
[Analyze grammar]

janmakāle tvayā garbhānniḥsaraṇīyaṃ bālavat |
ahaṃ tadā'patyarūpaṃ bālakaṃ māṃ vidhāya ca || 71 ||
[Analyze grammar]

patiṣyāmi bhuvo bhāge jānīyurmāṃ hi janmitam |
ayonijaṃ mama janma tathā bhavati sarvathā || 72 ||
[Analyze grammar]

sarveṣāmavatārāṇāmayonijaṃ janurmama |
rādhālakṣmīramāpadmāśrīprabhākāntiśāradāḥ || 73 ||
[Analyze grammar]

māṇikīpārvatīdurgāsarasvatīsatījayāḥ |
padmāvatīlalitākambharādyāstā ayonijāḥ || 74 ||
[Analyze grammar]

yadā yadā hi jāyante vāyurgarbhe pratiṣṭhati |
daśame māsi cāyāte prāpte kāle'nilaḥ svayam || 75 ||
[Analyze grammar]

kṣaṇaṃ bālasvarūpo vai bhūtvā yonerbahistataḥ |
āyātyeva tadā devyo bhavanti bālikātmikāḥ || 76 ||
[Analyze grammar]

anye yathā na jānīyustathā bālā bhavanti tāḥ |
kathayanti janā ajñā yonijā iti tāstadā || 77 ||
[Analyze grammar]

divyadṛṣṭiparāstāstu paśyantyayonibālikāḥ |
idaṃ divyajanustasya kṛṣṇasya tasya yoṣitām || 78 ||
[Analyze grammar]

saṃkalpasṛṣṭivat sṛṣṭiḥ kṛṣṇanārāyaṇasya vai |
kāmo vīryaṃ ratirgarbhaḥ sarvaṃ darśanamātrakam || 79 ||
[Analyze grammar]

lokavattu tasya līlāṃ kaivalyaṃ cāpi lokavat |
lokāḥ paśyanti devāstu devavad divyacakṣuṣaḥ || 80 ||
[Analyze grammar]

īśvarā īśavattadvai muktāḥ paśyanti muktavat |
svaḥ vilokayati svīyaṃ svavacchrīpuruṣottamaḥ || 81 ||
[Analyze grammar]

tasmāt sarvāḥ kriyāḥ kṛṣṇe divyā divyatvadāyikāḥ |
itidharmān kṛṣṇadharmān kṛṣṇapatiparāyaṇān || 82 ||
[Analyze grammar]

patirūpān kṛṣṇabhaktān saṃprāpya ca pativratāḥ |
svargaṃ mokṣaṃ vṛṣaṃ kāmaṃ cārthaṃ samarjayanti tāḥ || 83 ||
[Analyze grammar]

putraṃ putrīṃ sukhaṃ divyānandaṃ samarjayanti tāḥ |
kṛṣṇārthaṃ sarvamevāpi kṛtvā'rcayanti mādhavam || 84 ||
[Analyze grammar]

kṛṣṇavrataṃ sadā kṛtvā saṃsevya patimādhavam |
dehaṃ svaṃ patisātkṛtvā cāpnuvanti hareḥ padam || 85 ||
[Analyze grammar]

kiṃ vaktavyaṃ priye lakṣmi jānātyevedṛśaṃ vratam |
madvrataṃ tvadvrataṃ sarvaṃ śubhaṃ dāmpatyadharmakam || 86 ||
[Analyze grammar]

nirguṇaṃ ca paranirvāṇadaṃ matpadanāyakam |
śreṣṭhācchreṣṭhataraṃ tubhyaṃ kathitaṃ matpriye sati || 87 ||
[Analyze grammar]

yā kāpi nīcagā coccakulajā vā tu bhāminī |
madratirmatkṛtaprāṇā madarthārpitajīvanā || 88 ||
[Analyze grammar]

mayoktabhāvasaṃbhinnā sevate māṃ pativratā |
harivratā ca sā tvante prāpsyatyeva pativratā || 89 ||
[Analyze grammar]

asyā'dhyāyasya saṃśrotrī kartrī darśitasadvidheḥ |
arcayitrī ca me nityaṃ prāpsyatyeva satī hi mām || 90 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne draupadyāḥ satītvena pātivratyabalena vane'bhojanakālāgatasaśiṣyadurvāsaso dropadyādirakṣaṇaṃ tāndūlapatrādanaṃ kṛṣṇakṛtamiti nirūpaṇanāmā dvāṣaṣṭyadhikacatuśśatatamo'dhyāyaḥ || 462 ||
[Analyze grammar]