Chapter 451

śrīnārāyaṇa uvāca |
śṛṇu lakṣmi pravakṣyāmi śabaryāstu pativratam |
camatkārabharaṃ sarvaṃ patyarthaṃ kiṃ na jāyate || 1 ||
[Analyze grammar]

yā satī sarvathā svāmisantoṣādiparāyaṇā |
jayatyeva sadā loke dharmo rakṣati rakṣitaḥ || 2 ||
[Analyze grammar]

āsīt pāñcālarājasya siṃhaketostu kiṃkaraḥ |
caṇḍakākhyastu śabaro yasya gehe pativratā || 3 ||
[Analyze grammar]

śabarī patibhaktā''sīt patiṃ matvā paraṃ prabhum |
patiṃ bheje sadā bhaktyā yathā santoṣamāpnuyāt || 4 ||
[Analyze grammar]

bhojanādau vihārādau vyavasāyādikarmasu |
kaiṃkarye vā gṛhakārye kleśaṃ naiva karoti sā || 9 ||
[Analyze grammar]

sarvadā suprasannā''ste smitānanā ca kiṃkarī |
śuṣkaṃ rūkṣaṃ paryuṣitaṃ snigdhaṃ miṣṭaṃ ca vātulam || 6 ||
[Analyze grammar]

tiktaṃ dagdhamapakvaṃ vā bharjitaṃ pācitaṃ ca vā |
saṃskṛtaṃ bāṣpitaṃ yadvā yādṛk tādṛg bhavedapi || 7 ||
[Analyze grammar]

śabaro na ruṣaṃ yāti śabarī na vidūyate |
śabaro nityamevā'syāḥ premapātraṃ suśāntidaḥ || 8 ||
[Analyze grammar]

śabarī svāmivaśagā datvā kāntāya khādati |
kāntaṃ viṣṇuṃ sadā matvā karoti sevanaṃ satī || 9 ||
[Analyze grammar]

śūdradharmaṃ puraskṛtya vartete dampatī sadā |
niṣkapaṭau śāṭyahīnau satyamārgaparāyaṇau || 10 ||
[Analyze grammar]

sādhūnāṃ sevakau nyāyamārgalabdhasujīvanau |
kaiṃkaryeṇa ca yallabdhamannādyaṃ tatra tuṣyataḥ || 11 ||
[Analyze grammar]

kārye prāpte śabaraśca pṛṣṭvā bhāryāṃ karoti tat |
śabaryapi patiṃ pṛṣṭvā kāryaṃ yogyaṃ karoti sā || 12 ||
[Analyze grammar]

yadyapi syātprāṇanāśaḥ pativākyaṃ na muñcati |
śabaro'pi niṣiddhaṃ yacchabaryā na karoti tat || 13 ||
[Analyze grammar]

śabaryapi niṣiddhaṃ yat svāminā na karoti tat |
yatra vai manasoraikyaṃ vaikuṇṭhaṃ svargameva tat || 14 ||
[Analyze grammar]

yatra satyaṃ niṣkāpaṭyaṃ parasparaṃ sumānanam |
tatra nārāyaṇaḥ kṛṣṇo viṣṇu śivaḥ śivā śriyāḥ || 15 ||
[Analyze grammar]

smṛddhayaśca śubho lābhaḥ siddhiḥ rakṣā nirāmayam |
ekadā siṃhaketuḥ saḥ kṣātradharmaṃ samāśritaḥ || 16 ||
[Analyze grammar]

jagāma mṛgayārthaṃ sabhṛtyo vanaṃ mṛgānvitam |
śabaraḥ sa vane jīrṇaṃ dadarśa devatālayam || 17 ||
[Analyze grammar]

tatra liṃgaṃ bhagnapīṭhe viyuktaṃ svalpamityapi |
dṛṣṭvā''dāya nṛpaṃ prāha paśyainaṃ ruciraṃ śivam || 18 ||
[Analyze grammar]

tamenaṃ pūjayiṣyāmi yathāvibhavamādarāt |
pūjārītiṃ mama brūhi prītaḥ syācchaṃkaro yathā || 19 ||
[Analyze grammar]

iti pṛṣṭho nṛpaḥ prāha prahasyainaṃ yathātatham |
kaṭhinaṃ pūjanaṃ tvasya tvayā tannahi pāryate || 20 ||
[Analyze grammar]

saṃkalpena sadā kuryādabhiṣekaṃ navā'mbhasā |
upaveśyā''sane śuddhe śubhairgandhā'kṣatairnavaiḥ || 21 ||
[Analyze grammar]

vanyaiḥ patraiśca kusumairdhūpairdīpaiśca pūjayet |
citābhasmopahāraṃ ca prathamaṃ parikalpayet || 22 ||
[Analyze grammar]

ātmopabhogyenānnena naivedyaṃ kalpayet sadā |
punaśca dhūpadīpādīnupacārānprakalpayet || 23 ||
[Analyze grammar]

nṛtyavāditragītādīn thathāvat parikalpayet |
namaskāraṃ prakuryācca prasādaṃ dhārayet tataḥ || 24 ||
[Analyze grammar]

eṣa sādhāraṇaḥ proktaḥ śivapūjāvidhistava |
citābhasmopahāreṇa sadyastuṣyati śaṃkaraḥ || 25 ||
[Analyze grammar]

namaḥ śivāya ca vadet pārvatīpataye namaḥ |
evamuccārayan devaṃ pūjayet sakuṭumbakaḥ || 26 ||
[Analyze grammar]

ityuktaścaṇḍako bhīlo mūrdhnā jagrāha tadvacaḥ |
atha svabhavanaṃ prāpya liṅgarūpaṃ sadāśivam || 27 ||
[Analyze grammar]

catuṣke pippalamūle saṃsthāpya vaidikopari |
pratyahaṃ pūjayāmāsa citābhasmopahārakṛt || 28 ||
[Analyze grammar]

yattvātmanaḥ priyaṃ vastu patnyāścāpi priyaṃ tu yat |
gandhapuṣpā'kṣatādyaṃ ca miṣṭānnaṃ kaṇameva vā || 29 ||
[Analyze grammar]

nivedya śaṃbhave nityamupāyuṃkta tataḥ svayam |
evaṃ sadāśivaṃ bhaktyā saha patnyā'bhyapūjayat || 30 ||
[Analyze grammar]

āśutoṣastutoṣā'smai dadau sukhaṃ dhanādikam |
annaṃ vastraṃ gṛhaṃ dravyaṃ gauśca dogdhrī yaśastathā || 31 ||
[Analyze grammar]

rājyataḥ prāpyate sarvaṃ vetanaṃ dāsyadharmataḥ |
satyādhāraṃ śivādhāraṃ sukhaṃ prāptaṃ kuṭumbinā || 32 ||
[Analyze grammar]

yathā yathā'bhavad bhīlaḥ sukhī sādhanavāṃstathā |
pūjanaṃ prākaronnityaṃ niyamenā'rhaṇaṃ muhuḥ || 33 ||
[Analyze grammar]

svayaṃ gatvā śmaśānādāvādāya śavabhasma saḥ |
śivasya pūjanaṃ cakre vṛṣṭyādāvapi nityadā || 34 ||
[Analyze grammar]

ekadā śivapūjāyai pravṛttaḥ śabarottamaḥ |
na dadarśa citābhasma pātre yad rakṣitaṃ ca tat || 35 ||
[Analyze grammar]

vṛṣṭyā rātrau jaladhārā pātre papāta chidrataḥ |
bhasma prakṣālitaṃ sarvaṃ pravāheṇa samaṃ gatam || 36 ||
[Analyze grammar]

iti vilokya riktaṃ tatpātraṃ yatra ca nā'ṇvapi |
bhasma lebhe tato dūraṃ śmaśānaṃ prayayāvapi || 37 ||
[Analyze grammar]

vṛṣṭyā prakṣālitatvāttu citābhūmermanāgapi |
bhasma lebhe na vai tatra paritaḥ saṃbhramannapi || 38 ||
[Analyze grammar]

tataḥ śrānto riktahasto gṛhamāgānnirāśakaḥ |
kiṃ karomi kva gacchāmi bhasmārtha cādya bhūtale || 39 ||
[Analyze grammar]

vṛṣṭiḥ sarvatra bahulā jātā prajāyate'tigā |
grāmāntare'pi sarvatra kṣālitā pherurāṭkṣitiḥ || 40 ||
[Analyze grammar]

bhasma prāpyeta naivādya pūjā jāyeta naiva ca |
bhojanādyaṃ tataḥ sarvaṃ bhavennādya tu me khalu || 41 ||
[Analyze grammar]

vṛṣṭervirāme saṃjāte kasyacinmaraṇottaram |
māsānte vā miled bhasma tadā nītvā haraṃ prabhum || 42 ||
[Analyze grammar]

pūjayiṣye tato bhakṣyaṃ gṛhīṣyāmi kuṭumbayuk |
itivicārya cāhūya patnīṃ bhīlo'bravīt priye || 43 ||
[Analyze grammar]

na prāpā'haṃ citābhasma kiṃ karomi vada priye |
harapūjāmahāvighnaṃ jātaṃ me tvadya dustaram || 44 ||
[Analyze grammar]

prāptavānna citābhasma vṛṣṭyā dhautaṃ śmaśānakam |
upāyaṃ nātra paśyāmi pūjopakaraṇārjane || 45 ||
[Analyze grammar]

pūjāṃ vinā kṣaṇārdhaṃ vā nā'haṃ jīvitumutsahe |
upavāsā bhaveyurme vinā bhasmaprapū'janam || 46 ||
[Analyze grammar]

itivyākulitaṃ dṛṣṭvā sā satī śabarāṃganā |
cintayāmāsa satataṃ śivena sukhino vayam || 47 ||
[Analyze grammar]

śivaḥ sukhapradolakṣmīprado mokṣapradastathā |
nahi śivasya bhaktānāmaśivaṃ saṃbhavet kvacit || 48 ||
[Analyze grammar]

śivārthaṃ kriyate yadyat tatsarvaṃ śivadaṃ bhavet |
dhanaṃ gṛhaṃ yaśo vastraṃ bhojanaṃ jalamityapi || 49 ||
[Analyze grammar]

śivārthaṃ kalpitaṃ sarvaṃ divyaṃ śivakaraṃ bhavet |
śivena sundaro dehaḥ pradattastena poṣitaḥ || 50 ||
[Analyze grammar]

patyarthaṃ ca śivārthaṃ me nārīdeho bhavecchubhaḥ |
ko lābhastatparaścātra yena mokṣo bhavenmama || 51 ||
[Analyze grammar]

evaṃ vicārya śabarī mā bhaiḥ kāntamuvāca ha |
idameva gṛhaṃ dagdhvā jīrṇakāṣṭhopabṛṃhitam || 52 ||
[Analyze grammar]

ahamagniṃ pravekṣyāmi citābhasma bhavet tataḥ |
pūjāṃ tena kuru kānta nārī kāryā'parā tvayā || 53 ||
[Analyze grammar]

ahaṃ prāpsye ca kailāsaṃ tava dehaviyojane |
netuṃ cāhaṃ tvāgamiṣye śaṃbhunā saha mā śucaḥ || 54 ||
[Analyze grammar]

priyāvākyaṃ samākarṇya śabarastāmuvāca ha |
dharmārthakāmamokṣāṇāṃ dehaḥ paramasādhanam || 55 ||
[Analyze grammar]

kathaṃ tyajasi taṃ dehaṃ sukhadaṃ navayauvanam |
adhunā tvanapatyā tvaṃ bhogayogyā punaḥ punaḥ || 56 ||
[Analyze grammar]

dṛḍhā puṣṭā baliṣṭhā ca kathaṃ dagdhumihecchasi |
śabarī prāha re kānta sāphalyaṃ jīvitasya me || 57 ||
[Analyze grammar]

prāṇatyajanaṃ patyarthe śivārthaṃ kimuta svayam |
kinnu taptaṃ tapo ghoraṃ kiṃ vā dattaṃ mayā purā || 58 ||
[Analyze grammar]

kiṃ vā'rcanaṃ kṛtaṃ śaṃbhoḥ pūrvajanmaśatāntare |
kiṃ vā puṇyaṃ mama pituḥ kā vā mātuḥ kṛtārthatā || 59 ||
[Analyze grammar]

yacchivārthe samiddhā'gnau tyajāmyetatkalevaram |
śabaryā me prāptakālo mokṣasyā'yaṃ pravartate || 60 ||
[Analyze grammar]

anekajanmabhiryo na prāpyate bhīlayoṣitā |
kathaṃ taṃ niṣphalaṃ kartuṃ mohe patāmi śūdrikā || 61 ||
[Analyze grammar]

sarve yajñāḥ pradānāni tīrthāni ca tapāṃsi ca |
mama jātāni manye'haṃ madbhasma śaṃkare'rpitam || 62 ||
[Analyze grammar]

itthaṃ sthirāṃ matiṃ dṛṣṭvā tasyā bhaktiṃ ca śaṃkare |
śabaro'pi svasya bhasma kartuṃ dātuṃ mano dadhe || 63 ||
[Analyze grammar]

uvāca śabarīṃ patnīṃ jīva kānte śataṃ samāḥ |
mama bhasma vidhāyaiva mokṣaṃ yāsye'tidurlabham || 64 ||
[Analyze grammar]

naikajanmanāṃ pāpena śabaro'haṃ mahā'dhamaḥ |
prāptaṃ mokṣasya saddvāraṃ kathaṃ tyaktuṃ samutsahe || 65 ||
[Analyze grammar]

tvayā śaṃbhuḥ pūjanīyo sadā madbhasmanā priye |
yadvā satī priyaṃ kāntaṃ jīvayapyeva bhasmataḥ || 66 ||
[Analyze grammar]

sāvitrī satyavantaṃ saṃjīvayāmāsa vai purā |
yadvā satī svayaṃ vahnimutpādya svāminā saha || 67 ||
[Analyze grammar]

divaṃ vrajet tathā kāryaṃ tvayā me priyayā priye |
ityuktā sā patiṃ prāha nātha te maraṇottaram || 68 ||
[Analyze grammar]

niścitaṃ maraṇaṃ me'sti satīrītyā hi sarvathā |
dvayormṛtyvapekṣayā'tra mamaiva maraṇaṃ varam || 69 ||
[Analyze grammar]

patidṛṣṭyā satī nārī patihastena yā mṛtā |
patyarthaṃ ca śivārthaṃ ca janmasāphalyamṛcchati || 70 ||
[Analyze grammar]

ekottaraśatavaṃśoddhārayitrī tu sā bhavet |
tallābho me'tra saṃprāpto bhavatvevaṃ mayi kṛpā || 71 ||
[Analyze grammar]

itthaṃ sthirāṃ matiṃ dṛṣṭvā nyāyyaṃ tasyā hitaṃ vacaḥ |
tatheti dṛḍhasaṃkalpaḥ śabaraḥ pratyapūjayat || 72 ||
[Analyze grammar]

sā bhartāramanujñāpya snātvā śuciralaṃkṛtā |
gṛhamādīpya taṃ vahniṃ bhaktyā cakre pradakṣiṇam || 73 ||
[Analyze grammar]

namaskṛtvā''tmagurave dhyātvā patiṃ tathā śivam |
agnipraveśā'bhimukhī kṛtāṃjaliridaṃ jagau || 74 ||
[Analyze grammar]

mamendriyāṇi puṣpāṇi santu dhūpo'gururvapuḥ |
hṛdayaṃ supradīpo'stu prāṇā havīṃṣi santu ca || 75 ||
[Analyze grammar]

karaṇānyakṣatāḥ santu śaṃbho tvāṃ pūjayāmyaham |
na vāñcchāmi mahārājyaṃ svargaṃ vā paramaṃ padam || 76 ||
[Analyze grammar]

tava sevāṃ saha patyā sadā tvicchāmi śaṃkara |
cittaṃ tvayi sadā tvastu hṛdayeśa namo'stu te || 77 ||
[Analyze grammar]

itiprasādya deveśaṃ śabarī muditānanā |
viveśa jvalitaṃ vahniṃ bhasmasādabhavatkṣaṇāt || 78 ||
[Analyze grammar]

śabaro'pi tu tadbhasma yatnena parigṛhya ca |
cakre dagdhagṛhopānte harapūjāṃ samāhitaḥ || 79 ||
[Analyze grammar]

atha sasmāra pūjānte prasādagrahaṇocitām |
dayitāṃ nityamāyāntīṃ prāṃjaliṃ vinayānvitām || 80 ||
[Analyze grammar]

smṛtamātrāṃ tadā'paśyadāgatāṃ pṛṣṭhataḥ sthitām |
pūrvarūpāṃ yathāyogyāṃ bhaktinamrāṃ surūpiṇīm || 81 ||
[Analyze grammar]

tāṃ vīkṣya śabaraḥ patnīṃ hāsyayuktāṃ kṛtāṃjalim |
tathā bhasmīkṛtaṃ dehaṃ yathāpūrvamavasthitam || 82 ||
[Analyze grammar]

kṣaṇamāścaryamāpannastarkayāmāsa vai hṛdi |
agnirdahati tejobhiḥ sūryo dahati raśmibhiḥ || 83 ||
[Analyze grammar]

rājā dahati daṇḍena brāhmaṇo manasā dahet |
śatrurdahati hānyādyaiḥ kulaṭā vākpratāḍanaiḥ || 84 ||
[Analyze grammar]

viṣaṃ dahati coṣṇatvād duṣṭā dahanti darśanāt |
cintā dahati phalgutvāddhimaṃ dahati śaityataḥ || 85 ||
[Analyze grammar]

tṛṣṇā dahati cā'tṛpteḥ satī dahati śāpataḥ |
sādhurdahati pāpāni sparśamātrānna saṃśayaḥ || 86 ||
[Analyze grammar]

kathaṃ ceyaṃ na vai dagdhā dṛśyate'tra yathāyatham |
kimayaṃ svapna āhosvit kiṃvā māyendrajālikā || 87 ||
[Analyze grammar]

iti vismayasaṃbhrāntastāṃ patnīṃ samapṛcchata |
ayi tvaṃ tu kathaṃ cāsse bhasmībhūtā'pi javasi || 88 ||
[Analyze grammar]

pradagdhaṃ bhavanaṃ bhūyaḥ kathaṃ pūrvavadāsthitam |
śrutvā prasannasumukhī pativratā''ha taṃ priyam || 89 ||
[Analyze grammar]

yadā gṛhaṃ samuddīpya praviṣṭā'haṃ hutāśane |
tadātmānaṃ na jānāmi na paśyāmi hutāśanam || 90 ||
[Analyze grammar]

tadā paśyāmi pīṣūṣāktaṃ śaṃbhuṃ mama pārśvagam |
pāyayantaṃ sudhāṃ me saṃspṛśantaṃ svakareṇa mām || 91 ||
[Analyze grammar]

na tāpaleśo'pyāsīnme praviṣṭāyā ivodakam |
suṣupteva kṣaṇārdhena prabuddhā'smi punaḥ kṣaṇāt || 92 ||
[Analyze grammar]

tāvad bhavanamadrākṣamadagdhamiva susthitam |
adhunā devapūjānte prasādaṃ labdhumāgatā || 93 ||
[Analyze grammar]

dehi prasādaṃ me kānta tvānayāmi suvastu kim |
ityuktā jalamādāya dadau phalaṃ tathā'kṣatān || 94 ||
[Analyze grammar]

evaṃ pratidinaṃ tau tu pūjayāmāsurādarāt |
lakṣaśo manujāḥ śrutvā camatkāraṃ tathā'dbhutam || 95 ||
[Analyze grammar]

darśanārthaṃ samājagmustayośca śaṃkarasya ca |
evaṃ parasparaṃ premṇā dampatyorvartamānayoḥ || 96 ||
[Analyze grammar]

śaṃkarasya kṛpaleśāt sukhaṃ lakṣasamā gatāḥ |
putrapautradhanāgārakṣetragodāsayoṣitaḥ || 97 ||
[Analyze grammar]

vaiṣṇavāḥ śaṃkarānmantraṃ prāpya jātāḥ kuṭumbinaḥ |
dehānte tu tayorbhaktadampatyordivyamadbhutam || 98 ||
[Analyze grammar]

prādurāsīdvimānaṃ ca tatra sthitvā tu dampatī |
śivadūtakarasparśād divyadehau sarūpiṇau || 99 ||
[Analyze grammar]

bhūtvā śivālayaṃ dhāma yayaturvai parātparam |
iti te kathitaṃ lakṣmi pātivratyaṃ paraṃ vratam || 100 ||
[Analyze grammar]

patnīvrataṃ tathā śreṣṭhaṃ vrataṃ śaṃbhvārpaṇaṃ vratam |
ātmārpaṇaṃ vrataṃ sarvavratebhyo vai viśiṣyate || 101 ||
[Analyze grammar]

yo'pi śūdraḥ paṭhedvāpi śṛṇuyādvā kathāmimām |
śivalokaṃ viṣṇulokaṃ bhaktyā yāyānna saṃśayaḥ || 102 ||
[Analyze grammar]

patnīvrataṃ pātivratyaṃ vijñāyā'pi tathā''caret |
tato'pi sarvathā bhuktiṃ muktiṃ cānte labhet priye || 103 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne śabaradampatīkṛtaśivapūjārthaṃ pativratāśabarīcitābhasmārpaṇe śabaryāḥ punarjīvanamityādipātivratyacamatkāranirūpaṇanāmaikapañcāśadadhikacatuśśatatamo'dhyāyaḥ || 451 ||
[Analyze grammar]