Chapter 450

śrīnārāyaṇa uvāca |
śṛṇu lakṣmi sutārthaṃ vai pārvatyāḥ pātivratyakam |
satyā svayaṃ suramadhye vratānte samprakāśitam || 1 ||
[Analyze grammar]

himālayo dadau kanyāṃ pārvatīṃ śaṃkarāya tu |
saṃreme narmadātīre śayyāyāṃ śivayā haraḥ || 2 ||
[Analyze grammar]

tayorbabhūva śṛṃgāro yoginorbahuvāsarān |
devā daityārditāḥ śaṃbhuputraṃ daityavināśakam || 3 ||
[Analyze grammar]

ayonijaṃ samicchanto yayustayoḥ ratergṛham |
vīryasrāvasya nikaṭe prākkṣaṇe dvāri te sthitāḥ || 4 ||
[Analyze grammar]

ājuhuvurmahādevaṃ devāste ratibhaṃjakāḥ |
uttiṣṭhato maheśasya bhūmau vīryaṃ papāta ha || 5 ||
[Analyze grammar]

tadvai tatra suvarṇaṃ ca rajataṃ ca vyajāyata |
atha vīryaṃ na vai garbhe prāptaṃ satyāḥ śuśoca sā || 6 ||
[Analyze grammar]

yato devaiḥ kṛtaṃ vighnaṃ tato devā api sadā |
rati bhaṃgakarāḥ sarve vyarthavīryā bhavantviti || 7 ||
[Analyze grammar]

ityuktvā śaṃkaraṃ prāha rativicchedaduḥkhitā |
ratibhaṃgo duḥkhamekaṃ dvitīyaṃ vīryapātanam || 8 ||
[Analyze grammar]

duḥkhātirekiduḥkhaṃ tu tṛtīyamanapatyatā |
tataḥ putrauो yathā me syāttathā kurvatra śaṃkara || 9 ||
[Analyze grammar]

śrutvā tāṃ śaṃkaraḥ prāha harerbhaktyanvitā sadā |
vrataṃ tu puṇyakaṃ nāma varṣamekaṃ kuru priye || 10 ||
[Analyze grammar]

tena putraphalaṃ te'tra niścitaṃ vai bhaviṣyati |
vrataṃ tat sukhadaṃ puṇyaṃ vāñcchākalpadrumātmakam || 11 ||
[Analyze grammar]

jāhnavī saritāṃ madhye surāṇāṃ śrīhariryathā |
ahaṃ vaiṣṇavabhaktānāṃ yathā tvaṃ devayoṣitām || 12 ||
[Analyze grammar]

lakṣmīśca sampadāṃ yadvat suvarṇaṃ dravyanāminām |
śīlavrataṃ vratānāṃ ca tadvat puṇyavrataṃ tvidam || 13 ||
[Analyze grammar]

varṇānāṃ brāhmaṇo yadvat tīrthānāṃ badarīvanam |
pārijātaṃ kusumānāṃ dalānāṃ tulasīdalam || 14 ||
[Analyze grammar]

ekādaśī tithīnāṃ ca vārāṇāṃ tu yathā raviḥ |
mārgaśīrṣaśca māsānāmṛtūnāṃ ca vasantakaḥ || 15 ||
[Analyze grammar]

samvatsaraśca varṣāṇāṃ yugānāṃ ca kṛtaṃ yathā |
vidyāguruśca pūjyānāṃ gurūṇāṃ jananī yathā || 16 ||
[Analyze grammar]

satī patnī yathā''ptānāṃ viśvastānāṃ tu hṛd yathā |
yathā ratnaṃ dhanānāṃ ca priyāṇāṃ ca yathā patiḥ || 17 ||
[Analyze grammar]

yathā sutaśca bandhūnāṃ kalpadruḥ śākhināṃ yathā |
āmraphalaṃ phalānāṃ deśānāṃ saurāṣṭrako yathā || 18 ||
[Analyze grammar]

vṛndāvanaṃ vanānāṃ ca rādhikā yoṣitāṃ yathā |
purīṇāṃ ca yathā kāśī lakṣmīnāṃ kaṃbharā yathā || 19 ||
[Analyze grammar]

tejasvināṃ yathā tvarkaḥ khaṇḍānāṃ tvajanābhakam |
rātrīśānāṃ yathā candro mohakānāṃ ca manmathaḥ || 20 ||
[Analyze grammar]

vidyānāṃ tu yathā vedāḥ sādhūnāṃ kapilo yathā |
vānarāṇāṃ hanūmāṃśca kṣetrāṇāṃ ca satāṃmukham || 21 ||
[Analyze grammar]

netrāṇāṃ ca yathā vidyā vāsanā balināṃ yathā |
manoharāṇāṃ kāvyaṃ ca vyāpakānāṃ viyad yathā || 22 ||
[Analyze grammar]

aṃgānāṃ locanaṃ yadvat sādhyānāṃ mokṣaṇaṃ yathā |
vaibhavānāṃ kṛṣṇakathā sukhānāṃ tṛṣṇikālayaḥ || 23 ||
[Analyze grammar]

sparśānāṃ putrasaṃsparśo hiṃsakānāṃ khalo yathā |
yathā mithyā ca pāpānāṃ pāpināṃ mātṛgo yathā || 24 ||
[Analyze grammar]

puṇyānāṃ svārpaṇaṃ yadvat kāryāṇāṃ sādhusevanam |
aikāgryaṃ tapasāṃ yadvallābhānāṃ harisevanam || 25 ||
[Analyze grammar]

gavyānāṃ ca ghṛtaṃ yathā vṛkṣastapasvinām |
amṛtaṃ bhojyavastūnāṃ sasyānāṃ vrīhayo yathā || 26 ||
[Analyze grammar]

pavitrāṇāṃ yathā vāri śodhakānāṃ yathā'nalaḥ |
strīrūpaṃ sarvarūpāṇāṃ miṣṭānāṃ supriyaṃ vacaḥ || 27 ||
[Analyze grammar]

vainateyaḥ pakṣiṇāṃ ca airāvataśca dantinām |
sanatkumāro yogināṃ devarṣīṇāṃ ca nāradaḥ || 28 ||
[Analyze grammar]

gandharvāṇāṃ citraratho gururbuddhimatāṃ yathā |
kavīnāṃ tu yathā śukraḥ kāvyānāṃ saṃhitā yathā || 29 ||
[Analyze grammar]

srotasvatāṃ yathā tvabdhiḥ kṣamiṇāṃ ca kṣitiryathā |
phalānāṃ ca yathā muktiḥ śāntiśca sampadāṃ yathā || 30 ||
[Analyze grammar]

pāvanānāṃ vaiṣṇāvāśca varṇānāṃ praṇavo yathā |
kṛṣṇamantraśca mantrāṇāṃ poṣṭṝṇāṃ prakṛtiryathā || 31 ||
[Analyze grammar]

sarasvatī viduṣīṇāṃ gāyatrī chandasāṃ yathā |
yathā kuberaḥ śreṣṭhistho nāgānāṃ vāsukiryathā || 32 ||
[Analyze grammar]

śayyānāṃ ca yathā śeṣo layānāṃ nidrikā yathā |
niṣkriyāṇāṃ yathā''lasyaṃ śailānāṃ meruparvataḥ || 33 ||
[Analyze grammar]

gavāṃ ca surabhiryadvat tṛṇānāṃ ca yathā kuśaḥ |
vedānāṃ sāmavedaśca mano vai vegināṃ yathā || 34 ||
[Analyze grammar]

sukhadānāṃ yathā lakṣmīrakṣarāṇāmavarṇakaḥ |
hitārthināṃ yathā tāto hetīnāṃ kavacaṃ yathā || 35 ||
[Analyze grammar]

śālagrāmaśca mūrtīnāṃ paśūnāṃ kesarī yathā |
dehināṃ mānavo yadvadindriyāṇāṃ tu hṛd yathā || 36 ||
[Analyze grammar]

mandāgniśca rujāṃ yadvacchaktiḥ śaktimatāṃ yathā |
sthūlānāṃ ca virāḍ yadvat sūkṣmāṇāṃ paramāṇukaḥ || 37 ||
[Analyze grammar]

ādityānāṃ yathā viṣṇurdevānāmindra eva ca |
daityānāṃ ca baliryadvad dātṝṇāṃ ca dadhīcikaḥ || 38 ||
[Analyze grammar]

prahlādaścaiva sādhūnāṃ cakrāṇāṃ ca sudarśanam |
brahmāstraṃ ca yathā'strāṇāṃ rāmādityaśca bhūbhṛtām || 39 ||
[Analyze grammar]

dhanvināṃ ca naro yadvat kṛṣṇo hṛdayavāsinām |
prasevyānāṃ gururyadvad vratānāṃ puṇyakaṃ tathā || 40 ||
[Analyze grammar]

kartavyaṃ sevanīyaṃ ca pālanīyaṃ suputradam |
harermantraṃ gṛhītvā tvaṃ vrataṃ putrapradaṃ kuru || 41 ||
[Analyze grammar]

māghaśuklatrayodaśyāṃ vratāraṃbhaḥ śubhaḥ priye |
upoṣya pūrvadivase dvitīye vratamācaret || 42 ||
[Analyze grammar]

śrīkṛṣṇaṃ ṣoḍaśavastusūpacāraiḥ prapūjayet |
āsanaṃ svāgataṃ pādyamarghyamācamanīyakam || 43 ||
[Analyze grammar]

snānīyaṃ madhuparkaṃ ca vastrāṇyābharaṇāni ca |
sugandhi puṣpadhūpaṃ ca dīpaṃ naivedyacandanam || 44 ||
[Analyze grammar]

yajñasūtraṃ ca tāmbūlaṃ dravyāṇyetāni ṣoḍaśa |
puṣpāṃjaliṃ praṇāmādīn kṣamā cātha visarjanam || 45 ||
[Analyze grammar]

nityaṃ kuryād vrataṃ sāṃvatsaraṃ putraphalapradam |
ṣaṇmāsāṃśca haviṣyānnaṃ māsān pañca phalādikam || 46 ||
[Analyze grammar]

haviḥ pakṣaṃ jalaṃ pakṣaṃ vratameva samāpayet |
deyā vratasamāptī ca dakṣiṇā homapūrvikā || 47 ||
[Analyze grammar]

kṛṣṇāṃśo vai bhavetputro vratakartryā na saṃśayaḥ |
priyavratottānapādau lebhe śatarūpā vratāt || 48 ||
[Analyze grammar]

devahūtirvratāllebhe kṛṣṇāṃśaṃ kapilaṃ sutam |
arundhatī vratāllebhe kṛṣṇāṃśaṃ śaktikaṃ sutam || 49 ||
[Analyze grammar]

sāvitrī ca vrataṃ kṛtvā lebhe vedān suputrakān |
śaktikāntā vrataṃ kṛtvā lebhe putraṃ parāśaram || 50 ||
[Analyze grammar]

satyavatī vrataṃ kṛtvā lebhe vyāsaṃ sutaṃ harim |
vratena kaṃbharā prāpa sutaṃ kṛṣṇanarāyaṇam || 51 ||
[Analyze grammar]

aditiśca vrataṃ kṛtvā lebhe vāmanakaṃ sutam |
mahendrāṇī vrataṃ kṛtvā lebhe jayantakaṃ sutam || 52 ||
[Analyze grammar]

uttānapādapatnī ca lebhe dhruvaṃ vratāt sutam |
kuberāṇī vrataṃ kṛtvā lalābha nalakūbaram || 53 ||
[Analyze grammar]

sūryapatnī śrāddhadevaṃ manuṃ lebhe ca raivatam |
anasūyā vrataṃ kṛtvā lebhe candraṃ śubhaṃ sutam || 54 ||
[Analyze grammar]

lebhe cāṃgirasaḥ patnī vratāt sutaṃ bṛhaspatim |
khyātirlebhe vrataṃ kṛtvā śukrācāryaṃ sutaṃ kavim || 55 ||
[Analyze grammar]

ete nārāyaṇāṃśā vai jātā vrataprabhāvataḥ |
vratasyāsya prabhāveṇa svayaṃ gopīpatiḥ prabhuḥ || 56 ||
[Analyze grammar]

īśvaraḥ sarvabhūtānāṃ tava putro bhaviṣyati |
ityuktvā prayayau śaṃbhuḥ pārvatyā saha jāhnavīm || 57 ||
[Analyze grammar]

tasyai dadau harermantraṃ śrīkṛṣṇāya namaḥ śubham |
snātvā vratasya saṃkalpaṃ kṛtvā yayā gṛhaṃ nijam || 58 ||
[Analyze grammar]

ānīya sarvadravyāṇi samārebhe vrataṃ tataḥ |
sanatkumāro bhagavānabhūt tatra purohitaḥ || 59 ||
[Analyze grammar]

brahmādyā devatāḥ sarve manavo yatayastathā |
ṛṣayo vālakhilyāśca dakṣādyā bhūbhṛtastathā || 60 ||
[Analyze grammar]

dikpālā lokapālāśca cirajīvina āyayuḥ |
pūjitāḥ śaṃbhunā prāhuḥ karotu puṇyakaṃ śivā || 61 ||
[Analyze grammar]

śrīkṛṣṇaśca sutastasyā bhaviṣyati purā yathā |
evaṃ kramo mahādeva kalpe kalpe'sti sarvathā || 62 ||
[Analyze grammar]

ityuktaḥ śaṃkaraḥ sanatkumāreṇa niveditām |
pārvatīdvārikāṃ kṛṣṇapūjāṃ śreṣṭhāmakārayat || 63 ||
[Analyze grammar]

saṃsthāpya ratnakalaśaṃ śukladhānyopari sthitam |
āmrapallavasaṃyuktaṃ phalākṣatasuśobhitam || 64 ||
[Analyze grammar]

candanāgurukastūrīkuṃkumādisamarcitam |
munīn satī pūjayitvā saṃpūjya svapurohitam || 65 ||
[Analyze grammar]

puraḥ saṃsthāpya dikpālān devān samarcya vai tataḥ |
svastivācaṃ vācayitvā''vāhya kṛṣṇaṃ ghaṭe tataḥ || 66 ||
[Analyze grammar]

sampūjya ṣoḍaśadravyairupahāraṃ cakāra sā |
tilasarpiṣā havanaṃ trilakṣaṃ pracakāra sā || 67 ||
[Analyze grammar]

brāhmaṇān bhojayāmāsa pradadau dakṣiṇāṃ parām |
purohitaḥ śivāṃ prāha dehi me patidakṣiṇām || 68 ||
[Analyze grammar]

patirūpāṃ dakṣiṇāṃ tu śrutvā śuśoca pārvatī |
śivaḥ prāha śive dakṣiṇayā karmaphalaṃ bhavet || 69 ||
[Analyze grammar]

yatkarma dakṣiṇāhīnaṃ tatsarvaṃ niṣphalaṃ bhavet |
tanmuhūrte vyatīte tu dakṣiṇā dviguṇā bhavet || 70 ||
[Analyze grammar]

caturguṇā dinātīte pakṣe śataguṇā bhavet |
māse pañcaśataguṇā ṣaṇmāse taccaturguṇā || 71 ||
[Analyze grammar]

samvatsare vyatīte tu karma tanniṣphalaṃ bhavet |
putrapautradhanaiśvaryakṣayaḥ syāttu tataḥ param || 72 ||
[Analyze grammar]

dharmo naṣṭo bhavettasya dharmahīne tu karmaṇi |
viṣṇuḥ prāha sati rakṣa phaladaṃ rakṣakaṃ vṛṣam || 73 ||
[Analyze grammar]

brahmā prāha sati dharme naṣṭe kartā vinaśyati |
dharmaḥ prāha śive kāntaṃ datvā māṃ rakṣa yatnataḥ || 74 ||
[Analyze grammar]

rakṣite ca mayi sādhvi sarvaṃ bhadraṃ bhaviṣyati |
devā ūcuḥ rakṣa dharmaṃ kuru pūrṇaṃ vrataṃ sati || 75 ||
[Analyze grammar]

vayaṃ tava vrate pūrṇe kurmastvāṃ pūrṇamānasām |
ūcustāṃ munayaḥ śaṃbhuṃ dehi viprāya dakṣiṇām || 76 ||
[Analyze grammar]

sthiteṣvatmatsu dharmajñe nā'bhadraṃ te bhaviṣyati |
prāha sanatkumārastvaṃ me śivaṃ dehi dakṣiṇām || 77 ||
[Analyze grammar]

no ced vrataphalaṃ sarvaṃ tyaja prāpsyāmyahaṃ phalam |
śivā prāha patiryatra hriyate tu purodhasā || 78 ||
[Analyze grammar]

kiṃ me syāt tadvratenāpi kiṃ me dakṣiṇayā surāḥ |
kiṃ putreṇa ca dharmeṇa sarvasvaṃ yatra nīyate || 79 ||
[Analyze grammar]

kutaḥ phalaṃ kuto vṛkṣo yadi bījaṃ na vidyate |
bhūmiḥ sā niṣphalā bījaṃ vinā sasyapradā na vai || 80 ||
[Analyze grammar]

kṛṣiśca viphalā sarvā bījaṃ vinā tu vārṣikī |
prāṇaṃ tyaktvā prayatnena varṣmaṇā kiṃ prayojanam || 81 ||
[Analyze grammar]

dṛṣṭiśaktivihīnena cakṣuṣā kiṃ prayojanam |
śataputrādhikaḥ svāmī sādhvīnāṃ tu sureśvarāḥ || 82 ||
[Analyze grammar]

yadi bhartā vrate deyaḥ kiṃ vratena sutena vā |
bharturvaṃśo hi tanayo bhartumūlo bhavetsadā || 83 ||
[Analyze grammar]

yatra mūlaṃ bhaved bhraṣṭaṃ tadvyāpārastu hānidaḥ |
viṣṇuḥ prāha satīṃ tatra putrāt svāmī paraḥ sadā || 84 ||
[Analyze grammar]

svāminaśca paro dharmastannāśe svāminā'pi kim |
brahmā prāha sati putri dharmo vai svāminaḥ paraḥ || 85 ||
[Analyze grammar]

dharmātparaṃ satyakāryaṃ vrataṃ satyaṃ paraṃ matam |
satyaṃ sadakṣiṇaṃ karma na tu bhraṣṭaṃ kuru vratam || 86 ||
[Analyze grammar]

śivā prāha ca vedeṣu svaśabdo dhanavācakaḥ |
tad yasyā'stīti sa svāmī dhanavān sa samucyate || 87 ||
[Analyze grammar]

dhanitaḥ śreṣṭha evātra dharmastato vrataṃ ṛtam |
tebhyo'dhikaḥ patiḥ svāmī svāmitvaṃ tatra śāśvatam || 88 ||
[Analyze grammar]

āgantukaṃ dhanavatāṃ tasmāt svāmī patiḥ paraḥ |
tasyā'haṃ dhanamevā'smi pitrā'haṃ cārpitā purā || 89 ||
[Analyze grammar]

dānarūpā śivasvatvavatī cāhaṃ na me śivaḥ |
svatvaṃ vinā kathaṃ dānaṃ vadantyatra surādayaḥ || 90 ||
[Analyze grammar]

dharmaḥ prāha sadā patnī svāmino'rdhāṃganā matā |
dampatīmūrtirekaiva svena svaṃ śakyate'rpitum || 91 ||
[Analyze grammar]

satī prāha mayi svāmyaṃ svāmitvaṃ ceti cāgatam |
svāmitvavigamaṃ svāmyaṃ vinivogakṣamaṃ bhavet || 92 ||
[Analyze grammar]

tato yogyā na varte'trā'rpayituṃ tu patiṃ mama |
patirdāne striyā datta iti sṛṣṭau na vai śrutam || 93 ||
[Analyze grammar]

kanyādānaṃ śrutāvuktaṃ jāmātre jagatāṃ kramaḥ |
varadānaṃ varārthinyai jyeṣṭhapitre kutaḥ kramaḥ || 14 ||
[Analyze grammar]

devāḥ prāhuḥ sati naiva buddhimanto vayaṃ tvayi |
puṇyake kalpitāṃ svāmidakṣiṇāṃ dharmamācara || 95 ||
[Analyze grammar]

śrutau śrutaḥ sa vai dharmo viparīto hyadharmakaḥ |
satī prāha vinā lokācāraṃ vedo'tinirbalaḥ || 96 ||
[Analyze grammar]

vede prakṛtipuṃsostu garīyān puruṣo'dhipaḥ |
adhipaṃ nu kathaṃ dāsye bālā'haṃ kathayāmi kim || 97 ||
[Analyze grammar]

bṛhaspatistadā prāha sargaścobhayanirmitaḥ |
śrīkṛṣṇaścobhayasraṣṭā samau prakṛtipūruṣau || 98 ||
[Analyze grammar]

satī prāha pumān kṛṣṇanārāyaṇāṃśa eva saḥ |
nāryastu mūlaprakṛteraṃśāstataḥ pumān guruḥ || 99 ||
[Analyze grammar]

pumāṃstvatra parabrahma sadāśivaḥ patirmama |
mayā kathaṃ patirdeyo vadantvatra hi devatāḥ || 100 ||
[Analyze grammar]

itivāde pravṛtte'tra vimānaṃ svarṇabhāsvaram |
āgataṃ śrīpatirnārāyaṇaścaturbhujastataḥ || 101 ||
[Analyze grammar]

avatīrya sabhāmadhye sthitaḥ sarvaiḥ prapūjitaḥ |
prāha gaurīṃ sati tvayā nyāyyameva samucyate || 102 ||
[Analyze grammar]

dakṣiṇā yajñapatnī ca yajamānena dīyate |
viprāya tatra mūlyaṃ vai dīyate na kratupriyā || 103 ||
[Analyze grammar]

parapatnī pareṇa dīyate parāya na kvacit |
tannimittaṃ svarṇaraupyaṃ dīyate dhanameva yat || 104 ||
[Analyze grammar]

patnīdāne putradāne svasya dāne patyarpaṇe |
gopradānaṃ vidhāyaiva karma pūrṇaॆ prajāyate || 105 ||
[Analyze grammar]

viṣṇudehā yathā gāvo viṣṇudehastathā śivaḥ |
viṣṇudehā dakṣiṇā ca mūlyātmikā pradīyate || 106 ||
[Analyze grammar]

vrataṃ pūrṇe kuru śive śivaṃ datvā tu dakṣiṇām |
punaḥ samucitaṃ mūlyaṃ datvā nāthaṃ grahīṣyasi || 107 ||
[Analyze grammar]

ityuktā sā havanānte śivaṃ 3 dakṣiṇāṃ dadau |
svastītyuktvā tu jagrāha kumāro devasaṃsadi || 108 ||
[Analyze grammar]

satī prāha gṛhāṇaitad gavāṃ lakṣaṃ dhanaṃ ca vā |
dehi matsvāminaṃ vipra dāsye dānāni vai tataḥ || 109 ||
[Analyze grammar]

patiṃ vinā na vai karma tvanyat kartuॆ kṣamā yataḥ |
sanatkumāraścovāca me gavāṃ na prayojanam || 110 ||
[Analyze grammar]

ratnānāṃ ca dhanānāṃ ca sādhorme kiṃ prayojanam |
prayojanaṃ me śiṣyasya tyāgino'vadhūtasya ca || 111 ||
[Analyze grammar]

sa tu prāpto mayā tvatto na dāsye śaṃkaraṃ tava |
karturevepsitaṃ karma svasya dravye svatantratā || 112 ||
[Analyze grammar]

anye vadantu yatkiñcid gobhirna me prayojanam |
digambaraṃ puraḥ kṛtvā bhramiṣyāmi jagattrayam || 113 ||
[Analyze grammar]

bālakānāṃ bālikānāṃ samūhasmitakāraṇam |
ityuktvā tu śivaṃ pārśve vāsayāmāsa vai sanat || 114 ||
[Analyze grammar]

pārvatī tu tadottasthau jagāda śokavihvalā |
punarlabdhaḥ patirnaiva na prāptaṃ tu phalaṃ vrate || 115 ||
[Analyze grammar]

eṣā satī bhavāmyatra vahnimutpādya dehataḥ |
hāhākāro'bhavat tatra śrīkṛṣṇo bhagavān svayam || 116 ||
[Analyze grammar]

jhaṭityenāṃ samāśliṣya vārayāmāsa mūrtimān |
satyā dṛṣṭaśca bhagavān vimānādavatīrya saḥ || 117 ||
[Analyze grammar]

rarāja vinivāryaiva sabhāmadhye vilokitaḥ |
devauḥ supūjite kṛṣṇaṃ pārvatī tuṣṭuve hṛdā || 118 ||
[Analyze grammar]

tvayā'haṃ jīvitā kṛṣṇa punarjīvaya śaṃbhunā |
śaṃbhuṃ dehi phalaṃ dehi putraṃ bhavādṛśaṃ prabho || 119 ||
[Analyze grammar]

ityuktaḥ śrīhariḥ satyai dāpayāmāsa śaṃkaram |
purodhase dadau dravyaṃ viprebhyo dakṣiṇāstathā || 120 ||
[Analyze grammar]

vrataṃ samāpya sā sarvān bhojayitvā tataḥ param |
bubhuje svāminā sārdhaṃ tāmbūlaṃ ca dadau tataḥ || 121 ||
[Analyze grammar]

devādyāḥ pūjitāḥ sarve yayuḥ svargaṃ tataḥ satī |
śayyāyāṃ śaṃbhunā reme tāvad brāhmaṇarūpadhṛk || 122 ||
[Analyze grammar]

kṛṣṇastatra samāyāto vṛddho bhikṣuka āha ca |
mātarbhikṣāṃ tu me dehi punaḥ punaruvāca ha || 123 ||
[Analyze grammar]

śaṃbhurutthāya tu śīghraṃ vīryamutsṛjya śāyane |
bahiḥ śīghraṃ tvājagāma tat satyāḥ śarīre'lagat || 124 ||
[Analyze grammar]

vīryaṃ yattatkṛtaḥ piṇḍaḥ kṛṣṇastasmin vyalīyata |
tūrṇaṃ bālo'bhavat satyā kṛṣṇatulyo vilokitaḥ || 125 ||
[Analyze grammar]

evaṃ prāpto gaṇeśaḥ saḥ śrīkṛṣṇaḥ svayameva tu |
pātivratyena sā durgā patiṃ tatyāja na kvacit || 126 ||
[Analyze grammar]

patirdevaḥ patiḥ poṣṭā paralokapradāyakaḥ |
putrapautrādivaṃśasya mūlaṃ patiḥ paraḥ prabhuḥ || 127 ||
[Analyze grammar]

prāṇānāṃ vigame cāpi na tyājyaḥ svapatiḥ priyaḥ |
dakṣiṇārthaṃ gṛhīto'pi gṛhīto na visarjitaḥ || 128 ||
[Analyze grammar]

evaṃ patipriyā sādhvī labhate kṛṣṇasadṛśam |
suputraṃ kṛpayā patyuḥ kimu vācyaṃ nu padmaje || 129 ||
[Analyze grammar]

satīvratasamākhyānaṃ patidānasamāgraham |
śṛṇuyādvā paṭhedvāpi putraṃ saubhāgyamāpnuyāt || 130 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne pārvatyāḥ puṇyakavrate śaṃbhudakṣiṇānimittapātivratyabalaṃ saṃvādo gaṇeśaputraprāptiścetyādinirūpaṇanāmā pañcāśadadhikacatuśśatatamo'dhyāyaḥ || 450 ||
[Analyze grammar]