Chapter 412

śrīnārāyaṇa uvāca |
śṛṇu lakṣmi pravakṣyāmi duḥsahasya tu yoṣitām |
kathāṃ pātivratyaparāṃ hyadharmasya sutasya vai || 1 ||
[Analyze grammar]

brahmaṇaḥ pṛṣṭhato jajñe hyadharmo'syābhavat sutaḥ |
duḥsaho mānasaḥ putro yatra yatra sa tiṣṭhati || 2 ||
[Analyze grammar]

tatra tatra duḥsahatvaṃ prajānāmapi jāyate |
tasya patnyaścatasraścā'bhavannāmnā daridratā || 3 ||
[Analyze grammar]

bubhukṣā kalahā malinatā ceti pativratāḥ |
yatrāste duḥsaho devo vasantīmāśca tatra vai || 4 ||
[Analyze grammar]

kuṭumbinaḥ suhṛdaśca pārśvavāsina eva ca |
deśasthasya purasthasya dṛṣṭimārgagatasya ye || 5 ||
[Analyze grammar]

sampadaḥ samalokyaiva na sahante jvalanti ca |
teṣāmīrṣyā'sūyikādviḍbhṛtānāṃ mānase sadā || 6 ||
[Analyze grammar]

vāsaṃ dadau svayaṃ brahmā duḥsahasya pitāmahaḥ |
athā'dharmasya putro'bhūnmānaso varṇasaṃkaraḥ || 7 ||
[Analyze grammar]

sāṃkaryasyā'bhavan putryaścatasrastā daridratā |
bubhukṣā kalahā malinatā ceti vivāhitāḥ || 8 ||
[Analyze grammar]

duḥsahāya pradattāstāḥ sāṃkaryeṇa pativratāḥ |
daridratā svarūpe tu nistejaskā vyadṛśyata || 9 ||
[Analyze grammar]

bubhukṣā''sīt kurūpā ca kalahā krūrarūpiṇī |
malinatā makṣikādivyāptā malādilepitā || 10 ||
[Analyze grammar]

snānadānajapahomadhyānapuṇyādivarjitāḥ |
duḥsahastā upādāya vāsaṃ cakre hyaraṇyake || 11 ||
[Analyze grammar]

alabdhvā jīvanaṃ tatrodyamapattanamāviśat |
vyavasāyidvijādīnāṃ madhye harmye vidhāya ca || 12 ||
[Analyze grammar]

vāsaṃ cakre sabhāryaḥ saḥ sahate na paronnatim |
yasyonnatiṃ na sahate tadgṛhe'yaṃ pragacchati || 13 ||
[Analyze grammar]

gṛhajaneṣu cāviśya nindāṃ kutsāṃ parasparam |
vṛddhayoḥ kuśalasyā'pi dhārmikasyāpi sarvathā || 14 ||
[Analyze grammar]

karoti kārayatyeva dhanā''yapratibandhikām |
vyavasya vardhinīṃ caiva lābhanāśakarīṃ tathā || 15 ||
[Analyze grammar]

ekadā sa praviveśa mahendre gurvapūjake |
durvāsasā'rpitāṃ mālāṃ śakraḥ sehe na tadbalāt || 16 ||
[Analyze grammar]

mālā tena tadā kṣiptā gajakuṃbhe gajena tu |
samākṛṣya kareṇaiva svapādenaiva marditā || 17 ||
[Analyze grammar]

tāvaddurvāsasi cāpi praviṣṭo duḥsahastadā |
durvāsā taṃ śaśāpā'pi sampaddhīno bhaveti vai || 18 ||
[Analyze grammar]

sampadastata evaitā layaṃ prāptā jalādiṣu |
drāgevendragṛhe daridratāpatnīyutaśca saḥ || 19 ||
[Analyze grammar]

duḥsahaḥ svanivāsaṃ vai cakre nityaṃ pramoditaḥ |
śacyā dāridryadoṣeṇa dānamānādikaṃ tataḥ || 20 ||
[Analyze grammar]

devaviprarṣipitrādipūjyātithipravāsinām |
niruddhaṃ ca tatastasyāṃ saṃviveśa bubhukṣatā || 21 ||
[Analyze grammar]

yasmātkasmātsthalādvāpi devādvāmānavāttathā |
grāhyaṃ grāhyaṃ samāhārya varjyaṃ nāstīti sarvathā || 22 ||
[Analyze grammar]

sarvaṃ grāhyaṃ bhavatyeva sā gṛhṇāti bubhukṣayā |
cakravartī mahārājo nahuṣo dṛṣṭimāgataḥ || 23 ||
[Analyze grammar]

susmṛddhaḥ sā śacīṃ caicchat tasmāt smṛddhiṃ tathopadāḥ |
rājānaṃ sā samāhūyā'yācata vararatnakam || 24 ||
[Analyze grammar]

pārthivaṃ ca talīyaṃ ca yaśca lokāntarārjitam |
rājāpi devavandyāṃ tāmāpadgatāṃ vilokya vai || 25 ||
[Analyze grammar]

durvāsaḥśāpato naśyamānamapi dadau ca tām |
bubhukṣayā śacī nityaṃ navopadāṃ hi vāñcchati || 26 ||
[Analyze grammar]

devānumatimādāya sthāpitādindraśāsane |
rājñā jñātaṃ bubhukṣitā mayā vastupradānakaiḥ || 27 ||
[Analyze grammar]

tṛptā vidhīyate nityaṃ mama bhogyā bhaviṣyati |
nahuṣeṇā'rthitā ratikarmaṇe yāvadeva tu || 28 ||
[Analyze grammar]

tāvacca kalahā śacyā nṛpe ca vāsamācarat |
kliṣṭā jātā mahendrāṇī nahuṣaḥ ṛṣivāhanāt || 29 ||
[Analyze grammar]

patitaścā'bhavat sarpaḥ śacī yātā tu puṣkaram |
atha sarpe mahendre ca śacyāṃ malinatā'vasat || 30 ||
[Analyze grammar]

bahuvarṣasahasrāṇi sarvatra duḥsahastathā |
catasro yoṣitastasyā'vasan prajāsu sarvaśaḥ || 31 ||
[Analyze grammar]

hāhākṛtaṃ mahāduḥkhārditaṃ sarvaṃ tadā'bhavat |
udyogapattanaṃ naṣṭaṃ vyavasāyā vanaṃ yayuḥ || 32 ||
[Analyze grammar]

lakṣmīḥ samudragā jātā smṛddhayo'pi layaṃ yayuḥ |
lokyate yatra tatra vai duḥsaha stribhiranvitaḥ || 33 ||
[Analyze grammar]

patiṃ vinā na tiṣṭhanti catasrastā vratānvitāḥ |
modante sma hasanti sma nṛtyanti sma gṛhe gṛhe || 34 ||
[Analyze grammar]

duḥsahastu gale kṛtvā mṛdaṃgaṃ vādayatyapi |
daridratā tāṇḍavaṃ ca karoti nṛtyamūrjitam || 35 ||
[Analyze grammar]

bubhukṣā bhramate pārśve ḍhabbukān bhikṣayatyapi |
kalahā kenacit kṣiptaṃ haratyeva prasahya tat || 36 ||
[Analyze grammar]

yadi bhojyaṃ phalaṃ śuṣkaṃ cārdraṃ dadāti ko'pi vā |
drāgeva hṛtvā cā'śnāti nānyasyai sā dadāti hi || 37 ||
[Analyze grammar]

yadi cānyā vibhāgaṃ svaṃ gṛhṇāti tāvadeva sā |
kalahā''rabhate cākrośanaṃ lalāṭapiṭṭanam || 38 ||
[Analyze grammar]

tṛptyadhikaṃ mileccet tad dadātyaparayoṣite |
na culukaṃ na karayoḥ kṣālanaṃ mukhaśodhanam || 39 ||
[Analyze grammar]

karoti kācinnṛtye'tra malinā saṃhasatyapi |
gṛhaṃ dvāraṃ cāṅgaṇaṃ ca jalasthānaṃ ca nālikā || 40 ||
[Analyze grammar]

rasaśālā''plavasthānaṃ sarvaṃ malinatānvitam |
kimu vai bahu vaktavyaṃ peṭikā''staraṇādikam || 41 ||
[Analyze grammar]

gṛhabhittistathodyānaṃ sphaṭikāsanamityapi |
mukhaṃ cakṣuḥ kapālaṃ ca bhālaṃ sarvaṃ malānvitam || 42 ||
[Analyze grammar]

sarvatra samabhūlloke rūpaṃ kurūpatāṃ gatam |
tejo nistejakatāṃ ca gataṃ kṛṣṇatamo'nvitam || 43 ||
[Analyze grammar]

evaṃ vai tāṇḍavaṃ dṛṣṭvā devā nārāyaṇādayaḥ |
samudramathanaṃ kṛtvā prathamaṃ puruṣaṃ śubham || 44 ||
[Analyze grammar]

udārākhyaṃ hariḥ prāha dhārmikaṃ dharmasaṃbhavam |
gṛhāṇa tvaṃ yatheṣṭaṃ vai ratnāni gaccha sāmpratam || 45 ||
[Analyze grammar]

santoṣeṇa samaṃ prasannatākhyayā ca yoṣitā |
samaṃ vicara sarvatra lokeṣu mā ciraṃ vraja || 46 ||
[Analyze grammar]

tataḥ sa dharmaputraśca prasannatāpatiḥ khalu |
udāraḥ sānujenāpi santoṣeṇa samanvitaḥ || 47 ||
[Analyze grammar]

prajāsu vyacaracchīghraṃ vāsaṃ cakre gṛhe gṛhe |
tad dṛṣṭvā duḥsahaḥ kruddho devān prati jagāma ha || 48 ||
[Analyze grammar]

bhāryāyuto yayāce niṣkāsyamāno'bhitaḥ khalu |
vāsārthaṃ jīvanārthaṃ me devaiḥ pradīyatāṃ sthalam || 49 ||
[Analyze grammar]

no ced virāgamāpanno mariṣye nātra saṃśayaḥ |
pativratāśca me patnyo bhaviṣyantyanalāñcitāḥ || 50 ||
[Analyze grammar]

satyaḥ pṛṣṭhe mama sarvāḥ saṃsāro'sāratāṃ vrajet |
ahameva hi sāro'smi saṃsāre janmamṛtyudaḥ || 51 ||
[Analyze grammar]

madvinā yamarājasya nyāyālayo na saṃcaret |
madvinā śrīhareraṃśā bhaviṣyanti na sarvathā || 52 ||
[Analyze grammar]

mayi satyeva sarvatrā'dharmo'pi nityapoṣaṇam |
prāpnoti cāsurāścogrāḥ sthite mayi bhavanti vai || 53 ||
[Analyze grammar]

yathā yatheṣṭaṃ bhavatāṃ kurvantu bahunā'tra kim |
ityuktvā virarāmā'sau tāvattasya tu yoṣitaḥ || 54 ||
[Analyze grammar]

nirāhārā bhartsitāśca prajayā'nādarīkṛtāḥ |
kṣudhitāstṛṣitāstatra devānāṃ purato yayuḥ || 55 ||
[Analyze grammar]

yatra tāsāṃ patiścāste cukrudhuḥ rurudustadā |
nijaghnurnijavakṣāṃsi pusphuṭuḥ svaśirāṃsi ca || 56 ||
[Analyze grammar]

bibhatsavāṇīrjagaduḥ kolāhalaṃ pracakrire |
are re re kva gacchāmastṛṣitāḥ kṣudhitā vayam || 57 ||
[Analyze grammar]

nāsti bhojyapradaṃ kṣetraṃ nāsti vāsagṛhaṃ tathā |
nāsti vṛkṣaṃ saphalaṃ vā nā''śrayaścāpi vidyate || 58 ||
[Analyze grammar]

nirguṇāya niḥsthalāya pradattā janakena vai |
aho bhāgyaṃ mariṣyāmo'raṇye'nnasalilaṃ vinā || 59 ||
[Analyze grammar]

nāsti cullī gṛhaṃ nāsti nāsti vastrādikaṃ tathā |
piṣṭaṃ miṣṭaṃ tathā diṣṭaṃ nāsti kartavyameva kim || 60 ||
[Analyze grammar]

kiṃ khādāmaḥ kiṃ pibāmo nivāsasthānamantarā |
pādaṃ chitvā nu kiṃ cullyāṃ jvālayāmo vinendhanam || 61 ||
[Analyze grammar]

bālān kiṃ khaṇḍaśaḥ kṛtvā bhakṣayāmaḥ svakān pate |
pradīpe kiṃ pūraṇīyaṃ raktaṃ tailaṃ vinā'tra kim || 62 ||
[Analyze grammar]

santāḍya pṛthivīṃ pādaiḥ karaiḥ sampīḍya mūrdhajān |
netrairvimucya salilaṃ rurudurdīnamānasāḥ || 63 ||
[Analyze grammar]

ākrandanaṃ mahāduḥkhamayaṃ cakruśca tāḥ striyaḥ |
tadā dharmo yamaḥ sūryaścendraḥ śaṃbhurharistathā || 64 ||
[Analyze grammar]

lokapālāstathā devyo dṛṣṭvā dayāvaśaṃgatāḥ |
etāḥ prasāntvayāmāsurvicāyaiva daduḥ sthalam || 65 ||
[Analyze grammar]

yatra bhartā ca bhāryā ca parasparavirodhinau |
guruḥ śiṣyo'tithiḥ svāmī dvijā gāvo virodhinaḥ || 66 ||
[Analyze grammar]

sabhāryastvaṃ gṛhe teṣāṃ viśeṣād vasa duḥsaha |
yatra nindā ca devānāṃ gurūṇāṃ svāmināṃ śriyāḥ || 67 ||
[Analyze grammar]

strīṇāṃ nindā ca vṛddhānāṃ pitrośca tatra saṃvasa |
japahomādikaṃ dānārcanaṃ yatra na vidyate || 68 ||
[Analyze grammar]

paropakārahīnāśca sabhāryasteṣu cāviśa |
hareḥ kathā na yatrāsti gurusammānanaṃ na ca || 69 ||
[Analyze grammar]

rātrau rātrau gṛhe yatra kalaho vartate mithaḥ |
pitṛtarpaṇahīnāśca sabhāryasteṣu cāviśa || 70 ||
[Analyze grammar]

bālānāṃ prekṣamāṇānāṃ yatrā'datvā tvabhakṣayam |
bhakṣyāṇi tatra saṃhṛṣṭaḥ sabhāryastvaṃ samāviśa || 71 ||
[Analyze grammar]

hiṃsākarmaratāḥ pāpā dayāhīnāḥ parasparam |
gṛhe yasminnāsate tadgṛhe deśe'pi cāvasa || 72 ||
[Analyze grammar]

yasya kākagṛhaṃ nimbe cārāme vā gṛhe'pi vā |
muṇḍinyāśca gṛhe nityaṃ sabhāryastvaṃ samāviśa || 73 ||
[Analyze grammar]

ekā dāsī gṛhe yatra trigavaṃ pañcamāhiṣam |
ṣaḍaśvaṃ saptamātaṃgaṃ sabhāryastvaṃ samāviśa || 74 ||
[Analyze grammar]

yatra bhāryā mantrakartrī ḍākinī ḍākanaḥ patiḥ |
piśācavāso yatrāsti sabhāryastvaṃ samāviśa || 75 ||
[Analyze grammar]

yatra kanyā garbhavatī kumārī ca rajasvalā |
vidhavā cānyasaṃginī sabhāryastvaṃ samāviśa || 76 ||
[Analyze grammar]

yatra narā nindakāśca sādhūnāṃ dveṣakāriṇaḥ |
palāṇḍujātigandhīyāḥ sabhāryasteṣu cāviśa || 77 ||
[Analyze grammar]

yatra nāryo vinindanti yatīn sādhvīḥ satastathā |
patīn vṛddhān bhūsurāṃśca sabhāryastatra cāviśa || 78 ||
[Analyze grammar]

maithunānantaraṃ yatra na snānaṃ śuddhireva na |
ṛtūttaraṃ navā śuddhiḥ sūtakaṃ na ca pālyate || 79 ||
[Analyze grammar]

jñānamaṃgalahīnāśca sabhāryasteṣu cāviśa |
malināsyā maladantā madirāmāṃsabhojanāḥ || 80 ||
[Analyze grammar]

sandhyādhyānādihīnāśca dyūtaveśyāratāstathā |
nāryo bhāṇḍādiṣu prītā yatra tatra samāviśa || 81 ||
[Analyze grammar]

martyāḥ paśuratā yatra paśavo mānuṣīratāḥ |
vṛthā dhātuvineṣṭārasteṣāṃ gṛhe samāviśa || 82 ||
[Analyze grammar]

yatra kaṇṭakino vṛkṣā gavādyāḥ kṣudhitāstathā |
vadhyante kṛtaniḥśvāsāsteṣāṃ skandhe sadā vasa || 83 ||
[Analyze grammar]

pavitre vāsayogye ca sthale malādisarjakāḥ |
saśaktā api vidyante teṣāṃ skandhe sadā vasa || 84 ||
[Analyze grammar]

śāstralopaprakartāro rājyanyāyāticāriṇaḥ |
lokamārgacyutāsteṣāṃ gṛhe skandhe sadā vasa || 85 ||
[Analyze grammar]

dānakārye viruddhā ye sukhakārye virodhinaḥ |
dampatīsnehahantārastatra sabhāryako vasa || 86 ||
[Analyze grammar]

ityukto duḥsaho natvā devān viṣṇupurogamān |
yayau vāsāya sarvatra labhyate yatra tatsthalam || 87 ||
[Analyze grammar]

trayodaśyāṃ caturdaśyāṃ dīpāvalyāṃ pratipadi |
rathyāṃ bhramanti tāḥ sarvāścatasro duḥsahastriyaḥ || 88 ||
[Analyze grammar]

aṃgaṇe gopure bhittau dehalyāṃ catvare bahiḥ |
dīpadānena svastikapūraṇena sutoraṇāt || 89 ||
[Analyze grammar]

raṅgavallyādibhiścāpi dhūlīmārjanatastathā |
svacchatākaraṇāccāpi dadhidānena vā ca tāḥ || 90 ||
[Analyze grammar]

yatra pativratānāryaḥ patayaśca patnīvratāḥ |
ubhau kṛṣṇaparau yatra yatra vai vaiṣṇavā janāḥ || 91 ||
[Analyze grammar]

sādhutṛptipradāḥ śiṣyāḥ sādhvyo yatra haripriyāḥ |
kṛṣṇanārāyaṇo yatra tatra nā''yānti tāḥ priye || 92 ||
[Analyze grammar]

lakṣmīpūjā bhaved yatra śāradāpūjanaṃ tathā |
gaṇeśapūjanaṃ yatra dānaṃ ca vividhaṃ bhavet || 93 ||
[Analyze grammar]

natvā sarvā nivartante nā''yānti vatsaraṃ hi tāḥ |
iti te kathitaṃ lakṣmi daridratādivartanam || 94 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye adharmaputraduḥsahasya daridratābubhukṣākalahāmalinatākhyānāṃ patnīnāṃ pativratānāṃ sapatikanivāsasthānānāṃ pradarśananāmā dvādaśādhikacatuśśatatamo'dhyāyaḥ || 412 ||
[Analyze grammar]