Chapter 411

śrīnārāyaṇa uvāca |
śṛṇu lakṣmi kathāṃ śreṣṭhāṃ śṛṇvatāṃ pāpanāśinīm |
vaiṣṇavīnāṃ satīnāṃ vai mokṣadāṃ sveṣṭadāyinīm || 1 ||
[Analyze grammar]

yatrāste vaiṣṇavī nārī tatra nārāyaṇī sthitā |
lakṣmīnārāyaṇastatra kṛṣṇanārāyaṇo'sti ca || 2 ||
[Analyze grammar]

kīrtyamāne harau yasyā romāñco jāyate muhuḥ |
kampaḥ svedastathā'kṣeṣu dṛśyante jalabindavaḥ || 3 ||
[Analyze grammar]

viṣṇubhaktimatīrdṛṣṭvā yā prītā jāyate hṛdi |
samutthāyā'rhaṇāṃ kuryād vāsudeve yathā satī || 4 ||
[Analyze grammar]

sā bhaktā dharmasaṃpoṣṭrī hareḥ saiva pativratā |
pātivratyaparā nityaṃ sevate svapatiṃ harim || 5 ||
[Analyze grammar]

gandhapuṣpādikaṃ sarvaṃ prāsādikaṃ hi dhārayet |
hareḥ sarvamitītyevaṃ matvā sā vaiṣṇavī satī || 6 ||
[Analyze grammar]

hareḥ kṣetre śubhānyeva karoti snehasaṃyutā |
pratimāṃ ca harernityaṃ pūjayet sā patiṃ yathā || 7 ||
[Analyze grammar]

karmaṇā manasā vācā jāgratyā nidrayā'pi ca |
kṛṣṇanārāyaṇātmyaikyā mahābhāgavatī hi sā || 8 ||
[Analyze grammar]

bhojanārādhanaṃ sarvaṃ yathāśakti karoti yā |
aṣṭadhā sevikā kṛṣṇanārāyaṇasya sā satī || 9 ||
[Analyze grammar]

yasyāstejaḥprabhāvaṃ ca dṛṣṭvā bhītā hi devatāḥ |
vāsudevāśritāṃ svāmivratāṃ natvā viyanti ca || 10 ||
[Analyze grammar]

anyanārīsahasrebhyo vaiṣṇavī strī viśiṣyate |
viṣṇubhaktāsahasrebhya svāmivratā viśiṣyate || 11 ||
[Analyze grammar]

svāmivratāsahasrebhyo bhaktasvāmivatī satī |
viṣṇubhaktapatimattvāt sarvābhyaḥ sā viśiṣyate || 12 ||
[Analyze grammar]

yasyāḥ sutāḥ suputryaśca pautrāśca devarādayaḥ |
jāmātārau śvaśuraśca pitarau bāndhavādayaḥ || 13 ||
[Analyze grammar]

sapatnyo dāsadāsyaśca mitrāṇi tvālayastathā |
vaiṣṇavyo viṣṇubhaktānyo yāstābhyaḥ sā viśiṣyate || 14 ||
[Analyze grammar]

triśaṃkordayitā bhāryā sarvalakṣaṇaśobhitā |
ambarīṣasya jananī mahābhāgavatī satī || 15 ||
[Analyze grammar]

nityaṃ svāmiparā svāmisevikā haridāsikā |
patiṃ kṛṣṇaṃ paraṃbrahma matvā vai sevate satī || 16 ||
[Analyze grammar]

triśaṃkustu sarayvāṃ vai nityaṃ snātvā'rcayaddharim |
sā'pi sevāparā prātarmadhyāhne niśi taṃ patim || 17 ||
[Analyze grammar]

tathā kṛṣṇaṃ sevate sma pūjākāle suvastubhiḥ |
candanaṃ dīpanaṃ dhūpaṃ tathā pañcā'mṛtā''plavam || 18 ||
[Analyze grammar]

vidadhātyeva hastābhyāṃ nānyadāsyādibhiḥ kvacit |
evaṃ sevāparā nityaṃ muktānīva hi vartate || 19 ||
[Analyze grammar]

nārāyaṇaṃ caturbāhuṃ śeṣaparyaṃkaśāyinam |
arcayāmāsa satataṃ vāṅmanaḥkāyakarmabhiḥ || 20 ||
[Analyze grammar]

mālyā''dānādikaṃ sarvaṃ svayameva cakāra ha |
gandhādipeṣaṇaṃ caiva haviṣāṃ pacanaṃ tathā || 21 ||
[Analyze grammar]

bhūmerālepanādīni svayaṃ vai pracakāra sā |
nāmnā padmāvatī rājñī vācā nārāyaṇeti ca || 22 ||
[Analyze grammar]

śrīkṛṣṇetyeva sā nityaṃ bhāṣamāṇā pativratā |
daśavarṣasahasrāṇi tatpareṇāntarātmanā || 23 ||
[Analyze grammar]

arcayāmāsa govindaṃ gandhapuṣpādibhiḥ sadā |
viṣṇubhaktān bhāgavatān narānnārīśca vaiṣṇavīḥ || 24 ||
[Analyze grammar]

dānamānārcanairnityaṃ dhanaratnairatoṣayat |
tataḥ kadācit sā devī dvādaśīṃ samupoṣya vai || 25 ||
[Analyze grammar]

hareragre mahābhāgā suṣvāpa patinā saha |
patiṃ nārāyaṇaṃ dhyātvā siṣeve gṛhyadharmaṇā || 26 ||
[Analyze grammar]

tatra nārāyaṇo devastāmāha puruṣottamaḥ |
kimicchasi varaṃ bhadre mattastvaṃ brūhi bhāmini || 27 ||
[Analyze grammar]

sā kṛṣṇāttu varaṃ vavre putro me vaiṣṇavo bhavet |
sārvabhaumo mahātejāḥ sarvasvārpaṇabhaktimān || 28 ||
[Analyze grammar]

tathetyuktvā dadau tasyai phalamekaṃ janārdanaḥ |
sā pratyakṣaṃ phalaṃ dṛṣṭvā bhartre sarvaṃ nyavedayat || 29 ||
[Analyze grammar]

bhakṣayāmāsa saṃdṛṣṭvā phalaṃ tadgatamānasā |
tataḥ kālena sā padmāvatī putraṃ suvaṃśadam || 30 ||
[Analyze grammar]

asūta vaiṣṇavaṃ bhaktaṃ vāsudevaparāyaṇam |
bhaktalakṣaṇasampannaṃ cakrāṃkitatanūruham || 31 ||
[Analyze grammar]

divyarekhānvitaṃ paraṃ bhāgavataṃ guṇālayam |
pitā jātakriyāḥ sarvāścakāra vavṛdhe'pi saḥ || 32 ||
[Analyze grammar]

ambarīṣa iti nāmā'bhavanmukto guṇādibhiḥ |
pitrā'bhiṣikto rājye'pi tapa ugraṃ cakāra saḥ || 33 ||
[Analyze grammar]

saṃvatsarasahasraṃ sa japannārāyaṇaṃ harim |
rādhāprabhāpārvatīśrīlakṣmīśāmāṇikīpatim || 34 ||
[Analyze grammar]

śrīvatsavakṣasaṃ vṛndāramāśrīpadminīpatim |
padmātulasīvijayālalitāmaṃjulāpatim || 35 ||
[Analyze grammar]

devīhaimīdayāśāntāśānticampāsupuṣpikā |
haṃsāraṃbhāsavitāmauktikāmuktājayāpatim || 36 ||
[Analyze grammar]

abhajat sarvadā rājā śrīkṛṣṇapuruṣottamam |
tataḥ prasanno bhagavān cakrapadmāṃkapattalaḥ || 37 ||
[Analyze grammar]

garuḍaṃ hastinaṃ kṛtvā bhūtvendraḥ svaḥ samāyayau |
ambarīṣaṃ hariḥ prāha mahendrohaṃ varaṃ vṛṇu || 38 ||
[Analyze grammar]

brūhi kiṃ te dadāmyatra tapasāṃ phalamūrjitam |
ambarīṣastadā prāha tvadarthaṃṃ na tapāmi vai || 39 ||
[Analyze grammar]

tvayā dattaṃ ca neṣyāmi gaccha cendra yathāsukham |
nāhamicchāmi te bhogān naśvarān pārameṣṭhikān || 40 ||
[Analyze grammar]

vairājān vaiśvarān nirayān kāmasaṃcitān |
vinā nārāyaṇakṛṣṇacaraṇābjasya dāsatām || 41 ||
[Analyze grammar]

tataḥ prahasya bhagavān kṛṣṇanārāyaṇaḥ svayam |
svarūpamakarot svasya lakṣmīkāntaṃ caturbhujam || 42 ||
[Analyze grammar]

garuḍasthaṃ guruṃ dṛṣṭvā'mbarīṣaḥ praṇanāma tam |
tuṣṭāvā'ha prasīdā'tra mama kṛṣṇanarāyaṇa || 43 ||
[Analyze grammar]

kāmbhareya mahāviṣṇo gopālakulabālaka |
patnīvrata ādidevaḥ śrīvyāsaḥ kamaleśvaraḥ || 44 ||
[Analyze grammar]

kriyākāṇḍaṃ tvayi kṛtvā paramātmātmani sthitaḥ |
tvāṃ prapanno'smi bhaktānāṃ vallabha śaraṇaprada || 45 ||
[Analyze grammar]

bhagavāṃśca prahasyaivā'mbarīṣaṃ prāha līlayā |
vada bhakta pradānārthamāgato'smīha vāñchitam || 46 ||
[Analyze grammar]

ambarīṣo hariṃ prāha bhavāneva vṛto mayā |
bhavadbhaktiṃ karomyeva nityaṃ me'sti yathāmatiḥ || 47 ||
[Analyze grammar]

pālayiṣyāmi pṛthivīṃ kṛtvā vai vaiṣṇavaṃ jagat |
yajñahomārcanaiścaiva tarpayāmi surasthitam || 48 ||
[Analyze grammar]

vaiṣṇavān pālayiṣyāmi nihaniṣyāmi hṛdripūn |
kariṣyāmi bhajanaṃ te nayiṣyāmyakṣaraṃ bahūn || 49 ||
[Analyze grammar]

evamastvityabhidhāya cakraṃ datvā sudarśanam |
śāparogādisantāpanāśāyā'ntaradhīyata || 50 ||
[Analyze grammar]

cakraṃ siṃhāsane dhṛtvā viṣṇumūrtiṃ prakalpya ca |
ambarīṣastathā mātā padmāvatī pupūjatuḥ || 51 ||
[Analyze grammar]

cakraṃ sadaiva gṛhṇāti mātṛputrakṛtārhaṇām |
ekadā himavatpārśve vṛṣṭiścābhūd bhayaṃkarī || 52 ||
[Analyze grammar]

sāketaviṣayastatra magno nāśo vyajāyata |
padmāvatī hariṃ prāha cakraṃ saṃpūjya bhāminī || 53 ||
[Analyze grammar]

bhagavan sarvathā rakṣa prajā naijāstu vaiṣṇavīḥ |
viplavo jāyate vṛṣṭyā rakṣa trāhi kṛpāṃ kuru || 54 ||
[Analyze grammar]

pātivratyaparā syāṃ cet tvatprapattiparā yadi |
tena puṇyena tvadbhaktyā jalaṃ meghaśca naśyatām || 55 ||
[Analyze grammar]

sudarśanaṃ vihasyaiva jvālāmālābhayānakam |
bhūtvā''kāśaṃ prapadyaiva ghanān sarvān vyanāśayat || 56 ||
[Analyze grammar]

jalaṃ cā'saṃharat sarvaṃ prajā rarakṣa līlayā |
itikṛtvā''gataṃ cakra niṣaṣāda nijasthalam || 57 ||
[Analyze grammar]

athā'mbarīṣanṛpateḥ kanyā''sīcchrīmatī śubhā |
śrīmatyā dānasamayaṃ dṛṣṭvā rājā tu nāradam || 58 ||
[Analyze grammar]

abhyāgataṃ praṇipatya varānveṣaṇamārthayat |
surūpāṃ saṃvilokyaiva tāmaicchannāradastadā || 59 ||
[Analyze grammar]

āyayau parvataścāpi tāmaicchaccakame muhuḥ |
tāvubhau nṛpatiḥ prāha kanyāṃ caikāṃ kathaṃ hyaham || 60 ||
[Analyze grammar]

ubhau bhavantau tāmekāṃ prārthyamānau dadāmi vai |
tathāpi yuvayorekaṃ varayiṣyati cettadā || 61 ||
[Analyze grammar]

tasmai kanyāṃ prayacchāmi nānyathā śaktirasti me |
tathetyuktvā tato bhūyaḥ śvo yāsyāva iti sma ha || 62 ||
[Analyze grammar]

viṣṇuṃ prajagmatustau tu nematuśca rahaḥsthale |
ambarīṣaḥ sutāṃ nāmnā śrīmatiṃ dātumicchati || 63 ||
[Analyze grammar]

mahyai dadyānnāradāya kartumarhasi tattathā |
vānarānanavad bhātu parvatasya mukhaṃ yathā || 64 ||
[Analyze grammar]

tathā kuru hariḥ prāha tathāstviti yayau ca saḥ |
athāgatya parvato'pi hariṃ prāhā'rpayet sa me || 65 ||
[Analyze grammar]

golāṃgūlānano yathā nāradastatra dṛśyate |
tathā kuru hariḥ prāha tathāstviti yayau ca saḥ || 66 ||
[Analyze grammar]

rājā tu maṇḍayāmāsa svayaṃvarasabhāsthalīm |
svargasabhāsthalītulyāṃ rājanyadevapūritām || 67 ||
[Analyze grammar]

kanyāṃ śṛṃgāritāṃ nītvā'mbarīṣaḥ praviveśa ha |
ubhau devarṣisiddhau tau surūpau prathamaṃ sthitau || 68 ||
[Analyze grammar]

sarve babhūvurniṣkāmāḥ kanyāśāparivarjitāḥ |
sutāṃ kamalapatrākṣīṃ prāha rājā supadminīm || 69 ||
[Analyze grammar]

anayoryaṃ varaṃ bhadre manasā tvamihecchasi |
tasmai mālāmimāṃ dehi kanyayā''lokitau ca tau || 70 ||
[Analyze grammar]

śākhāmṛgānanaṃ dṛṣṭvā nāradaṃ parvataṃ tadā |
sā prāha pitaraṃ trastā kāvetau naravānarau || 71 ||
[Analyze grammar]

iti kṛtvā yayau paścāt paścāt trastā śanaiḥ śanaiḥ |
tāvattayorantarāle hyūnaṣoḍaśavārṣikam || 72 ||
[Analyze grammar]

sarvābharaṇasaṃśobhaṃ sthalapadmātiśobhinam |
raktāntāyatapadmākṣaṃ koṭikāmātisundaram || 73 ||
[Analyze grammar]

dantapaṃktibhiratyarthaṃ kundakuḍmalasannibhaiḥ |
hasantaṃ sā dadarśā'tirūpābhirūpamacyutam || 74 ||
[Analyze grammar]

kanyā dṛṣṭvā mumohā'ti rājā''hā''rpaya mālikām |
nāradaparvatau parasparaṃ dadṛśaturmukham || 75 ||
[Analyze grammar]

vānarīyaṃ darpaṇe'tilajjāvantau babhūvatuḥ |
anye ca jahasuḥ sarve vānarāsyau prati nṛpāḥ || 76 ||
[Analyze grammar]

prasahya tāvubhau tatra rājānaṃ prāhatuḥ khalu |
āvayorekameṣā te varayatveva mā ciram || 77 ||
[Analyze grammar]

tataḥ sā kanyakā buddhimatī natveṣṭadevatām |
māyāmādāya tiṣṭhantaṃ rakṣārthaṃ madhyavartinam || 78 ||
[Analyze grammar]

kṛṣṇanārāyaṇaṃ kāntaṃ mālikāmārpayattu sā |
anantaraṃ hi sā kanyā na dṛṣṭā manujaiḥ suraiḥ || 79 ||
[Analyze grammar]

tato nādaḥ samabhavat kimetaditi saṃsadi |
tāmādāya gato viṣṇurvaikuṇṭhaṃ puruṣottamaḥ || 80 ||
[Analyze grammar]

sabhā visṛṣṭā saṃjātā nāradaḥ parvatastathā |
gatau vaikuṇṭhamevā''dyaṃ nārāyaṇamapaśyatām || 81 ||
[Analyze grammar]

tasyāṅke susthitāṃ patnīṃ śrīmatīṃ cāpyapaśyatām |
atyāścaryaṃ samāpannau prāhatuḥ parameśvaram || 82 ||
[Analyze grammar]

kathaṃ tvayā hi bhagavan varaṃ datvā vimohitau |
kanyālābhāya saṃprocya madhyato nītavānasi || 83 ||
[Analyze grammar]

tasmājjanmāntare te'pi strīmohena sukaṣṭadā |
gatirbhaviṣyati tatra vānareṣu cariṣyasi || 84 ||
[Analyze grammar]

bhagavānāha omevaṃ svīcakāra sudharmadhṛk |
tāvṛṣī sāntvayāmāsa śṛṇuta tatra kāraṇam || 85 ||
[Analyze grammar]

kathaṃ madhye samāgatyā''hṛteyaṃ śrīmatī tu vaḥ |
rākṣasāśchaladharmāṇo rāhuvat santyanekaśaḥ || 86 ||
[Analyze grammar]

yathā'mṛtasya pāne'bhūt tathā'tra kraucirākṣasaḥ |
pratīkṣan yuvayormadhye kanyārūpeṇa mohitaḥ || 87 ||
[Analyze grammar]

hyatiṣṭhat tadvidūrāya madhyastho'haṃ samāgataḥ |
kintu yuvābhyāṃ cānyonyaṃ vānarāsyaṃ samarthitam || 88 ||
[Analyze grammar]

tattathaiva hi saṃjātaṃ yuvayoreva cārthanāt |
nāsti doṣo'ṇvāpi tatra madīyo munipuṃgavau || 89 ||
[Analyze grammar]

tāritau tu mayā vāṃ vai māyayā mohitāvapi |
kintvanyacchṛṇutaṃ viprau pūrvajanmani kanyayā || 90 ||
[Analyze grammar]

tapaḥ kṛtaṃ madarthaṃ vai bahusaṃvatsarātmakam |
sā prāgāsīnmahāsādhvī cābālyād brahmacāriṇī || 91 ||
[Analyze grammar]

mārkaṇḍeyamaharṣeḥ sā kanyā satī tu mānasī |
kambharākhyamahālakṣmyāstapaḥsthāne sahāyinī || 92 ||
[Analyze grammar]

nāmnā śrīḥ sā tapaścakre divyavarṣasahasrakam |
kṛṣṇanārāyaṇo me syātpatiścetyarthavāñcchayā || 93 ||
[Analyze grammar]

yadā sudarśanaṃ dātuṃ cāmbarīṣāya mādhavaḥ |
vyomamārgātsamāyātastadā dṛṣṭvā narāyaṇam || 94 ||
[Analyze grammar]

harṣitā cakame kṛṣṇaṃ prāptuṃ tapo vihāya sā |
yogena sahasā vyomnotpapātā'nuyayau harim || 95 ||
[Analyze grammar]

ambarīṣagṛhe tāvannārāyaṇaḥ samarpya ca |
cakraṃ sudarśanaṃ rājñe'dṛśyo'bhavattato hi saḥ || 96 ||
[Analyze grammar]

jātismarā'bhavat kanyā'mbarīṣasya hi mānasī |
madarthaṃ vaiṣṇavī jātā pratīkṣantī madāgamam || 97 ||
[Analyze grammar]

madyogārthaṃ mayaivāntaḥsthitena preritau yuvām |
gatau tasyāḥ sannidhau cāgatau mayā vimohitau || 98 ||
[Analyze grammar]

yuvayormiṣamādāya tadicchāpūraṇāya ca |
samāgato'mbarīṣasya gṛhaṃ sākṣāccaturbhujaḥ || 99 ||
[Analyze grammar]

madhye tu yuvayorbhūtvā varamālā mayā tadā |
gṛhītā kanyakāhastācchrīmatī sā mama priyā || 100 ||
[Analyze grammar]

vartate'tra mamāṃke sā sahāsā vānarānanau |
ityuktau roṣitau natvā jagmaturmunisattamau || 101 ||
[Analyze grammar]

ambarīṣaṃ samāsādya śepatustāvubhau munī |
āhūya paścādanyasmai kanyāṃ tvaṃ dattavānasi || 102 ||
[Analyze grammar]

māyāyogena tasmāt tvāṃ tamo hyabhibhaviṣyati |
evaṃ śāpe pradatte tu tamorāśirathotthitaḥ || 103 ||
[Analyze grammar]

nṛpaṃ prati tataścakraṃ taṃ jaghāna sudarśanam |
tamorāśiṃ drutaṃ hatvā munayoḥ pṛṣṭhamālagat || 104 ||
[Analyze grammar]

tau tu lokālokapāraṃ dhāvamānau bhayārditau |
trāhi trāhīti govindaṃ prāptau vaikuṇṭhanāyakam || 105 ||
[Analyze grammar]

trāhyāvāṃ puṇḍarīkākṣa trātāsi puruṣottama |
kanyā labdhā tvayā cakraṃ nau pṛṣṭhe nihitaṃ katham || 106 ||
[Analyze grammar]

śrutvā hasitvā bhagavān cakraṃ nyavartayattataḥ |
ruddhaṃ sudarśanaṃ tatra yathāpūrvamatiṣṭhata || 107 ||
[Analyze grammar]

muniśreṣṭhau gatau natvā pratijñāya hareḥ puraḥ |
adya prabhṛti dehāntamāvāṃ kanyāparigraham || 108 ||
[Analyze grammar]

na kariṣyāva ityevaṃ jātau dhyānaparāyaṇau |
ambarīṣo hariṃ dhyātvā yayau kṛṣṇapadāmbujam || 109 ||
[Analyze grammar]

viṣṇulokaṃ sadā kṛṣṇanārāyaṇaṃ prasevate |
śrīmatī śrīriva lakṣmīriva rameva sevate || 110 ||
[Analyze grammar]

iti te kathitaṃ lakṣmi prāgvṛttaṃ śrīmatībhavam |
yaḥ paṭhecchṛṇuyādvāpi śrāvayedvāpi yā satī || 111 ||
[Analyze grammar]

sarve te mama vaikuṇṭhaṃ yānti māmeva vaiṣṇavāḥ |
idṃ nityaṃ paṭhet puṇyaṃ viṣṇoḥ sāyujyamāpnuyāt || 112 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugaruntāne pativratāmāhātmye triśaṃkoḥ padmāvatīrājñyāmambarīṣotpattiḥ tasya śrīmatyākhyaduhiturvivāhe nāradaparvatayorvānaramukhatā nārāyaṇena ca śrīmatyā vaikuṇṭhaprāptiḥ padmāvatyāḥ śrīmatyāśca pātivratyabalamityādinirūpaṇanāmā ekādaśādhikacatuśśata |
tamo'dhyāyaḥ || 411 ||
[Analyze grammar]