Chapter 368

śrīnārāyaṇa uvāca |
evamuktāpi sāvitrī na nyavartata padmaje |
punarāha yamaṃ nyāyyaṃ pātivratyabharaṃ vacaḥ || 1 ||
[Analyze grammar]

tyaktvā kva yāmi kāntaṃ ca tvāṃ ca jñānārṇavaṃ gurum |
jijñāsā jāyate praṣṭuṃ tannivṛttiṃ kuru prabho || 2 ||
[Analyze grammar]

kāṃ kāṃ yoniṃ yāti jīvaḥ karmaṇā kena vā yama |
svargaṃ vā narakaṃ vā'pi muktirvā kena karmaṇā || 3 ||
[Analyze grammar]

rogyarogī dīrghajīvī kenā'lpāyuśca karmaṇā |
sukhī duḥkhī vikalāṃgaḥ kāṇo'ndho badhirastathā || 4 ||
[Analyze grammar]

pramattaḥ kṛpaṇaḥ kṣipto lubdhastathā ca ghātakaḥ |
jāyate karmaṇā kena kena siddhīrhi vindati || 5 ||
[Analyze grammar]

svargabhogādikaṃ kena vaikuṇṭhaṃ cāmṛtaṃ tathā |
golokaṃ cā'kṣaraṃ kena sālokyādicatuṣṭayam || 6 ||
[Analyze grammar]

narakaṃ vā katividhaṃ kaḥ kiyantaṃ tu tiṣṭhati |
kena vā karmaṇā kīdṛgvyādhirbhavati mānuṣe || || 7 ||
[Analyze grammar]

vada sarvaṃ yathā vetsi hyupakāro bhaviṣyati |
iti śrutvā tu sāvitrīṃ yamaḥ prāha taduttaram || 8 ||
[Analyze grammar]

vismitaḥ sa yamaḥ prāha kanye ṣoḍaśavatsarā |
vayasā tvaṃ kutastvetajjñānaṃ labdhavatī sute || 9 ||
[Analyze grammar]

manye tāṃ brahmaṇaḥ patnīṃ sāvitrīṃ tvāṃ samāgatām |
prāptāṃ tu bhūbhṛtā tvaśvapatinā tapasā purā || 10 ||
[Analyze grammar]

jñānaṃ te pūrvaviduṣāṃ yogināṃ jñānināṃ yathā |
yathā śrīḥ śrīpateraṃke lakṣmīrnārāyaṇorasi || 11 ||
[Analyze grammar]

yathā rādhā ca śrīkṛṣṇe bhavānī bhavavāmagā |
dharmorasi yathā mūrtiḥ sāvitrī brahmavakṣasi || 12 ||
[Analyze grammar]

kardame devahūtiśca śatarūpā yathā manau |
aditiḥ kaśyape yadvad vaśiṣṭhe'rundhatī yathā || 13 ||
[Analyze grammar]

yathā śacī mahendre ca yathā'halyā tu gautame |
yathā ca rohiṇī candre kāmadeve ratiryathā || 14 ||
[Analyze grammar]

hutāśane yathā svāhā yathā svadhā ca pitṛṣu |
yathā divākare saṃjñā yajñe ca dakṣiṇā yathā || 15 ||
[Analyze grammar]

kṛṣṇanārāyaṇe lakṣmīrmāṇikī pārvatī prabhā |
varuṇānī ca varuṇe varāhe tu dharā yathā || 16 ||
[Analyze grammar]

kārtike devasenā cālakṣmīruddālake yathā |
yathā pativratālakṣmīḥ patnīvrate ca bhūsure || 17 ||
[Analyze grammar]

yathā ca kaṃbharālakṣmīḥ kṛṣṇagopālavakṣasi |
yathā jayā ca lalitā'kṣarādhīśe harau tathā || 18 ||
[Analyze grammar]

saubhāgyā supriyā tvaṃ ca bhava satyavati priye |
iti tubhya varo dattaḥ prasannamanasā mayā || 19 ||
[Analyze grammar]

vṛṇu devi tato'nyaccā'paramabhīṣṭamarpaye |
evaṃ lakṣmi yamaṃ dṛṣṭvā prasannaṃ prāha sā satī || 20 ||
[Analyze grammar]

satyavadaurasenaiva putrāṇāṃ śatakaṃ mama |
bhavediti vṛṇomyatra macchvaśurasya cakṣuṣī || 21 ||
[Analyze grammar]

rājyalābho bhaveccāpi me bhrātṛśatakaṃ bhavet |
samatīte lakṣavarṣe tataḥ satyavatā samam || 22 ||
[Analyze grammar]

harerdhāma prayāsyāmi dehīmaṃ sadvaraṃ prabho |
anyajjijñāsitaṃ sarvaṃ śrotumicchāmi tadvad || 23 ||
[Analyze grammar]

yamaḥ prāha ca tacchrutvā sāvitrīṃ mānayan bahu |
sarvaṃ tvadīpsitaṃ devi bhaviṣyati tathāstviti || 24 ||
[Analyze grammar]

anyajjijñāsitaṃ vacmi karmapākaṃ niśāmaya |
yathā vedmi ca tatsarvaṃ kathayāmi samāsataḥ || 25 ||
[Analyze grammar]

pṛthvyāṃ śubhā'śubhaṃ karma bhuṃjate mānavāstviha |
surā daityā dānavāśca gandharvā rākṣasādayaḥ || 26 ||
[Analyze grammar]

narāśca karmajanakā na sarve samajīvinaḥ |
viśiṣṭajīvinaḥ sarve bhuṃjate karma yoniṣu || 27 ||
[Analyze grammar]

viśeṣato mānavāśca bhramanti sarvayoniṣu |
śubhena karmaṇā svargaṃ nirayaṃ tvaśubhena vai || 28 ||
[Analyze grammar]

rājasena tu puṇyena jāyate mānavo bhuvi |
sāttvikapuṇyapu्ñjena devatāḥ saṃbhavanti vai || 29 ||
[Analyze grammar]

tāmasena ca pāpena rākṣasādyāḥ piśācakāḥ |
bhūtapretāḥ paśavaśca pakṣiṇo vṛkṣavallayaḥ || 30 ||
[Analyze grammar]

kīṭāḥ pataṃgāḥ sarpāśca sarīsṛpāśca jantavaḥ |
jāyante duḥkhabahulāścaturaśītiyoniṣu || 31 ||
[Analyze grammar]

ūrdhvaṃ sattvaviśālāśca madhye bhavanti rājasāḥ |
nikṛṣṭayonijāḥ sarve jāyante tāmasā hyadhaḥ || 32 ||
[Analyze grammar]

puṇyena jāyate svargaṃ narakaṃ pāpamātrataḥ |
muktirbhaktyā kṛṣṇanārāyaṇe snehaprasevayā || 33 ||
[Analyze grammar]

rogī kukarmaṇā jīvaścā'rogī śubhakarmaṇā |
dīrghajīvī ca kṣīṇāyuḥ sukhī duḥkhī śubhā'śubhāt || 34 ||
[Analyze grammar]

andhādayaścāṃgahīnāḥ kutsitena tu karmaṇā |
anyanetravineṣṭā'ndhaḥ kāṇo bhavati mānavaḥ || 35 ||
[Analyze grammar]

anyanindāśrutilubdho badhiro jāyate dhruvam |
anyodvegakaraścātra pramatto jāyate sadā || 36 ||
[Analyze grammar]

anyadravyāpahartā ca daridro nirdhano bhavet |
atighṛṇastiraskartā kṣipto bhavati sarvathā || 37 ||
[Analyze grammar]

aprāptabhogasampattiścānyaddravyādi luṇṭati |
jāyate'yaṃ ghātakaśca lubdhakaścātipāpavān || 38 ||
[Analyze grammar]

ṛṇā'nivartako janma gṛhṇātyeva na saṃśayaḥ |
siddhyādikamavāpnoti sarvotkṛṣṭena karmaṇā || 39 ||
[Analyze grammar]

svargabhogādikaṃ sarvaṃ dānena labhate janaḥ |
vipṇubhaktyā tu vaikuṇṭhaṃ vidyayā cāmṛtaṃ padam || 40 ||
[Analyze grammar]

kṛṣṇabhaktyā tu golokaṃ parayā vidyayā'kṣaram |
hareḥ kṛpayā prāpyeta sālokyādicatuṣṭayam || 41 ||
[Analyze grammar]

narakaṃ bahudhā proktaṃ karmaṇā bahuvistarāt |
pāpānāṃ cāpyasaṃkhyānāṃ narakā'saṃkhyatā'sti vai || 42 ||
[Analyze grammar]

yāvatpāpaṃ tatra pāpī tiṣṭhate tallaye tu na |
parā''ntarapradāhena pareṣāṃ duḥkhadatvataḥ || 43 ||
[Analyze grammar]

vyādhayo'bhibhavantyenaṃ paraduḥkhapradaṃ janam |
sāmānyaṃ kathitaṃ sarvaṃ viśeṣaṃ śṛṇu sundari || 44 ||
[Analyze grammar]

durlabhā mānavī jātiḥ sarvajātiṣu bhūstare |
vipraḥ sādhuśca sādhvyaśca śreṣṭhāste bhaktimajjanāḥ || 45 ||
[Analyze grammar]

sakāmo bhaktimān karmayogī bhavati vai punaḥ |
niṣkāmo bhaktimān brahmamuktaḥ sampadyate pare || 46 ||
[Analyze grammar]

punarāgamanaṃ nāsti teṣāṃ niṣkāmakarmiṇām |
kṛṣṇabhaktāstu golokaṃ yānti divyadvihastinaḥ || 47 ||
[Analyze grammar]

nārāyaṇārcakā yānti vaikuṇṭhaṃ vai catuḥkarāḥ |
bhūmabhaktā amṛtākhyaṃ yānti sahasrabāhavaḥ || 48 ||
[Analyze grammar]

tīrthasthitā janā yānti satyalokaṃ ca tāpasāḥ |
sūryabhaktā raviṃ yānti kailāsaṃ śivabhāvukāḥ || 49 ||
[Analyze grammar]

yajñaniṣṭhāḥ svargaloke śakratvaṃ veṣṭabhāvanāḥ |
tattallokaṃ prayāntyeva punarāyānti karmaṇā || 50 ||
[Analyze grammar]

haribhaktāstu niṣkāmā harerlokaṃ prayānti hi |
yasmānna punarāvṛttirakṣaraṃ tatpadaṃ param || 51 ||
[Analyze grammar]

svadharmarahitā bhraṣṭācārā yāntyadhamāṃ gatim |
nārakīṃ yātanāṃ te ca bhuṃjate tiryagātmasu || 52 ||
[Analyze grammar]

svadharmaniratāḥ sarvaṃ pṛthvyāṃ suphalabhāginaḥ |
svadharmarahitāḥ sarve nirayān yānti dāruṇān || 53 ||
[Analyze grammar]

kanyādātā candralokaṃ yāvadindrāścaturdaśa |
yāti sālaṃkṛtādānād dviguṇaṃ phalamucyate || 54 ||
[Analyze grammar]

gavyaṃ ca rajataṃ bhāryāṃ vastraṃ sasyaṃ phala jalam |
ye dadati te prayānti tattatsmṛddhā divaṃ dhruvām || 55 ||
[Analyze grammar]

kālaṃ tu suciraṃ sthitvā pṛthvīmāyānti vai punaḥ |
suvarṇaṃ gāṃ ca tāmrādi dadatyatra tu ye janāḥ || 56 ||
[Analyze grammar]

vasanti sūryalokaṃ te varṣāṇāmayutaṃ sati |
bhūmiṃ dhānyāni dadati śvetadvīpe vasanti te || 57 ||
[Analyze grammar]

gṛhadānapradātā ca suralokaṃ hi vindati |
gṛhareṇupramāṇābdavāsastatra dhruvo mataḥ || 58 ||
[Analyze grammar]

yasmai yasmai tu devāya yo dadāti gṛhaṃ janaḥ |
sa yāti tasya lokaṃ tu reṇumānābdamuttamam || 59 ||
[Analyze grammar]

saudhe caturguṇaṃ puṇyaṃ pūrte śataguṇaṃ phalam |
prakṛṣṭe'ṣṭaguṇaṃ puṇyaṃ divye divyaphalaṃ matam || 60 ||
[Analyze grammar]

taḍāgakartā varṣāṇāmayutaṃ janalokagaḥ |
vāpyāṃ phalaṃ śataguṇaṃ setubandhe sahasrakam || 61 ||
[Analyze grammar]

dhanuścatuḥsahasreṇa dairghyamānena vāpikā |
daśavāpīsamā kanyā phalaṃ dadāti pātrake || 62 ||
[Analyze grammar]

dviguṇaṃ ca phalaṃ tatra yadi sālaṃkṛtāṃ dadet |
vāpīkūpataḍāgādeḥ paṃkoddhāre kṛte phalam || 63 ||
[Analyze grammar]

aśvatthavṛkṣasevī ca samāropaka ityapi |
prayāti tapaso loke varṣāṇāmayutaṃ param || 64 ||
[Analyze grammar]

puṣpodyānaprado varṣāyutaṃ dhruve vaset sati |
vimānado viṣṇuloke vasenmanvantaraṃ param || 65 ||
[Analyze grammar]

yānavāhanaśibikārathadātā caturguṇam |
phalaṃ tu labhate pātre vaiṣṇave sukhadaṃ param || 66 ||
[Analyze grammar]

dolādyarpayitā yāyād viṣṇulokaṃ manvantaram |
rājamārgaṃ saudhayuktaṃ karoti yaḥ sa aindrakam || 67 ||
[Analyze grammar]

padṃ varṣāyutaṃ bhuktvā pṛthvyāṃ yāti śubhaṃ gṛham |
dattaṃ dātre samāyāti na dattaṃ nopatiṣṭhati || 68 ||
[Analyze grammar]

bhuktvā svargādikaṃ saukhyaṃ punarbhūmau prayānti vai |
labhetottamabhavane janmottamajaneṣviha || 69 ||
[Analyze grammar]

viprāśca rakṣakā yadvopārjakāḥ sevakāśca vā |
yathākarma bhavantyeva bhūmau tadvacca sarvadā || 70 ||
[Analyze grammar]

atrā'nyatra kṛtaṃ sarvaṃ bhoktavyaṃ bhavati dhruvam |
iti te kathitaṃ sarvaṃ gaccha sāvitri mā ciram || 71 ||
[Analyze grammar]

ityuktvā maunamāsthāya yamaścāgre yayau śanaiḥ |
sāvitryapi śanaiḥ paścāccacāla yamavāṭagā || 72 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne pativratāmāhātmye karmānurūpaśubhāśubhasthānagatiḥ svasyāḥ putraśataṃ śvaśurasya cakṣuṣī svasyā bhrātṛśatakaṃ satyavato lakṣābdāyuritivaraprāptiścetyādinirūpaṇanāmā'ṣṭaṣaṣṭyadhikatriśatatamo'dhyāyaḥ || 368 ||
[Analyze grammar]