Chapter 360

śrīnārāyaṇa uvāca |
śṛṇu lakṣmi citraguptagṛhe tu nāciketasā |
yad dṛṣṭaṃ tat kathayāmi nāciketā jagāda tān || 1 ||
[Analyze grammar]

śṛṇvantu brāhmaṇāḥ sarve citraguptāṃgaṇe mayā |
yad dṛṣṭaṃ ca tataścāpi tatsarvaṃ kathayāmi vaḥ || 2 ||
[Analyze grammar]

citraguptena cā''diṣṭā mandehā nāma rākṣasāḥ |
anye dūtāśca vijñaptāḥ karmiṇāṃ yātanākṛte || 3 ||
[Analyze grammar]

nānārūpadharā ghorāḥ sāyudhāḥ piśitāśanāḥ |
bho bho mandehakā vīrāstathā dūtāḥ savikramāḥ || 4 ||
[Analyze grammar]

jīvān badhnantu gṛhṇantu pāpakān yātanākṛte |
mārayantu khādayantu mardayantu yathā kṛtam || 5 ||
[Analyze grammar]

ityājñaptā rākṣasāste dūtāśca kāmarūpiṇaḥ |
sannaddhāstvaritaṃ bhīmā gajāśca siṃharūpiṇaḥ || 6 ||
[Analyze grammar]

vyāghraśṛgālamahiṣavyālavṛścikarūpiṇaḥ |
gṛdhraśyenaphaṇiṛkṣagardabhādisvarūpiṇaḥ || 7 ||
[Analyze grammar]

śūlaśaktiprahārāste yaṣṭitomarapāṇayaḥ |
paṭṭiśāsikhaḍgayuktā dūtā ghoraparākramāḥ || 8 ||
[Analyze grammar]

bhindhi chindhi ca gṛhṇīṣva vadanti raktalocanāḥ |
khādanti ghnanti mandehāścitraguptapraperitāḥ || 9 ||
[Analyze grammar]

vyādhīnāṃ tu sahasrāṇi dūtānāmayutāni ca |
jvarāśca kālamuṇḍāśca keṃkarākṣā sahasraśaḥ || 10 ||
[Analyze grammar]

ārabdhā mardanaṃ kartuṃ pāpināṃ pāpakarmiṇām |
dharmarājena sandiṣṭacitraguptasya śāsanāt || 11 ||
[Analyze grammar]

yathānyāyaṃ daṇḍayogyā baddhā bandhaistu rākṣasaiḥ |
agninā tāpitāḥ kecid daśanābhiśca carvitāḥ || 12 ||
[Analyze grammar]

durācārānpāparatānnirghṛṇānpāpacetasaḥ |
śvānaḥ śvāpadapaśavo bhakṣayanti durātmakān || 13 ||
[Analyze grammar]

citraguptaḥ sthitastatra nyāye śrāvayati jvarān |
dūtāṃśca rākṣasāṃstadvai mayā pratyakṣataḥ śrutam || 14 ||
[Analyze grammar]

pitṛghnaṃ mātṛgoghnaṃ ca samāropya tu śālmalīm |
sutīkṣṇaiḥ kaṇṭakairdūtā vipāṭayantu mā ciram || 15 ||
[Analyze grammar]

pācake pakṣiṇāmenaṃ pācayantu narādhamam |
paśūnāṃ tvanyajantūnāṃ taptatailakaṭāhake || 16 ||
[Analyze grammar]

tāmrataptakhale kṣiptvā pradīpte havyavāhane |
prāṇināṃ bharjakaṃ cainaṃ bharjayantu yathākṛtam || 17 ||
[Analyze grammar]

śayanāsanahartāraṃ vahnidāyinameva tu |
vaitaraṇyāṃ prakṣipantu vahnau paścāt kṣipantu ca || 18 ||
[Analyze grammar]

tīrthakṣetradharmakṣetranāśakaṃ pātayantu vai |
vidhyantu tasya marmāṇi kīlakairvahnitāpitaiḥ || 19 ||
[Analyze grammar]

piśunasya kūṭasākṣipradasyā'sya tu karṇayoḥ |
jihvāyāṃ ca nindakasya dīyantāṃ vahnikīlakāḥ || 20 ||
[Analyze grammar]

kāpaṭyayājakaṃ dhūrtaṃ śaṭhaṃ dāṃbhikamatra hi |
baddhvā tu bandhane kīle dīyatāṃ tu na kiṃcana || 21 ||
[Analyze grammar]

vācā duṣṭasyā'nṛtasya vakturjihvā'sya chidyatām |
prasahya kāmamohena vyavāyino'sidhārayā || 22 ||
[Analyze grammar]

chitvā pāpasya liṃgaṃ ca kṣāramagniśca dīyatām |
anena kṛtvā ṣaḍyantraṃ dāyādā bahavo janāḥ || 23 ||
[Analyze grammar]

vināśitāḥ svārthahetorbhedayantu śarairhi tam |
suvarṇasteyinaṃ tvenaṃ kṛtaghnaṃ pitṛnāśakam || 24 ||
[Analyze grammar]

goghnaṃ mudgaraiḥ saṃcūrṇya kṣāre'gnau bharjayantu vai |
imaṃ kanyāharaṃ vipraṃ khādantu kṛtyakā drutam || 25 ||
[Analyze grammar]

piśunaṃ brāhmaṇaṃ vyāghrāḥ khādantu tīkṣṇadaṃṣṭrakāḥ |
ima pacantu pākeṣu bahudhā marmabhedinam || 26 ||
[Analyze grammar]

devāgnipūjayā hīnaṃ vīraghnaṃ devanindakam |
karkaṭeṣu mocayantu devadravyavināśakam || 27 ||
[Analyze grammar]

kṣipantvimaṃ hrade tapte sarvayājanayājakam |
adānakārakaṃ dharmavikrayiṇaṃ khalaṃ dvijam || 28 ||
[Analyze grammar]

toyabhojanahartāraṃ ghnantu daṇḍaiḥ sudāruṇaiḥ |
veṇudaṇḍakaśābhiśca lohadaṇḍaiścipīṭakaiḥ || 29 ||
[Analyze grammar]

jalamasmai na dātavyaṃ bhojanaṃ ca kadācana |
hataṃ viśvāsya hantāraṃ pācayantu mahānale || 30 ||
[Analyze grammar]

devadravyaṃ hṛtaṃ yena tamenaṃ pācayantvapi |
rājñastu mārake gurormārake bālamārake || 31 ||
[Analyze grammar]

yojayantu rājayakṣmarogaṃ kṣipantu kandare |
kūṭaśālmalivṛkṣe strīghātakaṃ ghātayantu vai || 32 ||
[Analyze grammar]

māṃsādaṃ tu varṣaśataṃ bhakṣayantu yamānugāḥ |
tataḥ pākeṣu ghoreṣu pacyatāṃ sa narādhamaḥ || 33 ||
[Analyze grammar]

tato mānuṣatāṃ prāpya garbhastho mriyatāṃ muhuḥ |
daśagarbhamṛto bhūtvā kleśabhāgī prajāyatām || 34 ||
[Analyze grammar]

bubhukṣārugvikāraiśca satataṃ tatra pīḍyatām |
yantreṇa pīḍyatāṃ tveṣo mitraviśvāsaghātakaḥ || 35 ||
[Analyze grammar]

dīpyatāṃ jvalane ghore tato varṣaśatadvayam |
tataḥ śvayonimāpanno rogī bhavatu sarvadā || 36 ||
[Analyze grammar]

tato rogārtadehastho mānuṣo jāyatāmayam |
rasahartā lavaṇādihartā'yaṃ jāyatāṃ kṛmiḥ || 37 ||
[Analyze grammar]

varṣāṇāṃ tu śataṃ pañca viṣṭhākṛmiśca jāyatām |
tataḥ śakuntastatpaścād vṛko bhavatu nīrase || 38 ||
[Analyze grammar]

imamagnipradaṃ vahnau tāpayantu muhurmuhuḥ |
paścānmṛgo varṣaśataṃ kīṭo varṣaśataṃ tataḥ || 39 ||
[Analyze grammar]

tato'tiduḥkhayukto'sau mānuṣo jāyatāṃ ghṛṇī |
paradravyāpahārāṃśca raurave pātayantvimān || 40 ||
[Analyze grammar]

kumbhīpākeṣu saṃpacya kṣipantu rāsabhe kule |
paścānmalādavārāhe tataścaurakule nare || 41 ||
[Analyze grammar]

yatra duḥkhaparītāśca kṛtaṃ vai bhuṃjate graḥ |
paropaghātinaṃ tvenaṃ baddhvā'dhomastakaṃ drume || 42 ||
[Analyze grammar]

agninā pācayantvenaṃ kṣipantu lubdhajanmasu |
tato varṣaśate pūrṇe muñcantvenaṃ yamānugāḥ || 43 ||
[Analyze grammar]

piśunaṃ vajratīreṇa praviddhya vahane tataḥ |
kṣipantu sūkarayonau tato nakulajanmasu || 44 ||
[Analyze grammar]

imamānṛtikaṃ kṣetrahārakaṃ kūṭasākṣiṇam |
prakṣipantvandhatāmisre tatastiryakpaśudrume || 45 ||
[Analyze grammar]

yathākarma januṃ labdhvā badhiro'ndhaśca mānuṣe |
mūkaḥ kāṇo vyādhiyukto jāyatāṃ vai punaḥ punaḥ || 46 ||
[Analyze grammar]

bhūmiharaṃ kṣetraharaṃ baddhvā vai pācayantvimam |
paścātsa jāyatāṃ pāpo mārjāraḥ kṣudhayā'rditaḥ || 47 ||
[Analyze grammar]

imaṃ śākunikaṃ pāpaṃ śvabhirgṛdhraiśca dāruṇaiḥ |
ghātayantu tataścainaṃ kṣipantu kukkuṭe kule || 48 ||
[Analyze grammar]

daṃśayonau maśakeṣu kṣipantu pāpakarmiṇam |
imaṃ saukarikaṃ pāpaṃ mahiṣā ghātayantu vai || 49 ||
[Analyze grammar]

tataḥ sūkarayonau ca mahiṣe kukkuṭe śaśe |
jambūke kramaśo gatvā bhakṣyo bhavatu tatra saḥ || 50 ||
[Analyze grammar]

tato vyādho bhavatveṣaḥ pāpātmā'raṇyavāsavān |
athocchiṣṭānnadātāraṃ pacantvaṃgārakairmuhuḥ || 51 ||
[Analyze grammar]

bhinnacāritraduḥśīlāṃ bharturvyalīkakāriṇīm |
āyasānpuruṣānsaptā''liṃgayantu samantataḥ || 52 ||
[Analyze grammar]

śūnī bhavatu saṃkaṣṭā sūkaro duḥkhitā tvanu |
paścāddāsījanma labdhvā bahubhogyā bhavatviyam || 53 ||
[Analyze grammar]

anena bhṛtyā bahavo vañcito duḥkhitāḥ kṛtāḥ |
raurave narake tvenaṃ nikṣipantu durāsade || 54 ||
[Analyze grammar]

paścādayaṃ krūrajātau sarpādau jāyatāṃ tataḥ |
sūkare ca śṛgāle ca bake meṣe ca vājini || 55 ||
[Analyze grammar]

bhūtvā bhūtvā gardabhādau śvajātau vṛṣajātike |
tato vai jāyatāṃ dāsavarge duḥkhatare hyayam || 56 ||
[Analyze grammar]

etatsarvaṃ śrutaṃ dṛṣṭaṃ viprāḥ pratyakṣameva ha |
anyānyapi ca pāpāni citragupto dideśa tān || 57 ||
[Analyze grammar]

dharmavratādihīnānāṃ pāpapakṣānugāminām |
yamakārāgrahe varṣasāhasraṃ vāsameva ca || 58 ||
[Analyze grammar]

kārayantu yamadūtā hiṃsāvihāriṇā tathā |
sūcakānāṃ ca kāryapradūṣakāṇāṃ gurudruhām || 59 ||
[Analyze grammar]

dāvāgnisaṃpradātṝṇāṃ pācanaṃ pāvake bhaṭāḥ |
kurvantu ca tato garbhe prerayantu ca mānuṣe || 60 ||
[Analyze grammar]

alpāyuṣo vyādhigrastā bhaviṣyanti svapāpataḥ |
garbhe eva mariṣyanti yadvā naśyanti bālakāḥ || 61 ||
[Analyze grammar]

aprāptayauvanāḥ kecid mariṣyanti prahiṃsakāḥ |
kāṣṭhapāśe śastrapāśe vāyau vahnau jale'thavā || 62 ||
[Analyze grammar]

patanena tathā nāśaṃ te yāsyanti viṣeṇa vā |
mātāpitṛvadhakaṣṭaṃ prāṇātipatanaṃ tathā || 63 ||
[Analyze grammar]

prāpsyante svajanādduḥkhaṃ hiṃsakā ghātakāstathā |
lohakāḥ kārukā gartakārakāḥ prāṇihiṃsakāḥ || 64 ||
[Analyze grammar]

mūtrāṇḍanāśakā ye ca garadāḥ puradāhakāḥ |
ye tu pañjarakartāraḥ śūlādyaistu praghātakāḥ || 65 ||
[Analyze grammar]

piśunāḥ kalahāścāpi mithyādūṣaṇakāriṇaḥ |
paśunāśakarā jīvodvejakā ye ca ghātakāḥ || 66 ||
[Analyze grammar]

paśyantāṃ narake ghore yātanāsu punaḥ punaḥ |
karmakṣaye januṃ prāptā hīnāṃgāḥ saṃbhavantu te || 67 ||
[Analyze grammar]

daridrāḥ karmabhistatra karṇayoḥ chedanaṃ tathā |
nāsāpracchedanaṃ hastapādapracchedanaṃ tathā || 68 ||
[Analyze grammar]

prāpnuvantu mānasaṃ śārīraṃ duḥkhaṃ tu sarvadā |
galaduḥkhāḥ śiroduḥkhāḥ kukṣyāmayā bhavantu te || 69 ||
[Analyze grammar]

jaḍā'ndhabadhirā mūkāḥ paṃgavaḥ karasarpiṇaḥ |
ekapakṣahatāḥ kāṇāḥ kunakhāścāmayāvinaḥ || 70 ||
[Analyze grammar]

kubjāḥ khañjā vikalāśca phullapādā ghaṭodarāḥ |
galatkuṣṭhāḥ śvitrakuṣṭhā vātā'ṇḍāścāṇḍavarjitāḥ || 71 ||
[Analyze grammar]

pramehamadhumehārtā yoniśūlā'kṣiśūlakāḥ |
śvāsahṛdguhyaśūlāśca plīhagulmādirogiṇaḥ || 72 ||
[Analyze grammar]

bhavantu mānuṣe bhāve svakarmaphalabhoginaḥ |
mithyāpralāpinaḥ krūrān pācayantu yamānugāḥ || 73 ||
[Analyze grammar]

karkaśānnindakān dūtāḥ piśubhānkaṭukāṃstathā |
snehakṣayakarān rūkṣānmarmaghnān vākpradūṣakān || 74 ||
[Analyze grammar]

gālīdānniṣṭhurāṃstyaktalajjān śaṭhāṃśca nirdayān |
samatsarān serṣyāścaṇḍān bandhayantu narādhamān || 75 ||
[Analyze grammar]

tatastiryakkīṭapakṣipaśuṣvetāna kṣipantu vai |
tato manuṣyabhāve te bhavantu lokanāśakāḥ || 76 ||
[Analyze grammar]

paribhūtā avijñānā naṣṭacittā akīrtayaḥ |
anarcyāścāpyanarhāśca svajanairavamānitāḥ || 77 ||
[Analyze grammar]

lokadveṣakarā dveṣyā mitrajñātinirākṛtāḥ |
mithyākalaṃkabhoktāro vajraśastraviṣādibhiḥ || 78 ||
[Analyze grammar]

nāśaṃ prāptā bhavantvete mithyākalaṃkadūṣaṇāḥ |
athā'nyattu śrutaṃ tatra citraguptoditaṃ bahu || 79 ||
[Analyze grammar]

steyahāraṃ prahāraṃ ca nītihāraṃ karoti yaḥ |
steyakarmāṇi kurvanti prasahya haraṇāni ca || 80 ||
[Analyze grammar]

karacaṇḍāśino ye ca rājacchāyopajīvinaḥ |
pīḍayanti prajāḥ sarvāstānnarā'dhamapāpinaḥ || 81 ||
[Analyze grammar]

suvarṇamaṇimuktādikūṭakrayānukārakān |
samaye ca kṛtaghnāṃśca svārthamātraparāyaṇān || 82 ||
[Analyze grammar]

bhūtapretābhicāraghnān dhātubhedakarāṃstathā |
nyāsārthahārakānmantramohanādikarāṃstathā || 83 ||
[Analyze grammar]

kṣudropādhikarān dīrghaṃ pācayantu prapāpinaḥ |
dīnanirdhanakṛpaṇaparāśritādikaṣṭadān || 84 ||
[Analyze grammar]

nikṣipantu mahāgarte'ndhakāre vṛścikānvite |
karmakṣaye tu tāṃstatra yojayantu janau jane || 85 ||
[Analyze grammar]

yatra caurabhayaṃ vārikṣudbhayaṃ rājato bhayam |
āpadbhayaṃ mahadītibhayaṃ vyādhibhayaṃ tathā || 86 ||
[Analyze grammar]

dhūrtaprajājano yatra nagaraṃ śaṭhavāsitam |
upasargāḥ kṣaṇaṃ yatra na tyajanti kadācana || 87 ||
[Analyze grammar]

atha śrutaṃ mayā cānyacchṛṇutātra dvijāḥ punaḥ |
ta ete pāpakarmāṇo jāyantāṃ yatra pīḍanam || 88 ||
[Analyze grammar]

bahuduḥkhaparikliṣṭāṃ garbhavāse'pi pīḍitāḥ |
ekahastā dvihastā vā vṛkṇāśca vikṛtodarāḥ || 89 ||
[Analyze grammar]

rugṇanāḍīkṛtaduḥkhā hīnāṃgā vāyurogiṇaḥ |
sadā rorūyamāṇāśca dārahīnā vyavāyinaḥ || 90 ||
[Analyze grammar]

apatyahīnā kṛpaṇā bhairavasvanavālakāḥ |
ucchiṣṭabhojakāścātivedanābhiḥ susaṃvṛtāḥ || 91 ||
[Analyze grammar]

rūpato guṇato hīnā balataḥ śīlatastathā |
bhṛtyānāmapi bhṛtyāste tṛṇībhūtā bhavantu te || 92 ||
[Analyze grammar]

nityaṃ yatra nṛpadaṇḍo vadho vā kṛcchrameva vā |
vṛṣṭiśītakṛtodvegāḥ sarvakārye kṣayā''gamāḥ || 93 ||
[Analyze grammar]

akīrtibhāginaścāpi śubhe'pyaśubhabhāginaḥ |
suvṛṣṭyāmapi yeṣāṃ vai kṣetraṃ vṛṣṭirvivarjayet || 94 ||
[Analyze grammar]

aśanirvā pated yatra kṣetraṃ tadvā vinaśyati |
na sukhaṃ nāpi maraṇaṃ kleśo yeṣāṃ tu bhālake || 95 ||
[Analyze grammar]

tatra bhavantu te pāpāḥ stenādyā lokakaṣṭadāḥ |
atha prasahya dārādiprasaktānāṃ tu yātanām || 96 ||
[Analyze grammar]

śṛṇutā'tra bhaṭā yatra nikṣeptavyā hi pāpinaḥ |
tiryaṅmānuṣadeheṣu prasahya kāminastu ye || 97 ||
[Analyze grammar]

kāmukyo vā viharanti dharmacāritradūṣikāḥ |
prasahya vā bhayaṃ datvā ye caranti kulāṃganāḥ || 98 ||
[Analyze grammar]

varṇasaṃkarakartārastān kṣipantvanale muhuḥ |
bahuvarṣasahasrāṇi pācayantu tataśca tān || 99 ||
[Analyze grammar]

kṣipantu mānuṣe bhāve yatra saṃkīrṇayonijāḥ |
veśyālaṃghaṭakūṭāśca naikamaithunakukṣijāḥ || 100 ||
[Analyze grammar]

strībandhakāḥ strīvināśāḥ strīveṣāḥ strīvihāriṇaḥ |
strīdāsāḥ strībhogabhogyāḥ strībhāvāḥ strīprakarmiṇaḥ || 101 ||
[Analyze grammar]

bībhatsadarśanā yatra tatra kṣipantu tān janān |
nāryo'pi tatsvabhāvāśca tadvad bhavantu duḥkhagāḥ || 102 ||
[Analyze grammar]

iti śrutaṃ mayā sarvaṃ nāciketā jagāda tān |
iti te kathitaṃ lakṣmi citraguptanideśanam || 102 ||
[Analyze grammar]

iti śrīlakṣmīnārāyaṇīyasaṃhitāyā prathame kṛtayugasantāne yāmyacakre pāpināṃ daṇḍadānāya citraguptakṛtājñayā vividhayātanāsu mandehādirākṣasaiḥ kṛtanāraki |
pīḍanādipradarśananāmā ṣaṣṭyadhikatriśatatamo'dhyāyaḥ || 360 ||
[Analyze grammar]