Chapter 342

śrīlakṣmīruvāca |
rurukṣetraṃ kathaṃ jātaṃ rurutīrthaṃ ca kīdṛśam |
tanme vada kṛpāsindho śrotumicchāmi sarvaśaḥ || 1 ||
[Analyze grammar]

śrīnārāyaṇa uvāca |
purā vipro devadatto bhṛguvaṃśodbhavo'bhavat |
divyaṃ tapo'tapad yatra mṛgākīrṇāśrame purā || 2 ||
[Analyze grammar]

varṣāṇāmayutaṃ jātaṃ tapasi vartato muneḥ |
vyacintayattadā tvindro vighnaṃ kartuṃ tapasyataḥ || 3 ||
[Analyze grammar]

kāmaṃ vasantasahitaṃ gandharvān sasakhīn punaḥ |
pramlocāṃ preṣayāmāsa malayānilamityapi || 4 ||
[Analyze grammar]

indrasyā''jñāṃ samādāya yayustasyāśramaṃ prati |
samīpopavane ramye kokilā''lāpaguñjite || 5 ||
[Analyze grammar]

rasālakusumāmodavyāpipavanaśītale |
bhramaranādasaṃghuṣṭe gandharvagītagarjite || 6 ||
[Analyze grammar]

paṃkajanetrasaṃśobhajjalasthalātimañjule |
praviśya sā tu pramlocā gītaṃ sumadhuraṃ jagau || 7 ||
[Analyze grammar]

munirdhyānāduparato gandharvā gītimārabhan |
kāmo labdhā'vasaraṃ ca vicakarṣa dhanustadā || 8 ||
[Analyze grammar]

muniḥ kṣubdha iti jñātvā sāyakān samayūyujat |
munistato vicacārā''śramaṃ śṛṇvan sugītikām || 9 ||
[Analyze grammar]

dūrād dadarśa tanvaṃgīṃ kandukakrīḍanānvitām |
tasyāḥ samīpamagamat sāpi samīpamāgatā || 10 ||
[Analyze grammar]

sammohito munistāṃ cā'pṛcchat kā tvaṃ kathaṃ vane |
sā prāha munisevārthamāgatā'smi gṛhāṇa mām || 11 ||
[Analyze grammar]

atha tāṃ hasamānāṃ sa ramayāmāsa kāmataḥ |
bahūnahargaṇānevaṃ ramamāṇo yadṛcchayā || 12 ||
[Analyze grammar]

nirvedaṃ prāptavān sadyastadovāca punaḥ punaḥ |
aho māyābalaṃ paśya yayā'haṃ bhṛśamohitaḥ || 13 ||
[Analyze grammar]

jānannapi tapobhraṃśaṃ prāpto devabalātkṛtam |
pumān strīdarśanādeva dravate tadvimohitaḥ || 14 ||
[Analyze grammar]

nā'parādhastato nāryāḥ pumān yadajitendriyaḥ |
evaṃ vicāraṃ kṛtvā tāṃ visasarja munistataḥ || 15 ||
[Analyze grammar]

tyaktvā vighnamayaṃ sthānaṃ gatvā bhṛgvāśramaṃ prati |
kṛtasnānastu gaṇḍakyāṃ pūrvasyāṃ diśi nirjane || 16 ||
[Analyze grammar]

atapyata tapo ghoraṃ bhṛgutuṃge śivopari |
śivaḥ sākṣāt samāgatyovāca taṃ munisattamam || 17 ||
[Analyze grammar]

viṣṇuśivāvabhedena paśyaṃstvaṃ siddhimāpyasyasi |
etacchivasthale liṃgaṃ samaṃgamiti tatkṛtam || 18 ||
[Analyze grammar]

samaṃgeśvaratīrthaṃ tajjātaṃ vai gaṇḍakītaṭe |
devadattastathā jñātvā sāyujyaṃ paramaṃ gataḥ || 19 ||
[Analyze grammar]

pramlocāpi munergarbhaṃ pakvaṃ kanyāsvarūpiṇam |
prāgāśrame parityajya yayau svargaṃ tataḥ priye || 20 ||
[Analyze grammar]

rurubhirmṛgavaryaiḥ sā kanyā saṃpoṣitā satī |
yuvabhiḥ prārthyamānā'pi citte kaṃcana nā'dhyagāt || 21 ||
[Analyze grammar]

cintayānā hariṃ kṛṣṇaṃ tapasi pratitiṣṭhati |
māse sā prathame bālā phalāhāraparāyaṇā || 22 ||
[Analyze grammar]

ekāntaraṃ dinaṃ prāpya dvitīye tridināntare |
tṛtīye pañcamadine caturthe saptamāntare || 23 ||
[Analyze grammar]

pañcame navarātreṇa ṣaṣṭhe pañcadaśāhake |
māsena saptame ceti śīrṇaparṇāśanā'ṣṭame || 24 ||
[Analyze grammar]

tyaktvā tānyapi sā bālā vāyvāhārā babhūva ha |
evaṃ varṣaśate yāte tasyāḥ pratyakṣatāṃ gataḥ || 25 ||
[Analyze grammar]

ahaṃ viṣṇuryadā'vocaṃ varaṃ yācaya durlabham |
sā nanāma ca māṃ dṛṣṭvā pratyuvāca kṛtāñjaliḥ || 26 ||
[Analyze grammar]

anenaiva svarūpeṇa matsthāne sthātumarhasi |
mannāmnā kṣetrametacca khyātaṃ bhavatu sarvathā || 27 ||
[Analyze grammar]

maddeho'tra tīrthabhūmau rurutīrtho'stu pāvanaḥ |
mama tīrthe kṛtasnāno dhūtapāpā bhavejjanaḥ || 28 ||
[Analyze grammar]

bhuktiṃ muktiṃ tathā yāyād varān dehi jagatpate |
iti datvā varāṃstasyai tatraivāntarhitaḥ sthitaḥ || 29 ||
[Analyze grammar]

sāpi kālena sañjātā tīrtharūpā tathā'bhavat |
tasyā niyamyarṣīkāṇi yataḥ pratyakṣatāṃ gataḥ || 30 ||
[Analyze grammar]

ṛṣīkeśa itikhyātaḥ sthānaṃ cāpi tathāvidham |
rurukṣetramṛṣīkeśakṣetraṃ tīrthaṃ taducyate || 31 ||
[Analyze grammar]

atha goniṣkramaṇākhyaṃ kṣetraṃ vadāmi tacchṛṇu |
aurvo nāma pūrvakalpe prajāpatirabhūt priye || 32 ||
[Analyze grammar]

atra sṛṣṭau samāgatya tapo ghoraṃ samācarat |
necchati tatphalaṃ kiñcidevaṃ kālo mahān gataḥ || 33 ||
[Analyze grammar]

himādreḥ śikharāt so'pi gaṃgādvāramupāgataḥ |
padmapuṣpādilabdhyarthaṃ tadā vai śaṃkaraḥ svayam || 34 ||
[Analyze grammar]

taṃ nirgataṃ ṛṣiṃ jñātvā''śramaṃ cakāra bhasmasāt |
tata āśramamāyātaṃ aurvo dagdhaṃ vilokya tat || 35 ||
[Analyze grammar]

uvāca krodhatāmrākṣo nirdahanniva dāhakam |
yenaiṣa āśramo dagdhaḥ sopi tapto'stu sarvathā || 36 ||
[Analyze grammar]

tatkṣaṇādeva deveśi īśopi kāmadāhakaḥ |
mahaddāhena santaptaḥ śaṃbhurdevīmuvāca ha || 37 ||
[Analyze grammar]

aurvasya tu tapo dṛṣṭvā bhītairdevairudāhṛtam |
dahyate'tra jagatsarvaṃ sa tu kiñcinna cecchati || 38 ||
[Analyze grammar]

ko vā pratividhistatra yathā sarvasya saṃbhavet |
evamukte mayā krodhādīkṣitastasya cāśramaḥ || 39 ||
[Analyze grammar]

dagdho'bhavat kṣaṇenaiva vayaṃ tasmādvinirgatāḥ |
etadduḥkhena santapto manyunā ca pariplutaḥ || 40 ||
[Analyze grammar]

aurvaḥ śaśāpa roṣeṇa tena taptā vayaṃ śive |
tena dāhena santapto na śaknomi viceṣṭitum || 41 ||
[Analyze grammar]

ato nārāyaṇaṃ prati gacchāmaḥ śāpaśāntaye |
tato nārāyaṇaṃ jñātvā nivedya sahitāstataḥ || 42 ||
[Analyze grammar]

aurvaṃ gatvā samūcustaṃ śāpatāpaṃ nivāraya |
aurva uvāca surabhīgaṇamānīya mādhava || 43 ||
[Analyze grammar]

śaṃkarādīn snāpayantu dugdhaiḥ śāpaḥ praśāmyati |
etasminnantare lakṣmi mayā gāvo'vatāritāḥ || 44 ||
[Analyze grammar]

saptasaptatiḥ kalyāṇyaḥ saurabheyyaḥ payodharāḥ |
tenā''plāvitadehāśca parāṃ śāntimupāgatāḥ || 45 ||
[Analyze grammar]

śaṃkarādyāstadetadvai goniṣkramaṇanāmakam |
kṣetraṃ tīrthaṃ paraṃ puṇyamaurvakṣetraṃ jagurvaram || 46 ||
[Analyze grammar]

tatra snānaṃ prakurvīta gālokaṃ tena cāpyate |
śaṃkhacakragadāyukto mama loke mahīyate || 47 ||
[Analyze grammar]

mūlavaṭasya mūle'tra patanti pañcadhārikāḥ |
pañcadhārākṛtasnānaṃ pañcayajñaphalapradam || 48 ||
[Analyze grammar]

bhuktimuktipradaṃ kṣetraṃ pañcadhāraṃ prakīrtitam |
atha pañcapadaṃ kṣetraṃ yatra pañcamahāśilāḥ || 49 ||
[Analyze grammar]

matpūrvāṃ diśamāśritya vartante sudṛḍhā yataḥ |
brahmapadadvayaṃ tatra kuṇḍamadhyagatā śilā || 50 ||
[Analyze grammar]

urdhvaṃ nālaparīṇāhaṃ tatra viṣṇupadaṃ mama |
tatra snātāḥ śuddhalokān yānti bhāgavatapriyān || 51 ||
[Analyze grammar]

idaṃ brahmapadaṃ kṣetraṃ dhārā patati paścimām |
tatra snātvā brahmaloke modate brahmaṇā saha || 52 ||
[Analyze grammar]

atha koṭivaṭaṃ nāma tīrthaṃ vāyudiśi dhruvam |
tatra snānaṃ prakurvīta pañcakrośāntarasthite || 53 ||
[Analyze grammar]

yajñakoṭiphalaṃ bhuktvā mama lokaṃ prapadyate |
atha viṣṇusaro ramyaṃ pūrvottaraṃ sutīrthakam || 54 ||
[Analyze grammar]

pañcakrośasuvistāraṃ parvato'pi tathā''yataḥ |
tasya pradakṣiṇaṃ kurvan yāvatpadāni sundari || 55 ||
[Analyze grammar]

bhramamāṇasya jāyante tāvadvarṣasahasrakam |
pratipadaṃ sa puṇyātmā brahmaloke mahīyate || 56 ||
[Analyze grammar]

tatra kṣetre mahāścaryaṃ jyeṣṭhe śukle prajāyate |
dvādaśyāṃ tu gavāṃ śabdāḥ śrūyante vyomamārgataḥ || 57 ||
[Analyze grammar]

etad gosthalakaṃ tīrthaṃ tāpapāpavināśakam |
etadadhyāyavaktuśca tasya śrotustathā'naghe || 58 ||
[Analyze grammar]

pratyakṣaraṃ sahasraṃ vai varṣāṇāṃ mama dhāmani |
vāsaḥ syāccaikaviṃśatikuloddhāro bhavettathā || 59 ||
[Analyze grammar]

gavāṃ kṣetraṃ mahābhāge pañcayojanamaṇḍalam |
gaṃgāyāḥ pūrvato bhāge tiṣṭhāmyahaṃ sadā'tra vai || 60 ||
[Analyze grammar]

athā'paraṃ stutasvāmināmakaṃ kṣetramuttamam |
dvāparaṃ yugamāsādya tatra tiṣṭhāmi sundari || 61 ||
[Analyze grammar]

śāṇḍilyajājalibhṛgukapilasāyaṇādayaḥ |
te māṃ saṃsthāpayiṣyanti dharmamūrtiṃ mahīṃ gatam || 62 ||
[Analyze grammar]

saṃkarṣaṇo vāsudevaḥ pradyumno hyaniruddhakaḥ |
te'pi tatra sthitā bhaviṣyanti lokahitāya vai || 63 ||
[Analyze grammar]

matprasādena manujāḥ siddhiṃ yāsyanti matparām |
mātsaryaṃ ye kariṣyanti maddharme mama rūpake || 64 ||
[Analyze grammar]

teṣāṃ nā'yaṃ paro loko mātsaryopahatātmanām |
mātsaryaṃ sarvanāśāya mātsaryaṃ dharmanāśakam || 65 ||
[Analyze grammar]

bahukarmasamāyuktā dānādhyayananiṣṭhitāḥ |
tapasā jñānayuktā vā nityaṃ satkarmasūdyatāḥ || 66 ||
[Analyze grammar]

api mātsaryasaṃdagdhā na te paśyanti māṃ kvacit |
na kartavyaṃ tataḥ sarvairmātsaryaṃ śāntighātakam || 67 ||
[Analyze grammar]

mātsaryā'bhidhadoṣeṇa bahavo nidhanaṃ gatāḥ |
śṛṇu lakṣmi bhūtagirau pratimā tvāyasī mama || 68 ||
[Analyze grammar]

vārāharūpiṇī tvāste hyabhedyā dṛśyate tu sā |
kecitpaśyanti kāṃsyāṃ tāṃ kecidāyasīmityapi || 69 ||
[Analyze grammar]

pāṣāṇīmapare cānye vajrāṃ paśyanti saukarīm |
kecitpaśyanti tāṃ mūrti maṇipūragirau sthitām || 70 ||
[Analyze grammar]

sarvakilbiṣamuktāste yānti vai paramāṃ gatim |
vārāhakṣetramevaitat pṛthivyuddhārarūpadhṛk || 71 ||
[Analyze grammar]

athānyatte pravakṣyāmi pañcārūmetitīrthakam |
tatra snāturbhavet svarge vāso'psaro'bhisevite || 72 ||
[Analyze grammar]

atha tīrthaṃ bhagukuṇḍo mama dakṣiṇabhūtale |
tatra snātā bhavenmukto dhruvadeśe pramodate || 73 ||
[Analyze grammar]

atha tīrtha maṇikuṇḍo'gādhavārdhiḥ surālayaḥ |
maṇayo yatra dṛśyante malayaścaṃcalaḥ sthitaḥ || 74 ||
[Analyze grammar]

tatra snātvā ratnabhāgī rājā bhūtvā vimucyate |
mama pūrvaṃ trikrośasthaṃ dhūtapāpetināmakam || 75 ||
[Analyze grammar]

kṣetraṃ kuṇḍe jalaṃ svarṇaprabhaṃ mārakatauोjjvalam |
tatra snātā dhūtapāpaścendrarājyaṃ pravindati || 76 ||
[Analyze grammar]

vartate ca camatkāro maṇipūre girau mama |
tāvanna patati dhārā yāvatpāpaṃ na dhūyate || 77 ||
[Analyze grammar]

vṛkṣamaśvatthamityuktaṃ nirmalastatra gacchati |
paścimāyāṃ cāmalakavṛkṣaḥ sarvaphalodayaḥ || 78 ||
[Analyze grammar]

pāpāni sparśanāccāpi kṣālayatyatipāpinaḥ |
devaiḥ stuto mahākṣetre maṇipūrasthito'nvaham || 79 ||
[Analyze grammar]

stutasvāmīti me nāma devaireva viniścitam |
paṭhanācchravaṇāccāpi bhuktimuktipradaṃ nṛṇām || 80 ||
[Analyze grammar]

atha lohārgalaṃ kṣetraṃ himālayasamāśritam |
śreṣṭhaṃ pañcadaśāyāmaṃ samantātpañcayojanam || 81 ||
[Analyze grammar]

tatrottaradiśi svarṇapratimāyāṃ vasāmyaham |
devānāṃ duḥkhadāstatra dānavā hyabhavaṃstadā || 82 ||
[Analyze grammar]

daityāśca mānavāṃstatra pīḍayanti sma sarvadā |
mayā caivāntanaraṃ kṛtvā kṛtvā māyāṃ tu vaiṣṇavīm || 83 ||
[Analyze grammar]

sīmānamargalaṃ kṛtvā kṣiptvā cakraṃ mahaujasam |
śatakoṭisahasrāṇāṃ dānavānāṃ kṣayaḥ kṛtaḥ || 84 ||
[Analyze grammar]

tato devā mānavāśca sukhaṃ prāptā hi tatsthale |
evaṃ lohārgalaṃ nāma kṣetraṃ taddhi mayā kṛtam || 85 ||
[Analyze grammar]

evaṃ lohārgalaḥ kuṇḍastīrthaṃ mayā kṛtaṃ śubham |
tatrā'śvaḥ śuklavarṇo vai dāne deyo divaḥpradaḥ || 86 ||
[Analyze grammar]

atha pañcasaraḥ kuṇḍaṃ tīrthaṃ gandharvalokadam |
caturdhārāḥ patantyatra śaṃkhavarṇāśca muktidāḥ || 87 ||
[Analyze grammar]

tato nāradakuṇḍaṃ ca tīrthaṃ pañcapravāhavat |
tato vasiṣṭhakuṇḍaṃ ca tīrthaṃ tisṛpravāhavat || 88 ||
[Analyze grammar]

pañcakuṇḍaṃ pañcadhārāyutaṃ tīrthaṃ supuṇyadam |
saptarṣikuṇḍatīrthaṃ ca saptadhārāprapātanam || 89 ||
[Analyze grammar]

śarabhaṃgakuṇḍatīrthaṃ śarabhaṃgānadīyutam |
kuṇḍamagnisaronāmatīrthaṃ vahnigṛhapradam || 90 ||
[Analyze grammar]

bṛhaspatikuṇḍatīrthaṃ dhāraikā himaniḥsṛtā |
vaiśvānarakuṇḍatīrthaṃ dhāraikā himaniḥsṛtā || 91 ||
[Analyze grammar]

kārtikeyakuṇḍatīrthaṃ dhārāḥ pañcadaśottamāḥ |
samāpatanti himaparvatāt snānāttu puṇyadāḥ || 92 ||
[Analyze grammar]

umākuṇḍamiti kṣetraṃ gaurī yatra januṃ yayau |
snātvā gaurīṃ prapaśyedvai gauryā loke sa modate || 93 ||
[Analyze grammar]

maheśvarasya vai kuṇḍaṃ yatra tūdvāhitā hyumā |
tatra snātā rudralokaṃ yāti raudryabhisevitaḥ || 94 ||
[Analyze grammar]

prakhyātaṃ brahmakuṇḍaṃ ca vedā yatra samutthitāḥ |
catasro vedadhārāśca prapatanti himālayāt || 95 ||
[Analyze grammar]

pūrve śubhrottare svarṇā paścime nīlavarṇikā |
dakṣiṇe tvindragopābhā dhārā vedacatuṣṭayam || 96 ||
[Analyze grammar]

tatra snāto brahmalokaṃ vindate nātra saṃśayaḥ |
evaṃ lohārgalaṃ kṣetraṃ pañcaviṃśatiyojanam || 97 ||
[Analyze grammar]

mayā himālayo devastīrthānāṃ kāraṇaṃ kṛtaḥ |
yasmād dravanti saritaḥ pāvanyo muktidā nṛṇām || 8 ||
[Analyze grammar]

devāstatra nivasanti ṛṣayo nivasanti ca |
ahaṃ vasāmi lokānāṃ kalyāṇārthaṃ samudraje || 903 ||
[Analyze grammar]

tattattīrthe kṛtasnānadānadharmā janā dhruvam |
svargaṃ mokṣaṃ prayāntyeva kṛpayā mama sarvadā || 100 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne rūrukṣetraṛṣīkegoniṣkramaṇapañcapadabrahmapadakoṭivaṭaviṣṇusaraḥ |
stutasvāmivarāhakṣetrapañcāsamabhṛgukuṇḍamaṇikuṇḍalohārgalapañcasaronāradavaśiṣṭhasaptarṣiśarabhaṃgāgnibṛhaspativaiśvānarakārti |
keyomāmaheśvarabrahmakuṇḍāditīrthānāṃ nirūpaṇanāmā dvicatvāriṃśadadhikatriśatatamo'dhyāyaḥ || 342 ||
[Analyze grammar]