Chapter 341

śrīlakṣmīruvāca |
śālagrāmaśilāṃ śaṃbhuśilāṃ nadīṃ ca gaṇḍakīm |
śāladruṃ munisālaṃkaṃ śrutvā satīṃ ca tūlasīm || 1 ||
[Analyze grammar]

mānasaṃ me na ca tṛptimāyāti śravaṇaspṛham |
tīrthāni vada śālagrāmakṣetrasthāni keśava || 2 ||
[Analyze grammar]

yacchravaṇena pāpānāmapyuddhāro bhaviṣyati |
yatkaraṇena cātrāpi dhanadārādimān bhavet || 3 ||
[Analyze grammar]

śrīnārāyaṇa uvāca |
aho bhāgyamaho puṇyaṃ śālagrāmakathāśrutiḥ |
aho daivamaho muktiḥ śālagrāmaśilārcanam || 4 ||
[Analyze grammar]

aho svargamaho rājyaṃ śālagrāmasthalasthitiḥ |
aho smṛddhiraho tṛptirgaṇḍakīvārisevanam || 5 ||
[Analyze grammar]

jīvānāṃ bahupuṇyānāmudaye sati padmaje |
śālagrāmasthalayogo jāyate na tato'nyathā || 6 ||
[Analyze grammar]

śālagrāmasthalaṃ gatvā kariṣye gaṇḍakījale |
snānatarpaṇamityevaṃ saṃkalpayata aihikī || 7 ||
[Analyze grammar]

pitṝṇāmapi tṛptirvai jāyate kurvato nu kim |
pāpānāṃ pāpanāśārthaṃ svargārthe puṇyaśālinām || 8 ||
[Analyze grammar]

sakāmānāṃ samṛddhyarthaṃ muktyarthaṃ bhaktiśālinām |
sṛṣṭyāraṃbhe mayā śālagrāmakṣetraṃ vinirmitam || 9 ||
[Analyze grammar]

śālagrāmaśilā mūrtiḥ pratimā me mayā kṛtā |
ṣoḍaśavastubhiḥ pūjākartre bhuktiṃ ca mokṣaṇam || 10 ||
[Analyze grammar]

dadāmi cānyadiṣṭaṃ yad dhanadārāgṛhādikam |
kṛpayaiva mayā prāṇyuddhārārthaṃ tadvinirmitam || 11 ||
[Analyze grammar]

śṛṇu lakṣmi sthale tatra yāni tīrthāni santi ca |
yathā yathā ca jātāni tāni vakṣyāmi sarvaśaḥ || 12 ||
[Analyze grammar]

sālaṃkāyanatīrthe vai śālagrāmākhyaparvataḥ |
somena sthāpitastatra haraḥ someśvaraḥ prabhuḥ || 13 ||
[Analyze grammar]

someśvaragiriścāpi gaṇḍakī kathitāni te |
someśād dakṣiṇe bhāge bāṇenā'driṃ vibhidya ca || 14 ||
[Analyze grammar]

rāvaṇena tapaḥ kṛtvā jaladhārā'tipuṇyadā |
prakāśitā bāṇagaṃgā tīrthe paramapāvanam || 15 ||
[Analyze grammar]

someśātpūrvatastatra rāvaṇasya tapovanam |
tatra rāvaṇanṛtyena prakhyāto nartanācalaḥ || 16 ||
[Analyze grammar]

tasya nṛtyena santuṣṭaḥ śaṃbhurvaraṃ dadau tadā |
bāṇeśvaraṃ bāṇagaṃgā tīrthe svargapradaṃ śubham || 17 ||
[Analyze grammar]

tatra sthitvā trirātreṇa tapasaḥ phalamāpnuyāt |
snātvā gaṃgāsnānaphalaṃ dṛṣṭvā pūjāphalaṃ labhet || 18 ||
[Analyze grammar]

atha triveṇītīrthaṃ vai tīrthānāmuttamaṃ tathā |
yatra vai devikānāmnī sarit milati gaṇḍakīm || 19 ||
[Analyze grammar]

tapasyatāṃ tu devānāṃ taponiyamanāya sā |
samudbhūtā nadī sā vai devānāṃ mokṣadāyinī || 20 ||
[Analyze grammar]

atha pulastyapulahāśramācca devikā'parā |
gaṇḍakyā saha militā triveṇī gaṇḍakīti sā || 21 ||
[Analyze grammar]

kāmikaṃ tanmahattīrthaṃ pitṝṇāṃ tṛptidaṃ param |
triveṇīti samākhyātaṃ śṛṇu sā''khyānamatra tat || 22 ||
[Analyze grammar]

purā viṣṇustapastepe lokānāṃ hitakāmyayā |
himālaye tadā kālo yāto dīrghatamo yadā || 23 ||
[Analyze grammar]

tanmūrteranalastīvraḥ prādurāsīddharestadā |
tasyoṣmaṇā samutpannaḥ svedapūrastu gaṇḍayoḥ || 24 ||
[Analyze grammar]

tena jātā dhunī divyā gaṇḍakī sā saridvarā |
devikākhyā nadī yogaṃ tayā saha gatā tadā || 25 ||
[Analyze grammar]

devānāṃ tapasā tatrotpannā sā devikā matā |
pulastyapulahayostapobhirjātā'parā nadī || 26 ||
[Analyze grammar]

sṛṣṭijñānaṃ tatra labdhaṃ tābhyāṃ vai tapasā tataḥ |
tṛtīyā sā brahmaputrīnāmnī nadī yaśasvinī || 27 ||
[Analyze grammar]

gaṇḍakyā tatra militā triveṇīti prakīrtitā |
tatra snānāt tapaścaryāphalaṃ prāpnoti mānavaḥ || 28 ||
[Analyze grammar]

athānyatte pravakṣyāmi tatra triveṇikāsthale |
gajendramokṣaṇaṃ grāhamokṣaṇaṃ kṛtavān hari || 29 ||
[Analyze grammar]

purā vedanidheḥ putrau jayavijaya ityubhau |
hariṃ prasādya saṃjātau pārṣadau bhagavadgṛhe || 30 ||
[Analyze grammar]

tāveva rādhikāśāpāt punaḥ kalpāntare bhuvi |
samāyātau pṛthivyāṃ ca tṛṇabindoḥ sutāvubhau || 31 ||
[Analyze grammar]

jātau yajñakarau vedavidyāvedāṃgapāragau |
pūjayantau hariṃ bhaktyā tanniṣṭhendriyamānasau || 32 ||
[Analyze grammar]

pūjākāle harirnityaṃ tayoḥ sānnidhyamṛcchati |
maruttena kadācittāvāhūtau yajñakarmaṇi || 33 ||
[Analyze grammar]

rājñā samāptayajñena toṣitau dakṣiṇādibhiḥ |
vibhāgaṃ kartumārabdhau dhanādestau parasparam || 34 ||
[Analyze grammar]

paspardhāte samo bhāgaḥ kāryo jyeṣṭho'bhyabhāṣata |
vijayastvabravīccainaṃ yena labdhaṃ hi tasya tat || 35 ||
[Analyze grammar]

ahaṃ vai kuśalastasmānmayā labdhaṃ viśeṣataḥ |
tvaṃ tathā na samartho'si na dāsye samabhāgataḥ || 36 ||
[Analyze grammar]

jayo'bravīdasāmarthyaṃ manvāno mā bravīṣi kim |
na dadāsi gṛhītvā yat tasmād grāhatvamāpnuhi || 37 ||
[Analyze grammar]

vijayo'pyabravīnnūnamandhobhūto'si vai dhanaiḥ |
gajo bhava madāndhastvamiti tau śāpataḥ pṛthak || 38 ||
[Analyze grammar]

gajagrāhāvabhūtāṃ vai jātismarau jayo gajaḥ |
triveṇīkṣetrakāraṇye vijayastu jalāntare || 39 ||
[Analyze grammar]

grāho'bhavad vane tatra gajaṃ snātuṃ samāgatam |
jalamadhyagatagrāho jagrāha vairamāsmaran || 40 ||
[Analyze grammar]

tayoryuddhaṃ samabhavadanekābdaṃ vikarṣaṇaiḥ |
varuṇena tato vijñāpito bhaktivaśo hariḥ || 41 ||
[Analyze grammar]

hastikamaladānena triveṇīṃ prasamāyayau |
sudarśanena cakreṇa grāhāsyaṃ samapāṭayat || 42 ||
[Analyze grammar]

gajasyāpi kṛtā muktirgrāhasyāpi pramokṣaṇam |
sudarśanapraghaṭṭanakriyayā prastarādiṣu || 43 ||
[Analyze grammar]

cakracihnāni jātāni mahimā te prakīrtitaḥ |
evametanpuṇyatīrthaṃ tārakaṃ dehināṃ param || 44 ||
[Analyze grammar]

jaleśvaro mahādevastatra virājate priye |
mayā cakraṃ yadā kṣiptaṃ pṛthvyāṃ salilamāgatam || 45 ||
[Analyze grammar]

tatsthānaṃ vai tvabhūccakramayaṃ tīrthaṃ jaleśvaram |
pañcadinaṃ vaset tatra bhuktiṃ muktiṃ labhejjanaḥ || 46 ||
[Analyze grammar]

sālakāyanapautro'bhūnnandīśvaro gaṇaḥ purā |
vṛndāvane sa vasati godhanaṃ cārayan sadā || 47 ||
[Analyze grammar]

ekadā gāḥ samādāya harikṣetraṃ jagāma saḥ |
nandī haraḥ svayaṃ prokto harikṣetraṃ jagāma saḥ || 48 ||
[Analyze grammar]

gaṇḍakyāḥ sa taṭe vāsaṃ cakāra bahurātrikam |
gāścaranti śādvalāni yatra kṣetre divāniśam || 49 ||
[Analyze grammar]

taddinādeva tatkhyātaṃ kṣetraṃ hariharātmakam |
devānāmaṭanāccaiva devāṭaityapi smṛtam || 50 ||
[Analyze grammar]

ekadā bhagavān śaṃbhurāsthitaḥ pīṭhamuttamam |
śaṃbhostatra trijaṭābhyo'bhavaṃstisraḥ pravāhikāḥ || 51 ||
[Analyze grammar]

gaṃgā ca yamunā puṇyā tathā sarasvatī nadī |
etat traidhārikaṃ tīrthaṃ yatra śaṃbhuḥ sadā sthitaḥ || 52 ||
[Analyze grammar]

diśan jñānaṃ svabhaktānāṃ saṃsārād yena mokṣaṇam |
snātvā santarjya pitṝn saṃpūjya devān pramucyate || 53 ||
[Analyze grammar]

tasyaiva pūrvadigbhāge haṃsatīrthaṃ hi vidyate |
kākāstatra kadācidvai samutpeturbubhukṣitāḥ || 54 ||
[Analyze grammar]

annaṃ gṛhītvā kākaṃ vai yāntaṃ kāko'parastadā |
dṛṣṭvā yuyudhe tau tatra kuṇḍe nipetatustataḥ || 55 ||
[Analyze grammar]

haṃsau bhūtvā viniryātau gatau vai mānasaṃsaraḥ |
ityāścaryamayaṃ tadvai haṃsatīrthamiti kṛtam || 56 ||
[Analyze grammar]

muktikṣetrāddhaṃsatīrthaṃ kṣetraṃ dvādaśayojanam |
tairthikānāṃ bhogamokṣobhayadaṃ 3 mayāśritam || 57 ||
[Analyze grammar]

atha sālaṃkāyanarṣiryatra tapo'caraddhi tat |
sālavṛkṣasamūhaḥ saḥ śālagrāmo'bhavatprathaḥ || 58 ||
[Analyze grammar]

tatra tīrthani guptāni bhavanti daśa pañca ca |
tatra bilvaprabhaṃ nāma kṣetraṃ kuṃjacatuḥśrayam || 99 ||
[Analyze grammar]

tatra nadyāṃ janaḥ snātvā divāniśaṃ nivāsataḥ |
caturṇṇāmaśvamedhānāṃ phalaṃ prāpnoti mānavaḥ || 60 ||
[Analyze grammar]

athā'paraṃ cakrasvāmitīrthaṃ cakraśilāmayam |
triyojanapravistāraṃ trirātraṃ nivasejjanaḥ || 61 ||
[Analyze grammar]

trirātrayajñapuṇyaṃ vai prāpnotyeva sutīrthakṛt |
prāṇatyāge tu saṃjāte vājapeyaphalaṃ labhet || 62 ||
[Analyze grammar]

atha viṣṇupadaṃ kṣetraṃ dhārāstisro himācalāt |
patanti yatra tatraiva snānāt tīrthaphalaṃ labhet || 63 ||
[Analyze grammar]

prāṇatyāge'tirātrāṇāṃ trayāṇāṃ puṇyabhāg bhavet |
tatra kālīhrado nāma tīrthaṃ paramapāvanam || 64 ||
[Analyze grammar]

badarīvṛkṣamūlādvai hradasroto vahatyapi |
snānāt tatra naramedhaphalaṃ prāpya vimucyate || 65 ||
[Analyze grammar]

atha śaṃkhaprabhaṃ tīrthaṃ dvādaśyāmardharātrake |
śrūyante śaṃkhaśabdāśca śrotāro muktibhāginaḥ || 66 ||
[Analyze grammar]

atha gadākhyakuṇḍe vai tīrthe dakṣiṇasrotasi |
snātvā vedāntavidyādi phalaṃ prāpnoti mānavaḥ || 67 ||
[Analyze grammar]

athā'gnisuprabhaṃ tīrthaṃ jalaṃ prāguttaraṃ śubham |
hemante coṣṇakaṃ vāri grīṣme bhavati śītalam || 68 ||
[Analyze grammar]

dhārārūpeṇa patati snātvā pacāgniṣomabhāg |
atha sarvāyudhaṃ tīrthaṃ saptasrotomayaṃ hi tat || 69 ||
[Analyze grammar]

snātvā bhavenmahān rājā saptadināni saṃvaset |
atha devaprabhaṃ tīrthaṃ caturdhārāsamanvitam || 70 ||
[Analyze grammar]

snātvā tatra labhed vedacatuṣṭayavibodhanam |
atha vidyādharaṃ tīrthaṃ pañcadhārāsamanvitam || 71 ||
[Analyze grammar]

snātvā vidyādharalokaṃ prayātyeva na saṃśayaḥ |
tatra puṇyanadītīrthaṃ śilākuṃjalatāvṛtam || 72 ||
[Analyze grammar]

tatra snānaṃ prakurvīta saptadvīpādhipo bhavet |
ekadhāre tu gāndharvatīrthe snātvā sukhī bhavet || 73 ||
[Analyze grammar]

modate lokapāleṣu mama lokaṃ ca gacchati |
atha devahradastīrthaṃ yatra matsyāḥ sacakrakāḥ || 74 ||
[Analyze grammar]

sauvarṇāni ca padmāni dṛśyante bhāskarodaye |
tatra snātā divaṃ yānti śuddhā vākkāyanairmalaiḥ || 75 ||
[Analyze grammar]

daśānāmaśvamedhānāṃ phalamāpnoti mānavaḥ |
yatra yatra devanadyo saṃgamo jāyate priye || 76 ||
[Analyze grammar]

tatra devāśca devyaśca tiṣṭhanti tīrtharūpiṇaḥ |
gandharvā'psarasaḥ paryo nāgakanyāḥ sahoragaiḥ || 77 ||
[Analyze grammar]

devarṣayaśca munayaḥ sarve'pi ca sureśvarāḥ |
siddhāḥ santaḥ kinnarāśca svargādavātaranti hi || 78 ||
[Analyze grammar]

himālaye ca nepāle paśupaterbhuvo'tra vai |
tebhyastebhyaśca sthānebhyo nadyo vahanti bhūtalam || 79 ||
[Analyze grammar]

śvetagaṃgayā saṃbhūya nānānadyo vanānugāḥ |
gaṇḍakyā kṛṣṇayā caiva saṃgamāptāḥ śivodbhavāḥ || 80 ||
[Analyze grammar]

triśūlagaṃgā sā jātā sarvatīrthakadambakam |
siddhāśramastathā tīrthaṃ pāvanaṃ puṇyavardhanam || 81 ||
[Analyze grammar]

śaṃbhostapovanaṃ cāpi puṇyanadyośca saṃsrave |
snānācchatāśvamedhānāṃ phalaṃ tatra bhaved dhruvam || 82 ||
[Analyze grammar]

vaiśākhye tatra cāplāvya gosahasraphalaṃ labhet |
māghamāse punaḥ snātvā prayāgasnānajaṃ phalam || 83 ||
[Analyze grammar]

kārtike satulāravau snānānmuktirna saṃśayaḥ |
trirātrasnānatastatra rājasūyaphalaṃ labhet || 84 ||
[Analyze grammar]

yajño dānaṃ tapo homaḥ śrāddhaṃ pūjā hyanantakam |
śālagrāme mahākṣetre devanadyośca saṃsrave || 85 ||
[Analyze grammar]

ahaṃ lakṣmi pūrvamukhaḥ sadā vasāmi muktidaḥ |
śivo me dakṣiṇe pārśve brahmā vāme sadā sthitaḥ || 86 ||
[Analyze grammar]

hariharātmakaṃ viṣṇubrahmātmakaṃ sthalaṃ tu tat |
mṛtā muktiṃ prayāntyeva svargaṃ vai śāśvataṃ dhruvam || 87 ||
[Analyze grammar]

muktikṣetraṃ tu prathamaṃ rurukhaṇḍastataḥ param |
saṃbhedo devanadyośca triveṇī ca tataḥ param || 88 ||
[Analyze grammar]

gaṇḍakīkṣetramevedaṃ gaṃgayā militaṃ tu yat |
gaṇḍakī yatra militā bhāgīrathyā tu gaṃgayā || 89 ||
[Analyze grammar]

kṣetraṃ hariharākhyaṃ tanmahimā suradurlabhaḥ |
paṭhanācchravaṇāccāpi tīrthasnānaphalaṃ bhavet || 90 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne śālagrāmakṣetrasthasālaṃkāyanasomeśvaragaṇḍakībāṇagaṃgātriveṇīdevikābrahmaputrīgajagrāhatīrthajaleśvaratraidhārikatīrthahaṃsatīrthaśālagrāmatīrthacakrasvāmitīrthaviṣṇupadaśaṃkhaprabhagadākuṇḍā'gniprabhasarvāyudhadevaprabhavidyā |
dharaikadhāradevahradatriśūlagaṃgāhariharakṣetrāditīrthapradarśananāmaikacatvāriṃśadadhikatriśatatamo'dhyāyaḥ || 341 ||
[Analyze grammar]