Chapter 309

| śrīnārāyaṇa uvāca |
śṛṇu lakṣmi kathāṃ divyāṃ prāksampannāṃ manoharām |
asmāttu brahmaṇaḥ pūrvo brahmā varṣaśatottaram || 1 ||
[Analyze grammar]

nidhanonmukhatāṃ prāptastadānīṃ brahmagolake |
antime'jakṣaṇe rājā pṛthvyāṃ sarvahutābhidhaḥ || 2 ||
[Analyze grammar]

babhūva bhagavadbhakto mama pūjāparāyaṇaḥ |
madarthe kṛtasarvasvo madarthe nyastamānasaḥ || 3 ||
[Analyze grammar]

mama kaṇṭhīṃ mama mālāṃ mamaiva tilakaṃ śubham |
dadhāra bubhuje cānnaṃ me prasādātmapāvanam || 4 ||
[Analyze grammar]

cāturmāsye vrataṃ tena gṛhītaṃ bahudāyitā |
saptadvīpeṣu khaṇḍeṣu sāmudradvīpabhūmiṣu || 5 ||
[Analyze grammar]

yatra yatrā'bhavat svasya rājyaṃ sarvatra tatra ca |
mamānnaṃ vai pradātavyaṃ jalaṃ pātavyameva me || 6 ||
[Analyze grammar]

yāvattṛptirbhikṣuvargairadanīyaṃ mamaiva ha |
brāhmaṇairmama bhoktavyaṃ kṣatriyarṣibhirityapi || 7 ||
[Analyze grammar]

vaiśyarṣibhistathā śūdrairbhaktikṛdbhirmamānnakam |
bhoktavyaṃ sarvathā brahmacāribhirvanavāsibhiḥ || 8 ||
[Analyze grammar]

yatibhiḥ sādhubhistyāgijanaiḥ sādhvībhirityapi |
anāthaiścātithiprakhyairyājñikairdevapūjakaiḥ || 9 ||
[Analyze grammar]

annārthibhiḥ kadaryaiśca kiṃkarairvṛttivarjitaiḥ |
mamānnameva bhoktavyaṃ jalaṃ pātavyameva me || 10 ||
[Analyze grammar]

vastrāṇi mama dhāryāṇi nānyagrāhyaṃ tu kairapi |
tadarthaṃ ca mayā rājye pratisthalaṃ kṣaṇe kṣaṇe || 11 ||
[Analyze grammar]

annasatrāṇi vastrāṇi prapāvārīṇi sarvathā |
saṃsthāpitāni sevāsthā niyuktāśca pratisthalam || 12 ||
[Analyze grammar]

kṣudhito'nnasya pātraṃ syāt tṛṣito jalapātrakam |
nagnastvambarapātraṃ syād grāhyaṃ tena mudā mama || 13 ||
[Analyze grammar]

kadarye hṛdayaṃ yasya yasya tṛṣṇā'sti mānase |
so'pi tṛṣṇādināśārthaṃ gṛhṇātvannaṃ jalaṃ mama || 14 ||
[Analyze grammar]

ityevaṃ ghoṣitaṃ tena kuḍyaphalakalekhitam |
cāturmāsye mamānnaṃ vai phalaṃ vāri tathā'mbaram || 15 ||
[Analyze grammar]

grahaṇīyaṃ puṣkalaṃ nā'nyagrāhyaṃ dharmabhikṣukaiḥ |
ityevaṃ vartamānasya sarvahutasya bhūbhṛtaḥ || 16 ||
[Analyze grammar]

agnihotre'nyayajñe ca yatkiñciddhāmikaṃ matam |
devānāṃ pūjane vastupradānaṃ cāpi tasya vai || 17 ||
[Analyze grammar]

vidyārthināṃ ca vidyāyā dāne vyayo gavāṃ tṛṇe |
śvaprabhṛtigrāmyapaśupakṣiṇāṃ ca kaṇānnakam || 18 ||
[Analyze grammar]

jalaṃ vastraṃ tathā cānyad yathāpekṣaṃ suvastukam |
āsīt sarvahutasyaivā'tithīnāṃ tṛptikṛttathā || 19 ||
[Analyze grammar]

grāmeṣu kheṭeṣu janasthaleṣu kṣetreṣu ghoṣeṣu nadītaṭeṣu |
vaneṣvaraṇyeṣu ca parvateṣu dvīpeṣu vārdhau raṇanirjaneṣu || 20 ||
[Analyze grammar]

upatyakāyāṃ nagareṣu rājyaviśrāntibhūmau ca karasthalīṣu |
sarvatra vai sarvahutasya rājño'bhavan susatrāṇi sudānakāni || 21 ||
[Analyze grammar]

grāmāntarāṇāṃ yugamārgasandhau vanāntarāṇāṃ sṛtimūlayoge |
nadīnadānāṃ taraṇārthabhūmau kṛtāni satrāṇi tu tena rājñā || 22 ||
[Analyze grammar]

sīmāntareṣu prakhanisthaleṣu yānasya mārgeṣu digantareṣu |
tīrtheṣu yātrālugatāgateṣu sthaleṣu satrāṇi hutasya rājñaḥ || 23 ||
[Analyze grammar]

devānāṃ pūjane nāma procyate sarvato diśi |
prātaḥ sāyaṃ ca madhyāhne tasya sarvahutasya vai || 24 ||
[Analyze grammar]

satye tapasi tasyaiva jane mahari svargake |
bhuvi cāpyatha pātāleṣvasya kīrtirhi gīyate || 25 ||
[Analyze grammar]

devāśca ṛṣayaścāpi daityāścānye'pi dehinaḥ |
sarvahutaṃ lokituṃ vai yayurhaṃsādirūpiṇaḥ || 26 ||
[Analyze grammar]

āścaryaṃ paramaṃ prāpurdṛṣṭvā puṇyojjvalaṃ nṛpam |
atitejomaṇḍalāḍhyamukhamaṇḍalaśobhitam || 27 ||
[Analyze grammar]

dūre cātipratejaskāḥ sarve śuśubhire surāḥ |
kintu tannikaṭe gatvā nistejaskā babhūvire || 28 ||
[Analyze grammar]

iti puṇyapratāpo'sau sarvahutā'rthasārthakaḥ |
agniprakhyo'bhavadbhakto devagarvaharo nṛpaḥ || 29 ||
[Analyze grammar]

devaiḥ sammānitaḥ sarvairindrārdhāsanayojitaḥ |
dikpālaiḥ pūjitaḥ so'pi vismayaṃ nāpa vai manāk || 30 ||
[Analyze grammar]

rāgaśūnyasya tasyaiva patnyāsīt patisevinī |
audāryaguṇasampannā nāmnā vai goṛtambharā || 31 ||
[Analyze grammar]

devībhyo'pyatirūpāḍhyā kāyākalpātisundarī |
kāmarūpā kāmabhogā kāmakārā'tisāttvikī || 32 ||
[Analyze grammar]

devīṣu tiṣṭhate paścād devadevīsamājake |
salajjā'vāṅmukhī tatra bhavati kṣaṇamāntare || 33 ||
[Analyze grammar]

tayā svasvāmine proktaṃ mayā paścānniṣadyate |
yathāpūrvaṃ tūttame hyāsane tiṣṭhāmi tatkuru || 34 ||
[Analyze grammar]

indrāṇī vāruṇī sauryā cāndradyo vā'nyasurastriyaḥ |
praṇameyuśca māṃ svāmin yathā tatkuru bhūpate || 35 ||
[Analyze grammar]

rājā prāha satīṃ rājñīṃ mānuṣī bhavasi priye |
tatrāpi devasaṃghe'smadvāso'styatimahattamaḥ || 36 ||
[Analyze grammar]

mā tṛṣṇāṃ kuru kalyāṇi mānuṣe tu na tadbhavet |
tathāpi puṇyabāhulye kadācit tadvibhāvyate || 37 ||
[Analyze grammar]

kariṣye stavanaṃ yatnaṃ nārāyaṇasamīpataḥ |
prāpte yoge tathā syādvai tṛṣṇāśāntistathāpi na || 38 ||
[Analyze grammar]

nityaṃ rājñī nṛpaṃ kāle prasmārayati tadvacaḥ |
rājā'pi samayaṃ prāptaṃ tadarthaṃ vai pratīkṣate || 39 ||
[Analyze grammar]

ekadā'dhikamāsasya dvitīyāyāṃ prage'site |
snātvā devaprapūjāyāṃ tiṣṭhate tāvadeva vai || 40 ||
[Analyze grammar]

śrutavān dundubhiṃ ramyaṃ ghoṣayantaṃ harervacaḥ |
śuśrāva sarvahutasya rājñyapi goṛtambharā || 41 ||
[Analyze grammar]

ubhau sthairyeṇa tacchabdamānasau saṃbabhūvatuḥ |
śuśruvāte dundubhestu ghoṣaṇāṃ hṛdayaṃgamām || 42 ||
[Analyze grammar]

adhimāsadvitīyāyāṃ vrataṃ kurvanti ye janāḥ |
teṣāmabhīṣṭadātā'haṃ māsaḥ śrīpuruṣottamaḥ || 43 ||
[Analyze grammar]

ekabhuktaṃ ca vā naktaṃ phalabhuktirjalāśanam |
vāyvāśanaṃ ca vā kṛtvā kariṣyanti vrataṃ tu ye || 44 ||
[Analyze grammar]

tebhyo dāsye sutadārādhanasampadgṛhādikān |
yānavāhanahastyādīn vārīkṣetradharādikān || 45 ||
[Analyze grammar]

khaṇḍaṃ dvīpaṃ ca sāmudraṃ bhaumaṃ rājyaṃ bhūmaṇḍalam |
svargaṃ janaṃ tapaḥ satyaṃ caindraṃ sauryaṃ ca cāndrakam || 46 ||
[Analyze grammar]

sāmrājyaṃ cātalaṃ pātālakaṃ cāpi rasātalam |
dāsye caturdaśalokādhipatyaṃ pārameṣṭhyakam || 47 ||
[Analyze grammar]

vāruṇaṃ vāhnikaṃ caiśaṃ yāmyaṃ tathā ca pāvanam |
kauberaṃ nairṛtaṃ cāpi dikpālatvaṃ mahatpadam || 48 ||
[Analyze grammar]

lokapālapadaṃ dāsye vāsavaṃ grahamaṇḍalam |
naidheyaṃ cāpi raudraṃ ca mārutaṃ nākapṛṣṭhakam || 49 ||
[Analyze grammar]

siddhīraṣṭavidhā dāsye guṇaṃ brahmāṇḍasarjanam |
rakṣaṇaṃ pālanaṃ dāsye sāmarthyaṃ vratine tu me || 50 ||
[Analyze grammar]

adhimāsasya devo'haṃ śrīkṛṣṇaḥ puruṣottamaḥ |
svalpe'pi matkṛte kṛcchre phalaṃ dāsye tvanantakam || 51 ||
[Analyze grammar]

dadāmi nā'nyamāse yat taddadāmyatra puṣkalam |
atrāhaṃ kṛpayā dātā dātāsmi svecchayā khalu || 52 ||
[Analyze grammar]

madvacodhārayatyaddhā mūrdhnā tasmai dadāmyaham |
upāyanaṃ tathā pāritoṣikaṃ vā svanugraham || 53 ||
[Analyze grammar]

nātra vinimayo nyāyo nyāyastvatra kṛpā mama |
kṛpayā'haṃ svayaṃ svāmī vitarāmi tvaśeṣakam || 54 ||
[Analyze grammar]

koṭiguṇaṃ vitarāmi vitarāmi tvanantakam |
yathāsaṃkalpitaṃ tasmād gṛhṇantu puruṣottamāt || 55 ||
[Analyze grammar]

iti śuśruṣatuḥ sarvahutaśca goṛtambharā |
tau natvā dundubhiṃ puṣpaiḥ pūjayāmāsatustadā || 56 ||
[Analyze grammar]

dundubhistu gato'nyatra dampatī dadhyatuḥ prabhum |
sveṣṭalābhastathā kutra prāpsyate ceti dadhyatuḥ || 57 ||
[Analyze grammar]

sarvahutastadā rājñīṃ samprāha goṛtaṃbharām |
śrutaṃ devi dvitīyāyā vrateneṣṭamavāpyate || 58 ||
[Analyze grammar]

tavāsti mānasaṃ pūjyasthāne sthātuṃ mahattame |
caturdaśastarasthānāṃ sarvāsāṃ surayoṣitām || 59 ||
[Analyze grammar]

tatprāptyarthaṃ vrataṃ kāryamāvābhyāṃ phaladaṃ bhavet |
dundubhinā taduktaṃ vai svalpe'pi bahulaṃ phalam || 60 ||
[Analyze grammar]

ahaṃ brahmā bhaviṣyāmi bhava tvaṃ sahacāriṇī |
brahmāṇī mama patnī ca mātā vai surayoṣitām || 61 ||
[Analyze grammar]

tathā sati tavehā tu prapūrṇārthā bhaviṣyati |
kṛṣṇanārāyaṇo devo phalaṃ vratasya dāsyati || 62 ||
[Analyze grammar]

evaṃ kṛtvā tu saṃkalpaṃ vrataṃ cakraturādarāt |
prātaḥ snātvā hariṃ dhyātvā kārayitvā tu kānakīm || 63 ||
[Analyze grammar]

mūrtiṃ tatrā'dhikadevaṃ śrīkṛṣṇaṃ puruṣottamam |
āvāhyācamanaṃ datvā''sanaṃ pādyaṃ samarpya ca || 64 ||
[Analyze grammar]

tasmai tvācamanaṃ tīrthajalasya dadatuśca tau |
dugdhena picchaladadhnā ghṛtena madhunā tathā || 65 ||
[Analyze grammar]

śakarrābhiśca saṃsnāpya kārayāmāsatustataḥ |
śuddhajalaiḥ sugandhaiścāplavanaṃ candanānvitaiḥ || 66 ||
[Analyze grammar]

mārjayāmāsaturvastraiḥ śobhayāmāsaturharim |
suvarṇā'mbarabhūṣābhirmaṇiratnottamādibhiḥ || 67 ||
[Analyze grammar]

hāraiścandanagandhaiśca dravaiḥ sāradravaistathā |
kajjalaistailasāraiśca puṣpaiḥ kuṃkumataṇḍulaiḥ || 68 ||
[Analyze grammar]

pūjayāmāsatuḥ kṛṣṇaṃ kirīṭakaṭakādibhiḥ |
sadratnamaṇihārādyaiśchatracāmarayaṣṭibhiḥ || 69 ||
[Analyze grammar]

dhūpadīpasunaivedyaphalatāmbūlacūrṇakaiḥ |
kārayāmāsatustṛptiṃ śrīhariṃ puruṣottamam || 70 ||
[Analyze grammar]

jalaṃ datvā savādyaṃ tau nīrājanaṃ pracakratuḥ |
pradakṣiṇāṃ stutiṃ namaskārāṃścakraturādarāt || 71 ||
[Analyze grammar]

prārthayāmāsaturdevaṃ vratenānena keśava |
prasanno bhava viśvātman gṛhāṇā'rghyaṃ phalādikam || 72 ||
[Analyze grammar]

iti kṛtvā dadatustau phalārthaṃ sasuvarṇakam |
puṣpāṃjaliṃ dadatuśca cakratuḥ sevanaṃ tataḥ || 73 ||
[Analyze grammar]

madhyāhne'pi tathā cobhau cakratuḥ pūjanādikam |
sāyaṃ prapūjya deveśaṃ kṛtvā tvārārtrika niśi || 74 ||
[Analyze grammar]

cakraturjāgaraṃ vādyanṛtyakīrtanasūtsavam |
dānaṃ kṛṣṇāya dadatuḥ siṃhāsanaṃ tu kānakam || 75 ||
[Analyze grammar]

chatracāmaravetrādiśobhitaṃ bahulojjvalam |
maṇiratnasumauktikadāmabhūṣāvirājitam || 76 ||
[Analyze grammar]

bhavanaṃ cāpi dadatuścaturdaśaprabhūmikam |
sauvarṇakūpyavastvāḍhyopaskarādyabhirājitam || 77 ||
[Analyze grammar]

śayyāstaraṇabhojyādibhāgabhuvanaśobhitam |
puṇyasāragṛhaṃ yatra yatrāgnihotrasadgṛham || 78 ||
[Analyze grammar]

pitṛtarpaṇabhavanaṃ yatrāsti dānasadgṛham |
maṇiratnādi pūrṇaṃ ca yatra kośagṛhaṃ tvapi || 79 ||
[Analyze grammar]

yānavāhanapūrṇaṃ ca gṛhaṃ cidacidātmakam |
dāsadāsīvanodyāna nadīnada samanvitam || 80 ||
[Analyze grammar]

gṛhaṃ yatrāsti bhūmau ca viśrāntigṛhamityapi |
suratasya gṛhaṃ caiva bhojanasya gṛhaṃ tathā || 81 ||
[Analyze grammar]

snānāgāraṃ tathā guptapātālādi susampadam |
gṛhaṃ yatrāsti kalpānāṃ drumāṇāṃ ca gavāṃ gṛham || 82 ||
[Analyze grammar]

evamādīni sarvāṇi bhavanāni ca yatra vai |
vartante tanmahatsaudhaṃ saprākāraṃ suśobhitam || 83 ||
[Analyze grammar]

dadatustau kṛṣṇanārāyaṇāyā'rpaṇameva hi |
tāvattatra samāyātaḥ śrīkṛṣṇaḥ puruṣottamaḥ || 84 ||
[Analyze grammar]

provāca tau prasanno'smi dānena ca vratena ca |
dadāmyeṣaḥ kṛpāṃ kṛtvā vṛṇuta varadānakam || 85 ||
[Analyze grammar]

dampatī prāhatustatra pārameṣṭhyaṃ padaṃ prabho |
dehi paścāttavadhāmā'kṣaraṃ mokṣaṃ ca śāśvatam || 86 ||
[Analyze grammar]

tathāstviti hariḥ prāha tathā''ha goṛtambharām |
bhāvini puṣkare tīrthe pṛthvyāṃ vai kṣatriyo nṛpaḥ || 87 ||
[Analyze grammar]

ābhīrāṇāṃ ca gopānāṃ puṣkarāraṇyavāsinām |
nṛpo bhaviṣyati nāmnā gāyatro vai virāṭsutaḥ || 88 ||
[Analyze grammar]

tasya bhāryā ṛṣīnāmnī rājñī puṣkaraputrikā |
bhaviṣyati tayoḥ putrī ārṣināmnī sukanyakā || 89 ||
[Analyze grammar]

seyaṃ tvaṃ bhāvinī gopī gomatī goṛtambharā |
gāyatrī gokulasevākartrī tatra bhaviṣyasi || 90 ||
[Analyze grammar]

ayaṃ rājā sarvahutastatra brahmā bhaviṣyati |
ādye yuge ca yajñārthe puṣkare sa gamiṣyati || 91 ||
[Analyze grammar]

surarṣimunipitrādyairmānavaistalavāsibhiḥ |
caturaśītilakṣātmadehibhiḥ saha viśvasṛṭ || 92 ||
[Analyze grammar]

yajñaṃ kariṣyati tvādyaṃ pravṛttyarthaṃ jagattraye |
tatrāgniṣu proddhṛteṣu dīkṣākāle hyupāgate || 93 ||
[Analyze grammar]

adhvaryuṇā tadā''hūtā sāvitrī dīrghasūtriṇī |
sajjī bhūtvā yajñabhūmau tatkāle nā''gamiṣyati || 94 ||
[Analyze grammar]

brahmā śakraṃ samāhūya kathayiṣyati kālikam |
patnīṃ tvanyāṃ madarthe tu śīghraṃ śakra samānaya || 95 ||
[Analyze grammar]

yathā pravartate yajñaḥ kālahīno na jāyate |
tathā śīghraṃ vidhehi tvaṃ nārīṃ patnyarthamānaya || 96 ||
[Analyze grammar]

evamuktastathā śakro gāyatrarājakanyakām |
yajñabhūmivilokāyā''gatāṃ tvāṃ sa hi neṣyati || 97 ||
[Analyze grammar]

ārṣiṇīṃ kanyakāṃ ramyāṃ gāyatrīṃ navayauvanām |
gāndharveṇa vivāhena grahīṣyati sa viśvasṛṭ || 98 ||
[Analyze grammar]

prārapsyate tato hotraṃ brāhmaṇairvedapārargeḥ |
yajño dinasahasraṃ vai puṣkare sa bhaviṣyati || 99 ||
[Analyze grammar]

tata ārabhya gāyatrī brahmāṇī tvaṃ bhaviṣyasi |
lokamātā vedamātā sṛṣṭimātā bhaviṣyasi || 100 ||
[Analyze grammar]

sarvapūjyā sarvamānyā dvijajāpyā bhaviṣyasi |
brahmadātrī brahmavadhūrbhaviṣyasi ṛtambhare || 101 ||
[Analyze grammar]

ayaṃ sarvahuto brahmā tvaṃ gāyatrī ca dampatī |
dvitīyāyā vratenaiva kṛpayā me bhaviṣyathaḥ || 102 ||
[Analyze grammar]

śatavarṣottaraṃ dhāmā'kṣaraṃ me prāpsyatho dhruvam |
mahānagaratulyasya saudhasya dānakarmaṇā || 103 ||
[Analyze grammar]

brahmāṇḍākhyaṃ gṛhaṃ rājyaṃ dāsye smṛddhaṃ parātparam |
ityuktvā bhagavān kṛṣṇastirobabhūva tatsthalāt || 104 ||
[Analyze grammar]

pūrvajasya brahmaṇo'pi laye jāte'tha dampatī |
pārameṣṭhyaṃ padaṃ śreṣṭhaṃ prāpatuḥ śāśvataṃ ciram || 105 ||
[Analyze grammar]

evaṃ sarvahuto rājā tatpatnī goṛtambharā |
sañjātau daṃpatī brahmā gāyatrī pitarau sṛjeḥ || 106 ||
[Analyze grammar]

iti te kathitaṃ lakṣmi prāksṛṣṭīyamudantakam |
puruṣottamamāsasya dvitīyāyāstu sadvratam || 107 ||
[Analyze grammar]

pārameṣṭhyapadadātṛ śroturvaktustathā phalam |
bhaviṣyati na sandeho vakti śrīpuruṣottamaḥ || 108 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne puruṣottamamāsamāhātmye prāksṛṣṭau sarvahutarājñā goṛtambharārājñyā ca dvitīyapakṣadvitīyāvratena nagarasamabhavanadānādinā pūjanādinā ca pārameṣṭhyapade brahmaṇo'vatāro gāyatryavatāraśca prāptaṃ ityādinirūpaṇanāmā navādhikatriśatatamo'dhyāyaḥ || 1309 ||
[Analyze grammar]