Chapter 285

śrīlakṣmīruvāca |
kṛṣṇanārāyaṇa svāminnātha mādhava keśava |
pārvatīprabhayornātha lakṣmīmāṇikyayoḥ pate || 1 ||
[Analyze grammar]

śuddhaikādaśakā grāhyā vrate viddhā na vai katham |
vada tatkāraṇaṃ padyāpate'mṛtapate hare || 2 ||
[Analyze grammar]

śrīnārāyaṇa uvāca |
śṛṇu lakṣmi kathayāmi brāhmaṃ jātaṃ kathānakam |
viddhaikādaśikāyāṃ vai prātastiṣṭhati mohinī || 3 ||
[Analyze grammar]

vedhaḥputrī puṇyahantrī tasmād grāhyā na sā vrate |
daśamīvedharahitā sadopoṣyā vrate matā || 4 ||
[Analyze grammar]

svargamokṣapradā kṣetrarājyaputrapradāyinī |
kalatravittadāhārdaśarīrārogyadāyinī || 5 ||
[Analyze grammar]

kṣaye vā'pyathavā vṛddhau samprāpte vā dinodaye |
upoṣyā dvādaśī puṇyā pūrvaviddhā vivarjayet || 6 ||
[Analyze grammar]

pūrvaviddhāṃ prakurvāṇo naro dharmaṃ nikṛntati |
santatestu vināśāya sampadāṃ haraṇāya ca || 7 ||
[Analyze grammar]

pūrvaviddhā purā dattā dānavebhyastu sā tithiḥ |
pūrvaviddhatithau puṇyaṃ kṛtaṃ yātyasureṣvatha || 8 ||
[Analyze grammar]

dattaṃ japtaṃ hutaṃ snātaṃ sevitaṃ pūjanaṃ hareḥ |
viddhatithau kṣayaṃ yāti tamaḥ sūryodaye yathā || 9 ||
[Analyze grammar]

āsīd rukmāṃgado rājā sārvabhaumaḥ surāṣṭrake |
mahāvaiṣṇavadharmastho harivāsaratatparaḥ || 10 ||
[Analyze grammar]

gaje dhṛtvā paṭahaṃ vādayate harivāsare |
bhunakti mānavo yo'dya viṣṇorahani mandadhīḥ || 11 ||
[Analyze grammar]

sa me daṇḍyaśca vadhyaśca nirvāsyo nagarād bahiḥ |
pitā vā yadi vā bhrātā putro bhāryā suhṛnmama || 12 ||
[Analyze grammar]

śrīharervāsare bhoktā nigrāhyo dasyuvad bhavet |
dadadhvaṃ sātvatebhyaśca majjadhvaṃ tīrthavāriṣu || 13 ||
[Analyze grammar]

mamedaṃ vacanaṃ kṛtvā tiṣṭhantu mama rāṣṭrake |
etatpraghuṣṭaṃ sammatvā prajā bhajanti keśavam || 14 ||
[Analyze grammar]

gacchadbhiḥ śrīharerdhāmno mārgaḥ saṃkulito janaiḥ |
tadrājye tu mṛtā ye ye te yānti harimandiram || 15 ||
[Analyze grammar]

yamamārgaṃ na gacchanti pṛthvīto mānavāstadā |
śūnyāstu nirayā jātāḥ pāpiprāṇivivarjitāḥ || 16 ||
[Analyze grammar]

bhagno yāmyo'bhavanmārgo dvādaśādityatāpitaḥ |
sarve vai garuḍārūḍhā janā yānti hareḥ padam || 17 ||
[Analyze grammar]

lekhyakarmavinivṛttaścitragupto'pyathā'bhavat |
mānavā bhajanātpūrvakarmāṇyapi vidhūya vai || 18 ||
[Analyze grammar]

prayānti vaiṣṇavaṃ dhāma carpaṭā vyarthatāṃ gatāḥ |
devānāmapi nākādyāste śūnyā hyabhavaṃstadā || 19 ||
[Analyze grammar]

śūnye triviṣṭape jāte śūnye ca narake tathā |
nārado dharmarājaṃ saṃgatvā tvidamuvāca ha || 20 ||
[Analyze grammar]

kathaṃ śūnyaṃ yamakṣetraṃ na cāyānti janāstviha |
citragupto'pi nivṛttaḥ likhatyeva na vai kṛtim || 21 ||
[Analyze grammar]

māyādaṃbhasamākrāntā duṣṭakarmaratā api |
kathaṃ nātra samāyānti kāraṇaṃ tvatra me vada || 22 ||
[Analyze grammar]

yamo dainyānvitaḥ prāha pṛthvyāṃ rukmāṃgado nṛpaḥ |
sārvabhaumaḥ sāmprataṃ sa bhaktimān puruṣottame || 23 ||
[Analyze grammar]

prabodhayati paṭahairna bhoktavyaṃ harerdine |
ye kecid bhuṃjate martyāste me daṇḍyā dhruvaṃ matāḥ || 24 ||
[Analyze grammar]

tadbhayāddhi prajāḥ sarvā harerdinamupāsate |
prayānti vaiṣṇavaṃ lokaṃ vyājenaivāpyupoṣitāḥ || 25 ||
[Analyze grammar]

tena rājñā harerbhaktyā śūnyāśca narakāḥ kṛtāḥ |
svargāścāpi kṛtāḥ śūnyā lekhakā niṣkriyāḥ kṛtā || 26 ||
[Analyze grammar]

ekādaśyupavāsena mārjitaṃ likhitaṃ tu yat |
naśyanti pūrvapāpāni hyabhuktvā harivāsare || 27 ||
[Analyze grammar]

kāṣṭhamṛgasamaḥ so'haṃ jāto'smi niṣphalakriyaḥ |
tyaktakāmo'smyahaṃ tvadya lokapālatvamakriyam || 28 ||
[Analyze grammar]

yāsyāmi brahmaloko vai duḥkhaṃ jñāpayituṃ svakam |
nirvyāpāro niyogī vetanaṃ dhatte na jīryati || 29 ||
[Analyze grammar]

sa yāti narakaṃ ghoraṃ mānavo vā yamopi vā |
evamuktvā mahālakṣmi nāradaṃ citraguptakam || 30 ||
[Analyze grammar]

saha nīravā yayau brahmasadanaṃ yamarāṭ svayam |
dadarśa ca samāsīnaṃ mūrtā'mūrtajanā''vṛtam || 31 ||
[Analyze grammar]

upāsyamānaṃ vividhairlokapālairdigīśvaraiḥ |
vedaśāstretihāsādyaiḥ saraḥsaritsamudrakaiḥ || 32 ||
[Analyze grammar]

vṛkṣavallītṛṇasasyairvanāraṇyamarudgaṇaiḥ |
kṣetrabhūbhṛtsthalībhiśca munidevarṣipitṛbhiḥ || 33 ||
[Analyze grammar]

kalādinaniśāvarṣayugakalpalayādibhiḥ |
sukhaduḥkhā'lābhalābhairnāgasākṣiguṇādibhiḥ || 34 ||
[Analyze grammar]

guṇāguṇairmāyikaiścā'nuktairupāsyate hyajaḥ |
teṣāṃ madhye'viśatsūryātmajo bhagnahṛdāntaraḥ || 35 ||
[Analyze grammar]

vilokayannadhobhāgaṃ jātahāniṃ vyadarśayat |
nipapātā'grato brahmaṃs trāhi trāhīti saṃvadan || 36 ||
[Analyze grammar]

vinivṛtto'smi niṣkāryaḥ kiṃ karomi niyojane |
nāhaṃ vetanayogyo'smi rājapaṭṭaṃ gṛhāṇa te || 37 ||
[Analyze grammar]

ityuktvā rājapaṭakaṃ nicikṣepa vidheḥ puraḥ |
lekhinīṃ citragupto'pi cikṣepa ca vidheḥ puraḥ || 38 ||
[Analyze grammar]

mlānanaṃ yamaṃ tvāśvāsayāmāsa pitāmahaḥ |
vihvalaṃ bhagnahṛdayaṃ hyāsane sannyaveśayat || 39 ||
[Analyze grammar]

papraccha ca śanaiḥ kenā'bhibhūto'si vivāsitaḥ |
kenā'pamārjito devapaṭastavā'pamānitaḥ || 40 ||
[Analyze grammar]

brūhi sarvamaśeṣeṇa duḥkhaṃ te hṛdaye sthitam |
ime sarve tarkayanti lokān rodayate tu yaḥ || 41 ||
[Analyze grammar]

so'yaṃ kena parābhūto mlānā''syo'sti raveḥ sutaḥ |
athavā satyagātheyaṃ drogdhurvai parato bhayam || 42 ||
[Analyze grammar]

atha śrutvā yamaḥ prāha śṛṇu pūrvapitāmaha |
vetanaṃ yo vinā kāryaṃ gṛhṇāti karmayojitaḥ || 43 ||
[Analyze grammar]

nipatatyandhakūpe saḥ yastvanyāyena jīvati |
karmacārī niyogaṃ na karoti lobhakarṣitaḥ || 44 ||
[Analyze grammar]

prabhorvittaṃ samaśnāti sa bhavetkāṣṭhakīṭakaḥ |
paścāt sa narakaṃ yāti yāvatkalpaśatatrayam || 45 ||
[Analyze grammar]

svārthamātraparo yastu svāminaṃ tu vilumpati |
sa bhaved grāmakhāteṣu hyākhuḥ kalpaśatatrayam || 46 ||
[Analyze grammar]

niyogī nispṛho bhūtvā svāmikāryaṃ karoti na |
svāmivittaṃ samaśnāti gṛhe mārjāratāṃ vrajet || 47 ||
[Analyze grammar]

so'haṃ tvayā niyukto'smi daṇḍyā'daṇḍyānpraśāsitum |
puṇyena puṇyakarmāṇaṃ pāpena pāpakāriṇam || 48 ||
[Analyze grammar]

yojayāmīti tatrādya rukmāṃgadena bhūbhujā |
parābhūto'smyādhikārye kṛto'smi niṣkriyo'dhunā || 49 ||
[Analyze grammar]

rukmāṃgadabhayād bhūmiḥ saptadvīpā sasāgarā |
na bhuṃkte vāsare viṣṇoḥ sarvapāpapraṇāśane || 50 ||
[Analyze grammar]

pāpāśca satkriyāśūnyāḥ sarvadharmavihīnakāḥ |
prayānti vaiṣṇavaṃ dhāma hyupoṣya harivāsaram || 51 ||
[Analyze grammar]

ye tvāgatā yamapūryāṃ te'pi vaṃśajapuṇyataḥ |
yamapūrīṃ parityajya dhṛtvā pādaṃ tu mūrdhni me || 52 ||
[Analyze grammar]

prayānti vaiṣṇavaṃ lokaṃ matkṣetraṃ śūnyatāṃ gatam |
etasya vratapuṇyena śataṃ pitṛparamparāḥ || 53 ||
[Analyze grammar]

śataṃ mātāmahapuṃsāṃ śataṃ bhāryāpiturjanāḥ |
śataṃ ca bhāgineyā vai bhrātṛbhāryājanāḥ śatam || 54 ||
[Analyze grammar]

śataṃ pitṛbhāgineyaḥ śataṃ mātṛsvasurjanāḥ |
ekottaraṃ ca pratyekaṃ yānti mokṣapadaṃ hareḥ || 55 ||
[Analyze grammar]

etanme paramaṃ duḥkhaṃ mārjayitvā lipiṃ mama |
anyakṛtena puṇyena yānti tvanye paraṃ padam || 56 ||
[Analyze grammar]

ekasya puṇyamāhātmyādanyagotrāḥ paraṃ padam |
chitvā prayānti matpāśaṃ tena me śiraso rujā || 57 ||
[Analyze grammar]

na me prayojanaṃ deva niyogenedṛśena yat |
ekādaśyupavāsyekaḥ kulasaptakamasya tu || 58 ||
[Analyze grammar]

prayāti śrīharerdhāma tyaktvā lokaṃ tu māmakam |
na yajñairna ca tīrthairvā vratairnāpi japairna ca || 59 ||
[Analyze grammar]

jalāgnibhṛgupatanairna gatiṃ yāti tādṛśīm |
yādṛśīṃ yāti tāṃ harervāsarasya vratena tu || 60 ||
[Analyze grammar]

bhūtvā so'haṃ nirāśo'dya tava pādasaroruham |
vijñaptiṃ kartumāyātaḥ kuruṣvā'tra yathepsitam || 61 ||
[Analyze grammar]

yamakṣetraṃ yamamārgo yamaśāsanamityapi |
mā syurbhagnā yathā pūrvapitāmaha tathā kuru || 62 ||
[Analyze grammar]

na dṛṣṭaṃ na śrutaṃ kvāpi tvetādṛṅnyāyavarjitam |
svakarmasthā vikarmasthāḥ śucayo'śucayo'pi vā || 63 ||
[Analyze grammar]

upoṣya vāsaraṃ viṣṇordhāma yānti nṛpājñayā |
so'smākaṃ tu mahān śatrurnirgrāhyaḥ syānna saṃśayaḥ || 64 ||
[Analyze grammar]

tena varṣasahasreṇa śāsitaṃ kṣitimaṇḍalam |
atiduṣṭā janā nītā vaiṣṇavaṃ dhāma tadbalāt || 65 ||
[Analyze grammar]

āropayitvā garuḍe kṛtvā rūpaṃ caturbhujam |
nayatyaharniśaṃ lokamaprameyaṃ pitāmaha || 66 ||
[Analyze grammar]

yadi sthāsyati dīrghaṃ saḥ samastaṃ neṣyate'mṛtam |
eṣa daṇḍaḥ paro hyeṣastava padbhyāṃ visarjitaḥ || 67 ||
[Analyze grammar]

lokapālatvamasmākaṃ vyarthīkṛtamanena vai |
dhanyā sā jananī garbhe dhṛto'yaṃ mokṣakṛd yayā || 68 ||
[Analyze grammar]

kimapatyena jātena mātṛkleśakareṇa vai |
yena tṛptirna toṣo na na sevā na ripukṣayaḥ || 69 ||
[Analyze grammar]

noddhṛtaḥ pitṛnicayo vidyayā vā balena vā |
yasya na sphurate kīrtirjaneṣvabhijñakeṣvapi || 70 ||
[Analyze grammar]

vṛthāśūlā tu tanmātā kukṣiprastararakṣiṇī |
vṛthājanmā'pi ṣaṇḍhaḥ sa māturjāṭhararogavat || 71 ||
[Analyze grammar]

dharmārthakāmamokṣeṣu virodhī yo bhavetsutaḥ |
varaṃ tasmād garbhanāśo duḥkhaṃ tatra samāpyate || 72 ||
[Analyze grammar]

dharmahā yo bhavelloke vṛthā tasya tu jīvitam |
vīraprasūridānīṃ tu yayā rukmāṃgado nṛpaḥ || 73 ||
[Analyze grammar]

janitaḥ śrīharerbhakto mallipermārjanāya vai |
naitādṛśaṃ kṛtaṃ pūrvaṃ kenāpi paramārcanam || 74 ||
[Analyze grammar]

so'haṃ kathaṃ prajīvāmi śṛṇvaṃstatpaṭahaṃ sadā |
lumpamānaṃ mama mārgaṃ vṛthāvetanapāpabhāg || 75 ||
[Analyze grammar]

iti nivedayitvaiva virarāmā'tidurmanāḥ |
brahmā prāha tadā lakṣmi śanaiḥ saurerviśokakṛt || 76 ||
[Analyze grammar]

kiṃ tatrāsti tavāścaryaṃ kathaṃ vā khidyate bhavān |
sadguṇeṣu kathaṃ tāpastava jāto yamādhipa || 77 ||
[Analyze grammar]

yannāmoccāraṇād yānti janā mokṣapadaṃ dhruvam |
tadvrataṃ samanuṣṭhāya kathaṃ neyuḥ paraṃ padam || 78 ||
[Analyze grammar]

kṛṣṇanārāyaṇasyātraikaḥ praṇāmaḥ kṛto bhavet |
daśāśvamedhaphaladaḥ phalaṃ tu kṣayaśāli tat || 79 ||
[Analyze grammar]

punarjanmapradaṃ tacca praṇāmastvantakṛjjaneḥ |
kāśīgayākurukṣetraiḥ kimastyasya prayojanam || 80 ||
[Analyze grammar]

jihvāgre vartate yasya harirityakṣaradvayam |
rajasvalāṃ tu cāṇḍālīṃ gacchan bhuñjan surānvitam || 81 ||
[Analyze grammar]

māsaṃ kurvanmahaccauryaṃ tathāpi sa hi mokṣabhāg |
viṣṇulokaṃ prayātyeva vidhūya pāpasaṃcayam || 82 ||
[Analyze grammar]

yannāmoccāraṇānmokṣaḥ kimūta tadupoṣaṇe |
yatra saṃkīrtyate vicintyate kṛṣṇanarāyaṇaḥ || 83 ||
[Analyze grammar]

ajñānāllīlayā vā'tra helayā'pi gṛṇan harim |
śṛṇvansmarannupahasannapi yāti parāṃ gatim || 84 ||
[Analyze grammar]

kathaṃ tasya prabhakteṣu vratiṣvāśāsanaṃ tava |
yastvaṃ na cūrṇito baddhaḥ pāṣadaistasya vai prabhoḥ || 85 ||
[Analyze grammar]

tadasmākaṃ paraṃ mānaṃ rakṣitaṃ tvaṃ na budhyase |
niyoginā hi yatnena jñātavyā rājakīyatā || 86 ||
[Analyze grammar]

rājānugrahapātrāṇi sāparādhānyapi dhruvam |
niyoktavyāni naiveha niyogī daṇḍyatenyathā || 87 ||
[Analyze grammar]

evaṃ pāpā api kṛṣṇabhaktaniyogamāśritāḥ |
prayānti śrahirerdhāma mā tatra śāsanaṃ kuru || 88 ||
[Analyze grammar]

anyabhaktaiḥ sadoṣaiḥ pūrayiṣye yama te gṛham |
na kariṣyāmi sāhāyyaṃ haribhaktaistu te kvacit || 89 ||
[Analyze grammar]

kṛṣṇanārāyaṇabhaktanigraho naiva vidyate |
taiḥ kṛte hyavamāne tu tava nā'smi sahāyavān || 90 ||
[Analyze grammar]

cet te sāhāyyamatrāpi karomi yādi sūryaja |
mama dehāntadaṇḍaḥ syād bhraṣṭatvaṃ brahmaṇaḥ padāt || 91 ||
[Analyze grammar]

tadātra tava kā vārtā tato maunaṃ gṛhāṇa bho |
prayāntu te harerdhāma yamakṣetrānna rodhaya || 92 ||
[Analyze grammar]

bhavatvādityajanmaṃste riktaṃ kṣetraṃ harerbalāt |
mā śokaṃ vraja cātrārthe kāle tviṣṭaṃ bhaviṣyati || 93 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne daśamīviddhaikādaśīvratā'karaṇe mahābhāgavatarukmāṃgadanṛpākhyāne ekādaśīvratabalād yamapurīriktatve brahmāṇaṃ prati yamasya saśokanivedanamitināmā pañcāśītyadhikadviśatatamo'dhyāyaḥ || 285 ||
[Analyze grammar]