Chapter 284

śrīnārāyaṇa uvāca |
śṛṇu lakṣmi pravakṣyāmi vāragrahārcanavratam |
yatkṛtvā tu grahāḥ sarve tuṣṭā dadati sampadaḥ || 1 ||
[Analyze grammar]

sūryavāre vrataṃ kāryaṃ naktaṃ ca vaikabhojanam |
prātaḥ snātvā raviṃ natvā pūjayet sarvavastubhiḥ || 2 ||
[Analyze grammar]

kṛtvā tu kānakaṃ sūryaṃ sāruṇāśvarathasthitam |
saṃjñāchāyāyutaṃ divyamālāmaṇivibhūṣitam || 3 ||
[Analyze grammar]

āvāhanādikaṃ kṛtvā pañcāmṛtā'bhiṣecanam |
snapanaṃ vastrabhūṣādidhāraṇaṃ gandhalepanam || 4 ||
[Analyze grammar]

dhūpadīpasunaivedyaphalatāmbūlakā'rpaṇam |
dhyānapradakṣiṇāstotranamanādivisarjanam || 5 ||
[Analyze grammar]

kārayecca tato madhyāhne'pi rātrau tathaiva ha |
pūjanaṃ kārayet sarvaṃ sanīrājanabhojanam || 6 ||
[Analyze grammar]

rātrau tu snāpayed devaṃ prātaḥ snātvā prabodhayet |
pūjayet kamalaiścārkakaravīrādipuṣpakaiḥ || 7 ||
[Analyze grammar]

jalaṃ punaḥ punardadyādupasthāpanamācaret |
dānā'bhayā'bjayugalaṃ dhārayantaṃ kare ravim || 8 ||
[Analyze grammar]

kuṇḍalāṃgadakeyūrayutaṃ dhyāyet trayītanum |
raktāṃbhojaistilairvāpi juhuyād vidhivadvasau || 9 ||
[Analyze grammar]

uccārayettu sūryāya svāhetyaṣṭottaraṃ śatam |
bhūrbhuvaḥ svastatsaviturvareṇyam || 10 ||
[Analyze grammar]

bhargo devasya dhīmahi dhiyo yo naḥ pracodayāt |
iti gāyatrikāmantreṇā'ṣṭottaraśataṃ tathā || 11 ||
[Analyze grammar]

juhuyāt svāhāsaṃjñāyaichāyāyai cāpi saṃvadet |
bhojayetpūjayedarghyaṃ dadyād bhāskaramūrtaye || 12 ||
[Analyze grammar]

prāṇānāyamya cācamya hastau prakṣālya pūjakaḥ |
pātraṃ tāmramayaṃ prasthatoyagrāhi samādadet || 13 ||
[Analyze grammar]

kuṃkumaṃ rocanāṃ rājīṃ candanaṃ raktacandanam |
karavīraṃ japāśālikuśaśyāmākataṇḍulān || 14 ||
[Analyze grammar]

tilaveṇuyavāṃścaiva nikṣipet salile śubhe |
hastābhyāṃ kalaśaṃ vṛtvā jānubhyāmavanīṃ gataḥ || 15 ||
[Analyze grammar]

āmūrdhni pātramuddhṛtyā'mbareṇa varaṇe raveḥ |
dṛṣṭiṃ cādhāya manasā dadyārghyaṃ jalāṃjalim || 16 ||
[Analyze grammar]

datvā puṣpāṃjaliṃ cāpi natvā stutvā visarjayet |
nityaṃ vā taddine'pyevamarghyaṃ dadyādvivasvate || 17 ||
[Analyze grammar]

tena tuṣṭo dinaśo'smai dadyād vittaṃ yaśaḥ sukham |
putrān pautrānabhīṣṭaṃ ca yadyat sarvaṃ prayacchati || 18 ||
[Analyze grammar]

sūryārcanavrataṃ tvetadāyurārogyavardhanam |
dhanadhānyapaśukṣemakṣetramitrakalatradam || 19 ||
[Analyze grammar]

tejovīryayaśaḥkīrtividyāvibhavabhogadam |
prakuryād vidhinā sūryamaṇḍalāptikaraṃ param || 20 ||
[Analyze grammar]

sūryamūrtiṃ pradadyāttu gurave dakṣiṇāyutām |
bhojayed brāhmaṇān dugdhasāraṃ tathā supolikāḥ || 21 ||
[Analyze grammar]

svayaṃ bhuñjīta ca vratī vratameva samāpayet |
atha candradine candravrataṃ kuryād vidhānataḥ || 22 ||
[Analyze grammar]

prātarutthāya saṃsnātvā dugdhapuṣpādi cāharet |
sauvarṇaṃ samṛgaṃ somaṃ sapatnīkaṃ prapūjayet || 23 ||
[Analyze grammar]

saptaviṃśatipatnībhiḥ sahitaṃ candrakaṃ vratī |
āvāhanāt samārabhya ṣoḍaśopasuvastubhiḥ || 24 ||
[Analyze grammar]

pūjayet kumudaiścāpi bhojayed dugdhaśarkarāḥ |
rātrau nīrājayet pūrṇātithau candrasya darśane || 25 ||
[Analyze grammar]

prakāntyāsyaṃ sphaṭikābhaṃ nīlālakaṃ sakuṇḍalam |
bibhrāṇamiṣṭaṃ kumudaṃ dhyāyenmuktāsrajaṃ vidhum || 26 ||
[Analyze grammar]

svāhā candrāya rohiṇyainakṣatrebhyaśca saṃvadet |
juhuyātpāyasenā'ṣṭottaraśataṃ sasarpiṣā || 27 ||
[Analyze grammar]

sthāpayed rājataṃ pātraṃ pūrayet saurabhaṃ payaḥ |
dadyānniśākarāyā'rghyaṃ sarvābhiṣṭhārthasiddhaye || 28 ||
[Analyze grammar]

nityaṃ vā taddine'tyevamarghyaṃ dadyācca pūjayet |
tuṣṭaḥ kumudinīnātho dadyādauṣadhibhojanam || 29 ||
[Analyze grammar]

dhanaṃ dhānyaṃ sutāḥ putrān saubhāgyaṃ ca dadāti vai |
ekabhuktaṃ vrataṃ kuryād gurave mūrtimarpayet || 30 ||
[Analyze grammar]

bālān saṃbhojayet kṣīraṃ pūrikāśca sato janān |
svayaṃ vrataṃ samāpyaiva prabhuṃjīta tu pāraṇām || 31 ||
[Analyze grammar]

atha maṃgaladevasya vrataṃ rakṣyaṃ sukhārthinā |
ekabhuktena kartavyaṃ sarvakāryasya siddhaye || 32 ||
[Analyze grammar]

prātaḥ snātvā dharāputradine dhyāyecca maṃgalam |
meṣasthaṃ raktavastrāṃgaṃ śūlaśaktigadāvarān || 33 ||
[Analyze grammar]

karairbibhrāṇamīśānasvedataṃ bhūsutaṃ smaret |
mārgaśīrṣe'tha vaiśākhe vratāraṃbhaḥ kujeḥ dine || 34 ||
[Analyze grammar]

aruṇodayavelāyāṃ bhaumavratamupācaret |
sutakāmā dhanakāmā smṛddhikāmā vrataṃ caret || 35 ||
[Analyze grammar]

utthāya ca radān dhāvedapāmārgeṇa vāgyatā |
snātvā raktāmbaradharā raktamālavilepanā || 36 ||
[Analyze grammar]

naivedyādikasaṃbhārān raktānsarvānprakalpayet |
ācamya deśakālau ca saṃkīrtyātha vratārthinī || 37 ||
[Analyze grammar]

ṣoḍaśādyairupacāraiḥ saṃpūjyā'rghyaṃ nidhāpayet |
dhūpadīpau samarpyātha godhūmānnaṃ nivedayet || 38 ||
[Analyze grammar]

tāmrapātre śuddhatoyapūrite raktacandanam |
raktapuṣpākṣataphalānyākṣipyā'rghyaṃ samarpayet || 39 ||
[Analyze grammar]

bhūmiputra sutārthaṃ tvāṃ prapannā'rghyaṃ gṛhāṇa me |
dehi putraṃ mahīputra gṛhāṇā'rghyaṃ namo'stu te || 40 ||
[Analyze grammar]

tato rekhātrayaṃ pṛthvyāṃ khādirāṃgārakeṇa vai |
kuryācca mārjayed vāmapādena ca vadettadā || 41 ||
[Analyze grammar]

duḥkhadaurbhāgyanāśāya putrasantānahetave |
kṛtarekhātrayaṃ vāmapādena mārjayāmyaham || 42 ||
[Analyze grammar]

ṛṇaduḥkhavināśāya mano'bhīṣṭārthasiddhaye |
mārjayāmyasitā rekhāstisro janmatrayodbhavāḥ || 43 ||
[Analyze grammar]

dhyātvā ca maṃgalaṃ puṣpāṃjalihastā stuvīta tam |
ṛṇahartre namastubhyaṃ nityaṃ saubhāgyado bhava || 44 ||
[Analyze grammar]

yo vakragatimāpanno nṝṇāṃ duḥkhaṃ prayacchati |
pūjitaḥ sukhasaubhāgyaprado bhavati te namaḥ || 45 ||
[Analyze grammar]

meṣavāhanaṃ rudrātman dehi putrān dhanaṃ yaśaḥ |
stutvā natvā tathā nīrājayitvā puṣpamarpayet || 46 ||
[Analyze grammar]

yathāśakti pradāya svaṃ gṛhṇīyād brāhmaṇāśiṣaḥ |
gurave dakṣiṇāṃ dadyāt prabhuñjyāt tanniveditam || 47 ||
[Analyze grammar]

evamāvatsaraṃ kuryāt pratimaṃgalavāsaram |
tilairhomaṃ prakuryācca svāhā maṃgalamūrtaye || 48 ||
[Analyze grammar]

bhaumamūrtiṃ svarṇamayīṃ maṇḍalasthe ghaṭe sthitām |
samabhyarcya japenmantraṃ sutasaubhāgyasiddhaye || 49 ||
[Analyze grammar]

omaṃgārakāya vidmahe śaktihastāya dhīmahi |
tanno bhaumaḥ pracodayādityaṣṭottarakaṃ śatam || 50 ||
[Analyze grammar]

japennametpunaḥ pūjāṃ kṛtvā dugdhādi bhojayet |
śarkarāṃ ca sumiṣṭānnaṃ godhūmānnaṃ samarpayet || 51 ||
[Analyze grammar]

jalapānaṃ ca tāmbūlaṃ puṣpāṃjaliṃ samarpayet |
visarjayettu vidhinā rātrau vyomni ca taṃ punaḥ || 52 ||
[Analyze grammar]

natvā dhyātvā jalaṃ datvā'kṣatān puṣpāṇi cārpayet |
vratapūrtiṃ phalaṃ prārthya bhuñjyāt svapyāt smaret graham || 53 ||
[Analyze grammar]

evaṃ vratārthinī vātha vratī bhaumasya toṣaṇāt |
labhate sutadhānyādi nirvighnaṃ sukhamuttamam || 54 ||
[Analyze grammar]

atha budhe dine vudhavrataṃ kuryātsamāhitaḥ |
snātvā mūrtiṃ tu sauvarṇī pūjayettu yathākramam || 55 ||
[Analyze grammar]

āvāhanātsamārabhya puṣpāñjalyantameva tu |
kṛtvā pītāmbaraṃ candraputraṃ sā'bhayapāṇikam || 56 ||
[Analyze grammar]

jānusthavāmahastaṃ ca dhyātvā'rghyaṃ ca samarpayet |
budha cāndra mahāprājña duḥkhaṃ hara sukhaṃ kuru || 57 ||
[Analyze grammar]

athāgnau juhuyātsvāhā budhāyāṣṭottaraṃ śatam |
prapūjya bhojayitvā ca kṣamāṃ prārthyā'ñjaliṃ dadet || 58 ||
[Analyze grammar]

puṣpākṣatairvardhayitvā tatastaṃ tu visarjayet |
brāhmaṇān bhojayed vyomni rātrau paśyed budhaṃ vratī || 59 ||
[Analyze grammar]

arghyaṃ kamalapuṣpaiśca datvā samāpayed vratam |
bhojayet sādhusādhvīśca svayaṃ bhuñjīta sādaram || 60 ||
[Analyze grammar]

evaṃ vratakṛto grahapīḍā sarvā nivartate |
putrapaśudhanārogyasampadāṃ vardhanaṃ bhavet || 61 ||
[Analyze grammar]

atha gurau prakuryācca gurorvrataṃ samāhitaḥ |
snātvā suvarṇajāṃ mūrtiṃ guroḥ samarcayed vratī || 62 ||
[Analyze grammar]

āvāhanātsamārabhya ṣoḍaśā'bhisuvastubhiḥ |
puṣpāṃjalipraparyantaṃ pūjayitvā bṛhaspatim || 63 ||
[Analyze grammar]

dhyāyenyastavāmahastaṃ ratnarāśau ca dakṣiṇāt |
kirantaṃ sarvaratnāni svarṇakāntiṃ śubhānanam || 64 ||
[Analyze grammar]

pītapuṣpādyalaṃkārālepāṃśukādipūjitam |
sarvavidyānidhiṃ devaguruṃ śāntikaraṃ smaret || 65 ||
[Analyze grammar]

bhojayetpāyasānnaṃ ca namet kṣamāpayettathā |
svāhā bṛhaspataye cetyaṣṭottaraśatā''hutīn || 66 ||
[Analyze grammar]

daded ghṛtānnapakvānnadugdhasārakalādibhiḥ |
viṣarogādipīḍāsu kalahe svajanodbhave || 67 ||
[Analyze grammar]

pippalotthasamidbhiśca juhuyāttannivṛttaye |
juhuyāt tridinaṃ cāpi niśāpuṣpairghṛtaplutaiḥ || 68 ||
[Analyze grammar]

śīghraṃ tūpadravaśāntirbhavediti punastataḥ |
pūjayecca named rātrau vyomni taddarśanaṃ caret || 69 ||
[Analyze grammar]

dadyādarghyaṃ jalaṃ natvā vidyāṃ ca prārthayed vratī |
nīrājayet tataḥ puṣpāñjaliṃ dadyād visarjayet || 70 ||
[Analyze grammar]

dānaṃ śrīgurave dadyāt samūrtikaṃ sabhojanam |
evaṃ kṛtvā vrataṃ paścād bhuñjīteti sukhī bhavet || 71 ||
[Analyze grammar]

atha śukradine śukravrataṃ kuryād vidhānataḥ |
snātvā suvarṇajaṃ śukraṃ dhyāyecchuklāmbaraṃ graham || 72 ||
[Analyze grammar]

śuklalepavibhūṣaṃ ca kareṇa dhanadāyakam |
vyākhyānamudrā vāmena darśayantaṃ smared vratī || 73 ||
[Analyze grammar]

āvāhanātsamārabhya puṣpāñjalyantamarcayet |
bhojayetpūjayetkṣamāpayennamettataḥ param || 74 ||
[Analyze grammar]

śvetapuṣpaiḥ sugandhaiśca juhuyād bhṛguvāsare |
aṣṭottaraṃ śataṃ homaṃ ghṛtādibhiśca sañcaret || 75 ||
[Analyze grammar]

nīrājayed gurave tu dadyādarghyaṃ jalaṃ śubham |
rātrau vyomni prapaśyecca natvā stutvā visarjayet || 76 ||
[Analyze grammar]

dānaṃ śrīgurave dadyād vrataṃ tasya samāpayet |
ratnamaṇyādi labhate vratakṛcca sukhī bhavet || 77 ||
[Analyze grammar]

ekabhuktaṃ ca vā naktaṃ tūpavāsaṃ vrate ca vā |
prakuryādvā yathāśakti payaḥpānaṃ phalāśanam || 78 ||
[Analyze grammar]

atha śanaiścare vāre vrataṃ śaneḥ samācaret |
snātvā prātarhariṃ natvā hanūmantaṃ ca pannatim || 79 ||
[Analyze grammar]

praṇamecca śanermūrtiṃ tvāyasīṃ paripūjayet |
kṛṣṇamāṣānsaptasaṃkhyānpūjāyāmarpayed vratī || 80 ||
[Analyze grammar]

āvāhanāt samārabhya puṣpāñjalyantamādarāt |
sarvaṃ kuryātpradadyācca kṛṣṇapuṣpaṃ sukajjalam || 81 ||
[Analyze grammar]

kṛṣṇāmbaravibhūṣāśca kṛṣṇānnasya nivedanam |
kṛṣṇatilādihomaṃ ca svāhā śanaiścarāya vai || 82 ||
[Analyze grammar]

aṣṭottaraṃ śataṃ kuryājjapenmantraṃ yathābalam |
dhyāyet kṛpāṇahastaṃ taṃ kṛṣṇāmbarottarīyakam || 83 ||
[Analyze grammar]

rathasthaṃ tvāyasavarṇaṃ krūradṛṣṭipravaktrakam |
vakragatiṃ prapaśyantaṃ nameddadyājalārghyakam || 84 ||
[Analyze grammar]

kṛṣṇapuṣpakṛṣṇamāṣānvitaṃ śāntiprado bhava |
śubhāṃ dṛṣṭiṃ kuru saurya sampatsukhāni vardhaya || 85 ||
[Analyze grammar]

aniṣṭaṃ mā kuru tvarkin saṃjñāputra namo'stu te |
yamabhrātargṛhāṇedaṃ kṛśarānnaṃ jalādikam || 86 ||
[Analyze grammar]

iti kṛtvā'rcanaṃ tasya kṛṣṇadānāni dāpayet |
nīrājayennameccāpi vidhinā ca visarjayet || 87 ||
[Analyze grammar]

ekabhuktaṃ ca vā prāyo naktaṃ tvatrācared vratī |
dvitīye vāsare prātaḥ prapūjyaiva śaniṃ hṛdā || 88 ||
[Analyze grammar]

bhojayedbālakān kanyā viprān kuryācca pāraṇām |
evaṃ samvatsaraṃ kṛtvā śanerduḥkhāni saṃjayet || 89 ||
[Analyze grammar]

prāpnuyāt sukhasampattiṃ sukhaṃ svargasamaṃ labhet |
iti vratāni proktāni kimanyacchrotumicchasi || 90 ||
[Analyze grammar]

iti śrīlakṣmīnārāyaṇīyasahitāyāṃ prathame kṛtayugasantāne |
sūryasomamaṃgalabudhaguruśukraśanivratānāṃ sāṃganirūpaṇanāmā |
caturaśītyadhikadviśatatamo'dhyāyaḥ || 284 ||
[Analyze grammar]