Chapter 267

śrīnārāyaṇa uvāca |
śṛṇu lakṣmi dvitīyāyā vārṣikāṇi vratāni vai |
bhogamokṣobhau prāpnuvantīha mānavāḥ || 1 ||
[Analyze grammar]

caitraśukladvitīyāyāṃ brahmā vivāhito'bhavat |
sāvitryā saha lagnasyotsavaṃ kuryād vrataṃ tathā || 2 ||
[Analyze grammar]

mahāntaṃ maṇḍapaṃ kṛtvā sāvitryajau tu kānakau |
pūjayitvā sotsavau ca haviṣyānnaṃ prabhojayet || 3 ||
[Analyze grammar]

vratī syādekabhuktaśca sarvayajñaphalaṃ labhet |
kanyādānaṃ ca godānaṃ dadyāt sadvaibhave sati || 4 ||
[Analyze grammar]

phalaṃ labdhvā'khilānkāmānante brahmapadaṃ vrajet |
asminneva dine lakṣmi candro jātastu vāridheḥ || 5 ||
[Analyze grammar]

candravrataṃ hyataḥ kāryaṃ bhuktimuktiphalapradam |
samabhyarcya niśārambhe bālendumuditaṃ mudā || 6 ||
[Analyze grammar]

rūpyacandraṃ pradadyādvai dāne vipraṃ ca bhojayet |
kumudaiḥ pūjanīyaśca vipraścandrapratikṛtiḥ || 7 ||
[Analyze grammar]

arthanīyastathā candro dvitīyā jananīva me |
cullikāṃ bhrāṣṭrasaṃyuktāṃ vṛṣabhau dvau gavāṃ kulam || 8 ||
[Analyze grammar]

dhanadhānyayutaṃ gehaṃ samārogyaṃ janeṣu me |
samādiśatu me nityaṃ dvitīyeśa namo'stu te || 9 ||
[Analyze grammar]

bhavauṣadhyannadātā me tejovṛddhiṃ pradehi me |
bālapuṣṭikaro me'tra sarvadā sukhado bhava || 10 ||
[Analyze grammar]

asminneva dine tvaśvarūpātsūryāttu bālakau |
saṃjñānāmnyā svapatnyāṃ tvaśvinyāṃ dasrau babhūvatuḥ || 11 ||
[Analyze grammar]

aśvinībālakau vaidyau pūjanīyau vrataṃ hi tat |
kartavyaṃ tvekabhuktaṃ ca dāne tvauṣadhamiṣyate || 12 ||
[Analyze grammar]

suvarṇarajate netre pra dadyācca dvijātaye |
aśvinyā vājinaścāpi dānaṃ deyaṃ tu śaktitaḥ || 13 ||
[Analyze grammar]

aśvā'śvinīvrataṃ kāryaṃ puṃsā nāryā ca bhaktitaḥ |
aśvebhyaścaṇakā deyā vratī tvadyād ghṛtaṃ dadhi || 14 ||
[Analyze grammar]

vratametad dvādaśābdaṃ netrāśvadānapūrvakam |
kṛtvā syād bhūpatiśreṣṭhaścātirūpo nṛpāgraṇīḥ || 15 ||
[Analyze grammar]

rādhaśukladvitīyāyāṃ samārebhe tapo hyajaḥ |
tapovratamidaṃ kuryāt kṛtvā kamalamuttamam || 16 ||
[Analyze grammar]

brahmāṇaṃ tāpasaṃ tatra vinyasya pūjayed vratī |
saptadhānyānvitaṃ bhadraṃ maṇḍalaṃ kārayecca vā || 17 ||
[Analyze grammar]

tatra kuṃbhopari viśvasṛjaṃ vinyasya pūjayet |
kamaṇḍaluṃ tathā dhautraṃ valkalaṃ cāsanaṃ tathā || 18 ||
[Analyze grammar]

phalāni bhojanaṃ dadyātpāduke brahmasūtrakam |
godānaṃ tvanyadānāni dadyād viprāya sādhave || 19 ||
[Analyze grammar]

viṣṇulokamavāpnoti bhuktvā bhogānmanoramān |
jyeṣṭhaśukladvitīyāyāṃ bhāskaro dyumaṇirmahān || 20 ||
[Analyze grammar]

samudbhūto harernetrāt dyotayan bhuvanatrayam |
caturvaktrasvarūpaṃ ta gāyatrīsahitaṃ harim || 21 ||
[Analyze grammar]

sarathāśvā'ruṇaṃ sūryaṃ samabhyarcya vidhānataḥ |
ekabhuktaṃ vrataṃ kṛtvā bhojayitvā'rbhakān sataḥ || 22 ||
[Analyze grammar]

svarṇasūryapradānaṃ ca hiraṇyārpaṇamityapi |
kṛtvā vratī susamṛddhaṃ bhāskaraṃ lokamāpnuyāt || 23 ||
[Analyze grammar]

aṣāḍhaśukladvitīyā proktaṃ saṃkarṣaṇaṃ vratam |
rāmarūpeṇa jāto'tra śeṣanārāyaṇaḥ svayam || 24 ||
[Analyze grammar]

bhadrakayā samaṃ rāmaṃ devā vai prathame yuge |
rathaṃ tvārohayitvā ca parikramya purādikam || 25 ||
[Analyze grammar]

jalāśayāntikaṃ gatvā pupūjustamanantakam |
tato vai mānavaiḥ sarvaiḥ kāraṇīyo mahotsavaḥ || 26 ||
[Analyze grammar]

tadante devabhavane sthāpayitvā yathāvidhi |
ārārtrikaṃ namaḥ kuryād brāhmaṇān bhojayed bahūn || 27 ||
[Analyze grammar]

sataśca bhojayetsādhvīrbālān dāne halādikam |
rathadānaṃ tathā kṣetragrāmadānādikaṃ caret || 28 ||
[Analyze grammar]

śrāvaṇaśukladvitīyā viśvakarmavrataṃ śubham |
viśvakarmā svapityatra hyaśokaśayanaṃ vratam || 29 ||
[Analyze grammar]

mūrtiṃ caturmukhīṃ patnīyutāṃ śayyāsthitāṃ śubhām |
kṛtvā viśvakarmaṇaśca prapūjya jagatāṃ patim || 30 ||
[Analyze grammar]

prārthayed viśvakarmāṇaṃ bhagavantaṃ jagatkaram |
śrīvatsadhārin śrīkānta śrīvāsa śrīpate prabho || 31 ||
[Analyze grammar]

gārhasthyaṃ bhavanādyaṃ ca mā nāśaṃ yātu me vibho |
dharmārthakāmamokṣāṇāṃ viyogo mā'stu me kvacit || 32 ||
[Analyze grammar]

gṛhadānaṃ tathā patnīdānaṃ candrārdhadānakam |
kanyādānaṃ suvarṇāderdānaṃ kuryād vrate'tra vai || 33 ||
[Analyze grammar]

bhādraśukladvitīyāyāmindrajanmā'bhavad yataḥ |
indraṃ hariṃ prapūjyaiva sarvakratuphalaṃ laset || 34 ||
[Analyze grammar]

tatputraśca jayantyākhyaḥ śacī vimānamityapi |
sarvaṃ vai kānakaṃ kṛtvā vajraṃ dhanuśca mārgaṇam || 35 ||
[Analyze grammar]

gajaṃ svarṇamayaṃ kṛtvā pūjayitvā vidhānataḥ |
sarvaṃ vai gurave dadyādekabhukto vratī bhavet || 36 ||
[Analyze grammar]

evaṃ kṛtvā vratī svargaṃ mahendrālayamityatha |
prāpnuyāccirakālaṃ ca muktiṃ vairājalokagām || 37 ||
[Analyze grammar]

āśvinaśukladvitīyāvrataṃ durgākṛtaṃ matam |
dānaṃ pradattametasyāmanantaphaladaṃ bhavet || 38 ||
[Analyze grammar]

ūrjaśukladvitīyāyāṃ yamo yamunayā purā |
bhojitaḥ pūjito bhrātrā svagṛhe bahumiṣṭakaiḥ || 39 ||
[Analyze grammar]

vrataṃ yamadvitīyāyāḥ kuryāt svasā gṛhe gṛhe |
puṣṭivivardhanaṃ cedaṃ bhaginyālayabho janam || 40 ||
[Analyze grammar]

bhuktvā bhrātrā'mbarabhūṣāḥ svasre deyā dhanādayaḥ |
tena svayaṃ bhavetsvarṇadhanadhānyaprapūritaḥ || 41 ||
[Analyze grammar]

asyāṃ tithau yamunayā yamarājaḥ prabhojitaḥ |
tasyāṃ svasurhastatalāt sauhṛdena bhunakti yaḥ || 42 ||
[Analyze grammar]

sa bhrātā svarṇaratnādidhanadhānyādimān bhavet |
dānaṃ svasre bhṛśaṃ deyaṃ svasrīyāyā'pi mudrikāḥ || 43 ||
[Analyze grammar]

mārgaśukladvitīyāyāṃ pitarastvaryamādayaḥ |
samutpannā brahmadehāt pitṛśrāddhavrataṃ hi tat || 44 ||
[Analyze grammar]

prātaḥ prapūjanaṃ sūryanārāyaṇasya kārayet |
madhyāhnottarakāle tu śrāddhaṃ kuryācca tarpaṇam || 45 ||
[Analyze grammar]

pitṝṇāṃ pūjanaṃ caiva kārayet piṇḍamarpayet |
vratakartā bhavennaktabhojī dāne tu dhānyakam || 46 ||
[Analyze grammar]

bhojanaṃ bhūsurāyāpi dadyād vastrādikaṃ tathā |
godānaṃ ca yathāśakti kartavyaṃ vratinā tadā || 47 ||
[Analyze grammar]

vṛddhānsarvānpūrvajān saṃsmṛtya dvijāya vai namaḥ |
kuryādārogyamāpnuyāllabhate putrapautrakān || 48 ||
[Analyze grammar]

pauṣaśukladvitīyāyāmutpannāḥ kāmadhenavaḥ |
kāmadhenuvrataṃ kāryaṃ haviṣyāśī bhaved vratī || 49 ||
[Analyze grammar]

sarvakāmapradaṃ kuryād gośṛṃgodakamārjanam |
gośṛṃgodakamṛdbhyāṃ ca saṃsnāyāt pūjayecca gām || 50 ||
[Analyze grammar]

dadyāddānaṃ gavādīnāṃ dharmakāmārthasiddhaye |
tṛṇādikaṃ pradadyācca gavāṃ grāsādilabdhaye || 51 ||
[Analyze grammar]

bālendudarśanaṃ sāyaṃ prakuryāccārghyasarjanam |
bhavedevaṃ vratakartā godhano'tighano'pi ca || 52 ||
[Analyze grammar]

māghaśukladvitīyāyāṃ bhāskaro viśvakarmaṇā |
śāṇopari samanyastaḥ surūpaḥ kṛta eva vai || 53 ||
[Analyze grammar]

bhānurūpaṃ hariṃ tvatra pūjayedraktapuṣpakaiḥ |
raktairgandhaistathā svarṇamūrtiṃ nirmāya śaktitaḥ || 54 ||
[Analyze grammar]

tataḥ pūrṇaṃ tāmrapātraṃ godhūmaiścāpi taṇḍulaiḥ |
sūryāya cārpayed bhaktyā jalenā'rghyaṃ samarpayet || 55 ||
[Analyze grammar]

mūrtiṃ dadyād sādhave ca dānaṃ viprāya śaktitaḥ |
evaṃ kṛte vrate lakṣmi sākṣāt sūrya iva vratī || 56 ||
[Analyze grammar]

durāsado durādharṣo jāyate bhuvi bhūsuraḥ |
yadvā rājā prajāyeta cakravartī mahānnṛpaḥ || 57 ||
[Analyze grammar]

iha kāmānvarān bhuktvā yātyante ca raveḥ padam |
sarvadevastutastvante yāti vā brahmaṇaḥ padam || 8 ||
[Analyze grammar]

atha phālgunaśuklāyāṃ dvitīyāyāṃ svayaṃ haraḥ |
tapase prasthito haime śaile nārāyaṇāśrame || 59 ||
[Analyze grammar]

tato harasya sauvarṇīṃ kāryā mūrtirjaṭānvitā |
puṣpaiḥ śivaḥ samabhyarcyaḥ suśvetaiśca sugandhibhiḥ || 60 ||
[Analyze grammar]

puṣpairvitānakaḥ kāryaḥ puṣpālaṃkaraṇaiḥ śubhaiḥ |
naivedyairvividhairdhūpairdīpairnīrājanādibhiḥ || 61 ||
[Analyze grammar]

toṣaṇīyo mahādevo vratinā sukhalabdhaye |
evamabhyarcya deveśaṃ vratī vyādhivivarjitaḥ || 62 ||
[Analyze grammar]

dhanadhānyasmṛddhiyukto jīvedvarṣaśataṃ dhruvam |
vrateṣveteṣu homādi kāryaṃ yathādhanādikam || 63 ||
[Analyze grammar]

vahnireva pṛthaṅmāssu nānārūpo harervapuḥ |
pūjanīyo homakṛtā brahmacaryādi rakṣatā || 64 ||
[Analyze grammar]

yadvidhānaṃ dvitīyāsu śuklapakṣagatāsu vai |
proktaṃ tadeva kṛṣṇāsu kartavyaṃ vidhikovidaiḥ || 65 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne vārṣikadvitīyāvrateṣu brahmasāvitrīlagnacandrotpattyaśvinīkumārotpattibrahmatapaḥsūryotpattisaṃkarṣaṇarāmotpattiviśvakarmā'śoka |
śayanendrajanmadurgāvratayamayamunābhojanā'ryamapitrutpattikāmadhenūtpattisūryaśāṇollīḍhatāśaṃbhutapaitivratānāṃ nirūpaṇanāmā saptaṣaṣṭyadhikadviśatatamo'dhyāyaḥ || 267 ||
[Analyze grammar]