Chapter 262

śrīlakṣmīruvāca |
kāni vratāni cānyāni kārtike puṇyadāni vai |
kartavyāni ca me nātha vada sarvāṇi tāni ca || 1 ||
[Analyze grammar]

śrīnārāyaṇa uvāca |
ākāśadīpo dātavyo vratinā devamandire |
tīrthadīpāḥ pradātavyāḥ śataśo'tha sahasraśaḥ || 2 ||
[Analyze grammar]

nadyāṃ nade taḍāge ca sarasyapi ca vāridhau |
kūpe vāpyāṃ jale deyā dīpāḥ svargapradā matāḥ || 3 ||
[Analyze grammar]

ekabhuktirdīpadānaṃ kārtike vratamityapi |
dvidalāḥ kārtike deyā naktamuktirmataṃ vratam || 4 ||
[Analyze grammar]

trīṃstrīnpiṇḍānsamaśnīyānmāsam ṛṣiśaśivratam |
gokṣīraṃ saptarātraṃ ca pibetstanacatuṣṭayāt || 5 ||
[Analyze grammar]

stanatrayātsaptarātraṃ saptarātraṃ stanadvayāt |
ṣaḍrātraṃ ca tathaikasmāt trirātraṃ vāyubhugbhavet || 6 ||
[Analyze grammar]

etatsomāyanaṃ nāma mahaccāndrāyaṇaṃ matam |
ekabhaktaistathā naktaistathaivā'yācitairapi || 7 ||
[Analyze grammar]

upavāsaiścaturbhiścetyevaṃ ṣoḍaśabhirdinaiḥ |
mahāpāpadhvaṃsakṛttat kṛcchrākhyaṃ vratamucyate || 8 ||
[Analyze grammar]

dugdhaṃ ghṛtaṃ jalaṃ coṣṇaṃ miśramekadinaṃ pibet |
upāvasedekadainaṃ taptakṛcchravrataṃ tu tat || 9 ||
[Analyze grammar]

uṣṇadugdhaghṛtavāri pratyekaṃ pratyahaṃ pibet |
caturthe'hni copavaset taptakṛcchrāntaraṃ tvidam || 10 ||
[Analyze grammar]

pratitryahaṃ jalaṃ dugdhaṃ ghṛtaṃ coṣṇaṃ samīraṇam |
pibed dvādaśadainātmataptakṛcchravrataṃ hi tat || 11 ||
[Analyze grammar]

pibet pratitryahaṃ śītaṃ śītakṛcchravrataṃ ca tat |
pāne kramātpramāṇaṃ tu tripalaṃ dvipalaṃ palam || 12 ||
[Analyze grammar]

ekāhaṃ pañcagavyaṃ saṃpibeddarbhodakānvitam |
dvitīye tūpavāsena vrataṃ sāntapanaṃ matam || 13 ||
[Analyze grammar]

pratyahaṃ gavyamekaikaṃ ṣaṣṭhe kuśodakaṃ pibet |
saptame'hni tpavasenmadhyasāntapana vratam || 14 ||
[Analyze grammar]

sāntapanaṃ trirāvṛdyaikaviṃśatidinairmahat |
pratitryahaṃ kramād gomūtraṃ gomayaṃ ca godadhi || 15 ||
[Analyze grammar]

godugdhaṃ ca gavājyaṃ ca sāntapanaṃ mahattaram |
tryahaṃ miśraṃ pañcagavyaṃ yatisāntapanaṃ vratam || 16 ||
[Analyze grammar]

palāśodumbarapadmabilvānāṃ pallavaiḥ pṛthak |
kuśena kvathitaṃ pratyahaṃ tu vāri pibed vratī || 17 ||
[Analyze grammar]

pañcāhasādhyamityetat parṇakṛcchravrataṃ matam |
trirātropoṣitasturye pañcakvāthaṃ pibed yadi || 18 ||
[Analyze grammar]

parṇakūrcavrataṃ tvetanmataṃ cāturdinīyakam |
māsaḥ phalairhi netavyaḥ phalakṛcchra udāhṛtaḥ || 19 ||
[Analyze grammar]

śrīphalaiḥ śrīphalakṛcchraḥ padmaiśca padmakṛcchrakaḥ |
āmalakaiśca śrīkṛcchraḥ pallavaiḥ patrakṛcchrakaḥ || 20 ||
[Analyze grammar]

puṣpaistu puṣpakṛcchraḥ syānmūlaiśca mūlakṛcchrakaḥ |
jalena jalakṛcchraḥ syād dugdhena dugdhakṛcchrakaḥ || 21 ||
[Analyze grammar]

yena māso vyatīyeta tannāmā kṛcchra ucyate |
ekabhaktena naktenā'yācitenopavāsataḥ || 22 ||
[Analyze grammar]

caturbhirdivasaiḥ pādakṛcchraṃ taducyate vratam |
tryahaṃ madhye tryahaṃ naktaṃ tryahaṃ yādṛcchikaṃ haviḥ || 23 ||
[Analyze grammar]

tatastryahaṃ ca nāśnīyātprājāpatyaṃ vrataṃ tu tat |
dvādaśāhaścātikṛcchraḥ pāṇipūrānnabhojanaḥ || 24 ||
[Analyze grammar]

tryahaṃ niraśanaṃ kāryaṃ pādakṛcchraṃ vrataṃ matam |
tryahaṃ yādṛcchikaṃ grāhyaṃ dvitīyaṃ pādakṛcchrakam || 25 ||
[Analyze grammar]

tryahaṃ naktaṃ tathā grāhyaṃ tṛtīyaṃ pādakṛcchrakam |
tryahaṃ madhyāhnake grāhyaṃ caturthaṃ pādakṛcchrakam || 26 ||
[Analyze grammar]

madhye pañcadaśagrāsā nakte tu dvādaśa smṛtāḥ |
yādṛcchikāścaturviṃśatigrāsā bhojane smṛtāḥ || 27 ||
[Analyze grammar]

ekāhaṃ madhyake grāhyaṃ dvitīyāhaṃ tu naktakam |
punardvyahaṃ yādṛcchikaṃ tato dvyahamupoṣaṇam || 28 ||
[Analyze grammar]

vratamevaṃ ṣaḍāhaṃ tadardhakṛchramudīritam |
ekaviṃśatyahaṃ dugdhaṃ pibet kṛcchrātikṛcchrakam || 29 ||
[Analyze grammar]

dvādaśāhaṃ jalamātraṃ pibet kṛcchrātikṛcchrakam |
dvādaśāhopavāsaistu pārākaḥ kṛcchra ucyate || 30 ||
[Analyze grammar]

pratyahaṃ tilapiṣṭaṃ ca saktūn takramupoṣaṇam |
caturdinātmakaṃ saumyakṛcchraṃ vratamudīritam || 31 ||
[Analyze grammar]

pratyahaṃ tilapiṣṭaṃ ca takraṃ vāri kuśodakama |
pañcadinopavāsaśca saumyakṛcchrāntaraṃ tu tat || 32 ||
[Analyze grammar]

tilapiṣṭamodananiḥsrāvastakraṃ jalaṃ saktūn |
upavāsaḥ ṣaḍahaṃ tat saumyakṛcchrāntaraṃ matam || 33 ||
[Analyze grammar]

tilapiṣṭādikaṃ pratyekaṃ trirātraṃ samabhyaset |
tulāpuruṣakṛcchraḥ sa bodhyaḥ pañcadaśāhnikaḥ || 34 ||
[Analyze grammar]

pañcadaśadinānte tu tryahaṃ vāyuṃ tryahaṃ tataḥ |
upoṣaṇaṃ caikaviṃśatyahaṃ tulānṛkṛcchrakam || 35 ||
[Analyze grammar]

śukle corje caturdaśyāṃ jale sthitvā'nilaṃ pibet |
pūrṇimāyāmupavasejjalakṛcchraṃ vrataṃ matam || 36 ||
[Analyze grammar]

daśamyāṃ pañcagavyāśī hyekādaśyāmupāvaset |
viṣṇupūjāṃ prakurvīta harikṛcchraṃ vrataṃ smṛtam || 37 ||
[Analyze grammar]

saptamītaḥ pṛthag vāri dugdhaṃ dadhi ghṛtaṃ pibet |
ekādaśyāmupavaset kṛcchraḥ paitāmaho vratam || 38 ||
[Analyze grammar]

ṣaṣṭhītastu tryahaṃ vāri tryahaṃ copavased vratī |
dvādaśyāṃ pāraṇāṃ kuryānmāhendrakṛcchrakaṃ vratam || 39 ||
[Analyze grammar]

tṛtīyātastryahaṃ nivārādi tryahaṃ ca yāvakam |
tatastryahaṃ tūpavased viṣṇukṛcchravrataṃ hi tat || 40 ||
[Analyze grammar]

pratipattaḥ pañcadinaṃ dugdhaṃ paṃcadinaṃ dadhiṃ |
ekādaśīmupavased bhāskarakṛchra ucyate || 41 ||
[Analyze grammar]

pañcamītaḥ site bhājīṃ yavān śākaṃ payo dadhi |
ghṛtaṃ jalaṃ kramād grāhyaṃ saptarṣikṛcchrakaṃ vratam || 42 ||
[Analyze grammar]

pratipattaḥ kramātpeyaṃ dugdhaṃ vā kvāthitaṃ jalam |
palāśabilvadarbhā'bjodumbaraparṇakaiḥ pṛthaka || 43 ||
[Analyze grammar]

ṣaṣṭhyāmupoṣaṇaṃ caitadagnikṛcchraṃ vrataṃ smṛtam |
saptamītaḥ kramād dugdhaṃ bilvaṃ pakvaṃ ca padmajam || 44 ||
[Analyze grammar]

bisatantūn bhakṣayeścaikādaśyāṃ samupoṣaṇam |
pañcadinātmakaṃ cedaṃ lakṣmīkṛcchravrataṃ smṛtam || 45 ||
[Analyze grammar]

brahmakūrcavrataṃ śreṣṭhaṃ vratānāmuttamaṃ vratam |
kṛtena yena mucyante mānavāḥ sarvapātakaiḥ || 46 ||
[Analyze grammar]

sādhyaṃ tvetat tridivasairvidhiṃ vakṣyāmi tasya tu |
upavasennavamyāṃ tu pañcagavyaṃ kuśāṃbhasā || 47 ||
[Analyze grammar]

saṃpibettu daśamyāṃ ca hyekādaśyāmupāvaset |
gomūtraṃ gomayaṃ dugdhaṃ darbhodikaṃ ghṛtaṃ dadhi || 48 ||
[Analyze grammar]

pañcagavyaṃ tu tatproktaṃ pavitraṃ dehaśodhakam |
gomūtraṃ tāmravarṇāyāḥ śvetāyāścaiva gomayam || 49 ||
[Analyze grammar]

dugdhaṃ suvarṇarūpāyāḥ nīlāyāstu tathā dadhi |
kṛṣṇāyāstu ghṛtaṃ yadvā kapilāyāstu paṃcakam || 50 ||
[Analyze grammar]

suvarṇā kapilā tvekā dvitīyā sā tvapiṃgalā |
tṛtīyā sā tu raktākṣī caturthī gūḍapiṃgalā || 51 ||
[Analyze grammar]

paṃcamī karburā sā syāt ṣaṣṭī syāt śvetapiṃgalā |
saptamī śvetapiṃgākṣī hyaṣṭamī kṛṣṇapiṃgalā || 52 ||
[Analyze grammar]

navamī pāṭalā sā syād daśamī pucchapiṃgalā |
etā daśavidhā proktā kapilā havyadāyinī || 53 ||
[Analyze grammar]

alābhe sarvavarṇānāṃ paṃcagavyaṃ mataṃ śubham |
gomūtraṃ māṣakāssvaṣṭau gomayasya tu ṣoḍaśa || 54 ||
[Analyze grammar]

bodhyā dvādaśa dugdhasya dadhno grāhyā daśaiva ha |
ghṛtasya māṣakāstvaṣṭau catvārastu kuśāṃbhasaḥ || 55 ||
[Analyze grammar]

lakṣmīnārāyaṇanāmnā gāyatryā vātha mantrataḥ |
gṛhītvā tadṛcā yadvā gāyatryā vā puṃsūktataḥ || 56 ||
[Analyze grammar]

agnau hotavyameveti pañcagavyamuddhṛtya tu |
haritā''kuṇṭhitā'gryasaptapatrānvitasaḥkuśaiḥ || 57 ||
[Analyze grammar]

harernāmnāmaṣṭottaraśatena homa iṣyate |
hutaśeṣaṃ tu pātavyaṃ praṇavenā'bhimantritam || 58 ||
[Analyze grammar]

praṇavenā''bhiśritaṃ ca praṇavenoddhṛtaṃ ca tat |
palāśamadhyapatreṇa pibet padmadalena vā || 59 ||
[Analyze grammar]

svarṇapātreṇa raupyeṇa brahmatīrthena vā pibet |
kathito brahmakūrco'yaṃ pāpaghno muktidastathā || 60 ||
[Analyze grammar]

dvādaśāhaṃ tilāḥ prāśyā agnikṛcchravrataṃ tu tat |
gavā tyaktairyavairmāsaṃ nirvahed yavakṛcchrakam || 61 ||
[Analyze grammar]

gavā tyaktayavasaktūn bhuñjīta māsameva tu |
yāmyakṛcchraṃ tu tatproktaṃ dehakalmaṣanāśakam || 62 ||
[Analyze grammar]

nityaṃ tu prasṛtimātratilapiṣṭena nirvahet |
māsamekaṃ tu tatproktaṃ kuberakṛcchrakaṃ vratam || 63 ||
[Analyze grammar]

gomūtreṇā''caret snānaṃ gomayaṃ bhakṣayedapi |
gavāṃ madhye nivasecca gopūrīṣe svapettathā || 64 ||
[Analyze grammar]

pibenna goṣvapītāsu nā'bhuktāsu tu bhakṣayet |
utthitāsu samuttiṣṭhedupaviṣṭāsu saṃviśet || 55 ||
[Analyze grammar]

māsamātraṃ vrataṃ caitad govrataṃ bodhyameva tat |
sādhuṣu vasatiḥ sādhusevanaṃ sādhuvartanam || 66 ||
[Analyze grammar]

sādhoḥ prāsādikaṃ bhojyaṃ peyaṃ sādhuvrataṃ tu tat |
āmikṣayā tu māsau dvau dugdhena pakṣameva ca || 67 ||
[Analyze grammar]

dadhnā cā'ṣṭāhamevāpi ghṛtena tryahameva ca |
nirāhāraṃ tryahaṃ tiṣṭheduddālakaṃ vrataṃ tvidam || 68 ||
[Analyze grammar]

śrīkāmaḥ puṣṭikāmaśca svargakāmastathā janaḥ |
devaprīṇanakāmaśca kṛcchraṃ kurvīta bhaktitaḥ || 69 ||
[Analyze grammar]

evametāni kṛcchrāṇi vratāni kathitāni te |
pāpaghnāni muktidāni sarveṣāmapi padmaje || 70 ||
[Analyze grammar]

kurvan kṛcchrāṇi sarvāṇi yatavāṅmānasendriyaḥ |
dhautavastradharaḥ śāntaḥ snātvā saṃpūjayeddharim || 71 ||
[Analyze grammar]

vratadravyāṇi sarvāṇi dugdhādīni sadā vratī |
aśnīyācchrīhareḥ prāsādikānyeva na cetarat || 72 ||
[Analyze grammar]

kurvan kṛcchrāṇi muhyeścen mūrchāṃ yadvā'bhisaṃviśet |
amṛtaṃ tu gavāṃ dugdhaṃ pāyayettaṃ vratārthinam || 73 ||
[Analyze grammar]

jalaṃ rasaṃ phalaṃ puṣpaṃ takraṃ patraṃ payo dadhi |
bhājā''mikṣauṣadhaṃ kvāthaḥ kandaḥ śākaṃ gurorvacaḥ || 74 ||
[Analyze grammar]

viprājñā'jñātakavalaḥ āpattigrasanaṃ tathā |
mukhavāsārhasadvastu navanītaṃ ca śarkarā || 75 ||
[Analyze grammar]

gūḍo dugdhavikārādyāstailaṃ tilādikaṃ tathā |
bhivārādi ca munyannaṃ bhūphalī vṛkṣapeśikā || 76 ||
[Analyze grammar]

lavaṃgailāmarīcatvagārdrakasūṃphagundrakāḥ |
śilārasaśca kastūrī candanaṃ lavaṇaṃ tathā || 77 ||
[Analyze grammar]

madhu dhūmraścatvāriṃśadavrataghnāni santi vai |
vratānte bhojayet sādhūn śāśvataṃ tatphalaṃ bhavet || 78 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kārtike kartavyakṛcchravratānāṃ nirūpaṇaṃ nāma dvāṣaṣṭathadhikadviśatatamo'dhyāyaḥ || 262 ||
[Analyze grammar]