Chapter 230

śrīnārāyaṇa uvāca |
śaṃkhoddhāraṃ mahātīrthaṃ śaṃkhāsuro'tra śārṅgiṇā |
uddhārito'sti kṛṣṇena tatra gacchettu muktaye || 1 ||
[Analyze grammar]

prabhāsādyāni tīrthāni gaṃgādyā āpagāstathā |
śailāḥ samudrāḥ kṣetrāṇi divyāścaityadrumāstathā || 2 ||
[Analyze grammar]

aśvamedhādayo yajñā mahendrādyāśca devatāḥ |
bhṛgvādyāḥ ṛṣayaścaiva gandharvāstumburuprathāḥ || 3 ||
[Analyze grammar]

dhaneśāśca kuberādyā viśvaksenādipārṣadāḥ |
brahmaviṣṇumaheśāśca siddhāścāpsarasastathā || 4 ||
[Analyze grammar]

paryo'tha kiṃ bahuktena trailokyaṃ jaḍacetanam |
adhyātmasaṃsargagataṃ śaṃkhoddhāre pratiṣṭhati || 5 ||
[Analyze grammar]

ye smaranti gṛhe nityaṃ śaṃkhoddhāraṃ mahatsaraḥ |
teṣāṃ na punarāvṛttiryāvadābhūtasaṃplavam || 6 ||
[Analyze grammar]

ye tu smaranti manasā śaṃkhoddhāraṃ ca śaṃkhinam |
kulakoṭiśatairyuktāḥ kṛṣṇaloke vasanti te || 7 ||
[Analyze grammar]

yatphalaṃ tu sarasvatyāṃ sūryagrahaṇakoṭibhiḥ |
yo yatīn bhojayed bhaktyā nityamabdaśataṃ naraḥ || 8 ||
[Analyze grammar]

śaṃkhoddhāre ca nuḥ snātuḥ kalāṃ nārhanti ṣoḍaśīm |
trīṇi koṭīni sārdhāni tīrthānāṃ ca mama priye || 9 ||
[Analyze grammar]

śaṃkhoddhāre nivāso'sti sarvatīrthaphalaṃ tataḥ |
brahmahatyāsahasrāṇi cā'gamyā'gamanāni ca || 10 ||
[Analyze grammar]

pāpāni nāśamāyānti śaṃkhoddhārajalaspṛśeḥ |
yo dadyād gāṃ gṛhaṃ svarṇe labhate koṭijaṃ phalam || 11 ||
[Analyze grammar]

kurukṣetrasya vāsena gaṃgāyāṃ maraṇena ca |
gomatīsnānamātreṇa phalaṃ śaṃkhasthadarśanāt || 12 ||
[Analyze grammar]

jalamadhye samudrasya dvārakā cātidurjayā |
tasyā madhye sthito devaḥ śaṃkhī pāpapraṇāśanaḥ || 13 ||
[Analyze grammar]

tataḥ piṇḍārakaṃ tīrthaṃ gacchedvai pāpanāśakam |
yatra kṛṣṇaścaturbāhuḥ svayaṃ santiṣṭhate sadā || 14 ||
[Analyze grammar]

sarit rukmavatī yatra tatra snātvā vimucyate |
agastyasya ṛṣestatra taḍāgaṃ lokaviśrutam || 15 ||
[Analyze grammar]

snātvā śrāddhaṃ tathā kṛtvā pitṝnvai mocayet sutaḥ |
yajñavāṭastathā tīrthaṃ yatra pūrvaḥ prajāpatiḥ || 16 ||
[Analyze grammar]

yajñaṃ cakāra vidhinā savalokahitāya vai |
yajñanāśayiturhastau yatra daityasya kartitau || 17 ||
[Analyze grammar]

viṣṇunā devadevena taddṛṣṭvā mucyate hyaghāt |
pitarastatra piṇḍān vai samicchanti sutṛptaye || 18 ||
[Analyze grammar]

vaiśākhe tu kṛte śrāddhe mucyate pātakatrayāt |
dānaṃ śrāddhaṃ vrataṃ jāpastarpaṇaṃ kāryamityapi || 19 ||
[Analyze grammar]

aśvamedhasahasrasya rājasūyaśatasya ca |
pade pade phalaṃ syācca dvārakāṃ gacchatastu nuḥ || 20 ||
[Analyze grammar]

piṇḍārakaṃ smarataśca tatphalaṃ bhavati dhruvam |
śrīkṛṣṇaṃ mandire dṛṣṭvā śaṃkhoddhāre tu śaṃkhinam || 21 ||
[Analyze grammar]

piṇḍārake caturbāhūm vīkṣya muktimavāpnuyāt |
śrīḥ kṛṣṇaścakratīrthaṃ ca piṇḍārakaṃ ca gomatī || 22 ||
[Analyze grammar]

gopīcandanamevāpi tulasī durlabhā kalau |
tāni milanti tu dvāravatyāṃ kṛṣṇaprasaṃgataḥ || 23 ||
[Analyze grammar]

varddhinī dvārakā gaṃgā lakṣmīrgovinda ityapi |
gomatī gopikātālamṛttikā ceti durlabhāḥ || 24 ||
[Analyze grammar]

yasya jāgaraṇaṃ jātaṃ vardhinī dvādaśīdine |
punarjanmakṛtaṃ dagdhaṃ tena bhaktena sarvathā || 25 ||
[Analyze grammar]

trispṛśāvāsare yena kṛtaṃ jāgaraṇaṃ priye |
keśavasya śarīre vai sa līno bhavati dhruvam || 26 ||
[Analyze grammar]

kṛṣṇāya preṃkhā dātavyā tasyāḥ puṇyamanantakam |
svarṇapreṃkhā rājatīṃ vā kāṣṭhīyā vā tathā''mbarī || 27 ||
[Analyze grammar]

deyā vai viṣṇave tasyāḥ phalaṃ vaikuṇṭhavāsanam |
preṃkhāyāṃ ca hariṃ kṛṣṇamāndolayenmuhuḥ śanaiḥ || 28 ||
[Analyze grammar]

kuryājjāgaraṇaṃ caiva mokṣadaṃ puṇyamatra yat |
kanyādānaṃ gayāśrāddhamaśvatthāropaṇaṃ tathā || 29 ||
[Analyze grammar]

dvādaśyāṃ jāgaraścāpi vājimedhā'yutaiḥ samam |
nimiṣe nimiṣe lakṣmi cāśvamedhaphalaṃ bhavet || 30 ||
[Analyze grammar]

sarve devāśca tīrthāni muktāśca munayastathā |
samāyānti jāgaraṇe hyekādaśyāṃ niśi prabhoḥ || 31 ||
[Analyze grammar]

yāvatpadāni gṛhataḥ kṛṣṇasyā''yatanaṃ prati |
jāgarārthaṃ gacchataśca pādayoḥ pāṃsavaḥ khalu || 32 ||
[Analyze grammar]

spṛśanti yāvatsaṃkhyāni tāvatsahasravatsarāḥ |
diviṃ bhogān prabhuktvā ca golokaṃ dhāma cāpnuyāt || 32 ||
[Analyze grammar]

ekadā śaṃkaraṃ devī pārvatī prāha jāgare |
kathaṃ śaṃbho vādayan vai rātrau ḍamaruṃ nṛtyasi || 34 ||
[Analyze grammar]

śaṃbhuḥ prāha mayā devī harivāsarajāgaraḥ |
kriyate kṛṣṇatuṣṭyarthaṃ yatrā''lasyaṃ bhavennahi || 35 ||
[Analyze grammar]

yathākathaṃcidapi tu jāgaritavyameva vai |
saṃgītena sunṛtyena kīrtanena surāsataḥ || 36 ||
[Analyze grammar]

naranārīsamudāyakṛtotsavena krīḍayā |
kathayā vārtayā tālīvādanena ca sevayā || 37 ||
[Analyze grammar]

kṛṣṇaṃ smaratā bhaktena jāgaritavyameva yat |
yatrā''lasyaṃ pramādo vā bhavennaiva tathā''caret || 38 ||
[Analyze grammar]

ityahaṃ kṛṣṇatuṣṭyarthaṃ karomi nṛtyajāgaram |
tvayā punaridaṃ kāryaṃ smartavyaḥ kamalāpatiḥ || 39 ||
[Analyze grammar]

ekādaśyāṃ na bhoktavyaṃ kartavyo jāgarastathā |
goṣṭhyāṃ samāgatastatra sopi yāti parāṃ gatim || 40 ||
[Analyze grammar]

merumandaramātrāśca kṛtāḥ pāpasya rāśaya |
kṛṣṇajāgaraṇe sarve uhyanti tūlarāśivat || 41 ||
[Analyze grammar]

sarvatīrthakratubhyo'pi jāgaraḥ kṛṣṇavallabhaḥ |
sarve devāḥ samāyānti jāgare kṛṣṇavallabhe || 42 ||
[Analyze grammar]

nāryo bhavanti hṛdyāśca jāgare kṛṣṇavallabhāḥ |
ityuktvā ca haropi virarāma kṛṣṇavallabhe || 43 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dvārikāyāṃ śakhoddhāratīrthapiṇḍārakatīrtharukmavatī |
saridagastyataḍāgayajñatīrthaikādaśīdvādaśīvratajāgaraṇādipraśaṃsananāmā triṃśadadhikadviśatatamo'dhyāyaḥ || 230 ||
[Analyze grammar]