Chapter 220

śrīnārāyaṇa uvāca |
gatvā ca gomatītīre praṇamya daṇḍavacca tām |
hastapādau ca saṃśodhya jalena kuśahastakaḥ || 1 ||
[Analyze grammar]

akṣatāṃśca phalaṃ dadhan dadyādarghaṃ ca prāṅmukhaḥ |
sarvapāpaviśuddhyarthaṃ dadāmyarghaṃ ca gomati || 2 ||
[Analyze grammar]

trailokyavandite devi pāpaṃ me hara gomati |
ityuccārya mṛdaṃ labdhvā viṣṇuṃ smṛtvā hyudīrayet || 3 ||
[Analyze grammar]

aśvakrānte rathakrānte viṣṇukrānte vasundhare |
uddhṛtāsi varāheṇa kṛṣṇena śatabāhunā || 4 ||
[Analyze grammar]

mṛttike hara me pāpaṃ yanmayā pūrvasaṃcitam |
tvayā hatena pāpena sarvapāpaiḥ pramucyate || 5 ||
[Analyze grammar]

ityevaṃ mṛttikāṃ dhṛtvā snānaṃ kuryānnadījale |
kurukṣetre sūryagrahe yatpuṇyaṃ tacca labhyate || 6 ||
[Analyze grammar]

snānamātreṇa vidhinā gomatyāṃ kṛṣṇasannidhau |
devān pitṝn manuṣyāṃśca tarpayedbhāvasaṃyutaḥ || 7 ||
[Analyze grammar]

gomatīnīradānena muktiṃ yānti na saṃśayaḥ |
viprānāhūya vedajñān pitṝṇāṃ śrāddhamācaret || 8 ||
[Analyze grammar]

dadyācca dakṣiṇāṃ svarṇaṃ rajataṃ cāmbarādikam |
suvarṇaśṛṃgasahitāṃ khurarājatabhūṣitām || 9 ||
[Analyze grammar]

ratnapucchāṃ dugdhayutāṃ tāmrapṛṣṭhāṃ savatsakām |
dadyād dhenuṃ samabhyarcya vastrālaṃkārabhūṣaṇaiḥ || 10 ||
[Analyze grammar]

saptadhānyāni dadyācca viṣṇurme prīyatāmiti |
gomatī gorajaḥsnānaṃ godānaṃ gopicandanam || 11 ||
[Analyze grammar]

gopīśadarśanaṃ ceti gakārāḥ paṃca durlabhāḥ |
gomatyāṃ śrāddhakaraṇāt pretā muktā bhavanti vai || 12 ||
[Analyze grammar]

nārakāḥ sthāvarāścaiva vāyavaḥ kīṭatāṃ gatāḥ |
sarve te muktimāyānti gomatyāṃ śrāddhadānataḥ || 13 ||
[Analyze grammar]

hayamedhasya yajñasya prayāgā''plavanasya ca |
pratyahaṃ hutabhoktuśca phalaṃ tadgomatījalāt || 14 ||
[Analyze grammar]

viṣṇulokaṃ hi gacchanti pitarastrikulodbhavāḥ |
anekajanmasāhasraṃ vāṅmanaḥkarmabhiḥ kṛtam || 15 ||
[Analyze grammar]

pāpaṃ pravilayaṃ yāti gomatīdarśanena vai |
gomatyāṃ kārtike snātuḥ prasannaḥ śrīyuto hariḥ || 16 ||
[Analyze grammar]

sampūrṇe kārtike māse samprāpte budhavāsare |
paṃcāmṛtena tīrthasya jalena snāpayeddharim || 17 ||
[Analyze grammar]

kasturīkesaramiśraśrīkhaṇḍaṃ ca vilepayet |
puṣpahāraiḥ phalairdīpairdhūpaiśca pūjayeddharim || 18 ||
[Analyze grammar]

naivedyaṃ ruciraṃ dadyād viṣṇurme prīyatāmiti |
gītavādyakathāstotranṛtyairjāgaraṇaṃ caret || 19 ||
[Analyze grammar]

kārtikānte gomatīsaṃgame'bdhau snānamācaret |
ramāpatiṃ prapūjyaiva vrataṃ sampūrṇatāṃ vrajet || 20 ||
[Analyze grammar]

māghasnānaṃ ca gomatyāṃ kartuḥ śrīsaṃyuto hariḥ |
prasanno bhavati tatra muktiṃ cāpi dadāti saḥ || 21 ||
[Analyze grammar]

tilā hiraṇyaṃ rajataṃ modakā guḍamiśritāḥ |
dakṣiṇāścāpi dātavyā brāhmaṇāya sarittaṭe || 22 ||
[Analyze grammar]

tilairājyena dhānyaiśca phalairhomopi sammataḥ |
vratānte raktasadvastrakaṃcukoṣṇīṣamityapi || 23 ||
[Analyze grammar]

dadyādupānahau caiva miṣṭānnaṃ cāpi bhojanam |
tailapakvaṃ ghṛtapakvaṃ viṣṇurme prīyatāmiti || 24 ||
[Analyze grammar]

sarvadānaphalaṃ tasya sarvatīrthaphalaṃ tathā |
sarvānkāmānavāpnoti viṣṇulokaṃ sanātanam || 25 ||
[Analyze grammar]

prāpnoti cātra gomatyāṃ māghasnānena vai janaḥ |
māghaṃ samāpayenmāghyāṃ gomatyudadhisaṃgame || 26 ||
[Analyze grammar]

brāhmaṇā'nujñayā sarvaṃ nyūnaṃ sampūrṇatāṃ vrajet |
brahmadevasvahartṝṇāṃ pāpaṃ snānādvinaśyati || 27 ||
[Analyze grammar]

mitradrohagurughātapāpaṃ naśyati sparśanāt |
brahmarudrapadādūrdhvapadaṃ prāpnoti darśanāt || 28 ||
[Analyze grammar]

bhītā'bhayapradānena yatphalaṃ labhate janaḥ |
tatphalaṃ samavāpnoti gomatīvārisaṃgamāt || 29 ||
[Analyze grammar]

kṛtakṛtyo bhavennīraṃ gomatyāḥ pātiyo janaḥ |
gaṇḍūṣaṃ pibati yaśca ṛṇānmucyeta vai trayāt || 30 ||
[Analyze grammar]

gomatīsevino bhaktā vasanti kṛṣṇasannidhau |
vanamālāścaturbhujā divyagandhānulepanāḥ || 31 ||
[Analyze grammar]

narā viṣṇusvarūpāśca nāryo lakṣmīsvarūpikāḥ |
bhūtvā viṣṇupadaṃ yānti cā'punarbhavalakṣaṇam || 32 ||
[Analyze grammar]

kṛtvā ca gomatītīrthaṃ gacchedvai cakratīrthakam |
cakrāṃkitāśca pāṣāṇā dṛśyante yatra sarvathā || 33 ||
[Analyze grammar]

gale dhṛtaśca pāṣāṇo dhārakaṃ tīrthakṛnnaram |
goloke preṣayatyeṣaścakralāṃchanasadbalāt || 34 ||
[Analyze grammar]

yatrāsthi patitaṃ yasya sopi yāti parāṃ gatim |
prayāgādadhikaṃ caitaccakratīrthaṃ vimuktidam || 35 ||
[Analyze grammar]

yatra cakrāṃkanaṃ labdhaṃ tatra ṣaṇmāsasaṃsthiteḥ |
vidhūya sarvapāpāni naro yāti harergṛham || 36 ||
[Analyze grammar]

cakratīrthe jano gatvā prakṣālya pādahastakān |
ācamya ca punaḥ kṛṣṇaṃ praṇamed daṇḍavat tataḥ || 37 ||
[Analyze grammar]

gṛhītvā paṃcaratnāni patraṃ puṣpaṃ tathā'kṣatān |
gandhaṃ phalaṃ suvarṇaṃ ca candanaṃ cārghamityapi || 38 ||
[Analyze grammar]

vilokya ca samudraṃ vai dadyāccakrāya viṣṇave |
namo viṣṇusvarūpāya viṣṇucakrāya te namaḥ || 39 ||
[Analyze grammar]

gṛhāṇā'rghyaṃ mayā dattaṃ sarvakāmaprado bhava |
agniyoniryajñadeho viṣṇubalaśca muktidaḥ || 40 ||
[Analyze grammar]

viṣṇucakradharo'bdhistvaṃ cakratīrthānvitaḥ sadā |
snānaṃ karomi tīrthe'tra muktiṃ dehi rathāṃgadhṛk || 41 ||
[Analyze grammar]

mṛdaṃ śirasi dhṛtvā ca snātvā bhajan hariṃ tadā |
santarpya devatāḥ pitṝn narān hariṃ ca pārṣadān || 42 ||
[Analyze grammar]

arghayitvā tathā kṛṣṇaṃ sahasrāśvayajeḥ phalam |
snānamātreṇa labhyeta cakratīrthe vidhānataḥ || 43 ||
[Analyze grammar]

viśvedevāḥ svarṇadānād rūpyadānātu pitṛkāḥ |
bhojanenāpi saṃtṛptā bhavanti cakratīrthake || 44 ||
[Analyze grammar]

dīnebhyaḥ kṛpaṇebhyaśca deyaṃ vastravibhūṣaṇam |
rathadānaṃ mukhyamuktaṃ vāhopaskarasmṛddhayaḥ || 45 ||
[Analyze grammar]

aśvā vṛṣāḥ pradātavyā gantryaścāpi viśeṣataḥ |
dakṣiṇā cāpi dātavyā prīṇanārthaṃ jagatpateḥ || 46 ||
[Analyze grammar]

pitarastrikule jātāḥ pretāḥ kīṭāśca nārakāḥ |
sarve te muktimāyānti cakratīrthaprabhāvataḥ || 47 ||
[Analyze grammar]

śrāddhe gayāphalaṃ bodhyaṃ snāne yajvigatirmatā |
tarpaṇe somaparvotthaṃ dāne sūryagrahādhikam || 48 ||
[Analyze grammar]

phalaṃ labhyeta cakrāṃkaṃ grāhyaṃ bāhvostu mānavaiḥ |
manovākkarmabhirjanyaṃ pāpaṃ snānād vinaśyati || 49 ||
[Analyze grammar]

iti te kathitaṃ lakṣmi cakratīrthamapi dhruvam |
tīrthakṛto janāḥ śuddhā viṣṇusāyujyamāpnuyuḥ || 50 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne gomatītīrthacakratīrthavidhiphalādikathananāmā viṃśatyadhikadviśatatamo'dhyāyaḥ || 220 ||
[Analyze grammar]