Chapter 219

| śrīnārāyaṇa uvāca |
śrūyatāṃ ca mahālakṣmi sarvā tīrthamayī hi sā |
dvārakā bhagavadvāsā kimu varṇyaṃ viśeṣakam || 1 ||
[Analyze grammar]

tathāpi varṇayiṣyami tīrthāni kānicid yathā |
tatra mukhyāṃ gomatīṃ vai pragacchet kṛṣṇasaṃśrayām || 2 ||
[Analyze grammar]

yasyā darśanamātreṇa mucyate sarvapātakaiḥ |
amaṃgalānāṃ pāpānāṃ nāśakaṃ sparśamātrataḥ || 3 ||
[Analyze grammar]

sarvecchāpūrakaṃ puṇyaṃ praṇamet gomatījalam |
ubhaśreyaḥpadaṃ gatipradaṃ vai gomatījalam || 4 ||
[Analyze grammar]

ekārṇave purā jāte naṣṭe sthāvarajaṃgame |
brahmā jajñe nābhipadme tena vai sanakādayaḥ || 5 ||
[Analyze grammar]

samutpāditā ājñaptāḥ sṛṣṭikāryārthameva ca |
agṛhītavacasaste yayurvai tapase tataḥ || 6 ||
[Analyze grammar]

paścimāṃ diśamādāya tīre nadanadīpateḥ |
tejomayasvarūpasya draṣṭukāmā harestadā || 7 ||
[Analyze grammar]

harau manaḥ samādhāya tepire dāruṇaṃ tapaḥ |
bahuvarṣasahasraiśca prasanno bhagavān svayam || 8 ||
[Analyze grammar]

babhūva prerayāmāsa cakraṃ svīyaṃ sudarśanam |
pṛthvīṃ bhittvā jalaṃ nītvā tejomayaṃ sudarśanam || 9 ||
[Analyze grammar]

bahirāyāt sūryasamaṃ sahasrāraṃ durāsadam |
daityadānavahantṛ ca bhaktarakṣā karaṃ sadā || 10 ||
[Analyze grammar]

dṛṣṭvā cakraṃ vismitāśca brahmaputrāḥ parasparam |
tadā nabhogatā vāṇī prāha tāṃśca kumārakān || 11 ||
[Analyze grammar]

bho brāhmaṇā yogisiddhāḥ svayaṃ nārāyaṇo hariḥ |
prasannastapasā sākṣācchīghramāvirbhaviṣyati || 12 ||
[Analyze grammar]

tasyā'rhatākṛte cetajjalamāvirbabhūva ha |
jalenānena pūtena śīghramarghaṃ prayacchata || 13 ||
[Analyze grammar]

yadidaṃ tejasā vyāptamāyudhaṃ tatsudarśanam |
śrīharerlokanāthasya tasmādarghaṃ prayacchata || 14 ||
[Analyze grammar]

tacchrutvā ca sanakādyāstuṣṭuvurvai sudarśanam |
namo jyotiḥsvarūpāya brahmaśastrāya te namaḥ || 15 ||
[Analyze grammar]

namo bhaktasurakṣāya viṣṇuśastrāya te namaḥ |
sahasrāśaya sūryāyā'moghāya te namo namaḥ || 16 ||
[Analyze grammar]

iti stutvaḥ namaskṛtvā pūjayāmāsurakṣataiḥ |
puṣpaiḥ patrairjalaiḥ stotraiḥ praṇemuśca punaḥ punaḥ || 17 ||
[Analyze grammar]

harirbrahmā vasiṣṭhaśca samāyātāśca tatsthale |
putrāṇāṃ tapasā hṛṣṭā daduḥ svadarśanaṃ tadā || 18 ||
[Analyze grammar]

satyalokasthitā gaṃgā mūrtāpi tatra cāgatā |
brahmā prāha tadā gaṃgāṃ vaśiṣṭhaṃ mama putrakam || 19 ||
[Analyze grammar]

anuyāhi samudrāntaṃ jalaṃ bhūtvā jale vasa |
yatra sudarśanādvāri puṇyaṃ cātra samudgatam || 20 ||
[Analyze grammar]

tatra sthānaṃ sadā te syāt tīrthaṃ sarvāghanāśanam |
śrīkṛṣṇasya pādasparśāt sadā puṇyā sute bhava || 21 ||
[Analyze grammar]

gavāṃ kiraṇamukhyānāṃ jale sudarśanodbhave |
sthitimattvāt sadā te vai saṃjñā'stu gomatī śubhā || 22 ||
[Analyze grammar]

vaśiṣṭhasyā'nugā bhūtvā nadīrūpā sute bhava |
piteva putrīti yathā vaśiṣṭhatanayā bhava || 23 ||
[Analyze grammar]

bāḍhamityeva tānuktvā prasthitā jalabhāvataḥ |
vasiṣṭhaścāgrato yāti gaṃgā taṃ pṛṣṭhato'nvagāt || 24 ||
[Analyze grammar]

tāṃ dṛṣṭvā mānavāḥ sarve devāśca tīrthakoṭayaḥ |
namaścakrurmahāpuṇyāṃ gacchantīṃ paścimārṇavam || 25 ||
[Analyze grammar]

vaśiṣṭhamanugacchantī prasthitā varuṇālayam |
samākiran mahābhāgā sumanobhiśca tāṃ nadīm || 26 ||
[Analyze grammar]

divyairmālyaiḥ sugandhaiśca garndhairdhūpaistathā'kṣataiḥ |
pūjayāmāsurāścaryasametā vai surādayaḥ || 27 ||
[Analyze grammar]

asyā darśanamātreṇa muktiṃ yāsyanti mānavāḥ |
kiṃ punaḥ snānadānādi kṛtvā yānti hareḥ padam || 28 ||
[Analyze grammar]

ityuktvā cārpayitvā'rghyaṃ śrīkṛṣṇamīḍire harim |
pītakauśeyavasanaṃ vanamālāvibhūṣitam || 29 ||
[Analyze grammar]

divyagandhasugandhāḍhyaṃ divyasvarṇāṃgadānvitam |
divyābharaṇahetiṃ ca makarākārakuṇḍalam || 30 ||
[Analyze grammar]

jvalatkirīṭamukuṭaṃ śrīvatsāṃkitavakṣasam |
bhaktā'bhayapradahastaṃ pralambitacaturbhujam || 31 ||
[Analyze grammar]

ghanaśyāmaṃ prasannāsyaṃ lakṣmīsevitapatkajam |
natāḥ smaśca natā smaśca tuṣṭuvuśca punaḥ punaḥ || 32 ||
[Analyze grammar]

nārāyaṇo hariḥ kṛṣṇaḥ prasannamanasā dvijān |
uvāca paramaprītyā surān kumārakāṃstathā || 33 ||
[Analyze grammar]

yūyaṃ sarve tiṣṭhatātra cā'spṛṣṭā mama māyayā |
jñānino mokṣiṇaścaiva pāvanā vasatātra vai || 34 ||
[Analyze grammar]

iyaṃ vai gomatī gaṃgā''nītā bhavatkṛte mayā |
sarveṣāṃ bhavatāṃ caiva tīrthānāṃ śraiṣṭhyamāsthitā || 35 ||
[Analyze grammar]

mokṣyarthibhiḥ kumāraiścāpyahamatra prasāditaḥ |
tasmādidaṃ paraṃ tīrthaṃ gomatyākhyaṃ ca mokṣadam || 36 ||
[Analyze grammar]

anugrahāya bhavatāṃ mayā cakraṃ sudarśanam |
darśitaṃ prathamaṃ viprā bhuvaṃ bhitvā jalaṃ tathā || 37 ||
[Analyze grammar]

bhitvā tejomayaṃ divyaṃ samāyātaṃ mamāgrataḥ |
cakratīrthamiti khyātaṃ gomatyāṃ saṃbhaviṣyati || 38 ||
[Analyze grammar]

mamāpi niyataṃ vāso bhavatāmapi sarvathā |
cakratīrthe sadāvāso bhaviṣyati hi śāśvataḥ || 39 ||
[Analyze grammar]

gomatyarṇavasaṃyoge ye snāsyanti janādayaḥ |
cakratīrthe ca ye snātāsteṣāṃ muktiḥ kare sthitā || 40 ||
[Analyze grammar]

gomatyāṃ sāgare sarvatīrthāni pravasanti hi |
sarve devāśca ṛṣayaḥ pravasanti hi saṃgame || 41 ||
[Analyze grammar]

sanakādibhirācamya snātvā pītvā jalaṃ tadā |
hareścaraṇau prakṣālya dhṛtaṃ mūrdhni jalaṃ tadā || 42 ||
[Analyze grammar]

sarvadevaistathā caturdaśalokanivāsibhiḥ |
gomatī pūjitā tatra pītaṃ puṇyaṃ jalaṃ tathā || 43 ||
[Analyze grammar]

mūrdhni dhṛtaṃ jalaṃ tasyāḥ pādau prakṣālitau hareḥ |
gomatī cāpi kanyā ca bhūtvā dhṛtvā ghaṭe jalam || 44 ||
[Analyze grammar]

avanījya hareḥ pādau mūrdhnā jalamadhārayat |
kṛtvā'rghaṃ śrīharaye ca datvā sā ca jalāṃjalim || 45 ||
[Analyze grammar]

vikīrya kusumānyatra praviṣṭā varuṇālaye |
sanakādyā maharṣayo devāśca munayastathā || 46 ||
[Analyze grammar]

ye ye tatra ca tīrthāni pūryo'raṇyāni cāyayuḥ |
te te tatra kṛtasthānāstīrtharūpaiḥ samasthitāḥ || 47 ||
[Analyze grammar]

evaṃ sā gomatī sarvatīrthamayī mahodayā |
saṃjātā śrīhareryogāt pāvanī mokṣadā śubhā || 48 ||
[Analyze grammar]

hariśca paśyatāṃ sarvatīrthānāṃ vai tiro'bhavat |
sarve devādayo natvā tāṃ diśaṃ svālayān yayuḥ || 49 ||
[Analyze grammar]

evaṃ sā gomatī lakṣmi saṃjātā sāgaraṃgamā |
kṛṣṇayogātsarvapāpaharā gaṃgā saridvarā || 50 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne gomatītīrthacakratīrthetihāsamāhātmyakathananāmaikonaviṃśā'dhikadviśatatamo'dhyāyaḥ || 219 ||
[Analyze grammar]