Chapter 217

śrīlakṣmīruvāca |
bhagavan śrotumicchāmi prathame dvāpare ca yā |
bhūmikā''nartarājñā svatapasā'tra samāhṛtā || 1 ||
[Analyze grammar]

yatra śrīkṛṣṇadevena svavāsaḥ sthāpitaḥ sadā |
tasyāstīrthasumāhātmyaṃ setihāsaṃ vad prabho || 2 ||
[Analyze grammar]

śrīnārāyaṇa uvāca |
kalau yuge mahāghore bahupākhaṇḍasaṃśrite |
taraṇāya mahattīrthe kathayāmi nibodha me || 3 ||
[Analyze grammar]

paścimasya samudrasya tīramāśritya tiṣṭhati |
kuśasthalīti yā rājñā kuśena nirmitā bhavet || 4 ||
[Analyze grammar]

tato'pi pūrvamānartarājñā''nītā bhuvaḥ sthalī |
ānartanagarī saiva sarvābhyaḥ prāg babhūva sā || 5 ||
[Analyze grammar]

gomatī yatra vahati sāgareṇa ca saṃgatā |
dvārāvatī ca sā puryānartānāmnā prakīrtyate || 6 ||
[Analyze grammar]

tatra vasati viśvātmā sadā muktiprado hariḥ |
kalāṣoḍaśasaṃyukto mūrtidvādaśabhiryutaḥ || 7 ||
[Analyze grammar]

dvārikā sā tu dhanyaiva yatra kṛṣṇaścaturbhujaḥ |
janā muktiṃ prayāsyanti tatra gatvā yuge yuge || 8 ||
[Analyze grammar]

ānarto vai mahānbhakto śaryāterātmajo'bhavat |
pitrā vibhajyamāne ca rājyaṃ vāgrahīt svakam || 9 ||
[Analyze grammar]

upādideśa pitaraṃ bhaktimānartakastathā |
mamā'yaṃ mānuṣo deho mokṣāyaiva hi kevalam || 10 ||
[Analyze grammar]

nā'yaṃ rājye kṣayitavyo durlabhaḥ kalpabhūruhaḥ |
cintāmaṇisamenātra sādhyo mokṣo mayaiva hi || 11 ||
[Analyze grammar]

śrutvā pitrā tadaivoktaṃ na yogyaṃ manyase ca yat |
mama vaṃśe na cā'rājyakaro me rocate sutaḥ || 12 ||
[Analyze grammar]

gṛhāṇa rājyabhāgaṃ vā yadvā gacchānyabhūtale |
ānartastatpituḥ śrutvā natvā'gacchacca paścimam || 13 ||
[Analyze grammar]

raṇaṃ kṣāraṃ samudrasya vālukāvyāptabhūtalam |
tapastepe bahukālaṃ kṛṣṇanāmnā bhajan harim || 14 ||
[Analyze grammar]

prasannaśca tadā kṛṣṇaḥ sametya bhaktasannidhau |
ānartaṃ prāha me bhakta kiṃ te manasi vartate || 15 ||
[Analyze grammar]

varaṃ varaya bhadraṃ te dadāmi yadabhīpsitam |
praṇamya daṃḍavat prāha golokaṃ naya māṃ prabho || 16 ||
[Analyze grammar]

na me'sti kāpi tṛṣṇā vā na cāsti varṣmavāsanā |
nā''daraśca tapo'rthe me vinā tvatpādasevanam || 17 ||
[Analyze grammar]

prahasya bhagavān prāha śṛṇu bhakta tavā'rthakam |
vivāsitastava pitrā tapaḥ karoṣi matkṛte || 18 ||
[Analyze grammar]

mayā deyaṃ mahadrājyaṃ te'tipitṛvaśaṃgatam |
āgaccha ca mayā sārdhaṃ divyaṃ dadāmi bhūtalam || 19 ||
[Analyze grammar]

iti kṛtvā saha nītvā yayau golokadhāma saḥ |
śrīkṛṣṇaḥ svasya golokād divyaṃ khaṇḍaṃ vibhajya ca || 20 ||
[Analyze grammar]

ānartāyā'rpitavāṃśca gṛhāṇemaṃ maṇiṃ śubham |
divyaṃ gaccha ca bhūloke yatra taptaṃ tapastvayā || 21 ||
[Analyze grammar]

tatrainaṃ maṇikhaṇḍaṃ vai sthāpayā'bdhitaṭe śubhe |
so'yaṃ rājyapradeśo vai svatantraste bhaviṣyati || 22 ||
[Analyze grammar]

ityāśāṃ samanugrahya nītvā golokakhaṇḍakam |
samājagāma cānartaḥ paścimābdhitaṭasthalam || 23 ||
[Analyze grammar]

tatra yāvanmaṇirmuktastāvad viśālatāṃ gataḥ |
śatayojanavistāro divyabhūstara uttamaḥ || 24 ||
[Analyze grammar]

navīnaṃ bhūtalaṃ jātaṃ divyaṃ rājyaṃ babhūva tat |
ānartena tadā kṛṣṇaṃ smṛtvā''nartapurī tataḥ || 25 ||
[Analyze grammar]

vinirmitā rājadhānī kṛṣṇoddiṣṭā yathā tathā |
śrīkṛṣṇastatra cāgatya pūjākāle jagād tam || 26 ||
[Analyze grammar]

mayā dvāparasaṃprānte vastavyaṃ cātra yattataḥ |
śreṣṭhāṃ purīṃ ramaṇīyāṃ sanniveśaya matsthitām || 27 ||
[Analyze grammar]

ānartenāpi sāśreṣṭhā kṛṣṇoktavartmanā śubhā |
purī sanniveśitā ca divyā golokadhāmabhā || 28 ||
[Analyze grammar]

evaṃ prasādarūpeyaṃ bhūmikā''nartasevitā |
so'yaṃ tīrthamayo bhāgo mokṣado'sti surāṣṭrakaḥ || 29 ||
[Analyze grammar]

śṛṇu lakṣmi tataḥ kālāntare sāmudravāribhiḥ |
bahuvāraṃ layaṃ yātā nagarī vāryupaplavaiḥ || 30 ||
[Analyze grammar]

dvāparānte yadā kṛṣṇastatrā''yātuṃ mano dadhe |
tadā na vidyate grāmo nagarī vā'tisusthalī || 31 ||
[Analyze grammar]

paścāt kṛṣṇaḥ svayaṃ bhrātrā saṃkarṣaṇena saṃyutaḥ |
praṇamya pitarau svasya sasmāra garuḍaṃ hariḥ || 32 ||
[Analyze grammar]

madhupuryāṃ sthito vaṭamūle sasmāra sāgaram |
sasmāra viśvakarmāṇaṃ nṛpaveṣaṃ dadhāra ca || 33 ||
[Analyze grammar]

gopaveṣaṃ parityajya cakraṃ sasmāra śāśvatam |
sudarśanaṃ cājagāma sūryakoṭisamaprabham || 34 ||
[Analyze grammar]

tejasā kṛṣṇatulyaṃ ca sarvaśatruniṣūdnam |
avyarthamastramastrāṇāṃ dadhāra tatsudarśanam || 35 ||
[Analyze grammar]

ratnayānaṃ puraskṛtya garuḍaścāpyupasthitaḥ |
viśvakarmā kārubhiśca jagmuḥ sāgarasannidhim || 36 ||
[Analyze grammar]

jaladhiḥ kampitastāṃśca dṛṣṭvā natvā hyupasthitaḥ |
śrīkṛṣṇaḥ prāha jaladhe sthalaṃ te daśayojanam || 37 ||
[Analyze grammar]

dehi me nagarārthaṃ ca mama golokakhaṇḍakam |
drāgeva ca samudreṇa tāvadbhūrnirjalā kṛtā || 38 ||
[Analyze grammar]

śuśubhe divyagolokasthalī sā tu yathā'parā |
viśvakarmāṇamevā''ha samīkāraya bhūsthalīm || 39 ||
[Analyze grammar]

nagaraṃ kuru me kāro triṣu lokeṣu śobhanam |
ramaṇīyaṃ mahādivyaṃ kamanīyaṃ ca yoṣitām || 40 ||
[Analyze grammar]

vāñcchitaṃ cāpi bhaktānāṃ paraṃ golokasadṛśam |
sarveṣāmapi svargāṇāṃ mūrdhanyaṃ mannivāsakam || 41 ||
[Analyze grammar]

divāniśaṃ garuḍa tvaṃ sannidhau viśvakarmaṇaḥ |
sthitiṃ kuru vastukṛte yāvannirmāti matpurīm || 42 ||
[Analyze grammar]

divāniśaṃ ca matpārśve sudarśana sthitiṃ kuru |
ityādiśya svayaṃ kṛṣṇo madhupuryāṃ jagāma ha || 43 ||
[Analyze grammar]

sāyaṃ sāyaṃ sadā viśvakarmā kṛṣṇaṃ prayāti vai |
kāryaṃ niṣpannamākhyāti nūtanaṃ cintayatyapi || 44 ||
[Analyze grammar]

śrīkṛṣṇo viśvakarmāṇaṃ nirmāṇakramamāha ca |
daśayojanaparyantaṃ nagaraṃ sumanoharam || 45 ||
[Analyze grammar]

padmarāgairmarakatairindranīlā'tinīlakaiḥ |
rucakaiḥ pāribhadraiśca palaṃkaiśca syamantakaiḥ || 46 ||
[Analyze grammar]

gandhakairgālimaiścāpi sūryakāntādibhistathā |
candrakāntamaṇibhiśca svarṇavarṣisuhīrakaiḥ || 47 ||
[Analyze grammar]

sphaṭikaiśca haridvarṇaiḥ śyāmairgauramukhaistathā |
gorocanābhiḥ pītaiśca dāḍīmabījarūpakaiḥ || 48 ||
[Analyze grammar]

ārasaiḥ padmabījaiśca nīlaiḥ kamalavarṇakaiḥ |
śyāmaiśca kajjalatulyaiḥ svacchairmaṇibhirujjvalaiḥ || 49 ||
[Analyze grammar]

śvetaiścampakavarṇābhaistaptakāṃcanasannibhaiḥ |
bahumūlyairbahuguṇairāraktapītaśobhanaiḥ || 50 ||
[Analyze grammar]

gariṣṭhaiśca variṣṭhaiśca sadratnamaṇihīrakaiḥ |
yathāvidhi yathāyogaṃ yatra yacca yadīpsitam || 51 ||
[Analyze grammar]

kuru divyaṃ nu ṣoḍaśasahasrayoṣitāṃ mama |
anyapatnījanasyāpi cāṣṭādhikaśatasya ca || 52 ||
[Analyze grammar]

śibiraṃ śreṣṭhaparikhaṃ proccaprākāraveṣṭitam |
dvādaśaśālābhiyuktaṃ siṃhadvārasuśobhitam || 53 ||
[Analyze grammar]

triraṃgādisucitritakapāṭādisvalaṃkṛtam |
nākīyadrumasūdyānavartulādisuśobhitam || 54 ||
[Analyze grammar]

sulakṣaṇaṃ ghaṭīyantraṃ candravedhaṃ ravigṛham |
nakṣatracakravijñānabhūtajñānartucakrakam || 55 ||
[Analyze grammar]

sabhāśālaṃ vaidhaśālaṃ bhūśālaṃ vyomaśāli ca |
śrāvyayantrapraśālaṃ ca dūraśrāvaṇaśālikam || 56 ||
[Analyze grammar]

dūradṛśyapraśālaṃ ca vidyucchālādisaṃyutam |
ṛtujñānaṃ pavijñānaṃ vāyujñānaṃ tathā bhavet || 57 ||
[Analyze grammar]

bhūstarasya pravijñānaṃ cotpātajñānaśālikam |
tatsarvaṃ tatra nagare sthale yogye prakalpaya || 58 ||
[Analyze grammar]

yadūnāmāśramānramyān kiṃkarāṇāṃ gṛhāṇi ca |
karmacārigṛhodyānavihārāṇi ca kāraya || 59 ||
[Analyze grammar]

sarvasaudhātigaṃ svargyaṃ cograsenasya bhūbhṛtaḥ |
hyāśramaṃ bhavanaṃ sarvabhadraṃ kāraya śobhanam || 60 ||
[Analyze grammar]

tathā siddhiprasiddhibhiryuktaṃ divyaṃ viśālakam |
kārayā''śramamūrdhanyaṃ vasudevasya matpituḥ || 61 ||
[Analyze grammar]

viśvakarmā hariṃ prāha vṛkṣaprāśastyavātrcchayā |
kete vṛkṣāḥ praśastāśca niṣiddhāśca tathā ca ke || 62 ||
[Analyze grammar]

bhadrā'bhadrapradāḥ ke ca tānvadasva jagadguro |
keṣāmasthiniyuktaṃ ca śibiraṃ ca sukhāsukham || 63 ||
[Analyze grammar]

kutra diśi jalaṃ bhadramabhadraṃ ca vada prabho |
kutra diśi ropitaśca vṛkṣo bhadraṃ dadāti vai || 64 ||
[Analyze grammar]

gṛhāṇāṃ prāṃgaṇānāṃ ca pramāṇaṃ kiṃ vada prabho |
kutra diśi tarudyānaṃ puṣpodyānaṃ ca bhadrakṛt || 65 ||
[Analyze grammar]

prākārāṇāṃ parikhāṇāṃ dvārāṇāṃ ca pramāṇakam |
bhavanānāṃ ca saudhānāṃ pramāṇaṃ vada me prabho || 66 ||
[Analyze grammar]

kasya kasya ca vṛkṣasya kāṣṭhaṃ śubhaṃ gṛhe prabho |
abhadraṃ ca bhavet keṣāṃ taccāpi vada me prabho || 67 ||
[Analyze grammar]

kṛṣṇaḥ prāha tadā kāruṃ śṛṇu dhyānaṃ vidhāya ca |
āśrame nārikelaśca gṛhiṇāṃ syāddhanapradaḥ || 68 ||
[Analyze grammar]

śibirasya yadīśāne pūrve putrapradastaruḥ |
sarvatra maṃgalakarastarurājo manoharaḥ || 69 ||
[Analyze grammar]

rasālavṛkṣaḥ pūrvasmin nṛṇāṃ sampatprado bhavet |
bilvaḥ panaso badarī sukhadāḥ sarvadā matāḥ || 70 ||
[Analyze grammar]

prajāpradāśca pūrvasmin dakṣiṇe dhanadāśca te |
sampatpradāśca sarvatra tebhyo vivardhate gṛhī || 71 ||
[Analyze grammar]

jambūvṛkṣo dāḍimaśca kadalyāmrātakastathā |
bandhūpradāśca pūrvasmin dakṣiṇe mitradāśca te || 72 ||
[Analyze grammar]

suvāko dakṣiṇe tadvat paścime sukhaharṣadaḥ |
dhanaputrapradaścaiva sarvatra gṛhapārśvagaḥ || 73 ||
[Analyze grammar]

gṛhapārśve campakastu sarvatra bhadrabhadradaḥ |
īśāne sukhadaścaiva svarṇādyāpādakastathā || 74 ||
[Analyze grammar]

alābuścāti kuṣmāṇḍamāyāmbuśca sakiṃśukaḥ |
kharjūrī karkaṭī cāpi śibire maṃgalāyanāḥ || 75 ||
[Analyze grammar]

vāstūkakārabilvaśca vārtākaśca sukhapradaḥ |
latāphalaṃ ca sukhadaṃ gṛhapārśve tu vardhitam || 76 ||
[Analyze grammar]

phalavṛkṣāstathā puṣpavṛkṣā maṃgaladāḥ sadā |
phalavallyastathā puṣpavallyo maṃgaladāstathā || 77 ||
[Analyze grammar]

gandhapuṣpaphalavṛkṣalatātṛṇāni sarvathā |
maṃgalānyeva jāyante putradravyarddhidāni vai || 78 ||
[Analyze grammar]

vicitraraṃgapatrāyaṇi citrapuṣpāṇi yāni ca |
stambānyapi ca saumyāni sukhadāni bhavanti ca || 79 ||
[Analyze grammar]

praśastāni kathitāni niṣiddhāni niśāmaya |
vanyavṛkṣā niṣiddhāśca phalapuṣpavihīnakāḥ || 80 ||
[Analyze grammar]

gṛhe saudhe samudyāne nagare gopure tathā |
araṇyataravo vyarthā niṣiddhā na śubhā matāḥ || 81 ||
[Analyze grammar]

yatra gṛdhrakaṃkadhūkavāso bhūtapiśācakāḥ |
vasanti yatra ca te vai niṣiddhā gandhahīnakāḥ || 82 ||
[Analyze grammar]

vaṭo niṣiddhaḥ śibire nityaṃ caurabhayapradaḥ |
nagareṣu viśālāyāṃ bhūmau dṛṣṭastu puṇyadaḥ || 83 ||
[Analyze grammar]

śivire nagare grāme śālmalirna praśasyate |
kṣitipānāṃ tu satataṃ duḥkhadaḥ parigaṇyate || 84 ||
[Analyze grammar]

grāme vā nagare vā ca na niṣiddho bahiḥ sthale |
vidyāsthale niṣiddhaśca satataṃ duḥkhado yataḥ || 85 ||
[Analyze grammar]

tintiḍīdrurdhanahānikaraḥ prajāvināśakaḥ |
śibiretiniṣiddhaśca nagare kiñcideva saḥ || 86 ||
[Analyze grammar]

na niṣiddhaḥ kvacit siddhā grāmeṣu nagareṣu ca |
vidyā'sthale niṣiddhaśca prājñastadvarjayet sadā || 87 ||
[Analyze grammar]

kharjuraśca gahuścaiva niṣiddhau śibire hyubhau |
grāme vā nagare vā ca niṣiddho na bahiḥ sthale || 88 ||
[Analyze grammar]

vṛkṣāśca caṇakādīnāṃ dhānyāni maṃgalāni vai |
grāme vā nagare vāpi śibire ca gṛhe'bhitaḥ || 89 ||
[Analyze grammar]

ikṣudaṇḍāḥ śubhakarāḥ satataṃ smṛddhivardhakāḥ |
aśokaśca śirīṣaśca kadambaśca śubhapradaḥ || 90 ||
[Analyze grammar]

haridrā śubhadā bodhyā hyārdrakāḥ śubhadāstathā |
harītakyaśca śubhadā āmalakyaḥ śubhapradāḥ || 91 ||
[Analyze grammar]

gajānāmasthi śubhakṛt vājināmasthi saukhyakṛt |
vānarāṇāṃ narāṇāṃ ca gardabhānāṃ gavāmapi || 95 ||
[Analyze grammar]

kukkuṭānāṃ śṛgālānāṃ mārjārāṇāmabhadrakam |
bheṭakānāṃ sūkarāṇāṃ tvasthi vastau śubhapradam || 93 ||
[Analyze grammar]

īśāne ca tathā pūrve paścime cottare tathā |
śibirasya jalaṃ bhadramanyatrā'bhadrameva tat || 94 ||
[Analyze grammar]

nimne prasthe'samāne viṣame kuryānna mandiram |
caturasre gṛhe saudhe gṛhiṇāṃ dhananāśanam || 95 ||
[Analyze grammar]

dairghye śūnyena rahitaṃ trayeṇa rahitaṃ tathā |
bhadraṃ gṛhaṃ ca nagaraṃ śūnyaॆ śūnyapradaṃ nṛṇām || 96 ||
[Analyze grammar]

prasthe hastadvayātpūrvaṃ dīrghaṃ hastatrayaṃ tathā |
gṛhāṇāṃ śubhadaṃ dvāraṃ prākārasya gṛhasya ca || 97 ||
[Analyze grammar]

na madhyadeśe kartavyaṃ kiñcinyūnādhike śubham |
caturasraṃ candravedhaṃ śibiraṃ maṃgalapradam || 98 ||
[Analyze grammar]

abhadradaṃ sūryabhedaṃ śibiraṃ maṃgalā'pradam |
abhadradaṃ sūryabhedaṃ prāṃ'gaṇaṃ maṃgalā'pradam || 99 ||
[Analyze grammar]

śibirābhyantare bhadrā ropitā tulasī sadā |
dravyāpatyapradātrī ca dharmadā mokṣadā tathā || 100 ||
[Analyze grammar]

mālatī yūthikā kundo mādhavo ketakī tathā |
nāgacampako mallikā dhattūro bakulaḥ śubhāḥ || 101 ||
[Analyze grammar]

śubhadahā cā'parājitā tāsāmudyānamarthadam |
pūrve ca dakṣiṇe caiva śubhadaḥ sukhadastathā || 102 ||
[Analyze grammar]

ūrdhvaṃ ṣoḍaśahastebhyo naiva kuryād gṛhaṃ gṛhī |
ūrdhvaṃ viṃśatihastebhyaḥ prākāro na śubhapradaḥ || 103 ||
[Analyze grammar]

tailakāraṃ svarṇakāraṃ hīrakādikrayārthinam |
sūtradhāraṃ vāṭikāyāṃ grāmamadhye na vāsayet || 104 ||
[Analyze grammar]

brāhmaṇaḥ kṣatriyo vaiśyaḥ sacchūdro gaṇakaḥ śubhāḥ |
bhadraṃ vaidyaṃ puṣpakāraṃ sthāpayet śibirāntike || 105 ||
[Analyze grammar]

prākāre parikhāpānaṃ śatahastaṃ praśasyate |
śibirāṇāṃ paritastu daśahastaṃ praśasyate || 106 ||
[Analyze grammar]

guptaṃ ca parikhādvāraṃ sasaṃketaṃ praśasyate |
tintiḍyaścāpi śālmalyo hintālāḥ sindhuvārakāḥ || 107 ||
[Analyze grammar]

nimbāścodumbarā dhattūrā eraṇḍā vaṭāstathā |
na śubhā duḥkhadāstasmācchibire tanna vardhayet || 108 ||
[Analyze grammar]

vṛkṣaṃ tu vajrahastaṃ ca rājā tu varjayet sadā |
putradāradhanaṃ hanyāt tasmānna sthāpayettu tam || 109 ||
[Analyze grammar]

ityādeśaṃ hareḥ prāpya viśvakarmā vaṭasthale |
abdhitīre ca suṣvāpa svapne dadarśa dvārikām || 110 ||
[Analyze grammar]

viśvakarmāṇamālokya devakāryasukāravaḥ |
prasvapantaṃ hasanti sma dvārikā yaistu nirmitā || 111 ||
[Analyze grammar]

rātrāveva suniṣpannā svapne dṛṣṭā yathā tathā |
prātaḥ prabudhya kārustu paśyati dvārikāṃ śubhām || 112 ||
[Analyze grammar]

buddho dadarśa pūrṇāṃ tāṃ viśvakarmā vilajjitaḥ |
śrīkṛṣṇena yathoktāṃ ca daśayojanavistṛtām || 113 ||
[Analyze grammar]

brahmādīnāṃ nagarīśca vijityotkarṣarājitam |
dvitīyāṃ dyāṃ ca tejobhī ratnarāśipariṣkṛtam || 114 ||
[Analyze grammar]

etasminnantare lakṣmi dvārāvatīṃ vilokitum |
samājagmuścaturdaśalokeśāḥ prātareva yat || 115 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dvārikāmāhātmye śaryātiputrā''nartā''nītagolokakhaṇḍātmakasaurāṣṭre śubhā'śubhavṛkṣavalyādisahita |
dvārikānirmitanirūpaṇanāmā saptadaśādhikadviśatatamo'dhyāyaḥ || 217 ||
[Analyze grammar]