Chapter 195

śrīlakṣmīruvāca |
himavadbhūbhṛtaḥ putrī kālīti varṇato'bhavat |
kāmarūpadharā sā ca vivāhasamaye tu vai || 1 ||
[Analyze grammar]

gauraṃ rūpaṃ dhṛtavatī punaḥ kālyeva sā'bhavat |
nityaṃ gaurī kathaṃ jātā kathāṃ tāṃ vada keśava || 2 ||
[Analyze grammar]

śrīnārāyaṇa uvāca |
śṛṇu lakṣmi pravakṣyāmi rūpaṃ gṛhasthakṛtpriyam |
kāṃcanasadṛśaṃ yadvā sthalapadmādisadṛśam || 3 ||
[Analyze grammar]

kaumudīsadṛśaṃ yadvā priyaṃ vidyutsamaṃ tvati |
kālyā ākṛtiḥ sarvāpi sughaṭā''sīd yathāsthalā || 4 ||
[Analyze grammar]

pitṛkulasya varṇastu nīlo hyāsīnnisargajaḥ |
śaṃbhuḥ śivā svakailāse ramete smātibhāvataḥ || 5 ||
[Analyze grammar]

śaṃbhunā narmabhāvena kālītyabhihitā śivā |
hāsyaṃ cakāra bahudhā śivaḥ kālīti saṃvadan || 6 ||
[Analyze grammar]

yasya gṛhe nīlavarṇā patnī nīlā prajā bhavet |
apatyeṣu ca nīleṣu kulaṃ kṛṣṇaṃ tato bhavet || 7 ||
[Analyze grammar]

yāvatpaśyāmi kālīti moho gacchati līnatām |
kuṭumbināṃ sambandhināṃ nārīṣu na prabhā bhavet || 8 ||
[Analyze grammar]

kālyā na gauravaṃ kiṃcitprabhavet gṛhavāsinaḥ |
kiṃ karomi yathābhāgyaṃ tathā''ptā nīlamohinī || 9 ||
[Analyze grammar]

yadi te na virodho'sti tvanyāṃ gaurīṃ nayāmyaham |
lagnaṃ karomi devānāṃ vārṣīṇāṃ kanyayā saha || 10 ||
[Analyze grammar]

vada devi mahākāli cātrārthe dehi mantraṇām |
ityuktā tu mahādevī drāk jātā bhagnamānasā || 11 ||
[Analyze grammar]

pratyuvāca mama varṇe ratirno bhavato'sti cet |
etāvantaṃ cirakālaṃ kathamatraiva rakṣitā || 12 ||
[Analyze grammar]

yadi nā'haṃ priyā te'smi kathaṃ nābhihitaṃ purā |
aratyā ca mayā sākaṃ divasā bhavato yadi || 13 ||
[Analyze grammar]

amanaskāśca niryānti kiṃ me nābhihitaṃ purā |
amanaskagṛhe sthātuṃ kiṃ me cātra prayojanam || 14 ||
[Analyze grammar]

aratyā vartamānaścet kathaṃ vai ramase mayā |
īśvarasya samarthasyā'śakyaṃ na pramadā'rjanam || 15 ||
[Analyze grammar]

kathaṃ naitāvatā''nītā campakapuṣpasannibhā |
yadvā''tmārāmamuktasya na ratiḥ sukhasādhanam || 16 ||
[Analyze grammar]

jāne'ta eva bhavatā smaro'pi bhasmitaḥ purā |
manye mamāsi tapasi pañcasāhasravarṣaje || 17 ||
[Analyze grammar]

ata eva samāgatya niṣiddhaṃ bahudhā tadā |
vivāhaścā'manaskena prasahya ca kṛtastvayā || 18 ||
[Analyze grammar]

bhavatu vai tattu bhūtaṃ nānyathābhāvi vai bhavet |
sarvāvayavasaumyāpi bhartustoṣāya no bhavet || 19 ||
[Analyze grammar]

sā'nekaguṇayuktāpi vyarthaiva gṛhavāsinī |
mameyaṃ vyarthatā cādya prakāśiteti sukṛtam || 20 ||
[Analyze grammar]

kariṣye ca tathā yatno yathā syāṃ gauravarṇikā |
bhartuḥ sarvasvasaukhyasya sthānaṃ nārīti nirmitā || 21 ||
[Analyze grammar]

tatra yadi ne saṃtoṣaḥ kiṃ bhartṛtve rasastadā |
bharturbhāgārdha evāsti nārīsargo'tra sarjane || 22 ||
[Analyze grammar]

yadi sā na priyābhartustarhi kutropayoginī |
vivāhitayā kālyā cedbhartustoṣo bhavennahi || 23 ||
[Analyze grammar]

nānyatoṣo'pi bhavati na svayaṃ tuṣṭimāpnuyāt |
kiṃ phalaṃ cātra tatkālyāstasmād gaurī bhavāmyaham || 24 ||
[Analyze grammar]

tasmācchivasya toṣāya nāsti yo varṇa ujjvalaḥ |
taṃ tyakṣyāmi ca tapasā prāpsyāmi gauravarṇakam || 25 ||
[Analyze grammar]

yadvā tyaktvā punarvarṣma navaṃ prāpsyāmi janmataḥ |
gaurādgaurataraṃ yat syāt prathamāṃ'gulideśanam || 26 ||
[Analyze grammar]

ityuktvotthāya sahasā kālī jagāda gadgadam |
yayāce'numatiṃ śaṃbho tapojigamiṣāsti me || 27 ||
[Analyze grammar]

śrutvā stabdho'bhavacchaṃbhurhāsye hānirajāyata |
narmā'pi nāśakṛnnaiva vācyaṃ kenāpi jānatā || 28 ||
[Analyze grammar]

pārvatyā me viyogaḥ syāditi jñātvā naman satīm |
śaṃbhuḥ prāha priye narmavacasā kūpitā katham || 29 ||
[Analyze grammar]

tvāṃ vinā me ratiḥ kvāsti ratibhūścā'si me sati |
nityau nityaratau devau pārvatīparameśvarau || 30 ||
[Analyze grammar]

tayornityā ratiścāpi hyavinābhāvadharmataḥ |
nodvegaṃ vaha vākyena mā khedaṃ kuru bhāmini || 31 ||
[Analyze grammar]

āvayoḥ kāmabhāvastu nitya eva na kṛtrimaḥ |
pṛthagjanānāṃ rataye kṛtrimo janitastataḥ || 32 ||
[Analyze grammar]

sakāmo māṃ devatāsāmānyaṃ matvā balādapi |
parābhāvayituṃ prāpto mayā saḥ bhasmasātkṛtaḥ || 33 ||
[Analyze grammar]

naitāvatā svaṃ kālīti matvā saḥ bhasmito mayā |
ujjīvitastvadarthaṃ sa mahākālena vai mayā || 34 ||
[Analyze grammar]

ahaṃ cāsmi mahākālastvaṃ kālī viṣamau na vai |
dvayoryogyaṃ śāśvataṃ vai rūpaṃ kṛṣṇena kalpitam || 35 ||
[Analyze grammar]

mā khida tvaṃ mahādevi mā tapo'rthaṃ manaḥ kuru |
pañcavarṣasahasraṃ yattapastaptaṃ tvayā purā || 36 ||
[Analyze grammar]

tatra madarthaṃ te dārḍhyaṃ kiyacceti parīkṣitam |
vivāhitā mayā paścāt sadā tādātmyalabdhaye || 37 ||
[Analyze grammar]

mahākālasya vaṃśo'pi mahākālī hi saṃbhavet |
tatra tvayā na mantavyaṃ kālyā vaṃśo'sito bhavet || 38 ||
[Analyze grammar]

prathamā tvaṃ tu goloke dvitīyā tu sadāśive |
tṛtīyā tvaṃ satī dākṣī caturthī pārvatī ca me || 39 ||
[Analyze grammar]

yā'si sā'si pravarā'si mā kṛṣṇe khedamāvaha |
ahameko dvitīyā tvaṃ mayā kālī vivāhitā || 40 ||
[Analyze grammar]

sā'vakāśo dvitīyāyā gauryā nāstīti narma tat |
narmaṇi naiva roṣo'tra kartavyo me priye sati || 41 ||
[Analyze grammar]

kaṭu hitaṃ ca madhuraṃ śrotuṃ kālītyathoditam |
nānyā vivāhitā pūrve paścānnaiva ca naiva ca || 42 ||
[Analyze grammar]

śrutvā ca pārvatī prāha cāṭu pūrvaṃ śrutaṃ mayā |
naitādṛśaṃ mahaccāṭu gṛhasaṃsāranāśakam || 43 ||
[Analyze grammar]

bharturyā tvapriyā patnī yadi prāṇānna vai tyajet |
sā bhartrā ninditā lokaiḥ sarvadaivā'tinindyate || 44 ||
[Analyze grammar]

avaśyaṃ te mayi kālyāmaprītirbhūyasī hṛdi |
anyathā narmavākye tannāgataṃ vai bhavet kvacit || 45 ||
[Analyze grammar]

sarvaiḥ kārṣṇyaṃ neṣyate ca neṣyate'pi tvayā tathā |
mayāpi dehakārṣṇyaṃ kṣālayitavyaṃ tapo'gnibhiḥ || 46 ||
[Analyze grammar]

kālīdehaṃ pṛthakkṛtvā haniṣyāmi mahāsurān |
gaurībhāgaṃ nijaṃ kṛtvā sevayiṣye haraṃ sadā || 47 ||
[Analyze grammar]

tavecchā tvāntarikyasti kālī krodhamayī bhavet |
gaurī tu sāttvikī sevākartrī meṃ'ṅke sadā vaseta || 48 ||
[Analyze grammar]

tathā kariṣye me nātha saṃkalpaste kṛto bhavet |
brahmāṇaṃ tapasā''rādhya kṣipraṃ gaurī bhavāmyaham || 49 ||
[Analyze grammar]

purā brahmāṇamārādhya satī bhūtvā'bhajaṃ haram |
tathā brahmāṇamārādhya gaurī syāṃ māṃ tato bhaja || 50 ||
[Analyze grammar]

ityuktvā ca patiṃ pradakṣiṇīkṛtya pativratā |
yatra vai pārvatīśṛṃge tapaḥ pūrvaṃ kṛtaṃ tayā || 51 ||
[Analyze grammar]

tatraiva ca tapaḥ kartuṃ gatā sā nīlalohitā |
dṛṣṭvā svapitarau natvā vṛttaṃ vijñāpya sā tataḥ || 52 ||
[Analyze grammar]

tāpasīveṣamādhāya snātvā saṃkalpya taddināt |
kṛtvā tu brahmaṇo mūrtimārcayat satphalādibhiḥ || 53 ||
[Analyze grammar]

tacchṛṃge phalamuddiśya gauratvaṃ cā'karottapaḥ |
atha yāte bahutithe kāle vyāghra upāgataḥ || 54 ||
[Analyze grammar]

kṣudhitaḥ pārvatībhakṣaṇārthaṃ tiṣṭhati cāntikam |
samīpe yāvadāyāti jaḍo bhavati citravat || 55 ||
[Analyze grammar]

evaṃ bhakṣaṇalobhāya copāsanamivā''carat |
devyā'nukūlatādṛṣṭiḥ kṛtā tasmin kṛpāmayī || 56 ||
[Analyze grammar]

siṃhasattve'nyaduṣṭograprāṇibhyo rakṣaṇaṃ mama |
bhavatīti kṛpādṛṣṭiṃ svabhāvācca kṛtā tayā || 57 ||
[Analyze grammar]

satkṛpāleśato vyāghrabubhukṣā līnatāṃ gatā |
nyavartatāṃ'gasastambho devīṃ ca bubudhe satīm || 58 ||
[Analyze grammar]

janmasiddhaṃ ca daurātmyaṃ naṣṭameva tato'bhavat |
bhūtvā tu devako duṣṭasattvānāṃ vārako'bhavat || 59 ||
[Analyze grammar]

devyāśca tapasā brahmā prasannastatra cāgataḥ |
devyā cā'rghyapradānena brahmā saṃpūjitastadā || 60 ||
[Analyze grammar]

provāca tāṃ tapohetumajānanniva viśvasṛṭ |
kiṃ tvayā tapasā sādhyaṃ sādhitastapasā haraḥ || 61 ||
[Analyze grammar]

athavā tāpasī līlā sādhvīnāṃ samayujyate |
citraṃ bhavati śaṃbhuṃ tvaṃ virahayya tapaḥsthitā || 62 ||
[Analyze grammar]

pārvatī prāha prathamaṃ kṛṣṇājjātā mahāsatī |
vairājī ca tadā brahman tvaṃ me putro'bhavaḥ purā || 63 ||
[Analyze grammar]

tato'bhavat sadāśivaḥ sadāśivā'pyahaṃ tadā |
tadā tvaṃ me'bhavo jyeṣṭhastataste bhālato'bhavat || 64 ||
[Analyze grammar]

yadā rudrastadā cāhaṃ rudrāṇī śvaśuro bhavān |
himālayastava putrastatastvaṃ me pitāmahaḥ || 65 ||
[Analyze grammar]

itihetorgopyakaliḥ prākāśyo'tra pitāmaha |
śaṃbhustu śayane prāpte kālītyāha ca māṃ muhuḥ || 66 ||
[Analyze grammar]

tato mama śarīrasthakālimānaṃ vihāya vai |
gaurī bhavitumicchāmi tathā dehi tapaḥphalam || 67 ||
[Analyze grammar]

brahmā tathāstviti prāha devī kālī tadaiva ca |
kṛṣṇakośaṃ samutsṛjya gaurakośā hyajāyata || 68 ||
[Analyze grammar]

kṛṣṇakośātmikā kanyā kālīnāmnā ca kauśukī |
niśuṃbhaśuṃbhanāśāya yayau vindhyācalaṃ prati || 69 ||
[Analyze grammar]

gaurakośā navā gaurī divyā kanyā hyajāyata |
svarṇavarṇā campakābhā brahmāṇaṃ prāha viśvasṛk || 70 ||
[Analyze grammar]

ayaṃ rakṣākaraḥ siṃho divyo me sevayā'bhavat |
sa me vāhanarūpeṇa dīyatāṃ me gaṇeśvaraḥ || 71 ||
[Analyze grammar]

tathāstviti tadā brahmā dattavān siṃhameva tam |
saḥ kṛtaḥ somanandītināmnā devyā gaṇeśvaraḥ || 72 ||
[Analyze grammar]

brahmaṇā'bhyarthitā gaurī nivṛtya tapasā tataḥ |
praṇamya pitarau vṛkṣān yātā yatra maheśvaraḥ || 73 ||
[Analyze grammar]

praṇamyenotthitā yāvattāvat tāṃ parameśvaraḥ |
pragṛhya dorbhyāmāśliṣya svāṃ'ke kṛtvā cucumba tām || 74 ||
[Analyze grammar]

mahotsavaḥ kṛtastasyāḥ kāyākalpanimittakaḥ |
bahvīḥ kathāstapobalamayī gaurī tadā'vadat || 75 ||
[Analyze grammar]

tapasā kiṃ na cāpyeta sarvaṃ vai tapasi sthitam |
evaṃ lakṣmi prakartavyaṃ kiṃ bhūyaḥ śrotumicchasi || 76 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne śaṃkaroktākālīti narmavacasā pārvatī saśokā tapaḥ kṛtvā gaurī jātā siṃhaśca bhakṣako bhūtvā somanandī jāta ityādi |
nirūpaṇanāmā pañcanavatyadhikaśatatamo'dhyāyaḥ || 195 ||
[Analyze grammar]