Chapter 174

śrīnārāyāṇa uvāca |
śṛṇu lakṣmi sutāsnehāt svayaṃ dakṣaprajāpatiḥ |
sutāsaṃbhāvanārthaṃ vai samāyācchaṃkaragṛham || 1 ||
[Analyze grammar]

samāyāntaṃ mahādevo dakṣaṃ dṛṣṭvā yathocitām |
dakṣāya pradadau pūjāṃ satkāraṃ ca yathocitam || 2 ||
[Analyze grammar]

dakṣastu mānavān śaṃbhurmānahīno munīśvaraḥ |
dvayostu mīlane dakṣa iyeṣādhikasatkṛtam || 3 ||
[Analyze grammar]

śaṃbhunā munitulyaṃ vai sammānaṃ tasya saṃkṛtam |
kintu cotthāyā'bhiyānaṃ tatra nācaritaṃ tadā || 4 ||
[Analyze grammar]

tatra heturmahānāsīcchṛṇu lakṣmi hitāvaham |
tapasā cātha dharmeṇa yogena śreṣṭhatāṃ gataḥ || 5 ||
[Analyze grammar]

svāpekṣayā'pakṛṣṭasyā''game notthānamācaret |
śreṣṭhe samutthite'lpasya sarvapuṇyakṣayo bhavet || 6 ||
[Analyze grammar]

vicāryetthaṃ harastatra dakṣaṃ prati na cotthitaḥ |
kintu dakṣastamobhāvaṃ prāpya cukopa cāntare || 7 ||
[Analyze grammar]

bālo'yaṃ śaṃkara iti matvā novāca kiṃcana |
evameva prakupito gṛhaṃ jagāma maunataḥ || 8 ||
[Analyze grammar]

atha satīṃ gṛhaṃ prāptāṃ dakṣaḥ prāha sudurmanāḥ |
anye jāmātaraḥ śreṣṭhā bhartustava pinākinaḥ || 9 ||
[Analyze grammar]

sarve hyutthāya sammānaṃ kurvanti mama cādarāt |
śaṃbhurutthāya sammānaṃ na karoti sute mama || 10 ||
[Analyze grammar]

avyāvahārikaḥ śaṃbhurbāliśaḥ pratibhāti me |
astu śokaṃ na vai kurve bāle kā nāma dharṣaṇā || 11 ||
[Analyze grammar]

ityuktvā svīyaputryāḥ saḥ sammānaṃ vidadhe bahu |
satī satkāramādāya kailāse svagṛhaṃ gatā || 12 ||
[Analyze grammar]

proktavatī śaṃbhave tattadā vai śaṃbhunā priyā |
bodhitā spaṣṭarūpeṇa mā naśyed dakṣasukṛtam || 13 ||
[Analyze grammar]

satī jñātvā ca taddhārdaṃ kiṃcinnovāca tatra vai |
piturlābhāya śarveṇa kṛte tatsukhadaṃ matam || 14 ||
[Analyze grammar]

athāpi śaṃbhunā śaptaṃ dakṣo hyāṅgiraso dvijaḥ |
sammānaṃ cecchati matto'dhikaṃ cā'ghaṭitaṃ bahu || 15 ||
[Analyze grammar]

tasmātsa kṣatriyāṃ yoniṃ yātu prācaitasāṃ gṛhe |
prācetasaḥ kṣatriyaḥ sa bhavatu yatra neṣaṇā || 16 ||
[Analyze grammar]

sammānasyā'dhikā matsadṛśādbhavet kadācana |
iti śaṃbhoḥ kṣudraśāpo'bhavad dakṣaprajāpateḥ || 17 ||
[Analyze grammar]

nāradasyāpi śāpo'bhūt punarjanmagrahe yataḥ |
dakṣo dvitīyaṃ janmedaṃ prācetasāṃ gṛhe'labhat || 18 ||
[Analyze grammar]

tathāpi pūrvasaṃskāro vartate dakṣamānase |
prāgbhavīyajanako'haṃ satyā asmīti mānayan || 19 ||
[Analyze grammar]

vartate sarvathā mānī saṃskāro naiva naśyati |
janmāntare ca kaḥ kasya śvaśuro jananī pitā || 20 ||
[Analyze grammar]

śaṃbhunaiva gaṇayate bhave'tra śvaśuraṃ nijam |
lokapālaṃ gaṇayati kṣatriyaṃ bahumāninam || 21 ||
[Analyze grammar]

athāpi satyāḥ śaṃbhośca jātismarastu vartate |
dakṣaḥ pūrvaḥ evā'yaṃ satāpitā punarbhavaḥ || 22 ||
[Analyze grammar]

tathāpi cātra kiṃ me'sti gataṃ pūrvabhave'khilam |
iti matvā na vai śaṃbhurmanute śvaśuraṃ nijam || 23 ||
[Analyze grammar]

athaikadā punastādṛk prasaṃgaḥ samabhūt priye |
śaṃbhuḥ svayaṃ svakailāse nagarāyā'vicārayat || 24 ||
[Analyze grammar]

viśvakarmāṇamāhūya puro ramyaṃ susmṛddhimat |
svīyasurabhiśālāyāṃ kārayāmāsa sundaram || 25 ||
[Analyze grammar]

bhavanaṃ vistṛtaṃ samyak tatra siṃhāsanaṃ varam |
tatra chatraṃ mahādivyaṃ sarvathā'dbhutamuttamam || 26 ||
[Analyze grammar]

tadvāstukaraṇārthaṃ vai cakāra sumahotsavam |
śakrādīnājuhāvā'śu samastān devatāgaṇān || 27 ||
[Analyze grammar]

siddhagandharvanāgādīnupadeṣṭṛṃśca kṛtsnaśaḥ |
devānmunīnāgamāṃśca vidhiṃ śiṣyaiḥ ṛṣīnapi || 28 ||
[Analyze grammar]

devīḥ sarvā apsarobhirnānāvastubhiranvitāḥ |
devānāṃ ca tatharṣīṇāṃ siddhānāṃ phaṇināmapi || 29 ||
[Analyze grammar]

ānayanmaṃgalahastāḥ kanyāḥ ṣoḍaśa ṣoḍaśa |
vīṇāmṛdaṃgapramukhavādyānnānāvidhāṃstathā || 30 ||
[Analyze grammar]

utsavaṃ kārayāmāsa vādayitvā sugāyanaiḥ |
rājyābhiṣekayogyāni dravyāṇi sakalauṣadhaiḥ || 31 ||
[Analyze grammar]

pratyakṣatīrthapāthobhiḥ paṃcakubhāṃśca pūritān |
tathā'nyāḥ saṃvidhā divyā ānayat svagaṇaistadā || 32 ||
[Analyze grammar]

brahmaghoṣaṃ mahārāvaṃ cakrustatra tu bhūsurāḥ |
haro hariṃ sanmuhūrte nūtne sihāsane vare || 33 ||
[Analyze grammar]

upāveśya bahuprītyā bhūṣayāmāsa sarvaśaḥ |
ābaddhya ramyamukuṭaṃ kṛtakautukamaṃgalam || 34 ||
[Analyze grammar]

viṣṇuṃ tuṣṭāva taṃ śaṃbhuḥ svatantraṃ bhaktavatsalam |
anyaṃ sarvaṃ samājaṃ ca namaskṛtya haraḥ sthitaḥ || 35 ||
[Analyze grammar]

dakṣo'tra mānavānāyāt prajāpatibhiranvitaḥ |
śaṃbhunā satkṛtāḥ sarve dakṣo'pi saha satkṛtaḥ || 36 ||
[Analyze grammar]

bhojanācchādanapānamānayānavihārakaiḥ |
satkṛtāḥ sarvathā sarve dakṣaścaicchadviśeṣataḥ || 37 ||
[Analyze grammar]

sammānaṃ tu nijaṃ tatra śvāśuryasyā'bhiyogataḥ |
dakṣaḥ śaṃbhorgṛhamadhye jagāma svasutānanam || 38 ||
[Analyze grammar]

draṣṭuṃ praṣṭuṃ sukhaṃ śāntiṃ tadā śaṃbhustu notthitaḥ |
dakṣastadā''ntare'tīva mānī cukopa vai punaḥ || 39 ||
[Analyze grammar]

satīmāpṛcchya kuśalaṃ sukhaṃ cā'nāmayaṃ tathā |
dakṣo jagāma harmyaṃ svaṃ cānye'pi svagṛhān gatāḥ || 40 ||
[Analyze grammar]

pratyakṣaṃ tadidaṃ cā'bhūdavamānaṃ prajāpateḥ |
anāhūte'paricite hyanāgamanamuttamam || 41 ||
[Analyze grammar]

evaṃ manasi sandhārya tadāpi dakṣa ātmani |
avamānaṃ rarakṣaiva bahirnaivā'prakāśayat || 42 ||
[Analyze grammar]

atha kālāntare naimiṣāraṇye ca tapodhanāḥ |
dīrghasatraṃ prakurvanto bhṛgvādyāstu maharṣayaḥ || 43 ||
[Analyze grammar]

āsannekatritāstatra samājagmurharādayaḥ |
āgatāṃste ca dadṛśurmunayo dīrghasatriṇaḥ || 44 ||
[Analyze grammar]

uttasthuryugapatsarve saharṣāśca samutsukāḥ |
datvā'rghyapādyaṃ satkṛtya munayo vītakalmaṣāḥ || 45 ||
[Analyze grammar]

paśyanti sma haraṃ viṣṇuṃ brahmāṇaṃ pulahādikān |
manavaścāgatāstatra tathā dakṣo'pi cāgataḥ || 46 ||
[Analyze grammar]

yadṛcchayā samāpannaḥ pūjitaśca maharṣibhiḥ |
stutibhiḥ praṇipātaiśca tathā sarvaiḥ surā'suraiḥ || 47 ||
[Analyze grammar]

abhipūjita evāsau niṣasāda sabhāntare |
rudreṇa na kṛtā tasyā'bhyutthānanatisatkriyāḥ || 48 ||
[Analyze grammar]

viśeṣataḥ svasya mānaṃ na jātaṃ rudrasatkṛtam |
cukopa rudraṃ tvaritaṃ tadā dakṣaḥ prajāpatiḥ || 49 ||
[Analyze grammar]

uvāca paruṣaṃ vākyaṃ rudramuddiśya tatra vai |
ete namanti sarve māṃ viprāḥ surā'surādikāḥ || 50 ||
[Analyze grammar]

abhyutthānādinā sarve mānayanti bhṛśaṃ ca mām |
kathaṃ durjanavaccāyaṃ naivottiṣṭhati bhūtapaḥ || 51 ||
[Analyze grammar]

śmaśānavāsī nistrapaḥ pretapiśācasaṃyutaḥ |
anuttamo mattasakhā karoti na natiṃ ca me || 52 ||
[Analyze grammar]

jātyā ca karmabhirhīnaḥ pākhaṇḍī durjanapriyaḥ |
pāpaśīlaścoddhataśca nindako'śucireva ca || 53 ||
[Analyze grammar]

tyājyo'yaṃ sarvadā sadbhirbahiṣkāryaśca sarvathā |
yadā yadā gṛhaṃ tasya gato'haṃ mūrkharāḍayam || 54 ||
[Analyze grammar]

naivottiṣṭhati sāmīpye me'vamānaṃ karoti vai |
tasmādayaṃ yajñabāhyo bhavatvadyadinātsadā || 55 ||
[Analyze grammar]

rudrasyā'nucarāṃ ye ca te'pi vedbahiṣkṛtāḥ |
pākhaṇḍavādasaṃyuktāḥ śiṣṭācāravivarjitāḥ || 56 ||
[Analyze grammar]

kapālinaḥ pānaratāḥ kālānanā bhavantviti |
nandī niśamya tadvākyaṃ dakṣaṃ prati ruṣānvitaḥ || 57 ||
[Analyze grammar]

śaśāpa dakṣaṃ tatpakṣān brāhmaṇāṃścānyavarṇinaḥ |
vedavādaratā yūyaṃ nānyadastītivādinaḥ || 58 ||
[Analyze grammar]

kāmātmānaḥ svargaparāḥ krodhalobhasamanvitāḥ |
vaidikavidhinā viprā bhavantu śūdrayājakāḥ || 59 ||
[Analyze grammar]

daridriṇo bhavantvatra pratigraharatāstathā |
asatpathagatāḥ sarve bhavantu brahmarākṣasāḥ || 60 ||
[Analyze grammar]

śaṃbhuḥ śāntastadā prāha nandinaṃ svasya sevakam |
kopaṃ nā'rhasi vai kartuṃ brāhmaṇānprati sarvadā || 61 ||
[Analyze grammar]

ko'yaṃ kastvaṃ kva cā'haṃ vai kasmācchaptāstvayā dvijāḥ |
prapaṃcaracanāṃ tyaktvā prabuddho bhava sevaka || 62 ||
[Analyze grammar]

śātiṃ ca prāpitāḥ sarve brahmaviṣṇusurādibhiḥ |
dakṣo gato gṛhaṃ svasya svā'vamānaṃ smaran muhuḥ || 63 ||
[Analyze grammar]

tataḥ kāle mahān yajñaḥ samārabdhaśca tena vai |
dakṣeṇa dīkṣitenātivistārastatra carṣayaḥ || 64 ||
[Analyze grammar]

āhūtāśca vaśiṣṭhādyāstapasvinaḥ samāyayuḥ |
kaśyapo'trirvāmadevo hyagastyaśca bhṛgustathā || 65 ||
[Analyze grammar]

parāśaro dadhīcaśca vyāsaśca gautamaḥ sitaḥ |
gargaḥ pailo bharadvājo bhārgavaḥ kakupaḥ kṛtiḥ || 66 ||
[Analyze grammar]

tathā'nye ṛṣayo devā lokapālā diśādhipāḥ |
gandharvāḥ kinnarā vidyādharāścāpsarasāṃ gaṇāḥ || 67 ||
[Analyze grammar]

satyalokānsamānītaḥ sāvitrīsaṃyutastvajaḥ |
vaikuṇṭhācca tato viṣṇurlakṣmīramādisaṃyutaḥ || 68 ||
[Analyze grammar]

indrastatra samānītaścendrāṇyā saha svargataḥ |
tathā candro'pi rohiṇyā vāruṇyā varuṇastathā || 69 ||
[Analyze grammar]

kuberaḥ puṣpakārūḍho māruto mṛgavāhanaḥ |
pāvako bastayānaśca nairṛtaḥ pretavāhanaḥ || 70 ||
[Analyze grammar]

dārāḥ putrāśca śiṣyāśca pārṣadā mantriṇastathā |
parivārāstathā vedāsteṣāṃ teṣāṃ samāgatāḥ || 71 ||
[Analyze grammar]

evamanye samāyātā dakṣayajñe kṛtādarāḥ |
satkṛtāstena dakṣeṇa sarve te bahuvastubhiḥ || 72 ||
[Analyze grammar]

bhavanāni mahārhāṇi suprabhāṇi mahānti ca |
tvaṣṭrā kṛtāni divyāni tebhyo dattāni tena vai || 73 ||
[Analyze grammar]

teṣu sarveṣu dhiṣṇyeṣu yathāyogyaṃ ca te sthitāḥ |
sammānitā arājaṃste sakalā viṣṇunā mayā || 74 ||
[Analyze grammar]

athā'siknī satīmātā pūrvadakṣavivāhitā |
dakṣaṃ jātaṃ punarjñātvā tatrā''gatyā'vasat sadā || 75 ||
[Analyze grammar]

sā cā'siknī tatra śaṃbhuṃ yadarthamatapatsatī |
na dadarśa samāyātaṃ tadā prāha prajāpatim || 76 ||
[Analyze grammar]

dakṣaṃ natvā'vadatprahvīkṛtā'ntaḥkaraṇā natā |
kathaṃ satī tathā śaṃbhurdṛśyete nātra tūtsave || 77 ||
[Analyze grammar]

dakṣaḥ prāha tadā'siknīṃ tayornāsti prayojanam |
satī tu sarvadā snigdhā pitrormānābhilāṣiṇī || 78 ||
[Analyze grammar]

śaṭhaḥ śarvo na vai snigdho me'vamānaprakārakaḥ |
atīva garvito jātaḥ satīṃ me prāpya kanyakām || 79 ||
[Analyze grammar]

kasyacinnā'pyasau prāyo na kaścidasya vā priyaḥ |
kiṃvaṃśyastveṣa kiṃgotraḥ kiṃdeśīyaḥ kimātmakaḥ || 80 ||
[Analyze grammar]

kiṃvṛttiḥ kiṃsamācāro viṣādī vṛṣavāhanaḥ |
na prāyaśastapasvyeṣa kva tapaḥ kvā'stradhāraṇam || 81 ||
[Analyze grammar]

na gṛhastheṣu gaṇyo'sau śmaśāne tiṣṭhate sadā |
nā'yaṃ tu brahmacārī syād yataḥ satyā vivāhitaḥ || 82 ||
[Analyze grammar]

vānaprāsthyaṃ na caivāsminnaiśvaryamadamohite |
na jāne brāhmaṇo nāsti vedaścainaṃ na vetti yat || 83 ||
[Analyze grammar]

na jāne kṣatriyo nāsti prāyaḥ śastrāstrasaṃgrahāt |
kṣatāttrāṇaṃ nāsti cāsminsarveṣāṃ pralayapriye || 84 ||
[Analyze grammar]

nirdhano'raṇyaratimāna vaiśyo'pi naiva bhāti me |
kathaṃ śūdre samāveśo nāgayajñopavītinaḥ || 85 ||
[Analyze grammar]

evaṃ varṇāśramātītaḥ ko bhavenaiva budhyate |
sarvaḥ prakṛtyā jñāyeta sthāṇuḥ prakṛtivarjitaḥ || 86 ||
[Analyze grammar]

prāyaśaḥ puruṣo nā'sau yato'rdhapramadāmayaḥ |
nāpi vai kevalānārī yato'sau śmaśrulānanaḥ || 87 ||
[Analyze grammar]

nāpi napuṃsako vāsti liṃgaṃ tvasya prapūjyate |
na cāpi bālarūpoyaṃ bahuvarṣodbhavo yataḥ || 88 ||
[Analyze grammar]

manvate taṃ marīcyādyā vṛddhaṃ nā'yaṃ yuvā yataḥ |
vṛddho'pi kathamāstheyo jarāmṛtyuvivarjitaḥ || 89 ||
[Analyze grammar]

saṃhārayati sarvānvai tathāpyeṣa na pātakī |
puṇyaleśaḥ kathaṃ cātra brahmamastakanāśake || 90 ||
[Analyze grammar]

muṇḍahāradhare kvā'sya śucitvaṃ vai digambare |
nā'yaṃ ca dhanavānnaivā'patyavānna kuṭumbavān || 91 ||
[Analyze grammar]

nā'sya mātā nā'sya gotraṃ na vaṃśo nāpi dehavān |
śmaśāne vartate nityaṃ śvādo naivopalakṣyate || 92 ||
[Analyze grammar]

kiṃ bahūktena me devi jñāyate nā'sya ceṣṭitam |
aho dhārṣṭyaṃ māṃ pratyeva jaṭilasyā'vamānakṛt || 93 ||
[Analyze grammar]

yadāsanānnotthito'yaṃ dṛṣṭvā māṃ śvaśuraṃ gurum |
etādṛśā bhavantyeva mātāpitṛvivarjitāḥ || 94 ||
[Analyze grammar]

nirguṇā akulīnāśca karmabhraṣṭā niraṃkuśāḥ |
yatheṣṭācaraṇāḥ svābhimānino yantṛvarjitāḥ || 95 ||
[Analyze grammar]

akiṃcanā api stabdhā bhavantīśvaramāninaḥ |
jāmātā jambukatulyaḥ śvaśure mṛgapāyate || 96 ||
[Analyze grammar]

asikni tava jāmātā mama mastakanāśakaḥ |
yato'vamantā me jātastasmānnā''kārito mayā || 97 ||
[Analyze grammar]

tasyāhaṃ garvasarvasvaṃ hariṣyāmi na saṃśayaḥ |
yathā'vamānitaścā'hamavamaṃsye tathaiva tam || 98 ||
[Analyze grammar]

tasmāttvayā na smartavyo mā yajñe phalabhāgbhavet |
iti dakṣeṇā'gryapatnī bodhitā maunamāsthitā || 99 ||
[Analyze grammar]

viniḥśvāsaṃ tadā muktvā dīrghaṃ sutāṃ vinā'śapat |
notsave svasutāputrajāmātrādyāsyadarśanam || 100 ||
[Analyze grammar]

prajvalatūtsavastādṛk kusavaḥ sa tu kathyate |
yatrā'susamaputryādidarśanaṃ nopalabhyate || 101 ||
[Analyze grammar]

ityasiknyā manodagdho yajñāraṃbhastu bhasmitaḥ |
rājyamātuḥ śāpadagdho'vaśyaṃ dagdho bhaviṣyati || 102 ||
[Analyze grammar]

dakṣaścāgatya māṃ viṣṇuṃ yajñapūruṣamityapi |
mahākratūpadraṣṭāraṃ cakre'rpitasvamastakaḥ || 103 ||
[Analyze grammar]

prāha devānṛṣīn viprānprajāpāṃśca manūṃstathā |
ahaṃ yiyakṣuryūyaṃ me yajñasāhāyyakāriṇaḥ || 104 ||
[Analyze grammar]

bhavata yajñasaṃbhārānānayata tvarānvitāḥ |
śṛṇu lakṣmi vartamāne tīrthe kanakhale makhe || 105 ||
[Analyze grammar]

tasyartvijo'bhavansarve ṛṣayo brahmavādinaḥ |
bhṛgvādyāśca trikālajñā vedamūrtaya eva te || 106 ||
[Analyze grammar]

adhiṣṭhātātvahaṃ viṣṇuḥ saha sarvamarudgaṇaiḥ |
brahmā tatrā'bhavadbrahmā trayīvidhinidarśakaḥ || 107 ||
[Analyze grammar]

tathaiva sarve dikpālā dvārapālāśca rakṣakāḥ |
sāyudhāḥ saparīvārāḥ kutūhalakarāḥ sadā || 108 ||
[Analyze grammar]

upatasthe svayaṃ yajño mūrtimāṃstasya cā'dhvare |
vedadharāḥ svayaṃ mahāmunayaścā'bhavanmakhe || 109 ||
[Analyze grammar]

agniḥ svayaṃ nijaṃ rūpaṃ cakre sahasradhā tadā |
haviṣāṃ grahaṇāyā''śu tatra yajñamahotsave || 110 ||
[Analyze grammar]

aṣṭāśītisahasrāṇi juhvati sma ca ṛtvijaḥ |
udgātāraścatuḥṣaṣṭisahasrāṇi surarṣayaḥ || 111 ||
[Analyze grammar]

adhvaryavo'tha hotārastāvanto nāradādayaḥ |
saptarṣayaḥ sāmagārthāḥ kurvanti sma pṛthakpṛthak || 112 ||
[Analyze grammar]

siddhagandharvavidyādhrā''dityayajñagaṇānbahūn |
samastānnāgasarpāṃśca vavre dakṣo mahādhvare || 113 ||
[Analyze grammar]

dvijarṣisurarājarṣivasunidhigaṇā nṛpāḥ |
mitrasacivasainyāḍhyā vṛtā makhopavettrakāḥ || 114 ||
[Analyze grammar]

dīkṣāyuktastadā dakṣaḥ kṛtakautukamaṃgalaḥ |
bhāryayā sahito reje kṛtasvastyayano bhṛśam || 115 ||
[Analyze grammar]

tatra yajñe vṛtaṃ sarvaṃ na vṛto hara ekalaḥ |
kapālīti viniścitya tasya yajñārhatā nahi || 116 ||
[Analyze grammar]

avamanteti kṛtvaiva yajñe bhāgo'pi māstviti |
kapālibhāryeti satī pūrvajā svasutā'pi ca || 117 ||
[Analyze grammar]

nā''hūtā yajñaviṣaye dakṣeṇā'guṇadarśinā |
evaṃ pravartamāne vai dakṣayajñe mahotsave || 118 ||
[Analyze grammar]

svakāryalagnāstatrā''san sarve te'dhvarasammatāḥ |
etasminnutsave tatra na dṛṣṭvā śaṃkaraṃ satīm || 119 ||
[Analyze grammar]

prodvignamānasaḥ śaivo dadhīco vākyamabravīt |
dakṣaprajāpate dakṣa sākṣād dhātṛsvarūpadhṛk || 120 ||
[Analyze grammar]

na tvayi dṛśyate tejaḥ sāmarthyaṃ vā kratukṛte |
yādṛśaḥ kraturārabdho na vai pārayituṃ kṣamaḥ || 121 ||
[Analyze grammar]

kratustu naiva kartavyo nāsti kratusamo ripuḥ |
kartavyaśca tadā yajño yadi sampattirīdṛśī || 122 ||
[Analyze grammar]

sākṣādagniḥ svayaṃ mūrtimān kuṇḍe'tra virājate |
indrādayastathā devāḥ sākṣātsanti samāgatāḥ || 123 ||
[Analyze grammar]

mantrāḥ sarve'pi sākṣācca vartante yajñakarmasu |
yajñaśca bhagavān sākṣānmūrtaścātra virājate || 124 ||
[Analyze grammar]

bṛhaspatiḥ svayaṃ cā'trā''cāryasthāne suśobhate |
brahmā sākṣādbrahmasthāne karmakāṇḍī bhṛguḥ svayam || 125 ||
[Analyze grammar]

ayaṃ pūṣā bhagaścāyaṃ sākṣāddevīsarasvatī |
śāradā ca tathā sākṣāt lakṣmīrnārāyaṇaḥ svayam || 126 ||
[Analyze grammar]

dikpālā lokapālāśca sākṣādrakṣākṛtaḥ svayam |
jāmātā tveṣa te dharmaḥ patnībhiḥ samupasthitaḥ || 127 ||
[Analyze grammar]

tvaṃ ca patnyā samaṃ dīkṣāṃ prāpto'si yajane svayam |
saptaviṃśatipatnibhiḥ saha tai kāryakṛcchaśī || 128 ||
[Analyze grammar]

mārīcaḥ kaśyapaścāyaṃ rājasūyasya kārakaḥ |
tava yajñe samāyāto dattatrailokyadakṣiṇaḥ || 129 ||
[Analyze grammar]

tasya patnyastava sutāstrayodaśa samāgatāḥ |
anyā api suputryaste jāmātāraśca sagatāḥ || 130 ||
[Analyze grammar]

kāmadhenava ājyādihavīṃṣi te'rpayanti vai |
kalpavṛkṣāḥ svayaṃ cātra samitkuśānvahanti ca || 131 ||
[Analyze grammar]

kāṣṭhapātrāṇi yānāni maṇḍapādīni yāni ca |
apekṣyante tāni vṛkṣairarpyante svayamāgataiḥ || 132 ||
[Analyze grammar]

abhyāgatartvijāṃ bhūṣā viśvakarmā karoti ca |
vāsāṃsi vasavaścāṣṭau dadatyatra makhe tava || 133 ||
[Analyze grammar]

svayaṃ lakṣmīḥ suvāsinīralaṃkaroti te makhe |
sarvaṃ sukhakaraṃ dakṣa tava yajñe'tra dṛśyate || 134 ||
[Analyze grammar]

jīvahīno yathā dehaḥ kvāpi naiva tu śobhate |
bhūṣito'pi tathā yajñaḥ śaṃbhuṃ vinā na śobhate || 135 ||
[Analyze grammar]

etad duḥkhakaraṃ cātra śmaśānamiva bhūmikā |
śaṃbhuṃ binā tava yajñaścitābhūriva lakṣyate || 136 ||
[Analyze grammar]

sarve devarṣipramukhā madvākyaṃ śṛṇutātra vai |
kasmānna vidyate śaṃbhurasmin yajñamahotsave || 137 ||
[Analyze grammar]

yadadhīnāni sarvāṇi maṃgalāni bhavanti ca |
so'sau prāṇaḥ kratoścātra dṛśyate na kathaṃ haraḥ || 138 ||
[Analyze grammar]

amaṃgalānyapi yena maṃgalānyadhivartinā |
bhavanti sa kathaṃ nātra cāyātaḥ śaṃkaraḥ śivaḥ || 139 ||
[Analyze grammar]

tasmāddakṣeṇa kartavyamāhvānaṃ parameśituḥ |
athavā brahmaṇā vā ca viṣṇunā ṛṣibhiḥ saha || 140 ||
[Analyze grammar]

dvijaiḥ siṃhairlokapālairindrādibhiḥ sahā'dhunā |
sarvairbhavadbhirgantavyaṃ girau yatrāsti śaṃkaraḥ || 141 ||
[Analyze grammar]

dākṣāyaṇyāsamaṃ śaṃbhumānayadhvaṃ śubhaṃ bhavet |
śaṃkarā''nayane yajño'vabhṛthapūrtiko bhavet || 142 ||
[Analyze grammar]

bhaviṣyatyanyathā vighnaṃ satyaṃ bhāvi bravīmyaham |
mayā niveditavyaṃ yat tadatraiva niveditam || 143 ||
[Analyze grammar]

śrutvaitadvai dadhīcyuktaṃ bhṛśaṃ jajvāla yajñakṛt |
dakṣaḥ roṣaparītātmā provāca kalahānvitam || 144 ||
[Analyze grammar]

brāhmaṇo'si dadhīce tvaṃ yaccha maunaṃ bahirvraja |
yajñadīkṣāsthitaste'haṃ vaiśasaṃ kartumakṣamaḥ || 145 ||
[Analyze grammar]

pṛṣṭaḥ kena samāhūto yadatrā''gatya katthase |
mūlaṃ viṣṇurdevatānāṃ yatra dharmāḥ sanātanāḥ || 146 ||
[Analyze grammar]

sarvamaṃgalamāṃgalyaḥ samānīto mayā'tra saḥ |
yatra vedāstathā yajñāḥ karmāṇi vividhāni ca || 147 ||
[Analyze grammar]

svayaṃ vai yajñapuruṣaḥ kimūnaṃ yajñakarmaṇi |
sarvakarmapratiṣṭho'yaṃ viṣṇurme vartate makhe || 148 ||
[Analyze grammar]

yatra trilokanātho'yaṃ śatakratuḥ samāgataḥ |
trayastriṃśatprakoṭīnāmamarāṇāṃ patirmakhe || 149 ||
[Analyze grammar]

satyalokātsamāyāto brahmā sāvitrikāyutaḥ |
vedopaniṣadaiḥ sarvairāgamairbrāhmaṇaiḥ saha || 150 ||
[Analyze grammar]

dharmarāṭ saha patnībhiḥ putrapautraiḥ samāgataḥ |
tathā yūyaṃ ca ṛṣayo dharmā'dharmavido'pare || 151 ||
[Analyze grammar]

kubero dhanadātā ca patnībhiḥ saha pāvakaḥ |
bṛhaspatiḥ svayaṃ yajñācāryatvena vyavasthitaḥ || 152 ||
[Analyze grammar]

ete yajñocitāḥ śāntāḥ pāvanā pramaharṣayaḥ |
mama yajñe karmakarāstaṃ śmaśānaṃ bravīṣyaho || 153 ||
[Analyze grammar]

śmaśānaṃ tu sadā yatrabhūtapretapiśācakāḥ |
gaṇā vasanti tatraiva śaṃkarasya gṛhe bhavet || 154 ||
[Analyze grammar]

yatra karmakarāḥ sarve mūrdhanyāśca samāgatāḥ |
kimatrā'smākamūnaṃ yadrudreṇāpi prayojanam || 155 ||
[Analyze grammar]

yatrārtvijyaṃ bhajante'mī vaśiṣṭhādyā maharṣaya |
taṃ tvaṃ copamimīṣe'tra citābhūmyā śubhāśrayam || 156 ||
[Analyze grammar]

kanyā dattā mayā tasmai brahmaṇā noditena vai |
haro'kulīno vipro na mātāpitṛvivarjitaḥ || 157 ||
[Analyze grammar]

bhūtapretapiśāceśo mānī stabdho'śuciḥ sadā |
karmaṇyasminna yogyo'sau yasmānnānītavānaham || 158 ||
[Analyze grammar]

tasmānnedṛkpunarvācyaṃ yajñavighnakaraṃ tvayā |
yajñā vinā hariṃ kāryā māstu sa yajñabhāgabhuk || 159 ||
[Analyze grammar]

niśamyeti dadhīcirvai punaḥ prāha nayānvitam |
sarvamaṃgalamāṃgalyo harirbhavati sarvathā || 160 ||
[Analyze grammar]

tathāpi śaṃkaro vede viṣṇurnārāyaṇo mataḥ |
durvāsāḥ śaṃkarasyāṃśastaddhaste vai śatakratuḥ || 161 ||
[Analyze grammar]

patitaḥ prāpa niḥśrīkabhāvaṃ kṣaṇena yatpunaḥ |
bhargaṃ cārādhya jaladhau prāpatsvāmamarāvatīm || 162 ||
[Analyze grammar]

dharmo'tra kraturakṣārthaṃ sthito'sti vartatāṃ sadā |
kintu śvetena muninā śivabhaktena dharmarāṭ || 163 ||
[Analyze grammar]

jito mṛtyusametaḥ saḥ kiṃ balaṃ vedmi sarvathā |
dhanadastryambakasakhaḥ sthāsyati na vinā śivam || 164 ||
[Analyze grammar]

agnistasya lalāṭasthaṃ netraṃ bhavati sarvadā |
yadā tu candramāstārāmadharṣīt tryambakastadā || 165 ||
[Analyze grammar]

gurvārādhita evā'bhūt devācāryasya rakṣakaḥ |
ete sarve'pi jānanti śivaṃ yadā śivaṃ sukham || 166 ||
[Analyze grammar]

yadāgāmyaśivaṃ bhāvi tadā rudro'styayaṃ śivaḥ |
yadi me brāhmaṇasyaikaṃ dhāryate vacanaṃ hṛdi || 167 ||
[Analyze grammar]

śaṃbhumāhūya yajño'yaṃ pravartatāṃ mahāmakhaḥ |
vinā tena kratuścāyaṃ kṛto'pi na kṛto bhavet || 168 ||
[Analyze grammar]

sati śaṃbhau phaliṣyanti yuṣmākaṃ vai manorathāḥ |
arthahīnā yathā vāṇī dharmahīnā yathā tanuḥ || 169 ||
[Analyze grammar]

patihīnā yathā nārī putrahīnā yathā gṛhāḥ |
gaṃgāhīnā yathā deśāḥ śrutihīnā yathā dvijāḥ || 170 ||
[Analyze grammar]

dānahīnā yathā sampat tilahīnaṃ ca tarpaṇam |
mantrahīnaṃ yathā rājyaṃ sukhaṃ patnīṃ vinā yathā || 171 ||
[Analyze grammar]

darbhahīnā yathā sandhyā homo havirvinā yathā |
niṣphalāni samuktāni yajño haraṃ vinā tathā || 172 ||
[Analyze grammar]

evaṃ dadhīcinā''khyātaṃ dakṣo jagrāha naiva tat |
provāca ca bhṛśaṃ kruddhaḥ kā cintā tava me kratoḥ || 173 ||
[Analyze grammar]

kratukarmāṇi siddhyanti yathārthakaraṇādiha |
ayathārthakṛte naiva siddhyet karmāpi ceśituḥ || 174 ||
[Analyze grammar]

dadhīciśca tadā prāha yathārthakaraṇādapi |
īśvaraprātikūlyācca siddhimapi vinaśyati || 175 ||
[Analyze grammar]

amaṃgalo maṃgalo vā kratuṃ yadā''gamiṣyati |
tadā kratuḥ kṛtakṛtyo bhaviṣyatyanyathā kṣayaḥ || 176 ||
[Analyze grammar]

evaṃ brūvati cukrudhe dadhīcau dakṣa airayat |
brāhmaṇāpasadaṃ niṣkāsayituṃ kiṃkarān svakān || 177 ||
[Analyze grammar]

dadhīcirvīkṣya vai prāha dakṣaṃ garvā'timohitam |
kiṃ māṃ dūrayase mūḍha dūraṃ bhavatu vai bhavān || 178 ||
[Analyze grammar]

ebhiḥ samaṃ maṃgalebhyo hīno bhavatu sarvadā |
asthale krodhajo vahnistava mūrdhni patiṣyati || 179 ||
[Analyze grammar]

ityuktvā niryayau yajñasthalāddadhīcirarthavit |
niryayuścyavano'gastyo durvāsā ṛcīkastathā || 180 ||
[Analyze grammar]

uddālaka upamanyuruttaṃko gargagautamau |
māṇḍavyo vāmadevaśca gālavaścetare tathā || 181 ||
[Analyze grammar]

anye'pi ca trikālajñāḥ śaivā yajñādviniryayuḥ |
tadā dakṣaḥ śivadrohī hasan sarvān samabravīt || 182 ||
[Analyze grammar]

gatā vai kaṇṭakāḥ sarve jātaṃ me sammataṃ bahū |
ete khalā vedabāhyāstyājyā vai yajñakarmaṇi || 183 ||
[Analyze grammar]

vaidikāśca surā viprā brahmaviṣṇupurogamāḥ |
yajñaṃ me saphalaṃ pūrṇaṃ sarve kurvantu mā ciram || 184 ||
[Analyze grammar]

gateṣu śivapakṣeṣu prāvartata mahāmakhaḥ |
ye sthitā brāhmaṇāstatra tebhyo dviguṇadakṣiṇām || 185 ||
[Analyze grammar]

bhūyasīrdakṣiṇāḥ prādādanyebhyaścādhikaṃ dhanam |
sarve jāmātarastena toṣitā bhūriśo dhanaiḥ || 186 ||
[Analyze grammar]

kanyāścālaṃkṛtāḥ sarvā mahāvibhavadāpanaiḥ |
ṛṣipatnyo'pi bahuśo devapatnyo'pyanekaśaḥ || 187 ||
[Analyze grammar]

tathā purāṃ'ganā deśāṃ'ganāścāpi prapūjitāḥ |
evameva pravartite yajñe dakṣastu nityaśaḥ || 188 ||
[Analyze grammar]

bhojayati tarpayati cārpayati dhanādikam |
agnirmandāgnitāṃ tena prāptavān pratyahaṃ śanaiḥ || 189 ||
[Analyze grammar]

svāhākāraiḥ svadhākārairvaṣaṭkāraiḥ surādayaḥ |
tṛptā nityaṃ prajāyante sadannabhojanādibhiḥ || 190 ||
[Analyze grammar]

racitā girayastatra pakvānnānāṃ sthale sthale |
ghṛtakulyā madhukulyā dugdhakulyāḥ sahasraśaḥ || 191 ||
[Analyze grammar]

guḍānāṃ śarkarāṇāṃ ca phalānāṃ rāśayaḥ kṛtāḥ |
dukūlānāṃ ca ratnānāṃ bhogyānāṃ śikharāṇi ca || 192 ||
[Analyze grammar]

kṛtāni yajñavāṭaśca svarṇarūpyamayaḥ kṛtaḥ |
dhvanirmaṃgalagītānāṃ vyānaśe sarvatomukham || 193 ||
[Analyze grammar]

jahṛṣe cāpsarovṛndairgandharvairmumudetarām |
vidyādharairnanande ca vasudhā vavṛdhe bhṛśam || 194 ||
[Analyze grammar]

pratyahaṃ prāṇinastatra tṛpyanti sveṣṭavastubhiḥ |
evaṃ pravartate yajño nāradastu kratusthalāt || 195 ||
[Analyze grammar]

uttiṣṭhansarvataḥ paśyana siñcansukalahāṃkuram |
sarvamanaḥsu saṃkurvan saṃśayaṃ rudramīlane || 196 ||
[Analyze grammar]

udaḍīyata gagane yayau kailāsaparvatam |
tadā saṃkalpā bhīrūṇāṃ palāyanakṛtau'bhavan || 197 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dakṣasya śaṃbhugṛhe trivāragamanaṃ punaḥpunaravamānam naimiṣāraṇye bhṛgvādīnāṃ parasparaśāpadānaṃ dakṣakṛtaśaṃbhunindā kanakhale dakṣayajñe devādīnāmāgamanaṃ śaṃbhoranāgamane dadhīcasya dakṣāya śāpādikamityādinirūpaṇanāmā catuḥsaptatyadhikaśatatamo'dhyāyaḥ || 174 ||
[Analyze grammar]