Chapter 160

śrīnārāyaṇa uvāca |
śṛṇu lakṣmi tato nārāyaṇo dvāvapi bhūsurau |
tulasīkānane nārāyaṇaghaṭṭe niṣedatuḥ || 1 ||
[Analyze grammar]

śrāddhārthaṃ kṛtasaṃkalpau sarvopaskarasaṃyutau |
darbhapiṇḍaphalapuṣpapāyasānnādisaṃyutau || 2 ||
[Analyze grammar]

nārāyaṇadvayahastācchrāddhaṃ yatra vitīryate |
uddharet saptagotrāṇāṃ kulānyekottaraṃ śatam || 3 ||
[Analyze grammar]

pitā mātā ca bhāryā ca bhaginī duhitā tathā |
pitṛmātṛsvasā caiva sapta gotrāṇi tāni vai || 4 ||
[Analyze grammar]

caturviṃśatirvai pituḥ viṃśatirmāturityapi |
bhāryāyāḥ ṣoḍaśa bodhyā bhaginyā dvādaśa smṛtāḥ || 5 ||
[Analyze grammar]

ekādaśa duhitṛśca daśa pitṛsvasustathā |
aṣṭau mātṛsvasurbodhyā kulānyekottaraṃ śatam || 6 ||
[Analyze grammar]

nārāyaṇe hrade snātvā tāvubhau dvijasattamau |
tarpaṇaṃ cakratustatra sṛṣṭitrayasukhāptaye || 7 ||
[Analyze grammar]

brahmasṛṣṭāvīśasṛṣṭau jīvasṛṣṭau ca cetanāḥ |
tṛpyantāṃ bhagavadbrahmeśvarajīvādijātayaḥ || 8 ||
[Analyze grammar]

parabrahmā'kṣaradhāmasthitaṃ sarveśvaraṃ harim |
prīṇayāmi jalenaiṣastṛpyatāṃ śāśvatī samāḥ || 9 ||
[Analyze grammar]

paramātmā'kṣarātītaḥ puruṣottama ātmagaḥ |
yena sarvamidaṃ vyāptaṃ tasmai piṇḍaṃ dadāmyaham || 10 ||
[Analyze grammar]

bhakṣyaṃ bhojyaṃ lehyacoṣye hyannaṃ caturvidhaṃ tu yat |
tasmai śrīharaye dattaṃ tṛptimāyātu vai hariḥ || 11 ||
[Analyze grammar]

akṣaraṃ yaddhāma coktaṃ vyāpakaṃ sevakaṃ ca yat |
tasmai dhāmne jalaṃ dattaṃ tṛptimāyātu śāśvatīm || 12 ||
[Analyze grammar]

dattaṃ caturvidhaṃ cānnaṃ pāyasaṃ kadalādikam |
etatpiṇḍātmakaṃ dattaṃ brahmaṇe hyupatiṣṭhatāt || 1 || re |
muktā hyanādino ye syuścādino ye ca tadgatāḥ |
bhāvino ye ca yāsyanti mūrtau bāhye ca ye sthitāḥ || 14 ||
[Analyze grammar]

muktā yathā tathā devyo muktānyo yāśca tatsthitāḥ |
te ca tāstṛptimāyāntu jalenānena śāśvatīm || 15 ||
[Analyze grammar]

teṣāṃ pāyasamukhyānnaiḥ kadalyādiphalai saha |
bhakṣyaṃ bhojyaṃ lehyacoṣye hyannaṃ caturvidhaṃ tu yat || 16 ||
[Analyze grammar]

eṣaḥ piṇḍo mayā dattastava haste'kṣarottama |
dehi tebhyaśca sarvebhyastṛptimāyāntu śāśvatīm || 17 ||
[Analyze grammar]

aiśvaryāṇi samagrāṇi guṇāścaiva vibhūtayaḥ |
divyacihnāni mūrteśca bhūṣaṇāni tu yāni ca || 18 ||
[Analyze grammar]

hetayaśca samagrā vai tejāṃsi vividhāni ca |
śaktyo'nekarūpāśca mūrtau harestu yāḥ sthitāḥ || 19 ||
[Analyze grammar]

mūrtā'mūrtasvarūpābhyo jalaṃ yacchāmi śraddhayā |
prīṇayāmi jalenaitāstṛpyantāṃ śāśvatīsamāḥ || 20 ||
[Analyze grammar]

tāsāṃ pāyasamukhyānnaiḥ kadalyādiphalaiḥ saha |
bhakṣyaṃ bhojyaṃ lehyacoṣye hyannaṃ caturvidhaṃ tu yat || 21 ||
[Analyze grammar]

hyeṣa piṇḍo mayā dattastava haste janārdana |
dehi tābhyaśca sarvābhyastṛptimāyāntu śāśvatīm || 22 ||
[Analyze grammar]

tāśca te tṛptimāyāntu śrāddhenā'nena śāśvatīm |
harestṛptyā haristhānāṃ tṛptirbhavatu śāśvatī || 23 ||
[Analyze grammar]

dhāmnyakṣareca ca mukteṣu yāścaiśvaryavibhūtayaḥ |
sāmarthyaśaktayaścānye guṇāśca smṛddhayaśca yāḥ || 24 ||
[Analyze grammar]

bhogyaṃ bhogopakaraṇaṃ bhogasādhanameva ca |
saudhaprākāragoprāṇyudyānakṣetrasukhasthalam || 25 ||
[Analyze grammar]

yadyat sarvaṃ brahmadhāmātmakaṃ muktātmakaṃ ca yat |
bhakṣyaṃ bhojyaṃ lehyacośye hyannaṃ caturvidhaṃ tu yat || 26 ||
[Analyze grammar]

divyaṃ ca cetanaṃ yadyat tatratyaṃ vartate sadā |
tatsarvaṃ tṛptimāyātu jalenānena śāśvatīm || 27 ||
[Analyze grammar]

tasmai pāyasamukhyānnaiḥ kadalyādiphalaiḥ saha |
bhakṣyaṃ bhojyaṃ lehyacośyaṃ hyannaṃ caturvidhaṃ śubham || 28 ||
[Analyze grammar]

hyeṣa piṇḍo mayā dattastava haste janārdana |
dehi tebhyaśca sarvebhyastṛptimāyāntu śāśvatīm || 29 ||
[Analyze grammar]

nārāyaṇo'kṣaraṃ dhāma tanmuktāstadvibhūtayaḥ |
te sarve tṛptimāyāntu śrāddhenānena śāśvatīm || 30 ||
[Analyze grammar]

tatra yāḥ sāṃkhyayoginyo bhaktiścopāstirityapi |
muktirājñā mumukṣā ca kathā vārtā ca dīkṣaṇā || 31 ||
[Analyze grammar]

parā vidyā ramā sevā jayādyā yāśca sevikāḥ |
tatrāraṇyāni nadyaśca parvatā muktakoṭayaḥ || 32 ||
[Analyze grammar]

udyānāni vihārāśca bhūmayo'kṣarasaṃjñikāḥ |
dhātavaḥ khanayaḥ khātā ucchrayāḥ śikharāṇi ca || 33 ||
[Analyze grammar]

vimānānyapi sarvāṇi tattatsevakajātayaḥ |
gāndharvā nartakāstatrā''khyānakā vaṃśabodhakāḥ || 34 ||
[Analyze grammar]

sevakā yājñikāḥ sāmnāṃ stāvakā vyavasāyakāḥ |
śrāṃgārikāḥ kalākārā muktānīmuktamaṇḍalāḥ || 35 ||
[Analyze grammar]

evaṃ divye'kṣare dhāmni yāni ye yāśca santi tān |
prīṇayāmi jalenaite tṛpyantāṃ śāśvatīsamāḥ || 36 ||
[Analyze grammar]

teṣāṃ pāyasamukhyānnaiḥ kadalyādiphalaiḥ saha |
bhakṣyaṃ bhojyaṃ lehyacośyaṃ hyannaṃ caturvidhaṃ ca yat || 27 ||
[Analyze grammar]

hyeṣa piṇḍo mayā dattastava haste janārdana |
dehi tebhyaśca sarvebhyastṛptimāyāntu śāśvatīm || 28 ||
[Analyze grammar]

atha śrīkṛṣṇadevāya rādhayā virajādibhiḥ |
rukmiṇyā cābhiyuktāya golokā''vāsakāriṇe || 39 ||
[Analyze grammar]

idaṃ jalaṃ mayā dattaṃ tṛptyarthamupatiṣṭhatām |
annaṃ caturvidhaṃ pāyasānnaṃ cāpi phalādikam || 40 ||
[Analyze grammar]

hyeṣa piṇḍo mayā dattastava haste janārdana |
te sarve tṛptimāyāntu śrāddhenānena śāśvatīm || 41 ||
[Analyze grammar]

vasudevo devakī ca nando yaśovatī tathā |
uddhavaḥ sātyakirgargo'krūraścānye ca sāttvatāḥ || 42 ||
[Analyze grammar]

rukmiṇī satyabhāmā ca tathā jāmbavatī priyā |
kālindī mitravindā ca satyabhāmā tathā'parā || 43 ||
[Analyze grammar]

bhadrā ca lakṣmaṇā ceti mahiṣyastatra santi yāḥ |
śataṃ ṣoḍaśasāhasraṃ patnīnāṃ maṇḍalaṃ ca yat || 44 ||
[Analyze grammar]

sarasvatī dravā divyāḥ pārṣadā gopagopikāḥ |
gāvaḥ surabhayaḥ kāmadhenavo nīlagovṛṣāḥ || 45 ||
[Analyze grammar]

caturdantā hastinaśca turagā garuḍāstathā |
vṛkṣā vallyaśca haṃsāśca śukasārasamenakāḥ || 46 ||
[Analyze grammar]

vādakā nartakāścaiva gāyakāḥ sevakāstu ye |
rādhāsakhyo mahiṣīṇāṃ sakhyaścāpi ca yā matāḥ || 47 ||
[Analyze grammar]

ṣoḍaśe gopure yāśca trayastriṃśattu gopikāḥ |
tadanyagopureṣvetāḥ śataśo yā haripriyāḥ || 48 ||
[Analyze grammar]

dvārapo yaḥ śrīdāmā ca sudāmā subalastathā |
supārśvo ratnabhānuśca śakrabhānustathaiva ca || 49 ||
[Analyze grammar]

devabhānurvasubhānuḥ sūryabhānuśca candrabhaḥ |
vīrabhānustathā cānyā gopyaḥ sakhyaśca gopakāḥ || 50 ||
[Analyze grammar]

suśīlā ca candrakalā yamunā mādhavī ratiḥ |
kadambamālā sukuntī jāhnavī ca svayaṃprabhā || 51 ||
[Analyze grammar]

padmamukhī ca sāvitrī gāyatrī sumukhī sudhā |
padmālayā pārijātā sugaurī sarvamaṃgalā || 52 ||
[Analyze grammar]

kālikā kamalā durgā bhāratī ca sarasvatī |
gaṃgā'mbikā madhumatī caṃpā'parṇā ca sundarī || 53 ||
[Analyze grammar]

kṛṣṇapriyā brahmasatī nandinī nandanā tathā |
pārṣadāśca kumārāśca kiṃkaryaścāpi yā matāḥ || 54 ||
[Analyze grammar]

pārijātāśca vṛndāścā'kṣayo bhāṇḍīrako vaṭaḥ |
kalpavṛkṣā vanānyanyacetanāni ca yānyapi || 55 ||
[Analyze grammar]

śataśṛṃgādayo ye ca golokasthāstu cetanāḥ |
te sarve tṛptimāyāntu śrāddhenānena śāśvatīm || 56 ||
[Analyze grammar]

prīṇayāmi jalenaite tṛpyantāṃ śāśvatīsamāḥ |
bhakṣyaṃ bhojyaṃ lehyacoṣyaṃ cānnaṃ caturvidhaṃ ca yat || 57 ||
[Analyze grammar]

hyete piṇḍā mayā dattāstava haste janārdana |
dehi tebhyaśca sarvebhyastṛptimāyāntu śāśvatīm || 58 ||
[Analyze grammar]

mahāvaikuṇṭhadhāmasthaṃ tvatha nārāyaṇaṃ prabhum |
lakṣmyā ca ramayā yuktaṃ tarpayāmi jalena ca || 59 ||
[Analyze grammar]

mayā dattaṃ jalametacchrīhariṃ sūpatiṣṭhatām |
annaṃ caturvidhaṃ pāyasānnaṃ cāpi phalādikam || 60 ||
[Analyze grammar]

hyeṣa piṇḍo mayā dattastava haste jagadbhara |
gṛhāṇa tṛptimāyātu śrāddhenānena śāśvatīm || 61 ||
[Analyze grammar]

mahālakṣmīrmahāmāyā ramā yāśca haripriyāḥ |
tatra yā dharaṇirlīlā vimalotkarṣiṇī tathā || 62 ||
[Analyze grammar]

jñānā kriyā ca yogā ca prahvī satyeśanī tathā |
padmā jayā ca pāṃcālī bhārgavī lalitā ramā || 63 ||
[Analyze grammar]

pārvatī ca prabhā māṇikyā lakṣmīrīśvarī tathā |
amṛtā ca pradīpā ca kṛṣṇā kuṃbhastanī tathā || 64 ||
[Analyze grammar]

amūlyā takṣiṇī premā caturā maṇidhanyake |
ūjjayinī nandanā cojasvatī kurujāminī || 65 ||
[Analyze grammar]

navavratā manovārā ratnā jāhnavikā tathā |
laḍḍumānā ca muktā cāmṛtā mauktikamānadā || 66 ||
[Analyze grammar]

kastūrī śāntidā haṃsā kāntā revā savitṛjā |
mūlajā rūṭikā maṃjulikā devī ca nirmalā || 67 ||
[Analyze grammar]

godāvarī rallayātā jaṭilā ca dayā ramā |
pānapātrī pracampā matpremajā miṣṭagopikā || 68 ||
[Analyze grammar]

manujā vaṃjulī puṣpā mahiṣyaḥ paramātmanaḥ |
hemajā rājatī padmā nalinī mādhavī priyāḥ || 69 ||
[Analyze grammar]

tathā bhaktā dharmadevo nandaḥ sunanda ityapi |
śrutadevo jayantaśca vijayaśca jayastathā || 70 ||
[Analyze grammar]

caṇḍaścaiva pracaṇḍaśca puṣpadantaśca sātvataḥ |
viśvakseno garuḍaśca prabalo bala ityapi || 71 ||
[Analyze grammar]

kumudaḥ kumudākṣaśca pārṣadāḥ santi tatra ye |
kūrmaḥ śeṣaśca garuḍo haṃsaśchaṃdāṃsi mantrakāḥ || 72 ||
[Analyze grammar]

te sarve tṛptimāyāntu tīrthenānena vāriṇā |
bhakṣyaṃ bhojyaṃ lehyacoṣyaṃ pāyasānnaṃ phalādikam || 73 ||
[Analyze grammar]

arpayāmi harerhaste piṇḍāṃstṛptā bhavantu te |
vādakā gāyakā bhaktāḥ sūtamāgadhabandinaḥ || 74 ||
[Analyze grammar]

nartakyo nartakā dvārapālakā ye ca pārṣadāḥ |
nārāyaṇyastathā cānyā nārāyaṇāśca tatsamāḥ || 75 ||
[Analyze grammar]

ramā ca rukmiṇī sītā padmā padmālayā śivā |
sudakṣiṇā suśīlā yā bhagavatparicārikāḥ || 76 ||
[Analyze grammar]

bhadraḥ subhadraśca dhātā vidhātā ca tathā śubhāḥ |
puṇḍarīko vāmanaśca śaṃkukarṇādayastathā || 77 ||
[Analyze grammar]

mahātmāno mahābhāgā vaiṣṇavāḥ sātvatāśca ye |
siddhayaḥ kalpavṛkṣāśca vanānyudyānacetanāḥ || 78 ||
[Analyze grammar]

sāketaṃ panasau vṛkṣau vaiṣṇavyaḥ kanyakāśca yāḥ |
dvārapālāścāyudhāni vedāḥ pārṣadarūpiṇaḥ || 79 ||
[Analyze grammar]

prahlādo nāradaścaiva puṇḍarīkaḥ parāśaraḥ |
ambarīṣo dhruvaścaiva ye vai vaikuṇṭhavāsinaḥ || 80 ||
[Analyze grammar]

kiṃkaryaśca harerdāsyo dāsadāsyaśca yāstathā |
te sarve tṛptimāyāntu jalenānena śāśvatīm || 81 ||
[Analyze grammar]

annaṃ caturvidhaṃ bhojyaṃ pāyasānnaṃ phalādikam |
ete piṇḍā mayā dattāstava haste jagadbhara || 82 ||
[Analyze grammar]

dehi tebhyaśca sarvebhyastṛptimāyāntu śāśvatīm |
atha dvitīyavaikuṇṭhe jalāvaraṇapārage || 83 ||
[Analyze grammar]

divyo nārāyaṇastasya kāntāḥ kamalalocanāḥ |
vimalā sumatī śyāmā suśīlā kuśalā tathā || 84 ||
[Analyze grammar]

dīpāvalī jayantī ca ramā bhāgīrathī tathā |
sukhā ca kanakā vidyullatā candrakalā tathā || 85 ||
[Analyze grammar]

lakṣaśaḥ pramadā yāśca pārṣadā divyavigrahāḥ |
ye ca bharataśatrudhnalakṣmaṇāḥ śeṣaśāradāḥ || 86 ||
[Analyze grammar]

purī devavatī tatsthā divyā īśvarakoṭayaḥ |
daivāḥ patatriṇo divyāḥ śākhino hetayastathā || 87 ||
[Analyze grammar]

sarve te tṛptimāyāntu tairthenā'nnena vāriṇā |
annaṃ caturvidhaṃ dugdhapākapakvaphalādikam || 88 ||
[Analyze grammar]

ete piṇḍā mayā dattāstava haste jagadbhara |
dehi tebhyaśca sarvebhyastṛptimāyāntu śāśvatīm || 89 ||
[Analyze grammar]

atha tṛtīyavaikuṇṭhaṃ śvetadvīpākhyadhāma yat |
tatrasthaṃ śrīhariṃ nārāyaṇaṃ lakṣmyā samanvitam || 90 ||
[Analyze grammar]

tairthairetaiḥ susadvārbhistarpayāmi sa tṛpyatām |
miṣṭaṃ caturvidhaṃ cānnaṃ pāyasaṃ ca phalādikam || 91 ||
[Analyze grammar]

arpayāmi mayā dattaḥ piṇḍaḥ saṃpratigṛhyatām |
tatrasthāḥ sanakādyāśca yoginaḥ paramarṣayaḥ || 92 ||
[Analyze grammar]

voḍhuḥ pacaśikhaścaiva sanatsujātasaṃjñakaḥ |
anye'pi ṛṣayastatra tanvādyāśca vasanti ye || 93 ||
[Analyze grammar]

sādhvyaśca sādhavaścānye tāpasā ye vasanti ca |
ananto vainateyaśca haṃsaḥ karī suvaiṣṇavāḥ || 94 ||
[Analyze grammar]

īśāvāsyā mahādevī jāhnavī kamalā ramā |
sāvitrī ca tathā śāntā kāntā brāhmī sarojanī || 95 ||
[Analyze grammar]

dāsyaścāpi tathā tatra prajñā medhā dhṛtiḥ kṣamā |
śraddhā ca dhāraṇā śāntiḥ śrutirmanīṣiṇī smṛtiḥ || 96 ||
[Analyze grammar]

vṛṣṭirbuddhirmatirvanyāḥ śriyaḥ kiṃkarya eva yāḥ |
dāsā dāsyaśca ye tatra cetanā muktatāpasāḥ || 97 ||
[Analyze grammar]

te sarve tṛptimāyāntu jalenānena śāśvatīm |
annaṃ caturvidhaṃ svādu pāyasaṃ ca phalādikam || 98 ||
[Analyze grammar]

etai piṇḍā mayā dattāstava haste janārdana |
dehi tebhyaśca sarvebhyastṛptimāyāntu śāśvatīm || 99 ||
[Analyze grammar]

atha nārāyaṇaṃ dugdhābdhivāsaṃ vai jagadgurum |
lakṣmyā śeṣeṇa sahitaṃ garuḍādisamanvitam || 100 ||
[Analyze grammar]

tarpayāmi jalenaiṣastṛpyatāṃ me janārdanaḥ |
daugdhaṃ ca saphalaṃ piṇḍaṃ te dadāmi kare vibho || 101 ||
[Analyze grammar]

prīṇayāmi sabhaktaṃ tvāṃ tṛpyatāṃ śāśvatīsamāḥ |
mārkaṇḍeyo balirbāṇo'śvatthāmahanumadvarāḥ || 102 ||
[Analyze grammar]

nimirbibhīṣaṇaḥ parśurāmo vyāso manustathā |
satyavrataśca nandaśca gayaścānye ca pārṣadāḥ || 103 ||
[Analyze grammar]

anyāśca sevikāstatra narmadā tapatī tathā |
tuṃgabhadrā ca kāverī gaṃgā godāvarī tathā || 104 ||
[Analyze grammar]

sindhuḥ phalgurgaṇḍakī ca tāmraparṇī sarasvatī |
karatoyā karmanāśā sābhramatī ca gomatī || 105 ||
[Analyze grammar]

ojasvatī bhadrāvatī sarayūḥ svarṇarakṣikā |
indradyumnaṃ puṣkaraṃ ca nārāyaṇasarastathā || 106 ||
[Analyze grammar]

aśvapaṭṭasaraścaiva mānasaṃ ca sarovaram |
evaṃ nadāśca nadyaśca sarāṃsi sāgarāstathā || 107 ||
[Analyze grammar]

cirāyuṣo mūrtimanto bhaktāstatra vasanti ye |
tebhyo nārāyaṇaṃ toyaṃ śrāddhaṃ saphalapāyasam || 108 ||
[Analyze grammar]

arpayāmi tathā piṇḍān tava haste jagadbhara |
dehi tebhyaśca sarvebhyastṛptimāyāntu śāśvatīm || 109 ||
[Analyze grammar]

athā'vyākṛtadhāmasthaṃ bhūmānaṃ ramayā'rcitam |
tadbhaktaiḥ sevitaṃ vāsudevaṃ saṃkarṣaṇaṃ tathā || 110 ||
[Analyze grammar]

pradyumnaṃ cāniruddhaṃ ca mahākālaṃ ca pūruṣam |
mahāpuruṣamevā'tra tathā prakṛtipūruṣam || 111 ||
[Analyze grammar]

pradhānapuruṣaṃ caiva mahāviṣṇuṃ mahāramām |
dāsadāsīsametāṃstānprīṇayāmi jalena vai || 112 ||
[Analyze grammar]

caturvidhena bhojyena pāyasānnaphalādibhiḥ |
sarve te tṛptimāyāntu śrāddhenānena śāśvatīm || 113 ||
[Analyze grammar]

amṛtadhāmasaṃsthaṃ vai ramānārāyaṇaṃ prabhum |
naranārāyaṇau badrikāśramasthau tapasvinau || 114 ||
[Analyze grammar]

matsyaṃ kūrmaṃ varāhaṃ ca tattaddhāmanivāsinam |
dattātreyaṃ ca kapilaṃ pṛthuṃ haṃsaṃ ca vāmanam || 115 ||
[Analyze grammar]

ṛṣabhaṃ nṛhariṃ parśurāmaṃ yajñaṃ kumārakān |
hayagrīvaṃ nāradaṃ ca hariṃ buddhaṃ manuṃ tathā || 116 ||
[Analyze grammar]

vyāsaṃ tattaddhāmasaṃsthān muktāṃśca pārṣadāṃstathā |
dāsadāsīśca bhaktāṃśca tarpayāmi jalena ca || 117 ||
[Analyze grammar]

caturvidhena bhojyena pāyasānnaphalādibhiḥ |
te sarve tṛptimāyāntu śrāddhenā'nena śāśvatīm || 118 ||
[Analyze grammar]

ete piṇḍā mayā dattāstava haste'vatāriṇaḥ |
dehi tebhyaśca sarvebhyastṛptimāyāntu śāśvatīm || 119 ||
[Analyze grammar]

hiraṇyagarbhaṃ vairājaṃ cā'ṣṭā'varaṇakeśvarān |
viṣṇuṃ sadāśivaṃ mūlāṃ māyāṃ tattvāni yāni ca || 120 ||
[Analyze grammar]

tattaddevāśca teṣāṃ ca guṇā ye cetanāstathā |
tatra tatra gatāṃścānyānaiśvarān cetanāṃstathā || 121 ||
[Analyze grammar]

vairājāṃścetanānsaurānvāhneyāṃścetanāṃstathā |
aiśalokānsamastāṃśca tarpayāmi jalena vai || 122 ||
[Analyze grammar]

caturdhā bhojyasaṃbhāraiḥ pāyasānnaphalādibhiḥ |
te sarve tṛptimāyāntu nārāyaṇakarārpaṇāt || 123 ||
[Analyze grammar]

ete piṇḍā mayā dattāstṛpyantāṃ śāśvatīsamāḥ |
ye sahasramukhāścānye śatādyānanaviṣṇavaḥ || 124 ||
[Analyze grammar]

brahmāṇaśca tathā''syāśca śaṃbhavaśca tathā''nanāḥ |
koṭiśaḥ śaktisahitāstṛpyantāṃ tīrthavāribhiḥ || 125 ||
[Analyze grammar]

pāyasānnacaturannaistathā'rpitaphalādibhiḥ |
ete piṇḍā mayā dattāstava haste janārdana || 126 ||
[Analyze grammar]

dehi tebhyaśca sarvebhyastṛptimāyāntu śāśvatīm |
guṇatrayaṃ caturantaḥkaraṇaṃ daśabāhyakam || 127 ||
[Analyze grammar]

karaṇaṃ daśabhūtāni daśa prāṇāṃśca cetanāḥ |
dhātavastṛptimāyāntu dattānnaphalavāribhiḥ || 128 ||
[Analyze grammar]

liṃgaṃ bāṇastathā sthālā śaṃbhuḥ satī ca kārtikaḥ |
gaṇeśaḥ kṣemalābhau carddhiḥ siddhiḥ śivayoginaḥ || 129 ||
[Analyze grammar]

yoginyo hanumān durgā devyaścāpi kumārikāḥ |
rudrāścaikādaśa koṭiḥ śataṃ jyotīṃṣi dvādaśa || 130 ||
[Analyze grammar]

gaṃgā ca vīrabhadraśca jalaṃdharaśca tārakaḥ |
tārakākṣo gajaścāpi mahiṣaścaṇḍa ityapi || 131 ||
[Analyze grammar]

pracaṇḍo nanda upanandaḥ śṛṃgī bhṛṃgirīṭikau |
kirīṭī candramāścāpi vahnirmaṃgala ityapi || 132 ||
[Analyze grammar]

durvāsāḥ kālabhīruśca viṣa muṇḍādisadgaṇāḥ |
triśūlaṃ vāsuाkiścāpi rudrākṣo vṛṣabhastathā || 133 ||
[Analyze grammar]

mayūro mūṣakaḥ siṃhaḥ kailāsastadvibhūtayaḥ |
karṇaghaṃṭā meghanādaścānye ye koṭiśo gaṇāḥ || 134 ||
[Analyze grammar]

mahākālyādayo yāśca pārvatyāḥ śaktayastathā |
kailāsastadgatāḥ sarve śaivā ye cetanāgaṇāḥ || 135 ||
[Analyze grammar]

dāsā dāsyaśca te sarve tṛpyantāṃ tīrthavāribhiḥ |
caturannaṃ phalaṃ peyaṃ pāyasaṃ yogyameva yat || 136 ||
[Analyze grammar]

hyete piṇḍā mayā dattāstava haste janārdana |
dehi tebhyaśca sarvebhyastṛptimāyāntu śāśvatīm || 137 ||
[Analyze grammar]

ye ye śaivāśca te sarve tṛpyantāṃ śāśvatīsamāḥ |
brahmā ca brahmaputrāśca brahmapatnyastathā ca yāḥ || 138 ||
[Analyze grammar]

sarasvatī ca gāyatrī sāvitrī viriṇī tathā |
asiknī ca paliknī ca śatarūpā ca kadrukī || 139 ||
[Analyze grammar]

ratiḥ sandhyā tathā sṛṣṭirvidyā'vidyā ca mohinī |
aṣṭāśītisahasrāṇi bālakhilyāstathā ca ye || 140 ||
[Analyze grammar]

tathā ṣaṣṭisahasrāṇi bālakhilyāśca ye'pare |
haryaśvāḥ śabalāśvāśca daśapaṃcasahasrakāḥ || 141 ||
[Analyze grammar]

ardhaṃ caikaṃ sahasraṃ ca putrā ye brahmavaṃśajāḥ |
devarṣināradādyāśca sanakādyā maharṣayaḥ || 142 ||
[Analyze grammar]

saptarṣayaśca dakṣādyā dharmā'dharmau savaṃśakau |
agniṣvāttā barhiṣadāḥ ājyapāḥ somapāstathā || 143 ||
[Analyze grammar]

pitaraśca tathā meghāścatvāro madano ratiḥ |
pañcabāṇāśca puṣpāṇi brahmacāriṇa ityapi || 144 ||
[Analyze grammar]

ūrdhvasrotasa evaivaṃ satyalokagatāśca ye |
vidyāvantastāpasāśca tyāgino nyāsinastathā || 145 ||
[Analyze grammar]

brahmalokakṛtā''vāsāḥ sādhyaśca sādhavastathā |
te sarve tṛptimāyāntu śrāddhenānena śāśvatīm || 146 ||
[Analyze grammar]

prīṇayāmi svarṇarekhājalaiḥ satpāyasādibhiḥ |
caturannaiḥ phalaiḥ peyaistṛpyantāṃ śāśvatīsamāḥ || 147 ||
[Analyze grammar]

ete piṇḍā harerhaste dattāstṛptā bhavantu te |
atha ye ṛṣayaścānye yāni manvantarāṇi ca || 148 ||
[Analyze grammar]

vyāsāśca vyāsaśiṣyāśca munayo brahmavarcasaḥ |
patnīvratādayo viprā varṇāścaivā''śramāstathā || 149 ||
[Analyze grammar]

vedāḥ śāstrāṇi cākhyānānyupavyākhyānakānyapi |
prācyā''vācyetihāsāśca caritrāṇi kathāstathā || 150 ||
[Analyze grammar]

chandāḥ svarāstathā rāgā rāgiṇyaśca prabandhakāḥ |
vyāpārā vṛttayaścaiva kṣuttṛṣānaladhātavaḥ || 1591 ||
[Analyze grammar]

samūrtāścetanā ye syustṛptimāyāntu vāribhiḥ |
pāyasānnaiścaturannaistṛpyantāṃ śāśvatīsamāḥ || 152 ||
[Analyze grammar]

maharjanatapovāsā ṛṣayaḥ pitaraśca ye |
saṃvatsaraśca māsāśca pakṣāśca divasā niśāḥ || 153 ||
[Analyze grammar]

pāvakaḥ pavamānaśca pāṃkteyaḥ paktipāvanaḥ |
gārhapatyo dākṣiṇātya āvasathyo'gnihotrajaḥ || 154 ||
[Analyze grammar]

ārārtriko nāciketā bārhaspatyaśca cūllijaḥ |
vānaprāsthyaśca sānyasyo bhauma udarya ityapi || 155 ||
[Analyze grammar]

divya ākarajaścaiva śāvaḥ śmāśānikastathā |
dāvo davaśca makhajo jvālāsyo vāḍavastathā || 156 ||
[Analyze grammar]

hyete ye pitaraḥ proktāstathā vaiśravaṇādayaḥ |
pretāśca pitaro yāmyā nārakāḥ śrāvaṇāstathā || 157 ||
[Analyze grammar]

dūtāśca pitarastvanye yātanāḥ pitarastathā |
vaṃśajāścā'nyavaṃśādijanmānaḥ sthāvareṣu ye || 158 ||
[Analyze grammar]

jaṃgameṣu tathodbhūtā vāyujāḥ pitaraśca ye |
prabhinnāḥ pratikalpaṃ munyṛṣyaryamādikāśca ye || 159 ||
[Analyze grammar]

pitaraste jalairetaistṛpyantāṃ śāśvatīsamāḥ |
annaṃ caturvidhaṃ pāyasānnaṃ phalādikaṃ tathā || 160 ||
[Analyze grammar]

munyannaṃ caiva yogyānnaṃ cārpayāmi kare hareḥ |
ete piṇḍā mayā dattāstava haste janārdana || 161 ||
[Analyze grammar]

dehi tebhyaśca sarvebhyastṛptimāyāntu śāśvatīm |
diśāṃpālā lokapālāḥ svargapālāstathā ca ye || 162 ||
[Analyze grammar]

indrādyaṣṭāvaṇimādyāścāṣṭau vai siddhayastathā |
āyādyā vasavaścāṣṭau diśaścāṣṭau navagrahāḥ || 163 ||
[Analyze grammar]

nidhayaśca nava ye vidyādhrāḥ ṣaṇmātaraḥ khalu |
tārāśca ketavaḥ kṣudratārakā dhūmraketavaḥ || 164 ||
[Analyze grammar]

sūryāśca dvādaśādityāścandratrayaṃ ca tatkalāḥ |
saptaviṃśatibhānyeva trayastriṃśacca devatāḥ || 165 ||
[Analyze grammar]

maruto vidyutaścaiva sādhye viśve ca devatāḥ |
siddhacāraṇagandharvāḥ sūtamāgadhabandinaḥ || 166 ||
[Analyze grammar]

kiṃpuṃsaḥ kinnarāstṛptiṃ yāntu pradattavāribhiḥ |
annaṃ cāmṛtadugdhānnaṃ pakvaṃ pakvaphalādikam || 167 ||
[Analyze grammar]

sarvaṃ caturvidhaṃ bhojyaṃ peyaṃ bahuvidhaṃ tathā |
ete piṇḍā mayā dattāstava haste janārdana || 168 ||
[Analyze grammar]

dehi tebhyaśca sarvebhyastṛptimāyāntu śāśvatīm |
te sarve tṛptimāyāntu śrāddhenānena śāśvatīm || 169 ||
[Analyze grammar]

bhuvarlokagatā ye ca ye'ntarīkṣagatāstathā |
vāyvādhārā vāyudehā yakṣāstathā ca rākṣasāḥ || 170 ||
[Analyze grammar]

bhūtāḥ pretāḥ piśācāśca kūṣmāṇḍāśca vināyakāḥ |
vetālā bhairavāścānye mārakā janakāstathā || 171 ||
[Analyze grammar]

mātulā rāhavaścānye kālavarṇāśca kālikāḥ |
ḍākinī śākinī caiva yoginī bhakṣiṇī tathā || 172 ||
[Analyze grammar]

vetālinī khañjinī ca śītalā mātṛkā tathā |
mārikā bālikī kṛtyā hikkā tathā ca tānikā || 173 ||
[Analyze grammar]

ākarṣiṇī mahāmārī jvarāḥ śītāstathoṣṇakāḥ |
rogāśca rājarogāśca prottāpāśca jarādayaḥ || 174 ||
[Analyze grammar]

avasthāḥ śaktayo'śaktiviśeṣā rogiṇī tathā |
mantrāstantrāśca yantrāśca śapathā bandhanāni ca || 175 ||
[Analyze grammar]

pāśā astrāṇi śastrāṇi vidyuto durdinaṃ tathā |
diṅbhramo'lātacakrāṇi meghāścābhrāṇi cāndhayaḥ || 176 ||
[Analyze grammar]

tṛṇāvartāstathotpātā bhūkampā vātavṛṣṭayaḥ |
ītayaścātatāyinyo rajovarṣādayaśca ye || 177 ||
[Analyze grammar]

te sarve tṛptimāyāntu tairthikairvāribhiḥ sadā |
prīṇayāmi jalairarthaistṛpyantā śāśvatīsamāḥ || 178 ||
[Analyze grammar]

māṣānnaṃ kṛśarānnaṃ ca khecarānnaṃ ca tāmasam |
vividhānnaṃ rājasaṃ ca pāyasānnaṃ caturvidham || 179 ||
[Analyze grammar]

annaṃ tathā phalaṃ peyaṃ yogyaṃ yogyaṃ dadāmyaham |
tattadannairmayā dattāḥ piṇḍāśca karayorhareḥ || 180 ||
[Analyze grammar]

dehi tebhyaśca sarvebhyastṛptimāyāntu śāśvatīm |
sarve bhavantu tṛptāste śrāddhenānena sarvadā || 181 ||
[Analyze grammar]

bhūlokasthā jarāyūjā aṇḍajāḥ svedajāstathā |
udbhijāścetanāḥ sarve brāhmaṇāḥ kṣatriyāstathā || 182 ||
[Analyze grammar]

vaiśyāḥ śūdrāḥ saṃkarāśca cāṇḍālāḥ patitāstathā |
anulomā pratilomā alomā ardhamānavāḥ || 183 ||
[Analyze grammar]

naiṣṭhikāḥ sagṛhā vānaprasthāḥ sannyāsinastathā |
śaivāśca vaiṣṇavāḥ śāktā vaidikāśca tadanyakāḥ || 184 ||
[Analyze grammar]

goromajāśca jalajāḥ sthalajā vyomajāstathā |
kṣudrā jīvā mahāntaśca kīṭāḥ pataṃgapakṣiṇaḥ || 185 ||
[Analyze grammar]

ātṛṇastambaparyantāstathā gṛhapradevatāḥ |
grāmadevā vanadevāḥ kṣetrapālāstathaiva ca || 186 ||
[Analyze grammar]

dehe ṣaṭcakradevāśca kapāle gurudevatāḥ |
vanāni parvatāścaivā'raṇyāni saritastathā || 187 ||
[Analyze grammar]

nadyaścāpi taḍāgāścā''rāmāścaiva sarāṃsi ca |
khātāścaiva tathā'khātānyabdhayo hyucchrayāstathā || 188 ||
[Analyze grammar]

raṇāśca marudeśāśca devasthānāni sarvaśaḥ |
caityavṛkṣāścaityakoṣṭhāścaityāni pulināni ca || 189 ||
[Analyze grammar]

devyālayāśca jīrṇā bhūrgrāmāḥ kheṭāśca kharvaṭāḥ |
nagarāṇi rājadhānī purāṇi ca purī tathā || 190 ||
[Analyze grammar]

ye tatra cetanāḥ santi tadadhiṣṭhātṛcetanāḥ |
te sarve tṛptimāyāntu dattairebhirjalaiḥ sadā || 191 ||
[Analyze grammar]

teṣāṃ ca vividhairannairāgneyairvāyavīyakaiḥ |
jalīyaiḥ pārthivaiścaiva vṛṣṭijairvikṛtaistathā || 192 ||
[Analyze grammar]

caturannairbhakṣyayogyaiḥ pāyasādibhirityapi |
bāṣpaiśca meghakaṇakairvārkṣarasaiśca kardamaiḥ || 193 ||
[Analyze grammar]

śaityaiścandrakaraiḥ sauryairviṣairanyaiḥ phalādibhiḥ |
phenaiścāpi karomyatra śrāddhaṃ tṛptā bhavantu te || 194 ||
[Analyze grammar]

prīyaṇāmi jalairete tṛpyantāṃ śāśvatīsamāḥ |
teṣāṃ tṛptipradāḥ piṇḍā dattā harikare mayā || 195 ||
[Analyze grammar]

dehi tebhyaśca sarvebhyastṛptimāyāntu śāśvatīm |
mātṝrmātāmahīścaiva tathaiva prapitāmahīḥ || 196 ||
[Analyze grammar]

pitṝn pitāmahāṃścaiva tathaiva prapitāmahān |
bhrātṝn svasṝrbhrātṛjāyārjāmātṝn mātulādikān || 197 ||
[Analyze grammar]

bhātṛputrādikān patnīḥ śvaśurasya kuṭumbinaḥ |
pitṛsvasṝrmātṛsvasṝrduhitṛśca suyoginīḥ || 198 ||
[Analyze grammar]

tatputraputrīpautryādīḥ prīṇayāmi jalādibhiḥ |
tathā pāyasamukhyānnaiścaturannaistathā phalaiḥ || 199 ||
[Analyze grammar]

teṣāṃ śrāddhaṃ karomyete tṛptimāyāntu śāśvatīm |
ete piṇḍā mayā dattāstava haste janārdana || 200 ||
[Analyze grammar]

dehi tebhyaśca sarvebhyastṛptimāyāntu śāśvatīm |
prīṇayāmi jalānnaiste tṛpyantāṃ śāśvatīsamāḥ || 201 ||
[Analyze grammar]

prācetasānnāciketānmārutānkālakeyakān |
yāmyān saṃśaptakānvārkṣān bhūjātān śalabhādikān || 202 ||
[Analyze grammar]

tathā'talādilokasthān daityadānavarākṣasān |
sarpānsarīsṛpānnāgān ye'nye vasanti tānapi || 203 ||
[Analyze grammar]

prīṇayāmi śītamiṣṭajalānnaphalapāyasaiḥ |
piṇḍāṃstebhyaścārpayāmi tṛpyantāṃ śāśvatīsamāḥ || 204 ||
[Analyze grammar]

iṣṭadevaṃ tathābrahma praguruṃ ca guruṃ tathā |
prīṇayāmi tīrthajalaiḥ pāyasānnaiḥ phalaistathā || 205 ||
[Analyze grammar]

te sarve tṛptimāyāntu śrāddhenānena śāśvatīm |
eṣa piṇḍo mayā dattastava haste janārdana || 206 ||
[Analyze grammar]

dehi tebhyaśca sarvebhyastaptimāyāntu śāśvatīm |
īśāvāsyamidaṃ sarvaṃ tṛpyatāṃ parameśvara || 207 ||
[Analyze grammar]

bhūtabhāvivartamānā gatyagatigatāśca ye |
prīṇayāmyannasalilaistṛpyantāṃ śāśvatīsamāḥ || 208 ||
[Analyze grammar]

merugatāstathā lokālokācalasamāśritāḥ |
tṛptimāyāntu te dugdhapākaiḥ phalajalādibhiḥ || 209 ||
[Analyze grammar]

asmṛtāścā'navadhānā anāgatāśca ye'savaḥ |
prīṇayāmi ca tānsarvān phalānnasalilaistathā || 210 ||
[Analyze grammar]

ete piṇḍā mayā dattāstava haste janārdana |
dehi tebhyaśca sarvebhyastṛptimāyāntu śāśvatīm || 211 ||
[Analyze grammar]

nārāyaṇakṛtaṃ śrāddhaṃ nārāyaṇena kāritam |
sṛṣṭitrayaṃ sutṛptaṃ vai śāśvataṃ sukhamāpa tat || 212 ||
[Analyze grammar]

ye ca tatrā''gatāḥ sarve tṛptimādāya śāśvatīm |
lokaṃ svaṃ svaṃ gatāḥ sarve śrāddhaṃ pūrṇaṃ kṛtaṃ ca tat || 212 ||
[Analyze grammar]

tarpaṇāt satataṃ teṣāṃ tṛptirbhavati śāśvatī |
puṣṭyaiśvaryaṃ śrāddhakarturāyuḥ santatirityapi || 214 ||
[Analyze grammar]

vicitrā bhajate lakṣmīrmokṣastaṃ bhajate kramāt |
devatābhyaśca pitṛbhyo mahāyogibhya ityapi || 215 ||
[Analyze grammar]

svāhāyai ca svadhāyai ca namo nityaṃ bhavatyuta |
śrāddhe jāpyo bhavenmantraḥ śrīrāyurbalavardhanaḥ || 216 ||
[Analyze grammar]

prīyante pitaro yena japyena niyamena ca |
saptārciṣaṃ pravakṣyāmi sarvakāmapradaṃ śubham || 217 ||
[Analyze grammar]

amūrtānāṃ samūrtānāṃ pitṛṇāṃ dīptatejasām |
namasyāmi sadā tebhyo dhyānibhyo yogicakṣuṣām || 218 ||
[Analyze grammar]

indrādīnāṃ janetāro bhagumārīcayostathā |
saptarṣīṇāṃ ca pitṝṇāṃ tānnamasyāmi kāmadān || 219 ||
[Analyze grammar]

manvādīnāṃ sureśānāṃ sūryācandramasostathā |
tānnamaskṛtya sarvān vai pitṝn kuśaladāyakān || 220 ||
[Analyze grammar]

nakṣatrāṇāṃ carādīnāṃ pitṝnatha pitāmahān |
dyāvāpṛthivyośca tathā namasyāmi kṛtāṃjaliḥ || 221 ||
[Analyze grammar]

devarṣīṇāṃ janayitṛnsarvalokanamaskṛtān |
abhayasya sadā dātṝnnamasye'haṃ kṛtāñjaliḥ || 222 ||
[Analyze grammar]

prajāpateḥ kaśyapāya somāya varuṇāya ca |
yogayogeśvarebhyaśca namasyāmi kṛtāñjaliḥ || 223 ||
[Analyze grammar]

pitṛgaṇebhyaḥ saptabhyo namo lokeṣu saptasu |
svayaṃbhuve namaścaiva brahmaṇe yogacakṣuṣe || 224 ||
[Analyze grammar]

anena vidhinā yuktastrīnvarāṃllabhate janaḥ |
annamāyuḥ sutāṃścaiva dadate pitaro bhuvi || 225 ||
[Analyze grammar]

bhaktyā paramayā yuktaḥ śraddadhāno jitendriyaḥ |
saptārṣicaṃ japed yaḥ sa pṛthivyāmekarāḍ bhavet || 226 ||
[Analyze grammar]

kinnvadhikaṃ pravaktavyaṃ sarveṣāṃ muktidaṃ sthalam |
śṛṃgibhirdaṃṣṭibhirvyālairviṣavahnistriyā jalaiḥ || 227 ||
[Analyze grammar]

krīḍāṃ kurvanmṛto yaścā'gatikaḥ pretayonijaḥ |
nāgānāṃ vipriyaṃ kurvan hataścāpyatha vidyutā || 228 ||
[Analyze grammar]

nigṛhītaḥ svayaṃrājñā cauryadoṣeṇa vai mṛtaḥ |
paradārān ramantaśca dveṣāt tatpatibhirhatāḥ || 229 ||
[Analyze grammar]

asamānaiśca saṃkīrṇaiścāṇḍālādyaiśca vigraham |
kṛtvā tairnihatāstāṃśca cāṇḍālādīn samāśritāḥ || 230 ||
[Analyze grammar]

gavā'gniviṣadāścaiva pāṣaṃḍāḥ krūrabuddhayaḥ |
krodhātprāyo viṣaṃ vahniṃ śastramudbandhanaṃ jalam || 231 ||
[Analyze grammar]

girervṛkṣātpapātaṃ ca ya kurvanti suduḥkhitāḥ |
kuśilpajīvino ye ca pañcasūnādhikāriṇaḥ || 232 ||
[Analyze grammar]

makhe sarpāsu ye kecid dīnaprāyā napuṃsakāḥ |
sādhudaṇḍahatā ye ca ye cāpi brāhmaṇairhatāḥ || 233 ||
[Analyze grammar]

mahāpātakino ye ca patitā ye ca saṃkarāḥ |
mṛtā vā jīvino vāpi svayaṃ vā'nyakṛtena ca || 234 ||
[Analyze grammar]

snānena śuddhimāyānti nārāyaṇahradā'psu vai |
iti te kathitaṃ lakṣmi hradamāhātmyamuttamam || 235 ||
[Analyze grammar]

sarvapāpapraśamanaṃ pitṝṇāṃ bhuktimuktidam |
yaḥ śṛṇoti naro bhaktyā śrāddhe parvaṇi vā'nvaham || 236 ||
[Analyze grammar]

śrāvayedvā varārohe so'pi syād brahmalokabhāg |
idaṃ svastyayanaṃ puṇyaṃ dhanyaṃ svargatidaṃ nṛṇām || 237 ||
[Analyze grammar]

yaśasyamapi cā''yuṣyaṃ putrapautravivardhanam |
pūjāśrāddhātmakaṃ divya karma haridvayā'rpitam || 238 ||
[Analyze grammar]

snātvā dāmodare kuṇḍe mṛgīkuṇḍe tathā punaḥ |
nārāyaṇahṛde snātvā śrāddhaṃ kuryāditisthitiḥ || 239 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne dvayornārāyaṇayornārāyaṇahradajale brahmadhāmagolokavaikuṇṭhaśvetabadrikāśramā'mṛtā'vyākṛtakṣīrasāgarādigolakhagolabhūgolasthānāṃ sārvabhaumaśrāddhatarpaṇakaraṇam saptārcistavanaṃ phalaṃ cetyādinirūpaṇanāmā ṣaṣṭhyadhikaśatatamo'dhyāyaḥ || 160 ||
[Analyze grammar]