Chapter 159

śrīnārāyaṇa uvāca |
nārāyaṇahrado lakṣmi yatra nārāyaṇaḥ svayam |
lakṣmyā sākaṃ garuḍenā''gatya saṃsnātavān hariḥ || 1 ||
[Analyze grammar]

purā kṛtayuge lakṣmi bhaktidharmaparāyaṇaḥ |
kuṃkumavāpīvāstavyo vipro nārāyaṇāṃśajaḥ || 2 ||
[Analyze grammar]

patnīvrato brahmadevaḥ kārtikyāmāgataḥ svayam |
yātrārthaṃ revatādreśca snāto dāmodare hrade || 3 ||
[Analyze grammar]

śrāddhaṃ dāmodare kṛtvā mahāpūjāvidhānataḥ |
dāmodaraṃ pūjayitvā nṛtyotsavamakārayat || 4 ||
[Analyze grammar]

bhaktyā saṃbhojayāmāsa dvādaśyāṃ bhūsurān sataḥ |
dāmodaraḥ prasanno'bhūdaicchaddātuṃ svadarśanam || 5 ||
[Analyze grammar]

dāmodaraṃ praṇamyaiva yāvadagre pravartate |
tāvaddāmodaro devo viprarūpeṇa cā'gragaḥ || 6 ||
[Analyze grammar]

tairthikasya svarūpeṇa militaḥ prāha oṃ namaḥ |
parasparaṃ namaskṛtya viprau tau parvataṃ prati || 7 ||
[Analyze grammar]

yāvadagre prayātaśca tāvattairthikayātriṇā |
uktaṃ brahmannuparyatra hrado'sti subhago mahān || 8 ||
[Analyze grammar]

jalaṃ pātālajharaṇaṃ svarṇarekhānadīmayam |
parvatodarasambaddhamakṣayaṃ cāmṛtopamam || 9 ||
[Analyze grammar]

jalaṃ pītvā gamiṣyāvo bhavasya bhavanaṃ prati |
ityāmantrya gatau viprau hrade nārāyaṇe jalam || 10 ||
[Analyze grammar]

agādhaṃ vai samālokyā'raṇyaṃ gāḍhaṃ ca śākhinām |
prasannamanasau jātau viśrāmaṃ kṣaṇamāpatuḥ || 11 ||
[Analyze grammar]

tairthikarṣerdarśanena cittaṃ patnīvratasya tu |
yogābhyāsagatau śāntaṃ yathā tadvadajāyata || 12 ||
[Analyze grammar]

tairthikastu jalaṃ tasmād hradāt svasya kamaṇḍalau |
bhṛtvā tīre tato gatvā patnīvratamapāyayat || 13 ||
[Analyze grammar]

tāvatpatnīvratasyaitajjalapānena tatkṣaṇāt |
indriyavrattayaḥ śāntā upājagmuḥ parāvṛtim || 14 ||
[Analyze grammar]

karmajñānendriyāṇāṃ vai vṛttayo mānasaṃ prati |
līnāstanmānasī vṛttirahaṃbhāve layaṃ gatā || 15 ||
[Analyze grammar]

ahaṃbhāvastadā tasya buddhau tu līnatāṃ gataḥ |
buddhirjīvātmatattve tu līnabhāvaṃ gatā yadā || 16 ||
[Analyze grammar]

tāvattenātmanā svasya brahmatvaṃ cāvalokitam |
rūpaṃ tejomayaṃ divyaṃ vyāpakaṃ sīmaśūnyakam || 17 ||
[Analyze grammar]

koṭikoṭyarkasaṃkāśaṃ svātmarūpaṃ vilokitam |
ātmanā cakṣuṣā cātmā svenaiva svo vilokitaḥ || 18 ||
[Analyze grammar]

anantā''nandasandoho hyanantasukhaśevadhiḥ |
anantāścaryasampūrṇo hyaprasaṃkhyacamatkṛtiḥ || 19 ||
[Analyze grammar]

anantaiśvaryasampanno hyanantadhāmadarśanaḥ |
anantā'bjāṇusadṛśabrahmāṇḍakoṭiromakaḥ || 20 ||
[Analyze grammar]

ātmā svaṃ dṛṣṭavān vipraḥ patnīvratastadantare |
tadā tatrā'kṣaraṃ brahma dhāma tejomayaṃ mahat || 21 ||
[Analyze grammar]

dadarśā'sīmataijasvi parabrahmanivāsavat |
tatrā'yaṃ tairthiko vipro nārāyaṇasvarūpavān || 22 ||
[Analyze grammar]

saṃsthito divyasauvarṇamaṇisiṃhāsane śubhe |
anantā'nantamuktaiḥ saṃsevito dharmabhaktibhiḥ || 23 ||
[Analyze grammar]

asaṃkhyasvapriyādivyatanvībhiḥ parivāritaḥ |
tatratyaiḥ satkṛtāṃ pūjāmādāyā''gacchatāmubhau || 24 ||
[Analyze grammar]

brahmadhāmni sabhā divyā kathā yatra pravartate |
tatrāgatau ca tau devau sadasyaiḥ satkṛtau sthitau || 25 ||
[Analyze grammar]

upaviṣṭau tadarthaṃ saṃklṛptā''sanavareṇyayoḥ |
kathāyāṃ vācyamānāyāṃ nārāyaṇahradāplavam || 26 ||
[Analyze grammar]

kṛtaṃ tena ca teṣāṃ vai dhāmnyatra muktiriṣyate |
tatrā'smān brahmadhāmasthān muktān smaranti ye janāḥ || 27 ||
[Analyze grammar]

ye bhaktāstaddhrade snānti pibanti salilaṃ ca ye |
teṣāṃ phalaṃ sadā'kṣayyaṃ dhāmnyatra saṃprajāyate || 28 ||
[Analyze grammar]

asmān saṃsmṛtya saṃsmṛtya jalaṃ pāsyanti ye pitṝn |
teṣāṃ te pitarastatra muktiṃ yāsyanti dhāmani || 29 ||
[Analyze grammar]

nārāyaṇamanusmṛtya jalaṃ pāsyanti ye janāḥ |
teṣāṃ satkāryataścātra svayaṃ nārāyaṇo hariḥ || 30 ||
[Analyze grammar]

prasanno bhavati tṛptastena tṛptā vayaṃ sadā |
ityādikīṃ varāṃ gāthāṃ śrutavantāvubhau surau || 31 ||
[Analyze grammar]

tatratyaiḥ satkṛtāṃ pūjāṃ gṛhītvā yayatustataḥ |
golokaṃ dhāma paramaṃ kṛṣṇagopījanāvṛtam || 32 ||
[Analyze grammar]

koṭīnāṃ gopagopīnāṃ madhye kṛṣṇasvarūpataḥ |
saṃsthitastairthiko vipro dṛṣṭaḥ patnīvratena vai || 33 ||
[Analyze grammar]

tatratyaiḥ pūjitaḥ kṛṣṇaḥ śuśrāva rasakīrtanam |
nārāyaṇahradasnānabalādvai kṛṣṇamandiram || 34 ||
[Analyze grammar]

āyānti bahavo muktāstṛpyanti kaṇayogataḥ |
tatra snānotsavādibhyaḥ kṛṣṇo yāti prasannatām || 35 ||
[Analyze grammar]

kṛṣṇe prasanne golokaḥ sarvastṛptaḥ sadāsti yat |
śrutvaitat tau gatau devau vaikuṇṭhaṃ dhāma yanmahat || 36 ||
[Analyze grammar]

tatratyairvanditau tadvat svāsane sanniṣāditau |
tatra tau dvau divyaviprau nārāyaṇau babhūvatuḥ || 37 ||
[Analyze grammar]

nāṇvapi nyūnatā tatra dvayornārāyaṇātmanoḥ |
caturbhujau ca tau jātau naikalakṣmīniṣevitau || 38 ||
[Analyze grammar]

satkṛtau sevitau tau dvau dṛṣṭvā rūpaṃ parasparam |
śrutavantau stutiṃ divyāṃ lakṣyādigaditāṃ śubhām || 39 ||
[Analyze grammar]

nārāyaṇahrade snānaṃ pānaṃ tathā ca tarpaṇam |
kṛtaṃ yena yadarthe vai te syurvaikuṇṭhavāsinaḥ || 40 ||
[Analyze grammar]

tatkṛtāṃ mahatīṃ pūjāṃ gṛhṇātyeva hariḥ svayam |
nārāyaṇaḥ sadā śrīmān prasanno bhavati dhruvam || 41 ||
[Analyze grammar]

tasya prasannatālābhe vayaṃ tṛptāḥ sadā sma om |
ityānandamayīṃ vācaṃ śrutvā'mṛtaṃ tu jagmatuḥ || 42 ||
[Analyze grammar]

dhāmnyamṛte tannivāsipradatte hyāsane vare |
samupatiṣṭhatastau dvau satkṛtau mānitau muhuḥ || 43 ||
[Analyze grammar]

śrutavantau ca tatratyāṃ kathāṃ lakṣmīniveditām |
raivatākhye mahādivye svarṇarekhānadījale || 44 ||
[Analyze grammar]

nārāyaṇahrade snānātpānāttadvacca tarpaṇāt |
bhūmānārāyaṇastṛptaḥ prasanno bhavati dhruvam || 45 ||
[Analyze grammar]

tasya prasannatātṛptyā vayaṃ tṛptāḥ sadā matāḥ |
śrutvā nārāyaṇau tau dvau loke prākṛtapauruṣe || 46 ||
[Analyze grammar]

prādhānapauruṣe loke gatvā cā'vyākṛte tataḥ |
loke hairaṇyakośākhye vairāje ca tathā gatau || 47 ||
[Analyze grammar]

śvetadvīpe badaryāṃ ca kṣaire dhāmani vaiṣṇave |
sādāśaive tathā māyāloke cāvaraṇeṣu ca || 48 ||
[Analyze grammar]

gatau caiśvaralokeṣu tatratyaiḥ pūjitau tathā |
vanditau satkṛtau tatra śrutavantau kathāṃ śubhām || 49 ||
[Analyze grammar]

nārāyaṇahrade snānāt dānāt pānācca tarpaṇāt |
nārāyaṇaḥ prasanno vai jāyate tatkṛpāvaśāt || 50 ||
[Analyze grammar]

vayaṃ tṛptāḥ sadā smo'trā'mṛtamaiśvarameva tat |
nārāyaṇahrado brahmadhāma cā'kṣarameva tat || 51 ||
[Analyze grammar]

tajjalaṃ taddhāma tṛptirānandadrava eva saḥ |
tadvai nārāyaṇamūrteḥ sukhamānandameva yat || 52 ||
[Analyze grammar]

tena tṛptāḥ sadā smo'tra vayaṃ hareḥ prasādataḥ |
iti tau brāhmaṇau nārāyaṇāvīśvarabhūmikāḥ || 53 ||
[Analyze grammar]

dṛṣṭvā''yātau satyaloke vairājākhye stare tadā |
tatratyairbahubhistatrarṣipitṛmunibhistathā || 54 ||
[Analyze grammar]

brahmaṇaśca sabhāyāṃ vai sarasvatyādibhistathā |
gāyatryā caiva sāvitryā'siknyā ca sandhyayā tathā || 55 ||
[Analyze grammar]

paliknyā ca viriṇyā ca śatarūpādibhistathā |
ratyā sṛṣṭyā ca mohinyā kadrūvā tāpasikājanaiḥ || 56 ||
[Analyze grammar]

vanditau pūjitau devau satkṛtau viṣṭaraṃgatau |
śrutavantau kathāṃ divyā dhanyo nārāyaṇo hradaḥ || 57 ||
[Analyze grammar]

yatra vai tarpaṇādasmān poṣayanti ca bhūsurāḥ |
kārtikyāṃ tarpaṇaṃ tatraikavāraṃ yena saṃkṛtam || 58 ||
[Analyze grammar]

abjavarṣā'rbudānyasmattṛptirbhavati śāśvatī |
athāpi ye dvijāḥ patnīvrataprakhyā bhuvi sthitāḥ || 59 ||
[Analyze grammar]

śrāddhaṃ tatrārcanaṃ tadvat kariṣyanti ca tarpaṇam |
tenā'kṣayyā punastṛptirbhavitaiva sukhaṃ sukham || 60 ||
[Analyze grammar]

śrutvaitattau tadā''yātau kailāse śivasannidhau |
tatra sa pārvatīśaṃbhugaṇaiḥ saṃpūjitau ca tau || 61 ||
[Analyze grammar]

sthāpitāvāsane śreṣṭhe śrutavantau ca tatkathām |
nārāyaṇahrade divye bhaveśvarasusannidhau || 62 ||
[Analyze grammar]

svarṇarekhājale pūrve yuge satye tu bhūsuraiḥ |
tarpitāstu vayaṃ tṛptā idānīṃ yāvadatra vai || 63 ||
[Analyze grammar]

athemau brāhmaṇau gatvā tarpaṇaṃ prakariṣyataḥ |
tadā punarmahātṛptiṃ gamiṣyāma iti dhruvam || 64 ||
[Analyze grammar]

atha dhruvopari viṣṇuloke ca sauryamaṇḍale |
vāhneyamaṇḍale maharjanayostapasi stare || 65 ||
[Analyze grammar]

svarge ca dikprapālānāṃ lokeṣu ca gatāvubhau |
bhuvarloke gatau tatra śuśravatuḥ sutarpaṇam || 66 ||
[Analyze grammar]

nārāyaṇahrade pūrve tarpaṇena kṛtena vai |
idānīṃ yāvat tṛptāḥ sma punaścemau kariṣyataḥ || 67 ||
[Analyze grammar]

tarpaṇaṃ tena tṛptiṃ vai prāpsyāmaḥ śāśvatīḥ samāḥ |
śrutvaitaddakṣiṇaṃ mārgaṃ jagmatustau dayālayau || 68 ||
[Analyze grammar]

śrāvaṇāḥ pitaro dṛṣṭā dṛṣṭāśca pretapitṛkāḥ |
yāmyāśca pitaro dṛṣṭā dṛṣṭāśca yamabhūmayaḥ || 69 ||
[Analyze grammar]

tatra tatra ca te jīvā nārāyaṇāṃgasaṃgamāt |
vāyoḥ saṃsparśanenātra sukhino hyabhavan kṣaṇāt || 70 ||
[Analyze grammar]

atyārtāścā'bruvaṃstau te hyuddhāraṃ kurutaṃ prabhū |
bhavantau dvau dvijau puṇyau puṇyadau dṛṣṭigocarau || 71 ||
[Analyze grammar]

nārāyaṇahrade'smākaṃ tṛptyarthaṃ kurutaṃ śubhau |
śrāddhaṃ ca tarpaṇaṃ snānaṃ tṛptiṃ yāsyāma aiśvarīm || 72 ||
[Analyze grammar]

tatastau cāgatau bhūmau tatra catuḥkhaniṣvapi |
sthitairjīvaiḥ prārthitau tau tarpaṇārthaṃ dayālayau || 73 ||
[Analyze grammar]

evaṃ pātālaparyantaṃ nārāyaṇena sarvathā |
patnīvratāya sarvaṃ tat darśitaṃ susamādhinā || 74 ||
[Analyze grammar]

tatratyavāsibhistatra prārthitaṃ duḥkhanāśanam |
nārāyaṇahrade divye svarṇarekhājale tu yau || 75 ||
[Analyze grammar]

asmākaṃ ca kṛte devau tarpaṇaṃ saṃkariṣyathaḥ |
tenā'smākaṃ śāśvatī vai tṛptirbhāvyā'tha mokṣaṇam || 76 ||
[Analyze grammar]

ityarthanāṃ ca tau śrutvā hyāgatā tu kṣaṇāntare |
nārāyaṇahrado yatra tatra patnīvrato dvijaḥ || 77 ||
[Analyze grammar]

samādherbahirāgacchat tāvadāścaryamāptavān |
aho kiṃkiṃ mayā dṛṣṭaṃ kvā'haṃ kva ca gatā nu te || 78 ||
[Analyze grammar]

ko'yaṃ ca yātriko vipraḥ kimetat svapnamāgatam |
tāvannārāyaṇastatra jātaścaturbhujo hariḥ || 79 ||
[Analyze grammar]

garuḍāṃ'saṃsthito devo lakṣmīkṛtāṃ'kasaṃsthitiḥ |
pārṣadairvardhito jayaprabhatimāṃgalaiḥ padaiḥ || 80 ||
[Analyze grammar]

dṛṣṭvā devaṃ tadā lakṣmīnārāyaṇaṃ tutoṣa saḥ |
namaskṛtyā'rhaṇaṃ kṛtvā pādayorapatat suraḥ || 81 ||
[Analyze grammar]

prahvībhūtahṛdā vipraḥ prāha gadgadayā girā |
kimetaddarśitaṃ deva kathaṃ viprastu tairthikaḥ || 82 ||
[Analyze grammar]

kimatra kāraṇaṃ kṛṣṇa tārito'haṃ kṛpālunā |
aho me bhāgyasaubhāgyaṃ yaddharerdarśanaṃ gataḥ || 83 ||
[Analyze grammar]

kimasmādadhikaṃ manye tīrthayātrāphalaṃ mama |
svayaṃ nārāyaṇo dāmodaro'sti bhagavān bhavān || 84 ||
[Analyze grammar]

maduddhārāya jagrāha bhavāṃstairthikarūpaṇām |
nato'smyanugṛhīto'smyarthito'smyabhimato'smi ca || 85 ||
[Analyze grammar]

nāsti me mokṣaṇe nyūnaṃ yatra sārtho bhavānmataḥ |
sākṣānnārāyaṇo mahyaṃ milito raivate sthale || 86 ||
[Analyze grammar]

darśitā ca samādhau vai brahmasṛṣṭistathā'parā |
īśasṛṣṭiśca dhāmāni lokasṛṣṭistathetarā || 87 ||
[Analyze grammar]

yamasṛṣṭirnāgasṛṣṭirdraṣṭuṃ yannāvaśiṣyate |
sarvaṃ vai darśitaṃ mahyaṃ śādhi kiṃ karavāṇi te || 88 ||
[Analyze grammar]

nārāyaṇastadā prāha dvijaṃ patnīvrataṃ tadā |
śṛṇu brāhmaṇa te gāthāṃ ko bhavāniti varṇaye || 89 ||
[Analyze grammar]

goloke yaḥ svayaṃ kṛṣṇo rukmiṇī cāpi tatpriyā |
kuṃkumavāpyāṃ tau devau janakalyāṇahetave || 90 ||
[Analyze grammar]

prakaṭitau mānasau kambharāgopālasaṃjñakau |
rukmiṇī kambharā jātā kṛṣṇo gopālasaṃjñakaḥ || 91 ||
[Analyze grammar]

aśvapaṭṭamahattīrthe tatroṣitau kṛte yuge |
tvaṃ vai nārāyaṇaḥ sākṣādvaikuṇṭhādhipatiḥ prabhuḥ || 92 ||
[Analyze grammar]

pativratākhyāṃ patnīṃ tāṃ lakṣmīṃ nītvā ca tatsthale |
lakṣmīnārāyaṇastvaṃ vai prādurbhūto'tra bhūtale || 93 ||
[Analyze grammar]

mayā pūrvamubhau tau vai bhavantau brāhmaṇau kṛtau |
yadā bhūmau sṛṣṭimūlaṃ bhavānekastu mānasaḥ || 94 ||
[Analyze grammar]

prakaṭī'bhūttataste vai vaṃśapravaṃśavistaraḥ |
akṣare ca gavāṃ loke vaikuṇṭhe'vyākṛte tathā || 95 ||
[Analyze grammar]

amṛte śvetavibhave kṣīre cā'bdhau virājake |
caturdaśasu lokeṣu tava vaṃśyā bhavanti vai || 96 ||
[Analyze grammar]

te mayā darśitā tubhyaṃ tvaṃ tu nārāyaṇaḥ svayam |
śāśvataḥ sṛṣṭijīvānāṃ tarpaṇāt tṛptido vibhuḥ || 97 ||
[Analyze grammar]

iti te darśitaṃ mukhyaṃ yadbhavān pitarau ca yau |
athā''gatya ca me pūjā tarpaṇādikamatra vai || 98 ||
[Analyze grammar]

dāmodare kṛtaṃ tena prasanno'haṃ hariḥ svayam |
iyeṣa darśanaṃ dātuṃ tato'haṃ nītavānitaḥ || 99 ||
[Analyze grammar]

ramye nārāyaṇahṛde mama tīrthe suśobhane |
nirjane'haṃ tvayā dṛṣṭo hyeṣo'nugrahasāgaraḥ || 100 ||
[Analyze grammar]

mama bodhyastvayā vipranānyastvaṃ tvahameva hi |
ahaṃ kṛṣṇo bhavān viṣṇurdvāvapi lokapoṣakau || 101 ||
[Analyze grammar]

jagatāṃ tṛptidau tasmādatra nārāyaṇe hrade |
sarveṣāṃ tṛptaye śrāddhaṃ tarpaṇaṃ kāryamityapi || 102 ||
[Analyze grammar]

bhavān gururahaṃ cātra yajamāno bhavāmi vai |
gāvaḥ santi ca me pārśve goloke dugdhadāstathā || 103 ||
[Analyze grammar]

vṛkṣā vallyaśca phaladā dhānyadā pṛthivī matā |
sarvaṃ dākṣiṇakaṃ dravyaṃ madagre bahu vartate || 104 ||
[Analyze grammar]

kārayā'tra mahacchrāddhaṃ tarpaṇaṃ sārvabhaumikam |
ityājñapya ca tau devau snātau tatra hrade śubhe || 105 ||
[Analyze grammar]

tāvattatra tadā devā devyaścāpi samāgatāḥ |
lokapālā diśāṃpālā nadyaśca parvatāstathā || 106 ||
[Analyze grammar]

kāmadhenavo'saṃkhyātā golokātsamupāgatāḥ |
vaikuṇṭhācca ramāḥ sarvāstathā'nye sādhavo'khilāḥ || 107 ||
[Analyze grammar]

maharṣayaśca munayo vṛkṣā vallyaśca vārdhayaḥ |
śrāddhopakaraṇānyādāyātra sarve hyupasthitāḥ || 108 ||
[Analyze grammar]

śrīkṛṣṇastu svayaṃ dāmodaro vai yajamānakaḥ |
patnīvrataḥ svayaṃ nārāyaṇaḥ śrāddhakaro'bhavat || 109 ||
[Analyze grammar]

śraddhayā dīyate yattacchrāddhaṃ vai pūjanaṃ matam |
nārāyaṇātsamārabhya sarveṣāṃ tadbhavetkhalu || 110 ||
[Analyze grammar]

sarvasamarpaṇā bhaktiḥ śrāddhaṃ nārāyaṇādike |
tṛptyarpaṇātmikā bhaktiḥ śrāddhaṃ pretādike matam || 111 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne patnīvratākhyaviprasya raivatācale tīrthayātrāyāṃ dāmodarapūjanādinā sākṣāddarśanaṃ samādhau sarvadhāmasarvalokadarśanaṃ svasya nārāyaṇāvatārapradarśanaṃ nārāyaṇahrade śrāddhārthamāgamaścetyādinirūpaṇanāmaikonaṣaṣṭhyadhikaśatatamo'dhyāyaḥ || 159 ||
[Analyze grammar]