Chapter 158

śrīnārāyaṇa uvāca |
śṛṇu lakṣmīstathā nārāyaṇaśca raivate priye |
nivasataḥ sadā devau draṣṭavyau kārtike site || 1 ||
[Analyze grammar]

tatra dāmodaraṃ dṛṣṭvā prapūjya ca vidhānataḥ |
puruṣottamapuryāstu yātrāphalamavāpnuyāt || 2 ||
[Analyze grammar]

māghe māsi bhavaṃ dṛṣṭvā na punarjāyate bhave |
vārāṇasyāṃ kurukṣetre kuśasthalyāṃ janārdane || 3 ||
[Analyze grammar]

yatphalaṃ tannimiṣārdhe dṛṣṭvā dāmodaraṃ ramām |
pretatvaṃ narakaṃ vā na vastrāpathe mṛtasya vai || 4 ||
[Analyze grammar]

dhanyānāmapi te dhanyā devānāmapi devatāḥ |
vastrāpathe mṛtiryeṣāṃ yeṣāṃ hare harau matiḥ || 5 ||
[Analyze grammar]

godānaṃ tatra kartavyaṃ brāhmaṇānāṃ ca bhojanam |
piṇḍadānaṃ ca kartavyaṃ kalpāntaṃ tṛptikārakam || 6 ||
[Analyze grammar]

dāmodaro bhavaḥ svarṇarekhā brahmeśvarastathā |
brahmakuṇḍaḥ kālamegho nārāyaṇahradastathā || 7 ||
[Analyze grammar]

kālikendreśvaro mṛgīkuṇḍaunnabilastathā |
maṃgalaśca tathā siddhāḥ siddheśvaraśca revatī || 8 ||
[Analyze grammar]

revatīkuṇḍa ityuktaścakrodyānaṃ parīsaraḥ |
ityevamāditīrthāni smṛtvā pāpaṃ vināśayet || 9 ||
[Analyze grammar]

dhanyo dāmodaraḥ kuṇḍo mṛtānāṃ mokṣadaḥ sadā |
yatrā'sthi patitaṃ pāpakṛto'pi taṃ ca tārayet || 10 ||
[Analyze grammar]

yatra vai patitaṃ bhasma dehinaṃ mokṣayet sadā |
yajjalānāṃ kaṇamātraṃ mukhe patitameva ca || 11 ||
[Analyze grammar]

prajvālayati pāpāni janmāntarakṛtāni vai |
yattīre kṛtadānasya śrāddhasyā'sīmakaṃ phalam || 12 ||
[Analyze grammar]

avaśyaṃ tatra kartavyaṃ śrāddhaṃ muktipradaṃ tathā |
dhanyo nārāyaṇahrado yatra śrāddhaṃ praśasyate || 13 ||
[Analyze grammar]

tattattithau hi śrāddhasya phalaṃ vai kīrtayāmi te |
pitṝnabhyarcya pratipadyāpnuyātsugṛhe priyāḥ || 14 ||
[Analyze grammar]

dvitīyāyāṃ kṛte śrāddhe putryo jāyanta ujjvalāḥ |
tṛtīyāyāṃ kṛte śrāddhe jāyante vājinaḥ śubhāḥ || 15 ||
[Analyze grammar]

caturthyāṃ tu kṛte śrāddhe chāgā'jāḥ paśavo gṛhe |
pañcamyāṃ tu kṛte śrāddhe putrā jāyanta aiśvarāḥ || 16 ||
[Analyze grammar]

ṣaṣṭhyāṃ śrāddhe kṛte sarve nīrogā dyutibhāginaḥ |
saptamyāṃ tu kṛte śrāddhe kṛṣiprāptirbhavennanu || 17 ||
[Analyze grammar]

aṣṭamyāṃ tu kṛte śrāddhe vāṇijye lābhamāpnuyāt |
navamyāṃ tu kṛte śrāddhe bhavatyekaśaphaṃ bahu || 18 ||
[Analyze grammar]

daśamyāṃ tu kṛte śrāddhe gomahiṣyādikaṃ bahu |
ekādaśyāṃ kṛte śrāddhe vastrapātrādikaṃ bahu || 19 ||
[Analyze grammar]

brahmavarcasvinaḥ putrā jāyante ca prabhāviṇaḥ |
dvādaśyāṃ tu kṛte śrāddhe vittaṃ svarṇā'dikaṃ bahu || 20 ||
[Analyze grammar]

trayodaśyāṃ kṛte śrāddhe jñātiśreṣṭhotimānitaḥ |
caturdaśyāṃ kṛte śrāddhe yuddhe vijayavān bhavet || 21 ||
[Analyze grammar]

amāyāṃ sekṛte śrāddhe sarvānkāmānavāpnuyāt |
pūrṇimāyāṃ kṛte śrāddhe bahudhā smṛddhimān bhavet || 22 ||
[Analyze grammar]

kṛṣṇapakṣe daśamyādau varjayitvā caturdaśīm |
tithayaḥ śrāddhakarmādau praśastā na tathetarāḥ || 23 ||
[Analyze grammar]

yathā caivā'paraḥ pakṣaḥ pūrvapakṣādviśiṣyate |
tathā śrāddhasya pūrvāhṇādaparāhṇo viśiṣyate || 24 ||
[Analyze grammar]

tilairvrīhiyavairmāṣairadbhirmūlaphalaistathā |
dattena samyak prīyante śrāddhena pitaraḥ priye || 5 ||
[Analyze grammar]

sarveṣveva tu śrāddheṣu tilāḥ prādhānyataḥ smṛtāḥ |
miṣṭānnāni bahūnyeva sarpirgavyaṃ ca pāyasam || 26 ||
[Analyze grammar]

āpo mūlaṃ phalaṃ gavyamannaṃ ca peyamuttamam |
yatkiṃcinmadhusamiśraṃ śrāddhe'nantasutṛptidam || 27 ||
[Analyze grammar]

nakṣatreṣu phalaṃ śrāddhe kathayāmi śṛṇu priye |
apatyakāmo rohiṇyāṃ tejaskāmo mṛgottame || 28 ||
[Analyze grammar]

krūrakarmā tathā''rdrāyāṃ dhanakāmaḥ punarvasau |
puṣṭikāmastathā puṣye cā''śleṣāyāṃ sutecchukaḥ || 29 ||
[Analyze grammar]

jñātyagryecchurmaghāyāṃ tu phālgunyāṃ subhagecchukaḥ |
apatyabhāguttarāsu haste kāryaphalecchukaḥ || 30 ||
[Analyze grammar]

suputrecchustu citrāyāṃ svātau vāṇijyakāmukaḥ |
rājyecchuranurādhāyāṃ śrāddhaṃ kuryānnaraḥ sadā || 31 ||
[Analyze grammar]

bahuputrecchukaḥ śrāddhaṃ viśākhāyāṃ pravartayet |
adhipatīcchurjyeṣṭhāyāṃ mūle tvārogyakāmukaḥ || 32 ||
[Analyze grammar]

pūrvāṣāḍhāsu tu yaśaskāmaḥ śrāddhaṃ samācaret |
uttarāsu tvaṣāḍhāsu vītaśokecchukaścaret || 33 ||
[Analyze grammar]

bhiṣagicchurabhijiti śravaṇe sadgatīcchukaḥ |
rājyecchuko dhaniṣṭhāyāṃ kuryācchrāddhaṃ vidhānataḥ || 34 ||
[Analyze grammar]

bhiṣaksiddhīcchukaḥ śatabhiṣaji śrāddhamācaret |
ajā'vīcchuḥ pūrvabhādrapadāyāṃ śrāddhamācaret || 35 ||
[Analyze grammar]

gavecchukaścottarāyāṃ revatyāṃ vittakāmukaḥ |
aśvinyāmaśvasaṃkalpo bharaṇyāmāyuricchukaḥ || 36 ||
[Analyze grammar]

śrāddhaṃ kuryād revatādrau dāmodarasamīpataḥ |
nārāyaṇahrade caiva kuṇḍe dāmodare tathā || 37 ||
[Analyze grammar]

ye tu dharmavyapeteṣu cāritryā'pagateṣu ca |
havyaṃ kavyaṃ prayacchanti teṣāṃ tatpretya naśyati || 38 ||
[Analyze grammar]

vidyāvedavratasnātāḥ sadācāraparāstathā |
mātāpitroḥ sevakāśca satyadharmaparāstathā || 39 ||
[Analyze grammar]

puṇyatīrthā'bhiṣiktāścā'vabhṛthasnāyinastathā |
akrodhanāstathā kṣāntāḥ samarthāśca jitendriyāḥ || 40 ||
[Analyze grammar]

yatayo mokṣadharmajñā yogajñāḥ suvratāstathā |
ye cetihāsaṃ prayatāḥ śrāvayanti janānsadā || 41 ||
[Analyze grammar]

vedavedāṃgavettāraḥ śāstradarśanasadvidaḥ |
dharmaśāstrapurāṇajñāḥ sādhvyaśca sādhavastathā || 42 ||
[Analyze grammar]

acyutagotrā ye syuste sarve vai paṃktipāvanāḥ |
sarvabhūtahitānsarvān śrāddheṣvetān nimantrayet || 43 ||
[Analyze grammar]

teṣu vai bhuṃjamāneṣu pitarastatra bhuṃjate |
devāstu pitaro nāma nirmitā ye svayaṃbhuvā || 44 ||
[Analyze grammar]

saptakaḥ pitṛvaṃśastu pūrvadṛṣṭaḥ svayaṃbhuvā |
viśve cāgnimukhā devāstān pravakṣyāmi nāmataḥ || 45 ||
[Analyze grammar]

balaṃ dhṛtirvipāpmā ca puṇyakṛt pāvanāstathā |
pārṣṇiḥ kṣemā samūhaśca divyasānustathaiva ca || 46 ||
[Analyze grammar]

vivasvān vīryavān hrīmān kīrtimān kṛta eva ca |
jitātmā munivaryaśca dīptaromā bhayaṃkaraḥ || 47 ||
[Analyze grammar]

anukarmā pratītaśca pradātā'tyaṃśumāṃstathā |
śailābhaḥ paramakrodhī dhīroṣṇī bhūpatistathā || 48 ||
[Analyze grammar]

srajo vajrī varī caiva viśvedevāḥ sanātanāḥ |
vidyudvarcāḥ somavarcāḥ sūryaśrīśceti nāmataḥ || 49 ||
[Analyze grammar]

somapaḥ sūryasāvitrī dattātmā puṇḍarīyakaḥ |
uṣṇīnābho nabhodaśca viśvāyurdīptireva ca || 50 ||
[Analyze grammar]

camūharaḥ sureśaśca vyomāriḥ śaṃkaro bhavaḥ |
īśaḥ kartā kṛtirdakṣo bhuvano divyakarmakṛt || 51 ||
[Analyze grammar]

gaṇitaḥ pañcavīryaśca hyādityo raśmivāṃstathā |
saptakṛtsomavarcāśca viśvakṛt kavirityapi || 52 ||
[Analyze grammar]

anugoptā sugoptā ca naptā ceśvara eva ca |
kīrtitāste mahābhāgāḥ kālasya gatigocarāḥ || 53 ||
[Analyze grammar]

pitāmahaḥ pulastyaśca vasiṣṭhaḥ pulahastathā |
aṃgirāśca kratuścaiva kaśyapaśca mahānṛṣiḥ || 54 ||
[Analyze grammar]

mahāyogeśvarā ete pitaraḥ pūrvajāḥ smṛtāḥ |
aṣṭāśītisahasrāṇi bālakhilyā maharṣayaḥ || 55 ||
[Analyze grammar]

anye gotrapravarāśca saśākhāḥ pitaraḥ smṛtāḥ |
agniṣvāttā barhiṣadā ājyapāḥ somapāstathā || 56 ||
[Analyze grammar]

gaṇaścaturvidhaścāyaṃ pitaraste'pi pūrvajāḥ |
brahmaṇā nirmitā devapitaraste cirāyuṣaḥ || 57 ||
[Analyze grammar]

śravaṇāḥ pretakā yāmyā nārakāḥ pitaraśca te |
sāṃvatsarāśca āgneyā janmāptāḥ pitaraśca te || 58 ||
[Analyze grammar]

tadānye vaṃśakartāro mṛtāste brahmalokagāḥ |
aiśvarāḥ pitaraścaite vijñeyā bhāgakāṃkṣiṇaḥ || 59 ||
[Analyze grammar]

ta ete satsu pātreṣu bhuṃjate yānti tṛptikam |
tebhyaścānnaṃ havirmṛṣṭaṃ phalaṃ jalaṃ ca pāyasam || 60 ||
[Analyze grammar]

vividhaṃ vai pradātavyaṃ tṛptā rakṣanti vaṃśajān |
dāmodare'rpayetpiṇḍān svarṇarekhānadītaṭe || 61 ||
[Analyze grammar]

pitā pitāmahaścaiva tathaiva prapitāmahaḥ |
mātā pitāmahī ceva tathaiva prapitāmahī || 62 ||
[Analyze grammar]

mātāmahastatpitā ca pramātāmahakādayaḥ |
teṣāṃ piṇḍo mayā datto hyakṣayyamupatiṣṭhatām || 63 ||
[Analyze grammar]

asmatkule mṛtā ye ca gatiryeṣāṃ na vidyate |
teṣāmuddharaṇārthāya piṇḍamenaṃ dadāmyaham || 64 ||
[Analyze grammar]

bandhuvargakule ye ca gatiryeṣāṃ na vidyate |
teṣāmuddharaṇārthāya piṇḍamenaṃ dadāmyaham || 65 ||
[Analyze grammar]

ajātadantā ye kecid ye tu garbhe prapīḍitāḥ |
teṣāmuddharaṇārthāya piṇḍamenaṃ dadāmyaham || 66 ||
[Analyze grammar]

agnidagdhāśca ye kecicchītanaṣṭāstathā'pare |
anagninaṣṭā ye cānye tebhyaḥ piṇḍaṃ dadāmyaham || 67 ||
[Analyze grammar]

vidyuccaurahatā dāvadāhe ye ca mṛtāstathā |
hiṃsavyāghrahatā ye ca tebhyaḥ piṃḍaṃ dadāmyaham || 68 ||
[Analyze grammar]

daṃṣṭriśṛṃginakhikṣveḍiśastripāśihatāśca ye |
ātmaghātikṣud ghātinastebhyaḥ piṇḍaṃ dadāmyaham || 69 ||
[Analyze grammar]

vane'raṇye vartmamadhye tṛṣayā kṣudhayā hatāḥ |
bhūtapretapiśācaiśca tebhyaḥ piṇḍaṃ dadāmyaham || 70 ||
[Analyze grammar]

raurave ye ca tāmisre kālasūtre ca ye sthitāḥ |
teṣāmuddharaṇārthāya piṇḍamenaṃ dadāmyaham || 71 ||
[Analyze grammar]

anekayātanāsaṃsthāḥ pretalokaṃ ca ye gatāḥ |
teṣāmuddharaṇārthāya piṇḍamena dadāmyaham || 72 ||
[Analyze grammar]

durgatiṃ samanuprāpya ye'bhiśāpādinā hatāḥ |
teṣāmuddharaṇārthāya piṇḍamenaṃ dadāmyaham || 73 ||
[Analyze grammar]

narakeṣu samasteṣu yamadūtavaśaṃgatāḥ |
teṣāmuddharaṇārthāya piṇḍamenaṃ dadāmyaham || 74 ||
[Analyze grammar]

paśuyonigatā ye ca pakṣikīṭasarīsṛpāḥ |
api ye vṛkṣayonisthāstebhyaḥ piṇḍaṃ dadāmyaham || 75 ||
[Analyze grammar]

jātyantarasahasreṣu ye bhramanti svakarmabhiḥ |
mānuṣyaṃ durlabhaṃ yeṣāṃ tebhyaḥ piṇḍaṃ dadāmyaham || 76 ||
[Analyze grammar]

divyantarīkṣabhūmiṣṭhāḥ pitaro bāndhavādayaḥ |
asaṃskṛtamṛtā ye ca tebhyaḥ piṇḍaṃ dadāmyaham || 77 ||
[Analyze grammar]

ye kecitpretarūpeṇa vartante pitaro mama |
te sarve tṛptimāyāntu piṇḍenā'nena sarvadā || 78 ||
[Analyze grammar]

abāndhavā bāndhavā ye tathā'nyajanibāndhavāḥ |
teṣāṃ piṇḍo mayā datto hyakṣayyamupatiṣṭhatām || 79 ||
[Analyze grammar]

pitṛvaṃśe mṛtā ye ca mātṛvaṃśe ca ye mṛtāḥ |
guruśvaśurabandhūnāṃ ye cānye bāndhavā mṛtāḥ || 80 ||
[Analyze grammar]

luptapiṇḍāḥ kule ye me putradāravivarjitāḥ |
kriyālopagatā ye ca jātyandhāḥ paṃgavaśca ye || 81 ||
[Analyze grammar]

virūpā āmagarbhāśca jñātā'jñātāḥ kule mama |
teṣā piṇḍo mayā datto hyakṣayyamupatiṣṭhatām || 82 ||
[Analyze grammar]

ā brahmaṇaḥ pitṛvaṃśamātṛvaṃśabhavāśca ye |
jātāḥ kuladvaye ye me tebhyaḥ piṇḍaṃ dadāmyaham || 83 ||
[Analyze grammar]

ye kecitpretarūpeṇa vartante pitaro mama |
te sarve tṛptimāyāntu saktubhistilamiśritaiḥ || 84 ||
[Analyze grammar]

ābrahmastambaparyantaṃ yatkiṃcitsacarācaram |
mayā dattena piṇḍena tṛptimāyātu sarvaśaḥ || 85 ||
[Analyze grammar]

kuṇḍe dāmodare snānaṃ karomyātmaviśuddhaye |
sūryalokādisamprāptisiddhaye pretamuktaye || 86 ||
[Analyze grammar]

snātvā'tha tarpaṇaṃ kuryād devādīnāṃ yathāvidhi |
ābrahmastambaparyantaṃ devarṣipitṛmānavāḥ || 87 ||
[Analyze grammar]

vairājā brahmamārgasthāstathā'nye puṇyalokagāḥ |
tṛpyantu pitaraḥ sarve mātṛmātāmahādayaḥ || 88 ||
[Analyze grammar]

pitā pitāmahaścaiva tathaiva prapitāmahaḥ |
mama tṛptiṃ prayāntvadya homādhyāsitamūrtayaḥ || 89 ||
[Analyze grammar]

pitā pitāmahaścaiva tathaiva prapitāmahaḥ |
mama tṛptiṃ prayāntvadya vipradeheṣu saṃsthitāḥ || 90 ||
[Analyze grammar]

pitā pitāmahaścaiva tathaiva prapitāmahaḥ |
tṛptiṃ prayāntu piṇḍeṣu mayā datteṣu bhūtale || 91 ||
[Analyze grammar]

pitā pitāmahaścaiva tathaiva prapitāmahaḥ |
tṛptiṃ prayāntu me bhaktyā yanmayaitadudāhṛtam || 92 ||
[Analyze grammar]

mātāmahastṛptimetu tṛptimupaitu tatpitā |
viśve devā yāntu tṛptiṃ tṛptiṃ yātu hariḥ prabhuḥ || 93 ||
[Analyze grammar]

yasya śrāddhe yatirbhuṃkte tasya bhuṃkte hariḥ svayam |
yasya śrāddhe harirbhuṃkte tasya bhuṃkte jagattrayam || 94 ||
[Analyze grammar]

sādhavo vaiṣṇavāḥ śrāddhe bhojanīyā viśeṣataḥ |
sādhvyaśca bhojanīyā vai puṇyamakṣayyatṛptikṛt || 95 ||
[Analyze grammar]

yo vai yatīnanādṛtya bhojayeditarān dvijān |
vijānan vasato grāme kavyaṃ tadyāti rākṣasān || 96 ||
[Analyze grammar]

harerbhakto yatiryatra śrāddhe bhuṃkte tadā tu tat |
prasaṃpūrṇaṃ bhavet śrāddhaṃ vināpi śrāddhasampadam || 97 ||
[Analyze grammar]

annakṣīraghṛtakṣaudrairaikṣaveṇa ca tarpitāḥ |
prāpnuvantyakṣayāṃ tṛptiṃ sarve pitṛgaṇā api || 98 ||
[Analyze grammar]

nirdoṣaṃ pāyasaṃ cānnamṛṣidhānyāni cābdhije |
arpayet sarvapitṛbhyastena tuṣyanti te sadā || 99 ||
[Analyze grammar]

payo dadhi ghṛtaṃ navanītaṃ gavāṃ tu pāvanam |
mahiṣīṇāṃ ghṛtaṃ śreṣṭhaṃ na tu tatpaya ucyate || 100 ||
[Analyze grammar]

mātāmaho'tha dauhitro bhāgineyaśca mātulaḥ |
mātṛṣvaseyastajjaśca mātuleyastathaiva ca || 101 ||
[Analyze grammar]

jāmātā śvaśuraścaiva bhāryābhrātā ca tatsutaḥ |
ṛtviggururupādhyāya ācāryaḥ śrotriyastathā || 102 ||
[Analyze grammar]

suvratāḥ sādhusādhvyaśca hyete śrāddheṣu pāvanāḥ |
yugānurūpadharmajñā vidyācārādirakṣakāḥ || 103 ||
[Analyze grammar]

kālaḥ kutupasaṃjñaśca tathā nepālakambalaḥ |
raupyaṃ darbhāstilāḥ śrāddhe dauhitraśceti pāvanāḥ || 104 ||
[Analyze grammar]

ahno muhūrtā vikhyātā daśapaṃca ca sarvadā |
tatrā'ṣṭamo muhūrto yaḥ sa kālaḥ kutupaḥ smṛtaḥ || 105 ||
[Analyze grammar]

agastyaṃ bhaṃgarājaṃ ca tulasī śatapatrikā |
campakaṃ tilapuṣpaṃ ca pitṝṇāṃ vallabhāni ṣaṭ || 106 ||
[Analyze grammar]

piṇḍamātraṃ pradātavyamasattve dravyaviprayoḥ |
śrāddhīyā'hani saṃprāpte śrāddhaṃ śaktivadācaret || 107 ||
[Analyze grammar]

udakuṃbhaṃ pradadyādvā phalaṃ kadalameva vā |
tṛṇāni vā gave dadyānna tu śūnyaṃ dinaṃ nayet || 108 ||
[Analyze grammar]

vaiṣṇavaistu kramātprāptaṃ śrāddhamekādaśīdine |
dvādaśyāmapi kartavyaṃ pitaro vaiṣṇavā yataḥ || 109 ||
[Analyze grammar]

śrāddhaṃ kṛtvā copavasedāghrāya pitṛsevitam |
śrāddhe prāpto'tithirbhojanīyaḥ syācchrāddhapūrṇatā || 110 ||
[Analyze grammar]

arogo'vikalo bhoktā cirāyuḥ putrapautravān |
arthavānarthabhogī ca śrāddhakartā vivardhate || 111 ||
[Analyze grammar]

deve śrāddhaṃ cāmṛtaṃ syānmartye bhojyaṃ paśau tṛṇam |
nāge vāyuryatra yonau prete tadbhojanaṃ bhavet || 112 ||
[Analyze grammar]

tattadannatayaivetthaṃ śrāddhānnaṃ sarvayoniṣu |
prāpyate prāṇibhistasmācchrāddhaṃ dharmaḥ sanātanaḥ || 113 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne revatācale dāmodarakuṇḍe śrāddhe tithiphalaṃ nakṣatraphalaṃ satpātraṃ vividhapitarastaddeyasāmānyamityādinirūpaṇanāmā'ṣṭapaṃcāśadadhikaśatatamo'dhyāyaḥ || 158 ||
[Analyze grammar]