Chapter 154

śrīnārāyaṇa uvāca |
śṛṇu lakṣmi maṇivrāte raivate divyataijase |
mandarādriḥ samāyātaḥ svarṇapāṣāṇamiśraṇaḥ || 1 ||
[Analyze grammar]

divye tejomaye tatrā'ntargatvā sthūlabhāvataḥ |
militvā saṃsthitastena maṇestejo na dṛśyate || 2 ||
[Analyze grammar]

kumudādristathā tatrā''yāto raivatake girau |
so'pyantarbhūya sthaulyena vartate raivatācale || 3 ||
[Analyze grammar]

śṛṇu divyāṃ kathāṃ tāṃ vai pūrvakṛtayugodbhavām |
purā kṛtayuge sarve sapakṣāḥ parvatāḥ kṛtāḥ || 4 ||
[Analyze grammar]

uḍḍayanto mahākāyā nipatanti yadṛcchayā |
merumandarakailāsā brahmaṇā vāritāḥ sthirāḥ || 9 ||
[Analyze grammar]

anye tu vāritāścāpi sthāyino na yadā'bhavan |
tadendreṇa svavajreṇa pakṣāsteṣāṃ nikṛntitāḥ || 6 ||
[Analyze grammar]

merordakṣiṇaśṛṃge tu kumudo nāma parvataḥ |
divyaṃ sapakṣaḥ sauvarṇo divyodyānasamṛddhimān || 7 ||
[Analyze grammar]

sarvā vaikuṇṭhasadṛśī sthalī smṛddhā suśobhanā |
tatropari purī divyā vaiṣṇavī viṣṇunā kṛtā || 8 ||
[Analyze grammar]

tanmadhye ca mahān viṣṇo prāsādo ramayā yutaḥ |
meroḥ śṛṃge mandarākhye purī śivasya śobhanā || 9 ||
[Analyze grammar]

sauvarṇā ca sabhā tatra bhavānī modate sadā |
brahmaṇaścāpi nagarī prāsādaśca supauraṭaḥ || 10 ||
[Analyze grammar]

ratnahīrakamaṇyāḍhyaḥ śṛṃge tasyā'ruṇācale |
vartate yatra te devāstrayaḥ kurvati mantraṇām || 11 ||
[Analyze grammar]

kumude vaiṣṇave sthāne sauvarṇā vallayo'bhavan |
puṣpāṇyapi piśaṃgāni sauvarṇāni ca saurabhaḥ || 12 ||
[Analyze grammar]

sugandho dīyate nityaṃ puryāṃ pauṣpaḥ suvāyunā |
vṛkṣāścāpi sugandhāḍhyapatramañjarikānvitāḥ || 13 ||
[Analyze grammar]

sugandhaṃ vāhayantyeva pratisaudhaṃ ca vāyavaḥ |
ekadā bhagavān rudraḥ kumude tu samāgataḥ || 14 ||
[Analyze grammar]

gṛhāgataṃ haraṃ dṛṣṭvā viṣṇunā paripūjitaḥ |
lakṣmyā ca pūjitā gaurī harṣitā satkṛtā hyati || 15 ||
[Analyze grammar]

ekāsanopaviṣṭau tau mantrayantau parasparam |
tāvadvai kumudastatra mandaraścāpi parvataḥ || 16 ||
[Analyze grammar]

nararūpaṃ sudhṛtvā vai sevāyāṃ samupāgatau |
śaṃbhuḥ prāha hariṃ tatra balistu balavān yataḥ || 17 ||
[Analyze grammar]

tvayā neyastu sutalaṃ pṛthvītaḥ sarvathā hare |
vāmanaṃ rūpamāsthāya girau tu raivatācale || 18 ||
[Analyze grammar]

mayāpi tatra gantavyaṃ girau vai raivatācale |
baleḥ sutale vāsaṃ ca kārayitvā tu chadmanā || 19 ||
[Analyze grammar]

punaścātrā''gamiṣyāmaḥ kṛtakāryau divaukasām |
saṃprāha mādhavastam om tāvattau parvatau mudā || 20 ||
[Analyze grammar]

kumudamandarau hariharau prārthayataḥ puraḥ |
āvāṃ saha gamiṣyāvastatra yatra harirharaḥ || 21 ||
[Analyze grammar]

tathā'stviti varaṃ prāpya bhūbhṛtau tau tirogatau |
hariharau sapatnīkau jagmaturvedhasaṃ prati || 22 ||
[Analyze grammar]

aruṇācalaśikhare purī yatra prajāpateḥ |
baleḥ sutalavāsārthaṃ kṛtvā vai mantraṇāṃ tataḥ || 23 ||
[Analyze grammar]

tau pratyājagmatuḥ svasvapuryāṃ svasvagirau punaḥ |
prāpte tu samaye viṣṇurvāmanaḥ saṃbabhūva ha || 24 ||
[Analyze grammar]

jagāma ca baleryajñe śaṃkaro'pi jagāma ca |
saurāṣṭre raivate deśe tadā kumudamandarau || 25 ||
[Analyze grammar]

āyayatuḥ sapakṣau tāvuḍḍayitvā'ntarīkṣagau |
tāvanyān bahunakṣatragaṇānākṛṣya vegataḥ || 26 ||
[Analyze grammar]

ājagmatuḥ svarṇarekhānadīsthe raivatācale |
tadā tayostadanyāyaṃ jñātvā deveśvaraḥ svayam || 27 ||
[Analyze grammar]

gṛhītvā ca svakaṃ vajraṃ pakṣanāśanahetave |
vimānavaramāruhya jagāma yatra tau girī || 28 ||
[Analyze grammar]

yāvad vajraṃ prahiṇoti tāvat tau parvatau muhuḥ |
prāñjalī prāhaturdevau rakṣaṇāya harā'cyutau || 29 ||
[Analyze grammar]

drāgevendraḥ stambhitaśca savajrahastakastadā |
mā hantavyāvimāvadrī prāhatustaṃ harācyutau || 30 ||
[Analyze grammar]

indrastau prārthayāmāsa staṃbhanasya vimuktaye |
varayāmāsa kumudamandaroḍḍayanakṣayam || 31 ||
[Analyze grammar]

tathā'stviti varaṃ datvā mahendrastaṃbhanaṃ tadā |
nivārya ca kumudādriṃ mandarādriṃ tu raivate || 32 ||
[Analyze grammar]

taijase'drau hariharau sthāpayāmāsatuḥ sadā |
ambāyā mandaraḥ so'yaṃ kumudastu samantataḥ || 33 ||
[Analyze grammar]

kamalākāratāṃ prāpto dvādaśapatrabhedataḥ |
tāvimau parvatau śailau dṛśyete taijase maṇau || 34 ||
[Analyze grammar]

raivate taijase tattve pārthivau tau niṣedatuḥ |
tatra dāmodaro viṣṇurbhavaḥ śaṃbhurniṣedatuḥ || 35 ||
[Analyze grammar]

brahmā'ruṇācalaṃ nītvā samājagāma tatra vai |
mandarāt pūrvadigbhāge'sthāpayat so'ruṇācalam || 36 ||
[Analyze grammar]

tatra brahmā svakaṃ vāsaṃ kṛtvovāsa kamaṇḍalum |
yatra vai mandare kuṇḍe babhāra sa jalāśayaḥ || 37 ||
[Analyze grammar]

jātaḥ kamaṇḍalukuṇḍastīrthamakṣayapuṇyadam |
aruṇādrau prathame tu śṛṃge brahmā hyuvāsa yat || 38 ||
[Analyze grammar]

sthala tad brahmakuṭyākhyaṃ jātaṃ tīrthaṃ tu mokṣadam |
aruṇādrau dvitīye ca dattātreyo mahān prabhuḥ || 39 ||
[Analyze grammar]

dāruṇaṃ vai tapastepe tīrthaṃ mokṣakaraṃ ca tat |
evaṃ vedhohariharāstiṣṭhanti revatāśrite || 40 ||
[Analyze grammar]

mandare kumude caivā'ruṇādrau prakṣiṇi priye |
prāpte laye gamiṣyanti merau tai parvatāstrayaḥ || 41 ||
[Analyze grammar]

sapakṣā vai gamiṣyanti tāvat sthāsyanti tatra vai |
teṣu triṣu trayo devāstrayastriṃśacca koṭayaḥ || 42 ||
[Analyze grammar]

devā vasanti tatrāpi rahasyaṃ kathitaṃ priye |
raivatasya prakramaṇo kṛtaṃ merupradakṣiṇam || 43 ||
[Analyze grammar]

raivatasya pūjane ca kṛtaṃ meroḥ prapūjanam |
raivatasya darśane tu kṛtaṃ merośca darśanam || 44 ||
[Analyze grammar]

triṃśatkrośaṃ raivatādriṃ ye prayānti pradakṣiṇam |
kṛtaṃ merośca pṛthvyāśca pradakṣiṇaṃ tu tairiha || 45 ||
[Analyze grammar]

mandarāruṇayoryaistu kṛtaṃ pradakṣiṇaṃ tu taiḥ |
pradakṣiṇaṃ kṛtaṃ satyakailāsābhidhalokayoḥ || 46 ||
[Analyze grammar]

kumudasya dvādaśaparvatānāṃ tu pradakṣiṇam |
yena kṛtaṃ kṛtaṃ tena vaikuṇṭhasya pradakṣiṇam || 47 ||
[Analyze grammar]

yadā devāstrayaścā'tra nivāsāya samāgatāḥ |
naranarāyaṇau tatra boriyākhye vane gatau || 48 ||
[Analyze grammar]

brahmakamaṇḍalukuṇḍād gaṃgā guptā tu jāmbavī |
patatyadho boriyākhye bhūgate badrikāśrame || 49 ||
[Analyze grammar]

naranārāyaṇau sarvarṣibhiryuktau tu tāpasau |
janā'dṛśyau hi vartete dṛśyete puṇyaśālibhiḥ || 50 ||
[Analyze grammar]

dakṣiṇe mandarādgaṃgāmūle tau vasataḥ sadā |
uttare mandarāt tatra bhavantyāmravanāni vai || 51 ||
[Analyze grammar]

vaikuṇṭhātparamād vāryāvaraṇasthāt samāgataḥ |
lakṣmīnārāyaṇaḥ sītāpatiścāmravanaiḥ saha || 52 ||
[Analyze grammar]

ātmā muktāḥ śāśvatā vai sarvadā phalaśālinaḥ |
sughaṭāpatraśākhābhiḥ sāketānāṃ niketanam || 53 ||
[Analyze grammar]

sughaṭṭaṃ ca vanaṃ tatra sītāvanamitīritam |
lakṣmaṇasya vanaṃ rāma vanaṃ kīśavanaṃ tathā || 14 ||
[Analyze grammar]

sītāpaṭī vanakṣmā ca divyā dhāmasamāsti sā |
yatra sūryo na vai bhāti na bhāti śaśitārakam || 55 ||
[Analyze grammar]

vidyuto yatra no bhānti hyagnirbhāti kutastadā |
tādṛśaṃ tanmahādivyajalaprasravaṇānvitam || 56 ||
[Analyze grammar]

svarṇarūpyagairikādidhātubhūkhanikā'nvitam |
sarvartusukhadaṃ divyaṃ viśālaṃ vanamasti yat || 57 ||
[Analyze grammar]

śāśvate tatra sākete vane prasravaṇātmikā |
sarayūrbhinnasalilanirjharaṇairvahatyapi || 58 ||
[Analyze grammar]

hanumān vartate tatra vane rakṣaṇakāraṇāt |
tīrthametat mahat proktaṃ bhuktimuktipradaṃ param || 59 ||
[Analyze grammar]

pūrve ca raivate bhāge'ruṇā'calasamīpataḥ |
indradyumnasarastatra samāgatya pratiṣṭhati || 60 ||
[Analyze grammar]

brahmaviṣṇumaheśāṃśca naranārāyaṇaṃ tathā |
lakṣmīnārāyaṇaṃ sītārāmaṃ śrutvā samāgatān || 61 ||
[Analyze grammar]

puruṣottamapuryāstu jagannāthaḥ svayaṃ prabhuḥ |
nīlākhyaṃ parvataṃ nītvā vaṭavṛkṣaṃ tathā'bdhijam || 62 ||
[Analyze grammar]

samāgato'tra vāsāya nyūṣuste prāgdiśi dhruvam |
ṭīmburuphalajātāni jāmbvāmalakakarmadāḥ || 53 ||
[Analyze grammar]

āmrāśca rāvaṇāścaiva badaryaścāmṛtāni ca |
sītāphalāni bahuśaḥ santi yatra vanāni vai || 64 ||
[Analyze grammar]

dugdhasamaṃ jalaṃ yatrā'mṛtasvāduphalāni ca |
sukhaṃ svargasamaṃ yatra prāgbhāgeraivatācale || 656 ||
[Analyze grammar]

kṛṣṇā ca mṛttikā yatra svarṇarasasumiśritā |
vibhinnā dhātavaḥ santi viṃśatikrośabhūmayaḥ || 66 ||
[Analyze grammar]

tataḥ pūrve śubhaṃ kṣetramaśvapaṭṭasarovaram |
ciñcāṃ'gūdīvanaṃ ramyaṃ śubhā kuṃkumavāpikā || 67 ||
[Analyze grammar]

śatrūñjitānadī saumyā kaṃbharākṣetramucyate |
lakṣmīnārāyaṇaśca kaṃbharāgopālasaṃjñayā || 68 ||
[Analyze grammar]

pūjyate vandyate devairbhūsurairmānavaistathā |
patnīvratasya viprasya vaṃśastatrāpi tiṣṭhati || 69 ||
[Analyze grammar]

kuṃkumavāpikāyāścottare krośadvayāt param |
kṣetraṃ puṇyamaraṇyādiyutaṃ ramyaṃ ca vidyate || 70 ||
[Analyze grammar]

laṃkācatuṣṭakīkṣetraṃ yatra guptā sarasvatī |
prakāśā vartate cāpi sudivyasalilānvitā || 71 ||
[Analyze grammar]

himācalād yadā devī sarasvatī mahānadī |
vāḍavā'gniṃ samādāya yātā paścimavāridhim || 72 ||
[Analyze grammar]

tadā'rbudācalāt siddhakṣetraṃ śrīnagaraṃ tathā |
gatvā virāṭanagaraṃ sāraṃgaṃ durgametya ca || 73 ||
[Analyze grammar]

unmattagaṃgāṃ bhogāṃ ca bhadrāṃ samprāpya vai tataḥ |
laṃkācatuṣṭakīkṣetraṃ prāptvā jayantamāgatā || 74 ||
[Analyze grammar]

bhadreśvaranṛsiṃhākhyaghaṭṭaṃ gatvā taduttaram |
skandapuraṃ tathā kālīvaṭaṃ ca nagaraṃ gatā || 79 ||
[Analyze grammar]

ājyāṃ prakāśamāsādya suvarṣādvārikāṃ gatā |
tato dakṣiṇadigbhāge barāṭākhye tu parvate || 76 ||
[Analyze grammar]

bilveśaṃ harṣadāṃ prāpya navanītādrimāgatā |
vāmanasthalamāsādya vastrāpathamumāgatā || 77 ||
[Analyze grammar]

raivatādriṃ parivīya parvataṃ ca kṛtasmaram |
prajvālya balikhātaṃ ca gatvā prācīsthapippalam || 78 ||
[Analyze grammar]

ekatarṣisthalaṃ prāpya somanāthaṃ samāgatā |
vyāghrāraṇye śubhaṃ guptaprayāgaṃ prāpya sā tataḥ || 79 ||
[Analyze grammar]

siṃhāraṇye divyabhūmau gatvā'ro'bdhau viveśa sā |
vāḍavā'gniṃ samutsṛjya punaḥ sā raivatācale || 80 ||
[Analyze grammar]

sarvadā saṃsthitā devī pratisthānaṃ sarasvatīṃ |
kuṇḍe kuṇḍe sthitā devī janakalyāṇahetave || 81 ||
[Analyze grammar]

hanumannāmavikhyātāḥ kapayo raivatācale |
sītāmaḍhī ca hanumanmaḍhī santamaḍhī tathā || 82 ||
[Analyze grammar]

vyāghreśvarī mahādevī māhiṣākhye girau sthitā |
śrīrāmapādukātīrthaṃ bilveśaṃ hāṭakeśvaram || 83 ||
[Analyze grammar]

evamanyāni tīrthāni santi lakṣmi tu raivate |
tārakāṇi prāṇināṃ vai bhuktimuktipradāni ca || 84 ||
[Analyze grammar]

yathākathañcikchraddhādyaiḥ svārthenāpi prahelayā |
kṛtāni yena tīrthāni dṛṣṭapītāni vā tathā || 85 ||
[Analyze grammar]

snātāni tajjaladhūlīkardamāni dhṛtāni vā |
teṣāṃ pāpavināśena bhuktirmuktirbhaveddhruvam || 86 ||
[Analyze grammar]

iti śrīlakṣmīnārāyaṇīyasaṃhitāyāṃ prathamaṃ kṛtayugasantāne taijasaraivatācale kumudamandarā'ruṇanīlādiparvatānāṃ |
badrikānaranārāyaṇalakṣmīnārāyaṇasītārāmajagannāthasarasvatīṃprabhatitīrthānāmāgamananirūpaṇanāmā catuḥpaṃcāśadadhikaśatatamo'dhyāyaḥ || 154 ||
[Analyze grammar]