Chapter 153

śrīnārāyaṇa uvāca |
vastrāpathasya vāyavye koṇe divyaṃ sarovaram |
tasya paścimadigbhāge vanaṃ gahanabhūruham || 1 ||
[Analyze grammar]

bilvavṛkṣamayaṃ tatra madhye liṃgaṃ tu mṛnmayam |
tatraiko lubdhakaḥ prāpto vasante jalakāṃkṣayā || 2 ||
[Analyze grammar]

pippalasya drumasyā'dhaḥ samāgatya vyavasthitaḥ |
mūle kṣaṇaṃ tu viśramya jalaṃ pātuṃ ca gacchati || 3 ||
[Analyze grammar]

tāvattena tadā dṛṣṭau puruṣau kṛṣṇapāṇḍurau |
pītāmbaracarmavastrau sukeśasujaṭādharau || 4 ||
[Analyze grammar]

kaustubhamuṇḍakadharau cakratriśūlahastakau |
vṛndārudrākṣamālau ca padmanetra trinetrakau || 5 ||
[Analyze grammar]

tilakacandrakabhālau padmāsatīprasevitau |
patattrivāsukiyuktau kambunīlābhasadvalau || 6 ||
[Analyze grammar]

divyau poṣāntakarūpau jīvanivṛttiyatnakau |
satvatamaḥparākrāntau vyomamārgāvalambinau || 7 ||
[Analyze grammar]

bilvavanaṃ prati yātau yāvat paśyati lubdhakaḥ |
tāvattāvaddṛśyabhāvaṃ liṃge ca prastare gatau || 8 ||
[Analyze grammar]

śveto liṃge'bhavalluptaḥ kṛṣṇastu prastare gataḥ |
lubdhakaśca tadāścaryayukto jagāma tatsthale || 9 ||
[Analyze grammar]

tāvalliṃgaṃ mṛnmayaṃ ca viṣṇumūrtiṃ śilāmayīm |
dṛṣṭvā tu lubdhakastatra jalapānaṃ vihāya ca || 10 ||
[Analyze grammar]

tatraiva susthito devau cintayaṃstatra bhāvataḥ |
kṣudhitastṛṣitaḥ sāyamevameva vyavasthitaḥ || 11 ||
[Analyze grammar]

māghakṛṣṇacaturdaśyāṃ sāyaṃ vṛttamidaṃ yadā |
nirjane tatra tau devau saṃsmṛtya ca punaḥ punaḥ || 12 ||
[Analyze grammar]

lubdhako bilvapatrāṇi padmāni sarasastathā |
samādāyā'rpayatyetau liṅgaviṣṇū bhajan muhuḥ || 13 ||
[Analyze grammar]

paścājjalaṃ parigṛhya snāpitau puṣpapūjitau |
vanditau tāvatā rātryā madhye tau nīlapāṇḍurau || 14 ||
[Analyze grammar]

tasmādeva samudbhūtau puruṣau divyavigrahau |
prāhatustaṃ lubdhakaṃ tau yasmādatra vanāntare || 15 ||
[Analyze grammar]

tvayā''gatyā'dya divase bilvapadme samarpite |
etatpūjāprabhāveṇa dagdhānyaṃhāṃsi te tathā || 16 ||
[Analyze grammar]

ābhūtasaṃplavaṃ svargaṃ va sa devaśarīrakaḥ |
lubdhakastvaṃ bhava devaḥ śivarātriprapūjanāt || 17 ||
[Analyze grammar]

śivarātrervratayogāt śivarātri prajāgarāt |
pippalā'dhonivāsācca viṣṇubhakto bhaviṣyasi || 18 ||
[Analyze grammar]

evaṃ varaṃ pradatvaiva tirobhūtau harirharaḥ |
tāvat tatra vimānaṃ surukmavarṇaṃ śaśiprabham || 19 ||
[Analyze grammar]

avātaradvyomamārgād apsarobhiḥ suśobhitam |
sarvasmṛddhisamāyuktaṃ dāsadāsīnivāsitam || 20 ||
[Analyze grammar]

devyaḥ prāha tadā taṃ vai lubdhakaṃ puṇyaśālinam |
āgaccha kānta susvargaṃ vayaṃ klṛptāśca te'ṅganāḥ || 21 ||
[Analyze grammar]

bhavān devo'sti sampannaḥ śivaviṣṇuprapūjanāt |
māghe some caturdaśyāṃ kṛṣṇāyāṃ jāgare kṛte || 22 ||
[Analyze grammar]

tadetallabhyate sarvaṃ samāroha gṛhāṇa ca |
evaṃ divyāṃganāstaṃ ca lubdhakaṃ kāntameva ha || 23 ||
[Analyze grammar]

kṛtvāvimānamāropya jagmurdivaṃ hareḥ puram |
indro'pi taṃ samālokya tadā'tyantasuvismitaḥ || 24 ||
[Analyze grammar]

lubdhakaśca tadā pṛṣṭaḥ kena puṇyena labdhavān |
uktavān sa tadā śaivarātryāṃ tayostu darśanam || 25 ||
[Analyze grammar]

vrataṃ pūjāṃ yathāvṛttaṃ tatsarvaṃ devarūpavān |
tataḥ punaḥ samāyāte māgha kṛṣṇe caturdaśe || 26 ||
[Analyze grammar]

dine cendraḥ samāyāto lakṣmi  devi  dharātale |
asaṃkhyadevadevībhirbhavaṃ natvā ca mādhavam || 27 ||
[Analyze grammar]

pūjayāmāsa vidhinā vrataṃ pūrṇaṃ cakāra saḥ |
kiṃ dānairbahubhirdattaiḥ kiṃ vrataiḥ kiṃ surārcanaiḥ || 28 ||
[Analyze grammar]

kiṃ yajñaiḥ kiṃ tapobhiśca brahmacaryeṇa kiṃ tathā |
gayāpiṇḍapradānena prayāgamaraṇena kim || 29 ||
[Analyze grammar]

someśvare sarasvatyāṃ somaparvaṇi kiṃ gataiḥ |
kurukṣetre gataiḥ kiṃ syād rāhugraste divākare || 30 ||
[Analyze grammar]

tulāsuvarṇadānena vedapāṭhena kiṃ bhavet |
sarvapāpakṣayo yena vṛṣotsargeṇa tena kim || 31 ||
[Analyze grammar]

godānaṃ kiṃ karotyeva tiladānaṃ karotu kim |
ayane viṣuve caiva saṃkrāntau kīdṛśaṃ phalam || 32 ||
[Analyze grammar]

māghe māsi caturdaśyāṃ yādṛśaṃ jāgare kṛte |
akṣayyaṃ phalamāpnoti mahendraḥ prāptavān phalam || 33 ||
[Analyze grammar]

vāmanaṃ trivikramaṃ ca dāmodaraṃ bhaveśvaram |
yathāśāstraṃ pūjayitvā vrataṃ kṛtvā tathā hariḥ || 34 ||
[Analyze grammar]

nārāyaṇe hade snātvā''camya gomukhato jalam |
ambāṃ nāthaṃ ca dattātreyaṃ namaskṛtya vāsavaḥ || 35 ||
[Analyze grammar]

uttarābhimukhaṃ gatvā viśrāntimāpa vai kṣaṇam |
tatra cendreśvaraṃ liṃga sthāpitaṃ devabhūbhṛtā || 36 ||
[Analyze grammar]

vāsavena pūjitaṃ tad devībhiḥ snāpitaṃ tathā |
sākṣādindrasya deveśo bhavo dṛṣṭipathaṃ gataḥ || 37 ||
[Analyze grammar]

viṣṇurdevastathā tatra vyadṛśyata caturbhujaḥ |
indreṇa sthāpito viṣṇuścaturbhujastathā sthale || 38 ||
[Analyze grammar]

pūjito bhojitaścaiva nīrājitaśca vanditaḥ |
viṣṇuḥ prāha tadendraṃ tvaṃ brahmā janmāntare bhava || 39 ||
[Analyze grammar]

anyabrahmāṇḍarājyaṃ vai kṛtvā vaikuṇṭhamāpnuhi |
itīndrastadvaraṃ prāpya pratiṣṭhāpya haraṃ harim || 40 ||
[Analyze grammar]

svargaṃ jagāma deveśaḥ prativarṣaṃ prayāti saḥ |
śivarātrivratavantaṃ vastrāpathanivāsinam || 41 ||
[Analyze grammar]

nārāyaṇahṛde snāntaṃ dāmodaraprasevinam |
bhaveśvarasya sadbhaktaṃ trivikramaprapūjakam || 42 ||
[Analyze grammar]

netuṃ varaṃ tathā kartuṃ samāyānti varāṃganāḥ |
varaṃ draṣṭumindravāsād varayanti parasparam || 43 ||
[Analyze grammar]

śaṃbhunārāyaṇasamo divyo me bhavatātpatiḥ |
mamāyaṃ na tavāstyeṣaḥ patirvai puruṣottamaḥ || 44 ||
[Analyze grammar]

vṛkṣāḥ kīṭāḥ pataṃgā vā paśavaḥ pakṣiṇastathā |
mriyante te viṣṇusamā bhūtvā svargaṃ prayānti hi || 45 ||
[Analyze grammar]

vastrāpathe tadā tāṃstān patiṃ kurvanti devikāḥ |
prāpya devaṃ śaṃbhusamaṃ viṣṇurūpaṃ patiṃ ca tāḥ || 46 ||
[Analyze grammar]

prahasanti ca gāyanti nṛtyanti kīrtayanti ca |
jayaṃ vadanti nayanti sukhaśayyāṃ ca taṃ suram || 47 ||
[Analyze grammar]

nandane'pi vane devyaḥ pṛcchāṃ kurvanti taṃ suram |
vada kena prabhāveṇa devo divyo bhavānabhūt || 48 ||
[Analyze grammar]

tadā vakti sa devo vai vastrāpathaprabhāvataḥ |
devā bhavanti divyāstat tīrthaṃ muktiṃ dadātyapi || 49 ||
[Analyze grammar]

airāvataṃ samāruhya yadā''yāto maheśvaraḥ |
ūrjayantagirermūrdhni gajarājaḥ sma tiṣṭhati || 50 ||
[Analyze grammar]

tadagre caraṇaṃ hastī dadau mūrdhni sa kāraṇāt |
tenā''krānto girivarastoyaṃ susrāva nirmalam || 51 ||
[Analyze grammar]

gajapādodbhavaṃ vāri jātaṃ tadvai sadā sthiram |
iti kṛtaṃ surendreṇa tairthikānāṃ hitārthakam || 52 ||
[Analyze grammar]

atha cottaradigbhāge dhanadena pratiṣṭhitam |
dhanadeśvaramityākhyaṃ liṃgaṃ tīrthaṃ sukhapradam || 53 ||
[Analyze grammar]

triśūlinī tathā devī pārvatī tatra rājate |
bhavasya nirṛte koṇe gaṇo hairambasaṃjñitaḥ || 54 ||
[Analyze grammar]

yamena sthāpitaṃ yameśvaraṃ bāṇaṃ tu vartate |
citraguptasthāpitaṃ vai citragupteśvaraṃ tathā || 55 ||
[Analyze grammar]

prajāpatiścakāroccaiḥ kedāreśaṃ tu paścime |
parvate raivate śrṛṃge nimināthaśivastathā || 56 ||
[Analyze grammar]

bhavasya dakṣiṇe bhāge nṛsiṃhaḥ śrīharistathā |
sthāpitau śrīvāmanena pūjanīyau viśeṣataḥ || 57 ||
[Analyze grammar]

samprāpya mānuṣaṃ janma jñātvā haraṃ hariṃ tathā |
śivarātrirvāmanadvādaśī kāryāmumukṣubhiḥ || 58 ||
[Analyze grammar]

puṇyadā saukhyadā proktā bhuktimuktipradāyinī |
dvādaśābdaṃ vratametatkartavyaṃ vārṣikaṃ janaiḥ || 59 ||
[Analyze grammar]

jīvitaṃ caṃcalaṃ nṝṇāṃ kartavyaṃ prātimāsikam |
pratimāsaṃ śivarātrervāvdaśyāśca vrataṃ caret || 60 ||
[Analyze grammar]

vighnaśca jāyate madhye yadi vā daivayogataḥ |
na bhaved vratabhaṃgaśca samāptaṃ tatkṛtaṃ matam || 61 ||
[Analyze grammar]

kṛṣṇāyāṃ tu caturdaśyāṃ dvādaśyāṃ ca kṛtāhnikaḥ |
gṛhṇīyād vrataniyamaṃ snāyānnadyāṃ hrade śubhe || 6 ||
[Analyze grammar]

tailābhyaṃgo na kartavyo na kāryā rājasī kriyā |
tīrthasevā prakartavyā sādhusevā sukhāvahā || 63 ||
[Analyze grammar]

devasevā prakartavyā brahmacaryaparāyaṇaiḥ |
rātrau devāgrato gatvā kartavyāḥ sapta parvatāḥ || 64 ||
[Analyze grammar]

pakvānnaphalatāmbūlapuṣpadhūpādipūjitāḥ |
ghṛtadīpaḥ prakartavyaḥ pāpanāśanahetave || 65 ||
[Analyze grammar]

divā vā niśi sandhyāyāṃ dīpaḥ kāryaḥ svaśaktitaḥ |
divyo dīpaḥ prakartavyaḥ phalaṃ tasya mahanmatam || 66 ||
[Analyze grammar]

kiṃcitprakāśamātreṇa devāstuṣyanti sarvathā |
rātrau jāgaraṇaṃ kāryaṃ gītavāditrapūrvakam || 67 ||
[Analyze grammar]

śivarātricaritraṃ ca vāmanadvādaśīvratam |
śrotavyaṃ ca bhajanāni kartavyāni tu maṇḍalaiḥ || 68 ||
[Analyze grammar]

rātrau deyāni dānāni vrate jāgaraṇe tathā |
punaḥ snānaṃ prabhāte ca pūjyau hariharāvubhau || 69 ||
[Analyze grammar]

sādhavaḥ pūjanīyāśca bhojanācchādanādibhiḥ |
tapasvināṃ pradātavyaṃ bhojanaṃ gṛhamedhibhiḥ || 70 ||
[Analyze grammar]

dvādaśā'ṣṭau catasraḥ ṣaḍ bhojanīyā viśeṣataḥ |
eko'pi brahmavettā vā brahmacārī tu pūjitaḥ || 71 ||
[Analyze grammar]

sahasrāṇāṃ samo bhaktyā gṛhe saṃpūjito bhavet |
akṣāralavaṇaiścānnairbhoktavyaṃ prākdine svayam || 72 ||
[Analyze grammar]

putramitrakalatrāṇāṃ dātavyaṃ bhojanaṃ tathā |
anena vidhinā kāryā dvādaśī śivarātrikā || 73 ||
[Analyze grammar]

vāmanastu svayaṃ tuṣyet śivastuṣyetmuhuḥ punaḥ |
vratānte gauḥ pradātavyā kṛṣṇā vatsayutā śubhā || 74 ||
[Analyze grammar]

savastrābharaṇā divyā ghaṇṭāśrṛṃgādiśobhitā |
gurave dakṣiṇā deyā brāhmaṇebhyaśca śaktitaḥ || 75 ||
[Analyze grammar]

tapasvibhyo vitīryā'nnaṃ deyaṃ kṣamāpayettathā |
evaṃ yaḥ kurute bhaktastasya pāpaṃ na vidyate || 76 ||
[Analyze grammar]

puṇyātmā vimalo bhūtvā bhuktvā bhogānanuttamān |
santānamuttamaṃ labdhvā śāntiṃ labdhvaihikīṃ tathā || 77 ||
[Analyze grammar]

divyaṃ vimānamārūḍho divyastrīpariveṣṭitaḥ |
gītavāditranirghoṣairnīyate lokamaiśvaram || 78 ||
[Analyze grammar]

māsi bhādre śuklapakṣe dvādaśyāṃ śravaṇākhyabhe |
budhe madhyāhnasamaye vāmanastvaditerabhūt || 79 ||
[Analyze grammar]

ekādaśyāṃ dvādaśyāṃ ca phalāhāro vidhīyate |
ekādaśyāmupavāso dvādaśyāṃ naktameva vā || 80 ||
[Analyze grammar]

pūjanārthaṃ tadā kuryāt vāmanārcāṃ tu pauraṭīm |
hrasvāṃ sajaṭāṃ chatradaṇḍakamaṇḍalūyutām || 81 ||
[Analyze grammar]

pītāmbarā''bharaṇāḍhyāṃ puṣpā'kṣatādibhistataḥ |
suṣoḍaśopacārairvai vāmanaṃ saṃprapūjayet || 82 ||
[Analyze grammar]

maṇḍale sarvatobhadre madhyāhne pūjayettu tam |
yathālabdhopacāraiśca bhaktyā pañcāmṛtādibhiḥ || 83 ||
[Analyze grammar]

aditiṃ kaśyapaṃ cendraṃ sakuṭumbaṃ prapūjayet |
ghṛtakhaṇḍādimiṣṭānnaṃ naivedyaṃ cārpayet śubham || 84 ||
[Analyze grammar]

vāmanasyā'vatārasya caritrāṇi tu gāpayet |
trayodaśyāṃ tu miṣṭānnaistarpayet kṣudhitān bahūn || 85 ||
[Analyze grammar]

māghakṛṣṇacaturdaśyāṃ mahādevo mahāniśi |
viṣṇośca brahmaṇormadhye śrīhareḥ kiraṇātmakaḥ || 86 ||
[Analyze grammar]

śivaliṃgātmako jātaḥ koṭisūryasamaprabhaḥ |
adṛśya sa vai liṃge mahādevastṛtīyakaḥ || 87 ||
[Analyze grammar]

brahmaviṣṇumaheśānāṃ sṛṣṭikāle hyabhūdidam |
caturdaśyāṃ mahādevaṃ citravāsāṃsi dhārayet || 88 ||
[Analyze grammar]

satīṃ śāṭīṃ sucitrāṃ ca pauraṭā''bharaṇāni ca |
dhārayetpūjayet prītyā sakuṭumbaṃ maheśvaram || 89 ||
[Analyze grammar]

prapāṭhayedrudrasūktaṃ tvabhiṣekapuraḥsaram |
niśīthe pūjayet śaṃbhuṃ bhaṃgādugdhaphalacchadaiḥ || 90 ||
[Analyze grammar]

mallikākundapuṣpaiśca kanakaiḥ karavīrakaiḥ |
vastubhiḥ ṣoḍaśavidhairarcayeccānyavastubhiḥ || 91 ||
[Analyze grammar]

naivedyaṃ vividhaṃ dadyād deśakālānusārataḥ |
tadā caikātmapadyāni gāpayerddhārarudrayoḥ || 92 ||
[Analyze grammar]

dānāni vidhinānyeva dadyādraratnāni bhūriśaḥ |
dvitīye divase bhojyotsavaṃ kuryānmahattamam || 93 ||
[Analyze grammar]

evaṃ harerharasyāpi vrataṃ kuryāttu raivate |
kārtike māghamāse ca yātrāṃ kuryāttu mokṣadām || 94 ||
[Analyze grammar]

kailāso viṣṇulokaśca mokṣaśca tasya niścitaḥ |
naro vā pramadā vāpi vratena mokṣamāpnuyāt || 95 ||
[Analyze grammar]

sakāmā pramadā tena ramā vā pārvatī bhavet |
akāmā pramadā tena muktiṃ yātyeva dhāmani || 96 ||
[Analyze grammar]

ūrje pradakṣiṇā kāryā savratā sarvamānavaiḥ |
māghe tu pūjanaṃ dānaṃ savrataṃ raivatācale || 97 ||
[Analyze grammar]

kartavyaṃ tena pṛthvyāśca prakramaṇaṃ kṛtaṃ bhavet |
trayastriṃśatprakoṭīnāṃ devānāṃ pūjanaṃ bhavet || 98 ||
[Analyze grammar]

vandhyau māsau na netavyau ūrjamāghau mumukṣubhiḥ |
vandhyatve sarvavandhyatvaṃ bodhyaṃ mānavajanmanaḥ || 99 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne lubdhakasya hariharadarśanottaramindreśvaraviṣṇupratiṣṭhānaṃ gajapadaṃ dhaneśvaratriśūlinīyameśvaracitragupteśvaranṛsiṃhatīrthāni ca vāmanadvādaśīśivarātryorvratamahimā cetyādinirūpaṇanāmā tripaṃcāśadadhikaśatatamo'dhyāyaḥ || 153 ||
[Analyze grammar]