Chapter 140

śrīnārāyaṇa uvāca |
prahlādo'nye ca daiteyā niścikyurnaiva vastu yat |
kutaḥ kasmādayaṃ śabdo lokasphoṭanakṛnmahān || 1 ||
[Analyze grammar]

dṛśyate śabdamūlaṃ na nākṛtirnābhibhāvakam |
niśamyā'pūrvanirhrādaṃ surabhinnā vitatrasuḥ || 2 ||
[Analyze grammar]

satyaṃ prakurvan prahlādābhihitaṃ brahmaṇoditam |
varaṃ cāyaṃ hariḥ kṛṣṇo nṛhariḥ samajāyata || 3 ||
[Analyze grammar]

mūrterdrāksumahattejño'vyāpnodābrahmalokagam |
śanaiḥ śanaiśca tattejo'ntaḥsabhāyāṃ vyalīyata || 4 ||
[Analyze grammar]

tāvatstaṃbhāntare sattvaṃ mahākrūraṃ vyaloki tat |
nā'yaṃ mṛgo na manuṣaḥ kimetannṛmṛgendravat || 5 ||
[Analyze grammar]

yāvaddaityāśca daityeśo vyaktaṃ paśyati nṛharim |
bhayānakaṃ lalajjihvaṃ sphāralohitalocanam || 6 ||
[Analyze grammar]

sūryavaccākacakyāsyaṃ harīvajjṛmbhitānanam |
mahātejaḥsphuratsvarṇavidyudvallībhakesaram || 7 ||
[Analyze grammar]

karāladaṃṣṭraṃ bhrūkuṭīcaṇḍakopā'nalānvitam |
stabdhordhvakarṇaṃ vyāttā''nananāsaṃ ca kalāsaham || 8 ||
[Analyze grammar]

candrāṃśuvālaṃ mahākhaṅgātitīkṣṇanakhāyudham |
tāvattadvivṛdhe sattvaṃ mahākāyaṃ mahābalam || 9 ||
[Analyze grammar]

divyaṃ yanmandarasamaṃ prāsādastu vyalīyata |
divye nārāyaṇe siṃhe nare'pūrvakṛtākṛtau || 10 ||
[Analyze grammar]

dadarśa tasya gātreṣu prahlādo bhuvanāni vai |
lokān samudrān sadvīpān suragandharvamānuṣān || 11 ||
[Analyze grammar]

aṇḍajāni sahastāni saṭāgre sa dadarśa vai |
dadarśa netrayostasya sūryacandrādikān gṛhān || 12 ||
[Analyze grammar]

karṇayoraśvinau devau diśaśca vidiśastathā |
lalāṭe brahmarudrau ca nabho vāyuṃ ca tannasi || 13 ||
[Analyze grammar]

indrāgnī tasya vaktrānte jihvāyāṃ ca sarasvatīm |
daṃṣṭrāsu siṃhaśārdūlaśarabhāṃśca mahoragān || 14 ||
[Analyze grammar]

kaṇṭhe dadarśa mervadriṃ skandhe himācalādikān |
devatiryaṅmanuṣyāṃśca bāhuṣvapi parātmanaḥ || 15 ||
[Analyze grammar]

nābhau cā'syā'ntarīkṣaṃ ca pādayoḥ pṛthivīṃ tathā |
romasvasyauṣadhīn sarvānpādapānnakhapaṃktiṣu || 16 ||
[Analyze grammar]

niḥśvāse'sya caturvedān sāṃgopāgāndadarśa saḥ |
ādityāṃśca vasūn rudrān viśvedevānmarudraṇān || 17 ||
[Analyze grammar]

apsarasaśca gandharvān vidyādhroragarākṣasān |
evamāpālalokānsopaskaraprajānvitān || 18 ||
[Analyze grammar]

dadarśāṃgeṣu prahlādastataḥ saumyaṃ dadarśa tam |
śrīvatsakaustubhoraskaṃ vanamālāvibhūṣitam || 19 ||
[Analyze grammar]

śaṃkhacakragadākhaḍgaśārṅgādihetibhiryutam |
sarvopaniṣadāmarthaṃ dṛṣṭvā nanāma daṃḍavat || 20 ||
[Analyze grammar]

harṣāśrujalasiktāṃgo dhyāyanpārśve hyupasthitaḥ |
tāvaddhiraṇyakaśipuḥ krodhānmṛtyuvaśe sthitaḥ || 21 ||
[Analyze grammar]

kiṃsvidayaṃ nu hantā me hanmi taṃ purato jaye |
yoddhuṃ khaḍgaṃ samudyamya nṛsiṃhaṃ tamathā'dravat || 22 ||
[Analyze grammar]

devāśca munayaḥ sarve prāṇino brahmasṛṣṭijāḥ |
ājagmuḥ śrīharestasya yuddhasya darśanāya ca || 23 ||
[Analyze grammar]

atha daityagaṇāḥ sarve sajjaśastrā mahābalāḥ |
jaghnurhariṃ mahāvegāḥ peturvahnau pataṃgavat || 24 ||
[Analyze grammar]

nṛhariṇā saṭodbhūtavahninā dānavā bhṛśam |
nirbhasmitāḥ kṣaṇātsarve sahasrāṇyāyudhāni ca || 25 ||
[Analyze grammar]

anye ca rākṣasā daityā dānavā hyasurāstathā |
ye cāpatan raṇaṃ kartuṃ tān dvedhā'pātayaddhariḥ || 26 ||
[Analyze grammar]

kāṃścid daṃṣṭrābhirugrābhiḥ kāṃścinnakhaiḥ sutīkṣṇakaiḥ |
kāṃścicchastrairmahāghorairnāśayāmāsa keśavaḥ || 97 ||
[Analyze grammar]

prahlādaṃ sānugaṃ hitvā bhasmite rakṣasāṃ bale |
nāśite daityasainye ca kālānalaśikhopamaḥ || 28 ||
[Analyze grammar]

hiraṇyakaśipuryāvadudyamyā'siṃ tu nṛhareḥ |
vadhāya kṛtayatno'bhūt tāvajjagrāha taṃ prabhuḥ || 29 ||
[Analyze grammar]

khaḍgamācchidya deveśo mocayāmāsa taṃ ripum |
gadāmādāya daityeśaścakāra maṇḍalāni ca || 30 ||
[Analyze grammar]

gadāpi pātitā yāvat carmakhaḍgāntaraṃ mahat |
gṛhītvā'bhyadravad daityastaṃ harirmaṇḍalena vai || 31 ||
[Analyze grammar]

nināya ca gṛhadvāre madhye cotplutya dharṣitam |
bahubalaṃ prakurvantaṃ kṣipantaṃ patkarādikān || 3 ||
[Analyze grammar]

pātayāmāsa deveśastadā caikena pāṇinā |
gṛhītvā patitaṃ bhūmau muhuḥ sampadya cā'suram || 32 ||
[Analyze grammar]

pādaghātaiścārdhamṛtyu kṛtvotsaṃge nidhāya ca |
nakhairvidārayāmāsa tīkṣṇairvajranibhairghanaiḥ || 34 ||
[Analyze grammar]

viṣṇunindākṛtaṃ pāpaṃ tathā vaiṣṇavavairajam |
nṛhareḥ sparśanādeva nirbhasmitamabhūttadā || 35 ||
[Analyze grammar]

vakṣo daityeśvarasyā'sau vidadārā'sthimaṇḍalam |
tadgātraṃ śatadhā bhittvā nakhaistīkṣṇairmahāhariḥ || 36 ||
[Analyze grammar]

ākṛṣyā''ntrāṇi dīrghāṇi gale saṃsaktavān prabhuḥ |
sa nirmalātmā daityendraḥ paśyan sākṣānmukhaṃ hareḥ || 37 ||
[Analyze grammar]

harihastā''gatamṛtyuḥ kṛtārtho vijahāvasūn |
nākāśe na kṣitau mṛtyurnāntarbahirna sṛṣṭijaiḥ || 38 ||
[Analyze grammar]

na śuṣkairnā''rdratattvaiśca satyaṃ kartuṃ hariḥ svayam |
asṛṣṭeḥ rūpamāsthāya dhāmākāśaṃ vidhāya ca || 39 ||
[Analyze grammar]

nidhāyā'ṅke nakhaiḥ sāyaṃ madhye dvāri jaghāna tam |
harirjānāti yatkartuṃ nānyo jānāti tattathā || 40 ||
[Analyze grammar]

atha daityendraraktena kiṃśukībhūtanṛharim |
hantumudāyudhā daityāḥ samantāt śastrapāṇayaḥ || 41 ||
[Analyze grammar]

abhyadhāvaṃstadā tāṃścā'han pārṣṇinakhadormukhaiḥ |
cakre ca garjanāṃ brahmāṇḍāvṛtīn pravibhidya yā || 42 ||
[Analyze grammar]

aṭṭahāsānvitā vyāptā brahmaloke ca dhāmasu |
jaladāścāpatan vyomno grahāśca kampitāḥ sthalāt || 43 ||
[Analyze grammar]

cukṣubhurvārinidhayo digibhāśca vicukruśuḥ |
dyaurbhramitā vimānāni stabdhāni bhūśca kampitā || 44 ||
[Analyze grammar]

utpetuḥ bhūbhṛtaḥ śailāḥ khaṃ kakubho na rejire |
daityaśūnye ca bhaktāḍhye prāsāde nṛhariṃ tadā || 45 ||
[Analyze grammar]

praharṣapūritā devyo vavṛṣuḥ kusumāni vai |
devarṣimunayo divyavimānasthāstadā harim || 46 ||
[Analyze grammar]

paśyanti sma ca vāditrāndundubhiprabhṛtīṃstadā |
vādayāmāsurāpremṇā'psaraso nanṛtustathā || 47 ||
[Analyze grammar]

gandharvā gāyanaṃ cakrurjaguḥ svasti surastriyaḥ |
brahmāṇḍavāsinastatrā''gatyeḍire ca nṛharim || 48 ||
[Analyze grammar]

brahmā rudrendragirīśapitṛsiddhārṣicāraṇāḥ |
prajāpatayo manavo vidyādharamahoragāḥ || 49 ||
[Analyze grammar]

yakṣāḥ kinnaravetālāḥ gandharvā'psarasāṃ gaṇāḥ |
kimpuruṣāḥ sādhyadevā viśvedevāśca yājñikāḥ || 50 ||
[Analyze grammar]

bhūdevāḥ pārṣadā nandasunandakumudādayaḥ |
īḍire taṃ narasiṃhaṃ mahābhayakaradṛśam || 51 ||
[Analyze grammar]

namo'kṣarapararūpākṣarāntaryāmiṇe ca te |
namo muktābhivandyāya namo vyūhātmane ca te || 52 ||
[Analyze grammar]

namaḥ prakṛtirūpāya pradhānapuruṣāya te |
mahākālasvarūpāya bhūmarūpāya te namaḥ || 23 ||
[Analyze grammar]

apratarkyasvarūpāyā'nantarūpāya te namaḥ |
abhaktānāśakartre te bhaktarakṣaṇakāriṇe || 54 ||
[Analyze grammar]

varadānānurūpāya tathaiva daityaghātine |
sarvātmane karālāya vikarālāya te namaḥ || 55 ||
[Analyze grammar]

yajñabhāgapradātre te rakṣakāya namonamaḥ |
hṛdi bodhāya devānāṃ trātre tasmai namonamaḥ || 56 ||
[Analyze grammar]

tapomārgapravṛttāya ṛṣigamyāya te namaḥ |
śrāddhatṛptipradāyā'tra paratradāyine namaḥ || 57 ||
[Analyze grammar]

yogagatiprasārāya siddhismṛddhigṛhāya ca |
tapobalaprakṛṣṭāya dharmātmaṃste namonamaḥ || 58 ||
[Analyze grammar]

stutistutyāya vidyāyāḥ śubhādhipataye namaḥ |
ratnapradātre nyāyāya nītidhātre namonamaḥ || 59 ||
[Analyze grammar]

manutvasaṃrakṣakāya prajāpatitvadāyine |
naṭanāṭyagāyakānāṃ krīḍāgītyātmane namaḥ || 60 ||
[Analyze grammar]

vāhakatvapradātre te saparyādipradāyine |
viṣṭikāryaniyoktre te jagadīśāya te namaḥ || 61 ||
[Analyze grammar]

vaiṣṇavānāṃ rakṣakāya bahurūpadharāya te |
nārāyaṇāya kṛṣṇāya śrīharaye namo namaḥ || 62 ||
[Analyze grammar]

nityaṃ śāntasvarūpāyedānīṃ bhayaṃkarāya te |
avismṛtasvarūpāyā'dbhutāya haraye namaḥ || 63 ||
[Analyze grammar]

ityākāśāt tuṣṭuvuste'ntikaṃ ke'pi na cāyayuḥ |
ugramṛtyormukhe gantuṃ śrīmṛte kaḥ patet śvasan || 64 ||
[Analyze grammar]

te prasādayituṃ bhītā jvalitaṃ viśvatomukham |
mātaraṃ jagatāṃ dhātrīṃ cintayāmāsurīśvarīm || 65 ||
[Analyze grammar]

hiraṇyavarṇāṃ hariṇīṃ sarvopadravanāśinīm |
viṣṇornityā'navadyāṃgīṃ dhyātvā nārāyaṇīṃ śubhām || 66 ||
[Analyze grammar]

śrīsūktaṃ saṃjapanto vai namaścakruḥ pareśvarīm |
cintyamānā tu sā devī tatraivā''virabhūttadā || 67 ||
[Analyze grammar]

caturbhujā viśālākṣī sarvabhūṣādyalaṃkṛtā |
dukūlaśāṭikāyuktā kaustubhasraksumaṃgalā || 68 ||
[Analyze grammar]

tāṃ dṛṣṭvā devadevasya patnīṃ māṃ jagatāṃ tataḥ |
ūcuḥ prāṃjalayo devāḥ prasannaṃ śrīhariṃ kuru || 69 ||
[Analyze grammar]

ityuktā sahasā lakṣmīḥ priyaṃ dūrātpatiṃ harim |
praṇipatya namaskṛtya prasīdeti hyuvāca tam || 70 ||
[Analyze grammar]

tathāpi śrīharestasya krodhaḥ śaśāma no manāk |
adṛṣṭā'bhūtapūrvatvāt sā nopeyāya cāntikam || 71 ||
[Analyze grammar]

tadā te preṣayāmāsurbhaktaṃ brahmamayaṃ śiśum |
prahlādaṃ sa jagāmā'śu pādayoḥ patitastadā || 72 ||
[Analyze grammar]

nanāma daṇḍavaddevaṃ prahasan vidhṛtāṃjaliḥ |
dṛṣṭvā tamarbhakaṃ rakṣyaṃ kṛpāluḥ śrīharistadā || 73 ||
[Analyze grammar]

tamutthāpyā'bhayahastaṃ tanmūrdhnyadhānmuhurmuhuḥ |
āślikṣaddhṛdaye kṛtvā dadau svacaraṇau hṛdi || 74 ||
[Analyze grammar]

tāvacchrīrapi deveśaṃ gatvā natvā ca saṃsthitā |
aṃkamādāya tāṃ devīṃ samāśliṣya dayānidhiḥ || 75 ||
[Analyze grammar]

kṛpāsudhārdradṛṣṭyā vai niraikṣata mahāhariḥ |
tato jayajayetyuccaiḥ stuvatāṃ namatāṃ tadā || 76 ||
[Analyze grammar]

tadyathādṛṣṭituṣṭānāṃ sānandaḥ saṃbhramo'bhavat |
tato devagaṇāḥ sarve harṣanirbharamānasāḥ || 77 ||
[Analyze grammar]

ūcuḥ prāṃjalayo devaṃ namaskṛtya jagatpatim |
draṣṭumatyadbhutaṃ tejo na śaktāste jagatpate || 78 ||
[Analyze grammar]

atyugraṃ te navaṃ rūpaṃ draṣṭumapi na śaknumaḥ |
kathaṃkāraṃ samīpe te sthātu śaknuma īśvarāḥ || 79 ||
[Analyze grammar]

atyarthitastu vibudhaistejastadatibhīṣaṇam |
na śaśāma ca raudraṃ tadrūpaṃ prahlāda īśvaram || 80 ||
[Analyze grammar]

nṛsiṃhaṃ hṛdye dhyātvā'stauṣīddhariṃ samāhitaḥ |
namo devādhidevāya sattvavilīnamūrtaye || 81 ||
[Analyze grammar]

brahmādayo bibhyati yadrūpāt tadrūpiṇe namaḥ |
ghanā'bhijanasaundaryatapaḥśrutabalādibhiḥ || 82 ||
[Analyze grammar]

smṛddhivākpaṭutābhiścā'tuṣyate te namonamaḥ |
tavā'ṅghrivimukho vipro yamaiśca niyamairyutaḥ || 83 ||
[Analyze grammar]

bhaktaśvādāt kanīyānsa bhaktahṛṣṭāya te namaḥ |
mānahīnāya dīnāya tuṣyate te namonamaḥ || 84 ||
[Analyze grammar]

bhaktimārgāśritasaukhyakartre te haraye namaḥ |
rakṣāvibhūtisampatsusaukhyadātre punarnamaḥ || 85 ||
[Analyze grammar]

brahmādayo'pi devāśca śāntadarśanakāṃkṣiṇaḥ |
stuvanti tvāṃ parātmānaṃ śāntarūpaṃ tataḥ kuru || 86 ||
[Analyze grammar]

nā'haṃ bibhaimi deveśa krūrānnṛsiṃharūpaṇāt |
bibhemi kāmaroṣādestato rakṣāṃ vidhehi me || 87 ||
[Analyze grammar]

asurādrakṣaṇāṃ tattu dehasya rakṣaṇaṃ kṛtam |
tadvai me rakṣaṇaṃ nāsti tasmānmadrakṣaṇaṃ kuru || 88 ||
[Analyze grammar]

kleśakarmavipākāderajāyā bandhanāt khalu |
rakṣaṇaṃ kuru viśveśa tanmataṃ rakṣaṇaṃ bhavet || 89 ||
[Analyze grammar]

īhāḥ putrakalatrāderdhanaiśvaryadivaspateḥ |
kadāpi naiva pūryante tābhyo me rakṣaṇaṃ kuru || 90 ||
[Analyze grammar]

daityendrasya mayā dṛṣṭāḥ smṛddhayastā na rakṣikāḥ |
aiśvaryāṇi mayā dṛṣṭānyetānyavanti naiva hi || 91 ||
[Analyze grammar]

siddhayaścāpi devānāṃ rakṣā kurvanti naiva ca |
bhaktānāṃ tvaṃ rakṣaṇāya bahurūpī bhavasyatha || 92 ||
[Analyze grammar]

uddhārayasi viśvātman tathoddhāraṃ ca me kuru |
rājyaṃ tu bandhanaṃ proktaṃ pāpaṃ pāpataraṃ mahat || 93 ||
[Analyze grammar]

yat satāṃ sevane vighnaṃ mānasattādidūṣaṇaiḥ |
dīnatve tapa āsthāya vāṃcchanti kāmanāmayān || 94 ||
[Analyze grammar]

bhogānāsādya paścāt tvāṃ vismarantīti kilbiṣam |
tato devādhidevatvaṃ dārāsattādhanādiṣu || 95 ||
[Analyze grammar]

mā yogaṃ me dehi nātha dehi tvaccaraṇāmbuje |
tava dāsasya dāsānāṃ madhye yogaṃ pradehi me || 96 ||
[Analyze grammar]

ime divāstava rūpaṃ saumyaṃ kāṃkṣanti darśane |
tasmāt saumyaṃ sukhadaṃ vai rūpaṃ darśaya mādhava || 97 ||
[Analyze grammar]

ityarthitaḥ sa bhagavān tejastadatibhīṣaṇam |
roṣānvitaṃ tu saṃhṛtya babhūva sukhadarśanaḥ || 98 ||
[Analyze grammar]

śaratkoṭīndusaṃkāśaḥ puṇḍarīkanibhekṣaṇaḥ |
sudhāmayasaṭāpuṃjavidyutkoṭinibhaprabhaḥ || 99 ||
[Analyze grammar]

sadratnāḍhyakaṭakakeyūrormikādibhūṣitaḥ |
śaṃkhacakragṛhītābhyāmudbāhubhyāṃ virājitaḥ || 100 ||
[Analyze grammar]

varadā'bhayahastābhyāmitarābhyāṃ suśobhitaḥ |
śrīvatsakaustubhorasko vanamālāvibhūṣitaḥ || 101 ||
[Analyze grammar]

kuṇḍalahāraraśanāmaṇisvarṇavirājitaḥ |
savyāṃgasthaśriyā yukto'bhavattadā nṛkesarī || 102 ||
[Analyze grammar]

lakṣmīnṛsiṃhaṃ taṃ dṛṣṭvā devatāḥ samaharṣayaḥ |
ānandāśrujalaiḥ siktvā namaścakrurnirantaram || 103 ||
[Analyze grammar]

arpayāmāsurātmeśa divyapuṣpādipūjanam |
ratnakuṃbhaiḥ sudhāpūrṇairabhiṣicya sanātanam || 104 ||
[Analyze grammar]

vastrairābharaṇairgandhaiḥ puṣpairdhūpairmanoramaiḥ |
divyairniveditairdīpairarcayitvā janārdanam || 105 ||
[Analyze grammar]

tuṣṭuvurdivyasatstotrairnamaścakrurmuhurmuhuḥ |
pādayoḥ patitānsarvāndatveṣṭāśīrvacāṃsi saḥ || 106 ||
[Analyze grammar]

prahlādaṃ sarvadaityānāṃ cakre rājānamavyayam |
varārthaṃ prerayāmāsa prasanno bhagavānpunaḥ || 107 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne nṛsiṃhaspaṣṭadarśanatattejovyāpanahiraṇyakaśipuvidāraṇadevādikṛtastavanaprahlādakṛtastutisaumyadarśana |
lakṣmīkṛtastavanādinirūpaṇanāmā catvāriṃśadadhikaśatatamodhyāyaḥ || 140 ||
[Analyze grammar]