Chapter 122

śrīnārāyaṇa uvāca |
śṛṇu priye tataḥ śaṃbhuḥ prāha svasya priyāṃ satīm |
rādhikākṛṣṇaprāsāde ratnasiṃhāsanaṃ varam || 1 ||
[Analyze grammar]

dhanuḥ śatapramāṇaṃ ca parito vartulākṛti |
uccāvacaiḥ svarṇaghaṭaiḥ śobhitaṃ śikharādiṣu || 2 ||
[Analyze grammar]

divyabhaktāputtalikāpremadāsīprabhūṣitam |
koṭyarkadyutisaṃvyāptaṃ tadūrdhvaṃ saptatālavat || 3 ||
[Analyze grammar]

adbhutaṃ sarvatejasvipadārthādhikasundaram |
tejastejo'mbaraṃ tejorāśistejaḥkhanipratham || 4 ||
[Analyze grammar]

divyaṃ siṃhāsanaṃ tadvai yatheṣṭaṃ vyomni gacchati |
siṃhapādaṃ vallicitrāṇyanantagopagopikāḥ || 5 ||
[Analyze grammar]

gāvo vatsā vatsataryastathā bhaktā priyāstathā |
siṃhāsane ca sopāne staṃbhe dvāri ca toraṇe || 6 ||
[Analyze grammar]

vādakā nartakāścaiva gāyakāḥ pārśvabhāgake |
puttalikāsvarūpāste klṛptāḥ sarve vibhānti vai || 7 ||
[Analyze grammar]

mayūrāḥ sārasā haṃsāścātakāḥ śukamenakāḥ |
śubhāḥ puttalikāścaitā yathāsthānaṃ vyavasthitāḥ || 8 ||
[Analyze grammar]

divye siṃhāsane tejorāśau kṛṣṇo virājate |
varo vareṇyo varado varadānāṃ ca kāraṇam || 9 ||
[Analyze grammar]

sarvamaṃgaladaḥ sākṣānmaṃgalānāṃ sumaṃgalam |
nirlepaśca nirīhaśca ḍhivyaiśvaryaguṇāśrayaḥ || 10 ||
[Analyze grammar]

sanātanaśca sākāraḥ kalāvibhūtidhārakaḥ |
sarvādhāraḥ sarvarūpaḥ sarvabījo hyatīndriyaḥ || 11 ||
[Analyze grammar]

jaḍacetanadehaśca svatantradivyamūrtikaḥ |
sarvasākṣī sarvadarśī saccidānanda īśvaraḥ || 12 ||
[Analyze grammar]

sarveśo'nādinidhano vidhātā janakaḥ pitā |
ekaikaromavivare brahmāṇḍamekamekakam || 13 ||
[Analyze grammar]

yasyaiva mahato viṣṇoḥ sa kṛṣṇaḥ ṣoḍaśāṃśajaḥ |
yaṃ vai dhyāyanti yogajñāḥ sevante dāsatāṃ gatāḥ || 14 ||
[Analyze grammar]

kiśoraḥ sundarataraḥ kāntānāṃ kamanīyakaḥ |
navīnajaladaśyāmaḥ pītāmbaradharo varaḥ || 15 ||
[Analyze grammar]

dvibhujo muralīhastaḥ sasmitaḥ sumanoharaḥ |
mayūrapicchacūḍaśca mālatīmālamaṇḍitaḥ || 16 ||
[Analyze grammar]

candanāgurukastūrīkuṃkumadravacarcitaḥ |
amūlyaratnasārāṇāṃ sārabhūṣaṇabhūṣitaḥ || 17 ||
[Analyze grammar]

amūlyaratnaracitakirīṭamukuṭojjvalaḥ |
śaratpraphullapadmānāṃ prabhāmoṣyāsyacandrakaḥ || 18 ||
[Analyze grammar]

pakvabimbasamānena hyadharauṣṭhena rājitaḥ |
pakvadāḍimabījābhadantapaṃktimanoharaḥ || 19 ||
[Analyze grammar]

susmitaparamāhlādaḥ trailokyacittamohanaḥ |
gaṇḍasthalakapolābhyāṃ jvalanmakarakuṇḍalaḥ || 20 ||
[Analyze grammar]

sadratnanūpurābhyāṃ ca caraṇāṃbhojarājitaḥ |
vahniśuddhaharidrābhāmūlyavastravirājitaḥ || 21 ||
[Analyze grammar]

maṇisvarṇādidivyābhūṣaṇavaryairvibhūṣitaḥ |
vinodamuralīyuktabimbādharamanoharaḥ || 22 ||
[Analyze grammar]

prasannatāprapūrṇaśca bhaktānugrahakārakaḥ |
sadratnaguṭikāyuktakavacoraḥsthalojjvalaḥ || 23 ||
[Analyze grammar]

kaustubhāsaktasadratnapradīptatejasojjvalaḥ |
śrīkṛṣṇaḥ sa parabrahma kiśoro dīvyati prabhuḥ || 24 ||
[Analyze grammar]

tasya vāme tu cārvaṃgī sakhī tiṣṭhati rādhikā |
paśyantaṃ sasmitaṃ kāntaṃ paśyantī vakracakṣuṣā || 25 ||
[Analyze grammar]

muktāpaṃktiparotkarṣadantapaṃktivirājitā |
īṣaddhāsyaprasannāsyā śaratpaṃkajalocanā || 26 ||
[Analyze grammar]

śaratpārvaṇacandrātirekabhā''syamanoramā |
bandhujīvapramādhikyādharauṣṭharucirānanā || 27 ||
[Analyze grammar]

raṇanmaṃjīrayugmena pādāmbujavirājitā |
maṇīndrāṇāṃ prabhāmoṣanararājivirājitā || 28 ||
[Analyze grammar]

kuṃkumābhāsamācchādya padādhorāgabhūṣitā |
amūlyaratnasārāṇāṃ raśanāśroṇibhūṣitā || 29 ||
[Analyze grammar]

hutāśanaviśuddhāṃśukā'mūlyajvalitojjvalā |
mahāmaṇīndrasārāṇāṃ kiṃkiṇīmadhyasaṃyutā || 30 ||
[Analyze grammar]

sadratnahārakeyūrakarakakaṃṇabhūṣitā |
ratnendrasāraracitakapolojjvalakuṇḍalā || 31 ||
[Analyze grammar]

karṇopari maṇīndrāṇāṃ karṇabhūṣaṇabhūṣitā |
khagendracañcunāsāgragajendramauktikānvitā || 32 ||
[Analyze grammar]

mālatīmālayā vakrakabarībhāraśobhitā |
mālayā kaustubhendrāṇāṃ vakṣaḥsthalasuśobhitā || 33 ||
[Analyze grammar]

pārijātaprasūnānāṃ mālājvālojjvalāṃbarā |
ratnāṃgulīyanikaraiḥ karāṃgulivibhūṣitā || 34 ||
[Analyze grammar]

prataptasvarṇavarṇābhā kanakojjvalavigrahā |
nitambaśroṇilalitā pīnastanasuśobhitā || 35 ||
[Analyze grammar]

saundaryabhūṣitā sarvairbhūṣaṇaiścāpi bhūṣitā |
padmapatradīrghanetrā premabhārasumantharā || 36 ||
[Analyze grammar]

kṛṣṇakāmanidhānāsā sarvayauvanasāgarā |
sarvarūpaparākāṣṭhā dhavalā raktasūjjvalā || 37 ||
[Analyze grammar]

premapravāhaprasaratkṛṣṇacittamanoharā |
kṛṣṇasparśaṃ vinā naiva kṣaṇamātraṃ kṛtasthitiḥ || 38 ||
[Analyze grammar]

kāntaṃ kṛṣṇaṃ vinā naiva kāntā tiṣṭhati kevalā |
ityeva śobhayā yuktau rādhākṛṣṇau pratiṣṭhataḥ || 39 ||
[Analyze grammar]

divye siṃhāsane tatra rājādhirājaśobhayā |
kiṃ vai nyūnaṃ bhagavato bhagavatyāḥ samāgame || 40 ||
[Analyze grammar]

pūrṇasya brahmaṇaḥ pūrṇabrahmaṇyāḥ kā nvapūrṇatā |
goloke tiṣṭhatāṃ yadvai kṣaṇaṃ yāti sukhāvaham || 41 ||
[Analyze grammar]

tanmātre tu kṣitau yānti saptamanvantarāṇi vai |
tādṛśe sarvadādīrghānandabhūmau tu tatra vai || 42 ||
[Analyze grammar]

gāvaḥ surabhayaḥ kāmadhenavo nīlagovṛṣāḥ |
caturdantā hastinaśca śvetāḥ svarṇādibhūṣaṇāḥ || 42 ||
[Analyze grammar]

pramadavarṣiṇaḥ ṣaṣṭhihāyanā vyomagāminaḥ |
śyāmakarṇāśca turagāḥ sapakṣā vyomasaṃcarāḥ || 44 ||
[Analyze grammar]

mayūragaruḍahaṃsāśca śukasārasamenakāḥ |
vividhāḥ pakṣiṇastatra vṛkṣāvallyaśca bhūriśaḥ || 49 ||
[Analyze grammar]

ḍaṃkāniśānāḥ śibikāguptakātāvadānakāḥ |
mānavavāhāḥ śataśo nijecchāvāhanāni ca || 46 ||
[Analyze grammar]

vividhāḥ smṛtayastatra vāyvaptejāṃsi sevakāḥ |
ṛtavaśca rasagandhaśabdarūpādisevakāḥ || 47 ||
[Analyze grammar]

upatiṣṭhanti goloke yatheṣṭaṃ bhogalabdhaye |
divyā rathā vyomagāśca divyāstādṛgvibhūtayaḥ || 48 ||
[Analyze grammar]

kiṃ vai divyasya kṛṣṇasyā'divyaṃ vai saṃbhavettadā |
kṛṣṇo divyo mahārājo divyā rājñī ca rādhikā || 49 ||
[Analyze grammar]

virajā dravadivyā vai pārṣadā gopagopikāḥ |
prāsādā vastumūrdhanyāḥ sarve divyā vasanti hi || 50 ||
[Analyze grammar]

śrīkṛṣṇasya rathastatra rājata divyavigrahaḥ |
maṇiratnendrasāreṇa hīrakeṇa vibhūṣitaḥ || 51 ||
[Analyze grammar]

śvetacāmaralakṣeṇa śobhito darpaṇā'yutaiḥ |
sūkṣmakāṣāyavastreṇa vahniśuddhena bhūṣitaḥ || 52 ||
[Analyze grammar]

sadratnakalaśānāṃ ca sahasreṇa suśobhitaḥ |
pārijātaprasūnānāṃ mālāsaṃghairvirājitaḥ || 53 ||
[Analyze grammar]

pārṣadapravarairyuktaḥ śātakuṃbhamayaḥ śubhaḥ |
tejastejaḥsvarūpaśca śatasūryasamaprabhaḥ || 54 ||
[Analyze grammar]

kṛṣṇaḥ kvacidrathe tatra nārāyaṇaścaturbhujaḥ |
bhūtvā tiṣṭhati lokādvai lokāntaraṃ pragacchati || 55 ||
[Analyze grammar]

tadā sa puruṣaḥ śyāmaḥ sundaraḥ kamanīyakaḥ |
śaṃkhacakragadāpadmadharaḥ pītāmbarāmbaraḥ || 56 ||
[Analyze grammar]

kirīṭī kuṇḍalī divyavanamālāvibhūṣitaḥ |
candanāgarukastūrīkuṃkumadravacarcitaḥ || 57 ||
[Analyze grammar]

caturbhujaḥ smeravaktro bhaktānugrahakātaraḥ |
maṇiratnendrasārāṇāṃ sārabhūṣaṇabhūṣitaḥ || 58 ||
[Analyze grammar]

mahālakṣmyā mahādevyā sarvadā kṛtasevanaḥ |
bhavatyaiśvaryadhṛksarvadevadevīpravanditaḥ || 59 ||
[Analyze grammar]

tadvāme ca rathe ramye śuklavarṇā pratiṣṭhati |
ratnālaṃkāraśobhāḍhyā śobhitā pītavāsasā || 60 ||
[Analyze grammar]

śaratpārvaṇacandrāsyā śaratpakajalocanā |
pakvabimbādharauṣṭhī ca smerānanā ca kāmadā || 61 ||
[Analyze grammar]

veṇuvīṇāgranthahastā bhaktānugrahakātarā |
vidyādhiṣṭhātṛdevī ca jñānarūpā sarasvatī || 62 ||
[Analyze grammar]

dakṣiṇe tu supārśve vai śatacandrasamaprabhā |
prataptasvarṇavarṇābhā sasmitā sumanoharā || 63 ||
[Analyze grammar]

sadratnakuḍalābhyāṃ ca sukapolavirājitā |
amūlyaratnakhacitā'mūlyavastreṇa bhūṣitā || 64 ||
[Analyze grammar]

amūlyaratnakeyūrakarakaṃkaṇaśobhitā |
sadratnasāramaṃjīrakalaśabdasamanvitā || 65 ||
[Analyze grammar]

maṇīndrakiṃkiṇīguṃjanmadhyakaṭisamanvitā |
pārijātādipuṣpāṇāṃ hārairvakṣasthalojjvalā || 66 ||
[Analyze grammar]

praphullamālatīmālāprotakabarikāyutā |
śaraccandrātitejasvimukhamaṇḍalaśobhitā || 67 ||
[Analyze grammar]

kastūrībindusammadhyasindūratilakānvitā |
sucārukajjalaśliṣṭaśaratpaṃkajalocanā || 68 ||
[Analyze grammar]

sahasradalaśobhāḍhyamahatkamalahastagā |
nārāyaṇaṃ hariṃ kṛṣṇaṃ paśyantī vakracakṣuṣā || 69 ||
[Analyze grammar]

tiṣṭhanto rathamadhye'pi viharanti trayo'pi te |
anyo'pi surathastasya nirmito viśvakarmaṇā || 70 ||
[Analyze grammar]

paṃcāśadyojanordhvaśca caturyojanavistaraḥ |
svarṇasāravikāraśca nānāratnaparicchadaḥ || 71 ||
[Analyze grammar]

maṇīndrasārasaṃyukto vahniśuddhāṃśukānvitaḥ |
śvetacāmarasaṃyukto bhūṣito darpaṇānvitaḥ || 72 ||
[Analyze grammar]

sadratnasārakalaśo mālāhāravirājitaḥ |
sahasracakrasaṃyukto manoyāyī manoharaḥ || 73 ||
[Analyze grammar]

grīṣmamadhyāhnamārtaṇḍatulyatejāḥ sudarśanaḥ |
muktāmāṇikyavajrādihīrakaiśca samujjvalaḥ || 74 ||
[Analyze grammar]

citraputtalikāpuṣpasaraḥkānanacitritaḥ |
ratiyogyavadhūyuktaḥ śobhate ratimandiraiḥ || 75 ||
[Analyze grammar]

tatra śrīkṛṣṇasevārthaṃ mahāmāyā'pi tiṣṭhati |
svarṇasārātisatkāntiratnālaṃkārabhūṣitā || 76 ||
[Analyze grammar]

mahātejo'dhikakāntā prabhāvāridhisadṛśī |
sahasrabhujasaṃyuktā nānā''yudhādidhāriṇī || 77 ||
[Analyze grammar]

īṣaddhāsyaprasannāsyā kṛṣṇakelikṛte sthitā |
gaṇḍasthalakapolasthasvarṇaratnasukuṇḍalā || 78 ||
[Analyze grammar]

ratnendrasāraracitakvaṇanmaṃjīramaṃjulā |
sanmaṇinaddhasauvarṇaraśanākaṭiśobhitā || 79 ||
[Analyze grammar]

ratnāktasvarṇakaṭakakeyūraśṛṃkhalānvitā |
mandārakalpaprasūnamālārājivirājitā || 80 ||
[Analyze grammar]

nitambakaṭhinaśroṇīkarkaśastanabhaṃgurā |
śaratpārvaṇacandrāsyā tejaḥparidhisūjjvalā || 81 ||
[Analyze grammar]

satkajjalaraktarekhānvitapaṃkajalocanā |
cāndanakaisaradravyakṛtapatralalāṭikā || 82 ||
[Analyze grammar]

muktādāḍimakundābhaśubhradantavirājitā |
vibhinnapuṣpakabarīyuktadhammilamantharā || 83 ||
[Analyze grammar]

śukagaruḍacañcvābhanāsānimnatvaśobhitā |
sāmudraphenasaiṃhādimauktikadhṛtamālikā || 84 ||
[Analyze grammar]

ujjvalāmbarakaṃcukīsvarṇatārasucandrakā |
kṛtordhvatilakā devyastathānyāḥ santi sevane || 85 ||
[Analyze grammar]

rukmiṇī satyabhāmā ca tathā jāmbavatī priyā |
kālindī mitravindā ca satyabhāmā tathā'parā || 86 ||
[Analyze grammar]

bhadrā ca lakṣmaṇā ceti mahiṣyastatra santi vai |
śataṃ ṣoḍaśasāhasraṃ patnīnāṃ maṃḍalaṃ mahat || 87 ||
[Analyze grammar]

kṛṣṇasevāṃ prakurvadvai rājate kṛṣṇasannidhau |
anyāsāmapi nāntosti sarvaṃ kṛṣṇavaśaṃ jagat || 88 ||
[Analyze grammar]

ekaviṃśatyabjagopyaḥ kṛṣṇasyaiva bhavanti vai |
anyāścāpi na saṃkhyātāḥ sarvaṃ taddāsyavadyataḥ || 89 ||
[Analyze grammar]

trayastriṃśadvayasyāśca hyaṣṭapaṭṭāṃganāstathā |
rādhā ceti pramukhyā vai bhavanti gokule priyāḥ || 90 ||
[Analyze grammar]

vasudevo devakī ca nando yaśovatī tathā |
uddhavaḥ sātyakirgargo'krūraścānye ca sātvatāḥ || 91 ||
[Analyze grammar]

gokule tu prahāretattatprākārabhūmiṣu |
sodyāneṣu mahādivyaprāsādeṣu vasanti vai || 92 ||
[Analyze grammar]

kṛṣṇasamānasaṃbhogā na kiṃcinnyūnamasti hi |
kṛṣṇāśritasakhīnāṃ tu bhramaṇārthaṃ mahānrathaḥ || 93 ||
[Analyze grammar]

caturyojanavistīrṇaṃ ūrdhve ca pañcayojanaḥ |
śuddhasphaṭikasaṃkāśo ratnasāravinirmitaḥ || 94 ||
[Analyze grammar]

amlānapārijātānāṃ mālājālavirājitaḥ |
maṇīnāṃ kaustubhānāṃ ca bhūṣaṇena vibhūṣitaḥ || 95 ||
[Analyze grammar]

amūlyaratnakalaśo hīrahāravirājitaḥ |
manoharaiḥ pariṣvaktaḥ sahasrakoṭimandiraiḥ || 96 ||
[Analyze grammar]

sahasradvayacakraśca sahasradvayaghoṭakaḥ |
sūkṣmavastrācchāditaśca gopīkoṭibhirāvṛtaḥ || 97 ||
[Analyze grammar]

kimanyadvarṇaye tasya kṛṣṇasya śrīhareḥ prabhoḥ |
mahānasāni ramyāṇi bhojyāgārāṇi yāni ca || 98 ||
[Analyze grammar]

snānāgārāṇi śṛmagārabhūṣāgārāṇi yāni ca |
kelyāgārāṇi mitrāṇāṃ sabhāgārāṇi vai tathā || 99 ||
[Analyze grammar]

nṛtyāgārāṇi ca samājotsavāgārakāṇyapi |
krīḍāgārāṇi ca vihāraratyāgārakāṇi ca || 100 ||
[Analyze grammar]

śayyāgārāṇi sucandraśālāḥ sahasrabhūmayaḥ |
yāni yānyeva santyatra nānyadhāmasu tāni vai || 101 ||
[Analyze grammar]

svayaṃ śrīhariṇā kṛṣṇarūpeṇa sukhadena vai |
sukhadānāya bhaktānāṃ nārīṇāṃ tu viśeṣataḥ || 102 ||
[Analyze grammar]

dhṛtaṃ rūpaṃ rājasaṃ cāmoghavīryaṃ balaṃ hi tat |
tatra kiṃ nāma vaktavyaṃ nyūnaṃ svalpaṃ ca vā nahi || 103 ||
[Analyze grammar]

paripūrṇasya sarvatra kā nāmā'pūrṇatayā bhavet |
iti te kathitaṃ devi kiñcidgolokamaṇḍalam || 104 ||
[Analyze grammar]

sarvathā naiva vaktuṃ vai ceṣṭe kṛṣṇo'pi tat svayam |
ya imaṃ kṛṣṇagolokaṃ śroṣyati vā paṭhiṣyati || 105 ||
[Analyze grammar]

sudurlabhāṃ dṛḍhāṃ bhaktiṃ śrīkṛṣṇe sa hi lapsyate |
aṇimādikasiddhiṃ ca sālokyādicatuṣṭayam || 106 ||
[Analyze grammar]

ihaiva kṛṣṇatulyatvaṃ vāksiddhiṃ ca yaśo mahat |
putraṃ vidyāṃ kavitvaṃ ca niścalāṃ kamalāṃ tathā || 107 ||
[Analyze grammar]

patnīṃ pativratāṃ sādhvīṃ suśīlāṃ susthirāṃ prajām |
kīrtiṃ ca cirakālīnāṃ tvante kṛṣṇāntike gatim || 108 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne ratnasiṃhāsanaśrīkṛṣṇarādhikātatsmṛddhirathacaturbhujarūpasarasvatīmahāmāyārūpamahālakṣmīrādhāśata |
sahasrāṣṭapaṭṭāṃganātatsaudhādinirūpaṇanāmā dvāviṃśatyadhikaśatatamo'dhyāya || 122 ||
[Analyze grammar]