Chapter 121

śrīnārāyaṇa uvāca |
tato lakṣmi mahādevaḥ pārvatī prāha śobhanam |
saprākāraṃ tu golokaṃ mandirādisthalānvitam || 1 ||
[Analyze grammar]

tasya prākāravistāraḥ koṭiyojanamucyate |
caturdvārānvitaścaivākāśavimānasaṃśritaḥ || 2 ||
[Analyze grammar]

gopasamūharakṣāḍhyo dvārapālasamanvitaḥ |
prāsādā ratnakhacitā bahubhogyārthasaṃbhṛtāḥ || 3 ||
[Analyze grammar]

kṛṣṇārthakṛtasarvasvapaṃcāśatkoṭigopikāḥ |
santi vasanti tatratyaprāsādeṣu ca tāḥ priyāḥ || 4 ||
[Analyze grammar]

tatrāśramāśca bhaktānāṃ gopānāṃ śatakoṭayaḥ |
vṛkṣavallībhogyajātaprapūritasukhapradāḥ || 5 ||
[Analyze grammar]

tato'pyadhikavistārā ratnamaṇicamatkṛtāḥ |
āśramāḥ pārṣadānāṃ ca bhavanti daśakoṭayaḥ || 6 ||
[Analyze grammar]

sarvasiddhiprapūrṇāśca na nyūnaṃ vidyate'pyaṇu |
dvādaśahāyanāḥ kanyāḥ kumārāḥ ṣoḍaśābdikāḥ || 7 ||
[Analyze grammar]

tato'pi pārṣadavarāḥ śrīkṛṣṇarūpadhāriṇaḥ |
prāsādakṛtavāsāste vartante koṭiśo'pare || 8 ||
[Analyze grammar]

naiteṣāṃ śrīkṛṣṇavāsānnivāse nyūnatā'lpikā |
prāsādādā rādhikāśuddhabhaktagopījanairyutāḥ || 9 ||
[Analyze grammar]

ratnamaṇisvarṇakṛtā dvātriṃśatkoṭayo'pare |
rādhābhaktapragopīṇāṃ kiṃkarīṇāṃ tathā gṛhāḥ || 10 ||
[Analyze grammar]

bhavanāni vicitrāṇi santi vai daśakoṭayaḥ |
divyāḥ svarṇamayā ratnamaṇihīrakanirmitāḥ || 11 ||
[Analyze grammar]

golokāntargatāḥ sarve prāsādāḥ santi kāmadāḥ |
śatajanmatapaḥpūtā haribhaktiratāśca ye || 12 ||
[Analyze grammar]

kṛṣṇārthakṛtasarvasvā rādhākṛṣṇetijāpakāḥ |
yānti golokadhāmaite prākāre pravasanti ca || 13 ||
[Analyze grammar]

teṣāṃ nivāsāḥ sadratnamaṇimāṇikyanirmitāḥ |
puṣpaśayyāpuṣpamālāśvetacāmaraśobhitāḥ || 14 ||
[Analyze grammar]

ratnadarpaṇaśobhāḍhyā harinmaṇipraśobhitāḥ |
amūlyaratnakalaśavrātaprānvitaśekharāḥ || 15 ||
[Analyze grammar]

amoghavīryasaṃbhṛtadivyapuṣṭaśararikāḥ |
gopagopīgaṇā bhaktāḥ sūkṣmavastravibhūṣaṇāḥ || 16 ||
[Analyze grammar]

vividhā'mṛtabhogāśca vasanti koṭikoṭayaḥ |
tato madhye mahodyāne rāseśvaryāḥ paro mahān || 17 ||
[Analyze grammar]

āśramo vartate vyasto rādhāyāḥ smṛtisaṃbhṛtaḥ |
devādhidevyā gopīnāṃ varāyāścārunirmitaḥ || 18 ||
[Analyze grammar]

prāṇādhikāyāḥ kṛṣṇasya ramyadravyamanoharaḥ |
sucāruvartulākāraḥ ṣaḍgavyūtipramāṇakaḥ || 19 ||
[Analyze grammar]

śatamandirasaṃyukto jvalito ratnatejasā |
amūlyaratnasārāṇāṃ cayairviracito varaḥ || 20 ||
[Analyze grammar]

durlaṃghyābhirgabhīrābhiḥ parikhābhiḥ suśobhitaḥ |
kalpavṛkṣaiḥ parivṛtāḥ puṣpodyānaśatāntaraḥ || 21 ||
[Analyze grammar]

sumūlyaratnakhacitaprākāreṇa suveṣṭitaḥ |
sadratnavedikāgarbhasaptadvāraiḥ suśobhitaḥ || 22 ||
[Analyze grammar]

vartulaḥ sumahāṃstatra tūdyāno vartate'bhitaḥ |
sarvatastatra tatrāpi vṛkṣavallīsamanvitaḥ || 23 ||
[Analyze grammar]

āntarodyānamadhye'tra prākāro vartate'paraḥ |
sarvatastatra tatrāpi ṣoḍaśadvārasaṃyutaḥ || 24 ||
[Analyze grammar]

sahasradhanurūrdhvotthaḥ kalaśaśṛṃgamaṇḍitaḥ |
tejasā prajvalan ramyo vimānaśatamaṇḍitaḥ || 25 ||
[Analyze grammar]

prākāraṃ paritastaṃ ca kṛṣṇaprāsādasadṛśāḥ |
gopānāṃ gopikānāṃ ca śatasaudhamitāśramāḥ || 26 ||
[Analyze grammar]

prākārāntargatastatrodyāno divyaphalānvitaḥ |
divyapuṣpānvitaścaiva divyavārisukuṇḍakaḥ || 27 ||
[Analyze grammar]

divyaṃ sarovaraṃ ramyaṃ vartate tatra dakṣiṇe |
tattīre nṛpasaudho'sti yatra nṛtyanti nartakāḥ || 20 ||
[Analyze grammar]

sutānaṃ cārusaṃgītaṃ rādhākṛṣṇaguṇānvitam |
gāyanti gītapīyūṣaṃ vādakā gāyakāstathā || 29 ||
[Analyze grammar]

nānāveṣadharāstatra gopikāśca manoharāḥ |
sthāne sthāne pradṛśyante kṛṣṇaprasādalālasāḥ || 30 ||
[Analyze grammar]

kāścinmṛdaṃgahastāśca kāścidvīṇākarāstathā |
kāściccāmarahastāśca karatālakarāḥ parāḥ || 31 ||
[Analyze grammar]

kāścid vāditrahastāśca kāścinnūpuraśobhitāḥ |
kiṃkiṇībhūṣaṇaiḥ kāścicchabdayanti tu maṇḍapam || 32 ||
[Analyze grammar]

kāścitkuṃbhān gṛhītvā tu karayormastake tathā |
puṃveśanāyikāstatra nṛtyanti bahuvedhataḥ || 33 ||
[Analyze grammar]

kuṣṇaveśadharāḥ kāścid rādhāveśadharāḥ parāḥ |
kāściddūraṃ sthitāḥ kāścit kṛṣṇāliṃganatatparāḥ || 34 ||
[Analyze grammar]

krīḍāsaktāśca gopyastāḥ kṛṣṇaṃ bhajanta ityapi |
tatpārśve sarasastīre saudhāḥ santi varā varāḥ || 35 ||
[Analyze grammar]

rādhāsakhīnāṃ te gehā vartante bhavyadarśanāḥ |
trayastriṃśadvayasyāstā rādhāyāḥ pūrayauvanāḥ || 36 ||
[Analyze grammar]

rūpeṇaiva guṇenaiva veṣeṇa yauvanena ca |
saubhāgyenaiva vayasā sadṛśyo rādhayā ca tāḥ || 37 ||
[Analyze grammar]

nāmāni śṛṇu girije trayastriṃśattu mukhyataḥ |
candrakalā suśīlā ca yamunā mādhavī ratiḥ || 38 ||
[Analyze grammar]

kadambamālā sukuntī jāhnavī ca svayaṃprabhā |
padmamukhī ca sāvitrī gāyatrī sumukhī sudhā || 39 ||
[Analyze grammar]

padmālayā pārijātā sugaurī sarvamaṃgalā |
kālikā kamalā durgā bhāratī ca sarasvatī || 40 ||
[Analyze grammar]

gaṃgā'mbikā madhumatī campā'parṇā ca sundarī |
kṛṣṇapriyā brahmasatī nandinī nandanā tathā || 41 ||
[Analyze grammar]

etāsāṃ tāni saudhāni kṛṣṇasaudhasamāni hi |
ratnadhātubhogyavastusvarṇakalaśavanti vai || 42 ||
[Analyze grammar]

yatra yatra kanyakāśca gopyaḥ sakhyaśca gopakāḥ |
kṛṣṇārthakṛtasarvasvāstatra tatra gṛhe gṛhe || 42 ||
[Analyze grammar]

naikarūpadharaḥ kṛṣṇo vartate ramate tayā |
tayā tayā ca preyasyā tena tena ca sarvathā || 44 ||
[Analyze grammar]

rādhākṛṣṇasya saudhasya ye prākāre tu ṣoḍaśa |
gopurāḥ santi tatrādirgopuro maṇiratnajaḥ || 45 ||
[Analyze grammar]

vedikāyugmasaṃyukto vajraratnakapāṭakaḥ |
vartate dvārapastatra vīrabhānuḥ suyauvanaḥ || 46 ||
[Analyze grammar]

ratnasiṃhāsanasthaśca ratnabhūṣaṇabhūṣitaḥ |
pītāmbaradharo ratnamukuṭojjvalamastakaḥ || 47 ||
[Analyze grammar]

yasyājñāyāṃ sārdhadvayalakṣagopā bhavanti hi |
dvitīye gopure tatra tato'pyadhikasundare || 48 ||
[Analyze grammar]

dvārapālaścandrabhānuḥ kiśoraḥ śyāmalo'sti hi |
svarṇavetradharo ratnasiṃhāsanasamasthitaḥ || 49 ||
[Analyze grammar]

yasyājñāyāṃ paṃcalakṣagopā vartanta īśvarāḥ |
tṛtīye gopure tatra tato'timaṇitaijase || 50 ||
[Analyze grammar]

dvārapālaḥ sūryabhānuḥ kiśoro muralīdharaḥ |
ratnadaṇḍakaraḥ svarṇamaṇikuṇḍalarājitaḥ || 51 ||
[Analyze grammar]

yasyājñāyāṃ navalakṣagopāḥ śyāmalasundarāḥ |
caturthe gopure tebhyo vilakṣaṇavibhūṣite || 52 ||
[Analyze grammar]

vasubhānurdvārapālaḥ kiśoro'sti vrajeśvaraḥ |
maṇidaṇḍadharo ratnasiṃhāsanakṛtāsanaḥ || 53 ||
[Analyze grammar]

pakvabimbādharauṣṭhaśca sarvabhūṣāvibhūṣitaḥ |
yasyājñāyāṃ navalakṣagopāḥ santi manoharāḥ || 54 ||
[Analyze grammar]

paṃcame gopure vajrabhitticitrapracitrake |
dvārapālo devabhānuścārusiṃhāsanasthitaḥ || 55 ||
[Analyze grammar]

mayūrapicchacūḍaśca ratnamālāsukuṇḍalaḥ |
yasyājñāyāṃ daśalakṣagopāḥ santi vyavasthitāḥ || 56 ||
[Analyze grammar]

ṣaṣṭhe tu gopure vajrabhittikapāṭaśobhite |
dvārapālaḥ śukrabhānuḥ sarvābharaṇabhūṣitaḥ || 57 ||
[Analyze grammar]

yasyājñāyāṃ daśalakṣagopāḥ santi vyavasthitāḥ |
saptame gopure ṣaḍbhyaścātiśobhe vilakṣaṇe || 58 ||
[Analyze grammar]

dvārapo ratnabhānuḥ śrīhareḥ priyatamo yuvā |
puṣpacandanabhūṣāḍhyo siṃhāsanasthavetradhṛk || 59 ||
[Analyze grammar]

yasyājñāyāṃ tu vartante gopā dvādaśalakṣakāḥ |
aṣṭame gopure tebhyaḥ saptabhyo'pi vilakṣaṇe || 60 ||
[Analyze grammar]

dvārapālaḥ supārśvo'sti ratnadaṇḍasubhūṣaṇaḥ |
ratnakuṇḍalaśobhāḍhyo bandhujīvā'dharauṣṭhakaḥ || 61 ||
[Analyze grammar]

yasyājñāyāṃ sadā santi gopā dvādaśalakṣakāḥ |
navame gopure vajraratnāḍhye citramālake || 62 ||
[Analyze grammar]

dauvārikaḥ subalo'sti lalitākṛtibhūṣaṇaḥ |
yasyājñāyāṃ tathā santi gopā dvādaśalakṣakāḥ || 63 ||
[Analyze grammar]

daśame gopure ramye'nirvācyavarṇane pare |
dvārapastu sudāmā'sti kṛṣṇatulyamanoharaḥ || 64 ||
[Analyze grammar]

daṇḍahasto yadājñāyāṃ gopā viṃśatilakṣakāḥ |
ekādaśe gopure sucitraramye tathādbhute || 65 ||
[Analyze grammar]

dvārapālaḥ śrīdāmā'sti ratnasiṃhāsanasthitaḥ |
pītavastradharo'mūlyabhūṣācandanaśobhitaḥ || 66 ||
[Analyze grammar]

kuṇḍalakaṭakapuṣpamālāmukuṭasūjjvalaḥ |
yasyājñāyāṃ koṭigopāstena rājendrasadṛśaḥ || 67 ||
[Analyze grammar]

dvādaśe gopure'mūlyaratnavedicatuṣṭaye |
vicitracitrasadvajrabhitticitramanohare || 68 ||
[Analyze grammar]

dvārapāstatra gopyo vai santyābharaṇabhūṣitāḥ |
navayauvanasampannāḥ kabarībhārabhūṣitāḥ || 69 ||
[Analyze grammar]

pītaraktādyambarāstāḥ sugandhipuṣpadhammilāḥ |
ratnasvarṇamaṇibhūṣābhūṣitāḥ svarṇakaṃkaṇāḥ || 70 ||
[Analyze grammar]

keyūranūpurakuṇḍalyāgryaśobhitavigrahāḥ |
pīnaśroṇībharānamrā nitambabhāramantharāḥ || 71 ||
[Analyze grammar]

śatagopyo hareḥ preṣṭhāḥ śreṣṭhāstiṣṭhanti gopure |
tāsāṃ tu sevikāḥ koṭigopyaḥ santi haripriyāḥ || 72 ||
[Analyze grammar]

trayodaśe caturdaśe paṃcadaśe ca gopure |
gopyastu dvārapāḥ santi prodbhinnanavayauvanāḥ || 73 ||
[Analyze grammar]

śreṣṭhā manoharā ramyā varā dhanyāḥ suśobhanāḥ |
rādhāpriyāḥ subhūṣāḍhyāḥ kṛṣṇasaubhāgyamaṃgalāḥ || 74 ||
[Analyze grammar]

koṭyabjagopikāstāsāmājñākaryo bhavanti hi |
ṣoḍaśe gopure mukhyāstrayastriṃśattu gopikāḥ || 75 ||
[Analyze grammar]

santi tu dvārapāstāsāṃ rūpaṃ vaktuṃ na śakyate |
na pārvatī na vai lakṣmīrnorvaśī rādhikā kimu || 76 ||
[Analyze grammar]

tādṛśyastā ratnabhūṣābhūṣitā dṛḍhayauvanāḥ |
ratnakaṃkaṇakeyūrasvarṇanūpurabhūṣitāḥ || 77 ||
[Analyze grammar]

sakiṃkiṇīraśanābhirmadhyadeśe subhūṣitāḥ |
ratnakuṇḍalatejobhirgaṇḍasthalasamujjvalāḥ || 78 ||
[Analyze grammar]

praphullamālatīmālāmaṇihārādiśobhitāḥ |
śaratpārvaṇacandrārhamukhamaṇḍalamaṇḍitāḥ || 79 ||
[Analyze grammar]

pārijātaprasūnādimālāhāralasatstanāḥ |
pakvabimbādharauṣṭhyaśca smerānanasaroruhāḥ || 80 ||
[Analyze grammar]

pakvadāḍimabījāgryakundadantasupaṃktayaḥ |
svarṇacampakasadvarṇāstanūdaryaḥ kaṭikṛśāḥ || 81 ||
[Analyze grammar]

gajamauktikasaṃsaktasvarṇavālikanāsikāḥ |
śukacañcunimnanāsāḥ kaṭhinastanabandhanāḥ || 82 ||
[Analyze grammar]

pīnaśroṇībharāḥ kṛṣṇacaraṇāsaktamānasāḥ |
svarṇatārāñcitadīrghapaṭakapāṭatoraṇe || 83 ||
[Analyze grammar]

gopure vedikāyukte tāstiṣṭhanti haripriyāḥ |
gopurāntaḥsthalaṃ sarvaṃ maṇiratnādibhūṣitam || 84 ||
[Analyze grammar]

haritsindūramaṇibhirbhittidvayavirājitam |
pārijātaprasūnānāṃ mālābhiśca suvāsitam || 85 ||
[Analyze grammar]

tadantastatra puṣpāṇāmudyāno vartate mahān |
tatra rādhāmahāsaudhaḥ kṛṣṇamandirameva saḥ || 86 ||
[Analyze grammar]

mandirāṇāṃ ca madhyasthaḥ śataśālo manoharaḥ |
vimānaiḥ saptakaiḥ kāmyaiḥ śālāsu gamyate tu saḥ || 87 ||
[Analyze grammar]

kevalaiḥ ratnasāraiśca racito divya eva saḥ |
nānāratnamaṇistambhairvajrayuktaiśca bhūṣitaḥ || 88 ||
[Analyze grammar]

pārijātaprasūnānāṃ mālājālaiśca rājitaḥ |
muktāmāṇikyahīrakakṛtabhittimanoharaḥ || 89 ||
[Analyze grammar]

śvetacāmaradarpaṇavyajanaiḥ kalaśairyutaḥ |
paṭṭasūtragranthiyuktaśrīkhaṇḍapallavānvitaḥ || 90 ||
[Analyze grammar]

maṇistaṃbhasamūhaiśca ramyaprāṃgaṇabhūṣitaḥ |
candanāgurukastūrīkuṃkumadravasaṃyutaḥ || 91 ||
[Analyze grammar]

śuṣkadhānyaśuklapuṣpapravālaphalataṇḍulaiḥ |
parṇadurvā'kṣatalājākuṃbhahāravirājitaḥ || 92 ||
[Analyze grammar]

vividhagandhasaṃsaktapavanaiḥ surabhīkṛtaḥ |
adṛṣṭā'śrutamagryaṃ yad brahmāṇḍe durlabhaṃ ca yat || 93 ||
[Analyze grammar]

tattadvastuśobhitaśca prāsādo rādhikākṛte |
ratnamaṃcāḥ sulalitāḥ sūkṣmavastraparicchadāḥ || 94 ||
[Analyze grammar]

koṭiśo ratnakubhāśca ratnapātrāṇi santi vai |
amūlyacāruvividhatattadvastuvibhūṣitaḥ || 95 ||
[Analyze grammar]

nānāprakāravādyānāṃ miṣṭanādairnināditaḥ |
svarayantraiśca vīṇābhirgopīsaṃgitasuśrutaḥ || 96 ||
[Analyze grammar]

mohano vādyaśabdaiśca gāyikāgītibhistathā |
gopānāṃ kṛṣṇatulyānāṃ samūhaiḥ parivāritaḥ || 97 ||
[Analyze grammar]

rādhāsakhīnāṃ gopīnāṃ bahuvṛndairvirājitaḥ |
rādhākṛṣṇaguṇodrekapadasaṃgītasuśrutaḥ || 98 ||
[Analyze grammar]

śrūyate madhuraṃ gītaṃ dṛśyate nṛtyamuttamam |
āpyate paramānandaḥ kṛṣṇalīlāraso'drije || 99 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne golokaprākāraprāsādodyānāntaḥpuraprākāraprāsādodyānaṣoḍaśagopuradvārapālādivarṇananāmaikaviṃśatyadhika |
śatatamo'dhyāyaḥ || 121 ||
[Analyze grammar]