Chapter 120

śrīnārāyaṇa uvāca |
tato lakṣmi jagadbandhuḥ śaṃkaro lokaśaṃkaraḥ |
pārvatīṃ kathayāmāsa golokaparivarṇanam || 1 ||
[Analyze grammar]

golokaṃ śrīhareḥ kṛṣṇabhagavato nivāsanam |
sarvasmṛddhivilāsādidāsīdāsādyanantavat || 2 ||
[Analyze grammar]

avadhāraya deveśi samādhau darśitaṃ tu me |
virajāyā mahānadyāḥ pāre prākāravān giriḥ || 3 ||
[Analyze grammar]

śataśṛṃgaśca paṃcāśatkoṭiyojanavartulaḥ |
koṭiyojanamūrdhvaṃ vyāso daśakoṭiyojanaḥ || 4 ||
[Analyze grammar]

tasyaikaśṛṃge rāsamaṃḍalaṃ tu daśayojanam |
tato vṛndāvanaṃ tadvad dvātriṃśacca vanāni vai || 5 ||
[Analyze grammar]

tato'gre tvakṣayavaṭo gopagopyādisṛṣṭayaḥ |
tata ūrdhvaṃ cidākāśe golokaṃ ca tato'kṣaram || 6 ||
[Analyze grammar]

vicitraṃ subhagaṃ dhāma jarāmṛtyuharaṃ hi tat |
brahmaṇā dhāryamāṇaṃ ca nirmitaṃ svecchayā hareḥ || 7 ||
[Analyze grammar]

naiva varṇayituṃ śakyaṃ tathāpi varṇaye tvaṇu |
virajāyāḥ pṛthutīrau mayā dṛṣṭau samādhinā || 8 ||
[Analyze grammar]

śuddhasphaṭikasaṃkāśau suvistīrṇau manoharau |
muktāmāṇikyaparamamaṇiratnākarānvitau || 9 ||
[Analyze grammar]

kṛṣṇaśubhraharidraktamaṇirājivirājitau |
suprakāśapravālau tau kutracitsumanoharau || 10 ||
[Analyze grammar]

paramā'mūlyasadratnākararājivibhūṣitau |
anyādṛśyamahāścaryasvarṇanidhyākarānvitau || 11 ||
[Analyze grammar]

padmarāgendranīlānāmākarau kutracit priye |
kutracicca marakatākaraśreṇīsamanvitau || 12 ||
[Analyze grammar]

syamantakākarau kutra kutracid rucakākarau |
amūlyapītavarṇābhau maṇiśreṇyākarānvitau || 13 ||
[Analyze grammar]

ratnākarau kutracicca kutracit kaustubhākarau |
kutra nirvacanīyānāṃ maṇīnāmākarau śubhau || 14 ||
[Analyze grammar]

kutraciddivyasadramyavihāraprasthalau matau |
tādṛśī virajā ramyā sarit tīraiḥ suśobhitā || 15 ||
[Analyze grammar]

saṃveṣṭaya vartulā cāste śataśṛṃgaṃ tu parvatam |
divyasvarṇamayaṃ koṭisūryaprasaradujjvalam || 16 ||
[Analyze grammar]

pārijātatarūṇāṃ ca vanairdīrghairvirājitam |
nānākalpataruvyāptaṃ kāmadhenusumaṇḍitam || 17 ||
[Analyze grammar]

koṭiyojanamūrdhvaṃ ca vyāse daśaguṇottaram |
śailadairghyaṃ mitaṃ tatra pañcāśatkoṭiyojanam || 18 ||
[Analyze grammar]

prākārākāramasyaikaśikhare rāsamaṇḍalam |
daśayojanavistīrṇaṃ vartulākāramuttamam || 19 ||
[Analyze grammar]

naikapuṣpodyānakoṭisugandhipuṣpavāsitam |
kāmottejakavastvādirājitaṃ rāsamaṇḍalam || 20 ||
[Analyze grammar]

tatra ratyarthasaudhādiratnamaṇḍapakoṭayaḥ |
sopānaniḥśreṇīmaṇḍitā naikabhūmayaḥ || 21 ||
[Analyze grammar]

sadratnasvarṇakalaśairmaṇistambhaiḥ suśobhitāḥ |
stambheṣu khacitā harinmaṇayaśca manoharāḥ || 22 ||
[Analyze grammar]

sindūravarṇamaṇaya indranīlāḥ prabhākarāḥ |
naddharatnaprabhedāśca maṇibhedāḥ sudarśanāḥ || 23 ||
[Analyze grammar]

tasya maṇḍapavaryasya catvāro gopurāstathā |
dṛṣṭāḥ kapāṭaśobhāḍhyā divyā gaganacumbinaḥ || 24 ||
[Analyze grammar]

rajjugranthisamāyuktarasālapallavānvitāḥ |
kadalīstambhanivahā yatra śobhanta āditaḥ || 25 ||
[Analyze grammar]

sthale sthale maṇḍape'tra śobhā klṛptā navā navā |
śukladhānyaparṇajālaphaladurvāṃkurānvitā || 26 ||
[Analyze grammar]

candanāgurukastūrīkuṃkumadravacarcitā |
ramante gopakanyānāṃ samūhāḥ koṭiśo'tra vai || 27 ||
[Analyze grammar]

ratnālaṃkārabhūṣāḍhyā ratnamālāvirājitāḥ |
ratnakaṃkaṇakeyūraratnanūpurabhūṣitāḥ || 28 ||
[Analyze grammar]

ratnakuṇḍalatroṭyādigaṇḍasthalavirājitāḥ |
ratnāṃgulīyalalitahastāṃgulivirājitāḥ || 29 ||
[Analyze grammar]

ratnapāśakabhūṣāḍhyapadāṃgulisuśobhitāḥ |
ratnabhūṣābhūṣitāśca sadratnamukuṭojjvalāḥ || 30 ||
[Analyze grammar]

gajendramuktālaṃkārarājitaśubhanāsikāḥ |
alakā'dhaḥsthalojjvalakṛtasindūracandrakāḥ || 31 ||
[Analyze grammar]

pītacampakavarṇābhāścandanadravacarcitāḥ |
pītāmbaraparīdhānā bimbādharamanoharāḥ || 32 ||
[Analyze grammar]

śaratpārvaṇacandrotthaprabhojjvalamukhāmbujāḥ |
śaratpraphullapadmāgryadalaśobhitalocanāḥ || 33 ||
[Analyze grammar]

netrapuṭadvayalagnaprāñjitakajjalonmadāḥ |
praphullamālatīmālājālakaṃbaraśobhitāḥ || 34 ||
[Analyze grammar]

gajahaṃsagatiśreṣṭhamantharāgatimohanāḥ |
vakrabhrūbhaṃgasaṃyogaślakṣṇasmitasamanvitāḥ || 35 ||
[Analyze grammar]

pakvadāḍimabījābhadantapaṃktivirājitāḥ |
khagendracañcuśobhāḍhyanāsikonnatibhūṣitāḥ || 36 ||
[Analyze grammar]

gajendragaṇḍayugmābhasvarṇastanabharā''natāḥ |
nitambakaṭhinaśroṇīpīnabhārabharā''natāḥ || 37 ||
[Analyze grammar]

kandarpadarpavilasanmānasā madavihvalāḥ |
darpaṇe pūrṇacandrāsyasaundaryadarśanotsukāḥ || 38 ||
[Analyze grammar]

rādhikākṛṣṇacaraṇasevāsaktamanorathāḥ |
sundaryaḥ ṣoḍaśavarṣā bharayauvanamārgaṇāḥ || 39 ||
[Analyze grammar]

viharanti mahādivye rāsamaṇḍalamaṇḍape |
kriyāsarāṃsi lakṣāṇi puṣpodyānāni koṭiśaḥ || 40 ||
[Analyze grammar]

lohitaśvetaraktābhapadmakoṭyanvitāni vai |
divyamadhupasannādaguñjitatīravanti ca || 41 ||
[Analyze grammar]

puṣpaśayyāgarbhakuṃjakuṭīrakoṭiśobhitaḥ |
maṇḍapaḥ parito ratnapradīpakiraṇojjvalaḥ || 42 ||
[Analyze grammar]

bhogadravyasakarpūratāmbūlavastrasaṃyutaḥ |
śvetacāmaradarpaṇavicitrapuṣpahārakaḥ || 43 ||
[Analyze grammar]

bhavyastu śobhate rāsamaṇḍapo'tha tataḥ param |
vicitraśobhaṃ ramyaṃ ca sudivyaṃ vartate vanam || 44 ||
[Analyze grammar]

vanaṃ vṛndāvanaṃ nāma rādhāmādhavayoḥ priyam |
tayoḥ krīḍāvihārārthaṃ kalpadrumamayaṃ param || 45 ||
[Analyze grammar]

mandavāyuprakampena śobhate cetanaṃ sadā |
kamalasthalapadmādikastūryādisugandhitam || 46 ||
[Analyze grammar]

kokilākūjanairnūtnapallavaiśca manoharam |
ramaṇārthaṃ kadambānāṃ kuṃjaiḥ sukamanīyakam || 47 ||
[Analyze grammar]

bakulakundamandāracandanasvarṇacampakaiḥ |
tattatsugandhisatpuṣpaiḥ paritaḥ surabhīkṛtam || 48 ||
[Analyze grammar]

nāgaraṃgapanasā''mratālaśrīphaḷakharjuraiḥ |
jambūbadarikāgurvākāmrātakasudāḍimaiḥ || 49 ||
[Analyze grammar]

jambīrakadalīnārikelairyuktaṃ manoramam |
śālmalyaśvatthatintiḍīnimbapippalisarjakaiḥ || 50 ||
[Analyze grammar]

saṃkulaṃ vividhairvṛkṣaiḥ sarvadā phalapuṣpadhṛk |
mallikāmālatīsvarṇāketakīmādhavīyutam || 51 ||
[Analyze grammar]

yūthikācitrapuṣpyādivallyullocavirājitaiḥ |
cārukuṃjakuṭīraiśca paṃcāśatkoṭibhiryutam || 52 ||
[Analyze grammar]

ratnadīpāḥ koṭikoṭyo dhūpāstatra sugandhinaḥ |
śṛṃgāradravyasammiśrā'nilā vānti samantataḥ || 53 ||
[Analyze grammar]

sugandhyarkacandanāktapuṣpaśayyāḥ sthale sthale |
divyamuktadhṛtarūpadvirepharavanādite || 54 ||
[Analyze grammar]

ramye vṛndāvane gopyo ratnālaṃkāraśobhitāḥ |
paṃcāśatkoṭigopyastā vasanti rādhikājñayā || 55 ||
[Analyze grammar]

tatrābhyantarabhūmau dvātriṃśadvanāni santi vai |
kalpadrupārijātākhyakadambādikanāmabhiḥ || 56 ||
[Analyze grammar]

tattadvṛkṣaviśeṣaiśca vanāni santi vartule |
tato vṛndārakaṃ sthānaṃ gopagopīkṛtagṛham || 57 ||
[Analyze grammar]

goṣṭhānāṃ gopagopīnāṃ nagarāṇi vasanti vai |
puṣpodyānasahasrāṇāṃ sahasrāṇi bhavanti ca || 58 ||
[Analyze grammar]

pañcāśatkoṭigopīnāṃ gṛhebhyo'pyuttamāni vai |
saudhāni santi pratyekaṃ śrīkṛṣṇasyeva rūpataḥ || 59 ||
[Analyze grammar]

śrīkṛṣṇatulyarūpāśca sarvā dvādaśahāyanāḥ |
arbudā'rbudasaṃkhyākā rūparūpātirūpaṇāḥ || 60 ||
[Analyze grammar]

gopyo gopā hyasaṃkhyātā vṛndārake vasanti hi |
ratnahīrakamāṇikyamaṇisvarṇādibhūmike || 61 ||
[Analyze grammar]

divye vṛndārake tatra smṛddhayaḥ santyanantaśaḥ |
tata ārabhya goloko brahmadhāmni sthito'ntare || 62 ||
[Analyze grammar]

tasya vai parito gopagopīnāṃ maṇḍalāni vai |
vṛndārake cābhitastu golokasyābhitastathā || 63 ||
[Analyze grammar]

vasatayo vartule vai vṛndārake vasanti hi |
vṛndārakāṇāṃ vāsānāṃ madhye golokamuttamam || 64 ||
[Analyze grammar]

pūrve vṛndārakaṃ bhāge tatrā'kṣayavaṭo'sti vai |
pañcayojanavistīrṇo daśayojanamūrdhvagaḥ || 65 ||
[Analyze grammar]

sahasraskandhasaṃrohaśākhākoṭisamanvitaḥ |
raktapakvaphalāḍhyaśca navapallavaśobhitaḥ || 66 ||
[Analyze grammar]

sughaṭṭachāyāsuravadastadadho ratnavedikāḥ |
santi tatra kṛṣṇarūpā ramante gopabālakāḥ || 67 ||
[Analyze grammar]

pītāmbaradharā krīḍālagnamānasasadrasāḥ |
candanottamasaugandhyānvitagātrasurūpiṇaḥ || 68 ||
[Analyze grammar]

pārṣadāste kṛṣṇatulyarūpayauvanabhāsurāḥ |
sarvabhūṣāsuśobhāḍhyā ramante viharanti ca || 69 ||
[Analyze grammar]

tataḥ pārśve dvitīyastu bhāṇḍīravaṭasaṃjñakaḥ |
rādhayā saha kṛṣṇasya yogaḥ saṃjāyate'tra vai || 70 ||
[Analyze grammar]

vaṭo'sti paṃcayojanavistāro dviguṇocchrayaḥ |
sahasraskaṃdhakoṭiśākhāpraśākhāsudivyakaḥ || 71 ||
[Analyze grammar]

tadadho ratnakhacitasvarṇavedimayāni vai |
gopīnāṃ kanyakānāṃ vai vihārāṇi bhavanti hi || 72 ||
[Analyze grammar]

sarvāśca gopakanyāstā rādhāvadrūpabhāsurāḥ |
viharanti ramante tāḥ sarvā dvādaśahāyanāḥ || 73 ||
[Analyze grammar]

kṛṣṇaṃ nityaṃ pratīkṣante cāyānti yānti koṭiśaḥ |
kṛṣṇaṃ prāṇādhikaṃ labdhvā sevitvā ca prayānti vai || 74 ||
[Analyze grammar]

tayostu vaṭayormadhye rājamārgo manoharaḥ |
rādhākṛṣṇamahāsaudhaṃ prati gacchati dūrataḥ || 75 ||
[Analyze grammar]

pārśve pārśve tu sindūramaṇinirmitavedikāḥ |
kvacidindranīlaklṛptā rucakairhīrakaistathā || 76 ||
[Analyze grammar]

padmarāgaiḥ sphaṭikaiśca nirmitā vedikāḥ kvacit |
viśrāntimaṇḍapā dharmaśālāśca pārśvataḥ kvacit || 77 ||
[Analyze grammar]

kvaciccandanakastūrīkuṃkumadravaśobhitaḥ |
kvacit lājāphalapuṣpadadhidurvādimaṇḍitaḥ || 78 ||
[Analyze grammar]

svarṇacampakamandārapārijātādipārśvakaḥ |
navapallavapuṣpādismṛddhavṛkṣavirājitaḥ || 79 ||
[Analyze grammar]

raṃbhāvanāni śobhante śobhante phaliśākhinaḥ |
suratnāñcitagargaryo mastakasthāḥ suśobhanāḥ || 80 ||
[Analyze grammar]

jalāharaṇakāryārthā gopīnāṃ bhānti vāribhiḥ |
ghaṭāstāsāṃ kaṭitaṭe sthāpitā bhānti pauraṭāḥ || 81 ||
[Analyze grammar]

sindūrakuṃkumāktāśca gandhasugandhavāsitāḥ |
bhūṣitāḥ puṣpabhūṣābhiḥ yato gacchanti gopikāḥ || 82 ||
[Analyze grammar]

mārgānmārgāntaraṃ rathyārūpaṃ gacchanti kanyakāḥ |
svasvasaudheṣu ramyeṣu ratnasopānavartmasu || 83 ||
[Analyze grammar]

vahniśaucāṃśukadharāḥ svarṇabhūṣāvibhūṣitāḥ |
śvetacāmaradarpaṇapuṣpatalpe svapanti tāḥ || 84 ||
[Analyze grammar]

tena mārgeṇa gopāśca gopyo yānti susundarān |
pārśvasthānsvīyasaudhānvai puṣpamālyasutoraṇān || 85 ||
[Analyze grammar]

ṣoḍaśadvārasaṃyuktaprākārapariveṣṭitān |
paritaḥ parikhāyuktān dvārapālaiśca rakṣitān || 86 ||
[Analyze grammar]

ityevaṃ rājamārgaḥ saḥ pārśvadvayasuśobhitaḥ |
prākāradvāramāviśya yāti śrīkṛṣṇamandiram || 87 ||
[Analyze grammar]

prākārāntarvasatayo bhavanti koṭiśastathā |
prākāro vartulākāraḥ koṭiyojanavistṛtaḥ || 88 ||
[Analyze grammar]

goloko'yaṃ mahādivyo mahāgolokasaṃjñakaḥ |
nijagoloka ityevaṃ rādhāgoloka ityapi || 89 ||
[Analyze grammar]

nāmnā paricayastasya kurvanti gopagopikāḥ |
atha te mukhyagolokaṃ kathayāmi śive śṛṇu || 90 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne goloke virajāśataśṛṃgarāsamaṇḍapavṛndāvanā'kṣayavaṭa |
bhāṇḍīravaṭarājamārgavṛndārakādivarṇananāmā viṃśatyadhikaśatatamo'dhyāyaḥ || 120 ||
[Analyze grammar]