Chapter 117

śrīnārāyaṇa uvāca |
pārvatī prāha deveśaṃ vaiṣṇavāgryaṃ maheśvaram |
nātha brūhi yathā nārāyaṇarūpasya gauravam || 1 ||
[Analyze grammar]

muktidaṃ cāmṛtaṃ pītvā na vai tṛpyati mānasam |
kathametāvatā dīrghakālenāpi na bodhitam || 2 ||
[Analyze grammar]

etatta parama śrāvyaṃ parabrahmā'mṛtā'mṛtam |
śravaṇīyaṃ mayā nityaṃ nūtanaṃ tu śrave śrave || 3 ||
[Analyze grammar]

śaṃbhuḥ prāha tadā devīṃ pārvatīṃ parameśvarīm |
śṛṇu devi mamā'pyeṣā nārāyaṇamayī kathā || 8 ||
[Analyze grammar]

nūtanā surasā bhāti tadāhlādo vivardhate |
yathāsmaryaṃ kathayāmi hyavāṅgocaramastyapi || 5 ||
[Analyze grammar]

parabrahma svayaṃ sākṣāddivyo nārāyaṇaḥ prabhuḥ |
rājate sarvadā dhāmni svayaṃ rājādhirājakaḥ || 6 ||
[Analyze grammar]

anantaśīrṣā puruṣaścānantākṣo'pyasaṃkhyapāt |
sa sṛṣṭiṃ sarvataspṛtvā'pyatiṣṭhatkeśamātrake || 7 ||
[Analyze grammar]

sa vai sarvatra saṃbhāti mokṣeśāno'tiṛddhimān |
nānyo'to'sti paraḥ kaścinna samo nāpi dāyabhāg || 8 ||
[Analyze grammar]

pratallokacaturthāṃśe sarvā jīveśasṛṣṭayaḥ |
vyaṃśastu brahmaloko'tra brāhmaṇā vyomni vai pare || 9 ||
[Analyze grammar]

nāsti tatra vijighatsā no pipāsā pravartate |
kṣutpipāsāśrayā māyā tadadhastādvikāsate || 10 ||
[Analyze grammar]

tasya dhāmni ca dhāmāni paramāṇi bhavanti vai |
muktānāṃ ceśvarāṇāṃ cāvatārāṇāṃ manāṃsi saḥ || 11 ||
[Analyze grammar]

svasmin vai dhārayan divyo deva eko virājate |
evaṃ bṛhatsvarūpo'yaṃ brahmaṇā saharājate || 12 ||
[Analyze grammar]

anantakoṭimuktaiśca pārṣadaiḥ parisevitaḥ |
īśvarībhistathā śrībhiḥ śaktibhiścātisevitaḥ || 13 ||
[Analyze grammar]

niḥsīmadivyabhogāḍhyadivyamaṃgalarūpavān |
yuvā'cyutamahāsattvaḥ sukumārāṃ'gakomalaḥ || 14 ||
[Analyze grammar]

jagajjananīśrīpūrṇajyotsnāmūrtikayauvanaḥ |
koṭikandarpalāvaṇyā'kṣayapremaprapūritaḥ || 19 ||
[Analyze grammar]

śriyaḥ saṃkalpasiddhyarthaṃ vaikuṇṭhakṛtamaṇḍalaḥ |
rādhāyai sukhadānārthaṃ goloke śyāmalaḥ sthitaḥ || 16 ||
[Analyze grammar]

muktasaukhyapradaṃ dhāmā'kṣaraṃ brahma sadā matam |
bhogārthaṃ parame vyomni vaikuṇṭhaṃ dhenulokakam || 17 ||
[Analyze grammar]

līlārthaṃ bhaktavāsārthaṃ trisṛṣṭamakhilaṃ jagat |
sukhabhogapralīlākhyā bhūmikāstā vibhūtayaḥ || 18 ||
[Analyze grammar]

tisro bhavanti tasyaiva vibhūtitrayameva tat |
līlākhyā sakalā sṛṣṭirbhogārthaṃ dhāma taddvayam || 19 ||
[Analyze grammar]

muktasaukhyapradānārthaṃ paramaṃ dhāma cāsthitam |
yadā līlāṃ mahāsṛṣṭiṃ saṃharate janārdanaḥ || 20 ||
[Analyze grammar]

tadā bhogavibhūtau vai nityā sthitistu vidyate |
tato'pyanyā mahānandā parā mūrtimayī sthitiḥ || 21 ||
[Analyze grammar]

līlā bhogastathā saukhyaṃ trayaṃ tasyaiva śaktayaḥ |
tripāt tatparamaṃ dhāma nityaṃ śāśvatamaiśvaram || 22 ||
[Analyze grammar]

tasyaiva prāntabhāgeṣu dhāmānyanyāni nityadā |
tāni sarvatra bhaktānāṃ sevābhogārthamātanot || 22 ||
[Analyze grammar]

amṛtaṃ dhāma badarīdhāmā'vyākṛtamityapi |
lakṣmīdhāma śvetadhāma sevābhogārthamātanot || 24 ||
[Analyze grammar]

taporthaṃ cāpi vyatanollokarakṣaṇahetave |
tripāttattu śāśvataṃ vai pādamekamaśāśvatam || 25 ||
[Analyze grammar]

acyutaṃ brahmarūpāḍhyaṃ vaikuṇṭhaṃ ca gavāṃsthalam |
amṛtaṃ śrīpuraṃ ceti rādhikāyāḥ śriyastathā || 26 ||
[Analyze grammar]

anyāsāṃ prabhupatnīnāṃ krīḍārthāni kṛtāni vai |
bhagavānśrīharistatra nityaṃ yauvanamāśritaḥ || 27 ||
[Analyze grammar]

nityaiṣā ca jaganmātā lakṣmīśca rādhikā tathā |
yathā sarvagato viṣṇustathā lakṣmīśca rādhikā || 28 ||
[Analyze grammar]

īśāno bhūtabhavyasya tatheśānī maheśvarī |
śrīśca lakṣmīśca rādhā ca viṣṇoścaivā'napāyinī || 29 ||
[Analyze grammar]

sarvatohastacaraṇā sarvato'kṣiśiromukhā |
nārāyaṇī ca kṛṣṇā ca viṣṇupatnī jaganmayī || 30 ||
[Analyze grammar]

mahāmāyā jagatkartrī sṛṣṭisaṃhārakāriṇī |
yadapāṃgasthitaṃ sarvaṃ jaḍacetanamiśraṇam || 31 ||
[Analyze grammar]

meṣonmeṣakṛtaṃ yasyā layodbhavamayaṃ jagat |
nityā'jā vāmabhāgā mā mahālakṣmīḥ pareśvarī || 32 ||
[Analyze grammar]

avyaktā vyaktarūpā sā samavyāpyā vyavasthitā |
pṛthvyāṃ rasā sudhā svarge puṇyā sā pitṛmandire || 32 ||
[Analyze grammar]

jale miṣṭā'nale pākā lakṣmīśca dhanarūpiṇī |
saundaryaṃ kāntisaubhāgye rūpaṃ lāvaṇyamityapi || 34 ||
[Analyze grammar]

nārīṇāmakhilaṃ sarvaṃ tasyā evāsti saṃgatam |
tayā brahmapadaṃ śaivaṃ māhendraṃ yāmyamityapi || 35 ||
[Analyze grammar]

sauryaṃ kauberamāgneyaṃ cāndraṃ dṛṣṭaṃ samṛddhimat |
mahāmāyā mahālakṣmīrlakṣmīḥ śrīḥ rādhikā priyā || 26 ||
[Analyze grammar]

kamalā śāradā padmā vidyā mā paramā ramā |
abdhiputrī satī śyāmā mahādevī ca vaiṣṇavī || 357 ||
[Analyze grammar]

nārāyaṇī mahāvidyā viṣṇupatnī maheśvarī |
gaurī sarasvatī śāntiḥ prabhā svāhā svadhā ratiḥ || 38 ||
[Analyze grammar]

sāvitrī kaṃbharādevī pārvatīti dviṣoḍaśa |
nāmānyasyāḥ pratiprātaḥ pāṭhyāni bhūtilabdhaye || 39 ||
[Analyze grammar]

hiraṇyavarṇāṃ hariṇīṃ hiraṇyarajatātmikām |
cāndrīṃ svarṇamayīṃ lakṣmīṃ nārāyaṇo ma āvaha || 40 ||
[Analyze grammar]

dhanāṃ dhānyāṃ gosvarūpāṃ vāhanīṃ puruṣātmikām |
nārāyaṇo ma āvaha lakṣmīmanapagāminīm || 41 ||
[Analyze grammar]

tṛptiṃ tejasvinīṃ svarṇaprākārāṃ bhāsvarāṃ śriyam |
daivīṃ varcasvinīṃ vārkṣīṃ kīrtiṃ kṛṣṇo ma āvaha || 42 ||
[Analyze grammar]

sugandhāḍhyāmanādhṛṣyāṃ nityapuṣṭāṃ karīṣiṇīm |
sarveśvarīṃ mahālakṣmīṃ nārāyaṇo ma āvaha || 43 ||
[Analyze grammar]

ākūticitisaṃkalpasiddhiṃ harirma āvaha |
hiraṇyadāsadāsīdāṃ tāmihopahvaye śriyam || 44 ||
[Analyze grammar]

yairevaṃ prastutā lakṣmīsteṣāmanapagāminī |
harervakṣasi nityāptā sa hariḥ puruṣottamaḥ || 45 ||
[Analyze grammar]

sarveśvaraḥ sarvasvāmī nārāyaṇo guṇākaraḥ |
sarvajñaḥ sarvaśaktyāḍhyaḥ pūrṇakāmaḥ suhṛtsukhī || 46 ||
[Analyze grammar]

karuṇāsāgaraḥ śrīmān śaraṇāgatavatsalaḥ |
svargāpavargavibhavastasya dāsyaṃ karomyaham || 47 ||
[Analyze grammar]

sarvadā sarvathā sarvāvasthāsu taṃ bhajāmyaham |
dāsyaṃ tasya karomyeva dāsabhūtamidaṃ hareḥ || 48 ||
[Analyze grammar]

śrīmān nārāyaṇaḥ svāmī sevyaḥ prāpyaḥ paro'kṣarāt |
sa eva jananī bhrātā pitā putraśca bāndhavaḥ || 49 ||
[Analyze grammar]

śaraṇaṃ cāśrayo vāso gatirnidhanameva saḥ |
sarvadivyaguṇairyukto māyāguṇādivarjitaḥ || 50 ||
[Analyze grammar]

nārāyaṇaḥ paraṃbrahma tattvaṃ nārāyaṇaḥ paraḥ |
nārāyaṇaḥ parojyotirātmā nārāyaṇaḥ paraḥ || 51 ||
[Analyze grammar]

nārāyaṇaparo dhyātā dhyānaṃ nārāyaṇaḥ paraḥ |
yacca kiṃcijjagatsarvaṃ dṛśyate śrūyate'pi vā || 52 ||
[Analyze grammar]

antarbahiśca tatsarvaṃ vyāpya nārāyaṇaḥ sthitaḥ |
hṛdye jīvamadhye sa paramātmā vyavasthitaḥ || 53 ||
[Analyze grammar]

sa vai tatra pare dhāmni śrīyuṅnārāyaṇaḥ sthitaḥ |
tasya śaktyā śriyā mūlaprakṛtyā racitaṃ mahat || 54 ||
[Analyze grammar]

tato virāḍabhūdbhūmirgrāmyāraṇyāśca jīvinaḥ |
yadāsyabāhūrupādā varṇā vai saṃbhavanti hi || 55 ||
[Analyze grammar]

praviprakṣatraviḍḍāsā hyajāyanta makho hi saḥ |
havyaṃ kavyaṃ ca hotā ca bhāgabhuk samidhaśca saḥ || 56 ||
[Analyze grammar]

yajñaṃ nārāyaṇaṃ devā ayajanta ca tāḥ kriyāḥ |
prāgevā''san pare dharmā ārādhanādibhaktayaḥ || 57 ||
[Analyze grammar]

pūrve muktāḥ pare dhāmni mahimānaṃ sacanta vai |
taddāsabhaktikartāro yānti nārāyaṇaṃ padam || 58 ||
[Analyze grammar]

te vai divyā sadā siddhā muktā vasanti dhāmani |
māyāpāre pare loke brahmasādharmyamāsthitāḥ || 59 ||
[Analyze grammar]

na vai māyāmahākālapāpakarmayamādibhīḥ |
yadgatvā na parāvṛttistaddharerdhāma cākṣaram || 60 ||
[Analyze grammar]

māyā jaganmayī nityā triguṇā prakṛtirhi sā |
avidyā yoganidrā ca pradhānā'vyaktaśāśvatī || 61 ||
[Analyze grammar]

dhāmacchāyāsvarūpā sā jñānaghanasvarūpiṇī |
lūtātantusamaṃ cāṇḍamanityaṃ prakaroti hi |
tayā''vṛtaṃ jagatsarvaṃ sā brahmatejasā''vṛtā || 62 ||
[Analyze grammar]

māyābrahmasambandhaśca sīmā dhāmnaḥ samucyate |
sarvavyāpi tvasīmaṃ tat tūpacārāt sasīmakam || 62 ||
[Analyze grammar]

māyāntare gataṃ sarvaṃ saṃkocaṃ ca vikāsanam |
tiraḥprāvirbhavatyeva bhaktā gacchanti tadbahiḥ || 64 ||
[Analyze grammar]

tadā sīmni brahmahade tejaānandacetane |
snātvā yānti brahmatanuṃ parajyotiḥpratāpataḥ || 65 ||
[Analyze grammar]

niṣpadyante tadātmānaḥ svena rūpeṇa mūrtayaḥ |
naro vā yadi vā nārī bhaktyā yānti yadā'kṣaram || 66 ||
[Analyze grammar]

sīmni brahmahade snānti tanurbrāhmī svayaṃ bhavet |
nā'nyadravyavibhūtervā yogo dehe'sti kaścana || 67 ||
[Analyze grammar]

ātmā sudṛk harirūpā'nurūpo dṛśyate svayam |
na yogo na vibhāgo vā na yogidravyasākṛtiḥ || 68 ||
[Analyze grammar]

ekātmatattvamūrtyātmā sumūrtaḥ sa hariryathā |
mahāmāyā tu virajā sā tu vaikuṇṭhagāminām || 69 ||
[Analyze grammar]

vaikuṃṭhamāyayormadhye nārāyaṇadravātmikā |
dṛśyate tatra saṃsnātvā śrīryathā pārṣadā yathā || 70 ||
[Analyze grammar]

niṣpadyante dāsadāsyastathā nityā vikuṃṭhake |
yantu jyotiḥparaṃ vyomā'kṣaraṃ brahma sanātanam || 71 ||
[Analyze grammar]

saccidānandatattvaṃ taddivyaṃ vai brahmasaṃjñitam |
koṭisūryāgniromaikamajaraṃ layavarjitam || 72 ||
[Analyze grammar]

svapnādiśūnyamānandavārdhiśītalaśāntikṛt |
yadakṣaraṃ vedaguptaṃ niṣedurmuktakoṭayaḥ || 73 ||
[Analyze grammar]

tanna viduḥ ṛcastasya vidastatra samāsate |
tadviṣṇoḥ paramaṃ sthānaṃ yatprapaśyanti sūrayaḥ || 74 ||
[Analyze grammar]

vairājā api yallokaṃ na vai paśyanti yatpadam |
yatra gāvo bhūriśṛṃgā āyatāḥ sukhadāḥ sadā || 75 ||
[Analyze grammar]

tadvai dhāma paraṃ kṛṣṇaḥ kṛṣṇasya gosukhāvaham |
ādityavarṇaṃ tamasaḥ parastādyānti tadvidaḥ || 76 ||
[Analyze grammar]

tatra pūrve hyanādinaḥ sādhyā muktā vasanti hi |
viśve viśvādgatā devā muktāḥ sacanta tatsukham || 77 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne parabrahmā'kṣaradhāmavibhūtilīlābrāhmītanunārāyaṇanārāyaṇīgauravaprabhṛtivarṇanaṃnāmā saptadaśādhikaśatatamo'dhyāyaḥ || 117 ||
[Analyze grammar]