Chapter 109

śrīlakṣmīruvāca |
bhagavan devadeveśa śrāvitaṃ paramā'dbhutam |
kathānakaṃ gaṇeśasya kārtikeyasya vai tathā || 1 ||
[Analyze grammar]

atra me bhagavan kācijjijñāsā bhavatīti te |
pṛcchāmi devadeveśa śrutvā śamaya tāṃ prabho || 2 ||
[Analyze grammar]

kārtikeyastu pitarau tyaktvā'gāddūrameva yat |
tadyogyaṃ na bhavelloke śāstre'pi saṃbhavennahi || 3 ||
[Analyze grammar]

mātuḥ piturguroḥ sevā kāryeti mokṣadā śubhā |
sevāṃ tyaktvā gato dūre duritaṃ tatkṛtaṃ bhavet || 4 ||
[Analyze grammar]

duritasya tu pāpasya prāyaścittaṃ tathā kṣayaḥ |
phalaṃ syāditi kasmāttatkārtikeye babhūva na || 5 ||
[Analyze grammar]

mātuḥsevā muktikaro mātā bahuvidhā matā |
stanadātrī garbhadhātrī bhakṣyadātrī gurupriyā || 6 ||
[Analyze grammar]

abhīṣṭadevapatnī ca pituḥ patnī ca kanyakāḥ |
sagarbhā bhaginī cāpi putrapatnī priyāprasūḥ || 7 ||
[Analyze grammar]

māturmātā piturmātā sodarasya priyā tathā |
mātuḥ pituśca bhaginī mātulānī tathaiva ca || 8 ||
[Analyze grammar]

janānāṃ vedavihitā mātaraḥ ṣoḍaśa smṛtāḥ |
tā vai pūjyā namaskāryāḥ sevyāḥ stutyāḥ suputrakaiḥ || 9 ||
[Analyze grammar]

tāsāṃ tvāśīrvaco'pyatra putraṃ rakṣati kilbiṣāt |
tāsāṃ sevā kṛtā yena sa yāti brahma śāśvatam || 10 ||
[Analyze grammar]

tāsāṃ tu sevayā putro bhāgyavān bhavati dhruvam |
tāsāṃ hṛdayaduḥkhena bhāgyaṃ dahyati vai śubham || 11 ||
[Analyze grammar]

puṇyaṃ naśyati sallakṣmīstaṃ tyaktvā'nyatra yāti ca |
tatkathaṃ kārtikeyena tyaktā mā jagadīśvarī || 12 ||
[Analyze grammar]

senā pativratā patnī kathaṃ tyaktā priyā nijā |
pativratāyāstyajane narakaṃ prāpnuyānnaraḥ || 13 ||
[Analyze grammar]

śrīnārāyaṇa uvāca |
śṛṇu lakṣmi mayā sarvaṃ puraiva vihitaṃ tathā |
mayā'jaśaṃbhupitrarṣidevāśryaṇḍaṃ vinirmitam || 14 ||
[Analyze grammar]

ādye satyayuge sarve brāhmaṇā brahmatejasaḥ |
paramātmasamā hyāsan sakalpasmṛddhayo'bhavan || 15 ||
[Analyze grammar]

tretāyāṃ nyūnasāmarthyā hyabhavankālabhedataḥ |
dvāpare tu viśeṣeṇa sāmarthyahīnatāṃ gatāḥ || 16 ||
[Analyze grammar]

sāmarthyaṃ tu tapomūlaṃ tapohānau vinaśyati |
prajāyāṃ tapaso hāsātsāmarthyahīnatā'bhavat || 17 ||
[Analyze grammar]

yathā yathā ca sāmarthyaṃ hīyate tu tathā tathā |
adharmavaṃśasāmarthyaṃ vardhate tu śanaiḥ śanaiḥ || 18 ||
[Analyze grammar]

adharmeṇa prajāstatrā'satyalobhamadānvitāḥ |
parasparaṃ duḥkhadātryo'bhavankālasya vegataḥ || 19 ||
[Analyze grammar]

dṛṣṭvaivaṃ brahmaṇā tāvannārāyaṇapareśvaraḥ |
smṛtastatra prajārakṣopāyārthaṃ śrīharistadā || 20 ||
[Analyze grammar]

brahmadhāmasthitaḥ sākṣāllokarakṣaṇahetave |
sakalpaṃ vedhaso jñātvā drāgeva cāyayau hariḥ || 21 ||
[Analyze grammar]

brahmā prāha tadā devaṃ natvā stutvā punaḥ punaḥ |
mahārāja kṛpāsindho hyadhamoddhārakāraka || 2 ||
[Analyze grammar]

yugabhedātprajāḥ samyaṅ na vartante tapaḥpriyāḥ |
tapo'bhāvānna vai puṇyaṃ sāmarthyaṃ sukhadaṃ bhavet || 23 ||
[Analyze grammar]

tadabhāvācca duḥkhāḍhyā mānavā daivavarjitāḥ |
kathaṃ mayā rakṣaṇīyāḥ prabho bhaktā mumukṣavaḥ || 24 ||
[Analyze grammar]

śuṣkeṇa sākaṃ sarasaṃ dahyatyapi nirāgasam |
tadrakṣaṇāya bhagavan kamupāyaṃ karomi vai || 25 ||
[Analyze grammar]

bhaktānāṃ tapaso yogād bhajanātparameśvara |
sarve jīvāḥ prasukhino bhavantyeva hi niścitam || 26 ||
[Analyze grammar]

kālayogācca bhaktā vai tapaḥsādhanavarjitāḥ |
bhavanti cettadā jīvā rakṣyante kena karmaṇā || 27 ||
[Analyze grammar]

tasmātprajānāṃ saukhyārthamupāyaṃ parikalpaya |
yugeṣu yena sarveṣu bhaktāḥ syuḥ sukhinaḥ sadā || 28 ||
[Analyze grammar]

iti vedhaḥkṛtāṃ jīvarakṣāgarbhitarādhanām |
śrutvā nārāyaṇaḥ śrīmān paraṃbrahma svayaṃ hariḥ || 29 ||
[Analyze grammar]

brahmāṇaṃ prāha deveśa mā cintā vaha padmaja |
tava brahmāṃḍajīvānāṃ mumukṣūṇāṃ tu rakṣaṇam || 30 ||
[Analyze grammar]

ahameva kariṣye'tra nānyastādṛgbhavedataḥ |
mayaiva tatsamācintya yāvadbrahmāṇḍasaṃsthitiḥ || 31 ||
[Analyze grammar]

tāvattu rakṣaṇaṃ kāryaṃ mama bhaktā yataḥ priyāḥ |
yadyanyaṃ rakṣakaṃ tatra yojayāmi tadā tu saḥ || 32 ||
[Analyze grammar]

kālavegena galito duḥkhaṃ pratyuta cāpnuyāt |
tasmādahaṃ svayaṃ sākṣātparabrahma parātparaḥ || 33 ||
[Analyze grammar]

akṣaraṃ brahma nītvaiva sākaṃ prajāvanāya vai |
nivasāmyatra loke tachreyaḥ syājjagatāṃ param || 34 ||
[Analyze grammar]

dharmadevānmama janma mūrtyāṃ saṃkalpamātrataḥ |
svīkṛtyātra bhaviṣyāmi naranārāyaṇātmakaḥ || 35 ||
[Analyze grammar]

yāvajjīvaṃ brahmacārī brahmatapasi saṃsthitaḥ |
tapasaiva prajā rakṣan kariṣye'vanamādarāt || 36 ||
[Analyze grammar]

nārāyaṇaḥ paraṃbrahmā'kṣaraṃ brahma naraḥ smṛtaḥ |
ubhau brahmavratāḍhyau vai tapasi kṛtamānasau || 37 ||
[Analyze grammar]

vartiṣyāmaha ityetatsādhanaṃ rakṣaṇaṃ param |
brahācaryavrataṃ me'sti priyaṃ priyatamaṃ sadā || 38 ||
[Analyze grammar]

tadvrataṃ sarvadā brahmaloke saṃpālayāmi vai |
tatraiva divye badarikāśrame pālayāmi ca || 39 ||
[Analyze grammar]

īśvarāṇāṃ rakṣaṇārthaṃ sadā tapasi saṃsthitaḥ |
atrā'pyāgatya himavacchikhare yogamāsthitaḥ || 40 ||
[Analyze grammar]

sarvendriyapratirodhātmake tapasi saṃsthitaḥ |
tapaḥpuṇyapradānena rakṣiṣyāmi janānmama || 41 ||
[Analyze grammar]

cintāṃ mā kuru padmastha tapasā rakṣyate jagat |
bhavanti vividhānyeva tapāṃsi rakṣaṇāya vai || 42 ||
[Analyze grammar]

ghrāṇenā'nyanna ghrātavyamityetattapa ucyate |
tato'pi ca tvacā cānyanna spraṣṭavyaṃ viśiṣyate || 45 ||
[Analyze grammar]

tato'pi cakṣuṣā cānyanna draṣṭavyaṃ viśiṣyate |
tato'pyanyanna śrotavyaṃ śrotreṇeti viśiṣyate || 44 ||
[Analyze grammar]

tato rasanayā cānyanna rasyaṃ vai viśiṣyate |
tato vācā na vaktavyaṃ tapo vai śreṣṭhamucyate || 45 ||
[Analyze grammar]

ūrdhvahastaścaikapādo nirāhārastapaḥsthitaḥ |
maunādapyadhikaḥ proktastāpasaḥ kaṣṭamāsthitaḥ || 46 ||
[Analyze grammar]

tato'pi nirjalaḥ śreṣṭhastato'pyakalpitakriyaḥ |
śreṣṭhastato'pi sarvasmānniṣkāmaścordhvavīryavān || 47 ||
[Analyze grammar]

ūrdhvaretā brahmacārī ratyabhāvādviśiṣyate |
sarvendriyebhyo liṃgasya nirodho balavattapaḥ || 48 ||
[Analyze grammar]

rasanāyā nirodhaśca manonirodha ityapi |
dhātornirodhastvagrodho rodhāścatvāra īritāḥ || 49 ||
[Analyze grammar]

brahmacarye nirodhāste catvāraḥ saṃbhavanti vai |
tasmātkaṣṭataro rodho nā'nyo'sti balavān khalu || 50 ||
[Analyze grammar]

yena brahmavrataṃ sāṃgopāṃgaṃ saṃpālitaṃ tu saḥ |
mūrtimān vai parabrahma harirnāstyatra saṃśayaḥ || 51 ||
[Analyze grammar]

brahmacaryavratasthasyā'nyatkartavyaṃ na śiṣyate |
kāntākanakasūtreṇa veṣṭitaṃ sakalaṃ jagat || 52 ||
[Analyze grammar]

tāsu teṣu virakto yo dvibhujaḥ parameśvaraḥ |
brahmacaryabalāt so'tra tārayatyakhilaṃ jagat || 53 ||
[Analyze grammar]

ahamanne nivasāmi śuddhasattvamayaḥ prabhuḥ |
jāṭhare'haṃ nivasāmi parātṛptipradaḥ prabhuḥ || 94 ||
[Analyze grammar]

dhātuṣvahaṃ nivasāmi rajovīryātmakaḥ prabhuḥ |
tasyā'vanaṃ kṛtaṃ yena mama tenā'vanaṃ kṛtam || 55 ||
[Analyze grammar]

kāmabhogasya saṃkalpaḥ kartavyo naiva sarvathā |
kāmabhogāya vārtāyāḥ śravaṇaṃ kāryameva na || 56 ||
[Analyze grammar]

kāmabhogasya vacanaṃ noccāryaṃ sarvathā yataḥ |
kāmabhogasya saṃsparśo vidheyo naiva sarvathā || 57 ||
[Analyze grammar]

kāmabhogakṛte kāmidarśanaṃ kāryameva na |
kāmabhogakṛte guptasaṃketaḥ kārya eva na || 58 ||
[Analyze grammar]

kāmabhogā'dhyavasāyo naiva kāryaḥ kathaṃcana |
rajovīryaprapātaśca naiva kāryaḥ kadācana || 59 ||
[Analyze grammar]

ityevaṃ brahmacaryaṃ vai sarveṣāṃ duṣkaraṃ matam |
mithunībhūtajīvānāṃ duṣkaraṃ cā'tapasvinām || 60 ||
[Analyze grammar]

tādṛśaṃ brahmacaryaṃ tu naranārāyaṇamṛte |
nā'nyatrā'stīti tadrūpaṃ dhṛtvā dhāsye paraṃ tapaḥ || 61 ||
[Analyze grammar]

tadvratena prajāṃ sarvāṃ rakṣiṣyāmi tanuṃ mama |
pāpāduddhārayiṣye tāṃ sukhayiṣye samantataḥ || 62 ||
[Analyze grammar]

itiśrīlakṣmīnārāyaṇīyasaṃhitāyā prathame kṛtayugasantāne svaprajārakṣaṇāya brahmacaryatapaḥkaraṇāya nārāyaṇena brahmaṇe naranārāyaṇāvatārāvaśyakatetikathitamiti |
pradarśananāmā navādhikaśatatamodhyāyaḥ || 109 ||
[Analyze grammar]