Chapter 85

śrīnārāyaṇa uvāca |
śṛṇu lakṣmi mahādevi mandare nivasan haraḥ |
śuśoca bahudhā tatra gatā nāyānti vai punaḥ || 1 ||
[Analyze grammar]

kiṃ vai kāśyāṃ sthitāste vā'kṛtakāryā hataujasaḥ |
nāyānti yoginīsūryavedhasaḥ prahiṇomi kān || 2 ||
[Analyze grammar]

cintayanniti deveśo gaṇānāhūya bhūriśaḥ |
preṣayāmāsa bho yāta kāśīṃ vivasituṃ drutam || 3 ||
[Analyze grammar]

śaṃkukarṇaṃ mahākālaṃ ghaṇṭākarṇaṃ mahodaram |
nandiṣeṇaṃ somanandikālapiṃgalakukkuṭān || 4 ||
[Analyze grammar]

kuṇḍodaraṃ mayūrākṣaṃ bāṇagokarṇatārakān |
tilaparṇaṃ sthūlakarṇaṃ dṛmicaṇḍaṃ prabhāmayam || 5 ||
[Analyze grammar]

sukeśaṃ vindatiṃ chāgaṃ kapardipiṃgalākṣakau |
vīrabhadraṃ kirātaṃ ca caturmukhaṃ nikuṃbhakam || 6 ||
[Analyze grammar]

paṃcākṣaṃ bhārabhūtaṃ ca kṣemakaṃ lāṃgaliṃ tathā |
tryakṣaṃ virādhaṃ sumukhamāṣāḍhiṃ skandameva ca || 7 ||
[Analyze grammar]

mahāśākhaṃ viśākhaṃ ca śākhaṃ nandinameva ca |
bhṛṃgiṇaṃ naigameyaṃ ca preṣayāmāsa śaṃkaraḥ || 8 ||
[Analyze grammar]

ete gaṇā mahābhāgāḥ svāmibhaktā dṛḍhavratāḥ |
kṛtvā māyāṃ bahuvidhāṃ bahurūpā vicakṣaṇāḥ || 9 ||
[Analyze grammar]

animeṣakṣaṇāstasthuḥ kṣoṇīśacchidrakāṃkṣiṇaḥ |
dharme satye dayāyāṃ ca daṇḍe prajāprapālane || 10 ||
[Analyze grammar]

rakṣaṇe dānadharme ca rājyadharme śrutau smṛtau |
varṇāśramavipaddharmadeśakālādidharmasu || 11 ||
[Analyze grammar]

pañcayajñajapabhaktisevāsatkāravṛttiṣu |
kvāpi kutrāpyalabdhvā vai kṣatiṃ truṭiṃ sacchidratām || 12 ||
[Analyze grammar]

rājānaṃ cā'parābhavyaṃ divodāsaṃ prapūjya ca |
sarve gaṇā asiddhasvasvāmikāryāḥ sulajjitāḥ || 13 ||
[Analyze grammar]

svasvanāmnā mahādevaṃ pratiṣṭhāpya nirantaram |
kāśyāmeva nivāsān svān cakrire vigatajvarāḥ || 14 ||
[Analyze grammar]

na nivṛttā mandaraṃ te kāśīmāhātmyabodhanāt |
vārāṇasī na vai tyājyā svargādapi garīyasī || 15 ||
[Analyze grammar]

ānandodyānasaṃlabdhasukhatulyaṃ na cetarat |
atra kailāsa evāsti vaikuṇṭho'pyatra vidyate || 16 ||
[Analyze grammar]

kārśīṃ tyaktvā kathaṃ kāryā śuṣkā mandarasaṃsthitiḥ |
vārāṇasīti kāśīti ānandodyāna ityapi || 17 ||
[Analyze grammar]

mukhena yena saṃproktaṃ nāsti tasya yamādbhayam |
pañcakrośyā parimitā tanustridevasaṃbhavā || 18 ||
[Analyze grammar]

anākalitapuṇyānāṃ parikṣīṇadhanāyuṣām |
sarvopāyavihīnānāṃ gatirvārāṇasī purī || 19 ||
[Analyze grammar]

kāśyāṃ vasanti ye dhīrā āpaṃcatvaviniścayāḥ |
jīvanmuktāstu te jñeyā vandyā pūjyāsta eva ha || 20 ||
[Analyze grammar]

yatra kāśyāṃ mṛto janturbrahmanārāyaṇādibhiḥ |
prabaddhamūrdhāñjalibhirnamasyetā'tiyatnataḥ || 21 ||
[Analyze grammar]

maraṇaṃ maṃgalaṃ yatra vibhūtiryatra bhūṣaṇam |
kaupīnaṃ yatra kauśeyaṃ kāśī kutropamīyate || 22 ||
[Analyze grammar]

apāsya sodarāndārānputraṃ kṣetraṃ gṛhaṃ vasu |
apyaṃgīkṛtya nidhanaṃ vastavyamatra caiva ha || 23 ||
[Analyze grammar]

iti te nirṇayaṃ kṛtvā kāśyāmeva vyavasthitāḥ |
atha śaṃbhurgatānkāśyāṃ sthitānpunaranāgatān || 24 ||
[Analyze grammar]

gaṇān jñātvā ca herambaṃ prāhiṇottu gajānanam |
gaccha putra vinā tvāṃ vai kaścinna pārayennṛpam || 25 ||
[Analyze grammar]

yathābuddhi yathākālaṃ yathāyogyaṃ prakalpya ca |
divodāsaṃ viniṣkāsya kāśīṃ karagatāṃ kuru || 26 ||
[Analyze grammar]

tatra sthitopi saṃsiddhyai yatasva sahito gaṇaiḥ |
nirvighnaṃ kuru cāsmākaṃ nṛpe vighnaṃ samācara || 27 ||
[Analyze grammar]

ājñāmādāya śirasā praṇipatya ca dhūrjaṭim |
pratasthe tvaritaḥ kāśīṃ gaṇeśaḥ pitṛsiddhaye || 28 ||
[Analyze grammar]

śaṃbhoḥ kāśyāgamopāyaṃ cintayanvāḍavo'bhavat |
sthūlaveṣṭanapaṃcāṃgapatradhṛk śakunaṃ diśan || 29 ||
[Analyze grammar]

nakṣatrajño mahājyotiścakravettā''viśatpurīm |
cacāra pratyavarodhaṃ sthavīro rekhayā diśan || 30 ||
[Analyze grammar]

hastarekhāṃ śakunāni bhāgyaṃ janmākṣarāṇi ca |
sudṛṣṭvā gaṇitaṃ kṛtvā paurāṇāṃ prītimānabhūt || 31 ||
[Analyze grammar]

svayameva niśāyāṃ tu svapnaṃ sadarśayannṛṇām |
prātasteṣāṃ gṛhaṃ gatvā teṣāṃ vakti śubhā'śubham || 32 ||
[Analyze grammar]

praśnān saṃkārayitvā tān phalaṃ svāpnaṃ jagāda tān |
svapne rātrau bhavān majjan jale majjan taṭaṃ gataḥ || 33 ||
[Analyze grammar]

taṭasthakardame magnaḥ punarmagno'si bhūriśaḥ |
svapnasyā'sya phalaṃ duṣṭaṃ jale ghāto bhavettava || 34 ||
[Analyze grammar]

anyasyāpi gṛhe gatvā phalaṃ svāpnaṃ hyavarṇayat |
muṇḍī kāśāmbaradharaḥ praikṣi svapne tvayā tataḥ || 35 ||
[Analyze grammar]

maraṇatulyaduḥkhaṃ vā maraṇaṃ vā phalaṃ bhavet |
svapne sūryagraho dṛṣṭo mṛtirvā tatsamaṃ phalam || 36 ||
[Analyze grammar]

aindraṃ dhanurdvayaṃ rātrau yadaloki dhruvā matiḥ |
paścimāyāṃ svayaṃ sūrya udayaṃ prāpya śītagum || 37 ||
[Analyze grammar]

prodyantaṃ vyomamārgādvai pātayāmāsa bhūtale |
iti svapne tvayā dṛṣṭaṃ rājyanāśo bhaved dhruvam || 38 ||
[Analyze grammar]

dhūmaketudvayaṃ yudhyamānaṃ vyomni vyalokiyat |
taccāpi rāṣṭrabhaṃgāya phalaṃ svāpnaṃ vināśakṛt || 39 ||
[Analyze grammar]

viśīrya tvekadaśanaṃ nīyamānaṃ ca dakṣiṇe |
ātmānaṃ yat samadrākṣīḥ mṛtiḥ kuṭumbabhīṣaṇā || 40 ||
[Analyze grammar]

tvayaikṣatā'pararātrau prāsādadhvajabhaṃjanam |
rājyakṣayakaraṃ caitanmahotpātaḥ prajāsu ca || 41 ||
[Analyze grammar]

samudreṇa puraṃ caitatplāvitaṃ yadadarśi tat |
dvimāsā'bhyantare eva mahānāśaḥ puraukasām || 42 ||
[Analyze grammar]

svapne vānarayānena tvaṃ prayāto'si dakṣiṇām |
atastava vināśo vā puratyāgo'thavā dhruvaḥ || 43 ||
[Analyze grammar]

rudatī yā tvayā dṛṣṭā nārī rātrau digambarā |
muktakeśī vyomagā'bhūt phalaṃ rājyaviparyayaḥ || 44 ||
[Analyze grammar]

devālayasya kalaśaḥ patan dṛṣṭastvayā yataḥ |
drāk svalpairdivasaireva rājyabhaṃgo bhaved dhruvam || 45 ||
[Analyze grammar]

purīṃ parita āgatya mṛgāḥ śivādayo muhuḥ |
rorūyamāṇā dṛśyante tanmāse nodvasīṃ kriyāt || 46 ||
[Analyze grammar]

ghūkaśyenabakagṛdhrā uḍḍayantyabhitaḥ purīm |
sūcayanti mahākaṣṭaṃ bhaviṣyatyatravāsinām || 47 ||
[Analyze grammar]

gadāmādāya hanumān pṛṣṭhe lagno dhruvaṃ kṣayaḥ |
yamadūtāḥ pradṛśyante mahiṣā'naḥparasthitāḥ || 48 ||
[Analyze grammar]

prajāmādāya gacchanti prajānāśo bhaved dhruvaḥ |
pararājyabhaṭaścātra''gatyemān tāḍayanti tat || 49 ||
[Analyze grammar]

phalaṃ kāśīparibhaṃgo lokānāṃ kadanaṃ bhavet |
tasmānmāsāntare eva gantavyamitaratra vai || 50 ||
[Analyze grammar]

nātra vāso hi sukhado bhavenmāsadvayottaram |
evaṃ nirvāsayāmāsa śaṃsanbahūn prajājanān || 51 ||
[Analyze grammar]

prāyaśo'rdhaṃ prajāyāstu gataṃ deśāntaraṃ prati |
athāpi grahacāraṃ vai vilokyāha janānpunaḥ || 52 ||
[Analyze grammar]

ekarāśau sthitāḥ śukraśanirbhaumā vināśakāḥ |
dhūmaketurayaṃ vyomni bhittvā saptarṣimaṇḍalam || 53 ||
[Analyze grammar]

saṃyāti paścimāmāśāṃ vaiśyānāṃ nāśako bhavet |
śaniścaraḥ samullaṃghya rāśiṃ vakraḥ prayāti vai || 54 ||
[Analyze grammar]

rāhuketubhaumayukto mahāvināśakṛddhi saḥ |
sāyaṃkāle tu bhūkampo'vaśyaṃ nāśakaro bhavet || 55 ||
[Analyze grammar]

utarāddakṣiṇāṃ yātā vyomnyulkā garjanākarī |
līnā cāpi tu saivā'syāḥ sūcayatyeva nāśanam || 56 ||
[Analyze grammar]

catvarasthacaityavṛkṣo vātenonmūlito'pi saḥ |
sūcayatyeva kāśyāśca prajānāṃ kadanaṃ mahat || 57 ||
[Analyze grammar]

prātaḥ sūryodaye prācyāṃ kāko vakti bhayaṃ bhavet |
kāśīmadhye mṛgau kaucidāraṇyakau praviśya ca || 58 ||
[Analyze grammar]

janadṛṣṭiṃ pravicyāvya gatāvudvāsasūcakau |
śaradi dṛśyate cāmraśālapuṣpaṃ phalāṃkuram |
mahākālabhayaṃ manye puryāmasyāmakālajam || 59 ||
[Analyze grammar]

sādhvasaṃ janayitveti gaṇeśena dvijena vai |
uccāṭitā dhanāḍhyāśca bhūmanto'pi kuṭumbinaḥ || 60 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne |
śaṃkareṇa dvicatvāriṃśadgaṇānāṃ preṣaṇaṃ gaṇeśapreṣaṇaṃ kṛtaṃ |
tena ca vividhasvāpnapratyakṣādiśakunotpātādivarṇanena |
prajānāṃ kāśīto niṣkāsanaṃ kṛtamitivarṇananāmā |
pañcāśītitamo'dhyāyaḥ || 85 ||
[Analyze grammar]