Chapter 84

śrīnārāyaṇa uvāca |
lakṣmi devo mahādevo yaṃ yaṃ preṣayati prabhum |
sa saḥ punarna cāyāti cintāmagno haro'bhavat || 1 ||
[Analyze grammar]

nādyāpyāyānti yoginyo nādyāpyāyāti bhāskaraḥ |
kāśyāṃ vāso na vai syāccet kālo yāsyati kena me || 2 ||
[Analyze grammar]

adhākṣiṣamahaṃ kāmaṃ kāmo māṃ dunuyāttarām |
kāśīpravṛttimanveṣṭuṃ kaṃ vā prahiṇuyāmitaḥ || 2 ||
[Analyze grammar]

iti cintya vidhātāraṃ bahumānapuraḥsaram |
śivaḥ provāca yoginyaḥ sūryaśca preṣitā mayā || 4 ||
[Analyze grammar]

nādyāpi te nivartante kāśyā vijñāya vartanam |
nābādhiṣṭa tathā kṣveḍaṃ māṃ kāśīviraho yathā || 5 ||
[Analyze grammar]

vidhe vidhehi me kāryaṃ yāhi kāśīṃ yatasva ca |
adyaiva ca mayā satyā gantavyaṃ kintu dhārmikam || 6 ||
[Analyze grammar]

divodāsaṃ tu rājānamullaṃghayituṃ notsahe |
nānyarājye pravastavyaṃ nocchiṣṭaṃ bhojyameva ca || 7 ||
[Analyze grammar]

svastimān gaccha panthāste śubhodarko bhavatvalam |
ādāyā''jñāṃ vidhirdrāgvai kāśīmāyād vihāyasā || 8 ||
[Analyze grammar]

haṃsastho'paśyadānandavāṭikāṃ kāśikāṃ śubhām |
gaṃgā vṛkṣā janāḥ saudhā yatrā''nandamayāḥ sadā || 9 ||
[Analyze grammar]

kāśibhūrālocitā yairindriyaistāni santi vai |
varāṇi tṛṇadhānyāni kāśyāṃ yāni patanti hi || 10 ||
[Analyze grammar]

adya me saphalaṃ cāyuraho me bhāgyagauravam |
adya me phalito vṛkṣo deho yatkāśidarśanam || 11 ||
[Analyze grammar]

mayā sṛṣṭiḥ kṛtā sarvā bahudākṣyapuraḥsarā |
paramanyādṛśī kāśī devena nirmitā svayam || 12 ||
[Analyze grammar]

iti hṛṣṭamanā vedhā vṛddhabrāhmaṇaveṣadhṛk |
avatīrya kṣitau haṃsād divodāsaṃ dadarśa ha || 13 ||
[Analyze grammar]

rājñā saṃmānito vṛddhabrāhmaṇaḥ satkṛtastathā |
upaviśyāsane ramye cāśīrvādān dadau nṛpam || 14 ||
[Analyze grammar]

kośavṛddhiḥ satyadravye'saukhyavṛddhiḥ samāntare |
gativṛddhiḥ satyamārge kāśavṛddhistavāntare || 15 ||
[Analyze grammar]

rājā prāha kathaṃ dvyarthaṃ bhāṣase vṛddhabhūsura |
dharmabhaktyoryatra vṛddhistatra vṛddhiḥ satī sadā || 16 ||
[Analyze grammar]

adravye ca amārge ca sati vṛddhirbhayapradā |
adravye satyaṇḍavṛddhiramārge sati dhāvanam || 17 ||
[Analyze grammar]

varṣāntare hyasaukhyaṃ tu dhārmikasya na saṃbhavet |
adhārmikasyā''ntare tu asaukhyaṃ sadṛśaṃ bhavet || 18 ||
[Analyze grammar]

stutau prakāśavṛddhiḥ syādantare nānyathā'vile |
kimicchasi vṛddhavipra dravyahīnaḥ kumārgagaḥ || 19 ||
[Analyze grammar]

hṛdi me kiṃ daṃbhavṛddhirvarṣapūrvaṃ ca duḥkhabhāk |
bhavāmyahaṃ divodāsaḥ itīcchasi kimīcchasi || 20 ||
[Analyze grammar]

kāśyāḥ palāyanaṃ me syāditīcchasi kimicchasi |
kūṭavāg brāhmaṇo yatra bhūsuraḥ kūṭaveṣadhṛk || 21 ||
[Analyze grammar]

kūṭadharmo bhavettatra kūṭāśīrvādavān bhava |
brahmā prāhātra kūṭaṃ ca kāpaṭyaṃ śṛṃgagauravam || 22 ||
[Analyze grammar]

śreṣavāg brāhmaṇo yatra bhūsuraḥ śreṣṭhaveṣadhṛk |
śreṣṭhadharmo bhavettatra śreṣṭhāśīrvādavānaham || 23 ||
[Analyze grammar]

kāpaṭyaṃ yadi śāṭhyaṃ vai tadā tādṛṅ na cā'nyathā |
śāṭhyavāg brāhmaṇo yatra bhūsuraḥ śāṭhyaveṣadhṛk || 24 ||
[Analyze grammar]

śāṭhyadharmo bhavettatra śāṭhyāśīrvādavān bhavet |
rājā prāha tadā vipraṃ brahmāṇaṃ kūṭadharmakam || 25 ||
[Analyze grammar]

yadyevaṃ dharmamūrtistvaṃ kathaṃ śāṭhye pravartase |
śāṭhye parājayo bhāvyaḥ śāṭhyapādaḥ patatyadhaḥ || 26 ||
[Analyze grammar]

ehi vipra svāgataṃ te karomyaśāṭhyadharmataḥ |
pādyaṃ bhojyaṃ phalaṃ gāṃgajalaṃ peyaṃ prasādhanam || 27 ||
[Analyze grammar]

sarvaṃ gṛhāṇa viprendra vṛṇu yad hṛdi vartate |
brahmovāca gṛhītaṃ tat bhaktyā pravardhase nṛpa || 28 ||
[Analyze grammar]

vidyayā satyabodhinyā jayase dharmaṇā nṛpa |
rājāno bahavo dṛṣṭā yajvāno bhūridakṣiṇāḥ || 29 ||
[Analyze grammar]

śrotriyā nītinipuṇāḥ sattvaśīlā jitendriyāḥ |
kṣamādayāsugāṃbhīryadākṣiṇyasaumyabhūmayaḥ || 30 ||
[Analyze grammar]

paraṃ tebhyastvayi rājan guṇā dvitrā viśeṣataḥ |
prajā eva kuṭumbaṃ te brāhmaṇā eva daivatam || 31 ||
[Analyze grammar]

bhaktidharmau sahāyau te tapasvināṃ sahāyakaḥ |
ete nānyeṣu dṛśyante dhanyo mānyo'si vai satām || 32 ||
[Analyze grammar]

sadguṇaiḥ pūjanīyo'si bhaktyā dharmeṇa vardhase |
devā drohaṃ ca te kartumapi bibhyati dhārmika || 33 ||
[Analyze grammar]

ahaṃ tu brāhmaṇo rājan yajñān kartumihāgataḥ |
tvādṛśaṃ bhaktamāsādya mama vāso'tra bhūyatām || 34 ||
[Analyze grammar]

anyattu mantritaṃ dūraṃ tatsadā dūramastu vai |
atra tīrthatrayaṃ rājan tvaṃ gaṃgā bhūḥ parātparam || 35 ||
[Analyze grammar]

yatra kṛtānāṃ kāryāṇāṃ saṃvarte'pi na saṃkṣayaḥ |
saṃcitaṃ yaddhanaṃ yatnād viniyujyeta tanmakhe || 36 ||
[Analyze grammar]

iti joṣaṃ sthitaṃ vipraṃ divodāsa uvāca ha |
hariṃ yiyakṣamāṇasya tava dāso'smi sarvathā || 37 ||
[Analyze grammar]

kośād gṛhāṇa me yajñasaṃbhārān samapekṣitān |
svāmyamātyasuhṛtkośarāṣṭradurgasusainyakam || 38 ||
[Analyze grammar]

viniyuṃkṣvā''vaśyakaṃ tatsvārthaṃ tanna manāgapi |
putraiḥ kalatrairdehena rājā prajāstu raṃjayet || 39 ||
[Analyze grammar]

prajāsantāpajo vahnirvajrādapi bhayaṃkaraḥ |
dvitrān vināśayed vajraṃ tāpo rājyaṃ kulaṃ tanum || 40 ||
[Analyze grammar]

viprapādarajobhistu karomyavabhṛthaṃ sadā |
viprānane prahutaṃ tanmanye yajñādviśiṣṭakam || 41 ||
[Analyze grammar]

ekaivādyāpi jāgarti samīhā brāhmaṇakṛte |
svadeho'pi tadarthaṃ vai cārpaṇāt saphalo bhavet || 42 ||
[Analyze grammar]

adya me saphalaṃ jayema kuru yajñān sudakṣiṇān |
yaja devān kṛtaṃ viddhi sāhāyyaṃ sarvavastubhiḥ || 43 ||
[Analyze grammar]

śrutvā rājño vaco viprabrahmā saṃbhāramāharat |
iyāja daśabhirgaṃgātīre'śvamedhayajñakaiḥ || 44 ||
[Analyze grammar]

yatra sthale ca tattīrthaṃ pūrvāṃ rudrasaro'bhidhām |
tyaktvā daśāśvamedhākhyāmāpede viśrutaṃ tathā || 45 ||
[Analyze grammar]

divodāsasya bhaktasya chidraṃ nā'vāpa kiṃcana |
kiṃ vadenmandaraṃ gatvā śaṃbhoragre tu viśvasṛk || 46 ||
[Analyze grammar]

ato daśāśvamedheśaṃ liṃgaṃ brahmeśvaraṃ tathā |
svakāṃ mūrtiṃ ca saṃsthāpya vidhistatraiva cā'vasat || 47 ||
[Analyze grammar]

divodāsasya satsaṃgād harerbhakto'bhavat sadā |
satyaloke ca vairāje vaiṣṇave śāṃbhave pade || 48 ||
[Analyze grammar]

mokṣākhyaṃ yadbhavetsaukhyaṃ tadvai kāśiniṣevaṇāt |
jyeṣṭhaśuklapratipadi snātvā mucyeta bandhanāt || 49 ||
[Analyze grammar]

snānaṃ dānaṃ japo homaḥ svādhyāyaḥ pitṛtarpaṇam |
saṃdhyā devārcanaṃ śrāddhaṃ kṛtaṃ tatrā'kṣayaṃ bhavet || 50 ||
[Analyze grammar]

snātvā daśaharāyāṃ ca liṃgaṃ sampūjya cā''pnuyāt |
puṇyaṃ daśāśvamedhīyaṃ na punargarbhamāviśet || 51 ||
[Analyze grammar]

brahmā brāhmaṇarūpeṇa sthito yāvacchivāgamaḥ |
brahmaṇe tu divodāso brahmaśālāmakārayat || 52 ||
[Analyze grammar]

ahalyayā kṛtā tatra brahmapurī suśobhitā |
ityeṣā bhūḥ sadā brāhmī brahmalokapradāyinī || 53 ||
[Analyze grammar]

divodāso mahābhaktaḥ kīdṛśo me'bhavat priye |
yasya brahmādayo devāḥ pratikartuṃ na cā'śakan || 54 ||
[Analyze grammar]

itiśrīlakṣmīnārāyaṇīyasaṃhitāyā prathame kṛtayugasantāne mandarācalataḥ śaṃbhupreṣitabrahmā'pi viprarūpeṇa kūṭaślokadvārā''śīrvādān dadau tatsaṃvādottaraṃ daśāśva |
medhayajñān kṛtvā kāśyāmevovāsetyādikathananāmā caturaśītitamo'dhyāyaḥ || 84 ||
[Analyze grammar]