Chapter 76

| śrīśvetavyāsa uvāca |
evaṃ suśikha bhajanāddharernāmānukīrtanāt |
hāṭakāṃgadarājā'pi kathārasasukho'bhavat || 1 ||
[Analyze grammar]

śrīnārāyaṇa uvāca |
śṛṇu priye prasaṃgādvai mayā tu bahu varṇitam |
lokasyaiva hitārthe tat kathaye'pyadhikaṃ hitam || 2 ||
[Analyze grammar]

jīvanneva janaḥ kuryānmokṣamārgāvalambanam |
mokṣadāni mayā cātra klṛptāni subahūnyapi || 3 ||
[Analyze grammar]

jñānānmuktiḥ karmanāśānmuktirvairāgyavegataḥ |
tīrthānmuktiḥ satāṃ saṃgāddharmānmuktirgurūśrayāt || 4 ||
[Analyze grammar]

niṣkāmakarmato muktirmuktiḥ saṃnyāsamārgataḥ |
sādhvīdharmāśrayānmuktirmuktistyāgācca sevayā |
svasyā'kartṛtvavijñānānmuktiḥ saṃkīrtanādapi || 5 ||
[Analyze grammar]

pitrostu sevayā muktirmuktiḥ patiniṣevayā |
sarvabrahmātmavijñānānmuktiḥ sarvasamarpaṇāt || 6 ||
[Analyze grammar]

paropakārakaraṇānmuktiḥ parasukhārpaṇāt |
anyārthitapradānācca muktirātmasutoṣaṇāt || 7 ||
[Analyze grammar]

vāsanākṣayato muktirmuktirvimalabodhataḥ |
sarvakārye kṛte'pyātmā nirlepo mukta eva saḥ || 8 ||
[Analyze grammar]

ahaṃmamatvarahitaḥ śītoṣṇarahitastathā |
abrahmasattvarahito mukta eva na saṃśayaḥ || 9 ||
[Analyze grammar]

visṛjya saccidānandaṃ bhānaṃ mṛṣājaḍārtikam |
manute svaṃ sa vai baddho na manute sa muktakaḥ || 10 ||
[Analyze grammar]

bhagavadyogatīrthāni puryaśca harinirmitāḥ |
nadyaśca parvatāḥ puṇyāraṇyāni mandirāṇi ca || 11 ||
[Analyze grammar]

śālagrāmaśilā devaśilā bāṇaśca mūrtayaḥ |
tulasīcandanaplakṣadhātrībimbavaṭadrumāḥ || 12 ||
[Analyze grammar]

ropaṇātpālanātsekānnamaḥsparśanakīrtanāt |
nirmāṇoddhārakaraṇātpāpakṣapā hi muktidāḥ || 13 ||
[Analyze grammar]

jñānahrade satyajale rāgadveṣamalāpahe |
yaḥ snāto mānase tīrthe muktiṃ yāyānna saṃśayaḥ || 14 ||
[Analyze grammar]

devaḥ sarvatra vasati yadi bhāvo'sti nirmalaḥ |
devaḥ kvāpi na vasati nāstikyaṃ yadi rājate || 15 ||
[Analyze grammar]

prātaḥ prātaḥ prapaśyanti gaṃgādyāṃ matsyaghātakāḥ |
sūryaṃ sarve'pi paśyanti bhāvahīno na muktibhāk || 16 ||
[Analyze grammar]

pitṛmātṛsādhusādhvīgurugodevadharmaṇām |
kṛte prāṇāṃstyajan vyaktirniścayaṃ mokṣamāpnuyāt || 17 ||
[Analyze grammar]

jīvanaṃ dānabhogābhyāṃ maraṇaṃ raṇatīrthayoḥ |
avaśyaṃ muktidaṃ syāttad yadvi devārpaṇānvitam || 18 ||
[Analyze grammar]

puṇyakṣetre puṇyatīrthe puṇyajanasamāśraye |
puṇyasthitau puṇyatithau maraṇaṃ mokṣadaṃ bhavet || 19 ||
[Analyze grammar]

kanyādātā bhuvo dātā dātā cā'pyabhayasya yaḥ |
devaprāsādanirmātā sadmadātā ca muktibhāk || 20 ||
[Analyze grammar]

vāpīkūpataḍāgānāmārāmodyānadharmiṇām |
jīrṇoddhāraṃ prakurvāṇo muktibhāg saṃśayo nahi || 21 ||
[Analyze grammar]

sarvopakaraṇopetaṃ gṛha dhenuṃ savatsakām |
kanyāṃ sarvaguṇāḍhyāṃ vai dadan muktimavāpnuyāt || 22 ||
[Analyze grammar]

sādhvī pativratā nārī patiṃ vilokya vai mṛtam |
svāṃguṣṭhādagnimutpādya patyā saha prayāti cet || 23 ||
[Analyze grammar]

tisraḥ koṭyo'rdhakoṭiśca samāḥ svarge mahīyate |
yadi bhaktimatī nārī patiṃ nayati dhāmani || 24 ||
[Analyze grammar]

mahāpāpasamācāro bhartā ced duṣkṛto bhavet |
tasyā'pyanuvratā nārī nāśayet sarvakilbiṣam || 25 ||
[Analyze grammar]

nityamannapradātā yaḥ sadā jñānapradāyakaḥ |
nityātmasukhadātā yaḥ sa vai mokṣamavāpnuyāt || 26 ||
[Analyze grammar]

vidyādānapradātā yaḥ kanyādānakaraśca yaḥ |
jīvanavṛttidātā yaḥ sa vai mokṣamavāpnuyāt || 27 ||
[Analyze grammar]

sukṛtaiḥ svargamāpnoti svargaṃ mokṣasthalaṃ matam |
tyaktvā phalgukriyāṃ tasmātsatataṃ mokṣabhāgbhavet || 28 ||
[Analyze grammar]

dānaṃ deyaṃ daridrāya kanyā nirvaṃśakāya ca |
anāthakāya sadvṛttiḥ sādhave sveṣṭavastukam || 29 ||
[Analyze grammar]

bhāvanā gurave deyā vidyā pātrāya mokṣiṇe |
jñānaṃ sāttvikaśiṣyāya bhaktirdeyā'ntarātmane || 30 ||
[Analyze grammar]

mohajālaṃ tu māyāyai sarvasvaṃ paramātmane |
muktiśca svātmane deyā svātmā deyaḥ parātmane || 21 ||
[Analyze grammar]

evaṃ mokṣaṃ prapadyeta dātā dānaphalaṃ labhet |
tasmātsarvaṃ pradātavyaṃ koṭiyajñaphalādhikam || 32 ||
[Analyze grammar]

sarvadānapradātā yaḥ svasminnarakṣakaśca saḥ |
arthānmukta iti bhāvyo nityamuktaḥ sa sammataḥ || 33 ||
[Analyze grammar]

nāryā kāryaṃ śṛṇu lakṣmi dānaṃ kīdṛgvidhaṃ matam |
mātre'rpaṇīyaṃ kanyātvaṃ kaumāryaṃ lagnavahnaye || 34 ||
[Analyze grammar]

dehastu pataye deyaḥ putrāyā'haṃmamatvakam |
saundaryaṃ tu jarāyai ca vāsanā'rpyā tu mṛtyave || 35 ||
[Analyze grammar]

apatyasneho vadhvai ca nanāmikyai tu bandhanam |
bhāvanā brahmaṇe deyā bhaktirdeyā'ntarātmane || 36 ||
[Analyze grammar]

muktiśca svātmane deyā svātmā deyaḥ parātmane |
iti sarvasvadānaṃ vai kartavyaṃ mokṣakāṃkṣibhiḥ || 37 ||
[Analyze grammar]

vinā vinimayaṃ naiva vastvamūlyamavāpyate |
sarvasvadānamūlyenā'mūlyamokṣamavāpnuyāt || 38 ||
[Analyze grammar]

ātmā tu nityaśuddho'sti śuddhistasya na śiṣyate |
śarīreṇā'pyaśuddhena śuddhasyā'śuddhatā katham || 39 ||
[Analyze grammar]

pātraṃ naivā'styaśuddhaṃ vai lagnaṃ dravyaṃ tvaśuddhidam |
lagnadravyādyapasārātpātraṃ tu śuddhameva ha || 40 ||
[Analyze grammar]

hasto nāstyaśuddho vai tu malaṃ cā'śuddhirucyate |
malāpasaraṇāddhastaḥ śuddha eveti manyate || 41 ||
[Analyze grammar]

yadi pātraṃ ca hastaścā'śuddhau bhavataḥ saṃgataḥ |
tadā nāśyaṃ bhavetpātraṃ hastaśchedyo bhavettathā || 42 ||
[Analyze grammar]

kintu naivaṃ prakurvanti malaṃ niṣkāsayanti vai |
evamātmā sadā śuddhaḥ svarṇā'gnivyomavanmataḥ || 43 ||
[Analyze grammar]

rāgadveṣamalāstasmādapaneyā dhiyā'gninā |
bhaktyā''rādhanayā premṇā prītyā snehena bhāvataḥ || 44 ||
[Analyze grammar]

malā dhyeyā vināśyāśca nirmalo brahma eva saḥ |
brahmarūpaḥ svayaṃ bhūtvā parabrahma bhajetsadā || 45 ||
[Analyze grammar]

nārāyaṇabalaṃ prāpya nārāyaṇamavāpnuyāt |
nārāyaṇabalistasya kartavyo nā'vaśiṣyate || 46 ||
[Analyze grammar]

nārāyaṇabalaṃ yasya nāsti tasyaiva muktaye |
nārāyaṇabaliḥ kāryastadrītiṃ kathayāmi te || 47 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne muktervividhasādhanāni niṣkāmatayā kṛtāni niṣkāmatayā pradattavastūni ca muktidāni deyadānāni nijātmaśuddhyādīni ceti nirūpaṇanāmā ṣaṭsaptatitamo'dhyāyaḥ || 76 ||
[Analyze grammar]