Chapter 75

śrīnārāyaṇa uvāca |
ṣaḍaśītisahasrāṇi yojanānāṃ pramāṇataḥ |
mārgo yamapurasyeti sarvaiḥ pātheyamiṣyate || 1 ||
[Analyze grammar]

yamagrāme'pi bhojyaṃ tairiṣyate vaṃśajaiḥ kṛtam |
vṛkṣāstu ropitā yena taḍāgādijalāśayāḥ || 2 ||
[Analyze grammar]

kṛtā yena hi mārge tatsukhaṃ yānti yamādhvani |
hime tuṣāraśītābhyāṃ pīḍyate na yamālaye || 3 ||
[Analyze grammar]

tapyamānaḥ sukhaṃ yāti hīndhanāni dadāti yaḥ |
yajñotsavādikartāro bhavanti tatra modinaḥ || 4 ||
[Analyze grammar]

tṛptā vibhūṣitāścaiva gandhapuṣpasamanvitāḥ |
bhūmidāne sukhaṃ yānti sarvakāmaiśca pūritāḥ || 5 ||
[Analyze grammar]

suvarṇabhūmimuktādivastrābharaṇagodhanam |
tena sarvamidaṃ dattaṃ yena dattā vasundharā || 6 ||
[Analyze grammar]

vyaṃjanāni vicitrāṇi bhakṣyabhojyāni yāni ca |
dīyante vidhinā putraiḥ pitre tadupatiṣṭhati || 7 ||
[Analyze grammar]

apakve mṛnmaye pātre dugdhaṃ dadyād dinatrayam |
ākāśasthaḥ pibed dugdhaṃ preto vāyuvapurdharaḥ || 8 ||
[Analyze grammar]

caturthe saṃcayaṃ kṛtvā gaṃgāsparśo vidhīyate |
prātaḥ prathamayāme tu dadyādādyajalāṃjalim || 9 ||
[Analyze grammar]

adharottaravastrābhyāṃ vastragranthiṃ ca dāpayet |
ekavastraḥ pradadyāttu sadarbhe ca tilāṃjalim || 10 ||
[Analyze grammar]

dinatrayaṃ vasettoye agnau cāpi dinatrayam |
ākāśe ca vaset trīṇi dinamekaṃ ca vāsave || 11 ||
[Analyze grammar]

vāyurūpo bhramatyeva vāyuḥ kuṭyāṃ sa gacchati |
ekādaśāhe yat śrāddhaṃ tatsāmānyamudāhṛtam || 12 ||
[Analyze grammar]

kṛtvā caikādaśāhantu punaḥ snātvā śucirbhavet |
prathame'hani yaḥ kuryāt sa daśāhaṃ samāpayet || 13 ||
[Analyze grammar]

ekādaśāhe pretasya dadyāt piṇḍaṃ samantrakam |
siddhānnaṃ tasya dātavyaṃ śarkarā'pūpakādayaḥ || 14 ||
[Analyze grammar]

śayyādānaṃ ca kartavyaṃ paścāt ko'nupradāsyati |
tāvadbandhuḥ pitā tāvad yāvajjīvati mānavaḥ || 15 ||
[Analyze grammar]

mṛtamenaṃ śavaṃ jñātvā kṣaṇāt sneho nivartate |
ātmā vai hyātmano bandhurātmā caivātmano ripuḥ || 16 ||
[Analyze grammar]

ato jīvan hi sarvasvaṃ svahastenaiva dāpayet |
tasmāt kāṣṭhamayīṃ khaṭvāṃ hemādipaṭṭikābhṛtām || 17 ||
[Analyze grammar]

sagendukāṃ sopadhānāṃ sā''darśaguptadorakām |
gandhavastrādisatpuṣpāṃ sadvyajanasadantikām || 18 ||
[Analyze grammar]

sapracchādanapaṭikāṃ haimalakṣmīhariśritām |
ghṛtakuṃbhaṃ ca tāmbūlaṃ karpūrāgurucandanam || 19 ||
[Analyze grammar]

kuṃkumaṃ dīpakaṃ chatraṃ cāmarāsanabhājanam |
upānahau saptadhānyaṃ bhṛṃgārakaṃ vitānakam || 20 ||
[Analyze grammar]

evaṃ śayyādidānena svarlokaḥ sukhado bhavet |
upayuktaṃ ca tasyāsīd yatkiñciddhi gṛhe tathā || 21 ||
[Analyze grammar]

gātre cāpi ca yallagnaṃ vastrabhājanabhūṣaṇam |
dātavyamupatiṣṭhettadaindre saurye'pi dhāmani || 22 ||
[Analyze grammar]

navakaṃ ṣoḍaśaśrāddhaṃ śayyāṃ saṃvatsarakriyām |
bharturyā kurute nārī tasyāḥ śreyo bhavediha || 23 ||
[Analyze grammar]

pramadāyā mṛtau deyaṃ vastu strībhūṣaṇādikam |
ācāryāya pradātavyaṃ śayyāratnā'mbarādikam || 24 ||
[Analyze grammar]

bahubhyo na pradeyāni gaurgṛhaṃ śayanaṃ striyaḥ |
ekasmai tu pradātavyamācāryāya tu kevalam || 25 ||
[Analyze grammar]

yatpuṇyaṃ ca vyatīpāte kārtikyāmayane tathā |
ekādaśyāṃ ca yatpuṇyaṃ candrasūryagrahe tathā || 26 ||
[Analyze grammar]

prayāge naimiṣe yacca kurukṣetre tathā'rbude |
gaṃgāyāṃ yamunāyāṃ ca sindhusāgarasaṃgame || 17 ||
[Analyze grammar]

śayyādānāḍhikāryeṇa tattatphalamavāpnuyāt |
yatrāsau jāyate janturbhuṃkte tatraiva tatphalam || 28 ||
[Analyze grammar]

karmakṣaye kṣitau jāto mānuṣaḥ śubhalakṣaṇaḥ |
mahādhanī ca dharmajñaḥ sarvaśāstraviśāradaḥ || 29 ||
[Analyze grammar]

arho'sau havyakavyeṣu pitṛbhiḥ saha modate |
divyaṃ vimānamāruhya tvapsarobhiḥ samāvṛtaḥ || 30 ||
[Analyze grammar]

devaiḥ susatkṛto yāti vaikuṇṭhaṃ maraṇottaram |
śrāddhe tṛptaḥ pitā dadyātputrān santativardhakān || 31 ||
[Analyze grammar]

tathā tṛpto godhanaṃ tu sandadāti pitāmahaḥ |
tathā tṛpto hemadaḥ syād yastasya prapitāmahaḥ || 32 ||
[Analyze grammar]

dadyādvipulamannādyaṃ vṛddhastu prapitāmahaḥ |
nārāyaṇabaliṃ kuryād yasya vaṃśo na vidyate || 33 ||
[Analyze grammar]

vimuktaḥ sarvapāpebhyo muktaḥ sa narakād dhruvam |
dhaniṣṭhāṃ tu samārabhya revatyantaṃ tu pañcakam || 34 ||
[Analyze grammar]

paṃcake tu mṛtasyā'tra dāho naiva vidhīyate |
śavasya tu samīpe ca kṣipyante puttalāstataḥ || 35 ||
[Analyze grammar]

darbhamayāśca catvāra ṛkṣamantrābhipūjitāḥ |
tato dāhaśca kartavyastaiśca puttalakaiḥ saha || 36 ||
[Analyze grammar]

pañcakeṣu mṛto yo'sau na gatiṃ labhate naraḥ |
dīyate na jalaṃ tatra sarvadā hyaśubhaṃ bhavet || 37 ||
[Analyze grammar]

lokayātrā na kartavyā duḥkhārtaḥ svajano yadi |
paṃcakānantaraṃ sarvaṃ kartavyaṃ vidhipūrvakam || 38 ||
[Analyze grammar]

putrāṇāṃ gotriṇāṃ tasya santāpastvanyathā bhavet |
gṛhe hānirbhavet tasya paṃcake tu mṛtasya vai || 39 ||
[Analyze grammar]

sūtakānte tataḥ putraḥ kuryācchāntikṛduttamam |
tilān gāṃśca hiraṇyaṃ ca tasyoddeśe ghṛtaṃ diśet || 40 ||
[Analyze grammar]

bhojanopānahau chatraṃ hemamudrā ca vāsasī |
dakṣiṇā dīyate cāpi pretapātakanāśinī || 41 ||
[Analyze grammar]

aṣṭādaśaiva vastūni pretaśrāddhe vivarjayet |
āśiṣo dviguṇā darbhāḥ svastyastu praṇavastathā || 42 ||
[Analyze grammar]

agnīkaraṇamucchiṣṭaṃ śrāddhaṃ tu vaiśvadaivikam |
vikīraśca svadhākāraḥ pitṛśabdo'pravācanam || 43 ||
[Analyze grammar]

āvāhanamulmukaṃ cā''sīmāntaṃ ca pradakṣiṇā |
visarjanaṃ tilahomaḥ pūrṇāhutirdaśā'ṣṭa tān || 44 ||
[Analyze grammar]

tāmbūlaṃ dantakāṣṭhaṃ ca bhojanaṃ ṛtusevanam |
grāmamadhye sthite prete varjayet piṇḍapātanam || 45 ||
[Analyze grammar]

kṛtvā niraśanaṃ yo vai mṛtyumāpnoti ko'pi cet |
mānuṣīṃ tanumutsṛjya prāpnoti haritulyatāma || 46 ||
[Analyze grammar]

tasmādanaśanaṃ nṝṇāṃ vaikuṇṭhapadadāyakam |
svasthāvasthena dehena mokṣasyaiva prasādhakam || 47 ||
[Analyze grammar]

anaśanavratakartā ṛṣīṇāṃ maṇḍale vaset |
yadvā vairājadeveṣu īśeṣu vā'tha mokṣaṇe || 48 ||
[Analyze grammar]

tuṣṭā brahmādayastasya yāmyāḥ santi na yātanāḥ |
asthīni mānuṣe dehe ṣaṣṭyadhikaśatatrayam || 49 ||
[Analyze grammar]

udakuṃbhena puṣṭāni jalakuṃbhaḥ pradīyate |
sulipte bhūmibhāge ca pakvānnamapi dīyate || 50 ||
[Analyze grammar]

ityevamapi kartavyaṃ brahmabhāvanayā sadā |
nārāyaṇaḥ svayaṃ tasya muktiṃ karoti saṃsmṛtaḥ || 51 ||
[Analyze grammar]

mṛtyupūrvaṃ mṛtau śavayātrāyā śavadāhane |
śrāddhe sarvatra vācyaṃ śrīharirnārāyaṇo muhuḥ || 52 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne prakīrṇakadānaśayyādānādipaṃcakamṛtordhvakāryā'naśanakṛnmṛtyūttaragatyādinirūpaṇanāmā |
pañcasaptatitamo'dhyāyaḥ || 75 ||
[Analyze grammar]