Chapter 59

śrīnārāyaṇa uvāca |
athāpi vāsanāleśād bahujanmabhramestathā |
mano yadi punaścāyātsthairyaṃ naiva samāśrayet || 1 ||
[Analyze grammar]

tadā tu mana evedaṃ brahma ityapi dhārayet |
tasmin yadudbhavecchuklaṃ mantavyaṃ kṛṣṇameva vā || 2 ||
[Analyze grammar]

tadapi brahma eveti nānyo vai viṣayo hi saḥ |
ityevaṃ kalpayet prājño mumurṣurnā'nyamarthayet || 3 ||
[Analyze grammar]

athāpi tatra bhāsaḥ syādvividhānāṃ tu dehinām |
paśukalatraputrādidravyabhavanasampadām || 4 ||
[Analyze grammar]

sarvaṃ vai brahma ityevaṃ kalpayennānyamarthayet |
evaṃ tadbrahmabhāvena brahmarūpāṇi tāni vai || 5 ||
[Analyze grammar]

bhavantyeva tatastāni naiva bandhakarāṇi hi |
athāpi tanmano brahmarūpaṃ kṛtvā svayaṃ janaḥ || 6 ||
[Analyze grammar]

sarvaṃ brahmamayaṃ paśyennānyat kiṃcidvilokayet |
nendriyairnāntarairnaiva vāsanākiraṇena vā || 7 ||
[Analyze grammar]

svātmariktaṃ vipaśyeddhi kiṃcidanyadatanmayam |
tādṛśaṃ svaṃ manaścaiva mantavyaṃ brahmarūpakam || 8 ||
[Analyze grammar]

kṛtvā tataḥ paraṃbrahma dhyāyecchāntarayeṇa vai |
tad yathā svaṃ brahma kṛtvā paraṃ brahma sumūrtakam || 9 ||
[Analyze grammar]

cintayet saumyarūpaṃ taṃ sūkṣmaṃ prādeśamātrakam |
caturbhujaṃ śaṃkhacakragadāpadmadharaṃ prabhum || 10 ||
[Analyze grammar]

suprasannamukhāṃbhojaṃ padmapatrāyatekṣaṇam |
kesarapiśaṃgadhautraṃ ratnanaddhasubhūṣaṇam || 11 ||
[Analyze grammar]

mahāratnā'ñcitaprāntakalgikirīṭakuṇḍalam |
śrīvatsaṃ vakṣasi dadhadvanamālāsukaustubham || 12 ||
[Analyze grammar]

raśanā''vṛttakaṭyāḍhyaṃ svarṇanūpurapatkajam |
komalasvarṇapattrāṇaṃ varaprāvārasaṃvṛtam || 13 ||
[Analyze grammar]

suvarṇaśṛṃkhalāyuktā'ṅgulīyakaṃkaṇānvitam |
snigdhā''bhugnanīlakeśaṃ mandahāsā'mṛtānanam || 14 ||
[Analyze grammar]

premarasodgamannetraṃ bhrūcāṃcalyakṛpāparam |
ityevaṃ divyatejaskaṃ surūpaṃ cintayennije || 15 ||
[Analyze grammar]

tathā nakhaśikhāpūrṇamekaikamaṃgamīkṣayet |
yāvannasthiratāṃ yāyāt samabhyasyettu tāvatā || 16 ||
[Analyze grammar]

sukhasthirāsanasaṃstho jihāsurlokamulbaṇam |
prāṇānyacchenmano yacched buddhiṃ yacchennijātmani || 17 ||
[Analyze grammar]

ātmānaṃ brahmaṇi yacched brahmātmānaṃ parātmani |
evaṃ kramātparaṃ ruddhaḥ śāntastadrūpatāṃ gataḥ || 18 ||
[Analyze grammar]

virameta śanaiḥ kṛtyānna guṇā bandhanapradāḥ |
kuto'nyatkālamāyādi yatpadaṃ vaiṣṇavaṃ tu tat || 19 ||
[Analyze grammar]

nābhiṃ saṃkucya ca gudaṃ kramāccakrāṇi laṃghayet |
suṣumṇayā bhruvormūle guruṃ dhyātvordhvamāgataḥ || 20 ||
[Analyze grammar]

mūrdhnaśchidraṃ tato bhittvā muktaiḥ saha parivrajet |
śuklaṃ vaiśvānaraṃ gatvā sūryaṃ cāndraṃ ca tārakāḥ || 21 ||
[Analyze grammar]

paitryaṃ sthānaṃ samullaṃghya ṛṣīṇāṃ maṇḍalāni ca |
satyaṃ lokaṃ samulaṃghyā'ṣṭaiśvarāvaraṇāni ca || 22 ||
[Analyze grammar]

samullaṃghya tato gacchedvirāṭnārāyaṇaṃ prabhum |
hiraṇyagarbhamullaṃghya mahāviṣṇupadaṃ tataḥ || 23 ||
[Analyze grammar]

taccāpi saṃparityajya prādhāne prākṛte pade |
samapohya brahmalokaṃ śāśvataṃ dhāma cāpnuyāt || 24 ||
[Analyze grammar]

na mṛtyurna jarā tatra na kālo na ca śocanam |
nārtirnodvega ityeṣaḥ śrīharerloka ucyate || 25 ||
[Analyze grammar]

tanmūrtestu parānandamāpnotyānandatanmayaḥ |
evaṃ mumukṣuḥ kriyayā dhyānenopāsanena vā || 26 ||
[Analyze grammar]

upāsitvā tathā dhyātvā paraṃbrahma samaśnute |
bhagavatā śrīhariṇā lakṣmyai sṛtī pradarśite || 27 ||
[Analyze grammar]

kriyāyogo bhaktiyogo yenātmā mokṣamāpnuyāt |
hariḥ sarvatra niyataḥ sarvaṃ caiva harau matam || 28 ||
[Analyze grammar]

tena sarvātmanā dhyāyed draṣṭāramantarātmani |
ataḥ sarvasvabhāvena sarvatra sarvadā harim || 29 ||
[Analyze grammar]

śṛṇuyātkīrtayeddhyāyed yena tanmayatāṃ vrajet |
ye vai kathāmṛtaṃ nityaṃ pibanti harimāśritāḥ || 30 ||
[Analyze grammar]

prajvalantyāśayāsteṣāṃ vrajanti tatpadāmbujam |
evaṃ vijñānarasanāmāśrito rasavijjanaḥ || 31 ||
[Analyze grammar]

kṣitiṃ tu gendukaṃ kṛtvopabarhaṇaṃ bhujadvayam |
añjaliṃ bhujisatpātraṃ diśo vastraṃ prakalpya ca || 32 ||
[Analyze grammar]

vṛkṣādbhikṣāṃ saridy्śca jalaṃ guhāgṛhaṃ tathā |
nārāyaṇāttu santoṣaṃ prāpyā''tmaramaṇo muniḥ || 33 ||
[Analyze grammar]

kiṃ kasmāttu samīheta nārāyaṇamṛte punaḥ |
sakāmo vātha niṣkāmo hariṃ dhyāyettadātmanā || 34 ||
[Analyze grammar]

pratīkeṣvapratīke vā tattānastanmayo bhavet |
tenaivaikena devena svasmāt svasya vibhūtayaḥ || 35 ||
[Analyze grammar]

bhinnopāsakakāmānāṃ tṛptyarthaṃ prakaṭīkṛtāḥ |
yato nā'yaṃ janaḥ sarvo mṛtau bhavati nispṛhaḥ || 36 ||
[Analyze grammar]

subahūn mṛtikāle'pi padārthānīhate punaḥ |
tatastenāpi tattasmin brahmabhāvanayā muhuḥ || 37 ||
[Analyze grammar]

sakāmanayā vicintyamiṣṭadaṃ brahmacaiva tat |
vipratejasvitākāmo bhajetpatnīvrataṃ harim || 38 ||
[Analyze grammar]

lakṣmīkāmo bhajellakṣmīṃ tvāṃ suvarṇapradāṃ sadā |
indriyasauṣṭhavamicchan bhajedindraṃ śacīpatim || 39 ||
[Analyze grammar]

apatyecchurbhajedatra dakṣādikaprajāpatīn |
apradhṛṣyatvakāmo'gniṃ dravyakāmo vasūnbhajet || 40 ||
[Analyze grammar]

vīryakāmo bhajedrudramannecchuraditiṃ bhajet |
svargecchustu bhajet sūryaṃ rājyecchurviśvadevatāḥ || 41 ||
[Analyze grammar]

prajāvaśitvakāmastu sādhyadevān yajeta vai |
cirāyuricchuraśvinau puṣṭīcchuḥ pṛthivīṃ yajet || 42 ||
[Analyze grammar]

pratiṣṭhecchurvyomabhūmī patnīcchururvaśīṃ yajet |
rūpakāmastu gandharvān kīrtikāmaḥ kratuṃ yajet || 43 ||
[Analyze grammar]

sarvādhipatyakāmastu yajed brahmāṇameva ca |
dhanasaṃgrahakāmastu varuṇaṃ vai prapūjayet || 44 ||
[Analyze grammar]

vidyākāmo yajecchaṃbhuṃ dharmecchurviṣṇumarcayet |
dāmpatyapremakāmastu satīmumāṃ sadā yajet || 45 ||
[Analyze grammar]

santānakulavṛddhyarthaṃ yajet pitṝnatandritaḥ |
sarvathā duḥkhanāśāya yajñān kuryānmuhurmuhuḥ || 46 ||
[Analyze grammar]

balecchuko maruddevān rājyecchurmanudevatāḥ |
bhogecchuḥ śaśinaṃ śatrunāśecchū rākṣasān yajet || 47 ||
[Analyze grammar]

muktikāmastu puruṣaṃ paramātmānamīśvaram |
bhajeta satataṃ bhaktaḥ kāmā'kāmamayo dhiyā || 48 ||
[Analyze grammar]

tameva paramātmānaṃ sarvasvapradamarthayet |
tattatkāmaprasiddhiḥ syāt siddhau tṛptistṛṣākṣayaḥ || 49 ||
[Analyze grammar]

tato'pi nityasaccidānandasandohamarthayet |
vihāre bhojane pāne śrṛṃgāre mehane ratau || 50 ||
[Analyze grammar]

paraśūnāmapi kālo vai pṛthaggacchatyato nu kim |
taravo'pi hi jīvanti bhastrāścāpi śvasanti vai || 51 ||
[Analyze grammar]

kathā naiva śrutā karṇe te'pi tādṛgvidhā janāḥ |
kathāśrutiṃ vinā karṇau vālmīkau tu bilau matau || 56 ||
[Analyze grammar]

saṃkīrtanamṛte jihvā dārdurikyeva bhautikī |
mukuṭārhaṃ śiro natimṛte bhārastu kevalaḥ || 53 ||
[Analyze grammar]

hareḥ sevāmṛte hastau svarṇārhāvapi cendhanau |
haryadarśanakṛnnetre māyūrabarhacandrake || 54 ||
[Analyze grammar]

haryamandiragau pādau vṛkṣastambau hi kevalau |
hareraṃghrirajo lābhaṃ vinā martyo jīvanmṛtaḥ || 55 ||
[Analyze grammar]

harervṛndāpuṣpagandhaṃ vinā nāsāpi śāvikī |
harerbhaktau dravā'bhāve hṛdayaṃ prastaropamam || 56 ||
[Analyze grammar]

hareḥ kathāyāṃ yannetre jalaṃ romeṣu harṣaṇam |
aṃgeṣu pulako bhāvo dravo hṛdi sa sāttvataḥ || 57 ||
[Analyze grammar]

sātvatānāṃ hṛdi sākṣānnārāyaṇo vasāmyaham |
namastasmai pareśāya tajjalāya namo namaḥ || 58 ||
[Analyze grammar]

anantaśaktyadhiṣṭhānāntarātmaṃste namo namaḥ |
adṛśyarūpiṇe'lakṣyavartmane brahmaṇe namaḥ || 59 ||
[Analyze grammar]

durītanāśane'khilaprāṇirūpāya te namaḥ |
asannirasananāmne sāttvatāmpataye namaḥ || 60 ||
[Analyze grammar]

dīnānāṃ bandhave tubhyaṃ svadhāmni raṃsyate namaḥ |
nirastātiśayasāmyaguṇaiśvaryavate namaḥ || 61 ||
[Analyze grammar]

ayogināṃ vidūrāya svahṛdisthāya te namaḥ |
yatkīrtiśravadṛśyarhāsmṛtistotrāṇi sarvathā || 6 ||
[Analyze grammar]

kalmaṣāṇi vidhunvanti tasmai bhadrakṛte namaḥ |
prapannā yatpadopāstyā mātrāspṛśiṃ vidhūya ca || 63 ||
[Analyze grammar]

nirāśayā brahmagatiṃ yānti tasmai ca te namaḥ |
śīladānakriyāmantrayajñatyāgatapovratāḥ || 64 ||
[Analyze grammar]

yadarpaṇamṛte kṣemaṃ vindanti nahi te namaḥ |
śvādamatsyādacarmakṛdyavanā''bhīrasaṃkarāḥ || 65 ||
[Analyze grammar]

kaṃkaśabarajhallādapāradhirgaṇikāpivāḥ |
kirātakhasaghātāśca pāpāścānye'pi jantavaḥ || 66 ||
[Analyze grammar]

yadāśritāśrayācchīghraṃ śuddhyanti te namo namaḥ |
avatāramayaḥ so'yaṃ sādhusādhvīmayaḥ prabhuḥ || 67 ||
[Analyze grammar]

īśeśā'jāmayo devo nārāyaṇaḥ prasīdatām |
ṛṣipitṛdevamayo mānavāsuranāgadhṛk || 68 ||
[Analyze grammar]

patipatnīmayo devo nārāyaṇaḥ prasīdatām |
naranārīsvarūpo'yaṃ nṛparājñīmayaḥ prabhuḥ || 69 ||
[Analyze grammar]

lokadhāmadharādhīhrīśrīpatirme prasīdatām |
yatpādadhyānadhautāntarhṛdo vindanti yaṃ prabhum || 70 ||
[Analyze grammar]

tadotaprotasadbuddhyā yādṛgrūpaḥ sa dṛśyate |
tathā taṃ kavayo loke varṇayanti parātparam || 71 ||
[Analyze grammar]

brahmavāṇyāṃ brahmarūpo lokavāṇyāṃ rasātmakaḥ |
ubhavāṇyāṃ miṣṭatikto prasīdatāṃ katheṣṭadaḥ || 72 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne bhagavaddhayānabrahmalokagamanatattadvibhūtidhyānādikathananāmaikonaṣaṣṭitamo'dhyāyaḥ || 59 ||
[Analyze grammar]