Chapter 60

śrīnārāyaṇa uvāca |
ityevaṃ pratyahaṃ lakṣmi  hāṭakāṃgadabhūpatiḥ |
kathāḥ śvetavyāsamukhācchṛṇoti śrotṛbhiḥ saha || 1 ||
[Analyze grammar]

ṛṣerbālakṛtācchāpātpreritaḥ kuhakaḥ phaṇī |
samāgacchati daṃśārthaṃ paścimāśāvibhāgataḥ || 2 ||
[Analyze grammar]

viprarūpaṃ sa vai dhṛtvā vratadākhyasarittaṭe |
viśrānto vaṭacchāyāyāṃ yāvattiṣṭhati sarparāṭ || 3 ||
[Analyze grammar]

tadā tatra samāyāto vaidyaveṣā'paro dvijaḥ |
so'yaṃ dhanvantarirvaidyo viṣanāśakamauṣadham || 4 ||
[Analyze grammar]

ādāya gacchati yatra tvasyāḥ pārāyaṇaṃ vṛtam |
rājño viṣaṃ hariṣye'haṃ lapsye svarṇamayaṃ bahu || 5 ||
[Analyze grammar]

pāritoṣikamityevaṃ kṛtvā taṃ hāṭakāṃgadam |
rakṣituṃ yāti so'pyatra mahāvaṭataroradhaḥ || 6 ||
[Analyze grammar]

chāyāṃ suśītalāṃ prāpya vratadā kankalāsalilaṃ śubham |
pātuṃ viśramituṃ tatra niṣasāda vaṭasthale || 7 ||
[Analyze grammar]

kuhakena paripṛṣṭhaḥ prāha dhanvantaristadā |
hāṭakāṃgadarājarṣervipraśāpakṛtādbhayāt || 8 ||
[Analyze grammar]

kuhakadaṃśajanyādva garalātmakavighnataḥ |
taṃ gacchāmi mocayituṃ pāritoṣikavāñcchayā || 9 ||
[Analyze grammar]

kuhakena tu tacchrutvā kathitaṃ śṛṇu bho dvija |
kuhakasya garaṃ tīvraṃ kathaṃ tvaṃ vārayiṣyasi || 10 ||
[Analyze grammar]

kurvatraiva vaṭe tasya parīkṣāṃ yāhi bho tataḥ |
daśāmyenaṃ vaṭa tvaṃ taṃ kuru pallavitaṃ punaḥ || 11 ||
[Analyze grammar]

uktvaivamadaśadvṛkṣaṃ nyagrodhaṃ yāvadeva hi |
tāvadāmūlato vṛkṣaḥ śuṣko'bhūd viṣayogataḥ || 12 ||
[Analyze grammar]

dhanvantaristadā nadyā jalamādāya cauṣadham |
āplāvya tasya mūle tu yāvatkaroti secanam || 13 ||
[Analyze grammar]

tāvadvaṭo'pyaṃkuritaḥ patrarasabharo yathā |
pūrvamāsīttathaiva drāgjāto harita ityapi || 14 ||
[Analyze grammar]

āścaryamidamālokya kuhakaḥ prāha taṃ dvijam |
mā yāhi bho dvijaśreṣṭha kastvaṃ māṃ sannivedaya || 15 ||
[Analyze grammar]

dravyaṃ svarṇaṃ parārdhaṃ te dadāmi tatra yāhi mā |
dvijo dhanvantariḥ prāha nārāyaṇāṃśajo'smyaham || 16 ||
[Analyze grammar]

hāṭakāṃgadabhaktaṃ me rakṣituṃ yāmi mānada |
kuhakaḥ prāha te diṣṭyā brahmaśāpo babhūva ha || 17 ||
[Analyze grammar]

bhavāneva kathaṃ tadvai vyalīkaṃ kartumicchati |
āyuṣastasya sāntatvātsukṛtasya kṣayādapi || 18 ||
[Analyze grammar]

tava saṃketakāryatvānnāśaṃ yātu dharāpatiḥ |
gṛhāṇedaṃ parārdhaṃ vai svarṇamaṇimayaṃ dhanam || 19 ||
[Analyze grammar]

parāgaccha mahārāja yāmyahaṃ daṃśanāya tam |
kuhakastvevamābhāṣya maṇiṃ svamūrdhna ādadau || 20 ||
[Analyze grammar]

yasmātsvarṇamanantaṃ vai sparśādbhavati lohataḥ |
dhanvantarirdhanaṃ nītvā gataḥ svasya niketanam || 21 ||
[Analyze grammar]

kuhakastu bhāviyogātkathāsthānamagād drutam |
vaṭo'mṛtauṣadhiprāptestūrṇaṃ tvamaratāṃ gataḥ || 22 ||
[Analyze grammar]

śvetaharitaparṇāḍhyo yāvatkalpaṃ bhaviṣyati |
dhanvantarivaṭakhyātiṃ loke vai sa gamiṣyati || 23 ||
[Analyze grammar]

raivatātparvatānnairṛtyāyāṃ diśi vaṭo'lpakaḥ |
yojanatritayaṃ dūre vartate sūcayan sthitim || 24 ||
[Analyze grammar]

mahālayakṣiteḥ paścād dūraṃ gavyūtirasti saḥ |
tīrthaṃ viṣaharaṃ tadvai snānamātrātpraśasyate || 25 ||
[Analyze grammar]

vaṭasparśanamātrācca viṣaṃ naśyati dehinām |
mantro viṣaharaścāyaṃ dhanvantarisamīritaḥ || 26 ||
[Analyze grammar]

viṣā'pasarpa bhadraṃ te gaccha viṣa ito drutam |
hāṭakāṃgadarakṣārthaṃ dhanvantaribalaṃ smara || 27 ||
[Analyze grammar]

iti mantraṃ samuccāryā'vatārayati yo viṣam |
drāgeva pralayaṃ yāti viṣamulbaṇamulbaṇam || 28 ||
[Analyze grammar]

atha saḥ kuhako viprarūpadhṛk sadasi drutam |
pracchannaśca samāgamya kathāṃ śṛṇoti nityaśaḥ || 29 ||
[Analyze grammar]

prāpte triṃśattame tvahni pūrvaṃ sāyāhna eva tu |
pārāyaṇasamāptau vai vyāsapūjottaraṃ tadā || 30 ||
[Analyze grammar]

hāṭakāṃgadabhūpālaṃ yajamānaṃ yadā guruḥ |
vyāso jagāma sahāśīrvādadānāya tāvatā || 31 ||
[Analyze grammar]

rūpāntaraṃ śalākeva sūkṣmaṃ kṛtvā tu sarparāṭ |
hārapuṣpeṣu vai līnaḥ puṣpavarṇa ivā'kaḷaḥ || 32 ||
[Analyze grammar]

hāreṇa saha nṛpateḥ kaṇṭhe tiṣṭhati vāñchayā |
yāvad rājāpi vadati vyāsadeva namo'stu te || 33 ||
[Analyze grammar]

tava prasādād vighno me gata eveti lakṣaye |
tāvatsa kuhakaḥ kaṇṭhe sūkṣmaṃ daṃśaṃ cakāra vai || 34 ||
[Analyze grammar]

viṣaṃ svamulbaṇaṃ tīvraṃ daṃṣṭrayā'siñcadaṇvapi |
rājñastadbrahmarandhre vai gataṃ nāḍyā tu satvaram || 35 ||
[Analyze grammar]

avyāpnottāvadānakhaśikhaṃ hāhādhvanistadā |
samabhūcca sadasyānāṃ śokodvignadhiyāṃ mahān || 36 ||
[Analyze grammar]

rājā tu kṛṣṇasaṃlagnamānasātmeva yogirāṭ |
divyavigrahavān bhūtvā yayau brahmapuraṃ param || 37 ||
[Analyze grammar]

kuhukastu svakaṃ rūpaṃ darśayitvā nigūhya ca |
satvaraṃ paridudrāva jagāma nijamālayam || 38 ||
[Analyze grammar]

atha rājñaḥ suputreṇa svarṇāṃgadena yajñarāṭ |
sarpayajñaḥ kṛto yatra sarpāṇāmanale havaḥ || 39 ||
[Analyze grammar]

svapituḥ pratikārāya kṛto roṣanivṛttaye |
sarpāṇāṃ tu vināśāya sarpamantravidastadā || 40 ||
[Analyze grammar]

samāhūya dvijāṃstūrṇaṃ sarpasatraṃ samācarat |
agniṃ prājvālya nāmāni sarpāṇāṃ parihṛtya ca || 41 ||
[Analyze grammar]

juhāva subahūn sarpān petuścāgnau ca saṃghaśaḥ |
kuhakastu tadā cendraśaraṇaṃ gatavān kila || 4 ||
[Analyze grammar]

prāha rakṣa surādhipa mṛterasyāḥ dayāṃ kuru |
śrutveti ca tadā hīndro rājā trilokirakṣakaḥ || 43 ||
[Analyze grammar]

sarpaṃ rarakṣa pārśve sve na vai patati sarparāṭ |
dhyānena tu tadā viprairjñāta indrasurakṣitaḥ || 44 ||
[Analyze grammar]

tadā vai brāhmaṇāstatra mantrānuccārya vegataḥ |
suparṇadvijamukhyāste prasahyāhūya bhoginaḥ || 45 ||
[Analyze grammar]

juhuvuścānale mukhyān gauṇāṃścāpi samantataḥ |
sendraṃ ca kuhakaṃ mantramuccāryā'pyajuhod yathā || 46 ||
[Analyze grammar]

omagnaye svāhā kuhakaṃ sendraṃ juhomi mantram |
yāvaduccārya sarṣapān juhotyagnau tadā svayam || 47 ||
[Analyze grammar]

indraḥ kuhakayukto vai svāsanātpatito bhuvi |
agnau sasarpaḥ patitaḥ prajajjvālā''kaṭi drutam || 48 ||
[Analyze grammar]

brahmaṇā sa niruddho vai maivaṃ deve'tigaṃ kuru |
tadā dvijaḥ suparṇastu dvijāścānye mahābalāḥ || 49 ||
[Analyze grammar]

pitāmahavacaḥ śrutvā nivṛttāḥ karmaṇastataḥ |
indraṃ dhanvantariretya tvauṣadhenā'cikitsayat || 50 ||
[Analyze grammar]

nīrujaṃ tu cakārainaṃ jagāma svaniketanam |
kuhakastvardhadagdho vai śeṣeṇā''gatya mocitaḥ || 51 ||
[Analyze grammar]

jīvitaḥ prāṇasandhinyā samauṣadhyā tataḥ khalu |
sarpāḥ kuhakajātīyāḥ pṛṣṭhe deśe samantataḥ || 52 ||
[Analyze grammar]

kṛṣṇapītasudhūmrādivicitracandrakāḥ sadā |
dagdhatvacāṃ darśanāni bhavanti tvagnipāśataḥ || 53 ||
[Analyze grammar]

ityevaṃ prathamadvāparasya jātaṃ kathānakam |
tadānīmindradevasya trāso'bhūnmaraṇasya vai || 54 ||
[Analyze grammar]

tadvat trāso bhavatyeva prāṇināṃ ghātakarmaṇi |
tasmād ghāto na kartavyaḥ kenacittu dayālunā || 55 ||
[Analyze grammar]

ityevaṃ tu kathā divyā proktā kalpādikālajā |
bhaktyahiṃsādidharmāḍhyā paraśreyaskarī śubhā || 56 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne vratadānanadītaṭīyavaṭacchāyāyāṃ kuhakadhanvantaribalaparīkṣaṇasarpadaṃśajahārakāṃgadanidhanasarpasatrāgnimadhyasendrakuhakahomasuparṇadvijādikṛtahavanagrastendrakuhakā dikaruṇākṛdbrahmaśeṣādivacanadvārakarakṣaṇādinirūpaṇanāmā ṣaṣṭitamo'dhyāyaḥ || 60 ||
[Analyze grammar]