Chapter 58

śrīnārāyaṇa uvāca |
śṛṇu lakṣmi  tatastatra kiṃ kiṃ jātaṃ nibodha me |
śvetavyāsamuniścādyaḥ provāca hāṭakāṃgadam || 1 ||
[Analyze grammar]

rājaṃstavāśramastādṛk śreyo'rthaḥ svalpa āpyate |
ātmattattvasya lābho na nidrāvyavāyakarmabhiḥ || 2 ||
[Analyze grammar]

vayo vyatyeti kāmena rātryo niryānti nidrayā |
dinānyudarapūrtyarthaṃ vyavasāyaviḍambanaiḥ || 3 ||
[Analyze grammar]

draṣṭā paśyatyavirataṃ līyamānaṃ kṣaṇa jagat |
gṛhā'patyakalatrādi mṛtaṃ paśyanna paśyati || 4 ||
[Analyze grammar]

hyaḥ samupārjitaṃ cā''dya śvo vā nāśaṃ prayātyapi |
loko naiva vijānāti svasya nāśamupasthitam || 5 ||
[Analyze grammar]

sarpeṇā'rdhaṃ mukhe grasto maṇḍuko nikaṭā''gatām |
yatate makṣikāmattuṃ jīvitāśā duratyayā || 6 ||
[Analyze grammar]

kaścideva kṛpāleśād vijānātyātmamokṣaṇam |
kaścideva kṛpāpātraṃ yatate śreyase punaḥ || 7 ||
[Analyze grammar]

kaścit tatrāpi sukṛtī mokṣārthameva tiṣṭhati |
rājan samyagvyavasitaṃ tvayā vai mokṣakāṃkṣiṇā || 8 ||
[Analyze grammar]

śrotavyaḥ kīrtitavyaśca smartavyaḥ śrīhariḥ prabhuḥ |
yogasādhanasampatteḥ sāṃkhyavijñānasaṃdhṛte || 9 ||
[Analyze grammar]

śāstrāṇāṃ ca tathā'bhyasterlābho mokṣaviniścayaḥ |
lābho mānavasaṃbhūteryadante śrīharismṛtiḥ || 10 ||
[Analyze grammar]

sādhavaḥ prāyaśo rājan ramante'jaguṇā'rṇave |
nirguṇā api kurvanti kathākīrtyādikaṃ hareḥ || 11 ||
[Analyze grammar]

kīrtanaṃ tu caritrāṇāṃ mūrteśca smaraṇaṃ tathā |
samāgamastadbhaktānāṃ paraṃ śreyo dadāti hi || 12 ||
[Analyze grammar]

śravaṇaṃ tatkathānāṃ tadvibhūtīnāṃ ca vijñatā |
upāsā hṛtsthitestasya paraṃ mokṣaṃ dadāti hi || 13 ||
[Analyze grammar]

śrīharestu kṛpāyogācrīraṃhareḥ kiraṇodbhavaḥ |
śvetavyāsamuniścādyo nirguṇo'haṃ haro harim || 14 ||
[Analyze grammar]

dhyāyāmi ca smarāmi ca kīrtayāmi kathā hareḥ |
kathāstāstu mayā lakṣmīnārāyaṇamukhācchrutāḥ || 15 ||
[Analyze grammar]

tābhiścā'haṃ sthitiṃ prāpto nirguṇāṃ muktirūpiṇīm |
tathāpyetāḥ śrāvayāmi janān paramamuktaye || 16 ||
[Analyze grammar]

lakṣmīnārāyaṇasaṃhitaiṣā tu brahmarūpiṇī |
mahābhāgavatī vāṇī brahmarūpān karoti hi || 17 ||
[Analyze grammar]

yatra sthale śravaścāsyā māsapārāyaṇena vai |
sārasyāpi sthalaṃ tadvai divyaṃ vaikuṇṭhakaṃ bhavet || 18 ||
[Analyze grammar]

yeṣāṃ śravaṇagā hyeṣā saṃhitā''tmanyadhiṣṭhitā |
te vai muktāḥ sadā bodhyā dehadhṛgo'pi mānavāḥ || 19 ||
[Analyze grammar]

eṣāṃ tu saṃhitāṃ rājan ṣaṭvāṃgadaḥ pitā tava |
śrutavān kuṃkumavāpyāṃ gatavānabhayaṃ harim || 20 ||
[Analyze grammar]

brahmaṇā saṃśruteyaṃ tu saṃhitā ṛṣibhiḥ samam |
tretāyāṃ satyaloke ca devaiśca pitṛbhiḥ samam || 21 ||
[Analyze grammar]

vaikuṇṭhe pāṭhamasyāśca lakṣmīrdevī karoti hi |
etatpārāyaṇaṃ sarvavedebhyo'pyuttamaṃ matam || 22 ||
[Analyze grammar]

sarvataḥ prāgidaṃ śāstraṃ nārāyaṇamukhodgamam |
parabrahmā'vatārāstadvibhūtikoṭayastathā || 23 ||
[Analyze grammar]

pravarṇitā yathārthā vai nārāyaṇamukhācchrutāḥ |
sarveṣāmādimaṃ śāstraṃ saṃhiteyaṃ sunirmitā || 24 ||
[Analyze grammar]

ādyavyāsena vai śveteneyaṃ saṃviśadīkṛtā |
imāmādhāramādāya śāstrapurāṇasaṃhitāḥ || 25 ||
[Analyze grammar]

granthiṣyantyanyavyāsādyāḥ purāṇetikathānakān |
tadidaṃ paramaṃ śrāvyaṃ nārāyaṇapadārjakam || 26 ||
[Analyze grammar]

ekāgreṇaiva manasā cintyastasyārtha uttamaḥ |
yena mokṣo bhavetsadyo brahmalokagamātmakaḥ || 27 ||
[Analyze grammar]

viṣayebhya indriyāṇāṃ vigamaṃ hi samācaret |
vṛttīnāṃ cāntare tattve layamanvahamācaret || 28 ||
[Analyze grammar]

āntarāṇāṃ tu vṛttīnāṃ svasmin sthairyaṃ samācaret |
svasya yogaṃ tu hariṇā samaṃ sudṛḍhamabhyaset || 29 ||
[Analyze grammar]

ityevaṃ brahmaśīlasya drāgvimuktiḥ kare sthitā |
svastikāsanamāsīnaḥ prāṇāyāmaparāyaṇaḥ || 30 ||
[Analyze grammar]

indriyavṛttīrāhṛtya sthūlaṃ prāgvai pradhārayet |
mūrtaṃ vai śrīhareḥ rūpaṃ lakṣmīnārāyaṇātmakam || 31 ||
[Analyze grammar]

iṣaddhāsyāmṛtajharaṃ prasannaṃ premanirjharam |
ramyamākarṣakaṃ saumyaṃ saprabhaṃ dhavalaṃ mukham || 32 ||
[Analyze grammar]

tayoḥ pṛthakpṛthagdhāryaṃ bhaktena tu mumukṣuṇā |
harernetradvayaṃ cābjarājīvapatrikā''yatam || 33 ||
[Analyze grammar]

premarasapravāhādāhlayanniva sudarśakam |
viśālaṃ prānta dhavalaṃ smaramūrtiviḍambanam || 34 ||
[Analyze grammar]

kamanīyaṃ tayordhyeyaṃ pṛthakpṛthaṅamumukṣuṇā |
bhṛkuṭīyugalaṃ dhyeyaṃ tiryakasnigdhaṃ kramātkṛśam || 35 ||
[Analyze grammar]

sūkṣmaromāvalīprāntapicchamākarṇamāyatam |
madhye tu kāmacandrāḍhyaṃ sumūrtamiva sūjjvalam || 36 ||
[Analyze grammar]

athā'lakāḥ kṛśāḥ snigdhā vakrāścakacakāyakāḥ |
projjvalā madhyasannyastabrahmamārgā'valambanāḥ || 37 ||
[Analyze grammar]

tayordvayoḥ pṛthag dhyeyāḥ svarṇamukuṭamaṇḍitāḥ |
gumphitaṃ dhammilaṃ yadvā cūḍāmaṇiṃ śikhāmaṇim || 38 ||
[Analyze grammar]

tantvīmuktādāmamṛṣṭe kapole dhārayed dvayoḥ |
ūrdhvaṃ vā candrakaṃ tatra dhārayenmana ātmanaḥ || 39 ||
[Analyze grammar]

udgamā'nudgamaśmaśrupakvabimbaphaloṣṭhakau |
ākiṃcinmilitau bhugnau darśitacumbanakṣaṇau || 40 ||
[Analyze grammar]

hṛdyau dhanuṣkasadrekhāvyañjitāvamṛtaṃdharau |
pṛthak tau dhārayedbhaktyā śanaistatraikatānayet || 41 ||
[Analyze grammar]

cibuke'ñcitasadratnasvarṇabinducamatkṛte |
tayorvai dhārayetkarṇau svarṇaśaṣkulikāvṛtau || 42 ||
[Analyze grammar]

karṇapūrā'vataṃsasraksubuṭṭimalasadvarau |
evaṃ lakṣmyānanaṃ kāmyaṃ ramyaṃ nārāyaṇānanam || 43 ||
[Analyze grammar]

prollasanmiṣṭapāṇḍurā'mṛtatejaḥsuvartulam |
dhyāne cā''kṛṣyā''tmavṛttau dhyeyaṃ sthāpyaṃ tataḥ punaḥ || 44 ||
[Analyze grammar]

tatra cittasyātmanaśca līnībhāvaḥ samādhikṛt |
evamātmani cātmānaṃ parabrahmaṇi yojayet || 45 ||
[Analyze grammar]

kṛtaṃ tu yojanaṃ yena tena sarvaṃ kṛtaṃ nijam |
ityeva kaṇṭhahṛdayabhujodarakaṭīṃganam || 46 ||
[Analyze grammar]

sakthijānunalapiṇḍīgulphaprapadapārṣṇikān |
avayavānmahālakṣmyā mahānārāyaṇasya ca || |
pratyekaṃ dhārayed dhyāyetsamādadhyācca sarvadā || 47 ||
[Analyze grammar]

mokṣastena bhavet sadyo'punarāvartanātmakaḥ |
atha bandhakaraṃ tatrā''varaṇaṃ vastumātrakam || 48 ||
[Analyze grammar]

brahmāṃḍasthaṃ virodhi syāt tatrāpīkṣeta taṃ tadā |
pātāle tasya caraṇau pārṣṇidvayaṃ rasātale || 49 ||
[Analyze grammar]

mahātale tu tadgulphau jaṃghe tasya talātale |
sutale jānunī tasyorudvayaṃ vitale tathā || 50 ||
[Analyze grammar]

atale mehanaṃ tasya sakthimūlaṃ mahītale |
nabhastale nābhikūpaṃ svarge taddhṛdayaṃ tathā || 51 ||
[Analyze grammar]

mahari tasya kaṇṭhaṃ vai jane tasyā''syamīkṣayet |
lalāṭaṃ tasya tapasi satye śīrṣāṇamīkṣayet || 52 ||
[Analyze grammar]

indrādiṣu ca tadbāhūn dikṣu karṇau samīkṣayet |
śabde tasya śravaṇaṃ cā''śvineyayośca nāsikām || 53 ||
[Analyze grammar]

gandhe tasya prāṇamiddhā'nale tasyā''nanaṃ tathā |
divi tasyā'kṣiṇī paśyet sūrye tannetramīkṣayet || 54 ||
[Analyze grammar]

divārātrau pakṣmaṇī tadbhruvaṃ brahmāsane tathā |
apsu paśyeddharestālūṃ rase jihvāṃ samīkṣayet || 55 ||
[Analyze grammar]

chāndassu tacchiro daṃṣṭrā yame snehe dvijāṃstathā |
māyāyāṃ śrīharerhāsaṃ sarge kaṭākṣamokṣaṇam || 56 ||
[Analyze grammar]

taduttarauṣṭhaṃ vrīḍāyāṃ lobhe cauṣṭhamadhaḥsthitam |
dharme stanamadharme tu pṛṣṭhaṃ hareḥ samīkṣayet || 57 ||
[Analyze grammar]

meḍhraṃ vedhasi tasyaiva mitrayorvṛṣaṇau hareḥ |
samudreṣu hareḥ kukṣīn giriṣvasthicayāṃstathā || 58 ||
[Analyze grammar]

nadīṣu tasya nāḍīṃśca vṛkṣeṣu tattanūdbhavān |
pavane śvasanaṃ tasya vayasi śrīharergatim || 59 ||
[Analyze grammar]

kriyāṃ guṇapravāhe ca keśānmegheṣu tasya vai |
sandhyāsu tasya vastrāṇi pradhāne tasya sūkṣmatām || 60 ||
[Analyze grammar]

candre harermanaḥ paśyedvijñāne mahanīyatām |
rudre tadantaḥkaraṇam aśvādiṣu nakhāni vai || 61 ||
[Analyze grammar]

kaṭiṃ pṛṣṭhaṃ paśuṣveva taccāturyaṃ tu pakṣiṣu |
svāyaṃbhuve harerbuddhiṃ parṇakuṭiṃ nareṣu ca || 62 ||
[Analyze grammar]

gandharveṣu smṛtiṃ tasyā'surasainyeṣu sadbalam |
brāhmaṇeṣu mukhaṃ tasya kṣatriyeṣu bhujadvayam || 63 ||
[Analyze grammar]

vaiśyeṣūrudvayaṃ tadvaccaraṇe śūdramīkṣayet |
kāme tasya tu saṃkalpaṃ strīṣu divyaharestanum || 64 ||
[Analyze grammar]

nareṣu divyavīryaṃ tasyā''nandaṃ brahmabhāvanam |
sthūle sūkṣmaṃ mahatyalpaṃ vairāje kṛṣṇamīkṣayet || 65 ||
[Analyze grammar]

evaṃ sarvatra ca śrīmannārāyaṇamitīkṣayet |
śravaṇaṃ mananaṃ dhyānaṃ tena tatra samāpayet || 66 ||
[Analyze grammar]

tadānandaṃ tasya saukhyaṃ tasya miṣṭarasaṃ dhruvam |
sarvadaiva bhajato'nyat sarvaṃ tanmayatāṃ nayet || 67 ||
[Analyze grammar]

iti mukteḥ kṛte rājan vidheyaṃ te pradarśitam |
tena mārgeṇa sākṣādvai hariḥ sannihito bhavet || 68 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne śvetavyāsakṛtopadeśasaṃhitāpārāyaṇanirdeśabhagavanmūrtidhāraṇā vibhūtyādiharitādātmyadhāraṇādi |
kathananāmā'ṣṭapaṃcāśattamo'dhyāyaḥ || 58 ||
[Analyze grammar]