Chapter 51

śrīnārāyaṇa uvāca |
śṛṇu lakṣmi  prajā yāstu syurvai mithunadharmajāḥ |
vedhaso'bhidhyāyato vai patiḥ patnī babhūvatuḥ || 1 ||
[Analyze grammar]

prāk ca svāyaṃbhuvamanuḥ śatarūpā ca tadvadhūḥ |
tābhyāṃ mithunadharmeṇa prajā hyedhāmbabhūvire || 2 ||
[Analyze grammar]

labdhvā svāyaṃbhuvaḥ patnīṃ reme sārdhaṃ tayā muhuḥ |
prathamaṃ samprayogaḥ saḥ kalpādau samavartata || 3 ||
[Analyze grammar]

priyavratottānapādau tayoḥ putrau babhūvatuḥ |
ākūtiśca prasūtiśca dve kanye ca babhūvatuḥ || 4 ||
[Analyze grammar]

dadau prasūtiṃ dakṣāya ākūtiṃ rucaye dadau |
ākūtyāṃ mithunaṃ jajñe yajñaścāpi ca dakṣiṇā || 5 ||
[Analyze grammar]

tābhyāṃ prajāstu yāmākhyā devā dvādaśa jajñire |
dakṣātprasūtyāṃ kanyāstu caturviṃśatijajñire || 6 ||
[Analyze grammar]

sarvāstā brahmavādinyo yoginyo lokamātaraḥ |
śraddhā lakṣmīrdhṛtistuṣṭiḥ puṣṭirmedhā kriyā tathā || 7 ||
[Analyze grammar]

buddhirlajjā vapuḥ śāntiḥ siddhiḥ kīrtistrayodaśī |
etāstu pratijagrāha dharmaḥ patnyarthameva hi || 8 ||
[Analyze grammar]

tābhyaḥ śiṣṭā yavīryasya ekādaśa sulocanāḥ |
khyātiḥ satyatha saṃbhūtiḥ smṛtiḥ prītiḥ kṣamā tathā || 9 ||
[Analyze grammar]

sannatiścā'nasūyā ca ūrjā svāhā svadhā tathā |
tāstataḥ pratyapadyanta ekādaśa maharṣayaḥ || 10 ||
[Analyze grammar]

bhavo bhṛgurmarīciśca hyaṃ girāḥ pulahaḥ kratuḥ |
pulastyo'trirvaśiṣṭhaśca pitaro'gnistathaiva te || 11 ||
[Analyze grammar]

satī bhavāya prāyacchatkhyātiṃ ca bhṛgave tathā |
marīcaye tu saṃbhūtiṃ smṛtimaṃgīrase dadau || 12 ||
[Analyze grammar]

prītiṃ dadau pulastyāya kṣamāṃ tu pulahāya ca |
kratave sannatiṃ caiva hyanasūyāṃ tathā'traye || 13 ||
[Analyze grammar]

ūrjāṃ dadau vaśiṣṭhāya svāhāṃ ca hyagnaye dadau |
svadhāṃ caiva pitṛbhyastu tāsvapatyāni maithunāt || 14 ||
[Analyze grammar]

śraddhāṃ kāmaṃ vijajñe vai darpo lakṣmyāḥ sutaḥ smṛtaḥ |
dhṛtestu niyamaḥ putrastuṣṭyāḥ santoṣa ucyate || 15 ||
[Analyze grammar]

puṣṭyā lābhaḥ sutaścāpi medhāputraḥ śrutastathā |
kriyāyāstu nayaḥ prokto daṇḍaḥ samaya ityapi || 16 ||
[Analyze grammar]

buddherbodhaḥ sutaścāpi hyapramādaśca tāvubhau |
lajjāyā vinayaḥ putro vyavasāyo vapuḥsutaḥ || 17 ||
[Analyze grammar]

kṣemaḥ śantisutaścāpi sukha siddhervyajāyata |
yaśaḥ kīrteḥ sutaścāpi hītyete dharmasūnavaḥ || 18 ||
[Analyze grammar]

kāmasya harṣaḥ putrau vai devyāṃ ratyāṃ vyajāyata |
ityeṣo vai sukhodarkaḥ sargo dharmasya maithunāt || 19 ||
[Analyze grammar]

bhavaḥ satyāmasaṃkhyātān rudrān raudrānsamasṛjat |
brahmaṇā mā sṛjetyukte hyūrdhvaretāḥ sthito haraḥ || 20 ||
[Analyze grammar]

tataḥ prabhṛti śaṃbhustu prāsūyata na vai prajāḥ |
brahmacārī sthitaḥ sthāṇuryāvadābhūtasaṃplavam || 21 ||
[Analyze grammar]

jñānaṃ vairāgyamaiśvaryaṃ tapaḥ satyaṃ kṣamā dhṛtiḥ |
sṛṣṭṛtvamātmasaṃbodhastvadhiṣṭhātṛtvameva ca || 22 ||
[Analyze grammar]

aiśvaryāṇi daśaitāni nityaṃ tiṣṭhanti śaṃkare |
sarvadā bhānayuktatvād yuktayogī maheśvaraḥ || 23 ||
[Analyze grammar]

maheśvaraprasādādvai trīdaṇḍī jāyate naraḥ |
vākdaṇḍaḥ karmadaṇḍaśca manodaṇḍaśca te trayaḥ || 24 ||
[Analyze grammar]

yasyaite niyatā daṇḍāstridaṇḍī mukta eva saḥ |
ariṣṭāni svayaṃ jñātvā mṛtyu paśyati cātmanaḥ || 25 ||
[Analyze grammar]

śṛṇu lakṣmi  prasaṃgādvai tāni vakṣyāmi kṛtsnaśaḥ |
vijñāyeta yadaivaṃ tajjñātavyaṃ maraṇaṃ svakam || 26 ||
[Analyze grammar]

arundhatīṃ dhruvaṃ caiva somacchāyāṃ sitampatham |
yo na paśyet sa no jīvennaraḥ saṃvatsarātparam || 27 ||
[Analyze grammar]

araśmivantamādityaṃ raśmivantaṃ ca pāvakam |
yaḥ paśyenna sa jīvedvai māsādekādaśātparam || 28 ||
[Analyze grammar]

vamenmūtraṃ purīṣaṃ vā suvarṇaṃ rajataṃ tathā |
pratyakṣamathavā svapne daśamāsān sa jīvati || 29 ||
[Analyze grammar]

agrataḥ pṛṣṭhato vāpi khaṇḍaṃ yasya padaṃ bhavet |
pāṃsule kardame vāpi saptamāsān sa jīvati || 30 ||
[Analyze grammar]

kākaḥ kapoto gṛdhro vā nilayed yasya mūrdhani |
kravyādo vā khagaḥ kaścit ṣaṇmāsān nātivartate || 31 ||
[Analyze grammar]

badhyeta vāyasapaṃktyāṃ pāṃśuvarṣeṇa vā punaḥ |
chāyāṃ vā vikṛtāṃ paśyeccatuḥ paṃca sa jīvati || 32 ||
[Analyze grammar]

anabhre vidyutaṃ paśyed dakṣiṇāṃ diśamāśritām |
udakendradhanurvāpi trayo dvau vā sa jīvati || 33 ||
[Analyze grammar]

apsu vā yadi vā''darśe ātmānaṃ yo na paśyati |
aśiraskaṃ tathā''tmānaṃ māsādūrdhvaṃ na jīvati || 34 ||
[Analyze grammar]

śavagandhi bhavedgātraṃ vasāgandhi hyathāpi vā |
mṛtyurhyupasthitastasya cārdhamāsaṃ sajīvati || 35 ||
[Analyze grammar]

yasya vai snātamātrasya hṛtpādau vā'vaśuṣyataḥ |
dhūmaṃ vā mastakātpaśyed daśāhaṃ na sa jīvati || 36 ||
[Analyze grammar]

saṃbhinno māruto yasya marmasthānāni kṛntati |
adbhiḥ spṛṣṭo na hṛṣyecca tasya mṛtyurupasthitaḥ || 37 ||
[Analyze grammar]

ṛkṣā'javānarayuktarathenā''śāṃ tu dakṣiṇām |
gatyannatha vrajet svapne vidyānmṛtyurupasthitaḥ || 38 ||
[Analyze grammar]

kṛṣṇāmbaradharā śyāmā gāyikā vā'tha cāṃganā |
yaṃ nayed dakṣiṇāmāśāṃ svapne so'pi na jīvati || 39 ||
[Analyze grammar]

chidraṃ vāsaśca kṛṣṇaṃ ca svapne yo bibhṛyānnaraḥ |
bhagnaṃ vā śravaṇaṃ dṛṣṭvā vidyānmṛtyurupasthitaḥ || 40 ||
[Analyze grammar]

āmastakatalād yastu nimajjetpaṃkasāgare |
dṛṣṭvā tu tādṛśaṃ svapnaṃ sadya eva na jīvati || 41 ||
[Analyze grammar]

bhasmāṃ'gārāṃśca keśāṃśca nadīṃ śuṣkāṃ bhujaṃgamān |
paśyed yo daśarātraṃ tu na sa jīvettu tādṛśaḥ || 42 ||
[Analyze grammar]

kṛṣṇaiśca vikaṭaiścaiva puruṣairudyatāyudhaiḥ |
pāṣāṇaistāḍyate svapne yaḥ sadyo na sa jīvati || 43 ||
[Analyze grammar]

sūryodaye pratyūṣasi pratyakṣaṃ yasya vai śivā |
krośantī sammukhā'bhyeti sa gatāyurbhavennaraḥ || 44 ||
[Analyze grammar]

yasya vai snātamātrasya hṛdayaṃ pīḍyate bhṛśam |
jāyate dantaharṣaśca taṃ gatāyuṣamādiśet || 45 ||
[Analyze grammar]

bhūyo bhūyaḥ śvased yastu rātrau vā yadi vā divā |
dīpagandhaṃ ca no vetti vidyānmṛtyumupasthitam || 46 ||
[Analyze grammar]

rātrau cedrāyudhaṃ paśyed divā nakṣatramaṇḍalam |
paranetreṣu cātmānaṃ na paśyenna sa jīvati || 47 ||
[Analyze grammar]

netramekaṃ sraved yasya karṇau ca bhraśyataḥ sthalāt |
nāsā tu vakrā bhavati sa jñeyo gatajīvitaḥ || 48 ||
[Analyze grammar]

yasya kṛṣṇā kharā jihvā paṃkabhāsaṃ ca vai mukham |
gaṇḍe cipiṭake rakte tasya mṛtyurupasthitaḥ || 49 ||
[Analyze grammar]

muktākeśo hasaṃścaiva gāyannṛtyaṃśca yo naraḥ |
yāmyā''śābhimukho gacchettadantaṃ tasya jīvitam || 50 ||
[Analyze grammar]

yasya svedasamudbhūtāḥ śvetasarṣabhasannibhāḥ |
svedā bhavanti hyasakṛt tasya mṛtyurupasthitaḥ || 51 ||
[Analyze grammar]

uṣṭrā vā rāsabhā vāpi yuktāḥ svapne rathe'śubhāḥ |
yasya so'pi na jīvedvai dakṣiṇā'bhimukho gataḥ || 52 ||
[Analyze grammar]

ghoṣaṃ na śṛṇuyātkarṇe jyotirnetre na paśyati |
dūraṃ dṛṣṭirna ca yāti raktaṃ dṛśyeta maṇḍalam || 53 ||
[Analyze grammar]

mukhe coṣmā''kṛṣṭanābhiḥ proṣṇamutro na jīvati |
śvabhre yo nipatet svapne dvāraṃ cāsya na vidyate || 54 ||
[Analyze grammar]

na cottiṣṭhati yaḥ śvabhrāt tadantaṃ tasya jīvitam |
divā vā yadi vā rātrau pratyakṣaṃ yo'bhihanyate || 55 ||
[Analyze grammar]

taṃ paśyedatha hantāraṃ sa hatastu na jīvati |
agnipraveśaṃ kurute svapnānte yastu mānavaḥ || 56 ||
[Analyze grammar]

smṛtiṃ nopalabheccāpi tadantaṃ tasya jīvitam |
yastu prāvaraṇaṃ śuklaṃ svakaṃ paśyati mānavaḥ || 57 ||
[Analyze grammar]

raktaṃ kṛṣṇamapi svapne tasya mṛtyurupasthitaḥ |
raktaikavastrāṃ nagnāṃ vā snāpayantīṃ striyaṃ tu yaḥ || 58 ||
[Analyze grammar]

svapne paśyatyāliṃgantīmatha vā sa na jīvati |
svapne karālakṛṣṇaṃ tu dūtaṃ dṛṣṭvā na jīvati || 59 ||
[Analyze grammar]

chinnaṃ svamastakaṃ haste nītvā gacchati yo raṇe |
svapne paśyati śūrātmā tasyā'vaśyaṃ mṛtiḥ smṛtā || 60 ||
[Analyze grammar]

vātavege jalaughe vā jvālāmukhe ca bhūtale |
yantre vṛkṣe paśau saudhe praveśaḥ patanaṃ ca vā || 61 ||
[Analyze grammar]

mardanaṃ mūrchanā vā'pi svapne paśyettu yo naraḥ |
tasyā''sannamṛtirbodhyā vidyatpātā'bhimarśinaḥ || 62 ||
[Analyze grammar]

pravāse śakune kṛṣṇasarpasammukhadarśanam |
maraṇāpādakaṃ mṛtyusamakaṣṭapradaṃ ca vā || 63 ||
[Analyze grammar]

agre tu rajako yāti pṛṣṭhe cā''yāti nāpitaḥ |
madhye kadā na gantavyaṃ mṛtirvā kāryanāśanam || 64 ||
[Analyze grammar]

svapne rauti sveṣṭadevaḥ pitā mātā virautyapi |
mahāduḥkhaṃ bhaved yadvā mṛtistatra hyupasthitā || 65 ||
[Analyze grammar]

patet siṃhāsanādrājā rudanti devamūrtayaḥ |
dhūmraketorudayanaṃ tvasaṃkhyajananāśakāḥ || 66 ||
[Analyze grammar]

kākaḥ siṃhāsane rauti rauti śvā sanmukhaṃ sthitaḥ |
gavādīnāṃ vihvalatā jñāpayanti bhayaṃ drutam || 67 ||
[Analyze grammar]

prasthāne hyalūkadṛśiḥ kṛṣṇasarpadṛśistathā |
chinnanaso dṛśiśceti jñāpayanti mṛtiṃ muhuḥ || 68 ||
[Analyze grammar]

cihnānyevaṃ parijñāya mṛtiṃ niścitya cātmanaḥ |
ātmānaṃ brahmaṇā yujyād harermūrtiparo bhavet || 69 ||
[Analyze grammar]

bhogyaṃ dehaṃ tu nāryuktā nara ātmā svayaṃ mataḥ |
nārīṃ tyaktvā naro bhaktyā nārāyaṇaṃ samaśnute || 70 ||
[Analyze grammar]

nā'nyamālocayet kiṃcinnānyavṛttiṃ vibhāvayet |
ātmavṛttyā parātmānaṃ svaṃ nijaṃ samabhāvayet || 71 ||
[Analyze grammar]

na kasmaicidbhayaṃ dadyātsarvasyā'bhayakṛdbhavet |
bhayaṃ drohaśca hiṃsā ca pāpameva hi sarvathā || 72 ||
[Analyze grammar]

ahiṃsā paramo dharmaḥ paralokasahāyakṛt |
bhayaṃ hiṃsā na vai dharmaḥ paralokātprapātakaḥ || 73 ||
[Analyze grammar]

vasoruttānapādaistu hiṃsāyajñasya kīrtanāt |
svargāt pāto'bhavacchīghraṃ pṛthivyāṃ ca layo'bhavat || 74 ||
[Analyze grammar]

tasmād dveṣaṃ yathā tadvad rāgaṃ caiva parityajet |
ātmanā''tmānamālambya brahmamārgaṃ parivrajet || 75 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne mithunīsṛṣṭimaraṇasūcakasvapnādipradarśananāmaikapaṃcāśattamo'dhyāyaḥ || 51 ||
[Analyze grammar]