Chapter 46

śrīnārāyaṇa uvāca |
atha lakṣmi  pravakṣyāmi devasṛṣṭaṃ tu mānasīm |
tatrā'bhimānino devānmānasānasṛjat tvajaḥ || 1 ||
[Analyze grammar]

ābhūtasaṃplavāvasthān nāmatastānnibodha me |
āpo'gniḥ pṛthivī vāyurantarikṣaṃ diśastathā || 2 ||
[Analyze grammar]

svargaॆ divaḥ samudrāśca nadāḥ śailā drumā latāḥ |
oṣadhīnāṃ tathā''tmāno hyātmāno vṛkṣavīrudhām || 3 ||
[Analyze grammar]

lavaḥ kāṣṭhā kalā sandhirmuhūrtaॆ ca divāniśam |
māsārdhamayanaṃ māsaścābdaṃ yugaśca sādhikā || 4 ||
[Analyze grammar]

sthānābhimānino devā ityetānasṛjat tvajaḥ |
nakṣatragrahatārāṇāmabhimantrīśca devatāḥ || 5 ||
[Analyze grammar]

aṣṭāviṃśatikoṭīṃśca sasarja sukṛtātmanām |
vaimānikāstu tāḥ proktā devaloke divaukasaḥ || 6 ||
[Analyze grammar]

devāśca pitaraścaiva munayo manavastathā |
teṣāmanucarā ye ca manuputrāstathaiva ca || 7 ||
[Analyze grammar]

prasaṃkhyayā trīṇyabjāni koṭyo dvinavatistathā |
saptalakṣāṇi ca tathā sahasrāṇyaṣṭa santi hi || 8 ||
[Analyze grammar]

devā hyete'bhimantārastattadgolakadevatāḥ |
ādhipatyaṃ vinā te vai aiśvaryeṇā'jasannibhāḥ || 9 ||
[Analyze grammar]

jaṃgamāḥ sthāvarāścaite brahmaṇo mānasīprajāḥ |
tuṣitānmarutaḥ sādhyān viśvedevāṃśca vidyutaḥ || 10 ||
[Analyze grammar]

stanayitnūṃśca bhānūṃśca vasūnaṣṭau tathaiva ca || 1 ||
[Analyze grammar]

droṇaprāṇadhruvā''gnidoṣavasuvibhāvasūn || 11 ||
[Analyze grammar]

siddhān yakṣāṃśca gandharvānasurān rākṣasāṃstathā |
apsarasaścāraṇāṃśca piśācapretabhūtakān || 12 ||
[Analyze grammar]

vidyādharān kiṃpuruṣānaśvamukhāṃśca kinnarān |
vetālān ḍākinīṃ caiva śākinīṃ yoginīstathā || 13 ||
[Analyze grammar]

vināyakaॉśca kūṣmāṇḍān vetālāṃśca grahānapi |
yātudhānāṃstathonmādānmātṝrguhyakacāraṇān || 14 ||
[Analyze grammar]

prajāpatīnṛṣīṃścaiva nāgānsarpāṃstathoragān |
khagānmṛgānpaśūnvṛkṣān girīnmartyānsarīsṛpān || 15 ||
[Analyze grammar]

sūtamāgadhabandīṃśca bhāṭṭamindraṃ yamaṃ tathā |
varuṇaṃ ca kuberaṃ ca hīśānaṃ niṛtiṃ tathā || 16 ||
[Analyze grammar]

aṣṭasiddhīrnavanidhīn rudrānekādaśā'pi ca |
daityāśca dānavaॉścaiva mānasānasṛjat tvajaḥ || 17 ||
[Analyze grammar]

yajñānpuṇyajanān devavāhanāni paśūnapi |
gaurajo mahiṣaḥ kṛṣṇaḥ sūkaro gavayo ruruḥ || 18 ||
[Analyze grammar]

aviruṣṭrādayaścaite dviśaphāḥ paśavastathā |
kharo'śvaḥ śarabho gauraścamaryekaśaphā ime || 19 ||
[Analyze grammar]

śvā śṛgālo vṛko vyāghro mārjāraḥ śaśaśallakau |
siṃha kapirgajaḥ kūrmo godhā ca makarādayaḥ || 20 ||
[Analyze grammar]

kaṃkagradhravaṭaśyenabhāsabhallukabarhiṇaḥ |
haṃsasārasacakrāhvakākolūkasakukkuṭāḥ || 21 ||
[Analyze grammar]

evamādīn nāmatastānmānasānasṛjat tvajaḥ |
ādyaṃ sargaṃ mahattattvaṃ guṇavaiṣamyamasṛjat || 22 ||
[Analyze grammar]

dravyajñānakriyākṛdahamaṃ dvitīyamasṛjat |
tanmātrāṇi tṛtīyaṃ tu dravyaśaktaṃ samasṛjat || 23 ||
[Analyze grammar]

indriyāṇi caturthaṃ tu jñānakarmātma cā'sṛjat |
pañcamaṃ tu manodevān ṣaṣṭhamāvidyamasṛjat || 24 ||
[Analyze grammar]

saptamaṃ sthāvaraṃ sargaṃ vānaspatyamavāsṛjat |
aṣṭamaṃ tu gavādīnvai tiryañcaḥ samavāsṛjat || 25 ||
[Analyze grammar]

martyaṃ tu navamaṃ devasargaṃ daśamamasṛjat |
tatra tatrā'pekṣitaṃ ca gauṇasargamathā'sṛjat || 26 ||
[Analyze grammar]

dravyaṃ karma svabhāvaṃ ca saha ojo balaṃ tathā |
prāṇaṃ daśavidhaṃ cakre mānasān sa pitāmahaḥ || 27 ||
[Analyze grammar]

aśanāpipāse tālūṃ jihvāṃ vācaṃ hutāśanam |
ghrāṇaṃ ca nāsikāṃ netre śrotre caiva diśo daśa || 28 ||
[Analyze grammar]

romāṇīndraṃ karaṃ pādau gatimānandaśiśnakam || |
rajo yoniṃ ca vāyuṃ ca mitraṃ yajñaṃ sahavyakam || 29 ||
[Analyze grammar]

pāyūṃ ca mitrakaṃ caiva bījaṃ vīryaṃ ca raktakam |
nābhimapānaṃ mṛtyuṃ ca kukṣimantrāṇi nāḍikāḥ || 30 ||
[Analyze grammar]

tuṣṭiṃ nadīḥ samudrāṃśca puṣṭiṃ hṛdayamityapi |
manaścandraṃ ca saṃkalpaṃ kāmaṃ tvacaṃ ca carma ca || 31 ||
[Analyze grammar]

māṃsaṃ raktaṃ ca medaṃ ca majāmasthi tu bhūtajān |
ityetānmānasāṃścakre prāk sṛṣṭau tatra viśvasṛk || 32 ||
[Analyze grammar]

tatra tatra tadāvāse devāṃstāṃstānatiṣṭhipat |
āsye tvagniṃ lokapālaṃ vāṇyādevamatiṣṭhipatu || 33 ||
[Analyze grammar]

tālau tatra varuṇaṃ tu jihvādevamatiṣṭhipat |
nasyaśvinīkumārau tu ghrāṇadevāvatiṣṭhipat || 34 ||
[Analyze grammar]

mahattattve tu vāgīśaṃ buddhidevamatiṣṭhipat |
caraṇayostathā viṣṇu pādadevamatiṣṭhipat || 35 ||
[Analyze grammar]

akṣṇi tvaṣṭāramādityaṃ cakṣurdevamatiṣṭhipat |
karayorindraṃ vārtārthaṃ hastadevamatiṣṭhipat || 36 ||
[Analyze grammar]

carmaṇyanilaṃ prāṇāya tvaco devamatiṣṭhipat |
karṇayordik yathāyogyaṃ śrotradevamatiṣṭhipat || 37 ||
[Analyze grammar]

gude mitraṃ visargāṇaṃ pāyudevamatiṣṭhipat |
tvaci kaṇḍūkṛte yāvadoṣadhīn samatiṣṭhipat || 38 ||
[Analyze grammar]

guhye meḍhraṃ mahānandaṃ brahmadevamatiṣṭhipat |
hṛdi mano vikārāya candramasamatiṣṭhipat || 39 ||
[Analyze grammar]

mahattattve mahatsattvamahaṃkāre'bhimānakam |
citte vijñānamādhatta mānasān tānakalpayat || 40 ||
[Analyze grammar]

mukhāttu brāhmaṇaṃ brahma bāhvostrāṇaṃ tu rājakam |
urvorvṛttiṃ viśaṃ paddhayāṃ sevāṃ śūdrānakalpayat || 41 ||
[Analyze grammar]

brahmā svasya śarīre vai sṛṣṭiṃ sasmāra mānasīm |
indrādayo bāhavo me diśaḥ karṇau dhvaniḥ śrutiḥ || 42 ||
[Analyze grammar]

nāsatyadasrau nāse cā'kṣiṇī dyauścakṣuraryamā |
pakṣmāṇyahanī cobhe bhūvijṛmbho hyajadhiṣṇyakam || 43 ||
[Analyze grammar]

apastālū raso jihvā chandaḥ śirṣṇastathaiva ca |
yamo daṃṣṭrā dvijāḥ snehakalonmādastu hāsyakam || 44 ||
[Analyze grammar]

apāṃgamokṣaḥ sargo'yaṃ vrīḍā cottara oṣṭhakaḥ |
lobhastvadhara oṣṭhaḥ syāt stanau dharmo matastathā || 45 ||
[Analyze grammar]

pṛṣṭhamadharmaḥ ko meḍhraṃ vṛṣaṇau mitrakāviti |
kukṣiḥ samudrā girayo'sthisaṃghāḥ śvasitaṃ jagat || 46 ||
[Analyze grammar]

nadyo nāḍyastanuruhāṇi bhūruhā gatirvayaḥ |
guṇapravāhaḥ karma syāt keśā meghā manaḥ śaśī || 47 ||
[Analyze grammar]

avyaktaṃ hṛdayaṃ vāsaḥ sandhyā jñānaṃ mahattvakam |
giritramantaḥkaraṇaṃ nakhānyaśvoṣṭrahastinaḥ || 48 ||
[Analyze grammar]

śroṇirmṛgā vayāṃsi tu śaṣphāṇi manīṣā manuḥ |
martyo nivāso gandharvavidyādhrā'psarasaḥ svaraḥ || 49 ||
[Analyze grammar]

smṛtivīryaṃ brāhmaṇāstu mukhaṃ kṣatrā bhujāstathā |
viḍūruraṃghriḥ śūdro vai nānādravyāṇi karma ca || 50 ||
[Analyze grammar]

havyakavyā'mṛtānnādiraso jihvā manastu hṛt |
vikramo bhūrbhuvaḥ svaśca chandāṃsi saptadhātavaḥ || 51 ||
[Analyze grammar]

tīrthāni nāḍyaḥ kāmāptiścaraṇaṃ hyudaraṃ mṛtiḥ |
kośaśmaśrunakhyāneva śilālohā'bhravidyutaḥ || 52 ||
[Analyze grammar]

śiśna ānandaparjanyajalavīryasravā iti |
pāyuryamaparimokṣamitra ityapi mānasīm || 53 ||
[Analyze grammar]

hiṃsā niṛtirnirayo mṛtyurgudamiti pradhīḥ |
tamo'dharmaparābhūtiḥ pṛṣṭho'sthīni tu parvatāḥ || 54 ||
[Analyze grammar]

rakte'vyaktarasāḥ sarve prāk dhyātā mānasā ime |
svātmanyevaṃ paraṃ dhyātvā mānasīṃ sṛṣṭimityataḥ || 55 ||
[Analyze grammar]

yogyasthānāni teṣāṃ vai kṛtvā datvā ca tānyapi |
tebhyo hyavāsayatsarge devān tārāgrahādikān || 56 ||
[Analyze grammar]

bhūvarī yakṣarakṣaḥprabhūtapretapiśācakān |
rudrān rudragaṇāṃścāpi gaṇikāḥ samavāsayat |
bhuvi martyānpaśūnpakṣigaṇān jantūnanekaśaḥ || 57 ||
[Analyze grammar]

parvatādau mahāraṇye gandharvāścāraṇāṃstathā |
kinnarān kiṃpuruṣāṃśca vidyādharavihaṃgamān || 58 ||
[Analyze grammar]

atalādipañcaloke'suradānavadaityakān |
mahātale kādraveyān sarpāṃśca pannagāṃstathā || 59 ||
[Analyze grammar]

pātāle tu mahānāgān brahmā vāsamadāpayat |
eṣā sarvā mahāsṛṣṭirmānasī prathame yuge || 60 ||
[Analyze grammar]

yadyathā'pekṣyate kāryaṃ tathā sṛṣṭistu kalpyate |
brahmā vikalpya sarvaṃ tanmānasād vyākarottadā || 61 ||
[Analyze grammar]

aiśvaryasrotasaścā'tra īśvarāḥ satyalokajāḥ |
saṃprajñāsrotasaścātra ṛṣayo jñānino'malāḥ || 62 ||
[Analyze grammar]

saṃtṛptisrotasaścātra pitaraḥ śrāddhatṛptijāḥ |
saṃpuṇyasrotasaścātra devāḥ puṇyādisampadaḥ || 63 ||
[Analyze grammar]

sadhyānassrotasaścātra pretā vāsanadhyānajāḥ |
samūrdhvasrotasaścāpi rākṣasā daityadānavāḥ || 64 ||
[Analyze grammar]

arvākprasrotasaḥ pṛthvyāṃ manuṣyā rājasāḥ sadā |
tiryasrotasa evā'tra paśukīṭaprapakṣiṇaḥ || 65 ||
[Analyze grammar]

tamaḥsrotasa evā'tra nāgasarpādayo matāḥ |
avidyasrotasaścā'tra parvatāstarugulmakāḥ || 66 ||
[Analyze grammar]

ityevaṃ daśasrotaskānsargān dhyānakṛtānpunaḥ |
tatra tatra sthale loke brahmā samyagatiṣṭhipat || 67 ||
[Analyze grammar]

teṣāṃ tu bhojanaṃ svasmāccharīrātsamakalpayat |
ṛṣīṇāṃ tu payaḥ chandomayaṃ bhojyamakalpayat || 68 ||
[Analyze grammar]

pitṝṇāṃ bhojanaṃ kavyaṃ siddhānāṃ siddhayo'danam |
daiteyānāṃ surā proktā dānavānāmathā''savam || 69 ||
[Analyze grammar]

gandharvāṇāṃ tu saṃgītamapsarasāṃ tu saubhagam |
vidyādhrāṇāṃ nabhovidyāṃ māyināmapyadarśanam || 70 ||
[Analyze grammar]

yakṣarākṣasabhūtādipretānāṃ māṃsaraktakam |
sarpodīnāṃ tu garalaṃ paśūnāṃ yavasaṃ tathā || 71 ||
[Analyze grammar]

daṃṣṭriṇāṃ palalaṃ vṛkṣavallīnāṃ vividhaṃ rasam |
girīṇāṃ bhinnadhātūṃśca devānāmamṛtaṃ tathā || 72 ||
[Analyze grammar]

manuṣyāṇāṃ godhūmādi pakṣiṇāṃ ca vanaspatīn |
jalajānāṃ jalajantūn sarveṣāṃ pāñcabhautikam || 73 ||
[Analyze grammar]

brahmaiva kalpayāmāsa yasya yādṛgapekṣitam |
teneyaṃ lokayātrā cā' nirvahatbhūtasaṃplavam || 74 ||
[Analyze grammar]

evaṃ yuge tu prathame sāṃgopāṃgaṃ tu sarjanam |
sarva tu mānasaṃ kṛtvā virarāma pitāmahaḥ || 75 ||
[Analyze grammar]

sṛṣṭirvivardhate naiva navīnā jāyate nahi |
yathā yādṛk tathā tāvat tāvadeva hi vartate || 76 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne devayakṣamānuṣapaśupakṣidaityadānavanāgasarpasthāvarādisṛṣṭitadabhimānidevādipradarśananāmā |
ṣaṭcatvāriṃśo'dhyāyaḥ || 46 ||
[Analyze grammar]