Chapter 23

śrīlakṣmīruvāca |
devadeva jagannātha prāṇapreṣṭha mahāprabho |
nārāyaṇa namaste'stu tvayā'haṃ tāritā dhruvam || 1 ||
[Analyze grammar]

mayā tu dṛśyate brahman bhagavān jayatīti yat |
kasya mantro bhagavatā japyate paramātmanā || 2 ||
[Analyze grammar]

tvāṃ japanti sadā bhaktā nānyadvai jāpapātrakam |
sarvairjapyo bhavāndevo so'nyaṃ kaṃ japatīti me || 3 ||
[Analyze grammar]

cintanaṃ jāyate dṛṣṭvā tatsamādhehi me priya |
nārāyaṇaḥ svapatnyāstacchrutvā prāha yathātatham || 4 ||
[Analyze grammar]

śrīnārāyaṇa uvāca |
śṛṇu devi rahasyaṃ me sarvakalyāṇakārakam |
sarvakalyāṇasatpātramahameva na saṃśayaḥ || 5 ||
[Analyze grammar]

sarvajapyo'hamevā'pi tatrā'pyasti na saṃśayaḥ |
tathāpi lokaśikṣārthaṃ prajapāmi manuṃ mama || 6 ||
[Analyze grammar]

vāsudevamahāviṣṇubrahmaprabhatisṛṣṭayaḥ |
samyagutpāditā yāvanmayā tāvacca taiḥ punaḥ || 7 ||
[Analyze grammar]

japtuṃ mantro'rthito matto mayā manmūrtitastataḥ |
mama mūrtimayī śaktirmaddehātprakaṭīkṛtā || 8 ||
[Analyze grammar]

matto'nyūnā matsvarūpā madaiśvaryā madātmikā |
dhyānādākarṣiṇī divyā japācchāntipradāyinī || 9 ||
[Analyze grammar]

rūpatejomayī ramyā sarvasaubhāgyasundarī |
mokṣasāmarthyasampannā kanyā dvādaśahāyanā || 10 ||
[Analyze grammar]

dṛṣṭvā tāṃ mumuhuḥ sarve muktā īśāstathā pare |
kiṃkāryavimūḍhāste vai babhūvustu yadā tadā || 11 ||
[Analyze grammar]

mayā kanyā svayaṃ japtā gītāṃ trāṇārthameva sā |
gāyatrī sā samākhyātā māṃ jepuśca sureśvarāḥ || 12 ||
[Analyze grammar]

mama mūrtiṃ tu gāyatrīṃ japanti ca bhajanti ye |
te svakarmakhaniṃ dagdhvā prāpnuvanti padaṃ mama || 12 ||
[Analyze grammar]

gāyatryā prārthitaṃ mahyaṃ mā vai māṃ nātha vismara |
sarvadā bhavatā rakṣyā bhaveyaṃ sabalā tataḥ || 14 ||
[Analyze grammar]

pāpānāṃ pāpakarmāṇi dagdhuṃ prabhvyannathā katham |
sāmarthyaṃ yadi bhavatā mahyaṃ na dīyate hare || 15 ||
[Analyze grammar]

tato mayā varo dattastvāṃ smariṣyāmi vai sadā |
tato madājñayā devī gāyatrī sarvato gatā || 16 ||
[Analyze grammar]

īśalokeṣvatha jīvabrahmāṇḍeṣvapi sarvaśaḥ |
gāyatrī kanyakā gurvī sādhvī mama tanuprabhā || 17 ||
[Analyze grammar]

dṛśyā tu divyanayanairadṛśyā jaḍanetrakaiḥ |
vartate jāpakānāntu samuddhāraprakāriṇī || 18 ||
[Analyze grammar]

sumūrtā kanyakārūpā jñānarūpā hṛdi sthitā |
śabdātmikā japayogyā tridhā tasyā vyavasthitiḥ || 19 ||
[Analyze grammar]

brahmaṇā tu yadā vedā matsakāśāt samarthitāḥ |
tadā mayā tu gāyatryā viniṣkāsya tadarpitāḥ || 20 ||
[Analyze grammar]

tasmātsā vedamāteti prasaṃkhyātimupāgatā |
gāyatryo bahvyo'nyāśca tasyāḥ sevārthamityapi || 21 ||
[Analyze grammar]

mayā sāmarthyaleśādvai mattanvā prakaṭīkṛtāḥ |
tāstu lokapralokeṣu mama bhinnābhidhānataḥ || 22 ||
[Analyze grammar]

bhinnabhinnānupūrvyātmaprabhinnā''kṛtayo matāḥ |
tāḥ sarvā mukhyagāyatryā dāsyo bhavanti koṭiśaḥ || 23 ||
[Analyze grammar]

aprāptayauvanā''vegāḥ sukumāryo'kṣatā''ntarā |
vicaranti mahāsādhvyo jāpakebhyo nu muktidāḥ || 24 ||
[Analyze grammar]

brahmatejo'nvitā brahmamūrtayo brahmayogadāḥ |
brahmātmikāḥ pare satye suloke pravasanti vai || 25 ||
[Analyze grammar]

sarvajñāḥ sarvavettryastā yatra lokāḥ smaranti tāḥ |
tatra drāgabhigamya svān jāpakān śodhayanti tāḥ || 26 ||
[Analyze grammar]

jīvā vā īśvarā devā yakṣā rakṣāṃsi vā pare |
pāpāḥ pāpaprasaktā vā tāmasā rājasāśca ye || 27 ||
[Analyze grammar]

etā upāsate tāṃstāḥ strīrnarān mocayantyaghāt |
rakṣanti sahasaṃyānānnirvāṇaṃ gamayanti ca || 28 ||
[Analyze grammar]

iti te kāraṇaṃ devi japanasya samīritam |
tvāṃ japāmi sadā lakṣmī yathā tvaṃ japasīti mām || 29 ||
[Analyze grammar]

ahantu bhagavān devi bhaktān japāmi nityaśaḥ |
bhaktā japanti māṃ nityaṃ hītyanyonyaṃ japāmahe || 30 ||
[Analyze grammar]

ahantu japanaṃ teṣāṃ rakṣaṇārthaṃ karomi hi |
te tu me japanaṃ devi kurvanti muktalabdhaye || 31 ||
[Analyze grammar]

atha bhāṣāṃ vinā naiva japo bhavati kaścana |
tasmādvāṇī prayoktavyā sā ca varṇān vinā katham || 32 ||
[Analyze grammar]

ye ceśvarāḥ samutpannā na vaktuṃ śekire hi te |
jñānamaunāḥ samāsaṃste vāgvyavahāravarjitāḥ || 33 ||
[Analyze grammar]

brahmādayo'pi maunāste'stuvan śrīharimacyutam |
maunastutimimāṃ jñātvā vākpraṇetā svayaṃ hariḥ || 34 ||
[Analyze grammar]

svajihvāgrapradeśādvai divyāṃ kanyāṃ cakāra ha |
sā cotpannā svayaṃ devaṃ ki me kāryaṃ bhavediti || 35 ||
[Analyze grammar]

jijñāsamānāṃ tāṃ devīṃ svātmaśaktimayīṃ prabhuḥ |
pratyānanaṃ prasārākhyāṃ śaktiṃ tasyai pradāya ca || 36 ||
[Analyze grammar]

vāksvarūpāṃ kṛtavāṃstāṃ sā vai jātā sarasvatī |
divyāṃ vīṇāṃ samādāya vādayantī muhurmuhuḥ || 37 ||
[Analyze grammar]

aiśe jaive ca sarvatra loke loke jagāma sā |
vyaktau vyaktau praveśāyā'nantarūpāṇyadhārayat || 28 ||
[Analyze grammar]

anantakoṭyastā jātā vāṅmayyaḥ śāradāḥ striyaḥ |
kanyāḥ kumārikāḥ saṃkhyārahitā harimūrtijāḥ || 39 ||
[Analyze grammar]

sarvāstā hyabhavan dāsyo gāyatrīṇāṃ tu sevikāḥ |
miṣṭā madhurā ṛkṣāśca spaṣṭāśca dhvanayastathā || 40 ||
[Analyze grammar]

raudrā bībhatsakaruṇahāsyakṣudrabhayānakāḥ |
divyā adivyāḥ sūkṣmāśca sthūlā bahvarthasaṃyutāḥ || 41 ||
[Analyze grammar]

vividhākāramāpannāḥ sarvā dvādaśahāyanāḥ |
akṣatā askhalitāśca subhagā arthasaṃbhṛtāḥ || 42 ||
[Analyze grammar]

sumūrtā jñānarūpāśca vāṇīrūpāśca tāstridhā |
sādhvyaḥ śīlavratopetāḥ santyupāsyāstu muktaye || 43 ||
[Analyze grammar]

māṃ vinā naiva muktiḥ syāt sarasvatyo madātmikāḥ |
majjihvāśca madaiśvaryātmikyastāstanavo mama || 44 ||
[Analyze grammar]

sadopāsyāḥ sadā sevyāḥ sadā dhyeyāstu muktaye |
yāvadvarṇasamāmnāyāḥ sarasvatyātmakāḥ kṛtāḥ || 45 ||
[Analyze grammar]

yathā'haṃ vyāpakaścāsmi vāṇī sā vyāpikā tayā |
śabdabrahmaṇi niṣṇātaḥ paraṃbrahmadhigacchati || 46 ||
[Analyze grammar]

brahmaṇo me vimarśaḥ syād vimarśād bindurasti ca |
bindornādaḥ samutpanno nādādvai dhvanayaḥ smṛtāḥ || 47 ||
[Analyze grammar]

dhvanerakṣaravinyāsāḥ sphoṭabrahmānvitāḥ khalu |
jāyante vāṅmahādevyaḥ sarasvatyo janeṣu tāḥ || 48 ||
[Analyze grammar]

sādhudharmānvitāstā vai mokṣayantyāśritān svakān |
prāpayanti paraṃ dhāma sevitā brahmaṇo'nvayāt || 49 ||
[Analyze grammar]

brahmaloke pare satye divyāni bhuvanāni ca |
vanāni bhogyajātāni vastvānantyāni caiva hi || 50 ||
[Analyze grammar]

tāsāṃ kṛte vidhattāni hyatarkyanagarāṇi ca |
yānavāhanavāditrabhogyapeyā'vyayāni ca || 51 ||
[Analyze grammar]

na tataḥ sundara kiñcit talloke bhavatīti me |
vāsaḥ sarasvatīmadhye samabodhyastvayā priye || 52 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne gāyatrīsarasvatīnirūpaṇanāmā trayoviṃśo'dhyāyaḥ || 23 ||
[Analyze grammar]