Chapter 64

vaiśaṃpāyana uvāca |
pradoṣārdhe kadācittu kṛṣṇe ratiparāyaṇe |
trāsayan samado goṣṭhānariṣṭaḥ pratyadṛśyata || 1 ||
[Analyze grammar]

nirvāṇāṅgārameghābhastīkṣṇaśṛṅgo'rkalocanaḥ |
kṣuratīkṣṇāgracaraṇaḥ kālaḥ kāla ivāparaḥ || 2 ||
[Analyze grammar]

lelihānaḥ saniṣpeṣaṃ jihvayauṣṭhau punaḥ punaḥ |
garvitāviddhalāṅgūlaḥ kaṭhinaskandhabandhanaḥ || 3 ||
[Analyze grammar]

kakudodagranirmāṇaḥ pramāṇādduratikramaḥ |
śakṛnmūtropaliptāṅgo gavāmudvejano bhṛśam || 4 ||
[Analyze grammar]

mahākaṭiḥ sthūlamukho dṛḍhajānurmahodaraḥ |
viṣāṇāvalgitagatirlambatā kaṇṭhacarmaṇā || 5 ||
[Analyze grammar]

gavāroheṣu capalastarughātaṅkitānanaḥ |
yuddhasañjaviṣāṇāgro dviṣadvṛṣabhasūdanaḥ || 6 ||
[Analyze grammar]

ariṣṭo nāma hi gavāmariṣṭo dāruṇākṛtiḥ |
daityo vṛṣabharūpeṇa goṣṭhānviparidhāvati || 7 ||
[Analyze grammar]

pātayāno gavāṃ garbhāndṛpto gacchatyanārtavam |
bhajamānaśca capalo gṛṣṭīḥ saṃpracacāra ha || 8 ||
[Analyze grammar]

śṛṅgapraharaṇo raudraḥ praharan goṣu durmadaḥ |
goṣṭheṣu na ratiṃ lebhe vinā yuddhaṃ sa govṛṣaḥ || 9 ||
[Analyze grammar]

kasyacittvatha kālasya sa vṛṣaḥ keśavāgrataḥ || 9 ||
[Analyze grammar]

ājagāma balodragro vaivasvatavaśe sthitaḥ || 9 ||
[Analyze grammar]

sa tatra gāstu prasabhaṃ bādhamāno madotkaṭaḥ || 9 ||
[Analyze grammar]

etasminneva kāle tu gavāḥ kṛṣṇasamīpagāḥ |
trāsayāmāsa duṣṭātmā vaivasvata pathe sthitaḥ || 10 ||
[Analyze grammar]

sendrāśanirivāmbhodo nardamāno mahāvṛṣaḥ |
cakāra nirvṛṣaṃ goṣṭhaṃ nirvatsaśiśupuṃgavam || 11 ||
[Analyze grammar]

tamārādabhidhāvantaṃ nardamānaṃ mahāvṛṣam || 11 ||
[Analyze grammar]

tālaśabdena taṃ kṛṣṇaḥ siṃhanādaiśca mohayan |
abhyadhāvata govindo daityaṃ vṛṣabharūpiṇam || 12 ||
[Analyze grammar]

sa kṛṣṇaṃ govṛṣo dṛṣṭvā hṛṣṭalāṅgūlalocanaḥ |
ruṣitastalaśabdena yuddhākāṅkṣī nanarda ha || 13 ||
[Analyze grammar]

tamāpatantamudvṛttam dṛṣṭvā vṛṣabhadānavam |
tasmātsthānānna vyacalatkṛṣṇo giririvācalaḥ || 14 ||
[Analyze grammar]

vṛṣaḥ kakṣayordṛṣṭiṃ praṇidhāya dhṛtānanaḥ |
kṛṣṇasya nidhanākāṅkṣī tūrṇamabhyutpapāta ha || 15 ||
[Analyze grammar]

tamāpatantaṃ pramukhe pratijagrāha durdharam |
kṛṣṇaḥ kṛṣṇāñjananibhaṃ vṛṣaṃ prati vṛṣopamaḥ || 16 ||
[Analyze grammar]

sa saṃsaktastu kṛṣṇena vṛṣeṇeva mahāvṛṣaḥ |
mumoca vaktrajaṃ phenaṃ nastato'tha sa śabdavat || 17 ||
[Analyze grammar]

tāvanyonyāvaruddhāṅgau yuddhe kṛṣṇavṛṣāv ubhau |
rejaturmeghasamaye saṃsaktāviva toyadau || 18 ||
[Analyze grammar]

tasya darpabalaṃ hatvā kṛtvā śṛṅgāntare padam |
apīḍayadariṣṭasya kaṇṭhaṃ klinnamivāmbaram || 19 ||
[Analyze grammar]

śṛṅgaṃ cāsya punaḥ savyamutpāṭya yamadaṇḍavat |
tenaiva prāharadvaktre sa mamāra bhṛśaṃ hataḥ || 20 ||
[Analyze grammar]

vibhinnaśṛṅgo bhagnāsyo bhagnaskandhaśca dānavaḥ |
papāta rudhirodgārī sāmbudhāra ivāmbudaḥ || 21 ||
[Analyze grammar]

govindena hataṃ dṛṣṭvā dṛptaṃ vṛṣabhadānavam |
sādhu sādhviti bhūtāni tatkarmāsyābhituṣṭuvuḥ || 22 ||
[Analyze grammar]

sa copendro vṛṣaṃ hatvā kāntavaktro niśāmukhe |
aravindābhanayanaḥ punareva rarāja ha || 23 ||
[Analyze grammar]

te'pi govṛttayaḥ sarve kṛṣṇaṃ kamalalocanam |
upāsāṃcakrire hṛṣṭāḥ svarge śakramivāmarāḥ || 24 ||
[Analyze grammar]