Chapter 65

vaiśaṃpāyana uvāca |
kṛṣṇaṃ vrajagataṃ śrutvā vardhamānamivānalam |
udvegamagamatkaṃsaḥ śaṅkamānastato bhayam || 1 ||
[Analyze grammar]

pūtanāyāṃ hatāyāṃ ca kāliye ca parājite |
dhenuke pralayaṃ nīte pralambe ca nipātite || 2 ||
[Analyze grammar]

dhṛte govardhane caiva viphale śakraśāsane |
goṣu trātāsu ca tathā spṛhaṇīyena karmaṇā || 3 ||
[Analyze grammar]

kakudmini hate'riṣṭe gopeṣu muditeṣu ca |
dṛśyamāne vināśe ca saṃnikṛṣṭe mahābhaye || 4 ||
[Analyze grammar]

karṣaṇena ca vṛkṣābhyāṃ bālenābālakarmaṇā |
acintyaṃ karma tacchrutvā vardhamāneṣu śatruṣu || 5 ||
[Analyze grammar]

prāptāriṣṭamivātmānaṃ mene sa mathureśvaraḥ |
visaṃjñendriyabhūtātmā gatāsupratimo'bhavat || 6 ||
[Analyze grammar]

tato jñātīn samānāyya pitaraṃ cograśāsanaḥ |
niśi stimitamūkāyāṃ mathurāyāṃ janādhipaḥ || 7 ||
[Analyze grammar]

vasudevaṃ ca devābhaṃ kahvaṃ cāhūya yādavam |
satyakaṃ dārukaṃ caiva kahvāvarajameva ca || 8 ||
[Analyze grammar]

bhojaṃ vaitaraṇaṃ caiva vikadruṃ ca mahābalam |
bhayesakhaṃ ca rājānaṃ vipṛthuṃ ca pṛthuśriyam || 9 ||
[Analyze grammar]

babhruṃ dānapatiṃ caiva kṛtavarmāṇameva ca |
bhūritejasamakṣobhyaṃ bhūriśravasameva ca || 10 ||
[Analyze grammar]

etān sa yādavān sarvānābhāṣya śṛṇuteti ca |
ugrasenasuto rājā provāca mathureśvaraḥ || 11 ||
[Analyze grammar]

bhavantaḥ sarvakāryajñāḥ sarvaśāstraviśāradāḥ |
nyāyavṛttāntakuśalāstrivargasya pravartakāḥ || 12 ||
[Analyze grammar]

kartavyānāṃ ca kartāro lokasya vibudhopamāḥ |
parvatā iva niṣkampā vṛtte mahati tasthuṣaḥ || 13 ||
[Analyze grammar]

tasthivāṃso mahāvṛtte niṣkampā iva parvatāḥ || 13 ||
[Analyze grammar]

adambhavṛttayaḥ sarve gurukarmasu codyatāḥ |
rājamantradharāḥ sarve sarve dhanuṣi pāragāḥ || 14 ||
[Analyze grammar]

yaśaḥpradīpā lokānāṃ vedārthānāṃ vivakṣavaḥ |
āśramāṇāṃ nisargajñā varṇānāṃ kramapāragāḥ || 15 ||
[Analyze grammar]

pravaktāraḥ suniyatā netāro nayadarśinaḥ |
bhettāraḥ pararāṣṭrāṇāṃ trātāraḥ śaraṇārthinām || 16 ||
[Analyze grammar]

evamakṣatacāritraiḥ śrīmadbhiruditoditaiḥ |
dyaurapi anugṛhītā syādbhavadbhiḥ kiṃ punarmahī || 17 ||
[Analyze grammar]

ṛṣīṇāmiva vo vṛttaṃ prabhāvo marutāmiva |
rudrāṇāmiva vaḥ krodho dīptiraṅgirasāmiva || 18 ||
[Analyze grammar]

vyāvartamānaṃ sumahadbhavadbhiḥ khyātakīrtibhiḥ |
dhṛtaṃ yadukulaṃ vīrairbhūtalaṃ parvatairiva || 19 ||
[Analyze grammar]

evaṃ bhavatsu yukteṣu mama cittānuvartiṣu |
vardhamāno mamānartho bhavadbhiḥ kimupekṣitaḥ || 20 ||
[Analyze grammar]

eṣa kṛṣṇa iti khyāto nandagopasuto vraje |
vardhamāna ivāmbhodo mūlaṃ naḥ parikṛntati || 21 ||
[Analyze grammar]

anamātyasya śūnyasya cārāndhasya mamaiva tu |
kāraṇānnandagopasya sa suto gopito gṛhe || 22 ||
[Analyze grammar]

upekṣita iva vyādhiḥ pūryamāṇa ivāmbudaḥ |
nadanmegha ivoṣṇānte sa durātmā vivardhate || 23 ||
[Analyze grammar]

tasya nāhaṃ gatiṃ jāne na yogaṃ na parāyaṇam |
nandagopasya bhavane jātasyādbhutakarmaṇaḥ || 24 ||
[Analyze grammar]

kiṃ tadbhūtaṃ samutpannaṃ devāpatyaṃ na vidmahe |
atidevairamānuṣyaiḥ karmabhiḥ so'numīyate || 25 ||
[Analyze grammar]

pūtanā śakunī bālye śiśunā stanapāyinā |
stanapānepsunā pītā prāṇaiḥ saha durāsadā || 26 ||
[Analyze grammar]

tathaiva tena bālena pādāṅguṣṭhena līlayā || 26 ||
[Analyze grammar]

śayane vai śayānena śakaṭaṃ parivartitam || 26 ||
[Analyze grammar]

tathā bālena balinā ane jātau bṛhattarau || 26 ||
[Analyze grammar]

samūlaviṭapau bhagnau sahajau yamalārjunau || 26 ||
[Analyze grammar]

yamunāyāṃ hrade nāgaḥ kāliyo damitastathā |
rasātalacaro nītaḥ kṣaṇenādarśanaṃ hradāt |
nandagopasuto yogaṃ kṛtvā ca punarutthitaḥ || 27 ||
[Analyze grammar]

dhenukastālaśikharātpātito jīvitaṃ vinā |
tasyāgrajo mahāvīryo balabhadro durātmavān |
pralambaṃ yaṃ mṛdhe devā na śekurabhivīkṣitum |
bālena muṣṭinaikena sa hataḥ prākṛto yathā || 29 ||
[Analyze grammar]

vāsavasyotsavaṃ bhaṅktvā varṣaṃ vāsavaroṣajam |
nirjalaṃ gokulaṃ kṛtvā dhṛto govardhano giriḥ || 30 ||
[Analyze grammar]

hatastvariṣṭo balavānviśṛṅgaśca kṛto vraje |
kena vā nararūpeṇa śakyo govardhano giriḥ |
uddhartuṃ govraje satyaṃ na jāne'pyadbhutaṃ tataḥ || idamatyadbhutaṃ sarvaṃ varṣaṃ vāsavanirmitam |
nivāritaṃ saptadinaṃ kimataḥ paramadbhutam |
abālo bālyamāsthāya ramate bālalīlayā || 31 ||
[Analyze grammar]

prabandhaḥ karmaṇāmeṣa tasya govrajavāsinaḥ |
saṃnikṛṣṭaṃ bhayaṃ caiva keśino mama ca dhruvam || 32 ||
[Analyze grammar]

bhūtapūrvaśca me mṛtyuḥ sa nūnaṃ pūrvadaihikaḥ |
yuddhakāṅkṣī hi sa yathā tiṣṭhatīva mamāgrataḥ || 33 ||
[Analyze grammar]

kva ca gopatvamaśubhaṃ mānuṣyaṃ mṛtyudurbalam |
kva ca devaprabhāvena krīḍitavyaṃ vraje mama || 34 ||
[Analyze grammar]

aho nīcena vapuṣā cchādayitvātmano vapuḥ |
ko'pyeṣa ramate devaḥ śmaśānastha ivānalaḥ || 35 ||
[Analyze grammar]

aho yādavaśreṣṭhā vai kathayantu samāhitāḥ || 35 ||
[Analyze grammar]

idamapyaparaṃ manye śrotavyaṃ yadupuṃgavāḥ || 35 ||
[Analyze grammar]

yathā mama tathā yūyaṃ jānītha sakalaṃ vacaḥ || 35 ||
[Analyze grammar]

śrūyate hi purā viṣṇuḥ surāṇāṃ kāraṇāntare |
vāmanena tu rūpeṇa jahāra pṛthivīmimām || 36 ||
[Analyze grammar]

devarājāya tu tadā dattavān kila keśavaḥ || 36 ||
[Analyze grammar]

kṛtvā kesariṇo rūpaṃ viṣṇunā prabhaviṣṇunā |
hato hiraṇyakaśipurdānavānāṃ pitāmahaḥ || 37 ||
[Analyze grammar]

hatvā tu dānavaṃ saṃkhye rājānaṃ kṛtavān hariḥ || 37 ||
[Analyze grammar]

acintyaṃ rūpamāsthāya śvetaśailasya mūrdhani |
bhavena cyāvitā daityāḥ purā tattripuraṃ ghnatā || 38 ||
[Analyze grammar]

pālito guruputreṇa bhārgavo'ṅgirasena vai |
praviśya cāsurīṃ māyāmanāvṛṣṭiṃ cakāra ha || 39 ||
[Analyze grammar]

anantaḥ śāśvato devaḥ sahasravadano'vyayaḥ |
vārāhaṃ rūpamāsthāya ujjahārārṇavānmahīm || 40 ||
[Analyze grammar]

sabhūdharavanāmurvīṃ śakrāya pradadau hariḥ || 40 ||
[Analyze grammar]

amṛte nirmite pūrvaṃ viṣṇuḥ strīrūpamāsthitaḥ |
surāṇāmasurāṇāṃ ca yuddhaṃ cakre sudāruṇam || 41 ||
[Analyze grammar]

amṛtārthe purā cāpi devadaityasamāgame |
dadhāra mandaraṃ viṣṇurakūpāra iti śrutiḥ || 42 ||
[Analyze grammar]

vapurvāmanamāsthāya nindanīyaṃ purā vapuḥ || 42 ||
[Analyze grammar]

tribhiḥ kramaistu trīlokāñjahāra tridivālayam || 42 ||
[Analyze grammar]

caturdhā tejaso bhāgaṃ kṛtvā dāśarathe gṛhe |
sa eva rāmasaṃjño vai rāvaṇaṃ vyaśasattadā || 43 ||
[Analyze grammar]

sa eva bhagavānviṣṇurbhūtvā bhārgavanandanaḥ || 43 ||
[Analyze grammar]

paraśvadhane śātena jaghāna kṛtavīryajam || 43 ||
[Analyze grammar]

triḥsaptakṛtvaḥ pṛthivīṃ hatvā kṣatriyapuṃgavān || 43 ||
[Analyze grammar]

hayamedhe tadā yajñe kāśyapāya dadau kila || 43 ||
[Analyze grammar]

evameṣa nikṛtyā vai tattadrūpamupāgataḥ |
sādhayatyātmanaḥ kāryaṃ surāṇāmarthasiddhaye || 44 ||
[Analyze grammar]

tadeṣa nūnaṃ viṣṇurvā śakro vā marutāṃ varaḥ |
matsādhanepsayā prāpto nārado māṃ yaduktavān || 45 ||
[Analyze grammar]

atra me śaṅkate buddhirvasudevaṃ prati prabho |
asya buddhiviśeṣeṇa vayaṃ kātaratāṃ gatāḥ || 46 ||
[Analyze grammar]

ahaṃ hi khaṭvāṅgavane nāradena samāgataḥ |
dvitīyaṃ sa hi māṃ vipraḥ punarevābravīdvacaḥ || 47 ||
[Analyze grammar]

yattvayānuṣṭhito yatnaḥ kaṃsa garbhakṛte mahān |
vasudevena te rātrau karma tadviphalīkṛtam || 48 ||
[Analyze grammar]

dārikā yā tvayā rātrau śilāyāṃ kaṃsa pātitā |
tāṃ yaśodāsutāṃ viddhi kṛṣṇaṃ ca vasudevajam || 49 ||
[Analyze grammar]

rātrau vyāvartitāvetau garbhau tava vadhāya vai |
vasudevena saṃdhāya mitrarūpeṇa śatruṇā || 50 ||
[Analyze grammar]

sā tu kanyā yaśodāyā vindhye parvatasattame |
hatvā śumbhaniśumbhau dvau dānavau nagacāriṇau || 51 ||
[Analyze grammar]

kṛtābhiṣekā varadā bhūtasaṃghaniṣevitā |
arcyate dasyubhirghorairmahāpaśubalipriyā || 52 ||
[Analyze grammar]

surāpiśitapūrṇābhyāṃ kumbhābhyāmupaśobhitā |
mayūrāṅgadacitraiśca barhabhāraiśca bhūṣitā || 53 ||
[Analyze grammar]

dṛptakukuṭasaṃnādaṃ vanaṃ vāyasanāditam |
chāgayūthaiśca saṃpūrṇamaviruddhaiśca pakṣibhiḥ || 54 ||
[Analyze grammar]

siṃhavyāghravarāhāṇāṃ nādena pratināditam |
vṛkṣagambhīranibiḍaṃ kāntāraiḥ sarvato vṛtam || 55 ||
[Analyze grammar]

divyabhṛṅgāracamarairādarśaiśca vibhūṣitam |
devatūryaninādaiśca śataśaḥ pratināditam |
sthānaṃ tasyā nage vindhye nirmitaṃ svena tejasā || 56 ||
[Analyze grammar]

ripūṇāṃ trāsajananī nityaṃ tatra manorame |
vasate paramaprītā daivatairapi pūjitā || 57 ||
[Analyze grammar]

yastvayaṃ nandagopasya kṛṣṇa ityucyate sutaḥ |
atra me nāradaḥ prāha sumahatkarma kāraṇam || 58 ||
[Analyze grammar]

dvitīyo vasudevādvai vāsudevo bhaviṣyati |
sa hi te sahajo mṛtyurbāndhavaśca bhaviṣyati || 59 ||
[Analyze grammar]

sa eva vāsudevo vai vasudevasuto balī |
bāndhavo dharmato mahyaṃ hṛdayenāntako ripuḥ || 60 ||
[Analyze grammar]

yathā hi vāyaso mūrdhni padbhyāṃ yasyaiva tiṣṭhati |
netre tudati tasyaiva vaktreṇāmiṣagṛddhinā || 61 ||
[Analyze grammar]

vasudevastathaivāyaṃ saputraḥ sahabāndhavaḥ |
cchinatti mama mūlāni bhuṅkte ca mama pārśvataḥ || 62 ||
[Analyze grammar]

bhrūṇahatyāpi saṃtāryā govadhaḥ strīvadho'pi vā |
na kṛtaghnasya loko'sti bāndhavasya viśeṣataḥ || 63 ||
[Analyze grammar]

patitānugataṃ mārgaṃ niṣevatyacireṇa saḥ |
yaḥ kṛtaghno'nubandhena prītiṃ vahati dāruṇām || 64 ||
[Analyze grammar]

narakādhyuṣitaḥ panthā gantavyastena dāruṇaḥ |
apāpe pāpahṛdayo yaḥ pāpamanutiṣṭhati || 65 ||
[Analyze grammar]

sa yāti narakaṃ ghoraṃ punarāvṛttidurlabham || 65 ||
[Analyze grammar]

ahaṃ vā svajanaḥ ślāghyaḥ sa vā ślāghyataraḥ sutaḥ |
niyamairguruvṛttena tvayā bāndhavakāmyayā || 66 ||
[Analyze grammar]

hastināṃ kalahe ghore vadhamṛcchanti vīrudhaḥ |
yuddhavyuparame te tu sahāśnanti mahāvane || 67 ||
[Analyze grammar]

bāndhavānāmapi tathā bhedakāle samutthite |
vadhyate yo'ntaraprepsuḥ svajano yāti vikriyām || 68 ||
[Analyze grammar]

kalistvaṃ hi vināśāya mayā puṣṭo vijānatā |
gaccha gaccha yathākāmaṃ vasudeva narādhama || taddattaṃ kṛpaṇaṃ piṇḍaṃ yaddattaṃ tava jānatā |
tacchvabhyo yadi dattaṃ syācchreyo mama bhaviṣyati |
vasudeva kulasyāsya yadvirodhayase bhṛśam |
amarṣī vairaśīlaśca sadā pāpamatiḥ śaṭhaḥ || 69 ||
[Analyze grammar]

sthāne yadukulaṃ mūḍha śocanīyaṃ tvayā kṛtam |
vasudeva vṛthāvṛddha yanmayā tvaṃ puraskṛtaḥ || 70 ||
[Analyze grammar]

śvetena śirasā vṛddho naiva varṣaśatī bhavet |
yasya buddhiḥ pariṇatā sa vai vṛddhatamo nṛṇām || 71 ||
[Analyze grammar]

na tena vṛddho bhavati yenāsya palitaṃ śiraḥ || 71 ||
[Analyze grammar]

tvaṃ tu karkaśaśīlaśca buddhyā ca na bahuśrutaḥ |
kevalaṃ vayasā vṛddho yathā śaradi toyadaḥ || 72 ||
[Analyze grammar]

kiṃ ca tvaṃ sādhu jānīṣe vasudeva vṛthāmate |
hate kaṃse mama suto mathurāṃ pālayiṣyati || 73 ||
[Analyze grammar]

chinnāśastvaṃ vṛthāvṛddha mithyā hyevaṃ vicāritam |
jijīviṣurna sa hyasti yo hi tiṣṭhenmamāgrataḥ || 74 ||
[Analyze grammar]

prahartukāmo viśvaste yastvaṃ svasthena cetasā |
tatte pratikariṣyāmi putrayostava paśyataḥ || 75 ||
[Analyze grammar]

na me vṛddhavadhaḥ kaściddvijastrīvadha eva vā |
kṛtapūrvaḥ kariṣye vā viśeṣeṇa tu bāndhave || 76 ||
[Analyze grammar]

iha tvaṃ jātasaṃvṛddho mama pitrā vivardhitaḥ |
pitṛṣvasurme bhartā ca yadūnāṃ prathamo guruḥ || 77 ||
[Analyze grammar]

kule mahati vikhyātaḥ prathite cakravartinām |
gurvarthaṃ pūjitaḥ sadbhiryadubhirdharmabuddhibhiḥ || 78 ||
[Analyze grammar]

kiṃ kariṣyāmahe sarve satsu vaktavyatāṃ gatāḥ |
yadūnāṃ yūthamukhyasya yasya te vṛttamīdṛśam || 79 ||
[Analyze grammar]

madvadho vā jayo vātha vasudevasya durṇayaiḥ |
satsu yāsyanti puruṣā yadūnāmavaguṇṭhitāḥ || 80 ||
[Analyze grammar]

tvayā hi madvadhopāyaṃ tarkayānena vai mṛdhe |
aviśvāsyaṃ kṛtaṃ karma vācyāśca yadavaḥ kṛtāḥ || 81 ||
[Analyze grammar]

aśāmyaṃ vairamutpannaṃ mama kṛṣṇasya cobhayoḥ |
śāntimekatare śāntiṃ gate yāsyanti yādavāḥ || 82 ||
[Analyze grammar]

tiṣṭha vā gaccha vā mūḍha yatheṣṭaṃ mama pārśvataḥ || 82 ||
[Analyze grammar]

hantuṃ svajanamudvṛttaṃ so'yaṃ yadukulodvahaḥ || 82 ||
[Analyze grammar]

mā bhūdayaṃ parīvādo loke yādavasattamāḥ || 82 ||
[Analyze grammar]

anyathā vadhayogyo'si nātra kāryā vicāraṇā || 82 ||
[Analyze grammar]

gacchatvayaṃ dānapatiḥ kṣipramānayituṃ vrajāt |
nandagopaṃ ca gopāṃśca karadānmama śāsanāt || 83 ||
[Analyze grammar]

vācyaśca nandagopo vai karamādāya vārṣikam |
śīghramāgaccha nagaraṃ gopaiḥ sarvaiḥ samanvitaḥ || 84 ||
[Analyze grammar]

kṛṣṇasaṃkarṣaṇau caiva vasudevasutāv ubhau |
draṣṭumicchati vai kaṃsaḥ sabhṛtyaḥ sapurohitaḥ || 85 ||
[Analyze grammar]

etau yuddhavidau raṅge kālanirmāṇayodhinau |
dṛḍhapratikṛtī caiva śṛṇomi vyāyatodyamau || 86 ||
[Analyze grammar]

asmākamapi mallau dvau sajjau jayadhṛtotsavau |
tābhyāṃ saha niyotsyete tau yuddhakuśalāv ubhau || 87 ||
[Analyze grammar]

draṣṭavyau ca mayāvaśyaṃ bālau tāvamaropamau |
pitṛṣvasuḥ sutau mukhyau vrajavāsau vanecarau || 88 ||
[Analyze grammar]

vaktavyaṃ ca vraje tasmin samīpe vrajavāsinām |
rājā dhanurmahaṃ nāma kārayiṣyati vai sukhī || 89 ||
[Analyze grammar]

saṃnikṛṣṭe vrajāstatra nivasantu yathāsukham |
janasyāmantritasyārthe yathā syātsarvamavyayam || 90 ||
[Analyze grammar]

payasaḥ sarpiṣaścaiva dadhno dadhyuttarsya ca |
yathākāmapradānāya bhojyādhiśrayaṇāya ca || 91 ||
[Analyze grammar]

akrūra gaccha śīghraṃ tvaṃ tāvānaya mamājñayā |
saṃkarṣaṇaṃ ca kṛṣṇaṃ ca draṣṭuṃ kautūhalaṃ hi me || 92 ||
[Analyze grammar]

tābhyāmāgamane prītiḥ parā mama kṛtā bhavet |
dṛṣṭvā tu tau mahāvīryau tadvidhāsyāmi yaddhitam || 93 ||
[Analyze grammar]

syānnāma vākyaṃ śrutvaivaṃ mama tau paribhāṣitam |
na gacchetāṃ yathākālaṃ nigrāhyāvapi tau mama || 94 ||
[Analyze grammar]

sāntvameva tu bāleṣu pradhānaṃ prathamo nayaḥ |
madhureṇaiva tau mandau svayamevānayāśu vai || 95 ||
[Analyze grammar]

akrūra kuru me prītimetāṃ paramadurlabhām |
yadi vā nopajapto'si vasudevena suvrata || 96 ||
[Analyze grammar]

tathā kartavyametaddhi yathā tāvāgamiṣyataḥ || 96 ||
[Analyze grammar]

ityuktvā virarāmaiva kaṃsaḥ sa madhureśvaraḥ || 96 ||
[Analyze grammar]

evamākruṣyamānastu vasudevo vasūpamaḥ |
sāgarākāramātmānaṃ niṣprakampamadhārayat || 97 ||
[Analyze grammar]

vākśalyaistāḍyamānastu kaṃsenādīrghadarśinā |
kṣamāṃ manasi saṃdhyāya nottaraṃ pratyabhāṣata || 98 ||
[Analyze grammar]

ye tu taṃ dadṛśustatra kṣipyamāṇamanekaśaḥ |
dhigdhigityasakṛtte vai śanairūcuravāṅmukhāḥ || 99 ||
[Analyze grammar]

akrūrastu mahātejā jānandivyena cakṣuṣā |
jalam dṛṣṭveva tṛṣitaḥ preṣitaḥ prītimānabhūt || 100 ||
[Analyze grammar]

paśyāmi devadeveśaṃ śaṅkhacakragadādharam || 100 ||
[Analyze grammar]

yogināṃ yogagamyaṃ tamīśvaraṃ sakaleśvaram || 100 ||
[Analyze grammar]

paśyāmi bālaṃ govindaṃ gopaveṣavibhūṣitam || 100 ||
[Analyze grammar]

saṃkarṣaṇasahāyaṃ taṃ padmapatranibhekṣaṇam || 100 ||
[Analyze grammar]

adya me saphalaṃ janma dṛṣṭo yena mayā hariḥ || 100 ||
[Analyze grammar]

mayūrāṅgadacitrāṅgaṃ tumbavīṇāvimiśritam || 100 ||
[Analyze grammar]

drakṣyāmi lokanāthaṃ taṃ gopīstanavilālasam || 100 ||
[Analyze grammar]

yadi māṃ cakṣuṣā samyakprītiyuktena paśyati || 100 ||
[Analyze grammar]

tadānīṃ saphalaṃ janma mama taṃ paśyato harim || 100 ||
[Analyze grammar]

yaṃ dṛṣṭvā munayaḥ sarve viramante tapobalāt || 100 ||
[Analyze grammar]

sa māṃ vakṣyati kiṃcittu vacanaṃ vāgvidāṃ varaḥ || 100 ||
[Analyze grammar]

evaṃ vicintya manasā gantuṃ śīghrataro'bhavat || 100 ||
[Analyze grammar]

tasminneva muhūrte tu mathurāyāḥ sa niryayau |
prītimānpuṇḍarīkākṣaṃ draṣṭuṃ dānapatiḥ svayam || 101 ||
[Analyze grammar]