Chapter 14

mārkaṇḍeya uvāca |
āsanpūrvayuge tāta bharadvājātmajā dvijāḥ |
yogadharmamanuprāpya bhraṣṭā duścaritena vai || 1 ||
[Analyze grammar]

apabhraṃśamanuprāptā yogadharmāpacāriṇaḥ |
mahatastamasaḥ pāre mānasasya visaṃjñitāḥ || 2 ||
[Analyze grammar]

tamevārthamanudhyānto naṣṭamapsviva mohitāḥ |
aprāpya yogaṃ te sarve saṃyuktāḥ kāladharmaṇā || 3 ||
[Analyze grammar]

tataste yogavibhraṣṭā deveṣu suciroṣitāḥ |
jātāḥ kauśikadāyādāḥ kurukṣetre nararṣabha || 4 ||
[Analyze grammar]

hiṃsayā vicariṣyanto dharmaṃ pitṛkṛtena vai |
tataste punarājātiṃ bhraṣṭāḥ prāpsyanti kutsitāṃ || 5 ||
[Analyze grammar]

teṣāṃ pitṛprasādena pūrvajātikṛtena ca |
smṛtirutpatsyate prāpya tāṃ tāṃ jātiṃ jugupsitām || 6 ||
[Analyze grammar]

te dharmacāriṇo nityaṃ bhaviṣyanti samāhitāḥ |
brāhmaṇyaṃ pratilapsyanti tato bhūyaḥ svakarmaṇā || 7 ||
[Analyze grammar]

tataśca yogaṃ prāpsyanti pūrvajātikṛtaṃ punaḥ |
bhūyaḥ siddhimanuprāptāḥ sthānaṃ prāpsyanti śāśvatam || 8 ||
[Analyze grammar]

evaṃ dharme ca te buddhirbhaviṣyati punaḥ punaḥ |
yogadharme ca nirataḥ prāpsyase siddhimuttamām || 9 ||
[Analyze grammar]

yogo hi durlabho nityamalpaprajñaiḥ kadācana || 9 ||
[Analyze grammar]

labdhvāpi nāśayantyenaṃ vyasanaiḥ kaṭutāmitāḥ || 9 ||
[Analyze grammar]

adharmeṣveva vartante ardayante guruṃ sadā || 9 ||
[Analyze grammar]

yācante na tvayācyāni rakṣanti śaraṇāgatān || 9 ||
[Analyze grammar]

nāvamanyanti kṛpaṇānmādyante na dhanoṣmaṇā || 9 ||
[Analyze grammar]

yuktāhāravihārāśca yuktaceṣṭāḥ svakarmasu || 9 ||
[Analyze grammar]

dhyānādhyayanayuktāśca na naṣṭānugaveṣiṇaḥ || 9 ||
[Analyze grammar]

nopabhogaratā nityaṃ na māṃsamadhubhakṣaṇāḥ || 9 ||
[Analyze grammar]

na kāmaparamā nityaṃ na viprasevinastathā || 9 ||
[Analyze grammar]

nānāryasaṃkathāsaktā nālasyopahatāstathā || 9 ||
[Analyze grammar]

nātyantamānasaṃsaktā goṣṭhīṣu niratāstathā || 9 ||
[Analyze grammar]

prāpnuvanti narā yogaṃ yogo vai durlabho bhuvi || 9 ||
[Analyze grammar]

praśāntāśca jitakrodhā mānāhaṃkāravarjitāḥ || 9 ||
[Analyze grammar]

kalyāṇabhājanaṃ ye tu te bhavanti yatavratāḥ || 9 ||
[Analyze grammar]

evaṃvidhāstu te tāta brāhmaṇā hyabhavaṃstadā || 9 ||
[Analyze grammar]

smaranti hyātmano doṣaṃ pramādakṛtameva tu || 9 ||
[Analyze grammar]

dhyānādhyayanayuktāśca śānte vartmani saṃsthitāḥ || 9 ||
[Analyze grammar]

śāntiṃ te paramāmāśu labhante nātra saṃśayaḥ || 9 ||
[Analyze grammar]

tasmāttvamapi dharmajña yogadharmaparo bhava || 9 ||
[Analyze grammar]

yogadharmāddhi dharmajña na dharmo'sti viśeṣavān |
variṣṭhaṃ sarvadharmāṇāṃ taṃ samācara bhārgava || 10 ||
[Analyze grammar]

kālasya pariṇāmena laghvāhāro jitendriyaḥ |
tatparaḥ prayataḥ śrāddhī yogadharmamavāpsyasi |
ityuktvā bhagavāndevastatraivāntaradhīyata || 11 ||
[Analyze grammar]

aṣṭādaśānāṃ varṣāṇāmekāhamiti me matiḥ |
upāsataśca deveśaṃ varṣāṇyaṣṭādaśaiva me || 12 ||
[Analyze grammar]

prasādāttasya devasya na glānirabhavattadā |
na kṣutpipāse kālaṃ vā jānāmi sma tadānagha |
paścācchiṣyasakāśāttu kālaḥ saṃvidito mama || 13 ||
[Analyze grammar]