Chapter 29

janamejaya uvāca prādurbhāve muniśreṣṭha māthure caritaṃ śubham || 1 ||
[Analyze grammar]

kathaṃ devo devataruṃ hṛtavāndevakīsutaḥ || 1 ||
[Analyze grammar]

tadvadāśu guro mahyamaviglānaṃ kathaṃ hariḥ || 1 ||
[Analyze grammar]

śṛṇvanvai nādhigacchāmi tṛptiṃ kṛṣṇasya dhīmataḥ || 2 ||
[Analyze grammar]

dvārakāyāṃ nivasataḥ kṛtadārasya yadguṇam || 3 ||
[Analyze grammar]

caritaṃ brūhi kṛṣṇasya sarvaṃ hi viditaṃ tava || 4 ||
[Analyze grammar]

vaiśaṃpāyana uvāca janamejaya kṛṣṇasya kṛtadārasya bhārata || 5 ||
[Analyze grammar]

nibodha caritaṃ citraṃ tasyaiva sadṛśaṃ prabhoḥ || 6 ||
[Analyze grammar]

prāptadāro mahātejā vāsudevaḥ pratāpavān || 7 ||
[Analyze grammar]

rukmiṇyā sahito devyā yayau raivatakaṃ nṛpa || 8 ||
[Analyze grammar]

upavāsāvasānaṃ hi rukmiṇyāḥ pratipūjayan || 9 ||
[Analyze grammar]

tarpayiṣyan svayaṃ viprāñjagāma madhusūdanaḥ || 10 ||
[Analyze grammar]

kumārāḥ prayayustatra putrā bhrātara eva ca || 11 ||
[Analyze grammar]

preṣitā vāsudevena nāradasyābhyanujñayā || 12 ||
[Analyze grammar]

ṣoḍaśa strīsahasrāṇi jagmureva ca dhīmataḥ || 13 ||
[Analyze grammar]

ṛddhyā paramayā rājanviṣṇorevānurūpayā || 14 ||
[Analyze grammar]

tatastatra dvijātīnāṃ kāmānprādādadhokṣajaḥ || 15 ||
[Analyze grammar]

arthināṃ dharmanityānāṃ bandināmiṣṭavādinām || 16 ||
[Analyze grammar]

kalyāṇanāmagotrāṇāṃ mahatāṃ puṇyakarmaṇām || 17 ||
[Analyze grammar]

yaunaiḥ śrautaiśca mākhaiśca śuddhānāṃ kurunandana || 18 ||
[Analyze grammar]

tarpayitvā dvijān kāmairiṣṭairiṣṭaḥ satāṃ hariḥ || 19 ||
[Analyze grammar]

jñātīn saṃtarpayāmāsa yathārhaṃ dharmavatsalaḥ || 20 ||
[Analyze grammar]

upavāsāvasāne ca bhagavān saviśeṣataḥ || 21 ||
[Analyze grammar]

vaiśaṃpāyana uvāca kadācidatha rukmiṇyā vasan gehe janārdanaḥ || 21 ||
[Analyze grammar]

bahu mene priyāṃ bhāryāṃ rukmiṇīṃ bhīṣmakātmajām || 22 ||
[Analyze grammar]

vasatastasya kṛṣṇasya sadārasyāmitaujasaḥ || 23 ||
[Analyze grammar]

sahāsīnasya rukmiṇyā nārado'bhyāyayau muniḥ || 24 ||
[Analyze grammar]

āgataṃ cāprameyātmā munimindrānujastadā || 25 ||
[Analyze grammar]

śāstradṛṣṭena vidhinā arcayāmāsa keśavaḥ || 26 ||
[Analyze grammar]

so'rcito vāsudevena munirarcyatamaḥ satām || 27 ||
[Analyze grammar]

pārijātataroḥ puṣpaṃ dadau kṛṣṇāya bhārata || 28 ||
[Analyze grammar]

tadvṛkṣarājakusumaṃ rukmiṇyāḥ pradadau hariḥ || 29 ||
[Analyze grammar]

pārśvasthā sā hi kṛṣṇasya bhojyā naravarābhavat || 30 ||
[Analyze grammar]

pratigṛhya tu tatpuṣpaṃ kāmāraṇiraninditā || 31 ||
[Analyze grammar]

śirasyamalapatrāḍhyaṃ dadau kṛṣṇeṅgitānugā || 32 ||
[Analyze grammar]

trailokyarūpasarvasvaṃ nārāyaṇamanoharā || 33 ||
[Analyze grammar]

śuśubhe tena puṣpeṇa dviguṇaṃ rukmiṇī tadā || 34 ||
[Analyze grammar]

tāṃ nāradastathovāca munirbrahmasutastadā || 35 ||
[Analyze grammar]

tavaivaupayikaṃ puṣpamekaṃ devi pativrate || 36 ||
[Analyze grammar]

alaṃkṛtaṃ puṣpametatsaṃsargāttava sarvathā || 37 ||
[Analyze grammar]

atyarhā ca matā me tvametatpuṣpaṃ dhṛtavrate || 38 ||
[Analyze grammar]

kalyāṇaguṇasaṃpanne satataṃ bhartṛvatsale || 39 ||
[Analyze grammar]

amlānametatsatataṃ puṣpaṃ bhavati kāmini || 40 ||
[Analyze grammar]

saṃvatsaraparaṃ kālaṃ kālajñe guṇasaṃmate || 41 ||
[Analyze grammar]

īpsitānapi gandhāṃśca dadāti vadatāṃ vare || 42 ||
[Analyze grammar]

śītoṣṇe cepsite devi puṣpametatprayacchati || 43 ||
[Analyze grammar]

sravatyapi rasāndevi manasā kāṅkṣitānvarān || 44 ||
[Analyze grammar]

sevyamānaṃ ca saubhāgyaṃ dadāti varavarṇini || 45 ||
[Analyze grammar]

sravatyapi tathā gandhānīpsitānprativardhanān || 46 ||
[Analyze grammar]

yāni yāni ca puṣpāṇi tvaṃ devyabhilaṣiṣyasi || 47 ||
[Analyze grammar]

kusumaṃ vṛkṣarājasya tāni tāni pradāsyati || 48 ||
[Analyze grammar]

etadeva bhagādhānaṃ dharmiṣṭhe dharmadaṃ tathā || 49 ||
[Analyze grammar]

matiṃ ca nāśubhe dhatte dhāryamāṇaṃ sadā śubhe || 50 ||
[Analyze grammar]

yad yadicchasi varṇaṃ ca tatsarvaṃ dhārayiṣyati || 51 ||
[Analyze grammar]

svalpaṃ vā yadi vā sthūlaṃ chandataste bhaviṣyati || 52 ||
[Analyze grammar]

aniṣṭagandhaharaṇametatsadgandhavardhanam || 53 ||
[Analyze grammar]

pradīpakarma rātrau ca karoti kamalekṣaṇe || 54 ||
[Analyze grammar]

saṃtānakasrajo mālāṃ puṣpavastrādi vācyutam || 55 ||
[Analyze grammar]

puṣpamaṇḍapamukhyāni cintitena pradāsyati || 56 ||
[Analyze grammar]

bubhukṣā vā pipāsā vā glānirvāpyatha vā jarā || 57 ||
[Analyze grammar]

devyetaddhārayantyāste svacchandena bhaviṣyati || 58 ||
[Analyze grammar]

anugītāni gītāni dāsyatyapi ca cintite || 59 ||
[Analyze grammar]

suvāditrān sumadhurāṃstathaiva tava saṃmatān || 60 ||
[Analyze grammar]

pūrṇe saṃvatsare devi puṣpametattavāntikāt || 61 ||
[Analyze grammar]

nivartsyate taruvaraṃ samayena prayāsyati || 62 ||
[Analyze grammar]

kṛtireṣā hi bhadraṃ te pārijātasya suprabhe || 63 ||
[Analyze grammar]

nisargataḥ sargakṛtā satkārārthe'suradviṣām || 64 ||
[Analyze grammar]

umā devavarasyeṣṭā himācalasutā satī || 65 ||
[Analyze grammar]

dhārayedīśvarī nityaṃ puṣpāṇyetāni suprabhe || 66 ||
[Analyze grammar]

aditiśca sapaulomī mahendrasuratāraṇī || 67 ||
[Analyze grammar]

sāvitrī vedamātā ca śrīśca sarvaguṇodite || 68 ||
[Analyze grammar]

devapatnyastathaivānyā devāśca vasudevatāḥ || 69 ||
[Analyze grammar]

saṃvatsaraḥ paraḥ kālaḥ sarveṣāṃ tu na saṃśayaḥ || 70 ||
[Analyze grammar]

ṣoḍaśastrīsahasrāṇāṃ madhye tvaṃ khalu vartase || 71 ||
[Analyze grammar]

adyeṣṭāṃ vāsudevasya vedmi tvāṃ bhojanandini || 72 ||
[Analyze grammar]

sapatnyaste guṇopete sarvāḥ sarveśvarapriye || 73 ||
[Analyze grammar]

avamānāvasekena tvayā siktādya bhāmini || 74 ||
[Analyze grammar]

prakāśamadya saubhāgyamanivāryaṃ yaśaśca te || 75 ||
[Analyze grammar]

mandārakusumaṃ dattaṃ yatte madhunighātinā || 76 ||
[Analyze grammar]

adya sātrājitī devī jñāsyate varavarṇinī || 77 ||
[Analyze grammar]

saubhāgyāḍhyaṃ sadā vetti yātmānaṃ subhagā satī || 78 ||
[Analyze grammar]

sāmbamātātha gāndhārī bhāryāścānyā mahātmanaḥ || 79 ||
[Analyze grammar]

saubhāgyārthodyatākāṅkṣāmadya mokṣyanti niḥspṛhāḥ || 80 ||
[Analyze grammar]

saubhāgyaikaratho jaitrastava devyadya niḥsṛtaḥ || 81 ||
[Analyze grammar]

manoratharathānāṃ yaḥ sahasrairapi durjayaḥ || 82 ||
[Analyze grammar]

adyāhamavagacchāmi sarvathā sarvaśobhane || 83 ||
[Analyze grammar]

ātmā dvitīyaḥ kṛṣṇasya bhoje tvamiti bhāmini || 84 ||
[Analyze grammar]

trailokyaratnasarvasvamadadād yattavācyutaḥ || 85 ||
[Analyze grammar]

jīvitātiśayastena tvayā prāpto haripriye || 86 ||
[Analyze grammar]

nāradenaivamuktaṃ tu tathyaṃ vākyaṃ narādhipa || 87 ||
[Analyze grammar]

tatrasthāḥ śuśruvuḥ preṣyāḥ preṣitāḥ satyabhāmayā || 88 ||
[Analyze grammar]

devīnāṃ ca tathānyāsāṃ sapatnīnāṃ viśāṃ pate || 89 ||
[Analyze grammar]

dṛṣṭvā tāṃ saviśeṣaṃ ca nāradenābhyudāhṛtam || 90 ||
[Analyze grammar]

tacca śrutvā sunikhilaṃ preṣyābhiḥ strīsvabhāvataḥ || 91 ||
[Analyze grammar]

prakāśīkṛtamevāsīdviṣṇorantaḥpure tadā || 92 ||
[Analyze grammar]

karṇākarṇi tato devyaḥ kaulīnamiva sarvaśaḥ || 93 ||
[Analyze grammar]

mantrayāṃ cakrire hṛṣṭāḥ rukmiṇyātiguṇodayam || 94 ||
[Analyze grammar]

arheti putramāteti jyeṣṭheti ca samāgatāḥ || 95 ||
[Analyze grammar]

prāyeṇa pravadanti sma hṛṣṭā dāmodarastriyaḥ || 96 ||
[Analyze grammar]

mamṛṣe na sapatnyāstu tatsaubhāgyaguṇodayam || 97 ||
[Analyze grammar]

aho yādavaputrasya matibhīkṣyaṃ tu cāgatāḥ || 97 ||
[Analyze grammar]

satyabhāmā priyā nityaṃ viṣṇoratulatejasaḥ || 98 ||
[Analyze grammar]

rūpayauvanasaṃpannā svasaubhāgyena garvitā || 99 ||
[Analyze grammar]

abhimānavatī devī śrutvaiverṣyāvaśaṃ gatā || 100 ||
[Analyze grammar]

sā śubhaṃ kauṅkumaṃ vāsaḥ samutsṛjya śucismitā || 100 ||
[Analyze grammar]

mahārajatarāgaṃ ca śukle jagrāha vāsasī || 100 ||
[Analyze grammar]

samutsṛjantī vasanaṃ sakuṅkumaṃ || 101 ||
[Analyze grammar]

śucismitā śuklatamaikamaṃśukam || 102 ||
[Analyze grammar]

jagrāha roṣākulitena cetasā || 103 ||
[Analyze grammar]

vahneḥ śikhā śrīriva vardhitendhanā || 104 ||
[Analyze grammar]

daṃdahyamānā jvalanena vardhatā || 105 ||
[Analyze grammar]

īrṣyāsamutthena gataprabheva || 106 ||
[Analyze grammar]

krodhānvitā krodhagṛhaṃ viviktaṃ || 107 ||
[Analyze grammar]

viveśa tāreva ghanaṃ satoyam || 108 ||
[Analyze grammar]

badhvā lalāṭe himacandraśuklaṃ || 109 ||
[Analyze grammar]

dukūlapaṭṭaṃ priyaroṣacihnam || 110 ||
[Analyze grammar]

paryantadeśaṃ sarasena devī || 111 ||
[Analyze grammar]

vilipya sā lohitacandanena || 112 ||
[Analyze grammar]

saṃsmṛtya saṃsmṛtya śiraḥ saroṣaṃ || 113 ||
[Analyze grammar]

prakampamānā samayopaviṣṭā || 114 ||
[Analyze grammar]

dīrghopadhāne śayane'panīya || 115 ||
[Analyze grammar]

vibhūṣaṇānyekanibaddhaveṇī || 116 ||
[Analyze grammar]

akāraṇārthena viruṣyamānā || 117 ||
[Analyze grammar]

preṣyājanasyābhijanena yācitā || 118 ||
[Analyze grammar]

vicūrṇayāmāsa kuśeśayaṃ sā || 119 ||
[Analyze grammar]

niḥśvasya niḥśvasya nakhairnatabhrūḥ || 120 ||
[Analyze grammar]

vaiśaṃpāyana uvāca upaviṣṭaṃ muniṃ jñātvā rukmiṇyā saha keśavaḥ || 121 ||
[Analyze grammar]

niścakrāmāprameyātmā vyapadeśena sarvakṛt || 122 ||
[Analyze grammar]

jagāma tvaritaścaiva satyabhāmāgṛhaṃ mahat || 123 ||
[Analyze grammar]

ramye raivatakoddeśe nirmitaṃ viśvakarmaṇā || 124 ||
[Analyze grammar]

abhimānavatīmiṣṭāṃ prāṇairapi garīyasīm || 125 ||
[Analyze grammar]

jānan sātrājitīṃ viṣṇurviveśa śanakairiva || 126 ||
[Analyze grammar]

ruṣitāmiva tāṃ devīṃ snehātsaṃkalpayanniva || 127 ||
[Analyze grammar]

bhītabhīto'tiśanakairviveśa yadunandanaḥ || 128 ||
[Analyze grammar]

dārukaṃ dvāradeśe tu tiṣṭhetyuktvā viveśa ha || 129 ||
[Analyze grammar]

nāradasyopacārārthaṃ pradyumnaṃ viniyujya ca || 130 ||
[Analyze grammar]

sa dadarśa priyāṃ dūratkrodhāgāragatāṃ tadā || 131 ||
[Analyze grammar]

preṣyāmadhyasthitāṃ krodhānniḥśvasantīṃ muhurmuhur || 132 ||
[Analyze grammar]

karajāgrāvalīḍhaṃ tu paṅkajaṃ mukhapaṅkaje || 133 ||
[Analyze grammar]

saṃśleṣayitvā niḥśvasya viharantīṃ punaḥ punaḥ || 134 ||
[Analyze grammar]

kiṃcidākuñcitāgreṇa caraṇena vasuṃdharām || 135 ||
[Analyze grammar]

kṛtvā pṛṣṭhe'tha vadanaṃ vihasantīṃ punaḥ punaḥ || 136 ||
[Analyze grammar]

karapadme punaḥ śaśvanmukhapadmaṃ niveśya ca || 137 ||
[Analyze grammar]

vinatāṃ cārusarvāṅgīṃ dhyāyantīṃ kamalekṣaṇām || 138 ||
[Analyze grammar]

vimanā cārusarvāṅgī dhyāyantī kamalekṣaṇā || 138 ||
[Analyze grammar]

sarasaṃ candanaṃ gṛhya preṣyāhastādaninditām || 139 ||
[Analyze grammar]

prasādhayitvā hṛdayaṃ kṣipantīṃ nirdayaṃ punaḥ || 140 ||
[Analyze grammar]

punarutthāya śayanātpatantīṃ ca punaḥ punaḥ || 141 ||
[Analyze grammar]

tāstāśceṣṭāstathānyāśca priyāyā dadṛśe hariḥ || 142 ||
[Analyze grammar]

avaguṇṭhya yadā vaktramupadhāne nyaveśayat || 143 ||
[Analyze grammar]

idamantaramityeva tato matvā janārdanaḥ || 144 ||
[Analyze grammar]

preṣyājanaṃ samājñāpya anākhyeyo śmi saṃjñayā || 145 ||
[Analyze grammar]

saśaṅkitapracāraśca tvarito'nvagamacca tām || 146 ||
[Analyze grammar]

jagrāha vyajanaṃ caiva sthitvā sa paripārśvataḥ || 147 ||
[Analyze grammar]

śanairavāsṛjadvātaṃ jahāsa śanakairiva || 148 ||
[Analyze grammar]

sa parijātapuṣpasya saṃsargādanuvāsitaḥ || 149 ||
[Analyze grammar]

babhāra bhagavān gandhaṃ divyaṃ mānuṣadurlabham || 150 ||
[Analyze grammar]

atyadbhutaṃ sugandhaṃ ca jighritvā vismayānvitā || 151 ||
[Analyze grammar]

apāvṛṇonmukhaṃ satyā kimetaditi cābravīt || 152 ||
[Analyze grammar]

sotthitā pṛṣṭhato devamapaśyantī suvismitā || 153 ||
[Analyze grammar]

paryapṛcchadatho preṣyā gandhasya prabhavaḥ tadā || 154 ||
[Analyze grammar]

tāḥ pṛṣṭāstvaprabhāṣantyo jānubhyāṃ dharaṇīṃ gatāḥ || 155 ||
[Analyze grammar]

adhomukhyastatastasthuḥ kṛtāñjalipuṭāstadā || 156 ||
[Analyze grammar]

tadapūrvamadṛṣṭvaiva gandhaṃ muñcati medinīm || 157 ||
[Analyze grammar]

kathamekatarastasyā gandho'yamudabhūtkhalu || 158 ||
[Analyze grammar]

kiṃ tvidaṃ syāditi ca sā vivekṣantī samantataḥ || 159 ||
[Analyze grammar]

dadṛśe keśavaṃ devī sahasā lokabhāvanam || 160 ||
[Analyze grammar]

yujyatīti tadovāca sahasāsrāvilekṣaṇā || 161 ||
[Analyze grammar]

avasikteva roṣeṇa babhūva praṇayānvitā || 162 ||
[Analyze grammar]

sā prasphuritacārvoṣṭhī niḥśvasyādhomukhī tadā || 163 ||
[Analyze grammar]

muhūrtamasitāpāṅgī tasthāvanyamukhī śubhā || 164 ||
[Analyze grammar]

nibadhya bhrūkuṭīṃ vāmāṃ samyagutkṣipya locane || 165 ||
[Analyze grammar]

niveśya vadanaṃ haste śobhasītyabravīddharim || 166 ||
[Analyze grammar]

tasyāḥ susrāva netrābhyāṃ vāri praṇayakopajam || 167 ||
[Analyze grammar]

kuśeśayapalāśābhyāmavaśyāyajalaṃ yathā || 168 ||
[Analyze grammar]

samutpatya jalaṃ tatra patitaṃ vadanāmbujāt || 169 ||
[Analyze grammar]

pratijagrāha padmākṣaḥ karābhyāmapi satvaram || 170 ||
[Analyze grammar]

athorasi patattoyaṃ śrīvatsāṅko'mbujekṣaṇaḥ || 171 ||
[Analyze grammar]

priyānayanajaṃ devaḥ parimṛjyedamabravīt || 172 ||
[Analyze grammar]

sravatyasitapatrākṣi kimarthaṃ tava bhāmini || 173 ||
[Analyze grammar]

toyaṃ sundari netrābhyāṃ puṣkarābhyāmivodakam || 174 ||
[Analyze grammar]

prabhāte pūrṇacandrasya madhyāhne paṅkajasya ca || 175 ||
[Analyze grammar]

bibharti tava kiṃ vaktraṃ vapurmama manoharam || 176 ||
[Analyze grammar]

kimarthaṃ kauṅkumaṃ vāso mahārajatameva ca || 177 ||
[Analyze grammar]

nānugṛhṇāsi suśroṇi śuklaṃ vāso'nugṛhyate || 178 ||
[Analyze grammar]

vāsasyete tavābhīṣṭe mahārajatakauṅkume || 179 ||
[Analyze grammar]

devābhigamanādūrdhvaṃ śuklaṃ neṣṭaṃ hi te priye || 180 ||
[Analyze grammar]

kiṃ cānābharaṇaṃ gātraṃ sugātri tava kathyatām || 181 ||
[Analyze grammar]

citrakasthānamākrāntaṃ kasmācca varavarṇini || 182 ||
[Analyze grammar]

śvetena tava paṭṭena vāsasā priyadarśane || 183 ||
[Analyze grammar]

lalāṭaṃ sevyate kasmāccandanena sugandhinā || 184 ||
[Analyze grammar]

sarasenāyatāpāṅgi kāntena hṛdayapriye || 185 ||
[Analyze grammar]

prabhopamardaḥ kenātha kāraṇenānanasya ca || 186 ||
[Analyze grammar]

karoṣi mama cātyarthaṃ mano glāpayasi priye || 187 ||
[Analyze grammar]

prasṛtaścandanarasaḥ kapolapraṇayī tava || 188 ||
[Analyze grammar]

patralekhāsapatnatvaṃ prāpto nātivirājate || 189 ||
[Analyze grammar]

ratnasyābharaṇairmuktā tava grīvā na śobhate || 190 ||
[Analyze grammar]

grahanakṣatrarahitā dyaurivāvyaktaśāradī || 191 ||
[Analyze grammar]

pūrṇacandrasapatnena smereṇābahubhāṣiṇā || 192 ||
[Analyze grammar]

kimu nābhāṣase mādya sukhenotpalagandhinā || 193 ||
[Analyze grammar]

ardhākṣṇāpi hi tāvanmāṃ kimarthaṃ na nirīkṣase || 194 ||
[Analyze grammar]

muñcasyeva saniḥśvāsaṃ toyamañjanadurdinam || 195 ||
[Analyze grammar]

alamindīvaraśyāme ruditena manasvini || 196 ||
[Analyze grammar]

jalamañjanakalmāṣaṃ mā mokṣīrānanadviṣam || 197 ||
[Analyze grammar]

tvadīyo'haṃ yadā devi khyāto jagati kiṃkaraḥ || 198 ||
[Analyze grammar]

nājñāpayasi māṃ kiṃ tvaṃ pureva varavarṇini || 199 ||
[Analyze grammar]

kimakārṣamahaṃ devi vipriyaṃ tava bhāmini || 200 ||
[Analyze grammar]

yenātimātramātmānamāyāsayasi sundari || 201 ||
[Analyze grammar]

manasā karmaṇā vācā na tvāmaticarāmyaham || 202 ||
[Analyze grammar]

sarvathā sarvacārvaṅgi satyametadbravīmyaham || 203 ||
[Analyze grammar]

dvitīyaṃ na hi me kiṃciduktaṃ yanmeti nāgare || 203 ||
[Analyze grammar]

bahumāno mamānyāsu strīṣu sarvāsu śobhane || 204 ||
[Analyze grammar]

snehaśca bahumānaśca tvāmṛte'nyāsu nāsti me || 205 ||
[Analyze grammar]

naiva tvāṃ madano jahyādamṛte mayi māmakaḥ || 206 ||
[Analyze grammar]

iti me niścitaṃ viddhi cetaḥ surasutopame || 207 ||
[Analyze grammar]

niścitaṃ viddhi ceto me tvayi nityaṃ suniścalam || 207 ||
[Analyze grammar]

kṣamādayaśca medinyāṃ śabdādyāścāmbare guṇāḥ || 208 ||
[Analyze grammar]

gandho guṇaśca medinyā khe śabdaśca yathā guṇaḥ || 208 ||
[Analyze grammar]

dhruvaṃ paṅkajagarbhābhe tvayi snehastathā mama || 209 ||
[Analyze grammar]

ruciragnau yathā divyā prabhā caiva divākare || 210 ||
[Analyze grammar]

kāntiśca cāśvatī candre snehastvayi tathā mama || 211 ||
[Analyze grammar]

evaṃvādinamātmeṣṭaṃ satyabhāmā janārdanam || 212 ||
[Analyze grammar]

śanairuvāca netrābhyāṃ pramṛjya subhagā jalam || 213 ||
[Analyze grammar]

madīyastvamiti hyāsīnmama nityaṃ manaḥ prabho || 214 ||
[Analyze grammar]

adya sādhāraṇasnehastvamityavagatā hyaham || 215 ||
[Analyze grammar]

nājñāsiṣamahaṃ pūrvamanityaṃ kālaparyayam || 216 ||
[Analyze grammar]

adya lokagatiṃ kṛtsnāmavagacchāmi na dhruvām || 217 ||
[Analyze grammar]

adyālokya gatiṃ kṛtsnāṃ maivaṃ jānāmi vā dhruvam || 217 ||
[Analyze grammar]

amṛtāyā dvitīyaṃ hi janmedaṃ mama sarvathā || 218 ||
[Analyze grammar]

kimatra bahunoktena hṛdayaṃ vetti te'cyuta || 219 ||
[Analyze grammar]

vāṅmātramiva paśyāmi mādhuryaṃ saṃprayujyate || 220 ||
[Analyze grammar]

mayi snehaśca kṛtakastavānyatra na kṛtrimaḥ || 221 ||
[Analyze grammar]

ṛjusvabhāvāṃ bhaktāṃ ca sarvathā puruṣottama || 222 ||
[Analyze grammar]

avajānāsi jānanmāṃ kaitavīṃ vṛttimāsthitaḥ || 223 ||
[Analyze grammar]

etāvatkhalu paryāptaṃ dṛṣṭaṃ draṣṭavyamadya yat || 224 ||
[Analyze grammar]

śrutaṃ vāpyatha vā śrāvyaṃ dṛṣṭaḥ snehaphalodayaḥ || 225 ||
[Analyze grammar]

yadi tvahamanugrāhyā māmanujñātumarhasi || 226 ||
[Analyze grammar]

tapasyeyaṃ paraṃ kṛtvā niścayaṃ puruṣottama || 227 ||
[Analyze grammar]

bhartuśchandena nārīṇāṃ tapo vā vratakāni vā || 228 ||
[Analyze grammar]

niṣphalaṃ khalu yadbharturacchandena kriyeta yat || 229 ||
[Analyze grammar]

itīdamuktvā punareva śobhanā || 230 ||
[Analyze grammar]

mumoca toyaṃ nayanodbhavaṃ satī || 231 ||
[Analyze grammar]

grahāya pītaṃ harivāsasaḥ śubhā || 232 ||
[Analyze grammar]

paṭāntamādhāya mukhe śucismitā || 233 ||
[Analyze grammar]

vaiśaṃpāyana uvāca nārāyaṇaḥ satyabhāmāṃ punarevātha bhārata || 234 ||
[Analyze grammar]

provāca praṇayātkruddhāmabhimānavatīṃ satīm || 235 ||
[Analyze grammar]

dahatīva mamāṅgāni śokaḥ kamalalocane || 236 ||
[Analyze grammar]

kimu tatkāraṇaṃ yena tvamevamativiklavā || 237 ||
[Analyze grammar]

śāpitāsi mama prāṇairācakṣvānatyayo yadi || 238 ||
[Analyze grammar]

śrotavyaṃ yadi bhaktena bhartrā sarvāṅgaśobhane || 239 ||
[Analyze grammar]

tataḥ provāca bhartāraṃ satyā satyavrate sthitam || 240 ||
[Analyze grammar]

bāṣpagadgadayā vācā tathaivādhomukhī sthitā || 241 ||
[Analyze grammar]

tvayaiva sthāpitaṃ pūrvaṃ saubhāgyaṃ mama mānada || 242 ||
[Analyze grammar]

jagatyamalapatrākṣe tatkhyātaṃ keśināśana || 243 ||
[Analyze grammar]

śiro vahāmi ceṣṭatvāttavāhaṃ deva garvitā || 244 ||
[Analyze grammar]

sarvasīmantinīmadhye spṛhaṇīyāsmi sarvathā || 245 ||
[Analyze grammar]

sāhamadyāvahāsyāsmi sapatnīnāṃ janasya ca || 246 ||
[Analyze grammar]

iti preṣyābhirākhyātaṃ śrutvā tathyaṃ tatastataḥ || 247 ||
[Analyze grammar]

yatpārijātakusumaṃ dattavānnāradastava || 248 ||
[Analyze grammar]

tatkileṣṭajane dattaṃ tvayāhaṃ parivarjitā || 249 ||
[Analyze grammar]

ratnātiśayadānena tasyāmabhyadhikaḥ kila || 250 ||
[Analyze grammar]

snehaśca bahumānaśca prakāśaṃ gamitastvayā || 251 ||
[Analyze grammar]

tāmastauṣītsamakṣaṃ te priyāṃ sa kila nāradaḥ || 252 ||
[Analyze grammar]

tamaśrauṣīśca hṛṣṭastvaṃ priyāyāḥ saṃstavaṃ kila || 253 ||
[Analyze grammar]

stotavyā yadi tāvatsā nāradena tavāgrataḥ || 254 ||
[Analyze grammar]

durbhago'yaṃ janastatra kimarthamanuśabditaḥ || 255 ||
[Analyze grammar]

praṇayasya rasaṃ dattvā paścāttāpaḥ prabho yadi || 256 ||
[Analyze grammar]

anujñāṃ me prayacchasva tapaḥ kartuṃ prasīda me || 257 ||
[Analyze grammar]

svapnenāpi na dṛṣṭvāhaṃ śraddadhyāṃ puṣkarekṣaṇa || 258 ||
[Analyze grammar]

yadanyadeva nirvṛttamaśrauṣaṃ paśyatastava || 259 ||
[Analyze grammar]

kāmaḥ kāmaṃ tu tasyaiva muneratulatejasaḥ || 260 ||
[Analyze grammar]

atra manyustu me deva sāṃnidhyaṃ tava tatra yat || 261 ||
[Analyze grammar]

mānārthaṃ jīvyate loke sadbhirityuktavānasi || 262 ||
[Analyze grammar]

tadevaṃ sati necchāmi jīvituṃ mānavarjitā || 263 ||
[Analyze grammar]

mamābhavad yato rakṣā bhayamadya tato mama || 264 ||
[Analyze grammar]

sarvato rakṣate yo māṃ sa māṃ nādyābhirakṣati || 265 ||
[Analyze grammar]

hā gatiṃ kāṃ gamiṣyāmi tyaktā deva tvayā vibho || 266 ||
[Analyze grammar]

kumudvatīgatāṃ nūnaṃ gatiṃ yāsyāmyasaṃgatā || 267 ||
[Analyze grammar]

kimakārṣamahaṃ mohādīśvarāṇāṃ priyāpriyam || 268 ||
[Analyze grammar]

priyā bhūtvāpriyā bhūtā yadahaṃ tava mānada || 269 ||
[Analyze grammar]

vasantakusumaiścitraṃ sadā raivatakaṃ girim || 270 ||
[Analyze grammar]

priyā bhūtvāpriyā bhūtā kathaṃ drakṣyāmyahaṃ punaḥ || 271 ||
[Analyze grammar]

parapuṣṭasvanonmiśraṃ puṣpagandhavahaṃ śucim || 272 ||
[Analyze grammar]

kathaṃ nāmānilaṃ dveṣyā seveyaṃ durbhagā satī || 273 ||
[Analyze grammar]

jalakrīḍāṃ tavāṅkasthā deva kṛtvā mahodadhau || 274 ||
[Analyze grammar]

kathaṃ daurbhāgyamāpannā paśyeyamapi sāgaram || 275 ||
[Analyze grammar]

sātrājiti priyā nānyā tvatto me'stīti viddhi mām || 276 ||
[Analyze grammar]

tvamavocaḥ kva tad yātamatha vā kaḥ smariṣyati || 277 ||
[Analyze grammar]

māmuvāca bhavāṃstathyaṃ na nūnamiti cintaye || 277 ||
[Analyze grammar]

yadadrākṣīddhi māṃ śvaśrūrbahumānena nandinīm || 278 ||
[Analyze grammar]

avajñātā tvayā rājñī nūnaṃ daurbhāgyakīrtitā || 279 ||
[Analyze grammar]

kiṃ nu gūḍhena me premṇā susnigdhenāpi mānada || 280 ||
[Analyze grammar]

yatsamānāṃ janairdevo māṃ na paśyati nityadā || 281 ||
[Analyze grammar]

nāhaṃ tvāṃ kitavaṃ dhūrtamajñāsiṣamariṃdama || 282 ||
[Analyze grammar]

adya jñāto'si tatpakṣaścañcalo janavañcakaḥ || 283 ||
[Analyze grammar]

svaravarṇeṅgitākārairnigūḍho deva yatnataḥ || 284 ||
[Analyze grammar]

cora jñāto'si tatpakṣo vāṅmātramadhuraḥ śaṭhaḥ || 285 ||
[Analyze grammar]

evamīrśyāvaśaṃ prāptāṃ devīṃ sātrājitīṃ hariḥ || 286 ||
[Analyze grammar]

abhimānavatīṃ devaḥ sāntvapūrvamathābravīt || 287 ||
[Analyze grammar]

maivaṃ padmapalāśākṣi mameśvari vada priye || 288 ||
[Analyze grammar]

kimatra bahunoktena tvadīyamavagaccha mām || 289 ||
[Analyze grammar]

tatpārijātakusumaṃ tasyā devi mamāgrataḥ || 290 ||
[Analyze grammar]

nārado matpriyaṃ kurvanmunirakliṣṭakarmakṛt || 291 ||
[Analyze grammar]

dākṣiṇyādanurodhācca dattavānnātra saṃśayaḥ || 292 ||
[Analyze grammar]

prasīdaikāparādhaṃ me marṣayasva śucismite || 293 ||
[Analyze grammar]

pārijātasya puṣpāṇi yadīcchasyatikopane || 294 ||
[Analyze grammar]

tadā dātāsmi suśroṇi satyametadbravīmi te || 295 ||
[Analyze grammar]

svargāspadādānayitvā pārijātaṃ drumeśvaram || 296 ||
[Analyze grammar]

gṛhe te sthāpayiṣyāmi yāvatkālaṃ tvamicchasi || 297 ||
[Analyze grammar]

evamuktvā tu hariṇā provāca harivallabhā || 298 ||
[Analyze grammar]

yadyevaṃ sa drumaḥ śakya ihānayitumacyuta || 299 ||
[Analyze grammar]

manyureṣa pramṛṣṭo hi bhavedbahuguṇo mama || 300 ||
[Analyze grammar]

sīmantinīnāṃ sarvāsāmadhikā syāmadhokṣaja || 301 ||
[Analyze grammar]

tathāstu prathamaḥ kalpa iti tāṃ madhusūdanaḥ || 302 ||
[Analyze grammar]

provācāpratimo devo jagataḥ prabhavo'vyayaḥ || 303 ||
[Analyze grammar]

tathetyukte'tha kṛṣṇena tutoṣa samitiṃjaya || 304 ||
[Analyze grammar]

satyabhāmā satāmiṣṭā kaṃsanāśanavallabhā || 305 ||
[Analyze grammar]

tataḥ snāto jagannāthaḥ sarveśaḥ sarvabhāvanaḥ || 306 ||
[Analyze grammar]

cakārāvaśyakaṃ sarvaṃ sarvakāmapradaḥ satām || 307 ||
[Analyze grammar]

dadhyau ca nāradaṃ devaḥ snāto devamuniṃ nṛpa || 308 ||
[Analyze grammar]

abhyājagāma snānānte muniśreṣṭho mahodadhau || 309 ||
[Analyze grammar]

tamāgataṃ narapate satāṃ gatiradhokṣajaḥ || 310 ||
[Analyze grammar]

satyayā saha dharmātmā yathāvidhimapūjayat || 311 ||
[Analyze grammar]

pādau prakṣālayāṃ cakre muneḥ sātrājitī svayam || 312 ||
[Analyze grammar]

jalaṃ devaḥ svayaṃ kṛṣṇo bhṛṅgāreṇa dadau tadā || 313 ||
[Analyze grammar]

athopakalpayāmāsa sukhāsīnāya keśavaḥ || 314 ||
[Analyze grammar]

paramānnaṃ sa munaye prayatātmā jagadguruḥ || 315 ||
[Analyze grammar]

tal lokakartrā satkṛtya dattaṃ munirudāradhīḥ || 316 ||
[Analyze grammar]

bubhuje vadatāṃ śreṣṭhaḥ śraddhayā parayānvitaḥ || 317 ||
[Analyze grammar]

upaspṛśya tatastṛptaḥ pradadau cāśiṣaḥ prabhoḥ || 318 ||
[Analyze grammar]

tāśca prītena manasā pratijagrāha keśavaḥ || 319 ||
[Analyze grammar]

tataḥ sātrājitīṃ devīṃ praṇatāṃ nārado'bravīt || 320 ||
[Analyze grammar]

prasārya dakṣiṇaṃ hastaṃ sajalaṃ jalajekṣaṇām || 321 ||
[Analyze grammar]

yathedānīṃ tathaiva tvaṃ bhava devi pativratā || 322 ||
[Analyze grammar]

saviśeṣaṃ ca subhagā bhava tvaṃ tapaso balāt || 323 ||
[Analyze grammar]

ityuktā munimukhyena satyabhāmā haripriyā || 324 ||
[Analyze grammar]

uttasthau mahatā yuktā harṣeṇa tu narādhipa || 325 ||
[Analyze grammar]

sa kṛṣṇo'pyabhyanujñāṃ tu labdhvā munivarāttadā || 326 ||
[Analyze grammar]

bubhuje vighasaṃ dhīmānaprameyaparākramaḥ || 327 ||
[Analyze grammar]

tatastvāvaśyakaṃ kṛtvā satyabhāmāpi bhārata || 328 ||
[Analyze grammar]

anujñayā tadā bharturviveśāntargṛhaṃ mudā || 329 ||
[Analyze grammar]

tato vinirgatā devī kṛṣṇasyaivābhyanujñayā || 330 ||
[Analyze grammar]

sthitā pārśve ca kṛṣṇasya namaskṛtvā mahātmane || 331 ||
[Analyze grammar]

tato muhūrtamāsitvā nāradaḥ kṛṣṇamabravīt || 332 ||
[Analyze grammar]

āpṛcche tvāṃ gamiṣyāmi śakralokamadhokṣaja || 333 ||
[Analyze grammar]

tatrādyaṃ devamīśānaṃ namaskṛtya maheśvaram || 334 ||
[Analyze grammar]

gāsyanti devagandharvāstathaivāpsarasāṃ varāḥ || 335 ||
[Analyze grammar]

māsi māsyucitaṃ hyetanmahendrasadane vibho || 336 ||
[Analyze grammar]

pūjārthaṃ devadevasya gāndharvaṃ nṛtyameva ca || 337 ||
[Analyze grammar]

antarhito devadevaḥ somaḥ sapravaro vibhuḥ || 338 ||
[Analyze grammar]

paśyatyamaramukhyena kṛtaṃ bhaktyādrighātinā || 339 ||
[Analyze grammar]

nimantrito'haṃ pūrvedyuḥ puṣpaṃ dātuṃ mahādyute || 340 ||
[Analyze grammar]

pārijātasya bhadraṃ te tarurājño mahātmanaḥ || 341 ||
[Analyze grammar]

yadetadāhṛtaṃ svargāttattvadarthaṃ mayā vibho || 342 ||
[Analyze grammar]

devopabhogyametaddhi tarurājasamudbhavam || 343 ||
[Analyze grammar]

iṣṭaḥ sa vṛkṣaḥ satataṃ śacyāḥ puṣkaralocana || 344 ||
[Analyze grammar]

saubhāgyamāvahatyeva pūjyamāno'pi nityaśaḥ || 345 ||
[Analyze grammar]

saubhāgyārthaṃ tavaivāhaṃ puṣpamāhṛtavāṃstataḥ || 345 ||
[Analyze grammar]

puṇyaṃ kartuṃ tadā sṛṣṭaḥ pārijāto mahādrumaḥ || 346 ||
[Analyze grammar]

adityā dharmanityena kaśyapena mahātmanā || 347 ||
[Analyze grammar]

purādityā mahātejāstoṣitaḥ kila kaśyapaḥ || 348 ||
[Analyze grammar]

vareṇa cchandayāmāsa mārīcastapaso nidhiḥ || 349 ||
[Analyze grammar]

sovāca subhagā yena bhaveyaṃ munisattama || 350 ||
[Analyze grammar]

svalaṃkṛtā kāmataśca sarvaireva vibhūṣaṇaiḥ || 351 ||
[Analyze grammar]

īpsitaṃ gītanṛtyaṃ ca bhavenmama tapodhana || 352 ||
[Analyze grammar]

kumārī nityadā caiva bhaveyaṃ tapasāṃ nidhe || 353 ||
[Analyze grammar]

virajāḥ śokarahitā bhaveyamapi nityadā || 354 ||
[Analyze grammar]

patibhaktimatī caiva dharmaśīlā tathaiva ca || 355 ||
[Analyze grammar]

pārijātaṃ tato'srākṣīdadityāḥ priyakāmyayā || 356 ||
[Analyze grammar]

sarvakāmapradaiḥ puṣpairāvṛtaṃ divyagandhadaiḥ || 357 ||
[Analyze grammar]

triśākhaṃ sarvadā dṛśyaṃ sarvabhūtamanoharam || 358 ||
[Analyze grammar]

sarvapuṣpāṇi dṛśyante tasminneva mahādrume || 359 ||
[Analyze grammar]

īdṛśānyasya puṣpāṇi bibhartyekātirūpiṇī || 360 ||
[Analyze grammar]

bahurūpāṇi cāpyanyā padmāni ca tathāparā || 361 ||
[Analyze grammar]

mandārādapi vṛkṣācca sāras uddhṛtya kaśyapaḥ || 362 ||
[Analyze grammar]

tasmādeṣa taruśreṣṭhaḥ sarveṣāṃ śreṣṭhatāṃ gataḥ || 363 ||
[Analyze grammar]

adityai pradadau śrīmānpārijātaṃ mahādrumam || 363 ||
[Analyze grammar]

tatastatra nibadhyātha kaśyapaṃ pradadau śubhā || 364 ||
[Analyze grammar]

aditirmama puṇyārthaṃ saubhāgyārthaṃ tathaiva ca || 365 ||
[Analyze grammar]

adityā kaśyapo dattaḥ puṇyārthaṃ ca tato mama || 365 ||
[Analyze grammar]

puṣpadāmnā veṣṭayitvā kaṇṭhe puṇyārthamātmavān || 365 ||
[Analyze grammar]

niṣkrayeṇa mayā muktaḥ kaśyapastu tapodhanaḥ || 366 ||
[Analyze grammar]

indro dattastathendrāṇyā saubhāgyārthaṃ tato mama || 367 ||
[Analyze grammar]

somaścāpyatha rohiṇyā ṛddhyā ca dhanadastathā || 368 ||
[Analyze grammar]

evaṃ saubhāgyado vṛkṣaḥ pārijāto na saṃśayaḥ || 369 ||
[Analyze grammar]

pārijāto viṣṇupadyāḥ pārijāteti śabditaḥ || 370 ||
[Analyze grammar]

mandārapuṣpairyad yukto mandārastena kathyate || 371 ||
[Analyze grammar]

ko'pyayaṃ dārurityāhurajānanto yato janāḥ || 372 ||
[Analyze grammar]

kovidāra iti khyātaḥ saṃtataḥ sa mahātaruḥ || 373 ||
[Analyze grammar]

mandāraḥ kovidāraśca pārijātaśca nāmabhiḥ || 374 ||
[Analyze grammar]

sa vṛkṣo jñāyate divyo yasyaitatkusumottamam || 375 ||
[Analyze grammar]

vaiśaṃpāyana uvāca tato jigamiṣuṃ tatra nāradaṃ munisattamam || 376 ||
[Analyze grammar]

provāca bhagavānviṣṇuraprameyaparākramaḥ || 377 ||
[Analyze grammar]

maharṣe dharmatattvajña svargaṃ gatvā tvayānagha || 378 ||
[Analyze grammar]

dṛṣṭvā sadasyāndevasya tripuraghnasya dhīmataḥ || 379 ||
[Analyze grammar]

anujñayā madvacanādvijñāpyaḥ pākaśāsanaḥ || 380 ||
[Analyze grammar]

saṃvarṇayitvā bhrātṛtvaṃ paurāṇaṃ vetsi yanmune || 381 ||
[Analyze grammar]

yadasrākṣīnmuniśreṣṭho bhagavān kaśyapastarum || 382 ||
[Analyze grammar]

pārijātaṃ purādityāḥ priyārthaṃ dharmavittama || 383 ||
[Analyze grammar]

sa puṇyamatisaubhāgyaṃ dadāti tarusattamaḥ || 384 ||
[Analyze grammar]

tava dattaṃ purā dānaṃ vrate ca tarusattamam || 385 ||
[Analyze grammar]

devībhirdharmanityābhirdharmārthamamarottama || 386 ||
[Analyze grammar]

dattaṃ śrutvābhikāṅkṣanti dātuṃ patnyo mama prabho || 387 ||
[Analyze grammar]

puṇyārthaṃ dānadharmārthaṃ mama prītyarthameva ca || 388 ||
[Analyze grammar]

ānāyya ca dvāravatīṃ pārijātaṃ mahātarum || 389 ||
[Analyze grammar]

datte dāne punaḥ svargaṃ tatra taṃ nāyayiṣyasi || 390 ||
[Analyze grammar]

sa vācya evaṃ bhagavānbalabhidbhagavaṃstvayā || 391 ||
[Analyze grammar]

tathā tathā prayatnaśca kāryo munivara tvayā || 392 ||
[Analyze grammar]

yathā taruvaraṃ dadyātpārijātaṃ sureśvaraḥ || 393 ||
[Analyze grammar]

tatra dūtaguṇaṃ tāvatpaśyāmaste tapodhana || 394 ||
[Analyze grammar]

saṃbhāvyā sarvakṛtyānāṃ saṃpaddhi tvayi me matā || 395 ||
[Analyze grammar]

evaṃ nārāyaṇenokto nārado bhagavānṛṣiḥ || 396 ||
[Analyze grammar]

prahasyovāca keśighnamidaṃ vākyaṃ tapodhanaḥ || 397 ||
[Analyze grammar]

bāḍhamevaṃ pravakṣyāmi yadumukhya sureśvaram || 398 ||
[Analyze grammar]

na tu dāsyati devendraḥ pārijātaṃ kathaṃcana || 399 ||
[Analyze grammar]

mandaraṃ parvataśreṣṭhaṃ dānavaistridaśaistathā || 400 ||
[Analyze grammar]

nikṣipya toyadhau pūrvaṃ pārijātaḥ samāhṛtaḥ || 401 ||
[Analyze grammar]

mandaraṃ parvataśreṣṭhaṃ nayituṃ preṣitaḥ purā || 402 ||
[Analyze grammar]

pārijātaṃ hareṇāpi lokakartrā janārdana || 403 ||
[Analyze grammar]

svayaṃ vijñāpito gatvā tataḥ śakreṇa śaṃkaraḥ || 404 ||
[Analyze grammar]

ākrīḍadruma udyāne śacyāḥ syāditi yācitaḥ || 405 ||
[Analyze grammar]

tathāstviti varo datto mahādevena cānagha || 406 ||
[Analyze grammar]

na ca nītaḥ pārijāto mandaraṃ citrakandaram || 407 ||
[Analyze grammar]

krīḍāvṛkṣaḥ sa śacyeti vyapadeśena mokṣitaḥ || 408 ||
[Analyze grammar]

mahendreṇa mahābāho pārijātastaruḥ purā || 409 ||
[Analyze grammar]

priyārthamumayāsrākṣītpārijātavanaṃ haraḥ || 410 ||
[Analyze grammar]

gavyūtimātravistīrṇaṃ mandarasyaikakandare || 411 ||
[Analyze grammar]

na tatra sūryabhāḥ kṛṣṇa praviśanti nagottame || 412 ||
[Analyze grammar]

na ca candraprabhāḥ śītā naiva kṛṣṇa sadāgatiḥ || 413 ||
[Analyze grammar]

śītoṣṇe chandatastatra śailaputryā bhavanti hi || 414 ||
[Analyze grammar]

svayaṃprabhaṃ vanaṃ taddhi mahādevasya tejasā || 415 ||
[Analyze grammar]

varjayitvā mahādevaṃ sagaṇaṃ yaduvardhana || 416 ||
[Analyze grammar]

māṃ cānyastadvanaṃ divyaṃ na prayāti kathaṃcana || 417 ||
[Analyze grammar]

sravanti tatra vārṣṇeya pārijātāḥ samantataḥ || 418 ||
[Analyze grammar]

sarvaratnāni mukhyāni manasā kāṅkṣitāni vai || 419 ||
[Analyze grammar]

gaṇāstānyupabhuñjanti pravarāṇāṃ mahātmanām || 420 ||
[Analyze grammar]

ājñayā devadevasya lokanāthasya keśava || 421 ||
[Analyze grammar]

pārijātādbahuguṇaṃ phalaṃ teṣāṃ tathā dhanam || 422 ||
[Analyze grammar]

abhimānaṃ prabhā caiva guṇā bhūriguṇāstathā || 423 ||
[Analyze grammar]

mūrtimantaśca te vṛkṣāḥ somaṃ devaṃ vṛṣadhvajam || 424 ||
[Analyze grammar]

upatiṣṭhanti satataṃ pravaraiḥ saha keśava || 425 ||
[Analyze grammar]

raudreṇa tejasā juṣṭā hīnā duḥkhaiḥ sukhānvitāḥ || 426 ||
[Analyze grammar]

taravo mandare te hi dayitāḥ śailakanyayā || 427 ||
[Analyze grammar]

praviveśāndhako nāma ghorastatra mahābalaḥ || 428 ||
[Analyze grammar]

daiteyo varadānena darpitaḥ pāpaniścayaḥ || 429 ||
[Analyze grammar]

sa hato devadevena hareṇāmitraghātinā || 430 ||
[Analyze grammar]

avadhyaḥ sarvabhūtānāṃ vṛtrāddaśaguṇaṃ balī || 431 ||
[Analyze grammar]

evaṃ duḥkhena te deva pārijātaṃ pradāsyati || 432 ||
[Analyze grammar]

puṣkarākṣa sahasrākṣaḥ satyametadbravīmi te || 433 ||
[Analyze grammar]

satataṃ sahito devyā śacyā sa hi varadrumaḥ || 434 ||
[Analyze grammar]

sarvakāmapradaḥ kṛṣṇa tathendrasyāmitaujasaḥ || 435 ||
[Analyze grammar]

vāsudeva uvāca mune tad yujyate sādhu mahādevena dhīmatā || 436 ||
[Analyze grammar]

yacchacīṃ kāraṇaṃ kṛtvā na nītaḥ sa taruḥ purā || 437 ||
[Analyze grammar]

sa jyeṣṭhaḥ sarvabhūtānāṃ lokakṛtprabhavo'vyayaḥ || 438 ||
[Analyze grammar]

pārāvaryasya sadṛśaṃ kṛtavāniti me matiḥ || 439 ||
[Analyze grammar]

ahaṃ yavīyāndevasya sarvathā balaghātinaḥ || 440 ||
[Analyze grammar]

lālanīyaśca bhagavañjayanta iva sattama || 441 ||
[Analyze grammar]

sarvathā bhagavāṃstāvadupāyairbahuvistaraiḥ || 442 ||
[Analyze grammar]

karotu yatnaṃ prītyarthaṃ śakto hyasi tapodhana || 443 ||
[Analyze grammar]

mayā mune pratijñātaṃ puṇyārthaṃ satyabhāmayā || 444 ||
[Analyze grammar]

svargādihānayiṣyāmi pārijātamiti prabho || 445 ||
[Analyze grammar]

mayā tadanṛtaṃ śakyaṃ kathaṃ kartuṃ tapodhana || 446 ||
[Analyze grammar]

nānṛtaṃ hi vaco vipra proktapūrvaṃ mayānagha || 447 ||
[Analyze grammar]

mayi bhagnapratijñe hi lokānāṃ saṃplavo bhavet || 448 ||
[Analyze grammar]

yanmayā hi muniśreṣṭha lokā dharmaguṇānvitāḥ || 449 ||
[Analyze grammar]

paripālyāḥ sthitau sarve sa kathaṃ hyanṛtaṃ vadet || 450 ||
[Analyze grammar]

na devagandharvagaṇā na rākṣasā || 451 ||
[Analyze grammar]

na cāsurā naiva ca yakṣapannagāḥ || 452 ||
[Analyze grammar]

na devagandharvagaṇā rākṣasā naiva cāsurāḥ || 452 ||
[Analyze grammar]

naiva yakṣapiśācāśca na ca sarve'pi pannagāḥ || 452 ||
[Analyze grammar]

mama pratijñāmapahantumudyatāḥ || 453 ||
[Analyze grammar]

sukhāya jīvanti ciraṃ mahāmune || 454 ||
[Analyze grammar]

sa pārijātaṃ yadi na pradāsyati || 455 ||
[Analyze grammar]

prayācyamāno bhavatāmareśvaraḥ || 456 ||
[Analyze grammar]

tataḥ śacīvyāmṛditānulepane || 457 ||
[Analyze grammar]

gadāṃ vibhokṣyāmi puraṃdarorasi || 458 ||
[Analyze grammar]

iti pravācyo yadi sāmapūrvakaṃ || 459 ||
[Analyze grammar]

prayācyamāno na taruṃ prayacchati || 460 ||
[Analyze grammar]

suniścitaṃ māmavagamya sarvathā || 461 ||
[Analyze grammar]

tvayāpi kāryaḥ khalu tatra niścayaḥ || 462 ||
[Analyze grammar]

vaiśaṃpāyana uvāca nārado'tha munirgatvā mahendrasadanaṃ prabhuḥ || 463 ||
[Analyze grammar]

tāṃ rātrimavasattatra dadṛśe ca mahotsavam || 464 ||
[Analyze grammar]

tatrādityā mahātmāno vasavaśca surottamāḥ || 465 ||
[Analyze grammar]

rājarṣayaśca vidvāṃsaḥ svargatāḥ karmabhiḥ śubhaiḥ || 466 ||
[Analyze grammar]

nāgā yakṣāśca siddhāśca cāraṇāśca tapodhanāḥ || 467 ||
[Analyze grammar]

brahmarṣayaśca śataśo devarṣimanavastathā || 468 ||
[Analyze grammar]

suparṇāśca mahātmāno marutaśca mahābalāḥ || 469 ||
[Analyze grammar]

divaukasāṃ nikāyāśca śataśo'nye samāgatāḥ || 470 ||
[Analyze grammar]

uparyupari sarveṣāṃ somo devo maheśvaraḥ || 471 ||
[Analyze grammar]

tasthāvamitavikrāntaḥ svairgaṇaiḥ parivāritaḥ || 472 ||
[Analyze grammar]

devarṣibhirmuniśreṣṭhaiḥ saṃvṛtaḥ sarvabhāvanaḥ || 473 ||
[Analyze grammar]

kalpāntarasahasreṣu kṣayo yeṣāṃ na vidyate || 474 ||
[Analyze grammar]

yānarcayanti satataṃ devā deveśvaropamāḥ || 475 ||
[Analyze grammar]

ātmajñā nāvalepāndhā ye ca dharmapathe sthitāḥ || 476 ||
[Analyze grammar]

rudrāśca kāśyapā devamadhyupāsanta bhārata || 477 ||
[Analyze grammar]

skandaśca bhagavān raudrirgaṅgā ca saritāṃ varā || 478 ||
[Analyze grammar]

arciṣmāṃstumburuścaiva bhāriśca vadatāṃ varaḥ || 479 ||
[Analyze grammar]

netāro devadevānāmete hi tapasānvitāḥ || 480 ||
[Analyze grammar]

etānanuvidhīyante sarvadevagaṇā nṛpa || 481 ||
[Analyze grammar]

dharmanityāstaponityāḥ satāṃ mārgamupāśritāḥ || 482 ||
[Analyze grammar]

ye tvime mānuṣā devānarcayanti śubhārthinaḥ || 483 ||
[Analyze grammar]

tānarcayanti hyamarāstathā rājañchubhārthinaḥ || 484 ||
[Analyze grammar]

pitṛkṛtyeṣu devānāṃ saṃnyāsaṃ ye tvanuṣṭhitāḥ || 485 ||
[Analyze grammar]

svādhyāyavantaḥ kauravya sadā niyamacāriṇaḥ || 486 ||
[Analyze grammar]

gandharvādhipatiḥ śrīmāṃstatra citraratho nṛpa || 487 ||
[Analyze grammar]

saputro vādayāmāsa devavādyāni hṛṣṭavat || 488 ||
[Analyze grammar]

ūrṇāyuścitrasenaśca hāhā hūhūstathaiva ca || 489 ||
[Analyze grammar]

ḍambarastumburuścaiva jaguranye ca tadgaṇāḥ || 490 ||
[Analyze grammar]

urvaśī pūrvacittiśca hemā rambhā ca bhārata || 491 ||
[Analyze grammar]

hemadantā ghṛtācī ca sahajanyā tathaiva ca || 492 ||
[Analyze grammar]

jujoṣa bhagavāndevastadupasthānamātmavān || 493 ||
[Analyze grammar]

vṛttena tuṣṭaḥ śakrasya jagāma jagataḥ patiḥ || 494 ||
[Analyze grammar]

gate bhūtapatau sarve nṛpā jagmuryathāgatam || 495 ||
[Analyze grammar]

mahendreṇārcitā devāḥ svāneva nilayān gatāḥ || 496 ||
[Analyze grammar]

tataḥ sarveṣu yāteṣu sukhāsīnaṃ puraṃdaram || 497 ||
[Analyze grammar]

sadasyaiḥ svaiḥ sahāsīnaṃ nārado'bhyāyayau muniḥ || 498 ||
[Analyze grammar]

tamindraḥ pūjayāmāsa samutthāya tapodhanam || 499 ||
[Analyze grammar]

dideśa kuśagarbhaṃ ca pīṭhamātmāsanopamam || 500 ||
[Analyze grammar]

nārado'tha mahātejā mahendramidamabravīt || 501 ||
[Analyze grammar]

dūto'hamamaraśreṣṭha viṣṇoratulatejasaḥ || 502 ||
[Analyze grammar]

kiṃcitkāryaṃ puraskṛtya preṣito'smi mahātmanā || 503 ||
[Analyze grammar]

ānartādārtiharaṇaṃ tasyaivānaghatejasaḥ || 504 ||
[Analyze grammar]

prītivākyāni hṛdyāni prayujya munaye tadā || 505 ||
[Analyze grammar]

tataḥ prahṛṣṭo bhagavānabravītpākaśāsanaḥ || 506 ||
[Analyze grammar]

kimāha puruṣaśreṣṭhaḥ śīghramācakṣva me mune || 507 ||
[Analyze grammar]

cirasya khalu kṛṣṇena saṃsmṛtāḥ sma mahātmanā || 508 ||
[Analyze grammar]

priyavākyāni hṛdyāni brūhi dharmabhṛtāṃ vara || 509 ||
[Analyze grammar]

nārada uvāca mahendrendrānujaṃ draṣṭuṃ gato'haṃ bhrātaraṃ tava || 510 ||
[Analyze grammar]

dvārakāṃ puruṣaśreṣṭha kāśyapānāṃ yaśaskaram || 511 ||
[Analyze grammar]

taṃ tu raivatake'drākṣaṃ tadāsīnamariṃdamam || 512 ||
[Analyze grammar]

rukmiṇyā sahitaṃ vīramumayeva vṛṣadhvajam || 513 ||
[Analyze grammar]

pārijātataroḥ puṣpaṃ tasya dattaṃ mayānagha || 514 ||
[Analyze grammar]

vismāpanārthaṃ deveśa patnīnāmurutejasaḥ || 515 ||
[Analyze grammar]

taddṛṣṭvā tasya patnyastu vismayaṃ paramaṃ yayuḥ || 516 ||
[Analyze grammar]

bahukāmapradaṃ puṣpaṃ vṛkṣarājasamudbhavam || 517 ||
[Analyze grammar]

guṇāstāsāṃ mayākhyātāstasya puṣpasya mānada || 518 ||
[Analyze grammar]

sṛṣṭiśca pārijātasya kaśyapenātitejasā || 519 ||
[Analyze grammar]

adityā kaśyapo dattaḥ puṇyārthaṃ ca yathā mama || 520 ||
[Analyze grammar]

puṣpadāmnā veṣṭayitvā kaṇṭhe puṇyārthamātmavān || 521 ||
[Analyze grammar]

tvaṃ ca datto yathā śacyā devāścānye sureśvara || 522 ||
[Analyze grammar]

niṣkrayaśca yathā dattaḥ kaśyapādyairmahātmabhiḥ || 523 ||
[Analyze grammar]

tacchrutvā tasya patnyekā satyabhāmeti viśrutā || 524 ||
[Analyze grammar]

puṇyakārthaṃ manaścakre dayitā te yavīyasaḥ || 525 ||
[Analyze grammar]

tayā cābhyarthito bhartā devyā devagaṇeśvaraḥ || 526 ||
[Analyze grammar]

pratijajñe sa dharmātmā yavīyāṃstava mānada || 527 ||
[Analyze grammar]

tato māmuktavānvīro viṣṇurbalavatāṃ varaḥ || 528 ||
[Analyze grammar]

yathāvatsuramukhyeśa bruvataḥ śṛṇu bhāvana || 529 ||
[Analyze grammar]

lālanīyo yavīyāṃstu praṇipatyācyuto'bravīt || 530 ||
[Analyze grammar]

ānāyaya suraśreṣṭha pārijātaṃ varadrumam || 531 ||
[Analyze grammar]

manoratho'stu saphalo vadhvāste'surasūdana || 532 ||
[Analyze grammar]

dharmakṛtye viśeṣeṇa vadhvāste'marasattama || 533 ||
[Analyze grammar]

ayaṃ durlabhakalyāṇo loke lokagaṇeśvara || 534 ||
[Analyze grammar]

paśyantvamarakalyāṇaṃ matprabhāvācca mānuṣāḥ || 535 ||
[Analyze grammar]

vaiśaṃpāyana uvāca vāsudevavacaḥ śrutvā mahendraḥ kurunandana || 536 ||
[Analyze grammar]

nāradaṃ vadatāṃ śreṣṭhamidaṃ vākyamathābravīt || 537 ||
[Analyze grammar]

bhajāsanaṃ dvijaśreṣṭha śrutamuktaṃ tvayā dvija || 538 ||
[Analyze grammar]

saṃdeśaṃ pratidāsyāmi viṣṇoratulatejasaḥ || 539 ||
[Analyze grammar]

āsīne nārade śakro labdhānujño'tha nāradāt || 540 ||
[Analyze grammar]

svamāsanaṃ tato bheje tasyaiva sadṛśaṃ vibho || 541 ||
[Analyze grammar]

upaviṣṭaḥ surapatirathovāca tapodhanam || 542 ||
[Analyze grammar]

nirīkṣya svabalaṃ vīryaṃ pārṣadaṃ vṛtranāśanaḥ || 543 ||
[Analyze grammar]

maharṣe kuśalaṃ pṛṣṭvā vaktavyaste janārdanaḥ || 544 ||
[Analyze grammar]

vacanānmama dharmajña sarvabhūtasukhāvaham || 545 ||
[Analyze grammar]

madanantaramīśastvaṃ jagato nātra saṃśayaḥ || 546 ||
[Analyze grammar]

tvadīyaḥ pārijātaśca ratnānyanyāni cācyuta || 547 ||
[Analyze grammar]

tvaṃ tu bhārāvataraṇaṃ kartuṃ deva mahīṃ gataḥ || 548 ||
[Analyze grammar]

tvaṃ tu bhārāvatārāya mahyā deva bhuvaṃ gataḥ || 548 ||
[Analyze grammar]

mānuṣyaṃ sarvabhūtānāmāsthitaḥ kāryasiddhaye || 549 ||
[Analyze grammar]

tvayi tīrṇapratijñe hi punaḥ prāpte triviṣṭapam || 550 ||
[Analyze grammar]

pūrayiṣyāmi vadhvāste iṣṭān kāmānadhokṣaja || 551 ||
[Analyze grammar]

svargīyāṇi na ratnāni nayitavyāni keśava || 552 ||
[Analyze grammar]

svalpārthe mānuṣaṃ lokamiti pūrvakṛtā sthitiḥ || 553 ||
[Analyze grammar]

utkramya hi sthitiṃ daivīṃ pravartāmi mahābala || 554 ||
[Analyze grammar]

yadyahaṃ kiṃ pravakṣyanti prajāpatigaṇāḥ prabho || 555 ||
[Analyze grammar]

brahmaṇā sahaputreṇa sapautreṇa mahātmanā || 556 ||
[Analyze grammar]

niyamāḥ sarvakṛtyānāṃ sthāpitā jagato dhruvāḥ || 557 ||
[Analyze grammar]

prajāpatikṛtaṃ mārgamapāsya vrajato mama || 558 ||
[Analyze grammar]

śrutvā prajāpatirdhīmāñchāpamapyutsṛjetprabhuḥ || 559 ||
[Analyze grammar]

asmābhirbhidyamānaṃ hi māryādasetubandhanam || 560 ||
[Analyze grammar]

bhetsyantyaśaṅkitā daityā daityapakṣāstathāpare || 561 ||
[Analyze grammar]

strīnimittamito nīte pārijāte drumeśvare || 562 ||
[Analyze grammar]

svargaukaso bhaviṣyanti vimanaskāśca mānada || 563 ||
[Analyze grammar]

upabhogā manuṣyāṇāṃ vihitā ye svayaṃbhuvā || 564 ||
[Analyze grammar]

taistu tuṣyatu me bhrātā saṃpaśyan kālaparyayam || 565 ||
[Analyze grammar]

ihāpi tāvattridive mama yaḥ syātparigrahaḥ || 566 ||
[Analyze grammar]

tridivastho'pi taṃ kṛṣṇaḥ sarvaṃ bhoktumihārhati || 567 ||
[Analyze grammar]

jyeṣṭhyakāniṣṭhyabhāvānāṃ nābhijñaḥ kiṃ janārdanaḥ || 567 ||
[Analyze grammar]

tṛpto hyāmiṣabhojyānāmabhimānājjanardanaḥ || 568 ||
[Analyze grammar]

tato dharmaṃ samutsṛjya pāpamevānuvartate || 569 ||
[Analyze grammar]

strīvaśyatā khyāpyamānā kṛṣṇasya hi mahātmanaḥ || 570 ||
[Analyze grammar]

jagatyayaśaso yogaṃ janayediti me matiḥ || 571 ||
[Analyze grammar]

mānuṣyaṃ mānuṣe prāpto yadetanmadhusūdanaḥ || 572 ||
[Analyze grammar]

kuryānnirbandhanīyaṃ yadbhrātrā jyeṣṭhena nārada || 573 ||
[Analyze grammar]

svargaratnavilopena dharṣaṇā syānmamānagha || 574 ||
[Analyze grammar]

jñātito dharṣaṇā caiva viśeṣeṇa hi garhitā || 575 ||
[Analyze grammar]

dharmamarthaṃ ca kāmaṃ ca krameṇa madhusūdanaḥ || 576 ||
[Analyze grammar]

sevatveṣa satāṃ dharmān sthāpitānpadmayoninaḥ || 577 ||
[Analyze grammar]

mahītalaṃ pārijātamarpayiṣyāmi te yadi || 578 ||
[Analyze grammar]

paulomīmāditaḥ kṛtvā ko nu māṃ bahu maṃsyate || 579 ||
[Analyze grammar]

pārijātaṃ mahīpṛṣṭhe dṛṣṭvā spṛṣṭvā ca mānuṣāḥ || 580 ||
[Analyze grammar]

svargārthaṃ nodyamiṣyanti dṛṣṭvā svargaphalaṃ kṣitau || 581 ||
[Analyze grammar]

pārijātaguṇānmartyā juṣanti yadi nārada || 582 ||
[Analyze grammar]

devānāṃ manuṣāṇāṃ ca na viśeṣo bhaviṣyati || 583 ||
[Analyze grammar]

tatra yatkriyate karma iha tadbhujyate naraiḥ || 584 ||
[Analyze grammar]

svargārthaṃ na yatiṣyanti pārijātaguṇānvitāḥ || 585 ||
[Analyze grammar]

sarvaratnavaraḥ svarge pārijātastapodhana || 586 ||
[Analyze grammar]

tulyaṃ devasamairmartyaiḥ sarvadaiva jagadbhavet || 587 ||
[Analyze grammar]

yajñairmartyā na yakṣyanti labdhasvargaphalā bhuvi || 588 ||
[Analyze grammar]

na pūrtāni pradāsyanti tulyatvamamarairgatāḥ || 589 ||
[Analyze grammar]

yajñairjapyāhnikaiścaiva nityamāpyāyayanti naḥ || 590 ||
[Analyze grammar]

mānuṣāḥ svargamicchantaḥ śraddadhānāstapodhana || 591 ||
[Analyze grammar]

tatsarvaṃ na kariṣyanti pārijātaguṇānvitāḥ || 592 ||
[Analyze grammar]

nistejaso bhaviṣyāmaste gatāstadvihīnatām || 593 ||
[Analyze grammar]

itaḥ suvṛṣṭyā sasyaiste jīvanti puruṣā bhuvi || 594 ||
[Analyze grammar]

āpyāyayantaste'pyasmāndānairyajñaistathaiva ca || 595 ||
[Analyze grammar]

na bubhukṣā pipāsā vā bādhate yadi mānuṣān || 596 ||
[Analyze grammar]

rogo jarā vā dharmajña mṛtyurvā ratireva vā || 597 ||
[Analyze grammar]

daurgandhyaṃ vā sughorā va ītayaḥ karmasaṃbhavāḥ || 598 ||
[Analyze grammar]

kimudyogaṃ kariṣyanti pārijātaguṇānvitāḥ || 599 ||
[Analyze grammar]

sarvathā nayanaṃ tatra pārijātasya na kṣamam || 600 ||
[Analyze grammar]

iti vācyastvayā vipra viṣṇurakliṣṭakarmakṛt || 601 ||
[Analyze grammar]

yathā yathā ca me bhrātā tuṣyatyetadvicārayan || 602 ||
[Analyze grammar]

tathā tathā tvayā kāryaṃ kāryaṃ matprītimicchatā || 603 ||
[Analyze grammar]

hārāṃśca maṇayaścaiva candanānyagurūṇi ca || 604 ||
[Analyze grammar]

vastrāṇi ca vicitrāṇi vadhvāstvaṃ dvārakāṃ naya || 605 ||
[Analyze grammar]

yogyāni yāni martyānāṃ yavadicchati keśavaḥ || 606 ||
[Analyze grammar]

na svargaparimoṣaṃ tu kartumarhati keśavaḥ || 607 ||
[Analyze grammar]

dadāmi ratnāni yathepsitānyahaṃ || 608 ||
[Analyze grammar]

bahūni citrāṇi vibhūṣaṇāni ca || 609 ||
[Analyze grammar]

na pārijātaṃ ca kathaṃcana drumaṃ || 610 ||
[Analyze grammar]

mune pradāsyāmi divaukasāṃ priyam || 611 ||
[Analyze grammar]

vaiśaṃpāyana uvāca devarājavacaḥ śrutvā nāradaḥ kurunandana || 612 ||
[Analyze grammar]

provāca vākyaṃ vākyajño mahātmā dharmavittamaḥ || 613 ||
[Analyze grammar]

avaśyameva vaktavyaṃ hitaṃ balaniṣūdana || 614 ||
[Analyze grammar]

mayā tava mahābāho bahumāno'sti me tvayi || 615 ||
[Analyze grammar]

ukto mayā vāsudevo jānatā bhavato matam || 616 ||
[Analyze grammar]

na dattaḥ pārijāto hi harasyāpi tvayā purā || 617 ||
[Analyze grammar]

hetavaśca mayā tasya darśitā bhoḥ samāsataḥ || 618 ||
[Analyze grammar]

na cāvagatavāndevaḥ satyametadbravīmi te || 619 ||
[Analyze grammar]

upendro'haṃ mahendreṇa lālanīyaḥ sadeti mām || 620 ||
[Analyze grammar]

uvāca bhagavāndevaḥ satyametadbravīmi te || 620 ||
[Analyze grammar]

athāha puṇḍarīkākṣastattaduttarameva ca || 621 ||
[Analyze grammar]

punaḥ punarmayā cāsya hetavo deva darśitāḥ || 622 ||
[Analyze grammar]

tato na buddhirvyāvṛttā vṛtranāśana tasya vai || 623 ||
[Analyze grammar]

api cāpyuktavāndevo vākyaṃ te madhusūdanaḥ || 624 ||
[Analyze grammar]

prahasya puruṣaśreṣṭhaḥ saroṣamiva vāsavaḥ || 625 ||
[Analyze grammar]

na devagandharvagaṇā na rākṣasā || 626 ||
[Analyze grammar]

na cāsurā naiva ca pannagottamāḥ || 627 ||
[Analyze grammar]

mama pratijñāmapahantumudyatā || 628 ||
[Analyze grammar]

mune samarthāḥ khalu bhadramastu te || 629 ||
[Analyze grammar]

sa pārijātaṃ yadi na pradāsyati || 630 ||
[Analyze grammar]

prayācyamāno bhavatāmareśvaraḥ || 631 ||
[Analyze grammar]

tataḥ śacīvyāmṛditānulepane || 632 ||
[Analyze grammar]

gadāṃ vimokṣyāmi puraṃdarorasi || 633 ||
[Analyze grammar]

upendrasya mahendrāyaṃ bhrātuste niścayaḥ paraḥ || 634 ||
[Analyze grammar]

yadatra manyase nyāyyaṃ saṃpradhārya kuruṣva tat || 635 ||
[Analyze grammar]

tattvaṃ hitaṃ ca deveśa śrūyatāṃ vadato mama || 636 ||
[Analyze grammar]

nayanaṃ pārijātasya dvārakāṃ mama rocate || 637 ||
[Analyze grammar]

nāradenaivamuktastu pravyaktaṃ baladehabhit || 638 ||
[Analyze grammar]

roṣāviṣṭaḥ sahasrākṣo'bravīdetannarādhipa || 639 ||
[Analyze grammar]

anāgasi mayi jyeṣṭhe sodare yadi keśavaḥ || 640 ||
[Analyze grammar]

evaṃ pravṛttaḥ kiṃ śakyaṃ kartumadya tapodhana || 641 ||
[Analyze grammar]

bahūni pratilomāni purā sa kṛtavānmayi || 642 ||
[Analyze grammar]

kṛṣṇo nārada soḍhāni bhrāteti sma mayānagha || 643 ||
[Analyze grammar]

khāṇḍave cārjunarathaṃ purā vāhayatā satā || 644 ||
[Analyze grammar]

madīyā vāritā meghāḥ śamayanto'gnimuddhatam || 645 ||
[Analyze grammar]

govardhanaṃ dhārayatās vipriyaṃ ca kṛtaṃ mama || 646 ||
[Analyze grammar]

tathā vṛtravadhe prāpte sāhāyyārthaṃ vṛto mayā || 647 ||
[Analyze grammar]

samo'hamiti sarveṣāṃ bhūtānāmiti coktavān || 648 ||
[Analyze grammar]

svabāhubalamāśritya vṛtraśca nihato mayā || 649 ||
[Analyze grammar]

devāsureṣu prāpteṣu saṃgrāmeṣu ca nārada || 650 ||
[Analyze grammar]

yudhyatyātmecchayā kṛṣṇo mune suviditaṃ tava || 651 ||
[Analyze grammar]

bahunātra kimuktena tasmādiṣṭyā pravartatām || 652 ||
[Analyze grammar]

jñātibhedo na me kāryaḥ sākṣī tvaṃ mama nārada || 653 ||
[Analyze grammar]

mamorasi gadāṃ moktumudyato yadi keśavaḥ || 654 ||
[Analyze grammar]

anuśocyātha paulomī guṇaḥ ka iha dṛśyate || 655 ||
[Analyze grammar]

udavāsagato dhīmānpitā naḥ kaśyapaḥ prabhuḥ || 656 ||
[Analyze grammar]

adityā saha me mātrā tayorvācyamidaṃ bhavet || 657 ||
[Analyze grammar]

ajitātmā mama bhrātā rajasā mahatā vṛtaḥ || 658 ||
[Analyze grammar]

kāmena ca striyā vākyādevaṃ māmuktavān gurum || 659 ||
[Analyze grammar]

sarvathā dhikstriyo vipra dhig rajastamasī tathā || 660 ||
[Analyze grammar]

sarvaṃ ca strīṣu saṃgrāhyaṃ dhikstriyaḥ sa yathā tathā || 660 ||
[Analyze grammar]

yatrādhikṣiptavānviṣṇurevaṃ māṃ strījito dvija || 661 ||
[Analyze grammar]

na dṛṣṭaṃ kaśyapakulaṃ vyapadeśyaṃ mahāmune || 662 ||
[Analyze grammar]

naiva dakṣakulaṃ dṛṣṭaṃ māturme yatra saṃbhavaḥ || 663 ||
[Analyze grammar]

na jyeṣṭhatā na rājatvaṃ devānāṃ pratimānitam || 664 ||
[Analyze grammar]

kāmarāgābhibhūtena kṛṣṇena khalu nārada || 665 ||
[Analyze grammar]

putradārasahasrairhi bhrātānagha viśiṣyate || 666 ||
[Analyze grammar]

sadvṛtto jñānasaṃpanna iti brahmā purābravīt || 667 ||
[Analyze grammar]

nāsti bhrātṛsamo bandhurāhārya itaro janaḥ || 668 ||
[Analyze grammar]

iti māmabravīnmātā pitā caiva prajāpatiḥ || 669 ||
[Analyze grammar]

sodareṣu viśeṣaṃ tu pitā me kaśyapo'bravīt || 670 ||
[Analyze grammar]

dṛptā mayā virudhyante dānavāḥ pāpaniścayāḥ || 671 ||
[Analyze grammar]

kāmametanna vaktavyaṃ svayamātmastavānvitam || 672 ||
[Analyze grammar]

prāptastvavasaro vipra yadihādyocyate mayā || 673 ||
[Analyze grammar]

dhanurjyāyāṃ muniśreṣṭha cchinnāyāṃ hi purānagha || 674 ||
[Analyze grammar]

dhanvibhiramarāṇāṃ ca varadānānmahāmate || 675 ||
[Analyze grammar]

dhanurbhirasurāṇāṃ hi dānavānāṃ mahāmune || 675 ||
[Analyze grammar]

utkṛttaśiraso viṣṇoḥ purā deho dhṛto mayā || 676 ||
[Analyze grammar]

saṃdhitaṃ ca śiro yatnācchinnaṃ raudreṇa tejasā || 677 ||
[Analyze grammar]

ahaṃ viśiṣṭo devānāmityuktvā punaracyutaḥ || 678 ||
[Analyze grammar]

dhanurāropya darpeṇa sthito nārada keśavaḥ || 679 ||
[Analyze grammar]

kiṃ māṃ pitā vā mātā va vakṣyatīti mayā mune || 680 ||
[Analyze grammar]

snehena vidhṛtaṃ viṣṇoḥ śarīraṃ munisattama || 681 ||
[Analyze grammar]

aindraṃ vaiṣṇavamasyaiva mune bhāgamahaṃ dadau || 682 ||
[Analyze grammar]

yavīyāṃsamahaṃ premṇā kṛṣṇaṃ paśyāmi nārada || 683 ||
[Analyze grammar]

saṃgrāmeṣu prahartavyaṃ tena pūrvaṃ tapodhana || 684 ||
[Analyze grammar]

rājā kilāhaṃ samare praharāmyagrato dhruvam || 685 ||
[Analyze grammar]

prādurbhāveṣu sarveṣu svaśarīramivānagha || 686 ||
[Analyze grammar]

yatto rakṣāmi dharmajña keśavaṃ bhaktimāśritam || 687 ||
[Analyze grammar]

idaṃ bhaṅktvā madīyaṃ ca bhagavanviṣṇunā kṛtam || 688 ||
[Analyze grammar]

uparyupari lokānāṃ adhikaṃ bhavanaṃ mune || 689 ||
[Analyze grammar]

avamānaḥ sa ca mayā pṛṣṭhataḥ kriyate mune || 690 ||
[Analyze grammar]

lālanīyo mayā bāla ityevaṃ bhrātṛgauravāt || 691 ||
[Analyze grammar]

bālo'yaṃ mama putreti yavīyāniti nārada || 692 ||
[Analyze grammar]

pitrā mātrā ca govindo nātīva paribhāṣitaḥ || 693 ||
[Analyze grammar]

iṣṭastatra jananyāḥ sa keśavaḥ saviśeṣataḥ || 694 ||
[Analyze grammar]

vayaṃ dveṣyā na saṃdehastatra sneho'tiricyate || 695 ||
[Analyze grammar]

sarvajño balavāñchūraḥ pātraṃ mānayitā tathā || 696 ||
[Analyze grammar]

keśavetyeva ca dhyānaṃ yattadvitathatāṃ gatam || 697 ||
[Analyze grammar]

gaccha nārada vaktavyaḥ keśavo vacanānmama || 698 ||
[Analyze grammar]

āhūto na nivarteyaṃ samaraṃ prati śatrubhiḥ || 699 ||
[Analyze grammar]

yadīcchasi tadāgaccha sahyaṃ te yattvamicchasi || 700 ||
[Analyze grammar]

praharasva ca pūrvaṃ tvaṃ bhāryājita yathecchasi || 701 ||
[Analyze grammar]

rathāṅgenātha śārṅgeṇa gadayā nandakena vā || 702 ||
[Analyze grammar]

praharāruhya garuḍaṃ dṛḍho bhūtvā janārdana || 703 ||
[Analyze grammar]

prahṛte prahariṣyāmi yathāśaktyā ca keśava || 704 ||
[Analyze grammar]

aho dhig yadi māṃ sneho viklavaṃ na kariṣyati || 705 ||
[Analyze grammar]

yāvanna saṃgrāmagato jito'haṃ cakrapāṇinā || 706 ||
[Analyze grammar]

pārijātaṃ na dāsyāmi tāvadbho munisattama || 707 ||
[Analyze grammar]

māṃ samāhvayate jyeṣṭhaṃ yavīyāṃsastapodhana || 708 ||
[Analyze grammar]

ahaṃ taṃ marṣayiṣyāmi kimarthaṃ strījitaṃ harim || 709 ||
[Analyze grammar]

adyaiva gaccha bhagavandvārakāṃ kṛṣṇapālitām || 710 ||
[Analyze grammar]

vivādaḥ saṃsthitaḥ so'dya iti vācyastvayācyutaḥ || 711 ||
[Analyze grammar]

ahaṃ sajjaḥ sthitaḥ sāṅga iti vācyastvayācyuta || 711 ||
[Analyze grammar]

palāśapatrārdhamapi tvayājito || 712 ||
[Analyze grammar]

na pārijātasya tava pradāsyati || 713 ||
[Analyze grammar]

iti pravācyo madhusūdanastvayā || 714 ||
[Analyze grammar]

vaco madīyaṃ smaratā tapodhana || 715 ||
[Analyze grammar]

punaḥ pravācyo bhagavaṃstvayācyuto || 716 ||
[Analyze grammar]

mama priyārthaṃ khalu nirviśaṅkitam || 717 ||
[Analyze grammar]

na māyayā hartumihārhasi drumaṃ || 718 ||
[Analyze grammar]

suyuddhamevāstu dhigastu jihmatām || 719 ||
[Analyze grammar]

vaiśaṃpāyana uvāca mahendravacanaṃ śrutvā nārado vadatāṃ varaḥ || 720 ||
[Analyze grammar]

vivikte devarājānamidaṃ vacanamabravīt || 721 ||
[Analyze grammar]

kāmaṃ priyāṇi rājāno vaktavyā nātra saṃśayaḥ || 722 ||
[Analyze grammar]

prāptakālaṃ tu vaktavyaṃ hitamapriyamacyuta || 723 ||
[Analyze grammar]

aniyuktaḥ purobhāgo na syāditi vadanti hi || 724 ||
[Analyze grammar]

sa lokagatitattvajño nayavijñānakovidaḥ || 725 ||
[Analyze grammar]

kāryākārye samutpanne paripṛcchati māṃ bhavān || 726 ||
[Analyze grammar]

yatastataḥ pravakṣyāmi gṛhyatāṃ yadi rocate || 727 ||
[Analyze grammar]

anuktenāpi suhṛdā vaktavyaṃ jānatā hitam || 728 ||
[Analyze grammar]

nyāyyaṃ ca prāptakālaṃ ca parābhavamanicchatā || 729 ||
[Analyze grammar]

vaktavyaṃ sarvathā sadbhirapriyaṃ cāpi yaddhitam || 730 ||
[Analyze grammar]

ānṛṇyametatsnehasya sadbhirevādṛtaṃ purā || 731 ||
[Analyze grammar]

anṛte dharmabhagne ca na śuśrūṣati cāpriye || 732 ||
[Analyze grammar]

na priyaṃ na hitaṃ vācyaṃ sadbhirete vininditāḥ || 733 ||
[Analyze grammar]

sarvathā deva vaktavyaṃ śrūyatāṃ śṛṇvatāṃ vara || 734 ||
[Analyze grammar]

śrutvā ca kuru sarvajña mama śreyaskaraṃ vacaḥ || 735 ||
[Analyze grammar]

anyonyabhedo bhrātṝṇāṃ suhṛdāṃ vā balāntaka || 736 ||
[Analyze grammar]

bhavatyanandakṛddeva dviṣatāṃ nātra saṃśayaḥ || 737 ||
[Analyze grammar]

hitānubandhasahitaṃ kāryaṃ jñeyaṃ sureśvara || 738 ||
[Analyze grammar]

viparītaṃ ca tadbuddhvā nityaṃ buddhimatāṃ vara || 739 ||
[Analyze grammar]

yatsyāttāpakaraṃ paścādārabdhaṃ kāryamīdṛśam || 740 ||
[Analyze grammar]

ārabhennaiva tadvidvāneṣa buddhimatāṃ nayaḥ || 741 ||
[Analyze grammar]

vipākamasya kāryasya nānupaśyāmi śobhanam || 742 ||
[Analyze grammar]

yattu tatkāraṇaṃ deva nibodha vibudhādhipa || 743 ||
[Analyze grammar]

ya eko viśvamadhyāste pradhānaṃ jagato hariḥ || 744 ||
[Analyze grammar]

prakṛtyā yaṃ paraṃ sarve kṣetrajñaṃ vai vidurbudhāḥ || 745 ||
[Analyze grammar]

tasyāvyaktasya yo vyakto bhāgaḥ sarvabhavodbhavaḥ || 746 ||
[Analyze grammar]

tasyātmā prathamo devo viṣṇuḥ sarvasya dhīmataḥ || 747 ||
[Analyze grammar]

prakṛtyāḥ prathamo bhāga umā devī yaśasvinī || 748 ||
[Analyze grammar]

vyaktaḥ sarvamayo viṣṇuḥ strīsaṃjño lokabhāvanaḥ || 749 ||
[Analyze grammar]

rukmiṇyādyāḥ striyastasya vyaktatve prathamo guṇaḥ || 750 ||
[Analyze grammar]

avyayā prakṛtirdevī guṇadevo maheśvaraḥ || 751 ||
[Analyze grammar]

na viśeṣo'sti rudrasya viṣṇoścāmarasattama || 752 ||
[Analyze grammar]

guṇinaścāvyayaḥ śaśvatsadā ca prathamo guṇaḥ || 753 ||
[Analyze grammar]

nārāyaṇo mahātejāḥ sarvakṛl lokabhāvanaḥ || 754 ||
[Analyze grammar]

bhoktā maheśvaro devaḥ kartā viṣṇuradhokṣajaḥ || 755 ||
[Analyze grammar]

brahmā devagaṇāścānye paścātsṛṣṭā mahātmanā || 756 ||
[Analyze grammar]

mahādevena deveśa prajāpatigaṇāstathā || 757 ||
[Analyze grammar]

evaṃ purāṇapuruṣo viṣṇurdeveṣu paṭhyate || 758 ||
[Analyze grammar]

acintyaścāprameyaśca guṇebhyaśca parastathā || 759 ||
[Analyze grammar]

adityā tapasā viṣṇurmahātmārādhitaḥ purā || 760 ||
[Analyze grammar]

vareṇa cchanditā tena parituṣṭena cāditiḥ || 761 ||
[Analyze grammar]

tayoktastvāmahaṃ putramicchāmīti surottama || 762 ||
[Analyze grammar]

praṇataṃ deva vijñāya nārāyaṇamadhokṣajam || 763 ||
[Analyze grammar]

tenoktā bhuvane nāsti matsamaḥ puruṣo'paraḥ || 764 ||
[Analyze grammar]

aṃśena tu bhaviṣyāmi putraḥ khalvahameva te || 765 ||
[Analyze grammar]

sa evāyaṃ devadevo lokasya hitakāmyayā || 765 ||
[Analyze grammar]

pradhānaṃ jagato nāthaḥ kartā bhartā ca keśavaḥ || 765 ||
[Analyze grammar]

sa jātaḥ sarvakṛddevo bhrātā tava sureśvara || 766 ||
[Analyze grammar]

nārāyaṇo mahātejā yamupendraṃ pracakṣate || 767 ||
[Analyze grammar]

icchanneva harirdevaḥ kāśyapatvamupāgataḥ || 768 ||
[Analyze grammar]

taistairbhāvairvikurute bhūtabhavyabhavo'vyayaḥ || 769 ||
[Analyze grammar]

prādurbhāvaṃ gato devo jagato hitakāmyayā || 770 ||
[Analyze grammar]

māthuraṃ jagato nāthaḥ kartā hartā ca keśavaḥ || 771 ||
[Analyze grammar]

yathā ca tilapiṇḍaḥ syādvyāptaḥ snehena mānada || 772 ||
[Analyze grammar]

tathā jagadidaṃ vyāptaṃ viṣṇunā prabhaviṣṇunā || 773 ||
[Analyze grammar]

brahmaṇyadevaḥ sarvātmā taistairbhāvairvikurvate || 774 ||
[Analyze grammar]

jagatyatiguṇo devo vaikuṇṭhaḥ sarvabhāvanaḥ || 775 ||
[Analyze grammar]

ataḥ samastadevānāṃ pūjya eva ca keśavaḥ || 776 ||
[Analyze grammar]

padmanābhaśca bhagavānprajāsargakaro vibhuḥ || 777 ||
[Analyze grammar]

ananto dhāraṇārthaṃ ca bibharti ca mahad yaśaḥ || 778 ||
[Analyze grammar]

yajña ityapi sadbhiśca kathyate vedavādibhiḥ || 779 ||
[Analyze grammar]

śvetaḥ kṛtayuge devo raktastretāyuge tathā || 780 ||
[Analyze grammar]

dvāpare ca yathā pītaḥ kṛṣṇaḥ kaliyuge vibhuḥ || 781 ||
[Analyze grammar]

prātaḥ kṛtayugo yo me trātā vai madhyame tathā || 781 ||
[Analyze grammar]

tṛtīye dvāparo yāme saṃdhyāyāṃ kalireva ca || 781 ||
[Analyze grammar]

caturyugasya paryāye vāsarasya prayojane || 781 ||
[Analyze grammar]

caturyugasamavāptirvāsare vāsare tathā || 781 ||
[Analyze grammar]

avadhītsa hiraṇyākṣaṃ divyarūpadharo hariḥ || 782 ||
[Analyze grammar]

jaghne hiraṇyakaśipuṃ nārasiṃhavapurhariḥ || 783 ||
[Analyze grammar]

dadhārāpsu nimajjantīmeṣa devo vasuṃdharām || 784 ||
[Analyze grammar]

vārāhaṃ vapurāśritya jagato hitakāmyayā || 785 ||
[Analyze grammar]

jigāya jagatīṃ caiva viṣṇurvāmanarūpadhṛk || 786 ||
[Analyze grammar]

babandha ca baliṃ devaḥ śrīmānpannagabandhanaiḥ || 787 ||
[Analyze grammar]

devadānavasaṃbhūtāmakāmayadapi śriyam || 788 ||
[Analyze grammar]

anyāni ratnajātāni gajādīni mahāyaśāḥ || 788 ||
[Analyze grammar]

tvayyāyattaḥ purā viṣṇurudāramativikramaḥ || 789 ||
[Analyze grammar]

sāvaśeṣaṃ tapo yasya taṃ nihanti janārdanaḥ || 790 ||
[Analyze grammar]

alīkeṣvapi vartantaṃ vrataṃ etanmahātmanaḥ || 791 ||
[Analyze grammar]

jaghne ca dānavānmukhyāndevānāṃ ye ca śatravaḥ || 792 ||
[Analyze grammar]

tava priyārthaṃ govindo dharmanityaḥ satāṃ gatiḥ || 793 ||
[Analyze grammar]

rāmatvamapi cāvāpya jaghne rāvaṇamātmavān || 794 ||
[Analyze grammar]

bhūtvā kāmaguṇaścaiva jaghāna dviradaṃ hariḥ || 795 ||
[Analyze grammar]

hitāya jagato'dyāpi loke vasati mānuṣe || 796 ||
[Analyze grammar]

upendro jagato nāthaḥ sarvabhūtottamottamaḥ || 797 ||
[Analyze grammar]

jaṭī kṛṣṇājinī daṇḍī dṛṣṭapūrvo mayā hariḥ || 798 ||
[Analyze grammar]

daiteyeṣu carandevastṛṇeṣvagnirivoddhataḥ || 799 ||
[Analyze grammar]

adrākṣamapi govindaṃ dānavaikārṇavaṃ jagat || 800 ||
[Analyze grammar]

kurvāṇaṃ dānavairhīnaṃ jagato hitakāmyayā || 801 ||
[Analyze grammar]

avaśyaṃ pārijātaṃ te nayiṣyati janārdanaḥ || 802 ||
[Analyze grammar]

dvārakāmamaraśreṣṭha nānṛtaṃ ca bravīmyaham || 803 ||
[Analyze grammar]

bhrātṛsnehābhibhūtastvaṃ kṛṣṇe na prahariṣyasi || 804 ||
[Analyze grammar]

nāpi kṛṣṇastvayi jyeṣṭha prahariṣyati vāsava || 805 ||
[Analyze grammar]

naiva cecchroṣyasi proktaṃ mayā deva kathaṃcana || 806 ||
[Analyze grammar]

pṛccha tvaṃ nayadharmajñānye hitāstava mantriṇaḥ || 807 ||
[Analyze grammar]

nāradenaivamuktastu mahendro janamejaya || 808 ||
[Analyze grammar]

idamuttaramīśo'tha pratyuvāca jagadgurum || 809 ||
[Analyze grammar]

evaṃvidhaprabhāvaṃ tvaṃ kṛṣṇaṃ vadasi yaddvija || 810 ||
[Analyze grammar]

evametatsubahuśaḥ śrutaṃ khalu mayā mune || 811 ||
[Analyze grammar]

yataścaivaṃvidhaḥ kṛṣṇastato'haṃ tasya taṃ tarum || 812 ||
[Analyze grammar]

na pradāsyāmi dātavyaṃ satāṃ dharmamanusmaran || 813 ||
[Analyze grammar]

mahāprabhāvo nālpārthe ruṣyediti vicintayan || 814 ||
[Analyze grammar]

vyavasthito'haṃ bhadraṃ te mune sarvaguṇoditaḥ || 815 ||
[Analyze grammar]

mahāprabhāvāḥ satataṃ bhavanti hi sahiṣṇavaḥ || 816 ||
[Analyze grammar]

śrotāraścaiva satataṃ vṛddhānāṃ jñānacakṣuṣām || 817 ||
[Analyze grammar]

mahātmā kāraṇe nālpe kṛṣṇo dharmabhṛtāṃ varaḥ || 818 ||
[Analyze grammar]

bhrātrā jyeṣṭhena dharmajño virodhaṃ gantumarhati || 819 ||
[Analyze grammar]

yathaiva mama mātuḥ sa varaṃ prādādadhokṣajaḥ || 820 ||
[Analyze grammar]

tathaiva tasyāḥ putrāṇāṃ jyeṣṭhānāṃ soḍhumarhati || 821 ||
[Analyze grammar]

yathaivopendratāṃ yātaḥ svayamicchañjanārdanaḥ || 822 ||
[Analyze grammar]

tathaiva bhrāturindrasya saṃmānaṃ kartumarhati || 823 ||
[Analyze grammar]

jyaiṣṭhyametena devena nārabdhaṃ kiṃ purātane || 824 ||
[Analyze grammar]

athedānīmapīcchetsa jyeṣṭho'stu madhusūdanaḥ || 825 ||
[Analyze grammar]

suniścitaṃ balaripumīkṣya nārado || 826 ||
[Analyze grammar]

visarjitastridaśavareṇa dharmavit || 827 ||
[Analyze grammar]

yayau purīṃ yaduvṛṣabhābhirakṣitāṃ || 828 ||
[Analyze grammar]

kuśasthalīṃ dhṛtimatimāṃstapodhanaḥ || 829 ||
[Analyze grammar]

vaiśaṃpāyana uvāca athaitya dvārakāṃ ramyāṃ nārado munisattamaḥ || 830 ||
[Analyze grammar]

dadarśa puruṣaśreṣṭhaṃ nārāyaṇamariṃdamam || 831 ||
[Analyze grammar]

svaveśmani sukhāsīnaṃ sahitaṃ satyabhāmayā || 832 ||
[Analyze grammar]

virājamānaṃ vapuṣā sarvatejotigāminā || 833 ||
[Analyze grammar]

tamevārthaṃ mahātmānaṃ cintayantaṃ dṛḍhavratam || 834 ||
[Analyze grammar]

kevalaṃ yojayantaṃ ca vākyamātreṇa bhāminīm || 835 ||
[Analyze grammar]

dṛṣṭvaiva nāradaṃ devaḥ pratyutthāya adhokṣajaḥ || 836 ||
[Analyze grammar]

pūjayāmāsa ca tadā vidhidṛṣṭena karmaṇā || 837 ||
[Analyze grammar]

sukhopaviṣṭaṃ viśrāntaṃ prahasya madhusūdanaḥ || 838 ||
[Analyze grammar]

vṛttāntaṃ paripapraccha pārijātataruṃ prati || 839 ||
[Analyze grammar]

athovāca muniḥ sarvaṃ vistareṇa tapodhanaḥ || 840 ||
[Analyze grammar]

indrānujāyendravākyaṃ nikhilaṃ janamejaya || 841 ||
[Analyze grammar]

śrutvā kṛṣṇastu tatsarvaṃ nāradaṃ vākyamabravīt || 842 ||
[Analyze grammar]

amarāvatīṃ purīṃ yāsye so'haṃ dharmabhṛtāṃ vara || 843 ||
[Analyze grammar]

ityuktvā nāradenaiva sahitaḥ sāgaraṃ yayau || 844 ||
[Analyze grammar]

saṃdideśa tatastatra vivikte nāradaṃ hariḥ || 845 ||
[Analyze grammar]

mahendrabhavanaṃ gatvā vadasvādya tapodhana || 846 ||
[Analyze grammar]

abhivādya mahātmānaṃ madvākyamamarottamam || 847 ||
[Analyze grammar]

na yuddhe pramukhe śakra sthātumarhasi me prabho || 848 ||
[Analyze grammar]

pārijātasya nayane niścitaṃ tvamavehi mām || 849 ||
[Analyze grammar]

evamuktastu kṛṣṇena nāradastridivaṃ gataḥ || 850 ||
[Analyze grammar]

ācacakṣe ca kṛṣṇoktaṃ devendrasyāmitaujasaḥ || 851 ||
[Analyze grammar]

tato bṛhaspateḥ śakraḥ śaśaṃsa balanāśanaḥ || 852 ||
[Analyze grammar]

śrutvā bṛhaspatirdevamuvāca kurunandana || 853 ||
[Analyze grammar]

aho dhigbrahmasadanaṃ mayi yāte śatakrato || 854 ||
[Analyze grammar]

durnītamidamārabdhamatra bhedo hi dāruṇaḥ || 855 ||
[Analyze grammar]

anākhyāya kathaṃ nāma bhavatā bhuvaneśvara || 856 ||
[Analyze grammar]

mamaitatkṛtyamārabdhaṃ deva kenāpi hetunā || 857 ||
[Analyze grammar]

atha vā bhavitavyena karmajena pramuhyate || 858 ||
[Analyze grammar]

jagadvṛtraghna na vidhiḥ śakyaḥ samativartitum || 859 ||
[Analyze grammar]

sahasaiva tu kāryāṇām prārambho na praśasyate || 860 ||
[Analyze grammar]

tadetatsahasārabdhaṃ kāryaṃ dāsyati lāghavam || 861 ||
[Analyze grammar]

bṛhaspatiṃ mahātmānaṃ mahendrastvabravīdvacaḥ || 862 ||
[Analyze grammar]

evaṃ gate'dya yatkāryaṃ tadbhavānvaktumarhati || 863 ||
[Analyze grammar]

tamuvācātha dharmātmā gatānāgatatattvavit || 864 ||
[Analyze grammar]

adhomukhaścintayitvā bṛhaspatirudāradhīḥ || 865 ||
[Analyze grammar]

yatasva sahaputreṇa yodhayasva janārdanam || 866 ||
[Analyze grammar]

tathā śakra kariṣyāmi yathā nyāyyaṃ bhaviṣyati || 867 ||
[Analyze grammar]

bṛhaspatistvevamuktvā kṣīrodaṃ sāgaraṃ gataḥ || 868 ||
[Analyze grammar]

ācaṣṭa munaye sarvaṃ kaśyapāya mahātmane || 869 ||
[Analyze grammar]

tacchrutvā kaśyapaḥ kruddho bṛhaspatimabhāṣata || 870 ||
[Analyze grammar]

avaśyaṃ bhāvyametadbhoḥ sarvathā nātra saṃśayaḥ || 871 ||
[Analyze grammar]

icchataḥ sadṛśīṃ bhāryāṃ maharṣerdevaśarmaṇaḥ || 872 ||
[Analyze grammar]

apadhyānakṛto doṣaḥ patatyeṣa śatakratoḥ || 873 ||
[Analyze grammar]

asya doṣasya śāntyarthamārabdhaśca mune mayā || 874 ||
[Analyze grammar]

udavāsaḥ sa doṣaśca prāpta eva sudāruṇaḥ || 875 ||
[Analyze grammar]

tadgamiṣyāmi mātrāsya sahādityā tapodhana || 876 ||
[Analyze grammar]

ubhau tau vārayiṣyāmi daivaṃ saṃvadate yadi || 877 ||
[Analyze grammar]

bṛhaspatistu dharmātmā mārīcamidamabravīt || 878 ||
[Analyze grammar]

prāptakālaṃ tvayā tatra bhavitavyaṃ tapodhana || 879 ||
[Analyze grammar]

tatheti kaśyapaścoktvā saṃprasthāpya bṛhaspatim || 880 ||
[Analyze grammar]

jagāmārcayituṃ devaṃ rudraṃ bhūtagaṇeśvaram || 881 ||
[Analyze grammar]

tatra somaṃ mahātmānamānarca vṛṣabhadhvajam || 882 ||
[Analyze grammar]

varārtho kaśyapo dhīmānadityā sahitaḥ prabhuḥ || 883 ||
[Analyze grammar]

tuṣṭāva ca tamīśanaṃ mārīcaḥ kaśyapastadā || 884 ||
[Analyze grammar]

vedoktaiḥ svakṛtaiścaiva stavaiḥ stavyaṃ jagadgurum || 885 ||
[Analyze grammar]

urukramaṃ viśvakarmāṇamīśaṃ || 886 ||
[Analyze grammar]

jagatsraṣṭāraṃ dharmadṛśyaṃ pareśam || 887 ||
[Analyze grammar]

sarveśaṃ tvāṃ dhṛtimaddhāma divyaṃ || 888 ||
[Analyze grammar]

viśveśvaraṃ bhagavantaṃ namasye || 889 ||
[Analyze grammar]

yo devānāmadhipaḥ pāpahartā || 890 ||
[Analyze grammar]

tataṃ viśvaṃ yena jaganmayatvāt || 891 ||
[Analyze grammar]

āpo garbho yasya śubhā dharitryo || 892 ||
[Analyze grammar]

viśveśvaraṃ taṃ śaraṇamahaṃ prapadye || 893 ||
[Analyze grammar]

śālāvṛkānyo yatirūpo nijaghne || 894 ||
[Analyze grammar]

dattānindreṇa praṇudo'hitānām || 895 ||
[Analyze grammar]

virūpākṣaṃ sudarśanaṃ puṇyayoniṃ || 896 ||
[Analyze grammar]

viśveśvaraṃ yāmi mūrdhnā prapadye || 897 ||
[Analyze grammar]

bhuṅkte ya eko vibhurjagato viśvamagryaṃ || 898 ||
[Analyze grammar]

dhāmnāṃ dhāma sukṛtitvānna dhṛṣyaḥ || 899 ||
[Analyze grammar]

puṣyātsa māṃ mahasā śāśvatena || 900 ||
[Analyze grammar]

somapānāṃ marīcipānāṃ variṣṭhaḥ || 901 ||
[Analyze grammar]

atharvāṇaṃ suśirasaṃ bhūtayoniṃ || 902 ||
[Analyze grammar]

kṛtinaṃ vīraṃ dānavānāṃ ca bādham || 903 ||
[Analyze grammar]

viyajjuṣṭaṃ saṃskṛtaṃ vaikṛtaṃ ca || 904 ||
[Analyze grammar]

viśveśvaraṃ śaraṇaṃ yāmi devam || 905 ||
[Analyze grammar]

jagajjālaṃ vitataṃ yatra viśvaṃ || 906 ||
[Analyze grammar]

viśvātmānaṃ prītidevaṃ natānām || 907 ||
[Analyze grammar]

yadūrdhvagaṃ rathamāsthāya yāti || 908 ||
[Analyze grammar]

viśveśvaraḥ sa sumanā me'stu nityam || 909 ||
[Analyze grammar]

antaścaraṃ rocanaṃ cāruśākhaṃ || 910 ||
[Analyze grammar]

mahābalaṃ dharmanetāramādyam || 911 ||
[Analyze grammar]

sahasranetraṃ śatavartmānamugraṃ || 912 ||
[Analyze grammar]

mahādevaṃ viśvasṛjaṃ namasye || 913 ||
[Analyze grammar]

śociṣkeśaṃ śamanaṃ śāntapāpaṃ || 914 ||
[Analyze grammar]

śarvaṃ śaṃbhuṃ śaṃkaraṃ bhūtanātham || 915 ||
[Analyze grammar]

dhuraṃdharaṃ gopatiṃ candracihnaṃ || 916 ||
[Analyze grammar]

hṛṣīkāṇāmayanaṃ yāmi mūrdhnā || 917 ||
[Analyze grammar]

āśuḥśaśinaṃ vṛṣabhaṃ roruvāṇaṃ || 918 ||
[Analyze grammar]

kṛtaṃ dharmaṃ vitathaṃ nāśuśeṣam || 919 ||
[Analyze grammar]

vasuṃdharaṃ samṛḍīkaṃ samarthaṃ || 920 ||
[Analyze grammar]

dhṛtavrataṃ śūladharaṃ prapadye || 921 ||
[Analyze grammar]

anantavīryaṃ dhṛtakarmāṇamādyaṃ || 922 ||
[Analyze grammar]

yajñasyejaṃ yajatāṃ cātiyājyam || 923 ||
[Analyze grammar]

havirbhujaṃ bhuvanānāṃ sadaiva || 924 ||
[Analyze grammar]

jyeṣṭhaṃ dvijaṃ dharmabhṛtāṃ prapadye || 925 ||
[Analyze grammar]

paraṃ guṇebhyaḥ pṛśnigarbhasvarūpaṃ || 926 ||
[Analyze grammar]

yaśaḥśṛṅgaṃ vyūhanaṃ kāntarūpam || 927 ||
[Analyze grammar]

nabho vṛṇvānaṃ puruṣaṃ satyadhāma || 928 ||
[Analyze grammar]

saṃmohanaṃ duṣkṛtināṃ namasye || 929 ||
[Analyze grammar]

yuktoṃkāraṃ suśirasaṃ cārukarma || 930 ||
[Analyze grammar]

dṛḍhavrataṃ dṛḍhadhanvānamājau || 931 ||
[Analyze grammar]

śūraṃ vettāraṃ dhanuṣo'strātirekaṃ || 932 ||
[Analyze grammar]

patiṃ paśūnāṃ śamanaṃ namasye || 933 ||
[Analyze grammar]

eko'rātiścaiva bhūtaṃ bhaviṣyaṃ || 934 ||
[Analyze grammar]

sarvātithiryo hi juṣatyarighnaḥ || 935 ||
[Analyze grammar]

aruṃtudo'nuttamaḥ saṃvibhāgī || 936 ||
[Analyze grammar]

vibhājako māṃ bhagavānpātu devaḥ || 937 ||
[Analyze grammar]

ya eko yāti jagatāṃ viśvamīśo || 938 ||
[Analyze grammar]

ya eko'dānmarutāṃ prāṇamagryam || 939 ||
[Analyze grammar]

yenānṛśaṃsyācchāśvataṃ sāma juṣṭaṃ || 940 ||
[Analyze grammar]

sa māṃ juṣyātsukṛtī śreyase saḥ || 941 ||
[Analyze grammar]

brahmāsṛjad yo bhuvanottamottamaṃ || 942 ||
[Analyze grammar]

hartā rudro rakṣitā viṣṇurekaḥ || 942 ||
[Analyze grammar]

tṛpto vidvānbrāhmaṇaḥ ṣaḍguṇasya || 943 ||
[Analyze grammar]

sraṣṭāraṃ taṃ vyāhṛtisthaṃ samagraṃ || 944 ||
[Analyze grammar]

nirākartā duṣkṛtināṃca viśvam || 944 ||
[Analyze grammar]

sa māṃ pāyādbahurūpairihāṅgaiḥ || 945 ||
[Analyze grammar]

vyañjano'jano'tha vidvān samagraḥ || 946 ||
[Analyze grammar]

spṛśiḥ śaṃbhuḥ prāṇadaḥ kṛttivāsāḥ || 947 ||
[Analyze grammar]

raso dhruvaḥ pavamānasya bhartā || 948 ||
[Analyze grammar]

pavitraḥ prathitaḥ śūlī vadato devavṛndaiḥ || 948 ||
[Analyze grammar]

śivaḥ somaḥ pāyāttvajaḥ || 948 ||
[Analyze grammar]

sapatnīśaḥ śaṃkaraḥ sāradhātā || 949 ||
[Analyze grammar]

tryambakaṃ puṣṭidaṃ vo bruvāṇaṃ || 950 ||
[Analyze grammar]

dharmaṃ viprāṇāṃ varadaṃ yajvanāṃ ca || 951 ||
[Analyze grammar]

varādvaraṃ raṇajetāramīśaṃ || 952 ||
[Analyze grammar]

devaṃ devānāṃ śaraṇaṃ yāmi rudram || 953 ||
[Analyze grammar]

āsyaṃ devānāmantakaṃ duṣkṛtīnāṃ || 954 ||
[Analyze grammar]

trivṛtsomaṃ vṛkṣahaṃ karmasākṣim || 955 ||
[Analyze grammar]

bhūtāyanaṃ bhūtapatiṃ guṇajñaṃ || 956 ||
[Analyze grammar]

guṇākāraṃ śaraṇaṃ yāmi rudram || 957 ||
[Analyze grammar]

anuddhataṃ yajñakartāramantaṃ || 958 ||
[Analyze grammar]

madhyaṃ cādyaṃ jagato'sāmyarūpam || 959 ||
[Analyze grammar]

devavrateṣu bahudhā gītamīśam || 960 ||
[Analyze grammar]

abhi triviṣṭapaṃ śaraṇaṃ yāmi rudram || 961 ||
[Analyze grammar]

mahājinaṃ vratinaṃ mekhalālaṃ || 962 ||
[Analyze grammar]

sutoṣaṇaṃ krodhadhanaṃ vipāpam || 963 ||
[Analyze grammar]

bhūtaṃ kṣetrajñaṃ guṇinaṃ vā kapardinaṃ || 964 ||
[Analyze grammar]

nato'smīśaṃ vandanaṃ vandanānām || 965 ||
[Analyze grammar]

devaṃ devānāṃ pāvanaṃ pāvanānāṃ || 966 ||
[Analyze grammar]

kṛtiṃ kṛtīnāṃ mahato mahāntam || 967 ||
[Analyze grammar]

śatātmānaṃ saṃstutaṃ gopatīnāṃ || 968 ||
[Analyze grammar]

patiṃ devaṃ śaraṇaṃ yāmi rudram || 969 ||
[Analyze grammar]

antaścaraṃ puruṣaṃ guhyasaṃjñaṃ || 970 ||
[Analyze grammar]

prabhāsvantaṃ praṇavaṃ dhīpradīpam || 971 ||
[Analyze grammar]

hetuṃ paraṃ paramasyākṣarasya || 972 ||
[Analyze grammar]

śubhaṃ devaṃ guṇinaṃ saṃnato'smi || 973 ||
[Analyze grammar]

prasūtirubhayorna prasūtiśca sūkṣmaḥ || 974 ||
[Analyze grammar]

pṛthagbhūtebhyo na pṛthakcaikabhūtaḥ || 975 ||
[Analyze grammar]

svayaṃbhūtaḥ pātu māṃ sarvasāraḥ || 976 ||
[Analyze grammar]

pradaḥ svādaḥ saṃmadaḥ pātu ratnam || 977 ||
[Analyze grammar]

āsannaḥ sannataraḥ sādhakānāṃ || 978 ||
[Analyze grammar]

śraddhāvatāṃ śrāddhavṛttipraṇetā || 979 ||
[Analyze grammar]

patirgaṇānāṃ mahatāṃ satkṛtīnāṃ || 980 ||
[Analyze grammar]

pāyānmeśaḥ pūraṇaḥ ṣaḍguṇānām || 981 ||
[Analyze grammar]

antarbahirvṛjinānāṃ nihantā || 982 ||
[Analyze grammar]

svayaṃ kartā bhūtabhāvī vikurvan || 983 ||
[Analyze grammar]

dhṛtāyudhaḥ sukṛtināmuttamaujāḥ || 984 ||
[Analyze grammar]

praṇudyānme vṛjinaṃ devadevaḥ || 985 ||
[Analyze grammar]

yenoddhṛtāstraipurā māyino vai || 986 ||
[Analyze grammar]

dagdhā ghoreṇa vitathāntāḥ śareṇa || 987 ||
[Analyze grammar]

mahatkurvanto vṛjinaṃ devatānāṃ || 988 ||
[Analyze grammar]

sa māmīśaḥ pātu viśvasya dhātā || 989 ||
[Analyze grammar]

bhāgīyasāṃ bhāgamato'ntamicchan || 990 ||
[Analyze grammar]

makho dākṣo yena kṛtto'nvadhāvat || 991 ||
[Analyze grammar]

vidvānyajñasyādirathāntaḥ sa devaḥ || 992 ||
[Analyze grammar]

pāyādīśo māṃ dakṣayajñāntahetuḥ || 993 ||
[Analyze grammar]

anyo dhanyaḥ saṃkṛtaścottamaśca || 994 ||
[Analyze grammar]

jagatsṛṣṭvā yo'tti sarvātiguhyam || 995 ||
[Analyze grammar]

sa māṃ mukhapramukhe pātu nityaṃ || 996 ||
[Analyze grammar]

vicinvānaḥ prathamaḥ ṣaḍguṇānām || 997 ||
[Analyze grammar]

guṇatraikālyaṃ yasya devasya nityaṃ || 998 ||
[Analyze grammar]

sattvodreko yasya bhāvātprasūtaḥ || 999 ||
[Analyze grammar]

gopto goptṝṇāṃ sādano duṣkṛtīnām || 1000 ||
[Analyze grammar]

ādyo viśvasya dhāvamānasya kruddhaḥ || 1001 ||
[Analyze grammar]

dhāmno yasya hariragro'tha viśvo || 1002 ||
[Analyze grammar]

brahmā putraiḥ sahitaśca dvijāśca || 1003 ||
[Analyze grammar]

parābhūtā bhuvane yasya somo || 1004 ||
[Analyze grammar]

juṣatveṣa śreyase sādhugoptā || 1005 ||
[Analyze grammar]

yasmādbhūtānāṃ bhūtiranto'tha madhyaṃ || 1006 ||
[Analyze grammar]

dhṛtirbhūtiryaśca guhā śrutiśca || 1007 ||
[Analyze grammar]

guhābhūteṣu puruṣeśvarasya || 1008 ||
[Analyze grammar]

mahātmanaḥ sa mṛḍavedyasya tasya || 1009 ||
[Analyze grammar]

sa māṃ pāyāddevadevo mahātmā || 1009 ||
[Analyze grammar]

yal liṅgāṅkaṃ tryambakaḥ sarvamīśo || 1010 ||
[Analyze grammar]

bhagāṅkaṃ yattaddhyumā sarvadhātrī || 1011 ||
[Analyze grammar]

yal liṅgāṅkaṃ yacca loke bhagāṅkaṃ || 1011 ||
[Analyze grammar]

sarvaṃ somastvaṃ tryambakaḥ sarvamīśa || 1011 ||
[Analyze grammar]

nānyattṛtīyaṃ jagatīhāsti kiṃcin || 1012 ||
[Analyze grammar]

mahādevātsarvasarveśvaro'sau || 1013 ||
[Analyze grammar]

iti saṃstūyamānastu bhagavānvṛṣabhadhvajaḥ || 1014 ||
[Analyze grammar]

darśayāmāsa dharmātmā kaśyapaṃ dharmabhṛdvaram || 1015 ||
[Analyze grammar]

uvāca cainaṃ deveśaḥ prasannenāntarātmanā || 1016 ||
[Analyze grammar]

yena saṃstauṣi kāryeṇa tvaṃ tajjāne prajāpate || 1017 ||
[Analyze grammar]

indropendrau mahātmānau devau prakṛtimeṣyataḥ || 1018 ||
[Analyze grammar]

pārijātaṃ tu dharmātmā nayiṣyati janārdanaḥ || 1019 ||
[Analyze grammar]

apadhyāto mahendro hi muninā devaśarmaṇā || 1020 ||
[Analyze grammar]

asyākāṅkṣatpurā bhāryāṃ tapodīptasya kaśyapa || 1021 ||
[Analyze grammar]

gamyatāṃ tatra dharmajña dākṣāyaṇyā saha tvayā || 1022 ||
[Analyze grammar]

adityā śakrasadanaṃ śreyaste putrayordhruvam || 1023 ||
[Analyze grammar]

iti haravacanaṃ niśamya vidvān || 1024 ||
[Analyze grammar]

kamalabhavātmajasūnuraprameyaḥ || 1025 ||
[Analyze grammar]

tridaśagaṇaguruṃ praṇamya rudraṃ || 1026 ||
[Analyze grammar]

muditamanāḥ svamatho gṛhaṃ jagāma || 1027 ||
[Analyze grammar]

vaiśaṃpāyana uvāca atha viṣṇurmahātejā muhūrtābhyudite ravau || 1028 ||
[Analyze grammar]

mṛgayāvyapadeśena yayau raivatakaṃ girim || 1029 ||
[Analyze grammar]

āropyaikarathe devaḥ sātyakiṃ narapuṃgavam || 1030 ||
[Analyze grammar]

pradyumnamanugaccheti proktvā kurukulodvaha || 1031 ||
[Analyze grammar]

raivataṃ ca giriṃ devo gatvā dārukamabravīt || 1032 ||
[Analyze grammar]

madīyaṃ rathametaṃ taṃ tvaṃ gṛhītvehaiva dāruka || 1033 ||
[Analyze grammar]

pratipālaya māṃ saumya dinārdhaṃ cārayan harīn || 1034 ||
[Analyze grammar]

rathenaiva praveṣṭāhaṃ dvārakāṃ sūtasattama || 1035 ||
[Analyze grammar]

iti saṃdiśya bhagavānāruroha jayodyataḥ || 1036 ||
[Analyze grammar]

tārkṣyaṃ sasātyakirdhīmānaprameyaparākramaḥ || 1037 ||
[Analyze grammar]

pṛthag rathena kauravya pradyumnaḥ śatrusūdanaḥ || 1038 ||
[Analyze grammar]

ākāśagāminā rājanpṛṣṭhataḥ kṛṣṇamanviyāt || 1039 ||
[Analyze grammar]

nimeṣāntaramātreṇa nandanaṃ kānanaṃ hariḥ || 1040 ||
[Analyze grammar]

devodyānaṃ yayau dhīmānpārijātajihīrṣayā || 1041 ||
[Analyze grammar]

dadarśa yatra bhagavāndevayodhāndurāsadān || 1042 ||
[Analyze grammar]

nānāyudhadharānvīrānnandanasthānadhokṣajaḥ || 1043 ||
[Analyze grammar]

teṣāṃ saṃpaśyatāmeva pārijātaṃ mahābalaḥ || 1044 ||
[Analyze grammar]

utpāṭyārpayāmāsa pārijātaṃ sātāṃ gatiḥ || 1045 ||
[Analyze grammar]

garuḍaṃ pakṣirājānamayatnenaiva bhārata || 1046 ||
[Analyze grammar]

upasthito vigrahavānpārijātaśca keśavam || 1047 ||
[Analyze grammar]

sāntvito vāsudevena pārijātaśca bhārata || 1048 ||
[Analyze grammar]

uktaśca vṛkṣa mā bhaistvaṃ keśavena mahātmanā || 1049 ||
[Analyze grammar]

taṃ prasthitaṃ taruṃ dṛṣṭvā pārijātamadhokṣajaḥ || 1050 ||
[Analyze grammar]

amarāvatīṃ purīṃ śreṣṭhāṃ tataścakre pradakṣiṇam || 1051 ||
[Analyze grammar]

te tu nandanagoptāraḥ pārijātaṃ drumottamam || 1052 ||
[Analyze grammar]

hriyateti mahendrāya gatvā nṛpa śaśaṃsire || 1053 ||
[Analyze grammar]

athairāvatamāruhya niryayau pākaśāsanaḥ || 1054 ||
[Analyze grammar]

jayantena rathasthena pṛṣṭhato'nugataḥ prabhuḥ || 1055 ||
[Analyze grammar]

pūrvamabhyāgataṃ dvāraṃ keśavaṃ śatrusūdanam || 1056 ||
[Analyze grammar]

tato viṣṇugaṇāḥ sarva yodhāḥ saṃpātanodyatāḥ || 1056 ||
[Analyze grammar]

hāhākāro mahānāsīddhruvaṃ yattridivaukasām || 1056 ||
[Analyze grammar]

dṛṣṭvovāca pravṛttaṃ bhoḥ kimidaṃ madhusūdana || 1057 ||
[Analyze grammar]

praṇamya garuḍastho'tha keśavaḥ śakramabravīt || 1058 ||
[Analyze grammar]

vadhvāste puṇyakārthāya nīyate'yaṃ varadrumaḥ || 1059 ||
[Analyze grammar]

tamuvāca tataḥ śakro mā maivaṃ puṣkarekṣaṇa || 1060 ||
[Analyze grammar]

ayodhayitvā na tarurnayitavyastvayācyuta || 1061 ||
[Analyze grammar]

praharasva mahābāho prathamaṃ mayi keśava || 1062 ||
[Analyze grammar]

pratijñā saphalā te'stu muktvā kaumodakīmapi || 1063 ||
[Analyze grammar]

tataḥ kṛṣṇaḥ śaraistīkṣṇairdevarājagajottamam || 1064 ||
[Analyze grammar]

bibhedāśanisaṃkāśaiḥ prahasanniva bhārata || 1065 ||
[Analyze grammar]

vivyādha garuḍaṃ vajrī divyaiḥ śaravaraistathā || 1066 ||
[Analyze grammar]

bāṇāṃśca cchedayāmāsa keśavasya tarasvinaḥ || 1067 ||
[Analyze grammar]

yānyānmumoca devendrastāṃstāṃściccheda mādhavaḥ || 1068 ||
[Analyze grammar]

mādhavena prayuktāṃśca ciccheda balavṛtrahā || 1069 ||
[Analyze grammar]

mahendrasya ca śabdena dhanuṣaḥ kurunandana || 1070 ||
[Analyze grammar]

śārṅgasya ca ninādena mumuhuḥ svargavāsinaḥ || 1071 ||
[Analyze grammar]

tayorvartati saṃgrāme garuḍasthaṃ mahābalaḥ || 1072 ||
[Analyze grammar]

pārijātaṃ jayanto'tha hartumabhyudito balī || 1073 ||
[Analyze grammar]

pradyumnamatha kaṃsaghno vārayeti tamabravīt || 1074 ||
[Analyze grammar]

tatastaṃ vārayāmāsa raukmiṇeyaḥ pratāpavān || 1075 ||
[Analyze grammar]

jayanto jayatāṃ śreṣṭho raukmiṇeyamatheṣubhiḥ || 1076 ||
[Analyze grammar]

sarvagātreṣu vihasannājaghāna rathe sthitaḥ || 1077 ||
[Analyze grammar]

rathastha eva rathinaṃ kāmastu kamalekṣaṇaḥ || 1078 ||
[Analyze grammar]

aindrimabhyardayāmāsa bāṇairāśīviṣopamaiḥ || 1079 ||
[Analyze grammar]

sa saṃnipātastumulo babhūva kurunandana || 1080 ||
[Analyze grammar]

tatastaṃ vārayāmāsa jayantaḥ sarvavīrahā || 1080 ||
[Analyze grammar]

jayantasya ca vīrasya raukmiṇeyasya cobhayoḥ || 1081 ||
[Analyze grammar]

kṛtapratikṛtaṃ yuddhe cakratustau mahābalau || 1082 ||
[Analyze grammar]

mahendropendratanayau jagatyastrabhṛtāṃ varau || 1083 ||
[Analyze grammar]

devāśca munayaścaiva dadṛśurvismayānvitāḥ || 1084 ||
[Analyze grammar]

taṃ saṃgrāmaṃ mahāghoraṃ siddhāścaiva sacāraṇāḥ || 1085 ||
[Analyze grammar]

tatastu pravaro nāma devadūto mahābalaḥ || 1086 ||
[Analyze grammar]

pārijātaṃ punarhartumiyeṣa kurunandana || 1087 ||
[Analyze grammar]

sakhā sa devarājasya mahāstravidariṃdamaḥ || 1088 ||
[Analyze grammar]

avadhyo varadānena brahmaṇaḥ kurunandana || 1089 ||
[Analyze grammar]

brāhmaṇastapasā siddho jambudvīpāddivaṃ gataḥ || 1090 ||
[Analyze grammar]

svaśaktyā nṛpa saṃyātaḥ sakhitvaṃ balaghātinaḥ || 1091 ||
[Analyze grammar]

tamāpatantaṃ saṃprekṣya kṛṣṇaḥ sātyakimabravīt || 1092 ||
[Analyze grammar]

rathastha eva pravaraṃ śarairvāraya sātyake || 1093 ||
[Analyze grammar]

na tveva nirdayaṃ bāṇā moktavyāḥ sātyake tvayā || 1094 ||
[Analyze grammar]

asya brāhmaṇacāpalyaṃ soḍhavyaṃ khalu sarvathā || 1095 ||
[Analyze grammar]

tataḥ ṣaṣṭyā tatheṣūṇāṃ garuḍasthaṃ dvijastadā || 1096 ||
[Analyze grammar]

ājaghāna mahābāho sātyakiṃ pravaro bhṛśam || 1097 ||
[Analyze grammar]

śinernaptā tatastasya kṣipataḥ sāyakānnṛpa || 1098 ||
[Analyze grammar]

ciccheda puruṣavyāghro vacanaṃ cedamabravīt || 1099 ||
[Analyze grammar]

brāhmaṇo nābhihantavyastiṣṭha vipra svavartmani || 1100 ||
[Analyze grammar]

avadhyā yādavānāṃ hi svaparādhe'pi hi dvijāḥ || 1101 ||
[Analyze grammar]

pravarastu prahasyainamuvāca kurunandana || 1102 ||
[Analyze grammar]

alaṃ kṣāntyā nṛṇāṃ śūra yudhya sarvātmanā raṇe || 1103 ||
[Analyze grammar]

jāmadagnyasya rāmasya śiṣyo'hamapi yādava || 1104 ||
[Analyze grammar]

nāmataḥ pravaro nāma sakhā śakrasya dhīmataḥ || 1105 ||
[Analyze grammar]

na devā yoddhumicchanti manyanto madhusūdana || 1106 ||
[Analyze grammar]

ānṛṇyaṃ sauhrdasyāhamadya gantāsmi mādhava || 1107 ||
[Analyze grammar]

tatastayostadā raudraḥ saṃgrāmo vavṛdhe nṛpa || 1108 ||
[Analyze grammar]

astrairdivyairnaravyāghra śaineyadvijamukhyayoḥ || 1109 ||
[Analyze grammar]

dyauścacāla tadā rājandyucarāśca sahasraśaḥ || 1110 ||
[Analyze grammar]

tasminvartati saṃgrāme teṣāmatimahātmanām || 1111 ||
[Analyze grammar]

nātiśiṣye raṇe kārṣṇiraindramastrabhṛtāṃ varaṃ || 1112 ||
[Analyze grammar]

aindriḥ kārṣṇiṃ mahātmānaṃ māyinaṃ śūrasaṃmatam || 1113 ||
[Analyze grammar]

hanta gṛhṇa pratīccheti tāv ubhau yodhasattamau || 1114 ||
[Analyze grammar]

tau tu bāṇānpratīcchantāv ubhau bharatasattama || 1114 ||
[Analyze grammar]

yuyudhāte naraśreṣṭha parasparajayaiṣiṇau || 1115 ||
[Analyze grammar]

atha śārṅgāyudhasutaṃ śacīputraḥ pratāpavān || 1116 ||
[Analyze grammar]

vibhāṣyābhyahanad rājandivyenāstreṇa satvaraḥ || 1117 ||
[Analyze grammar]

so'straṃ tadatidīpyantamāpatantaṃ śitaiḥ śaraiḥ || 1118 ||
[Analyze grammar]

tastambhe bāṇajālena tadadbhutamivābhavat || 1119 ||
[Analyze grammar]

tatastaddīpyamānaṃ tu papāta raṇamūrdhani || 1120 ||
[Analyze grammar]

raukmiṇeyasya kauravya ghoraṃ dānavamardanam || 1121 ||
[Analyze grammar]

tenāstreṇa ratho dagdhaḥ pradyumnasya mahātmanaḥ || 1122 ||
[Analyze grammar]

nādahattattu ghoraṃ taṃ raukmiṇeyaṃ janādhipa || 1123 ||
[Analyze grammar]

dahatyagniṃ na khalvagniruddhato'pi viśāṃ pate || 1124 ||
[Analyze grammar]

dagdhād rathānmahābāhū raukmiṇeyo'pacakrame || 1125 ||
[Analyze grammar]

atha nārāyaṇasuto viratho rathināṃ varaḥ || 1126 ||
[Analyze grammar]

sthito dhanuṣmānākāśe jayantamidamabravīt || 1127 ||
[Analyze grammar]

mahendraputra divyaṃ tvaṃ yadastraṃ muktavānasi || 1128 ||
[Analyze grammar]

nāhamidṛśarūpāṇāṃ śakyo hantuṃ śatairapi || 1129 ||
[Analyze grammar]

prayatnaṃ kuru śikṣāyāṃ yatnaṃ me'dya pradarśaya || 1130 ||
[Analyze grammar]

nāsti me'tiśayaṃ kartā saṃgrāme'maranandana || 1131 ||
[Analyze grammar]

āsīnme sādhvasaṃ dṛṣṭvā rathasthaṃ tvāṃ dhṛtāyudham || 1132 ||
[Analyze grammar]

bibhemi tava nedānīṃ yuddhe dṛṣṭabalābalaḥ || 1133 ||
[Analyze grammar]

manasā smaryatāmeṣa pārijātastvayā taruḥ || 1134 ||
[Analyze grammar]

śakyaṃ na khalu hastābhyāṃ spraṣṭavyo yastvayā hyasau || 1135 ||
[Analyze grammar]

ratho māyāmayo dagdhastvayā yo hyastratejasā || 1136 ||
[Analyze grammar]

īdṛśāṇāṃ sahasrāṇi sraṣṭuṃ śakto'smi māyayā || 1137 ||
[Analyze grammar]

evamukto jayantaśca mumocāstraṃ mahābalaḥ || 1138 ||
[Analyze grammar]

tapasopacitaṃ tena svayamevātitejasā || 1139 ||
[Analyze grammar]

tatpradyumno mahāvegaṃ śarajālairavārayat || 1140 ||
[Analyze grammar]

catvāryastrāṇi divyāni mumocaivāparāṇi saḥ || 1141 ||
[Analyze grammar]

dikṣu sarvāsu rurudhustanyastrāṇyatha bhārata || 1142 ||
[Analyze grammar]

raukmiṇeyaṃ mahātmānamantarikṣe ca pañcamam || 1143 ||
[Analyze grammar]

maholkāsadṛśānbāṇānastrāṇyamarasattamaḥ || 1144 ||
[Analyze grammar]

mumoca tāni ghorāṇi pradyumnaṃ prati sarvataḥ || 1145 ||
[Analyze grammar]

tāni sarvāṇi bāṇaughaiḥ kārṣṇirastrāṇyavārayat || 1146 ||
[Analyze grammar]

jayantaṃ cāparairbāṇairvivyādha niśitaistadā || 1147 ||
[Analyze grammar]

tato nādaḥ samutsṛṣṭo dyucaraiḥ puṇyakarmabhiḥ || 1148 ||
[Analyze grammar]

dṛṣṭvā sthairyaṃ ca śaighryaṃ ca pradyumnasya mahātmanaḥ || 1149 ||
[Analyze grammar]

pravarasyāpi bāṇena śitena śinipuṃgavaḥ || 1150 ||
[Analyze grammar]

cicchedeṣvasanaṃ vīro hastāvāpaṃ ca bhārata || 1151 ||
[Analyze grammar]

tato'nyatsa tu jagrāha mahattaddhanuruttamam || 1152 ||
[Analyze grammar]

mahendradattaṃ pravaro mahāśanisamasvanam || 1153 ||
[Analyze grammar]

sa tena vīro mahatā dhanuṣā viprasattamaḥ || 1154 ||
[Analyze grammar]

śarānmumoca viśikhānarkaraśminibhāṃstadā || 1155 ||
[Analyze grammar]

cakarta ca dhanuścitraṃ śaineyasyāmitaujasaḥ || 1156 ||
[Analyze grammar]

vivyādha sarvagātreṣu bāṇairapi ca sātyakim || 1157 ||
[Analyze grammar]

dhanurādāya śaineyastato'nyatkurunandana || 1158 ||
[Analyze grammar]

dṛḍhaṃ bhārasahaṃ dhīmānvivyādha pravaraṃ raṇe || 1159 ||
[Analyze grammar]

uccakartaturanyonyaṃ varmaṇī tau śitaiḥ śaraiḥ || 1160 ||
[Analyze grammar]

gātrebhyaścaiva māṃsāni marmabhidbhiḥ śarottamaiḥ || 1161 ||
[Analyze grammar]

athāṣṭadhārabāṇena punariṣvasanaṃ dvidhā || 1162 ||
[Analyze grammar]

ciccheda pravaro vīrastribhiścainamatāḍayat || 1163 ||
[Analyze grammar]

anyadiṣvasanaṃ taṃ tu grahītumanasaṃ dvijaḥ || 1164 ||
[Analyze grammar]

gadayā tāḍayāmāsa kṣiptayā laghuhastavat || 1165 ||
[Analyze grammar]

so'siṃ carma ca jagrāha sātyakiḥ prahasanniva || 1166 ||
[Analyze grammar]

na jagrāha dhanurdhīmān gadayābhihato bhṛśam || 1167 ||
[Analyze grammar]

tataḥ śaraśatānyeva mumoca pravarastadā || 1168 ||
[Analyze grammar]

vihastamiva vijñāya sātyakiṃ yadunandanam || 1169 ||
[Analyze grammar]

pradyumno'sya dadau khaḍgaṃ nirmalākāśasaṃnibham || 1170 ||
[Analyze grammar]

tasya ciccheda bhallena nistriṃśaṃ pravarastadā || 1171 ||
[Analyze grammar]

tsarudeśe'pātayacca pravaraḥ prahasanniva || 1172 ||
[Analyze grammar]

vyadhamacca tathā carma śitairbāṇairajihmagaiḥ || 1173 ||
[Analyze grammar]

ājaghāna ca śaktyainaṃ hṛdi vipro nanāda ca || 1174 ||
[Analyze grammar]

taṃ viklavamiva jñātvā pārijātajihīrṣayā || 1175 ||
[Analyze grammar]

tārkṣyābhyāśe rathenaiva sa tasthau pravarastadā || 1176 ||
[Analyze grammar]

taṃ pakṣapuṭavegena cikṣepa garuḍastadā || 1177 ||
[Analyze grammar]

gavyūtimekaṃ sarathaḥ sa papāta mumoha ca || 1178 ||
[Analyze grammar]

taṃ jayanto nipatyātha patitaṃ brāhmaṇaṃ nṛpa || 1179 ||
[Analyze grammar]

samāśvāsya rathaṃ śīghraṃ samāropitavāṃstadā || 1180 ||
[Analyze grammar]

śaineyamapi muhyantaṃ patantaṃ ca muhurmuhuḥ || 1181 ||
[Analyze grammar]

āśvāsayānaḥ pradyumnaḥ pitṛvyaṃ pariṣasvaje || 1182 ||
[Analyze grammar]

taṃ hi pasparśa hastena savyena madhusūdanaḥ || 1183 ||
[Analyze grammar]

nīrujaḥ spṛṣṭamātreṇa sātyakiḥ samapadyata || 1184 ||
[Analyze grammar]

pradyumno dakṣiṇe pārśve vāme tu śinipuṃgavaḥ || 1185 ||
[Analyze grammar]

tasthatuḥ pārijātasya yuddhaśauṇḍatarāv ubhau || 1186 ||
[Analyze grammar]

jayantaḥ pravaraścaiva rathenaikena bhārata || 1187 ||
[Analyze grammar]

saṃpatantau mahendreṇa prahasyoktau mahātmanā || 1188 ||
[Analyze grammar]

nāsannamabhigantavyaṃ garuḍasya kathaṃcana || 1189 ||
[Analyze grammar]

balavāneṣa patatāṃ rājā ca vinatāsutaḥ || 1190 ||
[Analyze grammar]

dakṣiṇe caiva savye ca pārśve mama dhṛtāyudhau || 1191 ||
[Analyze grammar]

ubhau sthitau yudhyamānaṃ māmeveha prapaśyatam || 1192 ||
[Analyze grammar]

evamuktau sthitau vīrau tataḥ śakrasya pārśvayoḥ || 1193 ||
[Analyze grammar]

dadṛśāte yudhyamānau devarājajanārdanau || 1194 ||
[Analyze grammar]

athendro garuḍaṃ bāṇairmahāśanisamasvanaiḥ || 1195 ||
[Analyze grammar]

varuṇo dharmarājastu dharmado bahubhirvṛtaḥ || 1195 ||
[Analyze grammar]

kṛṣṇaṃ ca yodhayāmāsa divyāstraiśca narādhipa || 1195 ||
[Analyze grammar]

sarve devā mahendreṇa kṛṣṇaṃ matvā tu mānuṣam || 1195 ||
[Analyze grammar]

yāvanta eva te devā dadṛśustaṃ tamantike || 1195 ||
[Analyze grammar]

vivyādha sarvagātreṣu mahāstraprabhavaistadā || 1196 ||
[Analyze grammar]

sa tānbāṇānagaṇayanvainateyaḥ pratāpavān || 1197 ||
[Analyze grammar]

sasārābhimukho vīraḥ śakranāgamariṃdamaḥ || 1198 ||
[Analyze grammar]

ubhau tau sahasā rājanbalinau gajapakṣiṇau || 1199 ||
[Analyze grammar]

prayuddhau vīryasaṃpannau mahāprāṇau durāsadau || 1200 ||
[Analyze grammar]

radanaiḥ pannagaripuṃ kareṇa śirasā tadā || 1201 ||
[Analyze grammar]

airāvato gajapatirājaghāna nadaṃstadā || 1202 ||
[Analyze grammar]

tathā nakhāṅkuśaistīkṣṇairvainateyo balotkaṭaḥ || 1203 ||
[Analyze grammar]

tathā pakṣanipātaiśca śakranāgaṃ jaghāna ha || 1204 ||
[Analyze grammar]

muhūrtaṃ sumahānāsītsaṃpāto gajapakṣiṇoḥ || 1205 ||
[Analyze grammar]

vismāpanīyo jagataḥ prekṣakāṇāṃ bhayāvahaḥ || 1206 ||
[Analyze grammar]

mūrdhnyathairāvataṃ tārkṣyastāḍayāmāsa bhārata || 1207 ||
[Analyze grammar]

nakhāṅkuśakarālena caraṇena mahābalaḥ || 1208 ||
[Analyze grammar]

sa prahārābhisaṃtapto nipapāta triviṣṭapāt || 1209 ||
[Analyze grammar]

pāriyātre giriśreṣṭhe dvīpe'smiñjanamejaya || 1210 ||
[Analyze grammar]

patantamapi taṃ śakro na mumoca mahābalaḥ || 1211 ||
[Analyze grammar]

kāruṇyādatha sauhārdātpūrvābhyupagamādapi || 1212 ||
[Analyze grammar]

kṛṣṇo'pyanvagamaccainaṃ pṛṣṭhataḥ prabhavāvyayaḥ || 1213 ||
[Analyze grammar]

pārijātavatā dhīmān garuḍena mahābalaḥ || 1214 ||
[Analyze grammar]

sa tasthau parvataśreṣṭhe pāriyātre tu vṛtrahā || 1215 ||
[Analyze grammar]

airāvate samāśvaste saṃgrāmo vavṛdhe punaḥ || 1216 ||
[Analyze grammar]

śarairāśīviṣaprakhyairastrayuktaiḥ sutejitaiḥ || 1217 ||
[Analyze grammar]

anyonyaṃ kuruśārdūla śakrakeśavayormahān || 1218 ||
[Analyze grammar]

tato vajrāyudho vajramāśaniṃ ca punaḥ punaḥ || 1219 ||
[Analyze grammar]

mumoca garuḍe rājannairāvaṇaripau nṛpa || 1220 ||
[Analyze grammar]

vajrāśaninipātāṃstān sehe śakrasya nāgahā || 1221 ||
[Analyze grammar]

avadhyo balināṃ śreṣṭho nisargeṇa tapobalāt || 1222 ||
[Analyze grammar]

mumoca pakṣamekaikaṃ mānayannaśaniṃ tadā || 1223 ||
[Analyze grammar]

vajraṃ ca devarājño'tha bhrātuḥ kaśyapasaṃbhavaḥ || 1224 ||
[Analyze grammar]

ākramyamāṇastārkṣyeṇa nyamajjannṛpate giriḥ || 1225 ||
[Analyze grammar]

viveśa dharaṇīṃ rājañchīryamāṇaḥ samantataḥ || 1226 ||
[Analyze grammar]

cukūja bahumānena kṛṣṇasya sa tu parvataḥ || 1227 ||
[Analyze grammar]

tamadrākṣīttataḥ kṛṣṇaḥ kiṃciccheṣamadhokṣajaḥ || 1228 ||
[Analyze grammar]

taṃ muktvā garuḍenātha tasthau devo vihāyasi || 1229 ||
[Analyze grammar]

pradyumnaṃ ca tadovāca sarvakṛl lokabhāvanaḥ || 1230 ||
[Analyze grammar]

ito dvāravatīṃ gatvā rathamānaya māciram || 1231 ||
[Analyze grammar]

sadārukaṃ mahābāho mattejobalamāśritaḥ || 1232 ||
[Analyze grammar]

vaktavyo balabhadraśca rājā ca kukurādhipaḥ || 1233 ||
[Analyze grammar]

śvo jitvendramāgamiṣye dvārakāmiti mānada || 1234 ||
[Analyze grammar]

tathetyuktvā tu dharmātmā pradyumnaḥ pitaraṃ vibhuḥ || 1235 ||
[Analyze grammar]

gatvā yathoktamuktvā ca yādaveśabalāv ubhau || 1236 ||
[Analyze grammar]

nāḍikāntaramātreṇa punastaṃ deśamāyayau || 1237 ||
[Analyze grammar]

dārukeṇa samāyuktaṃ rathamasthāya bhārata || 1238 ||
[Analyze grammar]

vaiśaṃpāyana uvāca tamāruhya rathaṃ kṛṣṇaḥ pāriyātraṃ giriṃ yayau || 1239 ||
[Analyze grammar]

yatrairāvatamāsthāya sthitaḥ surapatiḥ prabhuḥ || 1240 ||
[Analyze grammar]

pāriyātro giriśreṣṭho dṛṣṭvāyāntaṃ janārdanam || 1241 ||
[Analyze grammar]

śāṇapādasamo bhūtva praviveśa vasuṃdharām || 1242 ||
[Analyze grammar]

priyārthaṃ vāsudevasya prabhāvajño mahātmanaḥ || 1243 ||
[Analyze grammar]

tasya prīto hṛṣīkeśaḥ parvatasya janādhipa || 1244 ||
[Analyze grammar]

tataḥ prayāntaṃ yuddhārthamacyutaṃ kurunandana || 1245 ||
[Analyze grammar]

sapārijāto garuḍaḥ pṛṣṭhato'nuyayau balī || 1246 ||
[Analyze grammar]

pradyumnaḥ sātyakiścāpi garuḍasthau mahābalau || 1247 ||
[Analyze grammar]

gatāv ubhau rakṣaṇārthaṃ pārijātamariṃdamau || 1248 ||
[Analyze grammar]

tatastvastaṃ gataḥ sūryaḥ pravṛttā rajanī nṛpa || 1249 ||
[Analyze grammar]

upasthitaṃ punaryuddhaṃ śakrakeśavayostadā || 1250 ||
[Analyze grammar]

suprahārāhataṃ dṛṣṭvā viṣṇurairāvataṃ gajam || 1251 ||
[Analyze grammar]

nātikalyaṃ mahātejā devarājānamabravīt || 1252 ||
[Analyze grammar]

garuḍābhihataḥ pūrvaṃ nātikalyo gajottamaḥ || 1253 ||
[Analyze grammar]

airāvato mahābāho rātriśca samupohyate || 1254 ||
[Analyze grammar]

śvaḥ prabhāte punaḥ kāmaṃ pravartasva yathecchasi || 1255 ||
[Analyze grammar]

evamastviti kṛṣṇaṃ tu devarājo'bravītprabhuḥ || 1256 ||
[Analyze grammar]

uvāsa puṣkarābhyāśe devarājaḥ puraṃdaraḥ || 1257 ||
[Analyze grammar]

vrajaṃ girimayaṃ kṛtvā dharmātmā nṛpasattama || 1258 ||
[Analyze grammar]

brahmā tato jagāmātha kaśyapaśca mahānṛṣiḥ || 1259 ||
[Analyze grammar]

aditiścaiva sarve ca devā munaya eva ca || 1260 ||
[Analyze grammar]

sādhyā viśve ca kauravya nāsatyāvaśvinau tathā || 1261 ||
[Analyze grammar]

ādityāścaiva rudrāśca vasavaśca janeśvara || 1262 ||
[Analyze grammar]

nārāyaṇaśca putreṇa sātyakena ca bhārata || 1263 ||
[Analyze grammar]

sahovāsa girau ramye pāriyātre prahṛṣṭavat || 1264 ||
[Analyze grammar]

yaḥ sa śāṇapramāṇo'sya bhaktyā samabhavannṛpa || 1265 ||
[Analyze grammar]

varaṃ prādāttatastasya parvatasya mahādyutiḥ || 1266 ||
[Analyze grammar]

śāṇapāda iti khyāto bhaviṣyasi mahāgire || 1267 ||
[Analyze grammar]

puṇyenārdhena tulyo hi puṇyo himavataḥ śubhaḥ || 1268 ||
[Analyze grammar]

evameva ca bhūyiṣṭho bhava parvatasattama || 1269 ||
[Analyze grammar]

meruṇā spardhamāno hi bahucitramṛgāyutaḥ || 1270 ||
[Analyze grammar]

rame tvaṃ paśyamāno'haṃ bahucitramṛgāyutam || 1270 ||
[Analyze grammar]

tathā dattvā varaṃ tasya parvatasya tu keśavaḥ || 1271 ||
[Analyze grammar]

dadhyau gaṅgāṃ saricchreṣṭhāṃ namaskṛtya vṛṣadhvajam || 1272 ||
[Analyze grammar]

athāyayau viṣṇupadī smṛtā kṛṣṇena bhārata || 1273 ||
[Analyze grammar]

saṃpūjya tāṃ tataḥ kṛṣṇaḥ snātvā snānamadhokṣajaḥ || 1274 ||
[Analyze grammar]

udakaṃ ca grahāyātha bilvaṃ ca hariravyayaḥ || 1275 ||
[Analyze grammar]

devamāvāhayāmāsa rudraṃ sarvasureśvaram || 1276 ||
[Analyze grammar]

tataḥ prāpto mahādevaḥ somaḥ sapravaro vibhuḥ || 1277 ||
[Analyze grammar]

tasthāv upari bilvasya tathā gaṅgodakasya ca || 1278 ||
[Analyze grammar]

taṃ pārijātakusumairarcayāmāsa keśavaḥ || 1279 ||
[Analyze grammar]

tuṣṭāva vāgbhirīśeśaṃ sarvakartāramīśvaram || 1280 ||
[Analyze grammar]

rudro devastvaṃ rudanād rāvaṇācca || 1281 ||
[Analyze grammar]

rorūyamāṇo drāvaṇāccādidevaḥ || 1282 ||
[Analyze grammar]

bhaktaṃ bhaktānāṃ vatsalaṃ vatsalānāṃ || 1283 ||
[Analyze grammar]

kīrtyā yuṅkṣveśādya prabhavāmyantareṇa || 1284 ||
[Analyze grammar]

grāmyāraṇyānāṃ tvaṃ patistvaṃ paśūnāṃ || 1285 ||
[Analyze grammar]

khyāto devaḥ paśupatiḥ sarvakarmā || 1286 ||
[Analyze grammar]

nānyastvattaḥ paramo devadeva || 1287 ||
[Analyze grammar]

jagatpatiḥ suravīrārihantā || 1288 ||
[Analyze grammar]

yasmādīśo mahatāmīśvarāṇāṃ || 1289 ||
[Analyze grammar]

bhavānādyaḥ prītidaḥ prāṇadaśca || 1290 ||
[Analyze grammar]

tasmāddhi tvāmīśvaraṃ prāhurīśaṃ || 1291 ||
[Analyze grammar]

santo vidvāṃsaḥ sarvaśāstrārthatajjñāḥ || 1292 ||
[Analyze grammar]

bhūtaṃ yasmājjagadatyantadhīra || 1293 ||
[Analyze grammar]

tvatto'vyaktādakṣarādakṣareśa || 1294 ||
[Analyze grammar]

tasmāttvāmāhurbhava ityeva bhūtaṃ || 1295 ||
[Analyze grammar]

sarveśvarāṇāṃ mahatāmatyudāram || 1296 ||
[Analyze grammar]

yāsmājjitairabhiṣikto'si sarvair || 1297 ||
[Analyze grammar]

devāsuraiḥ sarvabhūtaiśca deva || 1298 ||
[Analyze grammar]

maheśvaraṃ viśvakarmāṇamāhus || 1299 ||
[Analyze grammar]

tvāṃ vai sarve tena devādhideva || 1300 ||
[Analyze grammar]

pūjyo devaiḥ pūjyase nityadā vai || 1301 ||
[Analyze grammar]

śaśvacchreyaḥkāṅkṣibhirvaradāmeyavīrya || 1302 ||
[Analyze grammar]

tasmādvikhyāto bhagavāndevadevaḥ || 1303 ||
[Analyze grammar]

satāmiṣṭaḥ sarvabhūtātmabhāvī || 1304 ||
[Analyze grammar]

bhūmistrayāṇāṃ deva yasmātpratiṣṭhā || 1305 ||
[Analyze grammar]

mune lokānāṃ bhāvano'meyakīrtiḥ || 1306 ||
[Analyze grammar]

tryambaketi prathamaṃ tena nāma || 1307 ||
[Analyze grammar]

tavāprameyeti tridaśeśanātha || 1308 ||
[Analyze grammar]

śarvaḥ śatrūṇāṃ śāsanādaprameyas || 1309 ||
[Analyze grammar]

tathā bhūyaḥ śāsanācceśvareśa || 1310 ||
[Analyze grammar]

sarvavyāpitvācchaṃkaratvācca sadbhiḥ || 1311 ||
[Analyze grammar]

śabdasyeśānaḥ śrīkarārkāgryatejāḥ || 1312 ||
[Analyze grammar]

saṃsaktānāṃ nityadā yatkaroṣi || 1313 ||
[Analyze grammar]

śamaṃ bhrātṛvyānyadvyanaiṣīḥ samastān || 1314 ||
[Analyze grammar]

tasmāddevaḥ śaṃkaro'syaprameyaḥ || 1315 ||
[Analyze grammar]

sadbhirdharmajñaiḥ kathyase sarvanātha || 1316 ||
[Analyze grammar]

dattaḥ prahāraḥ kuliśena pūrvaṃ || 1317 ||
[Analyze grammar]

taveśāna surarājñātivīrya || 1318 ||
[Analyze grammar]

kaṇṭhe nailyaṃ tena te yatpravṛttaṃ || 1319 ||
[Analyze grammar]

tasmātkhyātastvaṃ nīlakaṇṭheti kalyaḥ || 1320 ||
[Analyze grammar]

yal liṅgāṅkaṃ yacca loke bhagāṅkaṃ || 1321 ||
[Analyze grammar]

sarvaṃ soma tvaṃ sthāvaraṃ jaṅgamaṃ ca || 1322 ||
[Analyze grammar]

prāhurviprāstvāṃ guṇinaṃ tattvavijñās || 1323 ||
[Analyze grammar]

tathā dhyeyāmambikāṃ bhūtadhātrīm || 1324 ||
[Analyze grammar]

vedairgītā sā hi tattvaṃ prasūtā || 1325 ||
[Analyze grammar]

yajño dīkṣāṇāṃ yogināṃ cātirūpaḥ || 1326 ||
[Analyze grammar]

nātyadbhutaṃ tvatsamaṃ deva bhūtaṃ || 1327 ||
[Analyze grammar]

bhūtaṃ bhavyaṃ bhava devātha nāsti || 1328 ||
[Analyze grammar]

ahaṃ brahmā kapilo'thāpyanantaḥ || 1329 ||
[Analyze grammar]

putrāḥ sarve brahmaṇaścātivīrāḥ || 1330 ||
[Analyze grammar]

tvattaḥ sarve devadeva prasūtā || 1331 ||
[Analyze grammar]

evaṃ sarveśaḥ kāraṇātmā tvamīḍyaḥ || 1332 ||
[Analyze grammar]

iti saṃstūyamānastu bhagavān govṛṣadhvajaḥ || 1333 ||
[Analyze grammar]

prasārya dakṣiṇaṃ hastaṃ nārāyaṇamathābravīt || 1334 ||
[Analyze grammar]

manīṣitānāmarhānāṃ prāptiste'stu surottama || 1335 ||
[Analyze grammar]

pārijātaṃ ca hartāsi mā bhūtte manasā vyathā || 1336 ||
[Analyze grammar]

yathā mainākamāśritya tapastvamakaroḥ prabho || 1337 ||
[Analyze grammar]

tathā mama varaṃ kṛṣṇa saṃsmṛtya sthairyamāpnuhi || 1338 ||
[Analyze grammar]

nītvodakena divyena snāpayiṣyasi keśava || 1338 ||
[Analyze grammar]

avadhyastvamajeyaśca mattaḥ śūratarastathā || 1339 ||
[Analyze grammar]

bhavitāsītyavocaṃ yattattathā na tadanyathā || 1340 ||
[Analyze grammar]

yaśca stavena māṃ bhaktyā stoṣyate'marasattama || 1341 ||
[Analyze grammar]

tvayā kṛtena dharmajña dharmabhāksa bhaviṣyati || 1342 ||
[Analyze grammar]

samare ca jayaṃ viṣṇo prāpya pūjāṃ tathottamām || 1343 ||
[Analyze grammar]

bilvodakeśvaro nāma bhavitāhamihānagha || 1344 ||
[Analyze grammar]

deśe tvayā sthāpito vai devasiddhopayācanaḥ || 1345 ||
[Analyze grammar]

ihasthopoṣito vidvānbhaktimānmama keśava || 1346 ||
[Analyze grammar]

trirātramīpsitāṃl lokān gamiṣyati janārdana || 1347 ||
[Analyze grammar]

avandhyā nāma deśe'smin gaṅgā caiva bhaviṣyati || 1348 ||
[Analyze grammar]

gaṅgāsnānasamaṃ snānaṃ mantrato bhavitā tathā || 1349 ||
[Analyze grammar]

ṣaṭpuraṃ nāma nagaraṃ dānavānāṃ janārdana || 1350 ||
[Analyze grammar]

atrāntardharaṇīdeśe taccākramya mahābalāḥ || 1351 ||
[Analyze grammar]

ete daityā durātmāno jagato devakaṇṭakāḥ || 1352 ||
[Analyze grammar]

channā vasanti govinda sānāvasya mahāgireḥ || 1353 ||
[Analyze grammar]

avadhyā devadevānāṃ vareṇa brahmaṇo'nagha || 1354 ||
[Analyze grammar]

mānuṣāntaritastasmāttvametāñjahi keśava || 1355 ||
[Analyze grammar]

evamuktvā mahādevastatraivāntaradhīyata || 1356 ||
[Analyze grammar]

pariṣvajya mahātmānaṃ vāsudevaṃ janādhipa || 1357 ||
[Analyze grammar]

tato yāte mahādeve prabhātāyāṃ narādhipa || 1358 ||
[Analyze grammar]

tasyāṃ niśāyāṃ govindo bhūyaḥ parvatamabravīt || 1359 ||
[Analyze grammar]

tavādhaḥ parvataśreṣṭha nivasanti mahāsurāḥ || 1360 ||
[Analyze grammar]

avadhyā devadevānāṃ vareṇa brahmaṇaḥ purā || 1360 ||
[Analyze grammar]

tvayā ruddho hi tanmārgo jagato hitakāmyayā || 1361 ||
[Analyze grammar]

nirgamiṣyanti te naiva mayā ruddhā mahābalāḥ || 1362 ||
[Analyze grammar]

dvāre niruddhe tatraiva vinaṅkṣyanti mamājñayā || 1363 ||
[Analyze grammar]

tvayi saṃnihitaścāhaṃ bhaviṣyāmi mahāgire || 1364 ||
[Analyze grammar]

adhiṣṭhāya mahāghorānnivatsyāmi ca parvata || 1365 ||
[Analyze grammar]

āruhya mūrdhni madrūpaṃ dṛṣṭvā parvatasattama || 1366 ||
[Analyze grammar]

gosahasrapradānasya phalaṃ prāpsyanti śāśvatam || 1367 ||
[Analyze grammar]

tvatto'śmabhiśca pratimāṃ kārayitveha bhaktitaḥ || 1368 ||
[Analyze grammar]

śuśrūṣiṣyanti ye nityaṃ mama yāsyanti te gatim || 1369 ||
[Analyze grammar]

iti taṃ parvataṃ kṛṣṇo varado'nugṛhītavān || 1370 ||
[Analyze grammar]

tadāprabhṛti deveśastatra saṃnihito'cyutaḥ || 1371 ||
[Analyze grammar]

pāṣāṇaiḥ pratimāṃ tatra kārayitvā ca kaurava || 1372 ||
[Analyze grammar]

śuśrūṣanti kṛtātmāno viṣṇulokābhikāṅkṣiṇaḥ || 1373 ||
[Analyze grammar]

vaiśaṃpāyana uvāca tatho rathavaraṃ kṛṣṇaḥ āruhya mahātmanāḥ || 1374 ||
[Analyze grammar]

bilvodakeśvaraṃ devaṃ namaskṛtya yayau nṛpa || 1375 ||
[Analyze grammar]

mahendramāhvayāmāsa rathastho madhusūdanaḥ || 1376 ||
[Analyze grammar]

satkṛtaṃ puṣkarābhyāśe sarvairdevagaṇaiḥ saha || 1377 ||
[Analyze grammar]

tataḥ śakro jayanto'tha haribhiryuktamuttamam || 1378 ||
[Analyze grammar]

āruroha rathaṃ devaḥ sarvakāmapradaḥ satām || 1379 ||
[Analyze grammar]

tayo rathasthayoryuddhamabhavatkurunandana || 1380 ||
[Analyze grammar]

devayordaivayogena pārijātakṛte tadā || 1381 ||
[Analyze grammar]

tato'hanad raṇe viṣṇurbāṇaiḥ śatrubalārdanaḥ || 1382 ||
[Analyze grammar]

sainyāni devarājasya bāṇajālairajihmagaiḥ || 1383 ||
[Analyze grammar]

upendraṃ na mahendro'tha naiva viṣṇuḥ sureśvaram || 1384 ||
[Analyze grammar]

tāḍayāmāsaturvīrau śastraiḥ śaktāv ubhau prabho || 1385 ||
[Analyze grammar]

ekaikamaśvaṃ daśabhirmahendrasya janārdanaḥ || 1386 ||
[Analyze grammar]

vivyādha bāṇairniśitairastrayuktairjaneśvara || 1387 ||
[Analyze grammar]

sainyānyapi ca devendraḥ śarairamarasattamaḥ || 1388 ||
[Analyze grammar]

sainyaṃ ca hyardayāmāsa śarairyādavasattamaḥ || 1388 ||
[Analyze grammar]

chādayāmāsa rājendra ghorairastrābhimantritaiḥ || 1389 ||
[Analyze grammar]

sa ca bāṇasahasraiśca kṛṣṇo gajamavākirat || 1390 ||
[Analyze grammar]

garuḍaṃ ca mahātejā balabhiddharivāhanaḥ || 1391 ||
[Analyze grammar]

bhūmiṣṭhābhyāṃ rathābhyāṃ tau tadahaḥ śatrudāraṇau || 1392 ||
[Analyze grammar]

yuyudhāte mahātmānau nārāyaṇasurādhipau || 1393 ||
[Analyze grammar]

cakampa vasudhā kṛtsnā naurjalastheva bhārata || 1394 ||
[Analyze grammar]

diśāṃ dāhena digdeśāḥ saṃvṛtāśca samantataḥ || 1395 ||
[Analyze grammar]

celurgirivarāścaiva petuśca śataśo drumāḥ || 1396 ||
[Analyze grammar]

petuśca dharaṇīpṛṣṭhe martyā dharmaguṇānvitāḥ || 1397 ||
[Analyze grammar]

nirghātāḥ śataśaścānye petustatra narādhipa || 1398 ||
[Analyze grammar]

ūhuśca saritaḥ sarvāḥ pratisroto viśāṃ pate || 1399 ||
[Analyze grammar]

viṣvagvātā vavuścaiva peturulkāśca niṣprabhāḥ || 1400 ||
[Analyze grammar]

muhurmuhurbhūtasaṃghā rathanādena mohitāḥ || 1401 ||
[Analyze grammar]

prajajvāla jale caiva vahnirjanapadeśvara || 1402 ||
[Analyze grammar]

yuyudhuśca grahaiḥ sārdhaṃ grahā nabhasi sarvataḥ || 1403 ||
[Analyze grammar]

jyotīṃṣi śataśaḥ petuḥ svargācca dharaṇītale || 1404 ||
[Analyze grammar]

diśāṃ gajāḥ prakupitā nāgāśca dharaṇītale || 1405 ||
[Analyze grammar]

gardabhāruṇasaṃsthānaiśchannābhraiścāvṛtaṃ nabhaḥ || 1406 ||
[Analyze grammar]

vinadadbhirmahārāvairulkāśoṇitavarṣibhiḥ || 1407 ||
[Analyze grammar]

na bhūrna dyaurna gaganaṃ narendravṛṣabhābhavan || 1408 ||
[Analyze grammar]

svasthāni suravīrau tau dṛṣṭvā yuddhagatau tadā || 1409 ||
[Analyze grammar]

jepurmunigaṇā mantrāñjagato hitakāmyayā || 1410 ||
[Analyze grammar]

brāhmaṇāśca mahātmāno vyatiṣṭhaṃsteṣu satvarāḥ || 1411 ||
[Analyze grammar]

tato brahmā mahātejāḥ kaśyapaṃ vākyamabravīt || 1412 ||
[Analyze grammar]

gaccha vadhvā sahādityā putrau vāraya suvrata || 1413 ||
[Analyze grammar]

sa tatheti tadā devamuktvā padmanabhaṃ muniḥ || 1414 ||
[Analyze grammar]

jagāma rathamāsthāya tasthau naravarāntike || 1415 ||
[Analyze grammar]

sthitaṃ tu kaśyapaṃ drṣṭvā sahādityā tadāntarā || 1416 ||
[Analyze grammar]

ubhau rathābhyāṃ dharaṇīmavatīrṇau mahābalau || 1417 ||
[Analyze grammar]

nyastaśastrau ca tau vīrau vavandaturariṃdamau || 1418 ||
[Analyze grammar]

pitarau dharmatattvajñau sarvabhūtahite ratau || 1419 ||
[Analyze grammar]

ubhau grahāya hastābhyāmaditistvabravīdvacaḥ || 1420 ||
[Analyze grammar]

asodarāvivaivaṃ kimanyonyaṃ hantumicchatha || 1421 ||
[Analyze grammar]

svalpamarthaṃ puraskṛtya pravṛttamatidāruṇam || 1422 ||
[Analyze grammar]

sadṛśaṃ neti paśyāmi sarvathā mama putrayoḥ || 1423 ||
[Analyze grammar]

śrotavyaṃ yadi mātuśca pituścaiva prajāpateḥ || 1424 ||
[Analyze grammar]

nyastaśastrau sthitau bhūtvā kurutaṃ vacanaṃ mama || 1425 ||
[Analyze grammar]

tathetyuktvā ca tau devau snātukāmau mahābalau || 1426 ||
[Analyze grammar]

gaṅgāṃ jagmaturevātha prajalpantau parasparam || 1427 ||
[Analyze grammar]

śakra uvāca tvaṃ prabhurlokakṛtkṛṣṇa rājye'haṃ sthāpitastvayā || 1428 ||
[Analyze grammar]

sthāpayitvā kathaṃ nāma punarmāmavamanyase || 1429 ||
[Analyze grammar]

bhrātṛtvamupagamyaivaṃ jyeṣṭhatvaṃ pratipūjya ca || 1430 ||
[Analyze grammar]

kathaṃ kamalapatrākṣa nirvāṇaṃ kartumarhasi || 1431 ||
[Analyze grammar]

snātau tu jāhnavītoye punarabhāgatau nṛpa || 1432 ||
[Analyze grammar]

yatrāditiḥ kaśyapaśca mahātmānau dṛḍhavratau || 1433 ||
[Analyze grammar]

priyasaṃgamanaṃ nāma taṃ deśaṃ munayo'vadan || 1434 ||
[Analyze grammar]

yatra tau saṃgatau cobhau pitṛbhyāṃ kamalekṣaṇau || 1435 ||
[Analyze grammar]

tataḥ śakrasya kauravya prāptā vāsājiraṃ tadā || 1436 ||
[Analyze grammar]

yatra devagaṇāḥ sarve sametā dharmacāriṇaḥ || 1437 ||
[Analyze grammar]

tato yayurvimānair tu devāḥ sarve triviṣṭapam || 1438 ||
[Analyze grammar]

ṛddhyā paramayā yuktāsteṣāmevānurūpayā || 1439 ||
[Analyze grammar]

kaśyapaścāditiścaiva tathā śakrajanārdanau || 1440 ||
[Analyze grammar]

vimānamekamāruhya gatā rājaṃstriviṣṭapam || 1441 ||
[Analyze grammar]

te śakrasadanaṃ prāptā ramyaṃ sarvaguṇānvitam || 1442 ||
[Analyze grammar]

ūṣurekatra kauravya muditā dharmacāriṇaḥ || 1443 ||
[Analyze grammar]

śacī tu kaśyapaṃ patnyā sahitaṃ dharmavatsalā || 1444 ||
[Analyze grammar]

upācaranmahātmānaṃ sarvabhūtahite ratā || 1445 ||
[Analyze grammar]

tatastasyāṃ prabhātāyāṃ rajanyāmabravīddharim || 1446 ||
[Analyze grammar]

aditirdharmatattvajñā sarvabhūtahitaṃkaram || 1447 ||
[Analyze grammar]

upendra dvārakaṃ gaccha pārijātaṃ nayasva ca || 1448 ||
[Analyze grammar]

vadhvā saṃprāpayasvemaṃ puṇyakaṃ hṛdayepsitam || 1449 ||
[Analyze grammar]

puṇyake satyayā prāpte punareṣa tvayā taruḥ || 1450 ||
[Analyze grammar]

nandane puruṣaśreṣṭha sthāpyaḥ sthāne yathocite || 1451 ||
[Analyze grammar]

evamastviti kṛṣṇena devamātā yaśasvinī || 1452 ||
[Analyze grammar]

uktā dharmaguṇairyuktā yādavena mahātmanā || 1453 ||
[Analyze grammar]

tato'bhivādya pitaraṃ mātaraṃ ca janārdanaḥ || 1454 ||
[Analyze grammar]

mahendraṃ saha śacyā ca pratasthe dvārakāṃ prati || 1455 ||
[Analyze grammar]

dadau kṛṣṇāya paulomī niyogātkurunandana || 1456 ||
[Analyze grammar]

sarvāsāmeva kṛṣṇasya bhāryāṇāṃ dharmacāriṇī || 1457 ||
[Analyze grammar]

divyānāṃ sarvaratnānāṃ vāsasāṃ ca manasvinī || 1458 ||
[Analyze grammar]

nānārāgaviraktānāṃ sadaivārajasāmapi || 1459 ||
[Analyze grammar]

bhāryāṇāṃ ca sahasrāṇi yāni ṣodaśa mādhave || 1460 ||
[Analyze grammar]

tāni saṃbhāvayethāstvaṃ vastrairābharaṇaistathā || 1460 ||
[Analyze grammar]

pratigṛhya mahātejāḥ prayayau dvārakāṃ prati || 1461 ||
[Analyze grammar]

saṃpūjayamāno dyutimān khecaraiḥ puṇyakarmabhiḥ || 1462 ||
[Analyze grammar]

sasātyakiḥ saputraśca prāpto raivatakaṃ girim || 1463 ||
[Analyze grammar]

sa tatra sthāpayitvā ca pārijātaṃ varadrumam || 1464 ||
[Analyze grammar]

sātyakiṃ preṣayāmāsa dvārakāṃ dvāramālimīm || 1465 ||
[Analyze grammar]

kṛṣṇa uvāca pārijātamihānītaṃ mahendrasadanānmayā || 1466 ||
[Analyze grammar]

nivedaya mahābāho bhaimānāṃ bhaimavardhana || 1467 ||
[Analyze grammar]

adya dvāravatīṃ caiva pārijātaṃ mahādrumam || 1468 ||
[Analyze grammar]

praveśayiṣye nagare śobhā prakriyatāṃ śubhā || 1469 ||
[Analyze grammar]

ityuktaḥ satyako gatvā tathoktvā punarāgataḥ || 1470 ||
[Analyze grammar]

kumārairnāgaraiḥ sārdhaṃ sāmbaprabhṛtibhiḥ prabho || 1471 ||
[Analyze grammar]

tato'grataḥ pārijātamāropya garuḍe tadā || 1472 ||
[Analyze grammar]

pradyumno dvārakāṃ ramyāṃ viveśa rathināṃ varaḥ || 1473 ||
[Analyze grammar]

śaibyādihayayuktena rathenānuyayau hariḥ || 1474 ||
[Analyze grammar]

tasyānu rathamukhyena satyakaḥ sāmba eva ca || 1475 ||
[Analyze grammar]

ye tvanye nṛpa vārṣṇeyā yānairbahuvidhaistathā || 1476 ||
[Analyze grammar]

yayuḥ prahṛṣṭāstatkarma pūjayanto mahātmanaḥ || 1477 ||
[Analyze grammar]

satyakādvistaraṃ śrutvā yādavā nāgarāstathā || 1478 ||
[Analyze grammar]

vismayaṃ paramaṃ jagmuraprameyasya karmaṇaḥ || 1479 ||
[Analyze grammar]

taṃ divyakusumaṃ vṛkṣaṃ dṛṣṭvānartanivāsinaḥ || 1480 ||
[Analyze grammar]

rājanna tatṛpurhṛṣṭāḥ paśyamānā mahodayam || 1481 ||
[Analyze grammar]

tamadbhutamacintyaṃ ca madakelikilāṇḍajam || 1482 ||
[Analyze grammar]

vṛkṣottamaṃ paśyatāṃ vai vṛddhānāmagamajjarā || 1483 ||
[Analyze grammar]

ye tvandhacakṣuṣaḥ sarve te'bhavandivyacakṣuṣaḥ || 1484 ||
[Analyze grammar]

virogā rogiṇaścāsan ghrātvā gandhaṃ vanaspateḥ || 1485 ||
[Analyze grammar]

lapantaḥ kokilāḥ śvetāḥ śrutvānartanivāsinaḥ || 1486 ||
[Analyze grammar]

babhūvurhṛṣṭamanaso vavanduśca janārdanam || 1487 ||
[Analyze grammar]

nānāvidhāni tūryāṇi geyāni madhurāṇi ca || 1488 ||
[Analyze grammar]

śuśruvustasya vṛkṣasya nātidūragatā narāḥ || 1489 ||
[Analyze grammar]

yo yaṃ saṃkalpayāmāsa gandhaṃ hṛdyaṃ narastadā || 1490 ||
[Analyze grammar]

sa tadaiva tamājaghre pārijātasamudbhavam || 1491 ||
[Analyze grammar]

tataḥ praviśya ramyāṃ tu dvārakāṃ yadunandanaḥ || 1492 ||
[Analyze grammar]

vasudevaṃ mahātmānaṃ dadṛśe devakīṃ tathā || 1493 ||
[Analyze grammar]

kukurādhipatiṃ caiva balaṃ bhrātarameva ca || 1494 ||
[Analyze grammar]

vṛddhāṃśca yādavānāṃ ye mānārhānamaropamān || 1495 ||
[Analyze grammar]

visarjya tānvai bhagavānanādinidhano'cyutaḥ || 1496 ||
[Analyze grammar]

saṃpūjya ca yathānyāyaṃ svameva bhavanaṃ gataḥ || 1497 ||
[Analyze grammar]

sa satyabhāmayā vāsaṃ viveśa madhusūdanaḥ || 1498 ||
[Analyze grammar]

pārijātaṃ taruśreṣṭḥaṃ grahāya gadapūrvajaḥ || 1499 ||
[Analyze grammar]

sā devī pūjayāmāsa prahṛṣṭā vāsavānujam || 1500 ||
[Analyze grammar]

pratijagrāha taṃ cāpi pārijātaṃ mahādrumam || 1501 ||
[Analyze grammar]

manīṣitena sa taruralpo bhavati bhārata || 1502 ||
[Analyze grammar]

mahāṃśca vāsudevasya tadadbhutamivābhavat || 1503 ||
[Analyze grammar]

kadāciddvārakāṃ sarvāṃ pracchādayati bhārata || 1504 ||
[Analyze grammar]

kadāciddhastadhāryastu bhavatyaṅguṣṭhasaṃnibhaḥ || 1505 ||
[Analyze grammar]

nananda satyā kauravya devī prāpya manoratham || 1506 ||
[Analyze grammar]

puṇyakārthaṃ tu saṃbhārān saṃbhartumupacakrame || 1507 ||
[Analyze grammar]

yāni dravyāṇi kauravya jambudvīpe tu kānicit || 1508 ||
[Analyze grammar]

yogyāni tāni kṛṣṇena saṃhṛtāni mahātmanā || 1509 ||
[Analyze grammar]

muniṃ tadā saṃsmṛtavān sa nāradaṃ || 1510 ||
[Analyze grammar]

janārdanaḥ sarvaguṇānvitaṃ vaśī || 1511 ||
[Analyze grammar]

pratigrahārthaṃ vratakasya satyayā || 1512 ||
[Analyze grammar]

yathopadiṣṭasya puraṃdarānujaḥ || 1513 ||
[Analyze grammar]

vaiśaṃpāyana uvāca atha kṛṣṇasya kauravya dhyātamātrastapodhanaḥ || 1514 ||
[Analyze grammar]

ājagāma muniśreṣṭho nārado vadatāṃ varaḥ || 1515 ||
[Analyze grammar]

taṃ pūjayitvā vidhivadvāsudevo viśāṃ pate || 1516 ||
[Analyze grammar]

pratigrahārthaṃ vidhivacchrīmānabhinyamantrayat || 1517 ||
[Analyze grammar]

tataḥ kāle ca saṃprāpte snātaṃ devo mahāmunim || 1518 ||
[Analyze grammar]

saṃpūjya mālyairgandhaiśca bhojayāmāsa bhārata || 1519 ||
[Analyze grammar]

sārvakāmikamannādyaṃ sarvabhūtakṛdavyayaḥ || 1520 ||
[Analyze grammar]

satyayā priyayā sārdhaṃ prahṛṣṭenāntarātmanā || 1521 ||
[Analyze grammar]

puṣpadāmāvasajyātha kaṇṭhe kṛṣṇasya bhāvanī || 1522 ||
[Analyze grammar]

babandha kṛṣṇaṃ subhagā pārijāte vanaspatau || 1523 ||
[Analyze grammar]

adbhirdadau nāradāya tato'nujñāpya keśavam || 1524 ||
[Analyze grammar]

devī dhenusahasraṃ ca kāñcanasya ca parvatam || 1525 ||
[Analyze grammar]

hiraṇyarūpyamiśrasya maṇiratnaprabhasya ca || 1526 ||
[Analyze grammar]

tilamiśrasya ca tathā dhānyairanyairyutasya ca || 1527 ||
[Analyze grammar]

pratigṛhya tu tatsarvaṃ nārado munisattamaḥ || 1528 ||
[Analyze grammar]

prahṛṣṭo vadatāṃ śreṣṭho bhuktvā keśavamabravīt || 1529 ||
[Analyze grammar]

bhoḥ keśava madīyastvamadbhirdatto'si satyayā || 1530 ||
[Analyze grammar]

sa tvaṃ māmanugacchasva kuru yad yadbravīmyaham || 1531 ||
[Analyze grammar]

prathamaḥ kalpaḥ ityevamabravīnmadhusūdanaḥ || 1532 ||
[Analyze grammar]

vrajantamanuvavrāja nāradaṃ ca janārdanaḥ || 1533 ||
[Analyze grammar]

parihāsaṃ bahuvidhaṃ kṛtvā munivarastadā || 1534 ||
[Analyze grammar]

tiṣṭhasva gacchāmītyuktvā parihāsavicakṣaṇaḥ || 1535 ||
[Analyze grammar]

apanīya tataḥ kaṇṭhātpuṣpadāmainamabravīt || 1536 ||
[Analyze grammar]

kapilāṃ gāṃ savatsāṃ bho niṣkrayārthaṃ prayaccha me || 1537 ||
[Analyze grammar]

kṛṣṇājinaṃ tilaiḥ pūrṇaṃ prayaccha ca sakāñcanam || 1538 ||
[Analyze grammar]

eṣo'tra niṣkrayaḥ kṛṣṇa vihito vṛṣaketunā || 1539 ||
[Analyze grammar]

tathetyuktvā hṛṣīkeśastathā cakre janādhipa || 1540 ||
[Analyze grammar]

sa uvāca muniśreṣṭhaṃ rahite madhusūdanaḥ || 1541 ||
[Analyze grammar]

varaṃ varaya dharmajña yaste nārada kāṅkṣitaḥ || 1542 ||
[Analyze grammar]

taṃ te dātāsmi dharmajña parā prītirhi me tvayi || 1543 ||
[Analyze grammar]

nārada uvāca nityamevāstu me prīto bhavānviṣṇo sanātana || 1544 ||
[Analyze grammar]

tvatprabhāvācca sālokyaṃ vrajeyaṃ te mahāmate || 1545 ||
[Analyze grammar]

ayonijo bhaveyaṃ ca nārāyaṇa satāṃ gate || 1546 ||
[Analyze grammar]

bhaveyaṃ brāhmaṇaścaiva punarjātyantareṣvaham || 1547 ||
[Analyze grammar]

evamastviti taṃ devo viṣṇuḥ provāca bhārata || 1548 ||
[Analyze grammar]

tutoṣa ca tato dhīmānnārado munisattamaḥ || 1549 ||
[Analyze grammar]

ṣoḍaśa strīsahasrāṇi viṣṇoratulatejasaḥ || 1550 ||
[Analyze grammar]

nimantritāni kauravya satyayā harikanyayā || 1551 ||
[Analyze grammar]

tāsāṃ dadau saṃniyogamekaikaṃ harivallabhā || 1552 ||
[Analyze grammar]

śacyā yo vāsudevasya purā datto narādhipa || 1553 ||
[Analyze grammar]

pārijāto vasaṃstatra tataḥ pravavṛdhe tadā || 1554 ||
[Analyze grammar]

ājñayā vāsudevasya nāradena mahātmanaḥ || 1555 ||
[Analyze grammar]

nimantritā gaṇāḥ sarve keśavena mahātmanā || 1556 ||
[Analyze grammar]

vibhūtiṃ pārijātasya dadṛśuḥ kurunandana || 1557 ||
[Analyze grammar]

pāṇḍavāṃścānayāmāsa sahaiva pṛthayā hariḥ || 1558 ||
[Analyze grammar]

draupadyā ca mahātejāstathaiva ca subhadrayā || 1559 ||
[Analyze grammar]

śrutaśravāṃ ca sasutāṃ bhīṣmakaṃ sasutaṃ tathā || 1560 ||
[Analyze grammar]

anyānapi ca kauravya mitrasaṃbandhibāndhavān || 1561 ||
[Analyze grammar]

reme ca saha pārthena phālgunena janārdanaḥ || 1562 ||
[Analyze grammar]

sāntaḥpuro mahātejāḥ paramarddhyāvasannṛpa || 1563 ||
[Analyze grammar]

saṃvatsare tato yāte keśihāmarasaṃnibhaḥ || 1564 ||
[Analyze grammar]

pārijātaṃ punaḥ svargamanayatsarvabhāvanaḥ || 1565 ||
[Analyze grammar]

tatrāditiṃ kaśyapaṃ ca dṛṣṭvā svapitarau prabhuḥ || 1566 ||
[Analyze grammar]

śakreṇa sahito dhīmānaprameyaparākramaḥ || 1567 ||
[Analyze grammar]

tamuvācāditirmātā praṇataṃ madhusūdanam || 1568 ||
[Analyze grammar]

saubhrātramastu vāmevaṃ nityaṃ cāmarasattama || 1569 ||
[Analyze grammar]

manorathaṃ mamaitaṃ tvaṃ pūrayasva janārdana || 1570 ||
[Analyze grammar]

tathetyevābravītkṛṣṇastato mātaramātmavān || 1571 ||
[Analyze grammar]

āmantrayitvā pitarau devarājānamabravīt || 1572 ||
[Analyze grammar]

vāsudevo mahātejāḥ kālaprāptamidaṃ vacaḥ || 1573 ||
[Analyze grammar]

mahādevena deveśa saṃdiṣṭo'smi mahātmanā || 1574 ||
[Analyze grammar]

antarbhūmitale vadhyānasurānprati mānada || 1575 ||
[Analyze grammar]

tadito daśarātreṇa hantāhamasurottamān || 1576 ||
[Analyze grammar]

tatropariṣṭātsthātavyaṃ pravaṇena mahātmanā || 1577 ||
[Analyze grammar]

jayantena ca vīreṇa dānavānāṃ jighāsayā || 1578 ||
[Analyze grammar]

eko'tra mānuṣo devo devaputrastathāparaḥ || 1579 ||
[Analyze grammar]

avadhyāḥ kila te devairbrahmaṇo varadarpitāḥ || 1580 ||
[Analyze grammar]

asmābhiḥ kila hantavyā mānuṣatvamupāgataiḥ || 1581 ||
[Analyze grammar]

tatheti kṛṣṇaṃ sa hariḥ prītarūpastadābravīt || 1582 ||
[Analyze grammar]

sasvajāte'tha tau devāvanyonyaṃ janamejaya || 1583 ||
[Analyze grammar]

dadau kirīṭaṃ kṛṣṇāya śakro'mṛtasamudbhavam || 1584 ||
[Analyze grammar]

prītātmā kuruśārdūla kuṇḍaladvayameva ca || 1585 ||
[Analyze grammar]