Chapter 88 - śvacakrādhyāyaḥ [śvacakra-adhyāya]

[English text for this chapter is available]

nṛturagakarikumbhaparyāṇasakṣīravṛkṣeṣṭakāsañcayacchatraśayyāsanolūkhalāni dhvajaṃ cāmaraṃ śādvalaṃ puṣpitaṃ vā pradeśaṃ yadā śvāvamūtryāgrato yāti yātustadā kāryasiddhirbhavedārdrake gomaye miṣṭabhojyāgamaḥ śuṣkasammūtraṇe śuṣkamannaṃ guḍo modakāvāptirevātha vā |
atha viṣatarukaṇṭhakīkāṣṭhapāṣāṇaśuṣkadrumāsthiśmaśānāni mūtryāvahatyātha vā yāyino'gresaro'niṣṭamākhyāti śayyākulālādi bhāṇḍānyabhuktānyabhinnāni vā mūtrayan kanyakādoṣakṛdbhujyamānāni cedduṣṭatāṃ tadgṛhiṇyāstathā syādupānatphalaṃ gostu sammūtraṇe'varṇajaḥ saṅkaraḥ || gamanamukhamupānahaṃ sampragṛhyopatiṣṭhed yadā syād tadā siddhaye māṃsapūrṇānane'rthāptirādreṇa cāsthnā śubhaṃ sāgnyalātena śuṣkeṇa cāsthnā gṛhītena mṛtyuḥ praśāntolmukenābhighāto'tha puṃsaḥ śirohastapādādi vaktre bhuvo'bhyāgamo vastracīrādibhirvyāpadaḥ ke cidāhuḥ savastre śubham |
praviśati tu gṛhaṃ saśuṣkāsthivaktre pradhānasya tasminvadhaḥ śṛṅkhalāśīrṇavallīvaratrādi vā bandhanaṃ copagṛhyopatiṣṭhed yadā syāttadā bandhanaṃ leḍhi pādau vidhunvan svakarṇāv uparyākramaṃścāpi vighnāya yāturvirodhe virodhastathā svāṅgakaṇḍūyane syātsvapaṃścordhvapādaḥ sadā doṣakṛt || 1 ||
[varṇajaḥ | hyāgamo]
[Analyze grammar]

sūryodaye'rkābhimukho virauti grāmasya madhye yadi sārameyaḥ |
eko yadā vā bahavaḥ sametāḥ śaṃsanti deśādhipamanyamāśu || 2 ||
[Analyze grammar]

sūryonmukhaḥ śvānaladiksthitaśca caurānalatrāsakaro'cireṇa |
madhyāhnakāle'nalamṛtyuśaṃsī saśoṇitaḥ syātkalaho'parāhṇe || 3 ||
[Analyze grammar]

ruvandineśābhimukho'stakāle kṛṣībalānāṃ bhayamāśu datte |
pradoṣakāle'niladiṅmukhaśca datte bhayaṃ mārutataskarottham || 4 ||
[dhatte | tu | dhatte]
[Analyze grammar]

udaṅmukhaścāpi niśārdhakāle vipravyathāṃ goharaṇaṃ ca śāsti |
niśāvasāne śivadinmukhaśca kanyābhidūṣānalagarbhapātān || 5 ||
[Analyze grammar]

uccaiḥ svarāḥ syustṛṇakūṭasaṃsthāḥ prāsādaveśmottamasaṃsthitā vā |
varṣāsu vṛṣṭiṃ kathayanti tīvrāmanyatra mṛtyuṃ dahanaṃ rujaśca || 6 ||
[Analyze grammar]

prāvṛṭkāle'vagrahe'mbho'vagāhya pratyāvartai recakaiścāpyabhīkṣaṇam |
ādhunvanto vā pibantaśca toyaṃ vṛṣṭiṃ kurvantyantare dvādaśāhāt || 7 ||
[pratyāvṛttai | abhīkṣṇam]
[Analyze grammar]

dvāre śiro nyasya bahiḥ śarīraṃ rorūyate śvā gṛhiṇīṃ vilokya |
rogapradaḥ syādatha mandirāntarbahirmukho vakti ca bandhakīṃ tām || 8 ||
[śaṃsati]
[Analyze grammar]

kuḍyamutkirati veśmano yadā tatra khānakabhayaṃ bhavettadā |
goṣṭhamutkirati gograhaṃ vadeddhānyalabdhimapi dhānyabhūmiṣu || 9 ||
[Analyze grammar]

ekenākṣṇā sāśruṇā dīnadṛṣṭirmandāhāro duḥkhakṛttadgṛhasya |
gobhiḥ sākaṃ krīḍamāṇaḥ subhikṣaṃ kṣemārogyaṃ cābhidhatte mudaṃ ca || 10 ||
[sārdhaṃ]
[Analyze grammar]

vāmaṃ jighrejjānu vittāgamāya strībhiḥ sākaṃ vigraho dakṣiṇaṃ cet |
ūruṃ vāmaṃ cendriyārthopabhogaḥ savyaṃ jighrediṣṭamitrairvirodhaḥ || 11 ||
[upabhogāḥ]
[Analyze grammar]

pādau jighred yāyinaścedayātrāṃ prāhārthāptiṃ vāñchitāṃ niścalasya |
sthānasthasyopānahau cedvijighretkṣipraṃ yātrāṃ sārameyaḥ karoti || 12 ||
[Analyze grammar]

ubhayorapi jighraṇe hi bāhvorvijñeyo ripucaurasamprayogaḥ |
atha bhasmani gopayīta bhakṣānmāṃsāsthīni ca śīghramagnikopaḥ || 13 ||
[vā ca]
[Analyze grammar]

grāme bhaṣitvā ca bahiḥ śmaśāne 88.14b bhaṣanti ceduttamapuṃ vināśaḥ |
yiyāsataścābhimukho virauti |
yadā tadā śvā niruṇaddhi yātrām || 14 ||
[Analyze grammar]

ukāravarṇe virute arthasiddhirokāravarṇena ca vāmapārśve |
vyākṣepamaukārarutena vindyānniṣedhakṛtsarvarutaiśca paścāt || 15 ||
[varṇena rute]
[Analyze grammar]

khaṃkheti coccaiśca muhurmuhurye ruvanti daṇḍairiva tāḍyamānāḥ |
śvāno'bhidhāvanti ca maṇḍalena te śūnyatāṃ mṛtyubhayaṃ ca kuryuḥ || 16 ||
[saṅkheti]
[Analyze grammar]

prakāśya dantānyadi leḍhi sṛkviṇī tadāśanaṃ mṛṣṭamuśanti tadvidaḥ |
yadānanaṃ leḍhi punarna sṛkviṇī pravṛttabhojye'pi tadānnavighnakṛt || 17 ||
[miṣṭam | ca avalihen]
[Analyze grammar]

grāmasya madhye yadi vā purasya bhaṣanti saṃhatya muhurmuhurye |
te kleśamākhyānti tadīśvarasya śvāraṇyasaṃstho mṛgavadvicintyaḥ || 18 ||
[Analyze grammar]

vṛkṣopage krośati toyapātaḥ syādindrakīle sacivasya pīḍā |
vāyorgṛhe sasyabhayaṃ gṛhāntaḥ pīḍā purasyaiva ca gopurasthe || 19 ||
[Analyze grammar]

bhayaṃ ca śayyāsu tadīśvarāṇāṃ yāne bhaṣanto bhayadāśca paścāt |
athāpasavyā janasanniveśe bhayaṃ bhaṣantaḥ kathayantyarīṇām || 20 ||
[Analyze grammar]