Chapter 49 - khaḍgalakṣaṇādhyāyaḥ [khaḍgalakṣaṇa-adhyāya]

[English text for this chapter is available]

aṅgulaśatārdhamuttama ūnaḥ syātpañcaviṃśatiḥ khaḍgaḥ |
aṅgulamānājjñeyo vraṇo'śubho viṣamaparvasthaḥ || 1 ||
[pañcaviṃśatiṃ]
[Analyze grammar]

śrīvṛkṣavardhamānātapatraśivaliṅgakuṇḍalābjānām |
sadṛśā vraṇāḥ praśastā dhvajāyudhasvastikānāṃ ca || 2 ||
[Analyze grammar]

kṛkalāsakākakaṅkakravyādakabandhavṛścikākṛtayaḥ |
khaḍge vraṇā na śubhadā vaṃśānugatāḥ prabhūtāśca || 3 ||
[Analyze grammar]

sphuṭito hrasvaḥ kuṇṭho vaṃśacchinno na dṛgmano'nugataḥ |
asvana iti cāniṣṭaḥ proktaviparyasta iṣṭaphalaḥ || 4 ||
[Analyze grammar]

kvaṇitaṃ maraṇāyoktaṃ parājayāya pravartanaṃ kośāt |
svayamudgīrṇe yuddhaṃ jvalite vijayo bhavati khaḍge || 5 ||
[Analyze grammar]

nākāraṇaṃ vivṛṇuyānna vighaṭṭayecca paśyenna tatra vadanaṃ na vadecca mūlyam |
deśaṃ na cāsya kathayetpratimānayenna naiva spṛśennṛpatiraprayato'siyaṣṭim || 6 ||
[Analyze grammar]

gojihvāsaṃsthāno nīlotpalavaṃśapatrasadṛśaśca |
karavīrapatraśūlāgramaṇḍalāgrāḥ praśastāḥ syuḥ || 7 ||
[Analyze grammar]

niṣpanno na chedyo nikaṣaiḥ kāryaḥ pramāṇayuktaḥ saḥ |
mūle mriyate svāmī jananī tasyāgrataśchinne || 8 ||
[Analyze grammar]

yasmintsarupradeśe vraṇo bhavettadvadeva khaḍgasya |
vanitānāmiva tilako guhye vācyo mukhe dṛṣṭvā || 9 ||
[Analyze grammar]

atha vā spṛśati yadaṅgaṃ praṣṭā nistriṃśabhṛttadavadhārya |
kośasthasyādeśyo vraṇo'sti śāstraṃ viditvedam || 10 ||
[Analyze grammar]

śirasi spṛṣṭe prathame'ṅgule dvitīye lalāṭasaṃsparśe |
bhrūmadhye ca tṛtīye netre spṛṣṭe catruthe ca || 11 ||
[Analyze grammar]

nāsauṣṭhakapolahanuśravaṇagrīvāṃsake ca pañcādyāḥ |
urasi dvādaśasaṃsthastrayodaśe kakṣayorjñeyaḥ || 12 ||
[nāsoṣṭha | aṃsakeṣu]
[Analyze grammar]

stanahṛdayodarakukṣinābhau tu caturdaśādayo jñeyāḥ |
nābhimūle kaṭyāṃ guhye caikonaviṃśatitaḥ || 13 ||
[kukṣinābhīṣu]
[Analyze grammar]

ūrvordvāviṃśe syādūrvormadhye vraṇastrayoviṃśe |
jānuni ca caturviṃśe jaṅghāyāṃ pañcaviṃśe ca || 14 ||
[Analyze grammar]

jaṅghāmadhye gulphe pārṣṇyāṃ pāde tadaṅgulīṣvapi ca |
ṣaḍviṃśatikād yāvattriṃśaditi matena gargasya || 15 ||
[Analyze grammar]

putramaraṇaṃ dhanāptirdhanahāniḥ sampadaśca bandhaśca |
ekādyaṅgulasaṃsthairvraṇaiḥ phalaṃ nirdiśetkramaśaḥ || 16 ||
[Analyze grammar]

sutalābhaḥ kalaho hastilabdhayaḥ putramaraṇadhanalābhau |
kramaśo vināśavanitāpticittaduḥkhāni ṣaṭprabhṛti || 17 ||
[Analyze grammar]

labdhirhāniḥ strīlabdhayo badho vṛddhimaraṇaparitoṣāḥ |
jñeyāścaturdaśādiṣu dhanahāniścaikaviṃśe syāt || 18 ||
[hānistrīlabdhayo]
[Analyze grammar]

vittāptiranirvāṇaṃ dhanāgamo mṛtyusampado'svatvam |
aiśvaryamṛtyurājyāni ca kramāttriṃśaditi yāvat || 19 ||
[Analyze grammar]

parato na viśeṣaphalaṃ viṣamasamasthāstu pāpaśubhaphaladāḥ |
kaiścidaphalāḥ pradiṣṭāstriṃśatparato'gramiti yāvat || 20 ||
[Analyze grammar]

karavīrotpalagajamadaghṛtakuṅkumakundacampakasagandhaḥ |
śubhado'niṣṭo gomūtrapaṅkamedaḥ sadṛśagandhaḥ || 21 ||
[Analyze grammar]

kūrmavasāsṛkkṣāropamaśca bhayaduḥkhado bhavati gandhaḥ |
vaidūryakanakavidyutprabho jayārogyavṛddhikaraḥ || 22 ||
[Analyze grammar]

idamauśanasaṃ ca śastrapānaṃ rudhireṇa śriyamicchataḥ pradīptām |
haviṣā guṇavatsutābhilipsoḥ salilenākṣayamicchataśca vittam || 23 ||
[Analyze grammar]

vaḍavoṣṭrakareṇudugdhapānaṃ yadi pāpena samīhate'rthasiddhim |
jhaṣapittamṛgāśvabastadugdhaiḥ karihastacchidaye satālagarbhaiḥ || 24 ||
[Analyze grammar]

ārkaṃ payo huḍuviṣāṇamaṣīsametaṃ pārāvatākhuśakṛtā ca yutaḥ pralepaḥ |
śastrasya tailamathitasya tato'sya pānaṃ paścācchitasya na śilāsu bhavedvighātaḥ || 25 ||
[yutaṃ]
[Analyze grammar]

kṣāre kadalyā mathitena yukte dinoṣite pāyitamāyasaṃ yat |
samyak śitaṃ cāśmani naiti bhaṅgaṃ na cānyaloheṣvapi tasya kauṇṭhyam || 26 ||
[Analyze grammar]