Chapter 19

sūta uvāca |
gato yāgagṛhādanyanmaṇḍalāṃtaramāśritaḥ |
yajamānastathā nityaṃ karma kṛtvā yathāvidhi || 1 ||
[Analyze grammar]

paṃca devānnamaskṛtya tathā yajñeśvaraṃ harim |
saṃkalpaṃ ca tataḥ kṛtvā brāhmaṇānāmanujñayā || 2 ||
[Analyze grammar]

etasminpuṇyadeśe tu phalaṃ gotraśca vai yamaḥ |
vedavyāsādipraṇītaṃ yathāśāstranidarśanam || 3 ||
[Analyze grammar]

yathāyathā svatantroktaṃ puṇyā raṇyābhidhāyakam |
jalāśayapratiṣṭhāyāṃ kariṣye vidhivaddvijāḥ || 4 ||
[Analyze grammar]

yathāyathā ca kalpoktaṃ yathākuṇḍaṃ vidhānataḥ |
sādhivāsaṃ yathaivaikaḥ puṇyāraṇyavidhāyakaḥ || 5 ||
[Analyze grammar]

jalāśayapratiṣṭhāṃ ca kariṣye vidhivaddvijāḥ |
saṃkalpamevaṃ kṛtvā tu vṛddhiśrāddhaṃ samācaret || 6 ||
[Analyze grammar]

mātṛyāgaṃ puraskṛtya vṛddhiśrāddhaṃ samāpayet || 7 ||
[Analyze grammar]

bheryādighoṣeṇa sumaṃgalena padyaṃ likhedatra saṣoḍaśākṣaram |
indrādidikpālavarāyudhāni samullikhedeva diśi sthitāni || 8 ||
[Analyze grammar]

brahmeśānvarayetsarvānācāryaṃ tu viśeṣataḥ |
svarṇakuṃḍalayugmena tathā tāmrādibhājanaiḥ || 9 ||
[Analyze grammar]

nānāratnaiśca vastraiśca ācāryaṃ varayedbudhaḥ |
hemālaṃkārayugmaiśca vāsobhirvividharaipi || 10 ||
[Analyze grammar]

yathāmānaṃ yathāśakti yathābhivṛṇuyādbudhaḥ |
racitā yajamānena dhruvaṃ svastyastu te iti || 11 ||
[Analyze grammar]

tataḥ sarvauṣadhībhiśca yajamānaḥ sapatnikaḥ |
āpohiṣṭhetimantreṇa snāpayāmāsuraprajāḥ || 12 ||
[Analyze grammar]

yavagodhūmanīvāratilaśyāmākaśālayaḥ |
priyaṃguvrīhayaścāṣṭau sarvauṣadhigaṇaḥ smṛtaḥ || 13 ||
[Analyze grammar]

tataḥ śuklāmbaradharaḥ śuklamālyānulepanaḥ |
sarvauṣadhyudakasnātaḥ snāpito vedapuṅgavaiḥ || 14 ||
[Analyze grammar]

brāhmaṇairabhyanujñātaḥ purohitapuraḥsaraḥ |
nānāmaṃgalaghoṣeṇa bherīpaṭahanisvanaiḥ || 15 ||
[Analyze grammar]

yajamānaḥ sapatnīkaḥ putrapautrasamanvitaḥ |
paścimaṃ dvāramāsādya praviśed yāgamaṇḍapam || 16 ||
[Analyze grammar]

carake pūjayedvighnaṃ gaṃgāṃ ca yamunāṃ tathā |
pārśvayoścārdhato lakṣmīṃ pratihāramanukramāt || 17 ||
[Analyze grammar]

vediṃ pradakṣiṇīkṛtya namaskuryādyathāvidhi |
upaviśya tatastasminbrāhmaṇānumate sthitaḥ || 18 ||
[Analyze grammar]

svasti vācyaṃ tataḥ kṛtvā paṃca devānprapūjayet |
bhūtotsādaṃ tataḥ kṛtvā vikirānvikiredbhuvi || 19 ||
[Analyze grammar]

apakrāmaṃtu ye bhūtā ye cāsminviprakārakāḥ |
yasmānno nāmni vartaṃte yajñamātraṃ pravartatām || 20 ||
[Analyze grammar]

pūjayedāsanaṃ paścātsvakīyaṃ puṣpacaṃdanaiḥ |
namonaṃtāsanāyeti tathā padmāsanāya ca || 21 ||
[Analyze grammar]

vimalāsanāya ca namo namaḥ sārāsanāya ca |
yogāsanāya ca namaḥ pṛthivyai nama ityapi || 22 ||
[Analyze grammar]

tato bhūmitale vāmahastaṃ dattvā paṭhennaraḥ |
pṛthvi tvayā dhṛtā lokā devi tvaṃ viṣṇunā dhṛtā || 23 ||
[Analyze grammar]

tvaṃ ca dhāraya māṃ nityaṃ pavitramāsanaṃ kuru |
sūryāyārghyaṃ tato dattvā guruṃ natvā kṛtāñjaliḥ || 24 ||
[Analyze grammar]

devaṃ hṛtpadmake nītvā prāṇāyāmatrayaṃ caret |
tato'rcayedvighnarājamaiśānyāṃ ca ghaṭopari || 25 ||
[Analyze grammar]

gandhapuṣpaistathā vastrairnaivedyairvividhairapi |
gaṇānāṃ tveti maṃtreṇa brahmāṇaṃ tadanaṃtaram || 26 ||
[Analyze grammar]

ābrahmanniti ṛcā tadviṣṇoriti saṃsmaran |
vāsudevaṃ tataḥ paścādbalibhirgandhacaṃdanaiḥ || 27 ||
[Analyze grammar]

tato devaśarīraṃ tu navamāsādya triṃśatam |
vedyāśca paritaḥ sarvānsvesve sthāne yathākramam || 28 ||
[Analyze grammar]

tato rājādhirājena bhūtaśuddhiṃ samācaret |
tato budbudamadhye tu śvetapadmāsanasthitam || 29 ||
[Analyze grammar]

śuddhasphaṭikasaṃkāśaṃ śaṃkhakundendusaprabham |
kirīṭakuṇḍalayutaṃ sitaṃ paṃkajadhāriṇam || 30 ||
[Analyze grammar]

śuklamālyāṃbaraṃ śuklaṃ śuklagaṃdhānulepanam |
ahituṇḍāsanasthaṃ ca pāśahastaṃ mahābalam || 31 ||
[Analyze grammar]

stūyamānaṃ suragaṇaiḥ siddhagaṃdharvasevitam |
sucāruvadanaṃ devaṃ padmamālopaśobhitam || 32 ||
[Analyze grammar]

rājīvalocanaṃ nityaṃ nāgalokopaśobhitam |
makaragrāhakūrmādyairnānājalacarairvṛtam || 33 ||
[Analyze grammar]

jalāśayagataṃ devaṃ ciṃtayejjalaśāyinam |
tato nyāsaṃ prakurvīta pacāṃgatvāvaśobhitam || 34 ||
[Analyze grammar]

arghyapātraṃ tataḥ kṛtvā tribhāgajalapūritam |
aṣṭadhā mūlamaṃtraṃ ca japtvā tenodakena ca || 35 ||
[Analyze grammar]

āsanaṃ yāgavastūni prokṣayettena vāriṇā |
aruṇāya vidmahe tamoghnāya ca dhīmahi || 36 ||
[Analyze grammar]

tanno aruṇaḥ pracodayāditi snānaṃ samācaret |
tato gaṇeśamaiśānyāmāgneyyāṃ gurupādukām || 37 ||
[Analyze grammar]

dharmādharmādikānsarvāntsattvādīnatha cārcayet |
sūryasomajalādīnāṃ maṇḍalāni yathākramam || 38 ||
[Analyze grammar]

madhye śaktiṃ ca kṣīrodamanaṃtaṃ pṛthivīṃ tathā |
kūrmaṃ cādhāraśaktiṃ ca sumeruṃ mandaraṃ tathā || 39 ||
[Analyze grammar]

pañcatattvaṃ samabhyarcya sāṃgopāgamanaṃtaram |
tataḥ śvetaṃ ca kusumaṃ sākṣataṃ yogamāyayā || 40 ||
[Analyze grammar]

gṛhītvā pūrvavaddeśe sthāpayetkalaśopari |
āvāhanaṃ tataḥ kṛtvā mantreṇānena maṃtravit || 41 ||
[Analyze grammar]

ehyehi bhagavanvaruṇa eṣa yajñaḥ pravartate |
yajñabhāgaṃ gṛhāṇedaṃ tvāmevāvāhayāmyaham || 42 ||
[Analyze grammar]

evamāvāhya lokeśamaṣṭau mudrāḥ pradarśayet |
gāyatryā snāpayitvā tu dadyātpādyādikatrayam || 43 ||
[Analyze grammar]

puṣpāñjaliṃ tato dattvā mūlamaṃtreṇa deśikaḥ |
pūrvādipatramūleṣu dharmādīnpūjayedbudhaḥ || 44 ||
[Analyze grammar]

sattvādyāḥ pūjayettatra teṣāmeva varāṃganāḥ |
jñānaṃ dharmaṃ ca somaṃ ca rajaḥ sattvaṃ tamastathā || 45 ||
[Analyze grammar]

pūrvādipatramadhye tu grahānaṣṭau prapūjayet |
patrāgre lokapālānāmagnyā dīnāyudhāṃstathā || 46 ||
[Analyze grammar]

karṇikādakṣiṇe pūrvaṃ vāme cāpi śacīpatim |
pūrvapatre tu brahmāṇaṃ pūjayetsitapaṅkajaiḥ || 47 ||
[Analyze grammar]

nairṛtye varuṇa syātha madhye'naṃtaṃ prapūjayet |
pīṭhamantreṣu pūrvādibrahmāṇaṃ ca śivaṃ tathā || 48 ||
[Analyze grammar]

viṣṇuṃ cāpi gaṇeśaṃ ca pṛthivīṃ gaṃdhacandanaiḥ |
japenmantraṃ sāṣṭaśataṃ sahasraṃ vijapedbudhaḥ || 49 ||
[Analyze grammar]

jānubhyāmavanīṃ gatvā vijayākhyastavaṃ paṭhet |
īśānādipīṭhakoṇeṣu kamalāmaṃbikāṃ tathā || 50 ||
[Analyze grammar]

nairṛtyāṃ viśvakarmāṇaṃ vāyavye tu sarasvatīm |
pūrvādidvāradeśe tu marutaṃ cāvahādikam || 51 ||
[Analyze grammar]

āvahaṃ pravahaṃ caiva tathaivodvahasaṃvahau |
vinyasetpaścime dvāri nivahaṃ ca parīvaham || 52 ||
[Analyze grammar]

vinyaseduttaradvāri marutaṃ ca parābhavam |
āgneyādiṣu koṇeṣu bahiṣpīṭhaṃ tato jayet || 53 ||
[Analyze grammar]

piśācānrākṣasānbhūtānvetālāṃśca tathā kramāt |
kṣobhakaḥ kāmarūpaśca saubhadro marutastathā || 54 ||
[Analyze grammar]

gomukho nandabhadraśca dvijihvo malinastathā |
hastikarṇo viśālākhyaḥ saptarakṣogaṇaḥ smṛtaḥ || 55 ||
[Analyze grammar]

bhūmido varadaścaiva jayaṃtaḥ kṣobhakastathā |
vivasvaṃtaḥ sudaṃtaśca ete bhūtagaṇāḥ smṛtāḥ || 56 ||
[Analyze grammar]

aṃgado nīlakarṇo'sau vasaṃto yāvakastathā |
ghorarūpā mahākāyaḥ vetālāśca prakīrtitāḥ || 57 ||
[Analyze grammar]

gaṃdhapuṣpākṣatairbhaktaṃ sarve devā grahādayaḥ |
dhyānavarṇānurūpeṇa pūjanīyāḥ prayatnataḥ || 58 ||
[Analyze grammar]

dhyāyedādityamāraktaṃ raktapadmāsanasthitam |
raktāṃbaradharaṃ raktaṃ raktamālyānulepanam || 59 ||
[Analyze grammar]

yavavidrumasaṃkāśaṃ siṃdūrāruṇasaprabham |
ākṛṣṇeneti maṃtreṇa sthāpayetkalaśopari || 60 ||
[Analyze grammar]

ihāgaccheti cāvāhya pādyārghyaiśca pṛthagvidhaiḥ |
gaṃdhapuṣpādibhirbhaktyā pūjayettaṃ yathāvidhi || 61 ||
[Analyze grammar]

baliṃ ca lohitaṃ dadyātpāyasaṃ dadhikhaṃḍakam |
ghṛtaliptaṃ ca śālyannaṃ patākāṃ raktavarṇikām || 62 ||
[Analyze grammar]

śvetāṃbaradharaṃ śvetaṃ śuklagaṃdhānu lepanam |
dvibhujaṃ varadaṃ devaṃ gadāhastaṃ mahābalam || 63 ||
[Analyze grammar]

nānābharaṇasaṃpannaṃ siddhagaṃdharvasevitam |
śuklapadmāsanasthaṃ cāśvaṃ dadyācchvetabhūṣitam || 64 ||
[Analyze grammar]

imaṃ devā iti maṃtreṇa sthāpayetpūrvadigdale |
sitavastraiśca puṣpaiśca śuklamālyānulepanaiḥ || 65 ||
[Analyze grammar]

pāyasaiḥ śvetabalibhirdadhibhaktaṃ nivedayet |
dhūpaiḥ śvetapatākābhirnaivedyairvividhairapi || 66 ||
[Analyze grammar]

raktamālyāṃbaraṃ devaṃ raktābharaṇabhūṣitam |
sucārunayanaṃ raktaṃ raktapadmāsanasthitam || 67 ||
[Analyze grammar]

kirīṭakuṃḍaladharaṃ meṣakaṃṭhaṃ caturbhujam |
varadaṃ yajñanāśaṃ ca śūlaśaktigadādharam || 68 ||
[Analyze grammar]

sarvakāmapradaṃ devaṃ siddhagaṃdharvasevitam |
ciṃtayetparayā bhaktyā maṃgalaṃ dharaṇīsutam || 69 ||
[Analyze grammar]

agnimīḷetimaṃtreṇa sthāpayedagnidigdale |
pūjayedraktapuṣpaiśca raktamālyānulepanaiḥ || 70 ||
[Analyze grammar]

dhūpai raktapatākābhirguḍabhaktanive danaiḥ |
atasīpuṣpasaṃkāśaṃ karṇikārasamaprabham || 71 ||
[Analyze grammar]

rauhiṇeyaṃ mahākāyaṃ nīlanīrajalocanam |
praśāṃtavadanaṃ devaṃ pītavastraṃ caturbhujam || 72 ||
[Analyze grammar]

khaṅgacarmadharaṃ tadvadgadāparaśudhāriṇam |
padmāsanagataṃ devaṃ pītapadmāsanasthitam || 73 ||
[Analyze grammar]

nānābharaṇasaṃpūrṇaṃ mṛgendravaravāhanam |
udbudhyasveti maṃtreṇa yā myāṃ tu sthāpayedbudham || 74 ||
[Analyze grammar]

pūjayedgandhapuṣpādyaiḥ pītagaṃdhānulepanaiḥ |
vastraiḥ pītapatākābhirbalibhiḥ kṛśarānvitaiḥ || 75 ||
[Analyze grammar]

pītavarṇaṃ guruṃ dhyāyetpītapadmāsanasthitam |
pītābharaṇasaṃpannaṃ pītavastraṃ caturbhujam || 76 ||
[Analyze grammar]

varadaṃ daṃḍahastaṃ ca sākṣasūtrakamaṃḍalum |
pūjyamānaṃ sugaṃdharvaiḥ sendrairdevagaṇairapi || 77 ||
[Analyze grammar]

bṛhaspataya iti maṃtreṇa nairṛtyāṃ diśi saṃsthitam |
pītacandanagaṃdhaiśca pītavastrādibhūṣaṇaiḥ || 78 ||
[Analyze grammar]

dhūpaiḥ pītapatākābhiḥ pītodakanivedanaiḥ |
pūjayetparayā bhaktyā puraṃdarapurohitam || 79 ||
[Analyze grammar]

dhyāyecchukraṃ bhṛgusutaṃ śvetapadmāsanasthitam |
caturbhujaṃ mahākāyaṃ varadaṃ daṃḍadhāriṇam || 80 ||
[Analyze grammar]

mahābāhuṃ viśālākṣaṃ sākṣasūtrakamaṃḍalum |
stūyamānaṃ muniśreṣṭhaiḥ sevitaṃ daityapuṅgavaiḥ || 81 ||
[Analyze grammar]

siṃhāsanagataṃ devaṃ nīlendīvaralocanam |
vilasatpuṇḍarīkasya mālābhirupaśobhitam || 82 ||
[Analyze grammar]

nānādaityendraputrāṃśca pāṭhayantaṃ muhurmuhuḥ |
nānāśastrāstracaturaṃ nānāśāstraviśāradam || 83 ||
[Analyze grammar]

evaṃ dhyātvā bhṛguśreṣṭhaṃ japannannātparisrutam |
manasā bhaktiyuktena sthāpayetpaścime dale || 84 ||
[Analyze grammar]

sitacaṃdanavastraiśca dhūpamālyānulepanaiḥ |
dhūpaiḥ śvetapatākābhiḥ saktubhiḥ kṣīrasaṃyutaiḥ || 85 ||
[Analyze grammar]

pūjayetparayā bhaktyā puṃḍarīkākṣatairapi |
dhyāyetsauriṃ caturbāhuṃ śūlahastaṃ varapradam || 86 ||
[Analyze grammar]

indranīlanibhaṃ śyāmaṃ divya bāṇadhanurdharam |
indīvarāsanasthaṃ ca sarojavarasaprabham || 87 ||
[Analyze grammar]

nīlāṃbaradharaṃ nīlapadmamālopaśobhitam |
ghorarūpaṃ mahākāyaṃ chāyāhṛdayanandanam || 88 ||
[Analyze grammar]

śannodevīti maṃtreṇa vāyavyāṃ diśi vinyaset |
kṛṣṇacaṃdanavastraiśca kṛṣṇamālyānulepanaiḥ || 89 ||
[Analyze grammar]

dhūpairnīlapatākābhirbalibhirmāṣamiśritaiḥ |
dhūmravarṇaṃ sadā ketuṃ gadāhastaṃ varapradam || 90 ||
[Analyze grammar]

dvibhujaṃ bhīmakāyaṃ ca dhūmrākṣaṃ dhūmravāsasam |
ketuṃ kṛṇvanniti mantreṇa aiśā nyāṃ sthāpayeddiśi || 91 ||
[Analyze grammar]

dhūmravarṇaiśca mālyaiśca dhūmragaṃdhānulepanaiḥ |
dhūmradhūmrapatākābhirbalibhirmāṣamiśritaiḥ || 92 ||
[Analyze grammar]

pūjayetparayā bhaktyā ketuṃ sarvārthasiddhidam |
lokapālānahaṃ vakṣye sarvasiddhipradāyakān || 93 ||
[Analyze grammar]

yeṣu pūjitamātreṣu nālabhyaṃ vidyate kvacit |
devarājaṃ tato dhyāyetpuṣpabāṇacayaprabham |
dvibhujaṃ pītasaṃkāśaṃ nīlendīvaralocanam || 94 ||
[Analyze grammar]

raktotpaladharaṃ tadvatpītavāsasamanvitam |
cāmarāsaktahastaiśca kanyāratnaiśca śobhitam || 95 ||
[Analyze grammar]

indrāṇīṃ ciṃtayedvāme utpaladvayadhāriṇīm |
evaṃ saṃpūjayedbhaktyā surarājaṃ jagatprabhum |
trātāramiti mantreṇa sthāpayetkarṇikottare || 96 ||
[Analyze grammar]

pūjayetparayā bhaktyā dhṛpagaṃdhānulepanaiḥ |
nānāvidhopahāraiśca patākābhirdhvajairapi || 97 ||
[Analyze grammar]

baliṃ kṣīrānvitaṃ dadyānmodakaṃ sitaśarkarām |
uttaptasvarṇasaṃkāśaṃ vītihotraṃ caturbhujam || 98 ||
[Analyze grammar]

ardhacandrasamasthaṃ ca ajavāhanamuttamam |
jvālāvitānasaṃraktaṃ mūrdhni saptaśikhānvitam || 99 ||
[Analyze grammar]

varadaṃ vibhayaṃ mālāṃ dakṣe sūtraṃ kamaṇḍalum |
trinetraṃ raktanayanaṃ jaṭāmukuṭamaṃḍitam || 100 ||
[Analyze grammar]

nānābharaṇasaṃpannaṃ siddhagandharvasevitam |
agnijihveti maṃtreṇa snāpayedagnidigdale || 101 ||
[Analyze grammar]

pūjayedraktapuṣpaiśca raktamālyānulepanaiḥ |
dhūpai raktapatākābhirbalibhiḥ pāyasairapi || 102 ||
[Analyze grammar]

nīlāñjanacayaprakhyaṃ nīlasiṃhāsanasthitam |
mahāmahiṣamārūḍhaṃ daṃḍapāśadhara vibhum || 103 ||
[Analyze grammar]

karālavadanaṃ bhīmaṃ jvālā ghūrṇitalocanam |
ghoradaṃṣṭrākarālaiśca kiṃkarāṇāṃ gaṇairvṛtam |
mahiṣaṃ ciṃtayedvāme citraguptaṃ ca dakṣiṇe || 104 ||
[Analyze grammar]

acchīyasa iti maṃtreṇa sthāpayedyamadigdale |
pūjayetparayā bhaktyā dharmarājaṃ jagadgurum |
rākṣasendraṃ mahākāyaṃ kṛṣṇavarṇaṃ dvibāhukam || 105 ||
[Analyze grammar]

nānābharaṇasaṃpannaṃ khaṅgahastaṃ mahāba lam |
varamuktāvimānasthaṃ ghorarūpaṃ jaleśvaram || 106 ||
[Analyze grammar]

eṣa ta iti maṃtreṇa nairṛtyāṃ sthāpayeddiśi |
kṛṣṇacandanavastraiśca kṛṣṇamālyānulepanaiḥ || 107 ||
[Analyze grammar]

dhūpaiḥ kṛṣṇapatākābhirbalibhirmāṣamiśritaiḥ |
śuddhasphaṭikasaṃkāśaṃ śaṃkhakundendusaprabham || 108 ||
[Analyze grammar]

dvibhujaṃ pāśahastaṃ ca sundarāṅgaṃ varapradam |
varuṇasyeti maṃtreṇa sthāpayetpaścime dale || 109 ||
[Analyze grammar]

sitacandanadhūpaiśca patākābhirdhvajairapi || 110 ||
[Analyze grammar]

samīraṇaṃ kuñjaravarṇasannibhaṃ mṛgādhirūḍhaṃ dvibhujaṃ dvinetram |
dhvajāṃbaraṃ cāpi dadhānamekaṃ nīlāṃbaraṃ meghagaṇairvṛtaṃ ca || 111 ||
[Analyze grammar]

nīlacandanavastraiśca nīlamālyānulepanaiḥ |
pūjayetparayā bhaktyā patākābhirdhvajairapi || 112 ||
[Analyze grammar]

dhūpairnīlapatākābhirbalibhiḥ pāyasairapi || 113 ||
[Analyze grammar]

dhyāyeddvinetraṃ dvibhujaṃ dhaneśaṃ pītāṃbaraṃ vai naravāhanaṃ ca |
gadādharaṃ bhaktavarapradaṃ ca āvāhayeduttarapadmapatre || 114 ||
[Analyze grammar]

gandhacaṃdanavastraiśca pītamālyānulepanaiḥ || 115 ||
[Analyze grammar]

dhūpaiḥ pītapatākābhirbalibhiḥ pāyasairapi || 116 ||
[Analyze grammar]

snigdhakarpūrasaṃkāśaṃ tuṣārakiraṇaprabham |
triśūlatumburudharaṃ tathābhayavarapradam || 117 ||
[Analyze grammar]

uttaṃgavṛṣabhārūḍhaṃ trinetraṃ bhasmabhūṣitam |
kapālamālinaṃ tadvatkhaṇḍeṃdukṛtaśekharam || 118 ||
[Analyze grammar]

evaṃ dhyātvā maheśānaṃ sthāpayedīśadigdale || 119 ||
[Analyze grammar]

pūjayetparayā bhaktyā bhakṣyabhojyairanekaśaḥ || 120 ||
[Analyze grammar]

sitadhvajapatākābhirbalibhiḥ pāyasādibhiḥ |
tvamīśāna iti maṃtreṇa ṛṣiṃ chandaḥ samīrayan || 121 ||
[Analyze grammar]

brahmāṇaṃ raktagaurāgaṃ śoṇa padmasamaprabham |
rājīvalocanaṃ tadvatpadmagarbhasamaprabham || 122 ||
[Analyze grammar]

padmāsanasthitaṃ tadvacchvetavastraṃ caturbhujam |
caturmukhaṃ suraśreṣṭhaṃ meghagambhīranisvanam || 123 ||
[Analyze grammar]

rājahaṃsasamāyuktaṃ vimānavarasaṃsthitam |
sruksruvau dakṣiṇe haste vāme daṃḍaṃ kamaṇḍalum || 124 ||
[Analyze grammar]

kurvāṇamiva lokāṃstrīnsiddhagandharvasevitam |
ājyasthālīṃ tathaivāgre kuśāṃśca samidhaṃ tathā || 125 ||
[Analyze grammar]

vāmapārśve tu sāvitrīṃ dakṣiṇe tu sarasvatīm |
ābrahmanniti maṃtreṇa sthāpayetpūrva digdale || 126 ||
[Analyze grammar]

nānābhakṣyopacāraiśca pūjayedgaṃdhacandanaiḥ |
dhūpaiḥ śvetapatākābhirbalibhiścājyapāyasaiḥ || 127 ||
[Analyze grammar]

anantaśuklavarṇābhaṃ pītavastraṃ caturbhujam |
śaṃkhacakragadāpadmadhāriṇaṃ jagadīśvaram || 128 ||
[Analyze grammar]

ādhārabhūtaṃ jagatāṃ svarṇayajñopavītinam |
nānābharaṇasampannaṃ phaṇāśatasamanvitam || 129 ||
[Analyze grammar]

oṃ namostviti maṃtreṇa sthāpayedvaruṇāṃtare |
pūjayedbhakṣyabhojyaiśca dīpagandhānulepanaiḥ || 130 ||
[Analyze grammar]

dhūpaiḥ śvetapatākābhirbalibhiścaiva nirmitaiḥ |
tato maṇḍalapūrve tu brahmāṇaṃ pītavāsasam || 34 ||
[Analyze grammar]

caturbhujaṃ caturvaktraṃ sruvahastaṃ varapradam |
bibhrataṃ ca śrutaṃ tadvattathā daṃḍakamaṇḍalū || 132 ||
[Analyze grammar]

ābrahmanniti mantreṇa pūjayedgandhacandanaiḥ |
dakṣiṇe tryaṃbakaṃ dhyāyecchūlakhaṭvāṃdhāriṇam || 133 ||
[Analyze grammar]

varadaṃ ḍamarudharaṃ nāgayajñopavītinam |
nibaddha jṛṭacandrārdhaṃ śuddhasphaṭikasannibham || 134 ||
[Analyze grammar]

kapālamālinaṃ devaṃ bhujaṃgābharaṇānvitam |
trinetraṃ kundasaṃkāśaṃ bhūtapretagaṇairvṛtam || 135 ||
[Analyze grammar]

tryaṃbakaṃ ceti mantreṇa pūjayenmadhupāyasaiḥ |
atasīpuṣpasaṃkāśaṃ hārakeyūrabhūṣitam || 136 ||
[Analyze grammar]

nānābharaṇasaṃpannaṃ pītavastraṃ caturbhujam |
dakṣiṇe ca gadāṃ cakraṃ vāme śaṃkhaṃ sapadmakam || 137 ||
[Analyze grammar]

śriyā dakṣiṇato vāme sarasvatyā samanvitam |
tadviṣṇoriti maṃtreṇa sthāpayetpaścime tataḥ || 138 ||
[Analyze grammar]

pūjayedgandhapuṣpādyaiḥ pāyasena ghṛtena ca |
gaṇeśaṃ tu caturbāhuṃ vyālayajñopavītinam || 139 ||
[Analyze grammar]

gajendravadanaṃ devaṃ śvetavastraṃ caturbhujam |
paraśuṃ laguḍaṃ vāme dakṣiṇe daṃḍamutpalam || 140 ||
[Analyze grammar]

mūṣakasthaṃ mahākāyaṃ śaṅkhakundeṃdusaprabham |
yuktaṃ buddhikubuddhibhyāmekadaṃtaṃ bhayāpaham || 141 ||
[Analyze grammar]

nānābharaṇasaṃpannaṃ sarvāpattivināśanam |
gaṇānāṃ tviti mantreṇa vinyaseduttare dhruvam || 142 ||
[Analyze grammar]

uttaptajāṃbūnadahemasannibhāṃ lakṣmīṃ sarojāsanasaṃsthitāṃ śubhām |
vāme sarojaṃ dadhatīṃ tathaiva haste ca dakṣe dhṛtacāmarāṃ ca || 143 ||
[Analyze grammar]

śrīśca teti ca mantreṇa aiśānyāṃ maṃḍalādbahiḥ |
sthāpayetpūjayedbhaktyā sitacandana paṅkajaiḥ || 144 ||
[Analyze grammar]

modakaṃ paramānnaṃ ca yavakṣīraṃ nivedayet || 145 ||
[Analyze grammar]

tato devīmaṃbikāṃ divyarūpāṃ brahmeṃdrādyaiḥ stūyamānāṃ trinetrām |
siṃheśasthāṃ taptajāṃbūnadābhāṃ candrārddhenābaddhamauliṃ jaṭābhiḥ || 146 ||
[Analyze grammar]

divyairvastrairbāhubhiḥ sāgralambairdivyairmālyairbhūṣaṇaiḥ svairupetām |
brahmeṃdrādyairdurjayāṃ māhiṣāsyaṃ tīkṣṇairastrairdānavaṃ mardayaṃtīm || 147 ||
[Analyze grammar]

śūlaṃ tīkṣṇaṃ bāṇaśaktī ca tīkṣṇe khaḍgaṃ tīkṣṇaṃ bibhratīṃ dakṣiṇena |
cāpaṃ pāśaṃ kheṭakaṃ cāṃkuśaṃ ca ghaṇṭāṃ vāme bibhratīṃ vai kuṭhāram || 148 ||
[Analyze grammar]

śiraśchedādardhajātaṃ kabandhaṃ khaḍgaṃ tīkṣṇaṃ bibhratīṃ daityarājam |
nāgaiḥ pāśairveṣṭayitvā samaṃ tācchūlenainaṃ nighnatīṃ dehamadhye || 149 ||
[Analyze grammar]

sendrairdevaiḥ stūyamānāṃ suveṇīṃ gaṃdharvādyaiḥ siddhasaṃghaiśca sevyām |
nānāvastrairbhūṣaṇairdīpyamānāṃ dhyāyeddevīmaṃbikāmujvalaṃtīm || 150 ||
[Analyze grammar]

vastrairmālyairyakṣadhūpairvitānairbhakṣyairbhojyairmodakaiḥ pāyasaiśca |
māṃsaiḥ piṣṭaiśchāgalāḍhyairaśeṣaiḥ pūjyā devī caṃḍikā'bhīṣṭadā ca || 151 ||
[Analyze grammar]

śyāmāṃ ca pṛthivīṃ dhyāyetpaṃkajadvayadhāriṇīm || 152 ||
[Analyze grammar]

maṇḍūkasthāṃ dvibhujāṃ syonā pṛthivīti cārcayet |
nairṛtyāṃ viśvakarmāṇaṃ dvibhujaṃ ṭaṃkadhāriṇam || 193 ||
[Analyze grammar]

utpalaṃ dakṣiṇe haste padmasthaṃ pītavāsasam |
evaṃ dhyātvā tato brahmanniti maṃtreṇa pūjayet || 154 ||
[Analyze grammar]

svasthāṃ sarasvatīṃ dhyāyedvaradābhayadāyinīm |
pītavastrāṃ sumukuṭāṃ devagandharvasevitām || 155 ||
[Analyze grammar]

yāmadhā iti mantreṇa pūjayetsitacaṃdanaiḥ |
baliṃ śveta caruṃ dadyātkṛśaraṃ yāvakaṃ tathā || 156 ||
[Analyze grammar]

sthāpayedvāmadigbhāge kuṃdapuṣpaiḥ prapūjayet |
pūrvādidvāradeśe tu pūjayecca marudgaṇaiḥ || 157 ||
[Analyze grammar]

agnyādiṣu ca koṇeṣu bahirbhūtānsamācaret |
piśācā rākṣasā bhūtā vetālakapijātayaḥ || 158 ||
[Analyze grammar]

nirṇāsāścaiva te sarve raudrā vikṛtarūpiṇaḥ |
tato maṇḍala madhye tu vāruṇaṃ pūrvavartmanā || 159 ||
[Analyze grammar]

pūrayetkalaśe tatra suvarṇādivinirmitam |
kūrmaṃ kūrmākṛtiṃ kuryācchuddhasvarṇena sattamāḥ || 160 ||
[Analyze grammar]

bṛhatparva pramāṇena rājatasya ca durlabham |
pādaṃ pādena mānena aṃgulaṃ parimaṇḍalam || 161 ||
[Analyze grammar]

prauṣṭhīmatsyaṃ tathā kuryātkulīraṃ tāmranirmitam |
tenaikasya vinirmāṇaṃ dvyaṃgulāyāmavistṛtam || 162 ||
[Analyze grammar]

tathā mānena maṇḍūkaṃ tāṃ bhūmiṃ munisattamāḥ |
śiśumāraṃ ca vai samyaktolakadvayanirmitam || 163 ||
[Analyze grammar]

aṃgulatrayadīrghaṃ ca yathā tasyākṛtirbhavet |
sitacandanavastraiśca pūjanīyāḥ samaṃtataḥ || 164 ||
[Analyze grammar]

yāvakaiśca viśeṣeṇa bahumaṃtraviśāradān |
bahvṛcau pūrvamatsyārthe dakṣiṇe tu yajurvidau || 165 ||
[Analyze grammar]

sāsanau paścime cātha uttare'tharvaṇau smṛtau |
jayadhvamiti tānbrūyāddhotṛkānpunareva hi || 166 ||
[Analyze grammar]

sthāpayitvā pṛthaksūtre sarpaṃ ca mātaruddīpameva ca |
pañcāṃgaṃ śivasūktaṃ ca yathā viṣṇorharasya ca || 167 ||
[Analyze grammar]

jayāgrataḥ puruṣasūktamadbhyaḥ saṃbhūtameva ca |
āśuḥ śiśānamārabhya vayaṃ moṣāṃgarudrake || 168 ||
[Analyze grammar]

yajjāgrataścāgneśca viṣṇorarāṭameva ca |
samastādhyāyarudreṇa śatarudrākhyamīritam || 169 ||
[Analyze grammar]