Chapter 8

brahmovāca |
kartavyaṃ yadgṛhasthena tadidānīṃ nibodhata |
gadato dvijaśārdūla vistarācchāstratastathā || 1 ||
[Analyze grammar]

vaivāhike'gnau kurvīta gṛhyaṃ karma yathāvidhi |
śubhadeśāśrayaścaiva patnī vaivāhikī gṛhe || 2 ||
[Analyze grammar]

svāśrayeṇa vinā śakyaṃ na yasmādrakṣaṇādikam |
vittānāmiva dārāṇāmatastadvidhirucyate || 3 ||
[Analyze grammar]

hetavo hi trivargasya viparītāstu1 mānada |
arakṣaṇādbhavantyasmādamīṣāṃ rakṣaṇaṃ matam || 4 ||
[Analyze grammar]

nisargātpuṃsyasantoṣādguṇadoṣavimarṣataḥ |
duṣṭānāṃ cāpi saṃsargādrakṣyā eva ca yoṣitaḥ || 5 ||
[Analyze grammar]

puruṣasthānaveśmāni trividhaṃ prāhurāśrayam |
vittānāṃ rakṣaṇādyarthamapūrvādhigamāya ca || 6 ||
[Analyze grammar]

kulīno nītimānprājñaḥ satyasandho dṛḍhavrataḥ |
vinīto dhārmikastyāgī2 vijñeyaḥ puruṣāśrayaḥ || 7 ||
[Analyze grammar]

nagare kharvaṭe kheṭe grāme cāpi kramāgate |
yātrāvaśādvā nivaseddhārmikādyajanānvite || 8 ||
[Analyze grammar]

guruṇānumatastatra grāmaṇyādijanena vā |
prativeśmādyabādhena śuddhaṃ kuryānniveśanam || 9 ||
[Analyze grammar]

dvāracatvaraśālānāṃ 1 sarvakārukaveśmanām |
dyūtasūnāsurāveśanaṭarājānujīvinām || 10 ||
[Analyze grammar]

pākhaṇḍadevavīthīnāṃ rājamārgakulasya ca |
dūrātsuguptaṃ kartavyā jīvikā vibhavocitā || 11 ||
[Analyze grammar]

sāpidhānaikaniṣkāśaṃ śuddhapṛṣṭaṃ samantataḥ |
sadvṛttāptajanākīrṇamaduṣṭaprātiveśikam || 12 ||
[Analyze grammar]

prāgudakpravaṇe deśe vāstuvidyāvidhānataḥ |
pravibhaktakriyākāñkṣaṃ sarvartukamanoharam || 13 ||
[Analyze grammar]

arcāsnānodakāgāragoṣṭhāgāramahānasaiḥ |
yuktaṃ govājiśālābhiḥ sadāsībhṛtyakāśrayaiḥ || 14 ||
[Analyze grammar]

bahirantaḥ purastrīkaṃ sarvopakaraṇairyutam |
vibhaktaśayanoddeśamāptavṛddhairadhiṣṭhitam || 15 ||
[Analyze grammar]

arakṣaṇāddhi dārāṇāṃ varṇasaṅkarajādayaḥ |
dṛṣṭā hi bahavo doṣāstasmādrakṣyāḥ sadā striyaḥ || 16 ||
[Analyze grammar]

na hyāsāṃ pramadaṃ dadyānna svātantryaṃ na viśvaset |
viśvastavacca ceṣṭeta nyāyyaṃ bhartsanamācaret || 17 ||
[Analyze grammar]

nādhikāraṃ kvaciddadyādṛte pākādikarmaṇaḥ |
strīṇāṃ grāmīṇavattā hi bhogāyālaṃ suśāsitā || 18 ||
[Analyze grammar]

nityaṃ tatkarmayogena tāḥ kartavyā nirantarāḥ |
ityevaṃ sarvadā vyāpteḥ syādavidyanirāśrayā || 19 ||
[Analyze grammar]

daurgatyamatirūpaṃ1 cāpyasatsaṅgaḥ svatantratā |
pānāśanakathāgoṣṭhīpriyatvākarmaśīlatā2 || 20 ||
[Analyze grammar]

kuhakekṣaṇikāmuṇḍābhikṣukīsūtikādibhiḥ |
goprasaṅgaistathā3 sadbhirliṅgiyācakaśilpibhiḥ || 21 ||
[Analyze grammar]

saṃvāhodyānayātrāsūdyāneṣvāmantraṇādiṣu |
prasaṅgastīrthayātrārthaṃ dharmeṣu prakaṭeṣu ca || 22 ||
[Analyze grammar]

viprayogaḥ sadā bhartrā tajjñātikulaniḥsvatā |
amādhuryakadaryatve bhṛśaṃ puṃsāṃ ca vācyatā || 23 ||
[Analyze grammar]

atikrauryamatikṣāntiratyantābhītipātanam |
strībhirjitatvamatyarthaṃ satyaṃ tāstāḥ sadoṣatāḥ || 24 ||
[Analyze grammar]

strīṇāṃ4 patyuradhīnatvātpumāneva hi nindyate |
bhartureva hi tajjāḍyaṃ yadbhṛtyānāmayogyatā || 25 ||
[Analyze grammar]

tasmādyathoditāsvetā rakṣyāḥ śāsanatāḍanaiḥ |
tāḍanaiśca yathākālaṃ yathāvatsamupācaret || 26 ||
[Analyze grammar]

parigṛhya bahūndārānupacāraiḥ samo bhavet |
yathākramocitaiḥ karma dānasatkāravāsanaiḥ || 27 ||
[Analyze grammar]

prathamo'bhijano dharmo yogyatvaṃ ca suputratā |
pakṣe vittaṃ viśetstrīṇāṃ mānastatkāraṇaṃ tathā || 28 ||
[Analyze grammar]

tasmānmāno na kartavyo heyaścāpi na tatkṛtaḥ |
gurutve lāghave vāpi satāṃ kāryaṃ nibandhanam || 29 ||
[Analyze grammar]

ākasmike prayuñjānaḥ prekṣāvānmānalāghave |
sa yatkiñcanakāritvāccāyamevaiti lāghavam || 30 ||
[Analyze grammar]

yathā mānāpamānau hi prayujyetānimittataḥ |
tannimittā janatyāge prayatante tadāśritāḥ || 31 ||
[Analyze grammar]

etadeva hyapatyānāṃ1 jñeyaṃ mānanakāraṇam |
yatsvāpatyanimitteṣu2 pradhāne kulayogyate || 32 ||
[Analyze grammar]

tatsaṃyogātsukhaṃ puṃsāṃ mahadduḥkhaṃ viyogataḥ |
tatprāptiḥ prati hātavyā svārthāyaiva priyāṇyapi || 33 ||
[Analyze grammar]

ataḥ svārthaikaniṣṭho'yaṃ lokaḥ sarvo'vasīyate |
tatprasiddhirbhavedastamānād bhrāntividhāyakaḥ || 34 ||
[Analyze grammar]

tato dārādikā bhṛtyā niyantavyāstathā dvijāḥ |
yathehāmutra vā śreyaḥ prāpnuyāduttarottaram || 35 ||
[Analyze grammar]

strīṇāṃ dharmārthakāmeṣu nātisandhānamācaret |
tāsāṃ teṣvabhisandhānādbhavedātmābhisaṃhitaḥ || 36 ||
[Analyze grammar]

jāyā tvardhaṃ śarīrasya nṛṇāṃ dharmādisādhane |
nātastāsu vyathāṃ kāñcitpratikūlaṃ samācaret || 37 ||
[Analyze grammar]

yajñotsavādau nākasmātkāñcidāsāṃ viśeṣayet |
vastratāmbūladānādau pratipattau samo bhavet || 38 ||
[Analyze grammar]

priyāpriyatvaṃ bhedo hi kāmatastu rahogataḥ |
upacāraiḥ punarvākyaistulyavṛttiḥ praśasyate || 39 ||
[Analyze grammar]

ārtave tu punaḥ sarvā upagamyāḥ priyā iva |
pūrvābhijātadharmārthā putriṇī cottarottaram || 40 ||
[Analyze grammar]

udaggacchedanenaiva vidhinā nityamārtave |
tulyavṛttiryathākālaṃ svaṃ svaṃ vāsamakhaṇḍayan || 41 ||
[Analyze grammar]

nityaparyāyavāsānāmapādānamasūnviduḥ |
ṛtuduḥkhaṃ pramodaśca tathā pūrvaṃ samāgataḥ || 42 ||
[Analyze grammar]

anyayā saha yadduḥkhaṃ sadasadvā rahogatam |
utkaṇṭhitaṃ vā yatkiñcitsapatnīṣu na tadvaset || 43 ||
[Analyze grammar]

yatkiñcidanyasambaddhamanyathā kathitaṃ mithaḥ |
tasya kuryādanirvedamātmanaiva vicintayet || 44 ||
[Analyze grammar]

anyo'nyamatsarākhyānairna tā vācāpi bhartsayet |
guṇadoṣau ca vijñāya svayaṃ kuryānna niṣkalau || 45 ||
[Analyze grammar]

vastrālaṅkārabhojyādau tadapatyeṣvanukramāt |
mātṛdoṣānanādṛtya tulyadṛṣṭiḥ pitā bhavet || 46 ||
[Analyze grammar]

anyasyānyagatairdoṣairdūṣaṇaṃ na hi nītimat |
yattu teṣāmapatyaṃ tu tattulyamubhayorapi || 47 ||
[Analyze grammar]

prītiṃ dveṣamabhiprāyaṃ śaucāśaucagatāgamān |
bahirantaśca jānīyāddāsa gūḍhacaraiḥ sadā || 48 ||
[Analyze grammar]

ātmānamapi vijñāya cittavṛtteranīśvaram |
viśvaseta kathaṃ strīṣu sarvāvinayadhāmasu || 49 ||
[Analyze grammar]

vṛddhadāsyaḥ kramāyātā dhātryaśca paricārikāḥ |
tanmātṛpitṛkādyāśca ṣaṇḍavṛddhāścarā matāḥ || 50 ||
[Analyze grammar]

vividhaistatkathākhyānaistulyaśīladayānvitaiḥ |
praviśyāntarabhiprāyaṃ vidyātkāle prayojitaiḥ || 51 ||
[Analyze grammar]

teṣu teṣu kathārtheṣu kathyamāneṣu lakṣayet |
mukhākārādibhirliṅgairabhiprāyaṃ manogatam || 52 ||
[Analyze grammar]

sītārundhatisambandhaistathā śākuntalādibhiḥ |
sadasaccaritākhyānairbhāvaṃ vidyātpravṛttitaḥ || 53 ||
[Analyze grammar]

tadduṣṭānāmaduṣṭeṣu sādhūnāmitareṣu ca |
prītiḥ kathāprabandheṣu syātsakhyaṃ puruṣeṣvitaḥ || 54 ||
[Analyze grammar]

evamāgamaduṣṭābhyāmanumityā ca tattvataḥ |
strīṇāṃ viditvābhiprāyaṃ vartetāśu yathocitam || 55 ||
[Analyze grammar]

strībhyo vipratipannābhyaḥ prāṇairapi viyojanam |
dṛṣṭaṃ hi ca yathā 1 rājñāmato rakṣetprayatnataḥ || 56 ||
[Analyze grammar]

veṇyā gūḍhena śastreṇa hato rājā śubhadhvajaḥ |
mekhalāmaṇinā devyā sauvīraśca narādhipaḥ || 57 ||
[Analyze grammar]

bhrātrā devīprayuktena bhadraseno nipātitaḥ |
tathā putreṇa kārūṣo ghātito darpaṇāsinā || 58 ||
[Analyze grammar]

dvau kāśirājau vai vandyau cānandāpurayoṣitā |
viṣaṃ prayujya pañcatvamānītau pūjitātmakau || 59 ||
[Analyze grammar]

evamādi mahābhāgā rājāno brāhmaṇāśca ha |
strībhiryatra nipātyante tatrānyeṣviha kā kathā || 60 ||
[Analyze grammar]

tasmānnityāpramattena jāyā rakṣyāśca nityaśaḥ |
yathāvadupacaryāśca guṇadoṣānurūpataḥ || 61 ||
[Analyze grammar]

vaiṣamyādupacārāṇāṃ vikāraiścānimittajaiḥ |
viśeṣeṇa sapatnīkairakasmāccāpi vedanaiḥ || 62 ||
[Analyze grammar]

asambhāge ca vāgdaṇḍapāruṣyādaprasaṅgataḥ |
pradveṣo bhartari strīṇāṃ prakopaścāpi jāyate || 63 ||
[Analyze grammar]

tataścāyāti vārdhakyamudvoḍhuścāpi śatrutām |
tasmānna tānprayuñjīta doṣāndāravināśakān || 64 ||
[Analyze grammar]

na caitāḥ svakulācāramadharmaṃ vāpi cāñjasā |
na guṇāṃścāpyupekṣante prakṛtyā kimu pīḍitāḥ || 65 ||
[Analyze grammar]

satītve prāyaśaḥ strīṇāṃ pradṛṣṭaṃ kāraṇatrayam |
parapuṃsāmasamprītiḥ priye prītiḥ svarakṣaṇe || 66 ||
[Analyze grammar]

tasmātsurakṣitā nityamupacārairyathocitaiḥ |
subhṛtā1 nityakarmāṇaḥ kartavyā yoṣitaḥ sadā || 67 ||
[Analyze grammar]

uttamāṃ sāmadānābhyāṃ madhyamābhyāṃ tu madhyamām |
paścimābhyāmubhāmyāṃ ca adhamāṃ samprasādhayet || 68 ||
[Analyze grammar]

bhedadaṇḍau prayujyāpi prāgapatyādyapekṣayā |
tacchiṣṭānāṃ tadā paścātsāmadānaprasādhane || 69 ||
[Analyze grammar]

yāstu vidhvastacāritrā bhartuścāhitakārikāḥ |
tyājyā evaṃ striyaḥ sadbhiḥ2 kālakūṭaviṣopamāḥ || 70 ||
[Analyze grammar]

iṣṭāḥ 3 kulodgatāḥ sādhvyo vinītā bhartṛvatsalāḥ |
sarvadā sādhanīyāstāḥ sampradāyottarottaraiḥ 4 || 71 ||
[Analyze grammar]

evameva yathoddiṣṭaṃ strīvṛttaṃ yo'nutiṣṭhati |
prāpnotyeva sa sampūrṇaṃ trivargaṃ 5 lokasambhavam || 72 ||
[Analyze grammar]